ما نسيت عيونك بأخر مره لمحتها
ولا نسيت رجفة قلبي وقتهآ 💜
اماني : رفعني من اكتافي احس اصابعه نبتن بيهن وكلش وجعني بحيث الدمعه صارت بطارف عيني وهو ضخم وقوي كلش تاذيت منه
اوووييي حسام نزلني هاي شبيككككك
حسام : سمعتها تكول اويي عجبتني ضغطت عليها
-اوووووووووووي هاي شبيكككك
حسام : ارتخيت نزلتها لزمت راسها ودنك عليها وحطيت راسي مقابيل رسها
-امونتي ادري بيج حرتي وخايفه خلي كلشي ورايه اني احله
اماني :وخررررر عنييي شنو خايفه شنو مدري شنو شبيك انت منو طالب مساعدتك
حسام : شبيج لا تخافين اخذج اخذج لو اصير بيها ذبح زلم بس امني بيه شبيج
اماني : لا تاخذني ولا اخذك اني ماريد ازوج اريد اكمل دراسه ولا اريدك ولا شي ويلا اطلع برة اريد انام
حسام : رفعتها من خصرها فوك وكتلها واول البارحه منو جان يمطك بيه
-ه ه ها اي غلط وتندمت عليه كلش هواي ماعيده عوفني يلااااااااا
حسام : شلتها وشمرتها على الجربايه
-صرت فوكاها وكتلها غلطتي مو
اماني : وخررر من يمي هسة يجي احد شيكول وخررر كتلك ماريد ازوج شنو الشغله جبر
حسام : شيكول خل يكول لا تخليني اسوي بيج شي هسة احرمج تاخذين اي ازلمه غيري وحتى لو ماقبلتي تزوجيني تنجبرين تاخذيني
اماني : حطيت ايدي على وجهي وكمت ابجي بس فكره الي يكوله يسويه صدك ويخلي اسعد لحظه اتمناها بحياتي تخرب وصير اجباري قهرتني ومردت كَلبي
كافييي تعبت تعبت تعبببببت كتلك ماريد اتزوججج شنو اجباري شنو كوة ههي شنوووو ماعندي رئي ماتوخخخخخررر مننا لا اسوي فضيحه اني هسةةةةةةة
حسام: شفتها انهارت ماكدرت الح عليها اكثر كمت من يمها وكتلها هاهي اعتبري حسام بالنسبه الج ماتتت خلاص ربي يسعدج
اماني : اني ابجي ومصدومه من الي كاله وعيوني احسهن كامن يحركني تيزاب مو دموعي
حسام : طلعت واني الف فكرة وسالفه ابالي سمعت عمي كال باجر يلم زلم مو خوش هاي شغله من صالحي اني هم باجر انهي كل شي واحط حد تردين تعوفيني مو اماني انطيني صبر الشغله الي احطها براسي اطبقها اطبقها
اماني : ضليت ابجي وامسح بدموعي بردن مال التراكسود اجتني رفل
رفل : ياااا ياعمري جاي تبجين ياكَلبي ليش هيج تسوين ياعمري كولي يالله انتي ليش اصعبيها على نفسج وافقي بس على الي يهواه كَلبج ليش تخلين حياتج مرتبطه بسعادت غيرج
اماني : ابجي وشهك وباوع عليها ر رفل كمت مكدر حتى اسولف سالفه كامله من ورة شهكاتي رفل انتي هسة اخوج عنده صديق وهو وياه روح بروح ودبر شغل لاخوج وصاحب فضل عليكم وفوك هاي امه اخت امج يعني خالتج وماتردين ادمرين علاقه الي بين اهله واهلج ومن ناحيه ثانيه كَلبج يهوة شخص ثاني احجي واشر على كَلبي ومن حركتي اضرب عليه حيلل كوليلي شلووووون بهاي الحالة شسوينننننننن
رفل : والله ياعمري اني لو بدالج ماختار بس الي يهواه كَلبي والي اريده
اماني : ماكدر ماكدر اني اخذت قرار مامنه رجعه هاهي مازوج لا هذا ولا هذا دراستي وبس ماهتم بعد لشي
رفل : لا دمرين سعادتج ياعمري ترة الكَلوب تتصافه بعدين مايضل زعل
اماني : دنكت راسي واحس نفسي مختنكه كلش عفيه رفل اريد اضل وحد
كامت وعافتني واني ضليت متمددة على الجربايه
رفل : عفتها وطلعت وبطلعتي انضربت بحسام هااييي
