كيف نسامح ونحن لا نستطيع
نسيان بشاعة ما جعلونا نشعر به .!🖤
اماني : بوقتها رفعت راسي وفتحت عيوني على وسعهن بتعجب يعني توقعت كل شخص الا هو ومو وقته حالياً مامستعده اواجه اي شخص ارتبكت وخفت وكمت اتعلثم معرف شسولف
مصطفى : صادفت اني بالسوك وشفت اماني وامها ودخلت امها للمحل وضلت اماني برة ردت اوخر الافكار السلبيه من بالي ردت اشوف شنو ردها ماريد انتضر اكثر ماكدر اتحمل اكثر ولازم اعرف كل شي بكَلبها كعدت بصفها وكلت
السلام على من سرق السلام من قلبي
شفتها مصدومه بكعدتي بصفها اعتقد ماتصورت اني اجي او اصادفها
اماني : ه ه ه هلا بيك
مصطفى : اخخخخ لا تباوعين عليه هيج وفاتحه عيونج ترة كَلبي رجيج ياعمري ماتحمل هل منظر الظريف هههههه
اماني : ضليت ساكته والعب باصابعي بنفاذ صبر معرف شسوي
مصطفى : لا ضل ساكت ياملاكي بس كول اي الي واعيشج عيشه الاميرات اخليج ملكه بنص هل عالم واني عند كلمتي لاتجرحين كَلبي منج يولي
ت
منيتج من انتي طفله وحبج كبر بكَلبي ومن خوفي عليج ماسولفت
اماني : مصطفى بعدني اريد اكمل السنه
مصطفى : وربي مالي دخل بدارستج ولا امنعج منها ولا الهيج عنها بس اربط اسمي باسمج والزواج لو بعد ١٠ سنين ماعندي مانع بس انتي كولي نعم لا تمردين كَلبي ياملاكي انتي لا تدمرين كل احلامي الي حلمتها وياج شفت اديها ترجف ولزمت اديها وقربتهن من شفتي وبستهن برقه
اماني : كاعده بتوتر وماعرف شسوي
ولا اعرف شرد
مصطفى : والله ماخليج تندمين على اختيارج الي والله لخليج مسعده كل البنات تحسدج
اماني : ب ب بس اني
مصطفى : بدون بس ياملاكي بدون بس لا تستحين مني وافتحيلي كَلبج صح اني غلطان لان ما صارحتج قبل جيتنا هاي وقبل كل هل احداث بس خفت عليج على مود امتحاناتج وخفت الهيج عنها واخرت هل شغله بس اني مابيه صبور هههههههه
اماني : مصطفى لا تضغط عليه لا ضلونن تضغطون عليا انت منا وحسام منا ترة ماكدر ماكدر وكعت بين نارين شايف بلاع الموس هسة اني صرت مثله حسيت دموعي خانتني ونزلن واني جنت اكابر حتى ماينزلن نزلن بين سوالفي وارتباكي خانني ونزلن يحركن بخدودي
مصطفى : كاعد ولازم اديها بثنين اديه واسمع كلامها احس كلامها خنجر وسط كَلبي صار يعني ح حسام خطبج
-لا اماني لا تكوليها لا توافقين بحسام والله ادمر وراج ولج كل خطوه وكل لحضه راسمها بس وياج بس وياج لا تعوفيني وتخلين احلامي كلها تنهدم وتروح
اماني : كمت ابجي ماعرف شرد وشسوي مصطفى خوش شاب وماشفت منه شي يعيبه وفوك كل هذا هو الي ساعد اخوي بشغله وكفه على رجليه وهم صداقه وعشرة بينهم من سنين وامه خالتي اخ اخخخ اني اجي بقرار واحد ادمر كل هل رابط
ومنا ابن عمي وحب الطفولة صح ماجنت متوقعه يذكرني وبعده يحبني ولو مصطفى معترف قبل هل شي اوافق احتمال يتغير كل هذا
اخخخخخخخ ياكَلبي شنو هل موقف الي انوضعت بيه
اماني : ابجي وشهك بحركه ليشش ليشش تجي بوسط الاحداث ليشش ماجيت بالبداية ليش اجيت بعد ما تاملت وعشت خيال ويه حسام ليشش كلي ليشش
