لتلومني انت السبب
والصار كله من ايدك
وياك واصل مرحله
محتاجك .. ومااريدك
اماني : نايمه وطامسه بنص احلامي الورديه ههههه بمعنى الكلمه
اسمع امي تصيحلي حقيقه حلم ماعرف بعدني مامستوعبه الوضع وين اني
هههه فتحت عيوني شلون الدايخه مادري وين اني وشلون وشنو جنت احلم حتى حلمي نسيته عبالك احد ساطرني براسي
رفعت عيوني على امي من الدوخه الي اني بيها ما جاي اميز ملامح امي شلونها
-ه ها ماما شبيج (بنعاس)
رسل : ههههه لا واضحه النومه حليانه بعيونج
كومي لا تتعودين على التخمه كومي وياي للسوك لؤي يتعاجز يروح يكول مالي خلك فرة نسوان
اماني : هههههههه فلت منها الملعون هسة شلون هو مارضه يروح اني اتورط بداله ترة مو عدل هذا
رسل : هسة شلون وياكم اخذ ملابسي واهج منكم لو شلووووون
اماني : بتعجب لا لا شسالفه استهدي بالرحمن ماكلنا شي كتلها بمزاج نشاقيج يالحبيبه ههههههه وغمزتلها
رسل : اي خوش هسة عجبتيني كومي يلا بدلي انتظرج جوة لا سويها سنه
اماني : يلا ماشي جايه
شفت امي شلون ضاجت محد يطلع وياها عرفت عدها شي من السوك محتاجته حيل ومتوازيه عليه ههههه هو هذا طبعها اذا رادت شي ومحد راح وياها تهددنا تهج وتعوفنا
هههههههههاي وهي ماعدها بس بيت خالتي اقرب مكان تروحله اخخ ياالامهات عدهن سوالف
كمت واني اضحك وادردم ويه نفسي عندي حمام صغير داخل غرفتي يعني كد الحاجه مو واسع
غسلت وجهي واسناني وطلعت اشوف شنو البس
صراحه تعاجزت البس طلعت فستان اسود بيه مربعات بيض بس المربعات البيض اكثر من سواد الفستان طلعت شال هم لون ابيض وحذاء (تكرمون) رياضي
كملت وبدلت ونزلت اشوف امي لكيتها مدري شدور بمجرات الكاونتر
اماني : هاا امي خلصتي شنو ادورين
رسل : ادور دنبوس مالكيت عندج؟
اماني : اي عندي زايد بالشال للاحتياط هاج
انطيت امي الدنبوس
رسل : يلا امي نتوكل حتى نرجع قبل المغرب
اماني : يلا ماعندي شي خلصت
طلعنا والسوك مو حيل بعيد علينا نتمشاله بال ربع ثلث ساعه نصل اله
ضلينا نتمشى وندردش
رسل : اني كل غايتي اطلع اماني من البيت حسيت كلام خالتها لجم كَليبها ياعمري يبنيتي ربي لا يوفقه على اذيتج
اماني : وصلنا السوك وامي حايرة شتاخذ وشتريد
رسل : اول شي خل انبلش بالمحلات المنزليه
اماني : ماكلت لا الها رحنه هههههه والظاهر امي تريد تجدد الادوات مال مطبخ ماخلت شي ماجابته ههههه يمكن بابا منطيها الراتب كله
طلعنا من المنزلي راحت لمحلات العطور وهم ماخلت عطر يعتب عليها
رسل : خيي عندك من هذا العطر اثارة مدري رومانسي اسمه
اماني : سمعت امي وكمت اكرص بيها يمااااا ولللج فضحتينا اثارة شنو رومانسي شنو يبووووو يالفشله يلام لؤي من ما يطلع وياج
رسل : اشششش خل نفتهم اي خيي هذا انطيني ثنين اثارة واحد رومانسي
اماني : امي سولف واني غركت بهدومي من السمتحه طلعت بره المحل ههههه خرب ضيمج يمه مو هل ثخن اثارة انوب والله يالله
طلعت امي ورحت وياها لمحلات الملابس جابت كم دشداشه الها ووكعت عينها على دشداشه مصريه اخذت وحده منهن وشوفتتها الي
رسل : شوفي هاي حلوة
