-عيني إذا نَظـرَت لحُسنكِ سبَّحت
سبحانَ مـن خلقَ الجمالَ وجملكِ ♥️.
عفيه همتجن بنات تصويت وتعليق لدعمي واستمراري🫂
اماني : رجعت للبيت واني كيفت خلصت من هل شغله اوف حمل ونزاح عن كَلبي اوف ربي باجر امتحاني
باوعت على الساعه صارت بال ٣ اووف لازم ابدي اقرة واستمريت اقرة واقرة بدون انقطاع وحاطه امام عيوني حلمي وحلم اهلي وكل امالي ...
مصطفى : راحت ملاكي يا ربي بعد ماتحمل بعد هل بنيه عني لازم اصارحها بمشاعري بس بطريقه حلوة بس والله
اخاف اخاف كلشي يصير تروح من بين ايدي واتندم على كل لحضه ضيعتها وما تصرفت بيها بس مكدر اتسرع وهي سادس خطيه تتلهة ومادير بالها ع دراستها وهم خاف ترتبكت وينزل مستواها بالدراسه بالكت ماتردني وربي اموت دونها اليوم مانام اذا ما افكر طريقه حلوة اعترفلها بصورة غير مباشرة
وسالفه الحجاب وراج وراج يبنت خالتي متحمل تضلين هيج
لؤي : رجعت للبيت مهدود حيلي سبحت وكبل نمت لا اكل ولا شفت احد تعبان تعبانننننن كضيتي وقتي كله نوم ماحاس بنفسي من التعب والارهاق...
اماني : دخت من القرايه وراسي كام يوجعني كلش هواي رفعت راسي اريد اشوف بيش ساعه ولكيتها باال ١٠ يااااااا عزة العزاني هيج راح ادمر نفسي حتى
نجاح مانجح كمت ركضت اريد اكل لكمه لكيت امي مخليتلي عشه كبه ومخلمه يلا اهم شي اسد جوعي كمت اكلت وكملت ورحت طبيت اسبح
طلعت من الحمام واني مخنوكه وخايفه من امتحان باجر رحت صعدت لغرفتي اجيت انام ماكدر كمت نشفت شعري ومامشطته عفته منظره الملولو (كيرلي) ههههههه حيل عاجبني طلعت للبلكونه
لان غرفتي تطل عليها وكفت شويه اشتم هوة وكعدت على الكرسي بعدين اذكرت عندي حلويات جبتهن وحطيتهن على الطبله كدامي وضليت صافنه واشتم هوة حسيت نفسي هدءت اجتي ابالي اغنيه وحبيت اغنيها لان قبل دائماً
اسمعها من مصطفى بس جنت صغيرة ماعرف شيقصد بيها ودائماً اغنيها واهلي يكولولي صوتج حلو ولؤي يكول يراد اوديج لذفوز هههههه مدري يجوز يجاملون كلش تعلقت بهل اغنيه وحبيتها ودائماً ارددها بيني وبين نفسي كمت اغني ومتأمله شارعنه وحدايق البيوت والنسيم البارد
-طالعه من بيت ابوها
-رايحه لبيت الجيران
-فات ماسلم عليه
-يمكن الحلو زعلان
-طالعه من بيت ابوها
-رايحه لبيت الجيران
-فات ماسلم عليه
-يمكن الحلو زعلان
-كتلها ياحلوة ارويني عطشان مي اسقيني
-كتلها ياحلوة ارويني عطشان مي اسقيني
-كلتلي روح يامسكين
-كلتلي روح يامسكين مينا مايروي العطشان
-طالعه من بيت ابوها
-رايحه لبيت الجيران
-فات ماسلم عليه
-يمكن الحلو زعلان
-كتلها ياحلوة ارويني على طولج فرجيني
-كتلها ياحلوة ارويني على طولج فرجيني
-كلتلي روح يامسكين انا طولي لمعه ريحان
-كلتلها ياحلوة ارويني على عيونج فرجيني
-كلتلي روح يامسكين عيوني عيون الغزلان
-طالعه من بيت ابوها
-رايحه لبيت الجيران
-فات ماسلم عليه
-يمكن الحلو زعلان
تذكرت شلون من جنت صغيرة اغنيها وياه وهو كايدني مثل بنته ومايخلي شي ميجيبه الي وره هل اغنيه ههههههه ياربي وهسة استحي منه مرات اكول والله مرة الوقت بسرعه و كبرنا خلصت الاغنيه وتذكرت وراي امتحان
كلت خل اطب طبيت واني كلش قلقه لامتحاناتي وقريت المعوذات ولفيت راسي ونمت وهي النومه للصبح
مصطفى : من راحت الملاك مالي ضليت الوب وامي تضحك عليه تعرف بيه اريدها واهواها بس خايف من رد فعلها ماعرف ليش
ههههههه نمت شويه وبال ٤ العصر طلعت لشغلي اجيت متاخر لان شغل مكوم فوك راسي واني جنت قبل افلت من الشغل حتى بس اشوفها من بعيد راجعه من الدوام واضل اتأمل بمشيتها وشكلها و
عدنه هواي تحديثات وجاي نشتغل عليهن