مصطفى : اششششش لا تحجين لا تكوليلي جنتي تفكرين باي شي وياه لا تكوليلي لو كلمه وحده انتي فكرج وحياتج بس ويه مصطفى اسمعي كدامج اكولها وخليها ترجيه باذنج مستحيل مستحيل ايأس منج ولج كَليبي ماراد بس انتي احجي ودك على مكان كَلبي ولجججججججج ماراد بس انتي افهمي افهمي لا تسوين بيه هيج وتختارين حسام لا تخليني ااذيج حتى احصل عليج فهمتيييييييي
اماني : اسمعه وابجي وكمت كلش اخاف
سحب راسي وباسني على جبهتي حسيت بدموع نزلت ويه ما باسني وراح ضليت وحدي مسحت ادموعي وضليت افكر بالي كاله طلعت امي بعد مرور نص ساعه من الموقف ومشتريه كومه غراض وياها يكول ماخذه المحل وياها لو فرصه ونفتحت كدامها مامصدكه
رسل : ها بنيتي هاج سعاديني بذني
اماني : ماشي ماما بنفاذ صبر يلا ماما خل نرجع لبيت عمو
رسل : ماشي ماماتي اني هم تعبت من الفره
-شفت كل الي صار وسمعت كلشي وردت اماني هي الي تصرف وتوعه وتتخذ قرارها بنفسها مادخلت ولا اريد اشيل خطيتها بشي ردت اشوف قرارها بعد الي صار بس شفت مقدار حب مصطفى الها مو من كلامه لا من نظرات عيونه من قهرته من تذكر اسم حسام يلمعن عيونه لمعه غيرة اخر الكلام بينهم هي مدنكه وهو عيونه كامن يدمعن باس راسها وطلع اعتقد ماراد تشوف انكساره
ياربي لا توكع بنتي بحيرة وثبت قلبها على الي بيه صالح الها والطريق الصحيح الها
رجعنا واحس اماني روحها بخشمها صعدت وقفلت الغرفه عليها عفتها براحتها اولها وتاليها تنزل تسمع الحديث الي راح يصير ورة ما اطرح الموضوع لابوها واخوها وماريد أأثر عليها باي قرار تاخذه
مصطفى : كمت من يمها واحس نار تاكل بكَلبي اكل لا مستحيل تحبه وتعوفني اني تعلقت كلش بيها وبنيت وياها احلام وحياة كامله بدون ما اشوفها اخ اخخخخ اني الي البنات يذبحن روحهن عليه انسحل هيج سحله معقولة تريده وترفضني
شفت عيونها يلمعن بحب من تكول اسمه اخ اخ مستحيل مستحيل الي شفته صدك
مستحيل الي سمعته موجود ادري بيها خايفه ادري وهذا ابن عمها اخ اخ مين طلعلي صفح ياربي ياربي طلبتها منك ربي هي ماريد غيرها ربييي اول مرة تنزل دموعي على شغله اني كلشي اريده كدامي يصير اخ اخ رجعت للبيت وراسي صاير طبل ودايخ من التفكير مالي خلك احد
كاظم : يلا وليدي وياي لبيت عمك
مصطفى : يابه والله راسي طبل صاير على غير وقت
كاظم : وليدي عيب البارحه كلها تسئل عليك شكول شحجي ماتروح تسلم وتفضها
مصطفى : اي صح تذكرت البارحه كلت لابوي اروح وياه على اليوم لبيت عمي اخخخ وربي مالي خلك اي بشر كمت طلعت وياه و سلمنا وكعدنه ضلو يسولفون واني احس وجع بكَلبي احس روحي ذبلانه ماريد افقدها ماريد اخسرها ماريد بس هي اي بس هي اني فاصل من يمهن بالي كله وتفكيري كله بيها وشنو نهاية حبي هذا الي محتفظ بيه بيني وبين نفسي من سنين
مصطفى : طبت داليا وضيفتنا وعينها عليا اني ضايج وطافرة روحي اجت يمي اضيف ورفعت راسها ومبتسمه وبنفس الوقت مستحيه اني كمت وطلعت كعدت بحديقتهم روحي طافرة ومكدر حتى اتنفس
لحكتني داليا
داليا : استغربت من رد فعله وطلعت كلت خاف بيه شي
مصطفى تريد شي محتاج شي بس لا بيك شي
مصطفى : شفت اهتمامها بيه وخفت لا معجبه او شي وماريد هل علاقه وياها
رديت بنترة
كلشي مابيه اريد اضل وحدي
داليا : استغربت من طريقه كلامه لان هو كلش لطيف مو من طبعه هيج عفته وطبيت يم عمه سعاد ....