ماخلاني اكمل سالفتي بسرعه حط ايده على حلكي اششششششش فضحتينا
سحبني على جهة
رفل : عوف البت خطيه خل ترتاح ماشوف حالتها تكسر الخاطر
حسام : هههههه واني شمسوي هو اريد راحتها يلا كدامي طبي لغرفتج وبدون حس
-تاكدت من رفل طبت الغرفه رحت كملت كم ملف لازم اخلصه وعايف باب غرفتي مفتوح
لان الغرفه الي نايم بيها كَليبي مقابيلي هههه انتضر شوكت اطفي الضوة
طفته وانتضرت ساعه ورحت طبيت يمها لكيتها نايمه ولامه نفسها مثل الطفل تمددت يمها على الجربايه وشلتها وحطيتها بحضني احسها ارتخت وحضنتني هههه والله لو حاسه ماسويها حقيره
غفيت واني يمها وقبل لا اطب حذرت رفل احد يطب يمي
كعدت الفجر وهي نايمه ضليت اتامل برموشها الحلوات والعب بيهن طلعت مبايلي واخذتلها صور وهي نايمه وووحده من الصور حطيتها على صدري وطكيت صورة وياها الي والها هههه خربب هاي بس باوعت هيج صار بيه انعل شيب الخلفج كمت من يمها ورحت لغرفتي اذا اضل اسوي بليه هههه
اماني : كعدت واحس بدال راسي اكو بلوكه من الوجع كعدت امط بجسمي واتثاوب باوعت ع المبايل الساعه بال ٩ يااااا ماحاسه على نفسي بعدين استغربت اكو عطر تارس الغرفه ترس ومو حي الله عطر هذا عطر حسام اعرفه كلش زين صار اسنين مامبدله معقولة هاي ريحته من طب بس شلت المخده وشتميتها هم بالمخده اكو بس ماحط راسه ع المخده شنو سالفه هل عطر ضليت حايرة وتذكرت انزل عيب شيكولون عليه
-نزلت ولكيت امي ورفل وعمتي كاعدات يسوون دولمه تمارة راحت لان جهالها شلعوا كَلبها اما رفل زوجها هم شرطي بس يتاخر بدوامه يلا يجي فا ضلت يمنا
صباح الخير
-الكل صصباح النور
رسل : بنيتي روحي اكلي لكمه ولا تكثرين حتى ماتشبعين وماتتغدين لان اليوم دولمه
-هزيت راسي بمعنى اي ورحت طلعت اجبان وحطيتهن على الميز حميت الجاي واكو صمون بعده دافي هم حطيته وكعدت اسوي لفات واكل مرر الوقت بين غده وتنظيف بعدين للعصر سمعت ابوي مخابر عمو ابو مصطفى حتى يجي هو وابنه ومستاذن من عمي حتى يجون هنا
يمكن يريد يحل الموضوع
الي استغربت منه حسام ابد اليوم ماطلع من البيت ضل يفتر وراي النهار كله ويذب اشعار لو غزل واني مغلسه لان الي جان بالي اني لغيت فكرة الزواج حتى احافظ على العائلتين
صارت بال ٤ العصر واجه عمو ابو مصطفى ومصطفى وكعدوا بالاستقبال كعد يمهم عمي جاسم ولؤي وابوي وحسام ضلو يتعللون ويسولفون والضحك واصل للمطبخ واني او الكل كاعدين متوترين مدري شسالفه الي يشوفنا يكول بريعصيات لازكه بالباب ههههههه
محمد : ههههههه ان شاء الله ضحكه خير
كاظم : اللهم آمين
محمد : والله يابو مصطفى جبتك هنا بموضوع وكلش مستحي منك انت تعرف بموضوع ابنك مصطفى يريد بنتي
كاظم : اي اعرف بيه واجينه حتى ام مصطفى اشوف النسوان شنو رائيهن ونرجع نتقدم رسمي احنه
محمد : اني وربي مستحي منك ومعرف شكول بس البنيه هاوية دراستها وماتقبل تتزوج بالوقت الحالي
كاظم : يا اخوي هاي كدامك وكدام عمها احنه راضين تدرس وماعدنا اي اشكال واذا على السادس فا الزواج بعد نجاحها باذن الله ومانمنعها من اي شي تهواه وتدلل بنيتنا هاي
محمد : حرت شرد عليه ماريد اذكر سالفه حسام والله يابو مصطفى حاولت احجي وياها ومافاد قافله اعتقد خايفه من الدراسه او شي
