مصطفى يكول..
ياساكن الفؤادي
كيف لك من الفؤادي نصيبُ
أتسكنه بحثاً عن الحب
أم تسكنه خوفاً من الحبيبُ
ويكول...
استوطنت منابعَ قلبي
وهل لك غيرَ قلبي
من حبيبُ
مصطفى : مرت عليه ال ٥ سنوات واني كلش متفائل بخير وصار عندي الامل اكبر من صارت فرصتي باخذ اماني معقولة
صحيح الي سواه حسام بيها كسرها واذاها وضلت كل هل وقت متأذيه منه واعتزلت الجميع في سبيل نسيانه بس بعدني اشوف ذيج اللمعه المليئه بالحب تجاهه حاولت هواي ويه اماني اتقرب منها واتوددلها اريد اخذها برضاتها وقنعانه بيه قناعه تامه
ضليت ويه اماني ٥ سنوات اني الي اضمد بجرحها واخيطه اني وياها بالمرة قبل الحلوة ياما ياما ايام اجتني تبجي من الموقف وتحجيلي عن مشاعرها تجاهه بس ماتركتها صح جان كَلبي ينمرد من تحجي كدامي هيج بس مانفرتها
بالعكس احتويتها اي نعم احتويتها ساعدتها على النهوض مرة ومرتين والف واضل وياها للموت مستحيل اتخله عندها ساعدتها تكون اماني افضل اقوة اجرء مكابرة فاهمه الدنيا صح وواعيه للمواقف اكثر
رجعت اماني بعد فراق طال٥ سنوات وشويه صحيح اني جنت اروح يمها للكليه بس هل شوفه ماجانت تشفي كَلبي وتشبعه وهاي اخر مرحله الها
راسم الف فكره والف سالفه بالي وياها اريد اخليها احلى سنه واجمل سنه الها
اخخ اخخ ياملاكي لو تنطيني شويه مجاال انسيج شي اسمه حسام ....
.
.
.
.
.
.
.
.
.
.
.
.
أماني : كعدت الصبح اتثاوب نزلت على ريحه الريوك الي صارلي مدة طويلة فاقده هل لذة وهل شعور بين الاهل
صح اني اختاريت هل طريق وهل قرار بس تندمت اي تندمت بس ماجان بوقتها بالنسبه الي طريق للرجعه عنه
رحت غسلت وجهي بالحمام وفرشت اسناني رفعت راسي على مرايه
باوعت لملامحي كلش متغيرة مو ذيج اماني الطفولية كبرت ملامحي صرت انضج كلش سمنانه هههه يسموني البطريق بس الهالات السودة الجوة عيوني صارلها سنين مجاي تروح شكد حاولت وياها كريمات وماسكات ومافاد اراجع بيهن كالولي الراحه علاج كل داء
اخخخ مين تجيني الراحه واني كل ما احط راسي على المخده اذكر شسوة بيه وشلون هاني كدام الكل
طلعت من حمام طبيت للمطبخ
صبااااح الخير
رسل : هلا بنيتي صباح الورد والياسمين تعالي يمي كعدي توني ردت اصعد عليج اكعدج
اماني : هههههه بدون لا تعبين نفسج بس افتحي باب المطبخ وخلي عطر الاكل يجيني واجيج زحف ههههههههاي
رسل : ياروحي دوم هل ضحكه هسة احس روح البيت رجعت
اماني : ههههه يديمج ياعمري يماما
لعد وين لؤي وبابا شو ماكو ؟
رسل : بالشغل ياعمري
اماني : اها يلا مو مشكله كثر الاكل الي
رسل : يااا ولجججج الي يشوفج يكول ماشايفه اكل
اماني : يمه وين شايفته هو غير اكل الاقسام حمدلله والشكر لاتخليني احجي بالكوة نسويه من تعب الدوام وباليوم الي بيه دوري ودور صديقتي مريم ناكل اكل اوادم وبدوار غيرنا استغفر الله
