My Cherry Will Explode in the Apocalypse
Chapter 49
Author: Drunken Light Song
Source: Jostena M
Editor: playerprophet & Callis
Translator: オタク
【 Unicode 】
သုံးနာရီကြာပြီးနောက် ရှာဖွေ ကယ်ဆယ်ရေးအဖွဲ့များသည် လမ်း ဆယ့်ခုနစ်လမ်းနှင့် လူနေဧရိယာဆယ့်တစ်ခုကို ရှာဖွေခဲ့ကြ၏။ သူတို့သည် ဖုတ်ကောင် တစ်ထောင်နီးပါးကို သတ်ဖြတ်ခဲ့ကြသော်လည်း အသက်ရှင်ကျန်သူ သုံးဆယ့်သုံးဦးကိုသာလျှင် ရှာတွေ့ခဲ့ကြလေ၏။
ဤနယ်မြေတွင် အသက်ရှင်ကျန်သူက ဤထက်ပိုများရမည်။ သူတို့ဘယ်နေရာမှာများလဲ?
Aမြို့က အသက်ရှင်ကျန်နေသူတွေက တစ်နေရာရာမှာ အတူတူစုပြီး ပုန်းနေကြတာ ဖြစ်နိုင်လေမလား?
အာရုံမတက်ခင် တစ်နာရီခွဲလောက်၌ ရှာဖွေကယ်ဆယ်ရေး တာ၀န်၏ တပ်မှူးသည် နေ့လည်ဘက် ရှာဖွေကယ်ဆယ်ရေးအသင်းအနားယူဖို့အတွက် မြို့လည်ခေါင်ရှိ အားကစားရုံကြီးတစ်ခုကို အခြေစိုက်စခန်းအဖြစ်ရွေးချယ်လိုက်၏။ ပထမနှင့် ဒုတိယအဖွဲ့တို့သည် အားကစားရုံအတွင်းရှိ အလောင်းများကို ဖယ်ရှားရှင်းလင်းရန် တာ၀န်ပေးခံရ၏။ တခြားအဖွဲ့များသည် ရှာဖွေမှုများကို ဖြန့်ကျက်လုပ်ဆောင်ရန် သက်ရှိထောက်လှမ်းရေးကိရိယာများကိုဆက်လက်အသုံးပြုခဲ့ကြပြီး အာရုံမတက်ခင်မှာပင် အားကစားရုံဆီသို့ပြန်ရောက်လာကြလေ၏။
သက်ရှိထောက်လှမ်းရေးကိရိယာနောက်ကိုလိုက်ရင်း ဆယ့်နှစ်ခုမြောက်အဖွဲ့သည် အဆင့်မြင့်ဗီလာခရိုင်တစ်ခုသို့ရောက်သွားခဲ့ကြ၏။ ဗိုလ်မှုးသည် တံခါး၌ အစောင့် လေးငါးယောက်ကို ချန်ထားခဲ့ရန် ရပ်တန့်လိုက်၏။ ကျန်သည့်သူများသည် ဗီလာခရိုင်သို့ အတူတကွ ၀င်ရောက်ခဲ့ကြ၏။
သူတို့ဖြတ်ကျော်လာသည့် အိမ်များစွာသည် တံခါးများအဖွင့်ခံထားကြရပြီးဖြစ်၏။ တံခါးမကြီးများ၊ သော့များ၊ ပြတင်းပေါက်များသည် ရိုက်ခွဲအဖွင့်ခံထားကြရပြီး အိမ်များသည် အသေအချာရှာဖွေခံခဲ့ရပြီးပုံပင်။ ဗီလာခရိုင်အတွင်းရှိ အသက်ရှင်ကျန်သူများသည် အစားအစာအတွက် ရှာဖွေခဲ့ကြပုံရ၏။ ဆယ့်နှစ်ခုမြောက်အဖွဲ့သည် ဆက်လက်လမ်းလျှောက်လာကြပြီး ဗီလာတစ်ခု၏ ဂိတ်ပေါက်တဝိုက်တွင်ဖုတ်ကောင်ဒါဇင်ပေါင်းများစွာကို တွေ့လိုက်ကြရပြီး ၎င်းတို့သည် တံခါးအား ရိုက်နှက် ချိုးဖဲ့နေကြလေ၏။
သက်ရှိထောက်လှမ်းရေးကိရိယာမရှိလျှင်တောင် ဗီလာအတွင်း၌ အသက်ရှင်သန်သူများ ရှိမည်ကို ခန့်မှန်းနိုင်ကြလေ၏။ သူတို့ချဉ်းကပ်လာသည်နှင့် ဖုတ်ကောင်များသည် လတ်ဆတ်သောအသွေးအသားရနံ့ကို ရလိုက်ကြရ၏။ သူတို့သည် ချက်ချင်းပင် ဖုတ်ကောင်များအား စတင် ပစ်ခတ် သတ်ဖြတ်လိုက်ကြ၏။
“တံခါးဖွင့်ပါ၊ ငါတို့က အစိုးရရှာဖွေကယ်ဆယ်ရေးအဖွဲ့ပါ။ ငါတို့ ဖုတ်ကောင်တွေကိုသတ်ပြီးပြီ၊ ကျေးဇူးပြုပြီး တံခါးဖွင့်ပါ ”
လီမင်းသည် ရှေ့သို့တက်လာပြီး တံခါးအား ပြင်းပြင်းထန်ထန်ခေါက်လိုက်၏။
တုန်ယင်နေသောလက်များသည် တံခါးအားဖွင့်လာခဲ့ပြီး အမျိုးသမီးတစ်ဦး၏ ဖျော့တော့နေသောမျက်နှာ ပေါ်လာလေ၏။ သူမသည် ပိုးသားဂါ၀န်ကို၀တ်ဆင်ထားလေ၏။ ဆာလောင်နေခြင်းကြောင့်ဖြစ်နိုင်ကာ သူမ၏ ပါးများသည် ချိုင့်၀င်နေပြီး ပါးရိုးများ ငေါထွက်နေလေ၏။ အနက်ရောင်ဆံပင်ရှိသောခေါင်းတစ်ခုနှင့် ထိတ်လန့်ကြောက်ရွံ့နေသော မျက်လုံးကြီးတစ်စုံကြောင့် သူမသည် ထိတ်လန့်ကြောက်မက်ဖွယ်ရုပ်ရှင်တစ်ခုမှ ထွက်ပေါ်လာသည့် မင်းသမီးတစ်လက်ကဲ့သို့ပင်။
“ရှင်...ရှင်တို့....”
