قناص بغداد ( مهمة وطن )

مقدمة + مشاهد

#قناص_بغداد ( مهمة وطن )

بـقلـــم: زيـنــب عـلــي

حلواتي لا تنسون التصويت وتعليقات بين الفقرات + متابعة الحساب zainab_ali1 ♥️

TikTok: zeinab_.ali1
Insta: zainab__.ali1

الغلاف من تصميمي 🤭♥️

( بطلي ليس قناص بغداد الحقيقي (جوبا) لكن لقب بلقبه )

︵‿︵‿︵‿୨♡୧‿︵‿︵‿︵

بيوتُ الغلِ والشقاق
يبثُ منها سمٍ ليسَ لهُ ترياق
بها لعنهُ سقم
مبانيها تعلو على القمم
ساكنوها أصحاء
قلوبهمْ إعياء
مأكلهمْ مر يشبهُ الزقمْ
مشربهمْ نارَ وحمم
جمعِ كلامهمْ نفاق
دمِ الأبرياءِ عندهمْ يراق
سلاحهمْ عهرهمْ
كلامهمْ كفرهمْ
إدراكهمْ جهلهمْ
سلامهمْ قتلهمْ

حكاياتٍ خطتْ حروفها بدماءِ الأبرياءِ منْ مدينةٍ أنهكتها الحروبُ لمْ ترَ السلامَ يوما لطالما سميتْ باسمهِ في داخلِ أحيائها القديمةَ قصص حزينةً

منْ بينِ دهاليزِ عتمتها الصماءِ
ها هيَ أنا . . .
أقبعُ داخلُ أنقاضِ قلبي المحطمِ
هواجسَ الخوفِ تعلو جسدي النحيلَ
تشكلني بعدةِ هيئاتٍ

أدورُ حولُ نفسيٍ وأتساءلُ

- منْ أنا ؟

أنا صرخاتُ ألمٍ غيرِ مسموعةٍ
أنا ديةٌ في عنقٍ قاتلٍ غيرِ مدفوعةٍ
أنا موءودةٌ قتلتْ بغيرِ ذنبٍ
أنا مجموعةُ قلوبٍ موجوعةٍ
ثمَ أدرتْ بأنظاري وعاودتْ التساؤلَ

- أينَ أنا ؟
- وجدتْ نفسيٍ هنا . . .
بينَ الأعرافِ والتقاليدِ
بينَ الحريةِ والتقييدِ
ابنةَ المغدورِ الصنديدِ
أنتمي إلى . . . منْ جعلوا النساءُ عبيدْ
وقيدونا بسلاسلِ حديدِ

وحوشٍ استحلوا قتلنا بلا رقيب
أصبحَ عذابنا عندهمْ قاب قوسينِ وقيب
حتى ظهرَ منْ بينهمْ ذلكَ المريب

فهوَ شجاعٌ قويٌ قناص
مهيمنٌ في سطوتهِ ولاتَ حينِ مناص
لا أحدَ يجرؤُ على المساسِ بقوانينهِ الخاصة
ملامحهُ يعلوها الغرور
تواضعهُ مخفيٌ بينَ السطور
سنينه عجافْ
دينهِ يدافْ
شعورهُ يجافْ
حبهُ يزافْ
لهُ منْ كلِ شيءِ نصيب
وهذا بأمرٍ الواحدِ المجيبِ

︵‿︵‿︵‿୨♡୧‿︵‿︵‿︵

[مشهد]

گاعد گباله اعاين عليه لابس فانيله داخلية بيضة مچلب بالبوري مثبت بنص حايطين ضيگات كاضه بيد وحدة ويصعد روحه وينزلها يعد بنفس لاهث

واحد ... ثنين ... ثلاث ... للـ 14 ويرجع يعيد من البداية

وهيج كمل خمسين جولة ونزل للگاع يمد بچتوفه

عرضت گدامي عضلاته المفتولة بلونهن الأسمر يلمعن متعرق من جهد التمرين اليشوفه من صدگ يگول عليه جان نايم مايتمرن حتى ماتعبان نزل روحه للگاع وصار يلعب شناو فوگ الساعة لا كل ولا مل بعدها نهض وانا اعاين عليه

