أحببتُكَ وأنا أعلمُ أنك لستَ لي!
كُنتُ أخشى أن اتعلق بِكَ
ولكن،تعلقت بِك بالفعل
حنيني إليكَ يقتلني، لماذا احببتك؟!
لا أعرف إلاجابه!
ان قلبي اختاركَ لتكون المالكَ الوحيدَ له
سأكتفي بِكَ حُلماً
لانَ واقعكَ ليسَ لي!
وواقعي مرَ بدونك
وفي النهايه!
سأغارُ عليكَ وأُحبُكَ وأنتَ لستَ لي
عفيه همتجن بنات تصويت وتعليق لدعمي واستمراري🫂
اماني : حسيت بالامان بهذا البيت واطمن كَلبي ونمت مادري بنفسي من التعب او لا بوقتها ماحسيت بالتعب بسبب الخوف الي احتل جسمي بالكامل حسيت البنات غطني وغفيت مادري بعد شكو وشنو صار بالدنيا...
.
.
.
.
.
.
.
.
.
.
.
سعد : خربب وين راحت هل بنيه فص ملح وذاب ماخليت مكان ماشفته ضليت امشي وادور امشي وادور وقطعت الامل هسة شلون اوصل للاريده بس هية حالتها ماتسمحلها تروح بعيد مامعقولة شي ما يصدكه العقل اكيد خاتله بمكان مابعدت عن المكان
سارة : ماما اجه واحد يسئل يكول ماشفتولي اختي مريضه وخبلة ماتعرف نفسها وهربت وجاي ادور عليها يكول بيها حالة نفسيه وكل يوم يكلوها تملخ بنفسها لو مسويه شي كارثه سئلته شنو اسمها شفته ارتبك ميعرف شيجاوب وكال الاء كتله لا مامرت علينا وذاا لكيناها ننطيك خبر
- ياااا صدك تحجي بس اذا مثل ماكال بيها حالة اكيد اسمها انطته النا غلط بس البنيه مبينه ناصحه وكلشي مابيها عقلها سليم زين ماسويتي عفيه بنيتي روحي يم البنيه
-سوده بوجهي هسة اهلها ميتين خوف عليها روحي وكليها لبسنها ملابسها مغركه دم وريحه مدري شنو ابكَلبي ربي اني كلش خايفه من سالفه هل بت بس يالله انت ادرة بنيتي واني اريدلها الخير والستر ونيتي مساعده لا اكثر دلني ع الطريق الصحيح
سارة : اعتقد متقيئه
اماني : حسيت ببنيه حلوة تكعد بيه كعدت وشويه راسي احسن من قبل كامت انطتني ملابس وخلتني اسبح عقمت جرحي مرة ثانيه ولفته وحطت كدامي صينيه منوعه روبه ولبن وزبده وجبن عرب وقشطه وبيض باوعت عليها وكمت اكل ماعرف بنفسي من الجوع اكل بشراها بحيث اللكمه بعدني مامكملتها وحطيت بحلكي الثانيه احس نفسي سنه ماماكله نسيت يمي احد ونسيت المستحه وكل شي
سارة : يااا سوده عليه شكد صارلج ماماكله
اماني : رديت عليها واني بحلكي اكل ههه والاكل يطافر ثارلي ثلاث ايام
سارة : عزةةةةة ربي يساعدج هسة اهلج اكيد بالهم يمج هههههه على كيفج اكلي مو حتى حجيج ماواضح كلش
اماني : ذكرت اهلي واني دموعي كامت تصب وابجي واشهك عفيه اريدهم اريد ارجعلهم ههه هذا الحجي والاكل بحلكي بعده
سارة : يا خيه اسكتي والله ماقصدي سوده بوجهي خلي يهدء الوضع واخلي امي تنطي خبر لمركز الشرطه عسى وعن اهلج يلكوج بس حالياً مانكدر على كلامج اذا بلغنا ودرة الي يبحث عنج توكعين بمشكله
- هزيتلها براسي بمعنى اي ورجعت نمت
.
.
.
.
.
.
.
.
.
.
.
.
.
.
.
.
.
.
.
.
.