اماني : هههههه هاي شو تخرخش
رسل : لجج لا ضلين فاهيه
اماني : اي حلوة المن ترديها ؟
رسل : بغمزه الي
اماني : ياااا يمه شسالفه فاتحه ملهى شنو
رسل : ااااخخخ ربي دا شوف الغباء الي منطيه الها وللج شلون انقبلتي طبيه متكليلي
اماني : شلون ماانقبل اقل شي ماجابولي هذا الي يخرخش اشرحهه هههههاي
رسل : اششش ضحكت الرقاصه فضحتينه
اماني : سكتت واستغربت من امي ليش اشترت هذا الثوب هههه شنو تريد تركص اليوم
خلصنا من الملابس وجان اطب امي لمحل ملابس نسائيه (داخليه )
ماطبيت استحيت اطب ضليت برة
رسل : دشوف هاي العوبه وللجج دتعالي المن مستحيه
اماني : سحبت ايدي امي وفوتتني غصب عني خربببب صح المحل بس بنات بس احس روحي بوخت
يمااا خليني برة شسوي هنا
رسل : شوفي هذا السيت حلو
اماني : عزةةة امي شسالفه شسوين بهذا امشي نطلع منا
رسل : ولللج عوبه راح تجلطيني جايبتج اعلمج لباجر عكبه هم وراج زواج وقسمه خما ضلين مكابلتني
اماني : اي باله وهذا شنو فايدته بالزواج
رسل : شنو شنو فايدته امي هذا كل الفائده من وراه غمزتلها
اماني : شفت امي هيج رحت يمها اقيس حرارتها
رسل : شبيج يولييييي
اماني : مادري عبالي مصخنه
رسل : مصخنه شنو كتلج جاي اعلمج لا ضلين فكاكه بس فاكه حلكج
اماني :ضلت امي تشتري وتشوف بيه يمااا عزةة ملابس تخزيي معقولة باجر عكبه هم البس هيج اييييعععععع
طلعنا وضلينا نمشي الغراض صارن هواي
مامااااا شسالفه ارحميني ترة هذني هواي
رسل : هاااا سوده عليه مامنتبهها تعالي نكعد هناك
اماني : اشرت امي على محل عصاير وبيه حديقه ومقاعد عائليه
كعدنا وطلبنا عصير اني طلبت رمان وامي برتقال
خلصت امي قبلي واني بعدني امطك بالعصير ماريد اكوم وينطاح حضي هههههه خلاصه كلام جاي اضيع وقت
رسل : دكملي يلا نسيت بعد كم شغله اجيبهن يلاا
اماني : يما شسالفه ماخليتي شي بالسوك يعتب عليج مو حتى عيوني لوثتيها وياج دخليني استمتع بالعصير
رسل : كال لوثت عيونها كال دمشي ولي من يمي اروح وحدي خليج هنا لاتتحركين منا هو مو صوجج صوج الي يعلمج يا عوبه
اماني : عافتني امي ويه الغراض وراحت واني ضليت اشرب بالعصير واباوع على الحديقه
هذا طاب وهاي طالعه واباوع على العالم الي كاعده لاحظت اكو ثنين كاعدين سويه ويسولفون ويضحكون واحد مقابيل الثاني ونفس اللبس هههه يخبلون
انتبهت على اديهم بيها محابس باصابع الخطوبه بكَلبي كلت ربي يحفظهم رجعت باوعت على اديه وصفنت هسة لو ما تاثرت باهانت حسام وكملت حياتي حالي حاله جان هسة اني حتى اطفال عندي
صاافنه بافكاري واجه عامل المحل ياخذ الكلاصات السفري يذبهن
العامل : شبيه الحلو صافن
اماني : سمعته لو انصدمت لككك شنو هل قله الادب
العامل : مكلنا شي عيني لا تستشرفين براسي
اماني : اسمعععع لك ترة هسة افضحك بنص هل عالم
دنك راسه يمي شويه وكال
-انطيني رقمج لا اني افضحج هسة واكول هاي حبيبتي
اني سمعت هيج لو انكلب وجهي احمر واريد بس اموته شكد نذل ووصخ تقبل على خواتك
العامل : اذا خواتي كحا* مثلج كلشي يجيهن
اماني : ايا ساقط انت لو ...