.
.
.
.
.
.
.
.
.
.
.
.
سعاد : والله ياخيه طلبت بت اختي لابني واضنهم راح يردوني وابني نفسه بيها وخايفه عليه وخايفه على علاقتي باختي هم تخرب
منى : وانتي شنو الي مخليج متاكده راح يردوج وعلى كولتج هاي اختج اكيد ماترفضج
سعاد : ام منذر على بختج طبيت ونسولف ونضحك والشي كلش عادي والوضع عال العال بس اشو من ذكرت هل موضوع مال خطبه اختلفت الوجوه وكلشي تغير والملامح انكلبت اني هنا استغربت وصار بيه شك
منى : انتي مو كلتي عدهم ولد وحيد احتمال طلبوها قبلكم بيت عمها
سعاد : الله لا يكولها اذا صارت صدك ابني كبل للشماعيه يتخبل وراها لج يخيه يهواها يهواها يموت بهواها
منى : لا ياعمري لا تكولين هيج شسالفه قحط بنات خما قحط اول وحده اني اكبع بنتي وانطيها الج بس تأشرين
سعاد : ياعمري تسلمين لو بيدي اذا مو هي لابني داليا اخذ بس الشغله بيد مصطفى وكَلبه ملهوف على هل بت وهاويها من كل كَلبه
منى : الله كريم ياعمري ربي يجيب الي بيه صالح والمقسوم مامنه مهروب
داليا : سمعت الكلام ومارديت بس كَلبي انعصر خطيه مصطفى والله خوش شاب مو مال واحد يرفضه ولو اني والله اعيشه ملك هههههههههه اني امشي عليه زلم وشيوخ هههههه مو هو
رسل : صار الليل واني احوص اريد لؤي يجي حتى اجتمع بيهم لان الموضوع مايتحمل تاخير
صارت بال ١٠ كلها نامت بس وصيت محمد يضل كاعد كتله عندي موضوع مهم وهو ضل كاعد على مود الموضوع لهناااك وطب لؤي
لؤي : جنت طالع وية جماعتي صارلي سنين ماشايفهم و رجعت للبيت من طبيت لكيت امي بالمطبخ حاطه ايدها على خدها وصافنه اول ما شافتني كامت لحيلها صراحه بداخلي خفت اعرف اكو شي
-حجيت بنترة وين جنت دايح واني انتضرك بالساعات
لؤي : اعصابج يما وين يعني ويه جماعتي مكدر ابعد صح ايدي تحسنت بس رجلي بعدني اعرج منها مكدر امشي هواي تعرفيني وهم خنكه وضوجه بالبيت خما مرة اني اضل مكابلج وكاعد
رسل : متعشي
لؤي : اي وباوعتلها باستغراب وسئلتها
اكو شي واضح عندج سالفه ماما
رسل : فوت يم ابوك هسة اجيب اماني ونسولف بالسالفه
لؤي : ان شاء الله سالفه خير يلا انتضركم اني
رسل : صعدت صحت اماني ونزلتها وياي طبيت الغرفه ولؤي ومحمد كاعدين قفلت الباب ورة ماطبيت وكعدت وياهم اماني حتى اخلص من هل موضوع ياكل ويشرب وياي
-ابو لؤي عندي موضوع وهذا الموضوع بيه خيارين والخيار الاخير يرجع لاماني بس اني اريد اشوف شنو رئيكم بيه وشنو رد فعلكم
محمد : احجي بويه مو فتيتي كَلبي من المغرب تحوصين رايحه راجعه متكليلي شكو
لؤي : اني اباوع ومستغرب اريد اعرف شكو
رسل : ابو لؤي انت تدري بحسام طلب اماني زوجه اله وكدامك هل حجي
-اي اكيد
-وشتكول على حسام
-خوش ولد وحباب وعنده شغل ومتمكن وان شاء الله يصون بنتنا واهم شي ابن عمها ونأمن بيه
-خوش حجي لهنا تمام قبل يوم اجمي ااهل مصطفى علينا وانتم ثنينكم حاضرين
-اي اجمي يتعللون شي عادي
رسل : لا الشغله ماصارت يم الزلم بس يم النسوان ام مصطفى طلبت اماني مني وهسة تنتضر قرار واني تركت اماني تفكر شويه ماريد ادخل باي قرار اهلها واجيت اشوف رئيكم شنو