رسل : ياعمري سوده بوجهي من البداية كنالج حطي خط واكعدي وسكتي
اماني : ماما اعتقد سدينا هل موضوع من زمان رجاءً
رسل : ههههه يلا بنيتي اكلي مدي ايدج على ما اصب جاي
اماني : كبل امي غيرت الموضوع تدري بيه اضوج واتنفرز من اسمع بالمواضيع القديمه
-اكلنا وكضينا الريوك سوالف وضحك شكد مشتاقه لهاي الكعده مشتاقه للبيت وحياتي القديمه مشتاقه لكل شي بيها
اخخخ على الظروف الي جبرتني انهزم من واقعي واتهرب من كل شي
ساعدت امي بتنظيف البيت
رسل : بنيتي روحي بدلي خل نروح يم خالتج سعاد دام محد يمها خطيه نونسها
وهم تسلمين عليها
اماني : من اجيت ومالكيت احد ترة نمت وكعدت هم مالكيتكم رحتلها سلمت وسئلت عنها بس دامج ذكرتيني وصتني هي اروحلها تتعلل وياي خطيه والله مشتاقتلها
رسل : يلا لعد بدلي بين مالبس عباتي
اماني : صعدت لغرفتي بسرعه لبست فستان مفصل عليه فصال وردي بيه لؤلؤ من الصفاح على طوله وحزام من الخصر رهمت وياه شال وحذاء تكرومون حطيت مكياج خفيف ورحت ويه امي
رسل : صلوات بنيتي عين الحاسود يارب كون بيها عود رربي يحفظج ياعمري
اماني : هههههاي ماما شبيج راح اشوف نفسي
رسل : حقه الي عنده الحسن والدلال يشوف نفسه لعد منو اله الحق غيره وغمزتلها
اماني : طلعنا لبيت خالتي الي صاير مقابيل بيتنا دكينه الباب وطلعت خالتي
سعاد : يا هلا والف هلا بيكم ياعمري يامونه شوفي الجمال ياعمري ربي يحفظج من كل عين ولج يمه لو اني بدال امج اضمج جوة عبيتي وماشوفج لاحد
اماني : هههههههاي خالة من وراج وورة امي راح اقدم ويه ملكات الجمال
سعاد : جا بنيتي غير تطلعين مركز اول
رسل : هههههههه انفخت بنتي راح اطك
اماني : طبينا وكضيناها كالت فلانه وحجت علانه هههههههه سوالف نسوان بعد
سعاد : هلا بدكتورتنا الي ماتاخذ على خالتها كشفيه
اماني : هههههههههه انتي اول الناس اخذ منج خالة الاقربون اولى بالمعروف
سعاد : يااا يمعزايه سمعتي بنيتج شتحجي ولجج بالجذب كولي تدللين خالتي فلك صابج
اماني : تحجي خالتي وهي لازمه اذاني بأيد وتاشر على امي بايد ثانيه
هههههه خاااااله اذني والله اريدها منو ياخذ وحده عدها اذن وحده
سعاد : ياااا ولللجج صايرة ادبسز وماتستحين هههههههه
اماني : ضلينا نتعلل وحلفت خاله سعاد مانطلع واليوم غدانا كلنا يمها
كامن هنه يطبخن ويسولف ويضحكن
اماني : احم احم اني شنو اسوي هنا
سعاد : بكيفج حبيبتي تردين ترتبين البيت تردين تكعدين هنا وسكتين
اماني : اييي واخلي المدح كله بس الجن لا عيني رايحه ارتب البيت
سعاد : ههههههه بكيفج عاد
اماني : طلعت من المطبخ وبديت اعزل بغرفه خالتي وعمو كملتها كلها وشغلت بيها بخور ورحت على الهول هم كذالك عدلت الكوشات على التخم مسحت الميز الي متوسط الكعده والطبلات الصغار غسلت المغاسل ومسحت المرايات هههههههههه صرت ام بيت معدله الا بشده هههههههاي