كاظم : ناديها اسئلها عسى وعن تقتنع مني
جاسم : اني ساكت مادخلت لان فهمني ابو لؤي بكل شي وماريد اصير مجادلات ولا اريد اخسر اخوي ودام البنيه ماهاويه الطريقين ماحط نفسي وطشر العائله
مصطفى : اسمع وايدي على كَلبي بس لا هذا رفض بصورة غير مباشرة يعني رفضتني على مود حسام اني طول الكعده اباوع عليه واخزر بيه وهو ولا يمي ابوي طلب يسئلها بنفسه ياربي تغير رئيها يارب بس لا هذا الحقير مهددها كلشي يسوي ادري بيه نذل واذا حط شي باله يسويه لو على ذبح ركبته
حسام : جاي اسمع كلامهم كله ومادخلت بحرف واحد طلب يسئل اماني وضليت ساكت ردت اشوف نهايتها وين تصل
لؤي : امانيييييي وينج تعالي
اماني : هاا شكو اجيبلكم شي
لؤي : البسي شالج وتعالي عمو ابو مصطفى يريدج بالاستقبال
اماني : ه ه ها ماشي راح وضليت اني صافنه ومتوترة شسوي ياربي باوعت وراي امي وعمتي واكفات
سهام : روحي بنيتي بدلي ولبسي شال شوفيهم شيريدون لا تستحين ماكو احد غريب
اماني : هزيت راسي ب اي ورحت لبس فستان سمائي بيه ورد ابيض ولبست وياه شال ابيض من نفس لون الورد نزلت واني رجل ليكدام ورجل ليورة خايفه وحايرة شسوي
طبيت واني كلي خوف وتوتر بحيث من التوتر اذا احد كالي شلونج ابجي
-ا ا السلام عليكم (بارتباك)
-الكل وعليكم السلام
كاظم : هلا بنيتي هلا بيج اكعدي واشر بمكان بصف ابوي واصير مقابيله هو ومصطفى
- مصطفى بهذا الوقت صافن عليه وضل يباوعلي من فوك ليجوة باعجاب اني استحيت ودنكت ورحت كعدت يم ابوي
كاظم : بنيتي تدرين بسالفه مصطفى طلبج مووو
- مدنكه وهزيت راسي بمعنى اي
كاظم : وكالولي رافضه من ورة الدراسه وطلبت اشوفج واكلج احنه ماعدنا اي رفض من ناحيه الدراسه واني كدام الكل يشهد عليه اني اتكفل بكل مصاريف دراستج وحتى كليتج والي تأمرين عليه احنه حاضرين
اماني : ضليت مدنكه ياربي شنو هل موقف ربي لاتحط احد بيه
-رديت بس عمو اني ما بالي لا زواج ولا شي بعدني صغيرة ودراستي اخاف اتلهة عنها
كاظم : بنيتي لاتستحين مني اعتبريني مثل ابوج واني شاء الله ام مصطفى تحطج بعيونها واذا اجه يوم وزعلج مصطفى اطرده من البيت وضلين انتي اما عن الدراسه فا بس خطبه هسة ولاتتواصلون لحد ماتخلصين امتحاناتج
اماني : استحيت من كلامه وملحته
ب ب بس عمو ردت اكمل وقاطعني حسام
حسام : احم احم اسمحولي اني ساكت من بداية الكعده لهسة عمي ابو مصطفى انت طلبت بنت عمي ومابيها لا عيب ولا حرام وابنك خوش شاب وان شاء الله مابيه قصور بس عمي هاي اني كدامه وهذا عمي ولؤي
اماني : ضليت صافنه بكلامه كلت معقولة راح يتنازل معقولة راح ينفذ كلامه يعني قصده بكلامه البارحه من اعتبره ميت يعني ازوج ونساه لو شنو
حسام : هذولي كدامك البت بنت عمي واني ناهي عليها صح هي ماتريد هسة بس دراسه بس منهي عليها من قبلي اني ومانطيها لغيري
كاظم : يابني كول يالله ترة هاي سوالف النهي مانهي صارت قديمه وحرام تجبرها خل البت تختار
حسام : هاي كدامك خيرها بس اني اكلك ناهي عليها واخذها اخذها لو يصير ذبح زلم عليها يعني اختارت لو ماختارت عندي نفس الشي
كاظم : سكتت مكدرت احجي النهي شغله مو هينه واذا صار بيها غصب المشاكل تكثر