سعد : رجعت للبيت الي جنت بيه وكلت عسى وعن بيه بعدها وماملااحض لان مستحيل تختفي بهل سرعه وهي حالتها كلش سيئه اول ماطبيت ورة تقريبا ربع ساعه من اني ادور عليها او اكثر ماحسيت بالوقت لان جنت كلش متوتر واريد اعرف وين اختفت
ماحس الا مداهميني الشرطه من كل جهة يعني بالمختصر المفيد مالي امل افلت
حسام : داهمنه المكان ورة ماتاكدنه دخل بالبيت من اجينه للبيت مالكينا احد بيه كلنا ننتظر عس وعن طالع ويرجع ومثل ما توقعنا ماطول بال ٢ ونص واجه
سلممم نفسك وبدون اي حركه اي حركه منك اضرب راسك بطلقه افلشه واخلي طشارة بكل البيت
سعد : مارديت وضليت ساكت
حسام : لزمته من ياخته ورفعته فوك وحجيت من بين اسنوني وعيوني احسهن راح يطكن وين وديت البت
سعد : ماردت اعترف البنيه مو يمي حتى بالكت لؤي يسوي الي كتله عليه فما حجيت شي
حسام : هاا هيج صار الحجي شلته وركته بالكاع انطوني الكتر اضفر اضفرين ويسولف يلا ثبتوا جابو كرسي وشدوه بيه وثبتوه وهو ولا حرف اني بالبداية ردت بس اخوفه بس من شفت اصراره قفلت عليه شلعت اول اضفر وكام يصيححح بس ماحجه شي ضل ساكت شلعت الثاني واني عبالي راح يضل ثابت ع اصراره بس الظاهر ضني مو بمحله
سعد : اخ اخ اخخخخخخخ والله مو يمي البت ماعرف وين اخخخخخ متتتت
حسام : خنكته من ركبته شنو مو يمك تضحك علينا لو هي لعب جهال مو تخابر وتهدد وتتوعد يلا البت وين
احمد : سيدي اتركه يتنفس اذا مات هسة مانندل مكانها
-تركته يلااااااااا اتكلمممممممم
سعد : كمت ابجي بحركه على اخوي والله ما بنيتي ااذيها ولا بنيتي اسوي شي بس ردت انتقم لاخوي نار بكَلبي مشتعله عليه والله جنت احجي ويه لؤي وهي فاقده الوعي ورة ما اذت نفسها ساعدتها وعالجتها وعفتها محررهه ماعبالي راح تصحها وتهرب والله كل الي بالي ارجعها سالمه اني بس مقهور على اخوي ماندل هسة هي وين وماعتقد راحت بعيد لان حالتها صعبه وكله بسبب لؤي
حسام : قبل لا اجي حجالي لؤي عن حالته الصحيه لسعد وشنو بيه واستلمته دك رزايل من تعرف هيج بيه ماتكول واحد ياخذ حذره
كومته من اكتافه وكتله يا اخوي والله المواضيع ماتجي هيج ولا تنحل بهاي الطريقه كمت احاول اسايس بيه مثل الجهال لان مو ناصح حالته العقليه مو ذاك الكد
اهدي الوضع وبعدين اني اعرف شنو عقابه كتلك لؤي ماله علاقه بالموضوع شلون ياذي نفسه ويخاطر بحياته اذا هو مأذي اخوك هاا اخوك اصلا صحه قبل ساعتين ويدورلك ولو يدري بيك هيج مسوي بصاحبه مايرضه ولايحاجيك بعد يصير بيناتكم زعل كلش جبير
سعد :سمعته هيج كال ودنكت على رجليه حضنته والله مامتقصد ااذي احد كل الي بالي انتقم لاخوي وجنت مقهور عليه وهذا الوحيد تدري شنو وحيد ودوني عليه اريد اشوفها ودوني
حسام : هذا مو وقته الحجي اذا عفا عنك لؤي اني ماخصني بيك
بكَلبي والله لو ابو لؤي يجي بس خل اخلص السالفه بأمان وهينه ارواح العالم مو لعبه
- يلا شباب انتشروا نبحث عن البت واي شخص تسئلوه كولوله اماني محمد تمام