مشى گدامي بخطواته الثابتة احسه يضرب الگاع من يمشي يهبدها هبد اعاين عليه دخيلك ربي موش بشر هذا عملاق ، وگف يم الطباخ يصب چاي لازم يشرب اصلا استغرب اذا بيوم ماشفت الجگارة وگلاص الچاي بيده اتقربت اعاين عليه رفع رأسه يعاين بنظرات مستغربة تحسرت وگلت

- راح تظل هنا

التفت عليه بنص التفاته وگال

- وين اروح

- اي مچان غير هذا تحسه مال اشباح حتى الجريذية شاردة منه

- لا تدخل

حجاها واخذ رشفة من گلاص الچاي ورجع سفته كله انوب حار يبوخ طلع من المطبخ انا ورا

- بس فهمني الى متى

- الحد ما ربك يفرجها علينا

- انت شايف المچان الجاعدين بي ريولك تركز بالطين الهامتك يلا تدخل

- شسوي مالگيت غيره

- واهلك غادي

- ماعليهم شي

يحچي الكلمة مختصرة ماينطي لا حگ ولا باطل رجعت عيني عليه شفته طلع أدواته بدأ ينظف بيهن بدقه وحذر مامهتم الوجودي راح يسودني ماتحملت صحت بي ودمي محترگ

- خذيت المهمة من كل عگلك تتحچه

رفع بس عيونه عليه وحچه بصوت ثابت كله فخر

- بس هاي مو اي مهمة هاي مهمة وطن

︵‿︵‿︵‿୨♡୧‿︵‿︵‿︵

[مشهد]

حسيت بغثيان وصرت ارجف ارجف ضربت على الطبلة حيل وصرخت بلكنة حادة

- انه ما تحكمني تقاليدكم المتخلفة ما تقيدوني بعادات الجاهلية انه غير

كضتني امي تريدني اسكت صرخت

- انه مو فنجان وانهز من تخلص الگهوة انه الفنجان الينكسر للعزيز

-سمعتوني انه بت الهيبة وصدر الديوان اكسر ظهره الي يحاول يشكك بية ويجيب معدلي بالنازل الا ادوس رأسه بريلي والزلمة والطالع من ظهر زلمة يوكف بوجهي وحقگ الما ارتاح بگبره الا اخلي عاليكم واطيكم وانعل شوارب الي يجيب طاريي بالباطل چان من چان

گام واحد منهم يريد يطگني جريت عكاله وفتحته وعلگته بركبته گاموا يردون يهجمون عليه

گام وگف وكالعادة گبل حاوطني بيده وصاح بصوته الجهوري المرعب شكد ما يكون حنين ويخاف عليه بس يبقى مرعب حدي

- تحل كتلته عندي الي يمد ايده عليها وحق رب العرش العظيم لا اذبحة على القبلة وما ترف مني شعره وحده

باوعلي وسوالي حركة بوجهة بمعنى مع الاسف وهز رأسه وكف گبالهم وقبل لا يحچي امي سبقته ونطقت بكلام نهت اخر ذرة قوى بداخلي ....

︵‿︵‿︵‿୨♡୧‿︵‿︵‿︵

[مشهد]

ظلمة هندس كل شي ما اشوف صعدت لثامي وغطيت شعري مثل ما ابوي وصاني رجعت حملت أدوات الطبابة بأيدي من الأرض وگملت الطريق الجو بارد يصك صك جسمي كله يرعش من البرد والا الخوف اني ماحس بي ولا يطرأ على بالي بقيت امشي واحسب بالبيوت ابوي گال تحسبين 12 بيت بعد بيت صالح الأعرج تلگيني بالبيت رقم 13 بلشت احسب وامشي على كيفي من بعيد شفت سيارة البيك اب واضويتها صارت على حايط واحد من البيوت