အမျိုးသမီးသည် အပြင်ဘက်ရှိ စစ်၀တ်စုံ၀တ်ဆင်ထားသည့် လူများကို မြင်လိုက်ပြီး သူမ၏မျက်လုံးထဲတွင် မျှော်လင့်ချက်များ ထွက်ပေါ်လာလေ၏။ သူမသည် လီမင်းအားဆွဲလိုက်ပြီး သူ့အားအထဲသို့ ဆွဲခေါ်သွားလေ၏။
“အထဲကိုလာပါ! သူ့ကို ကယ်ပေးပါ! သူ့ကို ကယ်ပေးပါ! ”
လီမင်းသည် အမျိုးသမီး၏ ဖမ်းဆွဲခံလိုက်ရပြီး တုန်လှုပ်သွားသော်လည်း သူမ၏အသံထဲမှ အရေးတကြီးအရာကို ကြားလိုက်ရပြီး သူမနောက်မှ အိမ်ထဲသို့လိုက်သွားလေ၏။ တခြားသူများလည်း သူတို့နောက်မှ လိုက်ပါသွားခဲ့ကြ၏။
အတွင်းဘက်ရှိ အပြင်အဆင်သည် အလွန်အကျူးကို ဇိမ်ခံအဆင့်ရှိသည်ဟု ပြောနိုင်၏။ ကမ္ဘာ့အဆုံးသတ်မတိုင်ခင်ကတော့ ထိုအရာမျိုးကို ချီးကျူးအားကျသည့် ခံစားချက်များ ရှိကောင်းရှိလိမ့်မည်။ သို့သော် ယခုအချိန်မှာတော့ ထိုရှေးဟောင်းပစ္စည်း ရတနာများသည် ပေါင်မုန့်တစ်လုံးလောက်ပင် တန်ဖိုးမရှိပါတော့ချေ။
ဧည့်ခန်းရှိ ဆိုဖာပေါ်တွင် ရှပ်အဖြူနှင့် ပိန်ပါးသောလူတစ်ဦး လဲလျောင်းနေ၏။ သူ့ပုခုံးတွင် သွေးများထွက်နေပြီး အ၀တ်အား အနီရင့်ရောင်စွန်းထင်းနေလေ၏။ ထိုလူ၏ အေးစက်နေသောချွေးများ၊ တုန်ယင်နေသော ခန္ဓာကိုယ်အရ သူသည် ဖုတ်ကောင်တစ်ကောင်ထံမှ အကိုက်ခံလိုက်ရသည်မှ ထင်ရှား၏။
“ကျေးဇူးပြုပြီး သူ့ကိုကယ်ပေးပါ၊ သူ့ကို ကယ်ပေးပါ! ”
“ကျွန်တော်က ဆရာ၀န်တစ်ယောက်ပါ၊ ကျွန်တော်ကြည့်ပါရစေ”
စုန့်ချန်ရှုသည် ရှေ့သို့လျှောက်သွားလိုက်ပြီး သွေးစွန်းနေသောရှပ်ကိုဖွင့်လိုက်ပြီး သူ့ပုခုံးမှ ထိတ်လန့်စရာဒဏ်ရာအား ဖွင့်လှစ်လိုက်၏။ ဒဏ်ရာသည် အသားတစ်,တစ်ခုပျောက်ဆုံးနေပြီး အလွန်နက်သဖြင့် အရိုးကိုပင် မြင်နိုင်ကာ အစွန်အနားပတ်လည်တွင် အနက်ရောင်ဖြစ်နေပြီး ၎င်းသည် စုန့်ချန်ရှုအား မျက်မှောင်ကြုတ်မိသွားစေ၏။
【TN : ကျော် ဆျာ၀န်တျောက်ပါ ဟီး
မစပဲ မနေနိုင်တော့လို့ :၃ 】
အမျိုးသား၏ မျက်လုံးကို ကြည့်လိုက်ချိန်တွင် သူ့အကြည့်သည် အာရုံမစိုက်နေတော့ချေ။ သူ့အနက်ရောင်မျက်စံများသည် အနီရောင်သွေးကြောများဖုံးလွှမ်းနေလေပြီး အနီရောင်သည် အလည်ဗဟိုသို့ပင် ပြန့်နေပြီဖြစ်၏။ ၎င်းသည် ကူးစက်ခံရခြင်း၏ လက္ခဏာပင်ဖြစ်ကာ သူသည် မကြာခင်မှာပင် ဗီဇပြောင်းလဲခြင်းခံရတော့မည်ဖြစ်သည်။
“ဘယ်လိုနေလဲ? ”
လီမင်းက မေးလာ၏။
စုန့်ချန်ရှုသည် သက်ပြင်းရှိုက်ကာ ခေါင့ား ညင်သာစွာ ခါပြလာ၏။
အမျိုးသမီးသည် တစ်ခုခုကို သတိပြုမိသွားခဲ့ပုံရ၏။
“ဝါး ! ”
သူမသည် မျက်ရည်များကျဆင်းလာကာ အမျိုးသား၏ လက်မောင်းများထဲသို့ လဲကျသွားလေ၏။
အစားအစာတချို့သည် သူတို့၏ပတ်လည်ကြမ်းပြင်ပေါ်တွင် ပြန့်ကျဲနေပြီး ၊ စားလက်စအစားအစာများပင်။ ပြောစရာမလိုအောင်ပင် ဘာဖြစ်ပျက်ခဲ့သလဲဆိုသည်ကို သူတို့ ခန့်မှန်းနိုင်လေ၏။ အမျိုးသားသည် အစားအစာရှာရန် ထွက်သွားခဲ့သည့်အချိန်တွင် ဖုတ်ကောင်တစ်ကောင်၏အကိုက်ခံလိုက်ရပြီး ရောဂါပိုးအား ခုခံရန် ကျရှုံးသွားခဲ့လေသည်။
“မဒမ်၊ ခင်ဗျားရဲ့ ခင်ပွန်းက ကူးစက်ခံလိုက်ရပြီ။ ကျေးဇူးပြုပြီး ငါတို့နဲ့ထားခဲ့လိုက်ပါ”
လီမင်းက တိုးတိုးလေးပြောလာ၏။
“မဟုတ် မဟုတ်ဘူး မဟုတ်ဘူး...ငါမသွားနိုင်ဘူး! ”
အမျိုးသမီးသည် အမျိုးသား၏လည်ပင်းအားဖက်ထားကာ လီမင်းနောက်သို့လိုက်ရန် ငြင်းဆန်နေခဲ့လေ၏။
“ခေါင်းဆောင်၊ ကျွန်တော်တို့ ဘာလုပ်သင့်လဲ?”
လီမင်းသည် ခက်ခဲသော ဆုံးဖြတ်ချက်တစ်ခုကို ပြုလုပ်ခဲ့ရ၏။ သူ သူမအား အတင်းအကြပ်မလုပ်နိုင်၊ သူလုပ်သင့်ရဲ့လား? သူတို့တွင် အချိန်အများကြီးမရှိပေ။ သူတို့အကြာကြီးနေလို့မရချေ။
ထိုအချိန်မှာပင် အမျိုးသား၏ ခန္ဓာကိုယ်သည် စတင်တောင့်တင်းလာပြီး သူ့အရေပြားအရောင်သည် စတင်ပြောင်းလဲလာလေ၏။
“သူအသွင်ပြောင်းနေပြီ! ”
စုန့်ချန်ရှုသည် မတိုင်ခင်က ဖုတ်ကောင်အသွင်ပြောင်းခြင်းအားမြင်တွေ့ခဲ့ဖူး၏။ ထို့ကြောင့် ငိုကြွေးနေသောအမျိုးသမီးအား ဆွဲထုတ်လိုက်ပြီး သူ့လက်ထဲမှ သေနတ်အား မြှောက်လိုက်၏။
နောက်တစ်ခဏမှာပင် အမျိုးသားသည် သူ့သွေးနီရောင် မျက်လုံးများကို ဖွင့်လာလေ၏။ သူသည် သူ့လည်ချောင်းထဲမှ အော်ဟောက်လာပြီး " ဟော ဟော " ဟူသည့်အသံဖြင့်အော်ဟောက်ကာ သူ့ပါးစပ်ကိုဖွင့်ပြီး သူတို့ဆီသို့ပြေးလာလေ၏။
“မဟုတ်ဘူး! ”
“ဘန်း! ”
အသံနှစ်ခုသည် တစ်ချိန်တည်းမှာပင် ထွက်ပေါ်လာပြီး အမျိုးသားသည် သူ့နဖူးတွင် သွေးထွက်သံယိုအပေါက်တစ်ခုနှင့်အတူ လဲကျသွားလေ၏။
“နင် သူ့ကို သတ်လိုက်တာ! နင် သူ့ကိုသတ်လိုက်တာ! ”
အမျိုးသမီးသည် ကြေကွဲပြီး ငိုကြွေးလေတော့၏။
ကျန့်ယွင်သည် ထပ်ကြာအောင် စောင့်မကြည့်နိုင်တော့ချေ။ သူသည် သူမဆီသို့တည့်တည့်သွားပြီး အမျိုးသမီးအား သတိမေ့အောင် ရိုက်လိုက်၏။ သူသည် သူမအား ကျန့်ကျားဟယ်ဆီသို့ တွန်းပို့လိုက်ပြီး သူမအား သူ့ပုခုံးပေါ်သို့တင်ပေးလိုက်၏။
“ဘာလို့ ထပ်ပြီး ငါပဲလဲ....”