اني اخذت راحتي بيت خاله لان اعرف زوجها مايجي هسة لقبل الغده بشويه
استاذنت منهن ورحت قبل التنظيف جبت تراكسود منزلي وبدلت بيت خالتي
لامه شعري ذيل حصان وعايفته ومنزله خصل من كدام شعري يتعبني مابيه حيله شادته واصل جوة ركبت رجلي
انظف وامسح بتراب الزينه واغني بيني وبين نفسج
اغنيه طالعه من بيت ابوها
ههههه اهواها هل اغنيه كملت الاستقبال وصعدت للغرف الفوك خالتي وصتني انزل وياي بطل دهن من فوك ههههه لازم بكل بيت عراقي غرفه مخليها مخزن للغراض والحصه
لاحضت غرفت مصطفى وصراحه صابني فضول ادخللها
دخلت وضليت بس افرفر بعيوني من الجمااااالللل يمااااا صح تركيه بس شنو نزاكه نزاكه لونها بيجي بذهبي وتاجها عالي والجرباية على شكل دائرة ملكيه وميز المكياج شنو من ميز ماشايفته بس عد الاميرات هههه بالافلام
طبيتلها وكفختني ريحه مصطفى ههههه سابح بالعطر ومسبح الغرفه وياه يلهوووووييي باوعت على ميز المكياج تارسه عطورة وكل عطر يكول للثاني اني اطيب منك
ضليت اشم شم بالعطورة لحد ما لكيت العطر الي هو يستخدمه ههههه كمت وسبحت بيه
ههههه يلا كافي اماني خباثه كمت ورتبت الغرفه هي نظيفه ومرتبه بس تظل لمسه الامرأة بالغرفه حياة الها عدلت كم شغله وغيرت من مكان كم شغله هههه عبالك غرفتي اخذت راحتي
شفت مخاد الجربايه مو عدلات كمت انفش بيهن واعدلهن كملت وحده
اجيت اكمل الثانيه وشفت صورة جواها
صراحه انتابني الفضول اعرف المن هاي الصورة جانت مكلوبه على وجها
رفعتها والصدمه ان هاي صورتي شو اي هاي صورتي بس قديمه من صف السادس ضليت مستغربه شوكت اخذها الي واني مسويه هل حركه بعدين اتذكرت
اي صح هو اخذلي صوره للمعامله وسويت هل حركه وهم اخذها
رجعت باوعت على الصورة واني ابتسم يعني محتفظ بيها عنده لهل درجه جان مصطفى يهواني جنت احجي وصوتي مسموع ....
.
.
.
.
.
.
.
مصطفى : اي لهل درجه مصطفى جان يهواج ويريدج وكاتل نفسه عليج بس انت دودة كتب ماتحسين بوقتها اذا عطستي تعطسين تعلليل لو فراغ جنت احجي وادور بالميز مانتبهت اماني شنو لابسه او شلون شكلها
اماني :هههههههههاي هاي اني هيج
مصطفى : عفت الي بيدي ودرت عليها اي ان.....
استقطع كلامي شكلها لابسه تراك بالبيت يمنا وشعرها شادته والتراك مفصل كل ملامحها ههههه ضليت فاك حلكي
اماني : حسيت مصطفى صافن عليه استغربت بالبداية بعدين انتبهت على نفسي وكلش استحيت سحبت الغطه عن الجرباية وغطيت نفسي بس وجهي طالع احس روحي بوخت من الفشله
مصطفى : حسيتها استحت دنكت راسي وكتلها شعدها فيفي عبدو اليوم هههه
اماني : يياااااا عزة تشبهني بهاي هههههه هو صوج الي ينظفلك جنت اساعد خاله بنتظيف البيت
مصطفى :هههههه ان شاء الله تنظفيه واباوع براحتي بالحلال
اماني : ششنو شكلت
مصطفى :كلت وين ملابسج اجيبها الج
اماني : جوة بغرفه خا......
