قاطع ضحكهم صوت احد طالع الدرج و على طول قامو و شالو اغراضهم و تخبو ورا اغراض كانو حاطينها المستشفى
كان واحد من الامن سمع صوت الضحك الي جاي من السطح و طلع يشوف مين بس ما حصل احد ف صار يمشي اتجاه نوره و سراب
مسكت سراب يد نوره وهي تسحبها وراها نزلو على ركبهم و صارو يمشو بحذر حتى ما يلاحظهم السوكرتي و لما قربو من الباب صارو يجرون لاحظ السوكرتي ان فيه احد طلع مع الباب و على طول خبر الامن الباقين ان فيه مريض خارج غرفته
كانت ماسكه يدها وهي تجري و ميتين رعب و كاتمين الضحكه على اشكالهم نزلو و وصلو لدور الي فيه غرفة سراب و اول ما وصلو شافو واحد من الامن يمشي في السيب ف تخبو منه
كانت سراب شاده على يد نوره و نوره متمسكه فيها بقوه خايفين ينكشفون
و مجرد حسو ان السوكرتي بعد صارو يركضون بالممر سمع السوكرتي صوت الركض و صار يلحقهم بس ما يعرف مين هم بالضبط
هربو الين قربو من غرفة سراب و تخبو على طول حتى ما ينتبه السوكرتي للباب وهو يتسكر و يكشفهم
صارو يسمعون اصوات الامن وهم يفتشوف الغرف حقت المرضى خافو اكثر لان ما عرفو وش يسون خصوصا بوجود نوره الي ما عرفو وين يخبونها ،، كانو ينتضرو الفرصه المناسبه حتى يدخلو الغرفه
الامن1 : انت روح شوف في هذي الجهه فتش الغرف وحده وحده اذا المرضى هناك
الامن 2 : تمام
الامن 1 : وانت روح دور في ذا الممر * يقصد الممر الي فيه غرفة سراب *
الامن 3 : حاضر
بدا السوكرتي يدور في اول غرفه فتح الباب و شاف المريضه نايمه بسريرها فطلع و اتجه للغرفه الثانيه فتحها و حصل المريضه اتجه للغرفه الرابع كان بينه و بين غرفة سراب غرفتين ، شاف الي كان واقف عندها و حصل المريضه
كانت نوره و سراب يراقبون حركة السوكرتي وهو يدخل و يطلع من الغرف و كانت قلوبهم شوي و توقف خصوصا انه قرب من غرفة سراب
كمل السوكرتي شغله الين وصل لغرفة سراب فتح الباب و حصل سراب في سريرها مشى الين وصل لها حتى يتأكد انها موجوده ولما كان بيطلع
استوقفه صوت جاي من الدولاب
مشى اتجاه الدولاب
سراب : وش تسوي مين سمح لك تدخل هنا
السوكرتي : جينا نتأكد من المرضى
سراب : تأكدت صح يله اطلع برا
السوكرتي : فيه صوت جلي من الدولاب
سراب : قلت اطلع برا
السوكرتي : بشوف وش فيه
قامت سراب من السرير و اتجهت لسوكرتي وهي تخنقه و تتجه فيه الين الباب و دفته : لو اشوفك تدخل علي مرا ثانيه مارح تلوم الا نفسك
راح السوكرتي وهو خايف منها كان توه جديد
رجعت سراب للغرفه و سكرت الباب و اتجهت لدولاب وهي تقول : كان بيكشفنا الزق
وقفت نوره وهي تحس ان قلبها تكه و يوقف من الخوف و التوتر كانت معرقه من شدة الخوف الي حست فيه لما شافته يقرب لدولاب ضمت رجولها و سكرت عيونها بقوه و مجرد شافت الباب ينفتح و يقوف عنده سراب حست بكمية راحه وقفت نوره وهي تحس رجولها ما تشيلها من شدة الخوف مشيت خطوه و ع طول حظنت سراب : الحمدلله انه انتي خفت يكشفني و ارسب او يطردوني
ابتسمت سراب على حضنها : ما عليك ما يقدرو يجونك دام انك هنا
بعدت نوره : الحمدلله اننا حصلنا لي مكان قبل يدخل
سراب : امشي خل ننام
نوره: بعد الي صار اليوم ما اعتقد بقدر انام بسرعه
سراب : ما عليك بتنامي
فكت نوره بلوفر سراب و رجعته لدولاب و راحت لسرير
سراب : بعدي لي
نوره :بتنامين جنبي
سراب : ليش فيه مكان ثاني اروح له اكيد جمبك
سكتت و تسطحت، قربت منها سراب و تسطح جمبها
كانت تحس بتوتر و حر كانت طول وقتها ميته حر و بس تتحرك ما قدرت ترتاح وهي جنبها كذا
سراب : بس ترا مزعجتني