لؤي : شنوووو صدك تحجين
محمد : اسكت خل نفهم يعني رادت اماني
رسل : اي
محمد : والله حيرة الطريقين زينات ومايتفوتن واذا اختاريت اخوي يزعل صاحبي واختج واذا ختاريت صاحبي واختج يزعل اخوي
رسل : القرار الاخير يم اماني محد يختار واي خيار تختاره احنه لازم ندعمها هذا زواج مو لعبه والطرفين لازم يتفاهمون وهاي حياتها هي مانكدر نجبرها على عيشه وهي ماراغبتها
اماني : ضليت صافنه بكلامهم وفكره تجيبني وفكره اتوديني وحايرة شسولف واندهاش لؤي بطلب مصطفى الي حيرني اكثر
لؤي : هااا اماني شنو قرارج
اماني : باوعت على لؤي وعيونه كلها توتر وخوف من فقدان احد الطرفين حجيت بصوت كلش مسموع مع بحه بيها بجيه جنت اكابر بس الدموع واكفه بين عيوني مغوشات الرؤيه وعلى لحظه يخونني وينزلن
-اني اخذت قرار مامنه رجعه ماريد لا زواج ولا شي اريد اكمل دراسه شنو بابا خما تجبروني ازوج
-باوعت لؤي حسيت بنظراته شويه راحه
محمد : هاهي بويه ماجبرج ان شاء الله باجر العصر اسوي كعده ونتفاهم بهل شغله واعتذر من الطرفين ونخلص من الموضوع بكل بساطه
رسل : تمام صار خير وخوش قرار تكدرون تاخذون راحتكم وتنامون
لؤي راح بغرفه الضيوف جوه واني صعدت فوك ويه صعدتي باوعت لغرفه حسام بابها مفتوح احمتال اجه طبيت لغرفتي وكبل اجت بالي فكره
-ياااا عزة بس لا سمع كل شي خرب راح يسويها عناد اذا درة هذا خبل قفلت الباب ماكدر اواجهه ومعرف شلون اتصرف تمددت واجتني رسالة من مصطفى بالبداية حرت شلون رقمي يمه وبعدين اتذكرت انو اني رسلته المستمسكات بالواتس قبل امتحاناتي فتحتها لكيته كاتب
هلا بكلشي ويبعد كلشي هلا يال مابين الضوه ورمشي
-قريتها وابتسمت ابتسامه لا اراديه كلماته كلش حلوة
عفتها مارديت ماريد انطيه امل بعلاقه وياي وحسام هم جاي اجاهله ماريد اسوي مشاكل وطلايب احاول اطيب خاطر الطرفين ونطلع من الموضوع باقل خسارة ممكنه
حسيت الباب جاي يندك نفس دكه حسام بالبداية خفت بعدين كلت لاا لازم اتشجع لازم اواجهه ببرود حتى يسحب نفسه لازم ما اامله بيه اكثر رحت باتجاه الباب وفتحته واني كلي خوف انو سمع شي وكلي خوف من الي راح يصير
حسام : سمعت كل شي واني مفول ورحت طبيت سبحت وبدلت بغرفتي ياربي انت عرفت نيتي بعدين اكسرها وهل تريد تبعدها عني بس اخذها اخذها وكسر خشمها لو يصير بيها ذبح زلم حسيتها صعدت وطبت للغرفه وقفلت الباب هسة عرفت ليش هيج جاي تسوي وياي وليش هل يومين جاي تتجاهلني ومامنطيتني وجه
-رحت يم الباب ودكيته طلعت رفل من غرفتها وبوجها الف علامه استغراب خزرتها ورجعت بدون ماتحجي ضليت ادك وحسيتها كامت تتحرك بالغرفه فتحت الباب
-اني كبل فتت وشلتها من اكتافها ورفعتها اعلى مني صارت باوعت بعيونها الي صايرات حمر بس الصفار مبين يمكن جانت تبجي
هاااا شووو ساكته تردين تعوفيني لو تريدينه هوووو عاجبج لو شنوو تحبينه لو شنو الموضوع لا الظاهر انتي تلعبين على الحبلين وياهو الي يرهملج تاخذيه مووووووووو
... .يُتبع
توقعكم حبايب للبارت الجاي؟
ترقبوا الاتي دمتم بخير احبتي ♡