ကျန့်ကျားဟယ်တစ်ယောက် သူ့ပါးစပ်စေ့လိုက်ပြီး အမျိုးသမီးအား သူ့ပုခုံးပေါ်တွင် သယ်လိုက်၏။
【TN : ကျန့်-ကူလီလေး-ကျားဟယ် : Why always me 😒 】
လီမင်းသည် ကျန့်ယွင်၏ ကိစ္စများကို ကိုင်တွယ်သည့် ရိုးရှင်း ကြမ်းတမ်း သည့်နည်းလမ်းကို နားမလည်နိုင်ခဲ့တော့ချေ။ သူတစ်ခုခုပြောဖို့ ပါးစပ်ဖွင့်လာခဲ့သော်လည်း ပြန်မြိုချလိုက်လေ၏။
ထို့နောက်မှာတော့ သူတို့သည် နောက်ထပ်အိမ်နီးနားချင်းအိမ်နှစ်လုံးကိုထပ်ရှာခဲ့ပြီး နေမထွက်မှီ အားကစားရုံသို့ပြန်မလာခင် အသက်ရှင်ကျန်သူသုံးဦးကိုရှာတွေ့ခဲ့ကြသည်။
အခြားအဖွဲ့များလည်း ပြန်ရောက်လာခဲ့ကြသော်လည်း သူတို့သည် အသက်ရှင်ကျန်သူနောက်ထပ်များစွာကို ရှာမတွေ့ခဲ့ကြချေ။
တပ်မှူးသည် Aမြို့၏ မြေပုံကိုဖွင့်လိုက်ကာ ဂရုတစိုက်လေ့လာကြည့်လိုက်၏။ ယခင်က A မြို့သည် ခရီးသွားမြို့တစ်ခုဖြစ်ခဲ့သည်ဟု ပြောခဲ့၏။ မြို့ခံလူဦးရေထက် ခရီးသွားဧည့်သည်သည် ပိုများ၏။ Aမြို့၏ သာယာသောရှုခင်းအများစုသည် အနောက်ဘက်ခြမ်းတွင်တည်ရှိကြ၏။ ထိုနေရာတွင် တောင်များ၊ မြစ်များနှင့် ရှုခင်းသာများသည် အလွန်သာယာလေ၏။
ခရီးသွားဧည့်သည်များသည် အရှေ့ဘက်မှ မြို့တွင်းသို့၀င်ရောက်လာခဲ့ကြ၏။ သို့သော် တစ်နေ့တာ၏ အဓိက ရှာဖွေမှုသည် မြို့ပြနယ်မြေများသည်ပင်။ ခရီးသွားဧည့်သည်များသည် ဟော်တယ်များထဲတွင် ပုန်းနေကြခြင်းသော်လည်းကောင်း အနောက်ဘက်သို့ ထွက်ပြေးကုန်ကြခြင်းသော်လည်းကောင်းဖြစ်နိုင်၏။ ထို့ကြောင့် သူသည် သူတို့၏ ဤည၏ နောက်ထပ်ရှာဖွေမှုသည် မြို့၏အနောက်ဘက်သို့ဦးတည်ရန် ဆုံဖြတ်ချက်ချလိုက်၏။
သူတို့သည် ယနေ့၌ အသက်ရှင်ကျန်သူ ခြောက်ဆယ့်ကိုးဦးကို ရှာတွေ့ခဲ့ကြပြီး အများစုသည် ကမ္ဘာပျက်ကပ်ကြီးစတင်ကတည်းက သူတို့အိမ်များထဲတွင် ပုန်းနေခဲ့ကြပြီး သူတို့သိုလှောင်ထားသောအစားအစာများကို အသက်ရှင်သန်ရေးအတွက် မှီခိုနေခဲ့ကြခြင်းဖြစ်သည်။ သူတို့သည် ထိတ်လန့် ကြောက်ရွံ့ခြင်းနှင့် ဆာလောင်သောအခြေအနေတွင် ရောက်နေကြ၏။
ရှာဖွေကယ်ဆယ်ရေးအဖွဲ့သည် သူတို့အား ကုန်ပစ္စည်းခြောက်အချို့၊ ဘီစကစ်နှင့် အခြားအစားအစာများအား ပေးခဲ့၏။ သူတို့စားရခက်ခဲသော်လည်း သူတို့အစာအိမ်အားဖြည့်တင်းကြရမည်ပင်။
စုရွေ့ကျယ်သည် အခြေအနေအားမြင်ပြီး သူတို့ကားပေါ်သို့တက်ကာ အိတ်အထုပ်ကြီးအားဖွင့်လိုက်၏။ သူသည် အိုးတစ်လုံးကိုထုတ်ယူလိုက်ပြီး၊ ခေါက်ဆွဲခြောက်လေးထုပ်ကို အရက်မီးခွက်ဖြင့် ဆူအောင်တည်လိုက်ပြီး အားကစားရုံတစ်ခုလုံးသို့ အနံ့များပြည့်သွားစေလေ၏။ သူသည် ခေါက်ဆွဲများကို တစ်ခါသုံးခွက်တစ်လုံးတွင်ထည့်၍ အသက်ရှင်ကျန်သူတစ်ယောက်ချင်းစီကို ကျွေးလိုက်၏။
ဤအချိန်တွင် ခေါက်ဆွဲခြောက်များတွင်တာရှည်ခံပစ္စည်းများပါမပါ၊ သူတို့အသုံးပြုပြီးသားဖြစ်သော တစ်ခါသုံးခွက်များကို ပန်းကန်ခွက်ယောက်အဖြစ်သုံးနေခြင်းကို မည်သူကမှ ဂရုမစိုက်နိုင်ကြတော့ဘဲ သူတို့စားနိုင်သည့်အရသာကြောင့် ခွက်များအား ကိုင်ထားခဲ့ကြလေသည်။
အသက်ရှင်ကျန်သူများသည် သူတို့၏ ပူနွေးသောခေါက်ဆွဲစွပ်ပြုတ်ကြောင့် သက်သာခဲ့ကြပြီး အစာအစာခြောက်များနှင့် ဘီစကစ်များကို ကောက်ယူကာ ဖြေးညင်းစွာ ၀ါးနေကြတော့၏။
သူသည် စစ်သားများကိုလည်း ၀က်ပေါင်ခြောက်နှင့် ချောကလက်ကဲ့သို့ သူတို့၏ခွန်အားကိုဖြည့်တင်းနိုင်သည့်အရာများအပြင် ဖျော်ရည်နှင့် ခွန်အားဖြည့်အချိုရည်များကိုလည်း ပေးခဲ့၏။ သူတို့သည် တစ်ညလုံး အလုပ်ကြိုးစားခဲ့ကြသည်ပင်။
“ကျေးဇူးတင်ပါတယ်....”