بعدني مامكمله وطفر طلع شويه واجه حط الملابس يمي ع الجربايه وطلع
كلش عجبني تصرفه وهدوءه هذا لو حسام جان استهتر المهم بدلت وعدلت الجرباية ونزلت طبعا جبت دشادشه وياي حسبت حساب لبس للغده ورجعت لبستها بغرفه خالتي جان لونها تفاحيه بيها لمعه وكصتها رياضيه
طلعت من غرفت خالتي ردت اروح للمطبخ صادفني مصطفى
مصطفى : عميييي خفووو علينا ترة كَلوبنا رجيجه ههههههه
اماني : بوخت واني اسمعه هيج يحجي احس خدودي صخنن عفته ورحت للمطبخ ويه امي وخالتي
سعاد : هااا خالة خلصتي ترة اجه مصطفى ونسيت انده عليج
اماني : اي خالة خلصت
بكَلبي احلف عليج متقصده متكوليلي
رسل : اموون دكي على اخوج وابوج ونطيهم خبر يمرون هنا يتغدون
اماني : جنت اشرب مي ومن سمعت امي وذكرت مبايلي عفته جوة شركت وكمت اكح
رسل : اسم الله بنيتي شجاج
اماني : مابيه شي امي
هههه انكسر ضهري يمعوده لاضلين دكين عليه
رسل : يااا ولججج فوك مااساعدج امشيي ولييي دكي على اخوج وابوج وبلغيهم
اماني : ه ه ها اي يلا
دخلت جوة واني ايدي على كَلبي هذا يروح يذبله سالفه غزل ومنا اني ابوخ وافضح نفسي
طبيت لغرفه خالتي نكتتها نكت ومالكيت كل شي رجعت للصاله وهم كذالك دورت بكل مكان بيها وهم مالكيت شي
طبيت للاستقبال ادور وكمت ادور ويه المخاد .....
مصطفى : ادورين على شي هنا ؟؟؟؟
اماني : هاا لا اقصددد اي ادور مبايلي ماهو
مصطفى : هههههههههاي شبيج ساطرج العباس هياته لكيته بغرفتي وجيت انطيه الج
اماني : ه ه ها شكراً رحت اخذته من ايده وتلامست اصابعي باصابع اديه بالغلط
ا ا اسفه
مصطفى : على شنو ترة لمستج هاي عافيه الي ههههه
اماني : لا اضل سخيف هييييي
مصطفى : ههههه هاي كل قوتج دروحي امشي يم امج لاتكومين تبجين مالي خلك جهاال ترة
اماني : شنووو منو قصدددددك هااااا
مصطفى : على ابن الجيران قصدي عليه
اماني : همممم اكلك سؤال صار عندي بيه فضول قوي
مصطفى : بغمزه وجاوبه اقوة
اماني : شكد سخيف
باوع شعندها صورتي جوة مخدت...
مصطفى : كبل سديت حلكها لججج انجبي تردين تفضحيني لو شنو
شسوي بيها بالله غير اتأمل ملاك كَلبي قبل لا انام هههه
اماني : خرب جبت الفشله لنفسي سمعت رده لو احس روحي راح اطك من الصخونه
ه ه ها وخر عني اسمع امي اصيحلي
مصطفى : دمشي ولي جذابه ماصاحت
اماني : عفته وطفرت ركض للمطبخ
خابرت ابوي ولؤي بالمطبخ وبلغتهم غدانه يم خالة سعاد
كملنا الغده واجه ابوي ولؤي وياهم زوج خالتي حطينا سفرة وحده بما ان كلنا كرابه هنا محد غريب فرشناها بالاستقبال وكمت انقل بالاكل ويه امي وخالتي
واكيد هذا الفصعون مصطفى ويانا وكل شويه غامز لو مسوي حركه بوجهه فضحني الله يفضحهه
اخر شي راد ياخذ الماعون من ايدي
مصطفى : انطيني المعاون تعبناج خانوم ويانه
اماني : ميحتاج هو هذا اخر واحد شسالفه
مصطفى : دجيبي شبيج
اماني : جان بعده يجره من ايدي واني مقبل انطيه معانده
سعاد : هاييي شجاكم تتعاركون على ماعون والله عيب عليكم جهال خما جهال انتم