نوره بصوت خفيف : سوري
سكت و هي ثبتت نفسها حتى ما تنزعج اكثر و لما حست انها نامت ارتفعت و صارت تشيل تيشيرتها وهي تقول في داخلها : بس بشيله شوي الين ابرد و ارجع البسها
سراب : وش تسوين
نوره بخجل : حسيت بحر
سراب: بتضلي كذا
نوره : لا بس ابرد و ارجع البس
سكتت سراب وهي تحس ان فيه شي داخلها مبتسم و فرحان تجاهلت شعورها و حاولت تنام بعد دقايق حست بنوره هدت ولا صارت تتحرك كثير فعرفت انها نامت
لفت اتجاها و صارت تناظر في جسمها و كيف شكلها حلو ضلت تتاملها و صارت تقرب لها بس استوعبت نفسها و بعدت عنها و نامت
اليوم الثاني عند ساره
صحت و لبست و اتجهت لمحل ورد و بعدها اتجهت لمطعم و جابت منه فطور لهم و هي راجعه لسياره حصلت رساله من نوره كانت تطلب ساره تجيب لها ملابس لان ملابسها توسخت رجعت ساره لسكن حتى تجيب لبس لها وهي تضحك و تفكر وش ممكن صار بينهم و كيف توسخت ملابسها
في مكان ثاني
صحت نوره وهي تحس باليد الي تحاوطها و حرارة الجسم القريب منها عرفت انه سراب ف لفت عليها و ناظرت حصلتها نايمه: سراب اصحي
سراب :هممم
نوره : اصحي يله و بعدي عني شوي
فتحت سراب عيونها وهي تشوف نوره قريبه منها كثير ف بعدت عنها و جلست وهي تمسح عيونها : البسي تيشيرتك
انحرجت نوره بعد ما استوعبت نفسها و لبست تيشرتها على طول : اسفه نمت بدون ما البسه ما حسيت على نفسي
سراب : ما عليك ما صار شي
قامت سراب تناظرها وهي ترفع شعرها و تربطه : انتظري اشوف لك الطريق و بعدها تروحي تغسلي
نوره: تمام
طلعت و لفت شوي و رجعت للغرفه : امشي صاحين بدري ما فيه احد حولنا
نوره : تمام
قامت وراها و اتجهت للحمام و غسلو و كانت نوره طول الوقت تراقب سراب وهي تغسل كان عاجبها شكلها : فيه فرشاه هنا
سراب : لا مدري بشوف المستودع
نوره : انا بروح
سراب : و اذا شافوك
نوره : عادي صرنا صباح و الكل يقدر يجي
سراب : بس انتي لك وقت محدد
نوره : عادي اذا جيت قبل الوقت بس ممنوع تطلع قبله
سراب : اها كذا السستم اجل
نوره: اي
سراب : تمام روحي جيبي و انا بنتضرك
راحت نوره لورا المبنى و دخلت المستودع فحصلت تولين : لو سمحتي فيه فرشاه جديده هنا
تولين : لا
ناظرت نوره بالمستودع قبل تطلع شفات ان فيه فرشاه و مو وحده وبس كانو كثار : فيه هناك
تولين : قلت ما في
نوره : كيف ما فيه و هذي وش تكون
تولين : مين يبيها
نوره : سراب
خافت تقول انو هي الي تبينها و تعرف تولين ان نوره كانت هنا من امس
تولين : خلاص بعطيها انا
نوره: لا انا بوديها
تولين : قولي لحبيبي ثواني و اجيبها لها
نوره بصوت خفيف : طلعت بجد ما عندها كرامه
تولين : وش قلتي
نوره : ولا شي
تولين : واضح مين الي ما عندها كرامه انا ولا انتي
نوره : وش تقصدين
تولين : على الأقل انا احاول اعدل شي كان لي بس انتي داخله تخربي بين اثنين لبعض صدق ماتستحين ولا عندك كرامه
تنرفزك نوره من كلام تولين و قربت منها وهي معصبه : احترمي نفسك و تكلمي عدل و سراب مجرد مريضه عندي و بعدين مصدقه نفسك انها بتجيك بعد الي سويتيه صدق ما عندك كرامه و رخيصه راميه نفسها لشخص ما يبيها
عصبت تولين و وقفت و كبت الكوب الي بيدها على نوره كان جواته شاي
صرخت نوره من الألم الي حست فيه من حرارت الشاي و صفقت تولين كردة فعل لا اراديه
في مكان ثاني
ما ارتاحت لما تركت نوره تروح لوحدها خصوصا انها تذكرت أن تولين دايم تجلس هناك ،، صارت تمشي بسرعه متجهه لورا المبنى وصلت وهي تشوف تولين طايحه ع الارض و نوره واقفه و تقول......