လီမင်းသည် ရှက်ကိုးရှက်ကန်းဖြင့် ပြောလိုက်၏။ စုရွေ့ကျယ်နှင့် သူ့အဖွဲ့သည် ထိုပစ္စည်းများကို စုဆောင်းရန် အပြင်းအထန်ကြိုးစားခဲ့ကြသည်ကို သူသိ၏။ သို့သော် နောက်ဆုံး၌ အခြားသူများကို ဖြန့်ဝေပေးခဲ့၏။
“ရပါတယ်”
သူတို့သည် ဤလောက်များသော ပစ္စည်းများကို စုဆောင်းပြီးနောက် သူတို့စားသောက်နေသည့်အချိန်တွင် တခြားမည်သူ့ကိုမှ ခွဲဝေပေးခြင်း မပြုရန် အကြောင်းပြချက်မရှိချေ။
နောက်ထပ် အရက်မီးခွက်တစ်ခုအပိုရှိပါက စုရွေ့ကျယ်သည် ခေါက်ဆွဲနောက်တစ်အိုးကိုချက်ပြုတ်လိုက်မည်ပင်။ သို့သော် ၎င်းက မင်းရဲ့ဗိုက်ပြည့်ဖို့ပဲလေ။ သူတို့အသက်ရှင်ကျန်သူ အခြေစိုက်စခန်းကိုပြန်ရောက်ပါက တံခါးပိတ်ပြီး သူတို့စားချင်သည့် မည်သည့်အရာမဆို စား၍ရနိုင်သည်။
နေထွက်လာခဲ့ပြီး အပူချိန်လည်း မြင့်တက်လာလေကာ လူများသည် စတင် အိပ်ပျော်သွားကြ၏။
နေ၀င်သွားသည့်အချိန်တွင် ရှာဖွေကယ်ဆယ်ရေးအဖွဲ့သည် အလျင်အမြန်စုဝေးကြကာ ဒုတိယမြောက် ရှာဖွေကယ်ဆယ်ရေး တာ၀န်အတွက် ပြင်ဆင်ကြလေ၏။ ပထမနှင့် ဒုတိယအဖွဲ့သည် အသက်ရှင်ကျန်သူများကို ကာကွယ်ရန် ကျန်နေခဲ့ပြီး တခြားအဖွဲ့အားလုံးကို အပြင်သို့ စေလွှတ်လိုက်၏။
တပ်မှူးသည် မြေပုံပေါ်တွင် အဖွဲ့တစ်ခုစီအတွက် နယ်မြေအမှတ်အသားပြုပေးခဲ့ပြီး ဆယ့်နှစ်ခုမြောက်အဖွဲ့၏ စစ်ကားသည် အမှတ်အသားဆီသို့ ရွေ့သွားကြလေ၏။
ရှာဖွေမှုတစ်ခု၏ အကွာအဝေးအား ဆယ်ကီလိုမီတာခန့်သတ်မှတ်ပေးထားခဲ့သော်လည်း ရှာဖွေရနယ်မြေကို ကျော်သွားသည့်တိုင် သက်ရှိထောက်လှမ်းရေးကိရိယာသည် တုန့်ပြန်အချက်ပေးခြင်းရှိမလာခဲ့ချေ။
ယာဉ်သည် သက်ရှိထောက်လှမ်းရေးကိရိယာညွှန်ပြသည့် လမ်းကြောင်းအတိုင်း မောင်းသွားခဲ့ရာ အလယ်တန်းကျောင်းတစ်ခုကို မြင်လိုက်ကြရ၏။
အဖြူရောင်နံရံသည် ကလေးများ၏ ဂရပ်ဖတီဖြင့်ဆေးခြယ်ထားပြီး ၀င်ပေါက်အပေါ်တွင် " ချန်းယန်အလယ်တန်းကျောင်း " ဟုရေးသားထား၏။ သို့သော်လည်း ကျောင်း၏သံဂိတ်တံခါးသည် ဖျက်စီးခံထားရပြီး အားကစားကွင်းအလွတ်သည် လူသေများ၏ နက်ရှိုင်းသော အော်ဟောက်သံဖြင့် ပဲ့တင်ထပ်နေခဲ့၏။
ကျောင်းထဲတွင် အသက်ရှင်ကျန်နေသူတစ်ယောက်ရှိရမည်ဖြစ်ပြီး ကလေးတစ်ယောက်လည်းဖြစ်နိုင်၏။ ဤအသိသည် လူများ၏ နှလုံးသားအား တုန်လှုပ်နစ်မြုပ်သွားစေ၏။ သူတို့သည် ကျောင်းထဲသို့ကားအား အလျင်စလိုမောင်း၀င်ခဲ့ကြပြီး မကြာခင်မှာပင် အဆောက်အဦး၏ အောက်ခြေတွင် တံခါးများအား ရိုက်ပုတ်နေသော ဖုတ်ကောင်ရာပေါင်းများစွာကို မြင်လိုက်ကြရ၏။
တံခါးကို ဗီရိုများနှင့် ပိတ်ဆို့ထားသော်လည်း ဖုတ်ကောင်များ၏ ကြမ်းတမ်းသောရိုက်ပုတ်မှုများအောက်တွင် သိပ်ကြာကြာခံနိုင်တော့မည်မဟုတ်သည့်ပုံရ၏။
အဆောက်အဦးထဲရှိ ကျောင်းသားများသည် အန္တရာယ်ရှိနိုင်သည်။
“တိုက်ပွဲအတွက် အသင့်ပြင်! ”
လီမင်း အမိန့်ပေးလိုက်ချေ၏။
လူတိုင်းသည် ကားထဲမှ ခုန်ဆင်းလိုက်ကာ သူတို့၏စက်သေနတ်များကို မြှောက်လိုက်ပြီး ဖုတ်ကောင်များအား ပစ်ချလေတော့၏။ သေနတ်သံများ တဒတ်ဒတ်နှင့် ဖုတ်ကောင်များ လျင်မြန်စွာ လဲပြိုကျကုန်လေ၏။ သို့သော် အသစ်များ တိုးလာလေ၏။
ဖုတ်ကောင်များ အလွန်များပြားနေသဖြင့် တိုက်ခိုက်နေသော စစ်သားများအား နောက်ပြန်ဆုတ်ခိုင်းရ၏။
“အောင်း! ”
ရုတ်တရက် ဖုတ်ကောင်တစ်ကောင်သည် ဖုတ်ကောင်အုပ်ကြီးကို ဖြတ်ပြီးတိုးထွက်လာလေကာ ကျည်ဆန်မိုးကိုဖြတ်ပြီး စစ်သားများဆီသို့ ပြေးလာလေ၏။ မရေမတွက်နိုင်သော ကျည်ဆန်များသည် ၎င်း၏ခန္ဓာကိုယ်ကို ထိမှန်သွားသော်လည်း ၎င်း၏အရှိန်ကို မရပ်တန့်နိုင်ခဲ့ချေ။
“လက်ပစ်ဗုံးတွေကို သတိထား! ”
လီမင်းအော်လိုက်ပြီး လက်ဗစ်ဗုံးတစ်လုံးကို ပစ်လိုက်လေ၏။
လက်ပစ်ဗုံးသည် မပေါက်ကွဲခင် ဖုတ်ကောင်၏ ခန္ဓာကိုယ်နှင့် တိတိကျကျထိမိသွားလေ၏။ ခန္ဓာကိုယ်၏ ဘယ်ဘက်အခြမ်းသည် ပျောက်ကွယ်သွားသော်လည်း ၎င်းသည် ၎င်း၏ကျန်သည့်ခြေတစ်ချောင်းနှင့် သူတို့ဆီသို့ ခေါင်းမာစွာနှင့်ရွေ့လာနေဆဲပင်။
စစ်သားများသည် ၎င်း၏ခေါင်းအား ပစ်ခတ်ခဲ့ကြသော်လည်း ဖုတ်ကောင်သည် သတ်ရန် ခက်ခဲကြောင်း သက်သေပြနေခဲ့လေ၏။
🍒🍒
ထွမ်စလေတာလေးအား မုန့်ဖိုးပေးနိုင်ပါသည် ဟီးဟီး
09256902862 (kpay/wave pay)
【 Zawgyi 】
သုံးနာရီၾကာၿပီးေနာက္ ရွာေဖြ ကယ္ဆယ္ေရးအဖြဲ႕မ်ားသည္ လမ္း ဆယ့္ခုနစ္လမ္းႏွင့္ လူေနဧရိယာဆယ့္တစ္ခုကို ရွာေဖြခဲ့ၾက၏။ သူတို႔သည္ ဖုတ္ေကာင္ တစ္ေထာင္နီးပါးကို သတ္ျဖတ္ခဲ့ၾကေသာ္လည္း အသက္ရွင္က်န္သူ သုံးဆယ့္သုံးဦးကိုသာလွ်င္ ရွာေတြ႕ခဲ့ၾကေလ၏။
ဤနယ္ေျမတြင္ အသက္ရွင္က်န္သူက ဤထက္ပိုမ်ားရမည္။ သူတို႔ဘယ္ေနရာမွာမ်ားလဲ?
Aၿမိဳ႕က အသက္ရွင္က်န္ေနသူေတြက တစ္ေနရာရာမွာ အတူတူစုၿပီး ပုန္းေနၾကတာ ျဖစ္နိုင္ေလမလား?