رجعت بال ١٠ ونص تقريبا بالليل مالكيت احد اخذت دوش سريع وصعدت وياي لغرفتي صحن فاكهة طبيت لغرفتي تطل على بلكونه كل الي بالي اكابل صورتها واكعد اتعلل وياها اخخخ هيج حبج وصلني لمرحله الجنون
باوعت بعيني وماجاي اصدك معقولة هاي الملاك مالي ونوب كاعده بالبلوكنه كبل طفيت ضوة الغرفه حتى مشوفني بس اني اشوفها لان الجام اذا ماكو ضوة بالغرفه يصير مرايه خارجيه
ضليت صافن بيها وبملامحها وجمالها بدون الكبوس ههههههههه يارب شوف الشعر سواده سواد الليل وماشاء الله طويل اوووف اووووفف
مدي اضمج بكلبي ياعمري انتي صفت على شعرها الملولو اخخخخ مو لويتي كلبي لوي مستحيل اعوفج لغيري باذن الله ضليت اتامل بيها من دون متشوفني وهي تاكل بحلويات كدامها ومتونسه اخر ونسه وتغني اغنيتي الي جنت اغنيها وياها من جانت صغيرة هههههههههه اخ من هل بنيه بعدها حافظتها اكيد لعد عدها مشاعر الي اكيد مالازم اضيع حبي واضل اليوم وباجر وكلشي يروح
صفنت بلبسها لابسه تراك وردي بيه دبدوب اووف ماكو دبوب غير انتي ضليت اتابع كل حركه تسويها ويه الاغنيه هههه ساعه تهز شويه وساعه تحرك اديها واتامل واكثر شي صفني من فتحت الاغنيه على اليوتيوب وكامت تهز خصر اني هنا ضليت بس فاك حلكي بمعنى الكلمه
ههههههههه بويه مو خصر ضيم والهز مالها خلاني صافني وماشوف بهل كون كله بس هي بعدها متونسه وتغني الاغنيه بصوتها الي اخذ عقلي وفكري كلهخذت روحب هل بنيه وكلبي ماخلت بيه شي مايريدها معقولة كل شغفي بحبها هذا وماحست بيه ماحسيت على نفسي الا اني نايم من التعب مال شغل وضيمه ...
اماني : الساعه بال ٦ونص الصبح امي اجتي كعدتي وهل مرة كعدت من دون شلعان كلب عمي السالفه بيها امتحانات وطيحان حضن مو مال مناطله ههههههه
كمت غسلت ورحت تريكت ويه لؤي وابوي وكالولي يوصلوني كتلهم لا بنات المنطقه راح ينجمعن واروح وياهن
كملت وغسلت ورحت مشطت ولبست وضفرت شعري ضفيرتين هو جويل وشويه طولت بيه بهذلني وطلعت ويه ما افتح الباب شفت ورقه معلكه عليه اخذتها وفتحتها واني امشي اقراها مكتوب بيها يابه شعرج الملولو مو لوه كلبي ماتحسين بيا وياها كلب بيه حرفي هممممم هاي شنو التفاهات بعز الصبح
عفتها بكتابي ومشيت
مصطفى : كعدت ٦ الصبح كمت غسلت وكملت ورحت بدون مااحد يحس حتى اهلي حطيت ورقه على باب بيتهم واني كلي يقين انو هي بس راح تشوفها ماعرف شنو الي خلاني اتاكد من هل شي
رجعت واني ولا عبالك مسوي شي لكيت امي كاعده تسوي بالريوك ماحست عليه كتلها صباح الورد ياورتي
سعاد : ههههه صباح القرنفل خوش كعدت جنت حايرة شلون اكعدك المهم كعد ابوك لا يتاخر على دوامه
مصطفى : يلا تمام مشيت لغرفت ابوي وامي وطبيت لكيت الضوة طافي وركبتني فكره خبيثه وشيطانيه صار هواي مامسويها ويه احد اني بتقليد الاصوات خرافييييي مانعرف ابد ابد وجماعتي مرات حيل يستفادون مني اليوم الا اسويها بابوي اجيت يمه على الجربايه هو منطيني ظهره حطيت ايدي على جتفه وقلدت صوت امي باحترافيه
ههههههه لو امي تجي هم عبالها اكو نسخه منها يم ابوي كمت اتحرش بيه باللمساات
كلت حبيبي كوم تريك مصطفى واني ننتضرك حتى نتريك سويه
كاظم : وخري من يمي البارحه كلشي مانطيتيني واليوم ادورين حبيبي
مصطفى : ياا شبيك شنو مانطيتك
كاظم : تعرفيها وتحرفيها
مصطفى : دكوم حبيبي اخر مرة لخاطري اذا بواهسك هسة انطيك هههههههههه ماعندي مشكله صارلي واهس
حجيتها واني ميت ضحك ولازم الضحكه كوة مدري شلون استحملت مانفجر بالضحك وربي موقف فشله لابوي
كاظم : اجذبين عليه بس على مود ترضيني
مصطفى : دصد عليه حتى افتهم منك ياحبيبي راح تخرب واهسي هيج وانت منطيني ظهرك لا تشلع كلبي يلا شووو واني انعم بصوتي اكثر هههههه اليوم الكتل بالنعل يصير