كلها انتشرت وكتلهم ركزوا بكل بيت وبكل زاويه لان مستحيل لحكت تطلع من هل منطقه
هههههه ابن كَلبي ثاريه قوي والله سباعيه عرفت تفكر بالوضع الصحيح يلام كَلبي من رادك اخ اخ لو هيج مرت الرائد حسام لو بلياها للنسوان ههه وياها طبك ثانية ويكعد الوزن
ضلينا نبحث ونبحث وقطعت الامل ضل بيت واحد كتلهم اني اروح اشوفه لان كلش قريب صرت يمه وصلت يمه وشفت بنيه واكفه بالباب تكنس ومدكنه تحمحمت بالبداية بس الظاهر ماسمعتني فا حجيت بصوت عالي شوي
السلام عليكم
سارة : وعليكم السلام اهلاً اخي ضليت فاكه حلكي على الشخصيه والزي والضخامه ياربي يخبل يخبللللللل ضليت صافنه بيه وفزيت على صوته من يحجي
حسام : اختي وياج الرائد حسام جاسم جايين نبحث عن بنيه اسمها اماني محمد واكون ممنون اذا تعاونتوا ويه الشرطه اذا عدكم علم بهيج موضوع
سارة : سمعت هيج وكمت اتعلثم مادري شكول اخاف اكله وامي تكتلني او ماترضه عليه مو بكيفي اتصرف
لحضه اخوي اسئل امي خاف مرت ومادري بيها اتأكد واجيك
حسام : ماشي انتضرج اختي
-صراحه اني قطعت الامل وماتوقع تردلي بخبر زين بس خل انتضر واشوف عسى وعن ساعه لساعه فرج
سارة : طبيت اركض واحجي والهث
ماما ماما اكو شرطي بره اسمه الرائد حسام يدور على البت الي يمنا وماعرفت شكله اجيت اسئلج وشوف ردج
- يما خل اشوف البنيه اماني رحت ع البت اتاكد منها باعتبار هاي امانه عدي مو حي الله احد انطيها
اماني حبيبتي شو اكعدي اسئلج
اماني : بتعب ووجع هاا خالة
-تعرفين احد اسمه الرائد مدري الضابط حسام
اماني : اي خاله اعرفه هذا ابن عمي جاسم
-كومي يخالة برة الزلمه ينتضر بس خل اطلع اتاكد اذا بعده موجود
حسام : طلعت مرة ومن شفتها وحدها قطعت الامل بالاكيد
-هلا خالة بيش اساعدك
- والله يخاله عدنا بنيه ضايعه واحنه جاي نبحث عنها شوفتها فريق الشرطه الي وراي ضلت صافنه بيهم وتتاكد منهم وراحت طبت بدون اي اكلام يعني دخلت بسكوت
-من شفتها سوت هيج رحت مشيت لسيارتي يلا شباب نبحث بالمنطقه المجاورة الظاهر ماكو هنا الكل يتحرك...
اماني : رجعت عليه الحجيه ومرسومه الفرحه بوجها
-يخالة كومي شوفي اني متاكده ذولي الزلم برة زينين لابسين عسكري وجايين بدوريات ويعرفون اسمج كومي يخالة كومي ان شاء الله اجه فرج الله الج يروحي
اماني : كمت اركض وطلعت من الباب شفت حسام جاي يرجع لللسيارة ومنطي البيت ظهره اهنا من خوفي ماصدكت اجمي وراح اخلص كمت اركض وابجي واصيححح
اكففففف لا تعوفني اكفففففف حسسسسسسسسسااااااااااام
حسام : صديت على الصوت هاي اماني اي اي اماني ما متوهم فتحتلها حضني واجتي تركض وتبجي مثل الخايفه شلتها من الفرحه وفريتها نزلتها وبستها على راسها شسويتي بيه يا بنت كَلبي شسويتي بيه يا امونتي ليش هيج خوفتيني عليج
اماني : فرحت كلش هواي ومكدرت اوكف بجي من الفرحه عفيه وديني للبيت عفيه ماريد اضل ا ا اخاف يرجع ياخذني ...
.
.
.
.
.
.
.
.
.
.
.
.
.
.
.
.
.
.
.
.
.
.