အာ႐ုံမတက္ခင္ တစ္နာရီခြဲေလာက္၌ ရွာေဖြကယ္ဆယ္ေရး တာ၀န္၏ တပ္မႉးသည္ ေန႕လည္ဘက္ ရွာေဖြကယ္ဆယ္ေရးအသင္းအနားယူဖို႔အတြက္ ၿမိဳ႕လည္ေခါင္ရွိ အားကစား႐ုံႀကီးတစ္ခုကို အေျခစိုက္စခန္းအျဖစ္ေ႐ြးခ်ယ္လိုက္၏။ ပထမႏွင့္ ဒုတိယအဖြဲ႕တို႔သည္ အားကစား႐ုံအတြင္းရွိ အေလာင္းမ်ားကို ဖယ္ရွားရွင္းလင္းရန္ တာ၀န္ေပးခံရ၏။ တျခားအဖြဲ႕မ်ားသည္ ရွာေဖြမႈမ်ားကို ျဖန႔္က်က္လုပ္ေဆာင္ရန္ သက္ရွိေထာက္လွမ္းေရးကိရိယာမ်ားကိုဆက္လက္အသုံးျပဳခဲ့ၾကၿပီး အာ႐ုံမတက္ခင္မွာပင္ အားကစား႐ုံဆီသို႔ျပန္ေရာက္လာၾကေလ၏။
သက္ရွိေထာက္လွမ္းေရးကိရိယာေနာက္ကိုလိုက္ရင္း ဆယ့္ႏွစ္ခုေျမာက္အဖြဲ႕သည္ အဆင့္ျမင့္ဗီလာခရိုင္တစ္ခုသို႔ေရာက္သြားခဲ့ၾက၏။ ဗိုလ္မႈးသည္ တံခါး၌ အေစာင့္ ေလးငါးေယာက္ကို ခ်န္ထားခဲ့ရန္ ရပ္တန႔္လိုက္၏။ က်န္သည့္သူမ်ားသည္ ဗီလာခရိုင္သို႔ အတူတကြ ၀င္ေရာက္ခဲ့ၾက၏။
သူတို႔ျဖတ္ေက်ာ္လာသည့္ အိမ္မ်ားစြာသည္ တံခါးမ်ားအဖြင့္ခံထားၾကရၿပီးျဖစ္၏။ တံခါးမႀကီးမ်ား၊ ေသာ့မ်ား၊ ျပတင္းေပါက္မ်ားသည္ ရိုက္ခြဲအဖြင့္ခံထားၾကရၿပီး အိမ္မ်ားသည္ အေသအခ်ာရွာေဖြခံခဲ့ရၿပီးပုံပင္။ ဗီလာခရိုင္အတြင္းရွိ အသက္ရွင္က်န္သူမ်ားသည္ အစားအစာအတြက္ ရွာေဖြခဲ့ၾကပုံရ၏။ ဆယ့္ႏွစ္ခုေျမာက္အဖြဲ႕သည္ ဆက္လက္လမ္းေလွ်ာက္လာၾကၿပီး ဗီလာတစ္ခု၏ ဂိတ္ေပါက္တဝိုက္တြင္ဖုတ္ေကာင္ဒါဇင္ေပါင္းမ်ားစြာကို ေတြ႕လိုက္ၾကရၿပီး ၎တို႔သည္ တံခါးအား ရိုက္ႏွက္ ခ်ိဳးဖဲ့ေနၾကေလ၏။
သက္ရွိေထာက္လွမ္းေရးကိရိယာမရွိလွ်င္ေတာင္ ဗီလာအတြင္း၌ အသက္ရွင္သန္သူမ်ား ရွိမည္ကို ခန႔္မွန္းနိုင္ၾကေလ၏။ သူတို႔ခ်ဥ္းကပ္လာသည္ႏွင့္ ဖုတ္ေကာင္မ်ားသည္ လတ္ဆတ္ေသာအေသြးအသားရနံ႕ကို ရလိုက္ၾကရ၏။ သူတို႔သည္ ခ်က္ခ်င္းပင္ ဖုတ္ေကာင္မ်ားအား စတင္ ပစ္ခတ္ သတ္ျဖတ္လိုက္ၾက၏။
“တံခါးဖြင့္ပါ၊ ငါတို႔က အစိုးရရွာေဖြကယ္ဆယ္ေရးအဖြဲ႕ပါ။ ငါတို႔ ဖုတ္ေကာင္ေတြကိုသတ္ၿပီးၿပီ၊ ေက်းဇူးျပဳၿပီး တံခါးဖြင့္ပါ ”
လီမင္းသည္ ေရွ႕သို႔တက္လာၿပီး တံခါးအား ျပင္းျပင္းထန္ထန္ေခါက္လိုက္၏။
တုန္ယင္ေနေသာလက္မ်ားသည္ တံခါးအားဖြင့္လာခဲ့ၿပီး အမ်ိဳးသမီးတစ္ဦး၏ ေဖ်ာ့ေတာ့ေနေသာမ်က္ႏွာ ေပၚလာေလ၏။ သူမသည္ ပိုးသားဂါ၀န္ကို၀တ္ဆင္ထားေလ၏။ ဆာေလာင္ေနျခင္းေၾကာင့္ျဖစ္နိုင္ကာ သူမ၏ ပါးမ်ားသည္ ခ်ိဳင့္၀င္ေနၿပီး ပါးရိုးမ်ား ေငါထြက္ေနေလ၏။ အနက္ေရာင္ဆံပင္ရွိေသာေခါင္းတစ္ခုႏွင့္ ထိတ္လန႔္ေၾကာက္႐ြံ႕ေနေသာ မ်က္လုံးႀကီးတစ္စုံေၾကာင့္ သူမသည္ ထိတ္လန႔္ေၾကာက္မက္ဖြယ္႐ုပ္ရွင္တစ္ခုမွ ထြက္ေပၚလာသည့္ မင္းသမီးတစ္လက္ကဲ့သို႔ပင္။
“ရွင္...ရွင္တို႔....”
အမ်ိဳးသမီးသည္ အျပင္ဘက္ရွိ စစ္၀တ္စုံ၀တ္ဆင္ထားသည့္ လူမ်ားကို ျမင္လိုက္ၿပီး သူမ၏မ်က္လုံးထဲတြင္ ေမွ်ာ္လင့္ခ်က္မ်ား ထြက္ေပၚလာေလ၏။ သူမသည္ လီမင္းအားဆြဲလိုက္ၿပီး သူ႕အားအထဲသို႔ ဆြဲေခၚသြားေလ၏။
“အထဲကိုလာပါ! သူ႕ကို ကယ္ေပးပါ! သူ႕ကို ကယ္ေပးပါ! ”
လီမင္းသည္ အမ်ိဳးသမီး၏ ဖမ္းဆြဲခံလိုက္ရၿပီး တုန္လႈပ္သြားေသာ္လည္း သူမ၏အသံထဲမွ အေရးတႀကီးအရာကို ၾကားလိုက္ရၿပီး သူမေနာက္မွ အိမ္ထဲသို႔လိုက္သြားေလ၏။ တျခားသူမ်ားလည္း သူတို႔ေနာက္မွ လိုက္ပါသြားခဲ့ၾက၏။
အတြင္းဘက္ရွိ အျပင္အဆင္သည္ အလြန္အက်ဴးကို ဇိမ္ခံအဆင့္ရွိသည္ဟု ေျပာနိုင္၏။ ကမၻာ့အဆုံးသတ္မတိုင္ခင္ကေတာ့ ထိုအရာမ်ိဳးကို ခ်ီးက်ဴးအားက်သည့္ ခံစားခ်က္မ်ား ရွိေကာင္းရွိလိမ့္မည္။ သို႔ေသာ္ ယခုအခ်ိန္မွာေတာ့ ထိုေရွးေဟာင္းပစၥည္း ရတနာမ်ားသည္ ေပါင္မုန႔္တစ္လုံးေလာက္ပင္ တန္ဖိုးမရွိပါေတာ့ေခ်။