قبل توصل سراب بدقائق صارت نوره و تولين يتهاوشو
كانت نوره جالسه فوق تولين و تضربها و بعدها وقفت وهي تقول : لا تفكري تقربين لها مرا ثانيه فاهمه سراب لي وهي لو تبيك كان رجعت لك من زمان بس صدقيني لو تطلعين بوجهها مرا ثانيه او وجهي ما تلومي الا نفسك
لفت وهي طالعه و حصلت سراب واقفه وراها مبتسمه : وش موقفك امش يله
طلعت نوره من عندها وهي متنرفزه و معصبه و بس تشتمها بينما سراب كانت تتذكر كلماتها وهي مبتسمه و تشوفها تمشي قدامه و متنرفزه
مشت وراها الين وصلو للحمام غسلت نوره وجها و عدلت شعرها و صارت تمسح ملابسها كان الشاي حارقها لاحظت سراب ملابسها و جابت لها مناديل و صارت تساعدها تمسح : شكرا
سراب : ولو
طلعو للغرفه و ارسلت نوره لساره تجيب معها ملابس
جلست نوره وهي حدها متنرفزه و ما جا على بالها ان سراب سمعتها
سراب وهي مبتسمه : انا لك اجل
نوره : نعم
سراب : كلمتك
نوره : اي كلمه بعد،، ساكته انا من جيت من عند ذيك الحيوانه
سراب : ما انا اقصد اخر كلمه قلتيها
وقتها
تذكرة نوره و تمنت ان الارض تنشق و تبلعها : يع من زينك انا اساسا كنت اقصد اني دكتورتك يعني علاقتي فيك دكتوره بس هي مجرد عامله ما يربطها فيك شي
سراب : اها اقتنعت
قاطع كلامهم صوت الصراخ الي جاي من برا
طلعو و حصلو حمده ماسكه بنت واضح على شكلها انها ما تعدت ال٢٠ سنه كانت البنت من المرضى الي بالمستشفى كانت تبكي و خايفه من حمده الي تصرخ عليها و تهاوشها
حمده : وين حطيتي بنتي
البنت: اي بنت وربي ما اعرف وش تتكلمي عنه
حمده : انتي سرقتي بنتي جيبيها لي الحين
البنت : انا مالي دخل ما اعرفك ولا اعرف بنتك
صارت حمده تقرب من البنت و تبي تخنقها و على طول نوره صارت تركض اتجاه حمده و سحبت البنت منها
حمده تكلم نوره : انتي باقي ما متي
سراب : حمده وش قلنا
حمده تكلم نوره : لو ماهي ولا كان قد وديتك لربك
سوت نوره نفسها انها ما خافت و سحبت البنت لغرفة سراب و هي تحضنها و تهديها
و سراب واقفه و تناظرهم
هدت البنت و صارت تمسح وجها
نوره : وش اسمك انتي و ليش هنا
البنت : اسمي دانه
نوره : وش فيها حمده عليك وش صاير
دانه : ما اعرفها اول مرا اشوفها هنا
على طول مجرد ما شافتني صارت تهاوشني و تقول اني سرقت بنتها و تسئل وين حطيتها و انا والله ما اعرفها لا هي ولا بنتها
نوره : اهدي هي ما تقدر تجيك ما عليك
دانه : شكرا انك ساعدتيني
نوره : ولو
سراب بئستهزاء و صوت خفيف : كانت بمكانك مرا
سمعو كلمة سراب
نوره : سرااب
دانه : اسمك حلو
سراب : شكرا
دانه : و انتي وش اسمك
نوره : انا نوره يا عيوني