اماني : تفشلت من خالتي اجتي وكبل عفت الماعون وهو اخذه
مصطفى : يماا شكو مشغله مريتي هاي بعدني ماجايبها يمج لو اجيبها شسوين بيها تاكليها لو شنو
سعاد : ههههه دجيبها يمي والله لدلللها دلال وغمزتله
اماني : كال هيج لو غركت بهدومي من المستحه انوب خالة مندمجه وياه وتضحك وتباوع عليه كبل ركض عفتهم ورحت يم امي بالاستقبال كعدت بصفها
رسل : بنيتي ماكو خبز كومي جيبيه
اماني : ه ه ها شفت خاله سعاد جابته هسة تجي
بداخلي اني جذبت على امي حتى مارجع للمطبخ اريد الكاع تنشك وتبلعني على هل فشله
كعدنه وكلنا تغدينه وكضيناها سوالف الزلم تسولف كل واحد وشغله واحنه النسوان ههههههه ماعدنه غير كالت فلانه وكالت علانه
سعاد : يولي شفتي هاي البنيه ام الفستان الاحمر بحنه حسام ابد مارتاحيتلها تصرفاتها مو حلوة
اماني : سمعت خالتي سولفت ورجعت غصت بالكلمه شلون الي حجت وتورطت باوعت على امي عاضه شفتها الجوة وتغمز لخالتي تدري بيه ماريد احد يفتح هذا الموضوع دنكت العب بالاكل بالماعون
رجعت رفعت راسي لاحظت مصطفى يباوع بغضب لخاله ههههههه خطيه حجت وتورطت اليوم شيخلصها من مصطفى
كلمنا غده وخلصنا وكمنا انلم بالسفرة خالتي وامي غسلن المواعين واني مسحت مكان السفرة وخدرت الجاي وصبيته ضلينا لل ٢ ونص يمهم نتعلل اخر شي ابوي كال يلا وغمز لامي اني لميت غراضي وطلعت وياهم صدك ونسه من العمر
رجعنا للبيت واني مطفيه اريد بس احط راسي ونام كبل صعدت لغرفتي وبدلت ونمت....
.
.
.
.
.
.
.
.
.
.
مصطفى : جاي نتغده وجان امي تجفص بالسوالف القديمه اني ماجان بالي يمهن لان سوالف نسوان بس من سمعت اسم حسام كبل فريت راسي اباوع على امي الي وجها صار احمر وخالتي منا تسويلها حركات تسكت وعاضه شفتها
احس عيوني تريد تطلع من مكانها اخخخخخخ يمه شجاج حجيتي هل سالفه بهيج وقت
باوعت على اماني تباوع لامي وعيونها بيها لمعه دموع كسرت كَلبي كملنا ولمن السفرة واماني كلش هادئه ومبين على ملامحها الضوجه خصلنا وشربنا جاي كعدنا نتعلل كلنا بالاستقبال سوة واسولف اني وياهم ساعه وساعه عيني على اماني
الي مارفعت راسها ابد وواضح تفكر بشي ااخخخ ياربي كل ما اكول خليتها تنسى يطلع ضني مو بمكانه
راحو بيت خالتي وابوي راح للغرفه ينام سحبت امي من ايدها رحنا للمطبخ
مصطفى : يمااا هاي شجاج على هل سالفه مو محذرج اني ماتذكرررين هذا الموضوع كدامها (بضوجه)
سعاد : والله يا امي زله لسان ماجنت متقصده وحيل متفشله من خالتك على هل سالفه يبووو شكد عيب
مصطفى : ماصار شي بس الله يخليج المرة الثانيه اخذي حذرج
سعاد : ان شاء الله يما
مصطفى : عفت امي وصعدت سبحت وبدلت ونمت ههههه اليوم جان كلش ونسه لو مو ملاكي ضاج بالاخير
... .يُتبع
هل مافعلهُ حسام يستحق
انسكار اماني بسبب حبها؟
ام اماني لم تستطع تخطي حبه فقط!
كل هذا واكثر سنتعرف عليه
في القادم
♡♡♡
دمتم بخير
احبتي
♡♡♡