بعدني ماكملت السالفه والعامل انسحب ورة ونضرب بوكس خلاه مايندل دربه اني كاعده فا مامبين منو الي ضربه
انلطخ العامل بالميز وخشمه كام ينزف
كمت من الخوفه رفعت راسي هذا مصطفى
مصطفى : ابن الكلب تتحاشر وبعرضي شبيك تخبلت
ضلي يضرب بيه وتخبل عليه الشباب كلها فزعت توخره وبالكوة وبالف يالله يلا كدروا يوخروه
اجه ابو المحل وتعذر من مصطفى وكاله امسحها بوجهي
بعدين خلصت من هل هوسه وصد عليه اني بهل موقف لو تذبحوني قطرة دم وحده ما ضلت بيه ماعرفت شسوي تجمددت اطرافي
مصطفى : احجي من بين سنوني وكلي عصبيه انتي شعندج هنا واكفه بعدج امشي كدامي
اماني : سمعت هيج كمت ماعرف شسوي الم بالغراض والعلاليك الي وياي هو شال منهن ومشه كدامي عبالك يركض مو يمشي
مصطفى صطوف صطوفي بس اكف امي بعدها بالسوككك
مصطفى : بنترة ادري بعدها بالصخاممم امشي للسيارة نحط الغراض بيها ونرجعلها
اماني : مارديت عليه مبين عصبي مالي خلك سوالفه وفعلاً ودينا الغراض للسيارة ورجعنا للسوك ندور على امي لا يضل بالها يمي
لكينا امي وضلت تسئل وين الغراض ومصطفى اشجابه وحيل لحت اني ماجاوبت خفت احجي ويرد مصطفى واتفشل
مصطفى : خالة ترة سطرتي راسي كتلج الغراض بالسيارة واني صدفه اجيت للسوك ولكيت اماني وحدها يم ابو العصاير شلووون تعوفينها وحدها
رسل : يا خاالة شسالفه هي مو جاهل وعفتها كاعده كتلها ما اتاخر واجيج
مصطفى : المهم خاله شفتها ومكدرت اعوفها وحدها ودينا الغراض لسيارتي ورجعنا ندور عليج
الله يخليج خالة هوو عندج هل بنيه هاي عينج عليها ترة بعدها جاهل لا شوفيها هيج
اماني : اني هسة صرت جاااااهل كل عقلك
مصطفى : اي جاهل بس لا تحسين نفسج جبيرة
رسل : يااا خالة على بختك الي بعمرها وراها ٤ جهال
مصطفى : هو ليش اكلج جاهل لان مضيعه عمرها على شي مايسوة
(تقصدت اكول هل كم كلمه واجرحها اريد اقسي كَلبها واوعيها على وقتها الي فات بحب حسام والحزن عليه)
اماني : صدمني كلام مصطفى ونقهرت تذكرت المخطوبين بالحديقه وشلون يتسامرون ويضحكون واني كضيتها عازله نفسي عن المجتمع وعن العالم في سبيل انسى خلكت واحد هاني بنص الطريق وكدام العالم خله الي يسوة والي ماسوية يشمت بيه
مصطفى : باوعت على خالتي ماعاجبها الكلام وعاكده حاجبها غمزتلها وهزيتلها راسي بمعنى اسف بس اعتقد فهمت ان هذا كله الحجي لمصلحه اماني
رسل : والله يخاله هي هاي تسمعني محد راح يندم غيرها باجر عكبه هي الوحيده الي راح يطلعن عليها هذني السنين الفاتت وتندم على كل يوم ماعاشته بحلوه قبل مره
مصطفى : خالتي تحجي واني عيني على اماني الي مدنكه راسها وماردت ابد اي خووش بالكت تفكر بشي يغير هل عيشه مالها هاي اخخخخ يملاك كَليبي ما الله يهديج عليه اخخخ اخخخ