دانه : حتى انتي اسمك حلو و انتي حلوه بعد
نوره : مو قد جمالك ، الا قولي لي ليش انتي هنا
دانه : عندي مشكله نفسيه و ان شاءالله بصير بخير هذي اول سنه لي هنا
نوره: يا روحي انتي يعني جديده
دانه : اي و انتم ليش هنا
نوره : انا دكتورت سراب
دانه : واو انتي دكتوره
نوره : اي دكتوره هنا
سراب : لا مو دكتوره انتي جايه تطبقي و تروحي
نوره : كلهم نفس الشي بما اني اعتبر موظفه في ذا المكان
دانه : كيف يعني تطبقي
نوره : يعني انا طالبه جامعيه و جيت اشتغل لاختبار ادائي و بعدها بتوظف ان شاءالله
دانه : ان شاءالله تتوظفي
سراب : الله يعين مرضاها
دانه : بالعكس اشوفها لطيفه
سراب بابتسامه جانبيه : تشوفينها ما جلستي معها انتي
نوره : ما عليك منها
دانه : لا محضوضه انها دكتورك ريتك دكتورتي ،دكتوره نوره تعالي صيري دكتورتي بالله دكتورتي بس تعصب علي و تهاوش ولا تعالج
نوره : من عيوني بكلم الاداره و اشوف اذا يوافقون و باخذك معي انتي في أي دور
دانه : الثالث
سراب : وش جابك هنا اجل
دانه : كنت نازل تحت بس قلت اجرب اشوف ذا الدور وش فيه
سراب : مو زين لك هنا كل الي فيه مختلين
دانه بصدمه: يعني حتى انتي
نوره وهي تضحك ع ردة فعل دانه : اي حتى هي مختله
سراب : اول شي مو مختله و بعدين دانه ما انصحك تكون لك دكتوره
دانه : بالعكس تحمست تصير دكتورتي بما انها حلوه كذا و بعدين تسولف و تضحك مو زي الي عندي
سراب : بتندمين
دانه : عذرا انا لازم اروح الحين دكتورتي قربت تجي
نوره : تمام بس في اي غرفه انتي ابي اشوفك قبل اروح
دانه وهي طالعه : بالدور الثالث بغرفه ٧٠٢
نوره : تمام انتبهي لنفسك ترا حمده ممكن تكون باقي بالدور ذا
دانه : اذا شفتها برجع لكم تساعدوني
نوره : تمام انتبهي لنفسك
دانه : باي
نوره تكلم سراب : قال ايش ما انصحك وش تبين انت وش دخلك
سراب وهي رايحه لسريرها حتى تتسطح: ابي اخذ فيها اجر قبل تخطو خطوه غلط في حياتها
نوره : خير وشو الي خطوه غلط
قاطع كلامهم دخول ساره : سلاام
وقفت نوره و راحت لها على طول تحضنها: اخيرا شفتك اشتقت لك
سراب : سلام
ساره : كيفكم
نوره : بخير الحمدلله
ساره وهي تغمز لنوره : اكيد بخير
نوره : ساره وش قلنا
ساره : خلاص سكت
نوره : جبتي الي قلت لك
ساره : اكيد
نزلت الشنطه الي كانت شايلتها و حطتها على الطاوله : بالعافيه
طلعت ساره و نوره فتحت الشنطه و صارت تطلع أكياس الاكل و لاحظت ان فيه باقة ورد صغيره و كان جوها كرت و مكتوب عليه من برا اسم سراب : امسكي اسمك عليه اعتقد من ساره اكيد
اخذت سراب الورد وهي تفتح الكرت
و تبتسم : هذا *****