مصطفى : خابرت لؤي اطمن عليه صارلي فترة ما مخابره دكيت عليه وعساني ما دكيت صدمني بكلامه من كالي سعد اخو حمد خاطف اماني وصدمني اكثر من عرفت سعد بيه حاله نفسيه واحتمال كلشي يسوي باماني توقعته مريض او بيه شي بس ماجنت متاكد منه
اني بهل موقف تمنيت الكاع تنشك وتبلعني ولا هل خبر لكككك لؤييي اني بالمستشفى راح اطلع همه وين وتجي وياي
لؤي : ياخويه شجي وياك تدري بيه مكدر اتحرك ولا امشي وامي منا مجلبه بيه تكلي مارضه عليك اذا رحت وانت هيج حالتك حسام يتكفل الموضوع واني كاعد هنا مذلول والله اختي مخطوفه ومادري شنو مصيرها وكاعد وعاجز اسوي اي شي مثل النسوان
لككك مصطفى اختي الوحيده هاي اذا صارلها شي ادمر
مصطفى : بسرعه اخر مكالمه بينك وبين حسام وين كالك جان
لؤي : بمنطقه ال***
مصطفى : سديته من لؤي وطلعت من حمد حالته كلش زينه وماصارله هواي من كعد والامه العربيه كلها مكلوبه فوكاه طلعت خارج المستشفى وركبت سيارتي وشخطتها اسوق بيها باقسى سرعه موجوده...
ورة ماسئلت وخابرت حسام ودلاني بالمكان الي جاي يبحثون بيه اماني كتله جاي ابحث وياكم جان معترض بالموضوع بس كتله ماكدر اضل كاعد وساكت واشوف اخوي الي ماجابته امي مشتعل بنار ومابيده شي
ورة جدال طويل اندليت المكان ووصلتله لكيته هوسه كلهم شرطه ودوريات والمكان مخبوص يم بيت من البيوت الريفيه عرفت بوقتها همه هناك رحت وخزيت بين الشرطه
طبيت واني كلي فضول اعرف على شنو ملتمين دخلت واحس احد شلون الساطرني على راسي اخخخخ اخخخ عساني ميت ولا شفت هل منظر
شفت اماني شلون حاضنه حسام وتبجي ادري من خوفها من الموقف بس مو لهل درجه صعدت عندي الغيرة الف احس وجهي كام يذب نار بس سكتت ومادخلت بهل موقف كلت كلت بداخلي اصير حلالي وامنعها بعد من هل ميانه وية ولد العم اخخ يحضي شيصير لو حاضنتني اني هيج مو هوو شنو يصير
طلعت من الهوسه وركبت سيارتي وسبقتهم للبيت خابرت لؤي طمنته عنهم ورجعت لبيتنا واني افور تفور
حسام : ماعاش الي يطخ شعره منج واني موجود يلا شباب كملت المهمه مهمتكم هسة ادكون هورينات لحد مانصل للبيت ولا ضلون فاكين عيونكم علينا ماشايفين طيور حب شنو
احمد : ههههههه حاضر سيدي و بغمزه سمعوا شباب يلاا يلاا
حسام : ركبتها بالسيارة وصعدت وسقت باقسى سرعه عندي عبالك زفتي مو جاي ارجعها لللبيت هههههه
اماني : من فرحتي وشلون الهورنات ورانه كيفيت وشعرت بالامان وغفيت من الخوف الي جنت عايشته بيه والتعب
حسام : نامت وخابرت على الشباب يوكفون هورنات خفت لا تكعد او تفز
وصلنا للبيت وشلتها وطببتها تلكتني مرت عمي رسل
رسل : ولججججح يمااااا يمه سوده بوجهي وين جنتي بنيتي
حسام : اششششش عمه نايمه خطيه تكعد وعود ابجي عليها ههههههه
رسل : حطيت ايدي على حلكي وكمت اشهك وبجي واهز براسي اله بعمنى اي
حسام : صعدتها ونومتها على غرفتها وصفنت بيها شلون نايمه ببراءة اخذت شفتها بهدوء واهس نفسي ردتلي ولا عبالك صارلي ٣ ايام تعبان وادور
نزلت وصيت الولد يجيبون ذبايح لهل مناسبه
رسل : يوليدي ربي يوفقك روح ربي يسعدك مثل ماسعدتني ربي يريح بالك مثل ماريحت بالي ربي يرزقك ببنت الحلال الي تصونك يابن الاصل
-بستها على راسها عمه شسالفه هههه غمزتلها اييي غير هي مرتي المستقبليه اكلب عاليها على واطيها اذا صارلها شي
سهام : يا يمه كلللللليش كلللللليش ياعمري اخيرا راح تفرحني بيك