مصطفى : يحجي واني احس نار وشتعلت بنص كَلبي كمت وكفت لحيلي ولكت خل نسئلها ونشوف انت ليش كبل نهيت ايجوز مارايدتك زوج مو غصب الشغله
حسام : باوعتله بطارف عيني وكتله اسئلها هاي كدامك
مصطفى : باوعت عليها وبعيوني الف رجاء والف امل انو تنفي كلامه سئلتها امانييي انتي تردين حسام لو لا ضلت ساكته واني كَلبي من كثر دكاته احسه يريد يطلع من مكانه
-احجييي اماني شبيج لا تخافين هذا زواج مو لعبه
حسام : حجت وله ماحجت اني نهيت عليها بعد قرارها هسة ماله اي معنى عندي
مصطفى : كعدت ودنكت راسي بخيبه امل وخذلان اخخخ بس لو كايللها قبل لا نجي جان ماصار الي صار اليوم
اماني : باوعت لمصطفى مدنك ومبين ضايج عم الصمت المكان وواضح على بابا وعمو جاسم الحجي ماعجبهم بعدين حجه عمو كاظم
كاظم : خير ان شاء الله ما مكتوبتلك يوليدي واني اعتذر منكم واسف على الازعاج وابو لؤي لا ضوج ياخوي عادي موضوع مايستاهل
محمد : والله يابو مصطفى مستحي منك كلش بس الموضوع مو بيدي
كاظم : لا الشغله مو جبر يلا وليدي نتوكل ربي يجيب الي بيه خير
مصطفى :كمت ويه ابوي وكَلبي يوجعني جنت خايف من هل يوم واجه وصار جنت خايف من وجع كَلبي وصارت مشيت ورة ابوي واني عيني على اماني الي مارفعت راسها ابد وبس دموعها تنزل
-رجعت باوعت بعيون حسام وجان منتبه عليه وخزرته وطلعت اجيت اصعد سيارة ابوي ركب كبل وودعونا عمي محمد ولؤي الي ماسولف ابد ومبين مستحي مني بس الشغله مو بيده ماعتب عليه طبوا كلهم الا هذا الغثيث ضل برة واجه يمي
حسام : حجيت بصوت شبه مسموع حتى بس هو يسمع عيب من ابوه
-يكولون اذا ضلت نفسك بشخص مينسعد فا حبيت اكلك شي يخليك تنسا شخص اسمه اماني بعد ....
مصطفى : سمعته لو احس الدموع كلها تراكمت بعيني ومكدر اطلعهن حجيت بصوت مبحوح والكلام مانابع من كل كَلبي ربي يجيبلكم الي بيه صالح وتنسعدون مع بعض يارب عفته وركبت السيارة وسقت باسرع سرعه عندي
كاظم : لاضوج يوليدي موضوع عادي والف بنيه تتمناك مو هاي غيرها والبت مابيدها شي لا هي ولا اهلها ماشفت ابن عمها شلون نهة عليها وخلاهم كلهم ساكتين
مصطفى : اسمع ابوي يسولف ومامفتهم عليه من حركه كَلبي وماحس غير الدموع ترسن وجهي ترس كمت ماشوف من وراهن
كاظم : يا وليدي شجاك بجتك بت وكف السيارة اني اسوق لا سويلنا حادث بنص هل طريق
مصطفى : كمت وطلعت وركعت الباب بكل قوتي مشيت شويه ولكيت بطل كزاز شلته وشمرته اطشر بكل مكان وجتي كزازه برجلي بس ماهتمين كعدت بمكان ابوي وابوي كام يسوق
احس كَلبي شال قهر الدنيا كلها كلشي جنت حاط بالي ومحسبله الف حساب بس مال انحط بهيج موقف ابد ماحسبتلها
كاظم : استهدي بالرحمن يابني ترة الدنيا ماوكفت لعد وين جنت اذا انت هيج عاشكها
مصطفى : كمت ابجي بجي الجاهل من يطلب شي ومايحصله واباوع لابوي بنظرات امل وترجي يرجعها الي ومايحرمني منها
- يابة حبيتها والله حبيتها ومن حبي الها كلت انتضر تخلص امتحانات من حبي الها ماردت الهيها من حبي الها ضليت متحمل وتالي شحصلت راحت لغيري راحتتتتتتت وكمت اصيح راحتتتت راحتتتت
كاظم : اسم الله ابني كول يالله انت زلمه عيب عليك البجي
... .يُتبع
قهر مصطفى هنا كسر
كَلوبنا
توقعاتكم للبارت الجاي ؟
ترقبوا الاتي
دمتم بخير احبتي ♡