تلفتت يمنى يسرى ماكو مكان اختل بي واضم روحي يعني اكيد اذا شافوني مااخلص بعد والولد لازم يتعالج حيموت رجعت بكامل سرعتي خليت ايدي على قلبي وصرت اردد

- يا امنا العذراء يا يسوع المسيح

صرت اهرول واباوع وراي شفت السيارة بدأت تستدير ناحيتي بمجرد ما يجي الضوء عليه انكشف أمامهم

نجريت من ايدي وگعت على شخص ردت اصرخ سد حلگي حيل بعدها أجاني صوت مرعب يگول

-اششش بس تتحركين تموتين

كان اكو ضوء عاكس على ملامح وجه گدامي حسيت بسياره تعدتنا

رفعت راسي اريد اشوف منو هذا الشخص

اجت عيوني بعيونه مباشرة ارتعد جسمي خوف وسعت عيوني واني انظر الداخل عيونه معقولة هذا بشر مستحيل لحظات من التأمل بعدها ادركت ان الي گدامي مو من الانس ومستحيل يكون كذلك

رَبَّاهُ اي بَشَّرَ هَذَا هَلْ حَقَّا هُوَ بَشَرًا؟
أَنَا لَا أَرَى أَيَّ صِفَاتٍ بَشَرِيَّةٌ
أَرَى بِدَاخِلِ حَدَقَتْ عَيْنَاهُ وَطُنُّ خُذِلَ
أَمُجَّادَ اجداد
وَتَقْديسَ عَادَاتٍ
ورِوَايَاتِ حِكّتِهَا بُيُوتَ الطِّينِ وَخَطَّتْ بِقَلَمِ عَقِيمِ لَمْ يَسْتَخْدِمِ الْحِبْرُ لِكَيْ يَخُطَّ بِهِ
بَلْ سُطُورُ خَطَّتْ بِدِمَاءِ الابرياء وَفَتِيَّاتٍ تقِيدُوا بِقُيُودِ اعراف أنَداسْ
تقِيدُوا بِسَّلَاَسِلِ ذَهَبِيَّةً وَقَالُوا هَذِهِ هِي اساور الاعراس
اُجْدُ بِدَاخِلِ قُزَحَةٍ عَيْناهُ اطفال التَّشَرُّدَ وَالضَّيَاعَ
وَنِسَاءَ ارامل بِلَا رُجَّالٍ
رُجَّالَهم قَتَلَتْ عَلَى اعتاب بُيُوتٌ بِلَا ابواب
اِينَ وَالدَارَ والاحباب ؟

ثَانِيَةً يَا اللهِيَّ مَا الَّذِي أَرَاهَ
بِدَاخِلِ عَيَّنَاهُ؟
هَلْ هِي حِكَايَاتُ دَاعِش ام نِظَامَ سَابِقَ لَمْ يَرْحَمْ بِشْرًا
ام نِظَامَ حَالِي لَمْ يُبْقِي شَرَفًا! هُنَاكَ حِكَايَةِ اراها مُخْتَلِفَةً عَمَّا سَبْقٌ رِوَايَةَ سَطَّرَتْ
بِدُموعٍ وَخَيْبَاتٍ
كَسْرَاتٍ وَاهَاتٌ
وَعِنْدَ اِكْتِمَالِ حُزْنِهَا اوضحت جُمْلَةَ وَاحِدِهِ فَقَطْ ...

صَقْرَ الْجَنُوبِ حِكَايَاتِ الْوَطَنِ في قَنَّاصَ بَغْدَادِ( مُهِمَّةَ وَطَنِ)

بـقلم: زينب علي

︵‿︵‿︵‿୨♡୧‿︵‿︵‿︵

سؤال يجول داخلكم 🌚
س/ زينب البطل ضابط
ج/ لا البطل الاساسي مو ضابط

اصنفها #أكشن #عائلي #عشائري #حربي

2023/3/7

Soon

احبكم 🫂♥️

حسابي انستاگرام 👇