رسل : روح وليدي الله شاهد عليه اني راضيه عليك وماعندي اعتراض
- الضحكه شكت حلكي شك اجه لؤي وارد يبوس ايدي اني منعته لا خويه لا شنو هل سوالف عرضك من عرضي واني ادري بيك لو مامتاذي جان سويت الازود من هيج
لؤي : ماعرف شلون ارد جميلك ياخيي ماعرف وكفتك هاي مانساها الك ياخويه
محمد : يوليدي جزاك الله الف خير رديتلي روحي بردت بنتي ربي يوفقك ويسعدك ويرزقك بنت الحلال
جاسم : وليدي روح ربي يرضه عليك بكثر رضاي هسة عليك
حسام : عمي دامنا ملتمين وانت جبت طاري بنت الحلال ولو مو وقت مناسب هذا بس اخاف يصير عندي واجبات وماتتسنالي الفرصه بعد بنت الحلال موجوده بس كول تم
محمد : اشر يبني واني حاضر
حسام : عمي كدام الحاضرين كلهم اطلب ايد بنتك الي
محمد : يابني انت تامر مو تطلب وتاخذها مكبعه اخذ رئيها وردلك خبر
حسام : ههه لا ياعمي ماعاش الي يأمر عليك وان شاء الله من تصحى اسويلها مشيه تليق بيها
سهام : كلللللللللليش كللللللليش
لؤي : ان شاء الله مانلكه احسن منك يخوي نسيب وسند
- يلا يما راح تجي الذبايح الولد يذبحوهن انتي قطعيهن ووزعيهن
سهام : صار وليدي
- يلا لؤي كوم نروح للمستشفى ترة حمد صحا خل نكوم نشوفه
لؤي : يلا والله من الي بيه نسيت حتى حمد
حسام : رحنه ولكينه المستشفى مكلوبه وعمام حمد وخواله كلهم موجودين
- الله يساعدكم
الكل هلا بيك
عادي انطب على حمد نتحمدله على السلامه
ابوه اي اكيد وليدي تفضل
- طبيت اني ولؤي ولؤي شافه مكدر يلزم دموعه كام حضنه وضل يسولف وياه
- ا اسف والله ماجان بيدي شي والله مكدرت اسيطر عليها والله من شفتك متاذي كَلبي انمرد والله ماجاي اكدر اسامح روحي
حمد : ههههههه كافي لخاطر ربك شكد تحلف وثاني شي الظاهر حالتك اسوء من حالتي لا اضل تبجي
لؤي : يعني ماضايج مني ماردت اكله على سوات اخوه خفت عليه
حمد : لا شضوج انت صاحبي اكيد ما متقصد اذيتي
طب سعد واجه يم لؤي
سعد : سمعت بلؤي يم حمد وطبيت نزلت لمستواه وبست ايده ياخيي اعذرني والله ماماقصد ااذي عرضك وربي جانت نار بكَلبي على اخوي وماعرف شسوي وضحك عليه الشيطان سامحني واعذرني واذا مايشفه غليلك عليه احبسني اني راضي شتريد تسوي سوي
لؤي : سمعته هيج وحضنته ادري بيه مو ناصح لو ناصح الا انحره ومايرفلي جفن عليه بس دائماَ حمد جان يشكيلي عن حالته وشلون متعذب وياه
-لا ياخويه اني عاذرك بس المرة ثانيه اتصرف بحكمه وفكر زين اني واخوك اصحاب من جنه صغار شلون ااذيه ماتكلي واعراض العالم مو لعبه هيج تسوي بيهم ميجوز
سعد : ضحك عليه الشيطان حقك عليه وعذرني وشتطلب اني تحت رجليك
لؤي : مسامحك دنيا اخرة بكَلبي ربي يشافيك من الي انت بيه ويريح اهلك عليك
حسام : رحت كملت كل اجراءات حمد حتى يطلع رجعت لكيتهم سعد ولؤي اصافوا بكَلبي خل يهدء الوضع اذا حمد ماراجعك لدكتور الا احبسه هو مو انت
يلا دام اصافيتوا كوم حمد كملت اجراءات خروجك جاي اساعد حمد يطلع وعمامه وابوه حلفو علينا الا نتغده يمهم ك تعبير عن اعتذارهم واسفهم النا مارديناهم لان عيب وتتعتبر بعدنا زعلانين او عدنا شي ضدهم وضلينا يمهم لليل حمدلله من تصافت الامور اني كل الي ببالي امونتي وشلون صارت واريد اشوف ملامح وجها من يكولوها مرت حسام هههههه
... .يُتبع
شتتوقعون رد فعل مصطفى
اذا عرف باماني انخطبت
ترقبوا الاتي
دمتم بخير احبتي ♡