اماني : رجعنا لسيارة مصطفى ووصلنا للبيت واني بالي كله بكلام امي ومصطفى والي يكتلني هضيمه كله صح مابيه شي غلط احجي بيه
وصلنا واني صعدت ابدل وامي ضلت تعزل بالغراض لبست تراكسود ونزلت يم امي لكيتها بعدها تعزل بالغراض هههههه اي مو بسلامتها ماخلت شي اليوم
اماني : هاا ماما شسوي عشه
رسل : سووي نواشف
اماني : رحت للثلاجه طلعت بتيته وكبه وطماطه وكرفس واكو بالسله بصل كشرت البتيته وثرمتها وسويت كباب وكبه
خلصت كل شي وكليته سويت زلاطه وطلعت خبز من المجمده حميته وحطيت كل شي على الميز وصحتلهم
لؤي : هاااايي شنو التطورات عيوني ماعرفناج
محمد : كبرانه بعد عمري صايرة ام بيت
اماني : ههههه يلا عليكم العريس اني جاهزة
رسل : شو انجبي شو ماتستحين
لؤي : لا يمه على بختج هسه ساعه زمان واجيبه بس نخلص منها هاي العوبه
اماني : طلعتله لساني وكتله محمضه على كَلبك ههههههه
تعشينا واني ولؤي كل شويه واحد يهد على الثاني سوالف الي يشوفنا يكول توم وجيري
خلصنا عشه ولميت المطبخ ويه امي شربنا جاي وضلينا نتعلل على التلفزيون والكرزات ودك سوالف لل ١٠
اني نعست باوعت للكل يلا اني اريد انام تصبحون ع خير
الكل : مثله وخير
صعدت فوك طبعاً مبايلي ناسيته بالغرفه
طبيت للغرفه فرشت اسناني حتى انام وكعدت على الجرباية فتحت المبايل اريد اشوف شبيه مابيه لكيت مريم مراسلتني
مريم 💬 : هلو يولي شلونج مشتاقتلج
اماني 💬 : هلا عمري حمدلله بخير اسئل عليج انتي شلونج
ماطولت مريم من دزيتلها الرسالة كبل شافتها وردت
مريم💬 : حمدلله بخير اسئل عليج شلون العطله ههههه
اماني💬 : لوز العطله هههههه اقل شي شبعنا اكل مال اوادم مو مثل باميه تقى
مريم 💬 : ههههههه استغفر الله هسة تخليني اشيل ذنوبها بتالي الليل
اماني💬 : هههههه ولج هي شالت خطيتنا بهل اكل هسة وذا كالت ماعرف اطبخ شبيها
مريم 💬 : شسوي خطيه تتعلم براسنا ههههههاي
اماني💬 : اعتقد هي هم هيج شكو ماكو
مريم💬 : حرام ماكو شي صافيه
هاااااا لج باعي قبل لا انسه تعالي كمليلي قصتج شصار ورة مارجعتي من عطله ال 15 يوم
اماني💬 : ليش ماتولين عني مو احسن بهواي
مريم 💬 : والله ماروح اليوم اذا ماتحجيلي لو جزء عفيه اعتبريها قصه قبل النوم وكل يوم احجيلي شويه منها
اماني 💬 : تمام نصعد اتصال مبيه حيل اكتب
شافت رسالتي مريم وكبل دكت عليه
احم احم وين وصلت وياج باخر مرة حجيتلج قصتي
مريم : من رجعتوا من البصرة وبعد محجيتي شي ابد
اماني : اي رجعنا من البصرة طبينا للبيت تعبانين رايحين منتهين من الطريق طبينا والبيت كله تراب حمدلله اني وامي معزلاته من رجعنا ...
.
.
.
.
.
.
.
.
العودة للماضي
.
.
.
.
.
.