ဧည့္ခန္းရွိ ဆိုဖာေပၚတြင္ ရွပ္အျဖဴႏွင့္ ပိန္ပါးေသာလူတစ္ဦး လဲေလ်ာင္းေန၏။ သူ႕ပုခုံးတြင္ ေသြးမ်ားထြက္ေနၿပီး အ၀တ္အား အနီရင့္ေရာင္စြန္းထင္းေနေလ၏။ ထိုလူ၏ ေအးစက္ေနေသာေခြၽးမ်ား၊ တုန္ယင္ေနေသာ ခႏၶာကိုယ္အရ သူသည္ ဖုတ္ေကာင္တစ္ေကာင္ထံမွ အကိုက္ခံလိုက္ရသည္မွ ထင္ရွား၏။
“ေက်းဇူးျပဳၿပီး သူ႕ကိုကယ္ေပးပါ၊ သူ႕ကို ကယ္ေပးပါ! ”
“ကြၽန္ေတာ္က ဆရာ၀န္တစ္ေယာက္ပါ၊ ကြၽန္ေတာ္ၾကည့္ပါရေစ”
စုန႔္ခ်န္ရႈသည္ ေရွ႕သို႔ေလွ်ာက္သြားလိုက္ၿပီး ေသြးစြန္းေနေသာရွပ္ကိုဖြင့္လိုက္ၿပီး သူ႕ပုခုံးမွ ထိတ္လန႔္စရာဒဏ္ရာအား ဖြင့္လွစ္လိုက္၏။ ဒဏ္ရာသည္ အသားတစ္,တစ္ခုေပ်ာက္ဆုံးေနၿပီး အလြန္နက္သျဖင့္ အရိုးကိုပင္ ျမင္နိုင္ကာ အစြန္အနားပတ္လည္တြင္ အနက္ေရာင္ျဖစ္ေနၿပီး ၎သည္ စုန႔္ခ်န္ရႈအား မ်က္ေမွာင္ၾကဳတ္မိသြားေစ၏။
【TN : ေက်ာ္ ဆ်ာ၀န္ေတ်ာက္ပါ ဟီး
မစပဲ မေနနိုင္ေတာ့လို႔ :၃ 】
အမ်ိဳးသား၏ မ်က္လုံးကို ၾကည့္လိုက္ခ်ိန္တြင္ သူ႕အၾကည့္သည္ အာ႐ုံမစိုက္ေနေတာ့ေခ်။ သူ႕အနက္ေရာင္မ်က္စံမ်ားသည္ အနီေရာင္ေသြးေၾကာမ်ားဖုံးလႊမ္းေနေလၿပီး အနီေရာင္သည္ အလည္ဗဟိုသို႔ပင္ ျပန႔္ေနၿပီျဖစ္၏။ ၎သည္ ကူးစက္ခံရျခင္း၏ လကၡဏာပင္ျဖစ္ကာ သူသည္ မၾကာခင္မွာပင္ ဗီဇေျပာင္းလဲျခင္းခံရေတာ့မည္ျဖစ္သည္။
“ဘယ္လိုေနလဲ? ”
လီမင္းက ေမးလာ၏။
စုန႔္ခ်န္ရႈသည္ သက္ျပင္းရွိုက္ကာ ေခါင့ား ညင္သာစြာ ခါျပလာ၏။
အမ်ိဳးသမီးသည္ တစ္ခုခုကို သတိျပဳမိသြားခဲ့ပုံရ၏။
“ဝါး ! ”
သူမသည္ မ်က္ရည္မ်ားက်ဆင္းလာကာ အမ်ိဳးသား၏ လက္ေမာင္းမ်ားထဲသို႔ လဲက်သြားေလ၏။
အစားအစာတခ်ိဳ႕သည္ သူတို႔၏ပတ္လည္ၾကမ္းျပင္ေပၚတြင္ ျပန႔္က်ဲေနၿပီး ၊ စားလက္စအစားအစာမ်ားပင္။ ေျပာစရာမလိုေအာင္ပင္ ဘာျဖစ္ပ်က္ခဲ့သလဲဆိုသည္ကို သူတို႔ ခန႔္မွန္းနိုင္ေလ၏။ အမ်ိဳးသားသည္ အစားအစာရွာရန္ ထြက္သြားခဲ့သည့္အခ်ိန္တြင္ ဖုတ္ေကာင္တစ္ေကာင္၏အကိုက္ခံလိုက္ရၿပီး ေရာဂါပိုးအား ခုခံရန္ က်ရႈံးသြားခဲ့ေလသည္။
“မဒမ္၊ ခင္ဗ်ားရဲ႕ ခင္ပြန္းက ကူးစက္ခံလိုက္ရၿပီ။ ေက်းဇူးျပဳၿပီး ငါတို႔နဲ႕ထားခဲ့လိုက္ပါ”
လီမင္းက တိုးတိုးေလးေျပာလာ၏။
“မဟုတ္ မဟုတ္ဘူး မဟုတ္ဘူး...ငါမသြားနိုင္ဘူး! ”
အမ်ိဳးသမီးသည္ အမ်ိဳးသား၏လည္ပင္းအားဖက္ထားကာ လီမင္းေနာက္သို႔လိုက္ရန္ ျငင္းဆန္ေနခဲ့ေလ၏။
“ေခါင္းေဆာင္၊ ကြၽန္ေတာ္တို႔ ဘာလုပ္သင့္လဲ?”
လီမင္းသည္ ခက္ခဲေသာ ဆုံးျဖတ္ခ်က္တစ္ခုကို ျပဳလုပ္ခဲ့ရ၏။ သူ သူမအား အတင္းအၾကပ္မလုပ္နိုင္၊ သူလုပ္သင့္ရဲ႕လား? သူတို႔တြင္ အခ်ိန္အမ်ားႀကီးမရွိေပ။ သူတို႔အၾကာႀကီးေနလို႔မရေခ်။
ထိုအခ်ိန္မွာပင္ အမ်ိဳးသား၏ ခႏၶာကိုယ္သည္ စတင္ေတာင့္တင္းလာၿပီး သူ႕အေရျပားအေရာင္သည္ စတင္ေျပာင္းလဲလာေလ၏။
“သူအသြင္ေျပာင္းေနၿပီ! ”
စုန႔္ခ်န္ရႈသည္ မတိုင္ခင္က ဖုတ္ေကာင္အသြင္ေျပာင္းျခင္းအားျမင္ေတြ႕ခဲ့ဖူး၏။ ထို႔ေၾကာင့္ ငိုေႂကြးေနေသာအမ်ိဳးသမီးအား ဆြဲထုတ္လိုက္ၿပီး သူ႕လက္ထဲမွ ေသနတ္အား ျမႇောက္လိုက္၏။
ေနာက္တစ္ခဏမွာပင္ အမ်ိဳးသားသည္ သူ႕ေသြးနီေရာင္ မ်က္လုံးမ်ားကို ဖြင့္လာေလ၏။ သူသည္ သူ႕လည္ေခ်ာင္းထဲမွ ေအာ္ေဟာက္လာၿပီး " ေဟာ ေဟာ " ဟူသည့္အသံျဖင့္ေအာ္ေဟာက္ကာ သူ႕ပါးစပ္ကိုဖြင့္ၿပီး သူတို႔ဆီသို႔ေျပးလာေလ၏။
“မဟုတ္ဘူး! ”
“ဘန္း! ”
အသံႏွစ္ခုသည္ တစ္ခ်ိန္တည္းမွာပင္ ထြက္ေပၚလာၿပီး အမ်ိဳးသားသည္ သူ႕နဖူးတြင္ ေသြးထြက္သံယိုအေပါက္တစ္ခုႏွင့္အတူ လဲက်သြားေလ၏။
“နင္ သူ႕ကို သတ္လိုက္တာ! နင္ သူ႕ကိုသတ္လိုက္တာ! ”
အမ်ိဳးသမီးသည္ ေၾကကြဲၿပီး ငိုေႂကြးေလေတာ့၏။
က်န႔္ယြင္သည္ ထပ္ၾကာေအာင္ ေစာင့္မၾကည့္နိုင္ေတာ့ေခ်။ သူသည္ သူမဆီသို႔တည့္တည့္သြားၿပီး အမ်ိဳးသမီးအား သတိေမ့ေအာင္ ရိုက္လိုက္၏။ သူသည္ သူမအား က်န႔္က်ားဟယ္ဆီသို႔ တြန္းပို႔လိုက္ၿပီး သူမအား သူ႕ပုခုံးေပၚသို႔တင္ေပးလိုက္၏။
“ဘာလို႔ ထပ္ၿပီး ငါပဲလဲ....”