-طبينا البيت وكله اتراب جان معزل مابيه شي هوسه لان ماخلينا شي من طلعنا بس تراب باوعت على البيت وادردم بيني وبين نفسي
اخخخخ طلعت كَلبي مفرفرح عليك رجعت منك كَلبي مكسور منك ليش هيج حسام ليش المفروض تتفهم موقفي
رسل : ها بنيتي كلتي شي
اماني : لا ماما ماكلت
رسل : يلا حبيبه روحي بدلي وتعالي نمسح البيت كله وننفظ هذا التراب دامه مرتب
اماني : كمت لغرفتي صعدتلها بدلت وصعدت غراضي هم فوك ونزلت
لكيت امي توها مبلشه شغل كملت اشتغلت وياها وماخلصنا الا احنه متكسرين تكسر اووف ماخلصنا لليل ومنا تعب الطريق ومن تنظيف صرت خيط من التعب
لؤي جابلنا عشه من برة بس اني من التعب ويني وين العشه
كتلهم ماريد عشة و رحت صعدت فوك سبحت و نمت و
نومه مال فاقدين مو حي الله نومه
مدثرة واحس احد يهز بيه بس مكدر افتح عيوني ماعرف روحي تعبانه ومدري شبيه
رسل : بنيتي شو ولجج شلون نسيتي عندج دوام وانتي نايمه شسالفه يمه
اماني : اسمع امي بس اني مدري شبيه ايدي مكدر احركها وامي صوتها كام يبعد اكثر واكثر
رسل : بنيتي يمه شبيج شو ماتكومين من ساعه انده عليج
تقربت من يمها كشفتها شفت خدودها صايرات حمر طماطه كلت من ورة الغطه بس من لزمتها البنيه صخونتها تجوي وانوب عركانه
ولجججج يمه بنيتي يمه شبيججج حاجيني بنيتي البنيه صارت مثل العجينه بيدي تروح منا تجي منا
لككككك لؤييييييي وينكككككك يماااا
لؤي : اني جاي اتريك ويه ابوي جوة واسمع عيطت امي
كبل طفرت وصعدت فوك خيرج خيرج يما شكو
رسل : لك يما شوف اخيتك مدري شبيها
لؤي : تقربت من اماني سبحانه بعركها والصخونه مالها دمار
يمااا بس لا انشمرت من الصخونه
رسل : يما اسم الله بنيتي لا تكولها
لؤي : ها من شوكت هي مصخنه
رسل : مادري وليدي البارحه بليل كلشي مابيها مثل الورد بنيتي يما بنيتي ربي يحفظج من كل شهر يروووحييي
لؤي : يما لا تشدهيني لبسيها شي اني رايح اجيب البصمه مال سيارة واجي اشيلها
نزلت ركض ادور ع البصمه وطلعت اشغل السيارة
خررررب بانزين مابيها اخخخخ نسيت مافولتها البارحه شهل حض
عفت السيارة وكبل على بيت خالتي
كمت ادك الباب مثل المخبل
كاظم : جايك جايك خير ان شاء الله فتحت الباب باستغرااب
هاا وليدي لؤي خما اكو شي شبيك من الصبح
لؤي : عمي بس وين مصطفى
كاظم : جوة خما اكو شي
لؤي : لا ان شاء الله ماكو شي بس اريد سيارته
كاظم : لحظه اصيحه
طبيت جوة سعااااد مصطفىى وين
سعاد : يبدل فوك ليش ؟
كاظم : لؤي مدري شعنده وياه احس بوجهه اكو شي
سعاد : ياا اسم الله شسالفه مصطفىىىىى وينك تعال شوف ابن خالتك شيريد
مصطفى : شريد يما
كاظم : مدري وليدي شوفه شيريد ترة مبين بوجهه اكو شي
مصطفى : اني مخلص تبديل كبل طلعت هاا لؤي خيرك خما اكو شي
لؤي : بسرعه جيب بصمه سيارته والحكني ركض
مصطفى : ماعرفت شنو السالفه بسرعه جبت البصمه وطلعت
... . يُتبع