က်န႔္က်ားဟယ္တစ္ေယာက္ သူ႕ပါးစပ္ေစ့လိုက္ၿပီး အမ်ိဳးသမီးအား သူ႕ပုခုံးေပၚတြင္ သယ္လိုက္၏။
【TN : က်န႔္-ကူလီေလး-က်ားဟယ္ : Why always me 😒 】
လီမင္းသည္ က်န႔္ယြင္၏ ကိစၥမ်ားကို ကိုင္တြယ္သည့္ ရိုးရွင္း ၾကမ္းတမ္း သည့္နည္းလမ္းကို နားမလည္နိုင္ခဲ့ေတာ့ေခ်။ သူတစ္ခုခုေျပာဖို႔ ပါးစပ္ဖြင့္လာခဲ့ေသာ္လည္း ျပန္ၿမိဳခ်လိဳက္ေလ၏။
ထို႔ေနာက္မွာေတာ့ သူတို႔သည္ ေနာက္ထပ္အိမ္နီးနားခ်င္းအိမ္ႏွစ္လုံးကိုထပ္ရွာခဲ့ၿပီး ေနမထြက္မွီ အားကစား႐ုံသို႔ျပန္မလာခင္ အသက္ရွင္က်န္သူသုံးဦးကိုရွာေတြ႕ခဲ့ၾကသည္။
အျခားအဖြဲ႕မ်ားလည္း ျပန္ေရာက္လာခဲ့ၾကေသာ္လည္း သူတို႔သည္ အသက္ရွင္က်န္သူေနာက္ထပ္မ်ားစြာကို ရွာမေတြ႕ခဲ့ၾကေခ်။
တပ္မႉးသည္ Aၿမိဳ႕၏ ေျမပုံကိုဖြင့္လိုက္ကာ ဂ႐ုတစိုက္ေလ့လာၾကည့္လိုက္၏။ ယခင္က A ၿမိဳ႕သည္ ခရီးသြားၿမိဳ႕တစ္ခုျဖစ္ခဲ့သည္ဟု ေျပာခဲ့၏။ ၿမိဳ႕ခံလူဦးေရထက္ ခရီးသြားဧည့္သည္သည္ ပိုမ်ား၏။ Aၿမိဳ႕၏ သာယာေသာရႈခင္းအမ်ားစုသည္ အေနာက္ဘက္ျခမ္းတြင္တည္ရွိၾက၏။ ထိုေနရာတြင္ ေတာင္မ်ား၊ ျမစ္မ်ားႏွင့္ ရႈခင္းသာမ်ားသည္ အလြန္သာယာေလ၏။
ခရီးသြားဧည့္သည္မ်ားသည္ အေရွ႕ဘက္မွ ၿမိဳ႕တြင္းသို႔၀င္ေရာက္လာခဲ့ၾက၏။ သို႔ေသာ္ တစ္ေန႕တာ၏ အဓိက ရွာေဖြမႈသည္ ၿမိဳ႕ျပနယ္ေျမမ်ားသည္ပင္။ ခရီးသြားဧည့္သည္မ်ားသည္ ေဟာ္တယ္မ်ားထဲတြင္ ပုန္းေနၾကျခင္းေသာ္လည္းေကာင္း အေနာက္ဘက္သို႔ ထြက္ေျပးကုန္ၾကျခင္းေသာ္လည္းေကာင္းျဖစ္နိုင္၏။ ထို႔ေၾကာင့္ သူသည္ သူတို႔၏ ဤည၏ ေနာက္ထပ္ရွာေဖြမႈသည္ ၿမိဳ႕၏အေနာက္ဘက္သို႔ဦးတည္ရန္ ဆုံျဖတ္ခ်က္ခ်လိဳက္၏။
သူတို႔သည္ ယေန႕၌ အသက္ရွင္က်န္သူ ေျခာက္ဆယ့္ကိုးဦးကို ရွာေတြ႕ခဲ့ၾကၿပီး အမ်ားစုသည္ ကမၻာပ်က္ကပ္ႀကီးစတင္ကတည္းက သူတို႔အိမ္မ်ားထဲတြင္ ပုန္းေနခဲ့ၾကၿပီး သူတို႔သိုေလွာင္ထားေသာအစားအစာမ်ားကို အသက္ရွင္သန္ေရးအတြက္ မွီခိုေနခဲ့ၾကျခင္းျဖစ္သည္။ သူတို႔သည္ ထိတ္လန႔္ ေၾကာက္႐ြံ႕ျခင္းႏွင့္ ဆာေလာင္ေသာအေျခအေနတြင္ ေရာက္ေနၾက၏။
ရွာေဖြကယ္ဆယ္ေရးအဖြဲ႕သည္ သူတို႔အား ကုန္ပစၥည္းေျခာက္အခ်ိဳ႕၊ ဘီစကစ္ႏွင့္ အျခားအစားအစာမ်ားအား ေပးခဲ့၏။ သူတို႔စားရခက္ခဲေသာ္လည္း သူတို႔အစာအိမ္အားျဖည့္တင္းၾကရမည္ပင္။
စုေ႐ြ႕က်ယ္သည္ အေျခအေနအားျမင္ၿပီး သူတို႔ကားေပၚသို႔တက္ကာ အိတ္အထုပ္ႀကီးအားဖြင့္လိုက္၏။ သူသည္ အိုးတစ္လုံးကိုထုတ္ယူလိုက္ၿပီး၊ ေခါက္ဆြဲေျခာက္ေလးထုပ္ကို အရက္မီးခြက္ျဖင့္ ဆူေအာင္တည္လိုက္ၿပီး အားကစား႐ုံတစ္ခုလုံးသို႔ အနံ႕မ်ားျပည့္သြားေစေလ၏။ သူသည္ ေခါက္ဆြဲမ်ားကို တစ္ခါသုံးခြက္တစ္လုံးတြင္ထည့္၍ အသက္ရွင္က်န္သူတစ္ေယာက္ခ်င္းစီကို ေကြၽးလိုက္၏။
ဤအခ်ိန္တြင္ ေခါက္ဆြဲေျခာက္မ်ားတြင္တာရွည္ခံပစၥည္းမ်ားပါမပါ၊ သူတို႔အသုံးျပဳၿပီးသားျဖစ္ေသာ တစ္ခါသုံးခြက္မ်ားကို ပန္းကန္ခြက္ေယာက္အျဖစ္သုံးေနျခင္းကို မည္သူကမွ ဂ႐ုမစိုက္နိုင္ၾကေတာ့ဘဲ သူတို႔စားနိုင္သည့္အရသာေၾကာင့္ ခြက္မ်ားအား ကိုင္ထားခဲ့ၾကေလသည္။
အသက္ရွင္က်န္သူမ်ားသည္ သူတို႔၏ ပူႏြေးေသာေခါက္ဆြဲစြပ္ျပဳတ္ေၾကာင့္ သက္သာခဲ့ၾကၿပီး အစာအစာေျခာက္မ်ားႏွင့္ ဘီစကစ္မ်ားကို ေကာက္ယူကာ ေျဖးညင္းစြာ ၀ါးေနၾကေတာ့၏။
သူသည္ စစ္သားမ်ားကိုလည္း ၀က္ေပါင္ေျခာက္ႏွင့္ ေခ်ာကလက္ကဲ့သို႔ သူတို႔၏ခြန္အားကိုျဖည့္တင္းနိုင္သည့္အရာမ်ားအျပင္ ေဖ်ာ္ရည္ႏွင့္ ခြန္အားျဖည့္အခ်ိဳရည္မ်ားကိုလည္း ေပးခဲ့၏။ သူတို႔သည္ တစ္ညလုံး အလုပ္ႀကိဳးစားခဲ့ၾကသည္ပင္။
“ေက်းဇူးတင္ပါတယ္....”
လီမင္းသည္ ရွက္ကိုးရွက္ကန္းျဖင့္ ေျပာလိုက္၏။ စုေ႐ြ႕က်ယ္ႏွင့္ သူ႕အဖြဲ႕သည္ ထိုပစၥည္းမ်ားကို စုေဆာင္းရန္ အျပင္းအထန္ႀကိဳးစားခဲ့ၾကသည္ကို သူသိ၏။ သို႔ေသာ္ ေနာက္ဆုံး၌ အျခားသူမ်ားကို ျဖန႔္ေဝေပးခဲ့၏။
“ရပါတယ္”
သူတို႔သည္ ဤေလာက္မ်ားေသာ ပစၥည္းမ်ားကို စုေဆာင္းၿပီးေနာက္ သူတို႔စားေသာက္ေနသည့္အခ်ိန္တြင္ တျခားမည္သူ႕ကိုမွ ခြဲေဝေပးျခင္း မျပဳရန္ အေၾကာင္းျပခ်က္မရွိေခ်။
ေနာက္ထပ္ အရက္မီးခြက္တစ္ခုအပိုရွိပါက စုေ႐ြ႕က်ယ္သည္ ေခါက္ဆြဲေနာက္တစ္အိုးကိုခ်က္ျပဳတ္လိုက္မည္ပင္။ သို႔ေသာ္ ၎က မင္းရဲ႕ဗိုက္ျပည့္ဖို႔ပဲေလ။ သူတို႔အသက္ရွင္က်န္သူ အေျခစိုက္စခန္းကိုျပန္ေရာက္ပါက တံခါးပိတ္ၿပီး သူတို႔စားခ်င္သည့္ မည္သည့္အရာမဆို စား၍ရနိုင္သည္။
ေနထြက္လာခဲ့ၿပီး အပူခ်ိန္လည္း ျမင့္တက္လာေလကာ လူမ်ားသည္ စတင္ အိပ္ေပ်ာ္သြားၾက၏။
ေန၀င္သြားသည့္အခ်ိန္တြင္ ရွာေဖြကယ္ဆယ္ေရးအဖြဲ႕သည္ အလ်င္အျမန္စုေဝးၾကကာ ဒုတိယေျမာက္ ရွာေဖြကယ္ဆယ္ေရး တာ၀န္အတြက္ ျပင္ဆင္ၾကေလ၏။ ပထမႏွင့္ ဒုတိယအဖြဲ႕သည္ အသက္ရွင္က်န္သူမ်ားကို ကာကြယ္ရန္ က်န္ေနခဲ့ၿပီး တျခားအဖြဲ႕အားလုံးကို အျပင္သို႔ ေစလႊတ္လိုက္၏။
တပ္မႉးသည္ ေျမပုံေပၚတြင္ အဖြဲ႕တစ္ခုစီအတြက္ နယ္ေျမအမွတ္အသားျပဳေပးခဲ့ၿပီး ဆယ့္ႏွစ္ခုေျမာက္အဖြဲ႕၏ စစ္ကားသည္ အမွတ္အသားဆီသို႔ ေ႐ြ႕သြားၾကေလ၏။
ရွာေဖြမႈတစ္ခု၏ အကြာအေဝးအား ဆယ္ကီလိုမီတာခန႔္သတ္မွတ္ေပးထားခဲ့ေသာ္လည္း ရွာေဖြရနယ္ေျမကို ေက်ာ္သြားသည့္တိုင္ သက္ရွိေထာက္လွမ္းေရးကိရိယာသည္ တုန႔္ျပန္အခ်က္ေပးျခင္းရွိမလာခဲ့ေခ်။
ယာဥ္သည္ သက္ရွိေထာက္လွမ္းေရးကိရိယာၫႊန္ျပသည့္ လမ္းေၾကာင္းအတိုင္း ေမာင္းသြားခဲ့ရာ အလယ္တန္းေက်ာင္းတစ္ခုကို ျမင္လိုက္ၾကရ၏။
အျဖဴေရာင္နံရံသည္ ကေလးမ်ား၏ ဂရပ္ဖတီျဖင့္ေဆးျခယ္ထားၿပီး ၀င္ေပါက္အေပၚတြင္ " ခ်န္းယန္အလယ္တန္းေက်ာင္း " ဟုေရးသားထား၏။ သို႔ေသာ္လည္း ေက်ာင္း၏သံဂိတ္တံခါးသည္ ဖ်က္စီးခံထားရၿပီး အားကစားကြင္းအလြတ္သည္ လူေသမ်ား၏ နက္ရွိုင္းေသာ ေအာ္ေဟာက္သံျဖင့္ ပဲ့တင္ထပ္ေနခဲ့၏။
ေက်ာင္းထဲတြင္ အသက္ရွင္က်န္ေနသူတစ္ေယာက္ရွိရမည္ျဖစ္ၿပီး ကေလးတစ္ေယာက္လည္းျဖစ္နိုင္၏။ ဤအသိသည္ လူမ်ား၏ ႏွလုံးသားအား တုန္လႈပ္နစ္ျမဳပ္သြားေစ၏။ သူတို႔သည္ ေက်ာင္းထဲသို႔ကားအား အလ်င္စလိုေမာင္း၀င္ခဲ့ၾကၿပီး မၾကာခင္မွာပင္ အေဆာက္အဦး၏ ေအာက္ေျခတြင္ တံခါးမ်ားအား ရိုက္ပုတ္ေနေသာ ဖုတ္ေကာင္ရာေပါင္းမ်ားစြာကို ျမင္လိုက္ၾကရ၏။
တံခါးကို ဗီရိုမ်ားႏွင့္ ပိတ္ဆို႔ထားေသာ္လည္း ဖုတ္ေကာင္မ်ား၏ ၾကမ္းတမ္းေသာရိုက္ပုတ္မႈမ်ားေအာက္တြင္ သိပ္ၾကာၾကာခံနိုင္ေတာ့မည္မဟုတ္သည့္ပုံရ၏။
အေဆာက္အဦးထဲရွိ ေက်ာင္းသားမ်ားသည္ အႏၱရာယ္ရွိနိုင္သည္။
“တိုက္ပြဲအတြက္ အသင့္ျပင္! ”
လီမင္း အမိန႔္ေပးလိုက္ေခ်၏။
လူတိုင္းသည္ ကားထဲမွ ခုန္ဆင္းလိုက္ကာ သူတို႔၏စက္ေသနတ္မ်ားကို ျမႇောက္လိုက္ၿပီး ဖုတ္ေကာင္မ်ားအား ပစ္ခ်ေလေတာ့၏။ ေသနတ္သံမ်ား တဒတ္ဒတ္ႏွင့္ ဖုတ္ေကာင္မ်ား လ်င္ျမန္စြာ လဲၿပိဳက်ကဳန္ေလ၏။ သို႔ေသာ္ အသစ္မ်ား တိုးလာေလ၏။
ဖုတ္ေကာင္မ်ား အလြန္မ်ားျပားေနသျဖင့္ တိုက္ခိုက္ေနေသာ စစ္သားမ်ားအား ေနာက္ျပန္ဆုတ္ခိုင္းရ၏။
“ေအာင္း! ”
႐ုတ္တရက္ ဖုတ္ေကာင္တစ္ေကာင္သည္ ဖုတ္ေကာင္အုပ္ႀကီးကို ျဖတ္ၿပီးတိုးထြက္လာေလကာ က်ည္ဆန္မိုးကိုျဖတ္ၿပီး စစ္သားမ်ားဆီသို႔ ေျပးလာေလ၏။ မေရမတြက္နိုင္ေသာ က်ည္ဆန္မ်ားသည္ ၎၏ခႏၶာကိုယ္ကို ထိမွန္သြားေသာ္လည္း ၎၏အရွိန္ကို မရပ္တန႔္နိုင္ခဲ့ေခ်။
“လက္ပစ္ဗုံးေတြကို သတိထား! ”
လီမင္းေအာ္လိုက္ၿပီး လက္ဗစ္ဗုံးတစ္လုံးကို ပစ္လိုက္ေလ၏။
လက္ပစ္ဗုံးသည္ မေပါက္ကြဲခင္ ဖုတ္ေကာင္၏ ခႏၶာကိုယ္ႏွင့္ တိတိက်က်ထိမိသြားေလ၏။ ခႏၶာကိုယ္၏ ဘယ္ဘက္အျခမ္းသည္ ေပ်ာက္ကြယ္သြားေသာ္လည္း ၎သည္ ၎၏က်န္သည့္ေျခတစ္ေခ်ာင္းႏွင့္ သူတို႔ဆီသို႔ ေခါင္းမာစြာႏွင့္ေ႐ြ႕လာေနဆဲပင္။
စစ္သားမ်ားသည္ ၎၏ေခါင္းအား ပစ္ခတ္ခဲ့ၾကေသာ္လည္း ဖုတ္ေကာင္သည္ သတ္ရန္ ခက္ခဲေၾကာင္း သက္ေသျပေနခဲ့ေလ၏။
🍒🍒
ထြမ္စေလတာေလးအား မုန႔္ဖိုးေပးနိုင္ပါသည္ ဟီးဟီး
09256902862 (kpay/wave pay)