كاظم : صديت وماشوف الدنيا ضلمه اجيت ابوسها وماحس الا شوارب تجك
ولككككك انت منو
مصطفى : تقرب يبوسني واني خربان ضحك ولازمها كوه تعمدت شواربي تطخه حتى يحس ومن حس طكيتها بضحكه هههههههههههههههههه اخخخخ بطني يما اخ ههههههههههههههههههه
سعاد : سمعت صوت ضحك وكمت ركض اريد اشوف شكو فتحت الضوة وكتلهم ها شكو شهل ضحك ضحكوني وياكم من الصبح بالكت ضحكه خير
كاظم : مصطفىىى هذا انته كوم لانعل ابوك لابه هيج تسوي بيه اني الك ياحيوان ماعرفت اربيك مووو تعال يمي ايا نذل على هاي الدكه يا ادبسزز
مصطفى : يابه متتت هههههههههه خرب ههههههههه ماتحمل ماتحمل بطني يايمه ههههه يابه متكلي شبيك هل درجه كاتلك الجفاف ههههههه ماشبعان شنو هم زين ماسويتها بيها ههههههههاي وانتي يما حني عليه شويه مو خطيه دشوفيه كاتله الجفاف والعطش من يمي انقهرت عليه
سعاد : ياا شو ماتستحي انت يلام ابوك من يكول معرفت اربيك ولك ديلا كوموا تريكوا
كاظم : اني اعلمك ابن النع......ل
مصطفى : كمت ركض ورحت كعدت يم امي بالمطبخ اجه ابويه وراي بخمس دقايق كعدنه نتريك واني وامي حابسين الضحكه كوة وابوي مفول هههههه نخاف ننكتل وله جان كتينه ضحكتنا
خلصت ورحت غسلت وركض صعدت لغرفتي اريد اشوف ملامح الملاك مالي من تشوف الرساله طبعا طبعتها طباعه عندي طابعه صغيرة بغرفتي حتى ماتتعرف على خطي بسرعه ههههه قصه حب اريد اسويها رومانسيه ههههه باجر نحجيها لاطفالنا شلون اعترفت الها ماريد الشغله اصير عاديه اكللهم شلون جنت احبها واريدها وان شاء الله يصير هل موقف حقيقه مو بس احلام وتخطيط
شفتها من طلعت واخذت الورقة اشو قرتها وتعابير وجها كلها انكلبت من ضحك وابتساامه الى ضوجه ونفور ان حطيت ايدي على كَلبي واباوع عليها
بس لا ماتريديني ياربي معقولة مافكره بالحب معقولة بنيه بهل عمر ماتريد تحب دوختني هل بنيه كمت وبدلت ورحت لحكتها
شفتها تمشي ويه البنات صحتها اجتني
ها شلونج
اماني : حمدالله زينه
مصطفى: يلا طريقج على طريقي مال دوام وكلت اممررج وياي
اماني : وياي جانن البنات ليش تعبت نفسك وانت مو تروح ويه لؤي وينه
مصطفى : هااا مو لؤي كال راح اتاخر واني عندي شغل هواي اريد اخلصه من وكت
اماني : ها ربي يساعدكم
مصطفى : امين اكلج امون سؤال
اماني : مو تطلع نص السالفه وتضمها مثل ذيج المره
مصطفى : لا هاي المرة غير
اماني : اسئل
مصطفى : شوكت تتحجبين
اماني : هاا مامفكره بهل شي
مصطفى : اني ماجابرج بس ياريت تفكرين بالموضوع احنه مسلمين وانتي كبرتي وحلوة وبعدج باول طريقج خلي شعراتج بس للي يجيج بالحلال
هنا قصدت نفسي
اماني : سكتت استحيت صراحه من كلامه محد من اهلي نبهني على هل شي مدري ميريدون يجبروني يريدوني اني البس وحدي واني هم مامخليه هل شي بالي
مصطفى : شفتها سكتت وخدودها صارن حمر من المستحه كلت اغير الموضوع اهم شي خليت هل فكره بالها والهداية من الله
يلا هنا اني امر من هل فرع اقربلي وانتي هاي مدرستج كبالنا تمشي الها ودربالج على نفسج
اماني : تمام ماشي تفراقنا اني ومصطفى وعقلي بس يفكر بكلامه لان صحيح
وبنفس الوقت مستحيه لان هو الي كالي مو اهلي
وصلت ودخلت القاعه واني يمكن ختمت كل السور وكل الادعيه من الخوف حمدلله اسئله زينه حليت الي اعرفه وضامنته واتاكدت الدرجه الي اجيبها ترضيني يلا طلعت
للشغل واني ضوجتي ماكلتني اكل والافكار تروح وتجي ليش هيج رد فعلها من قرت الرسالة لو عدها غيري جان هم انطت رد فعل هاي لو احد يتحرش بيها وعبالها هو ولو ول ولو وضليت على هل افكار راسي انفجر منهن
...يتبع
-اتمنى البارت ينال اعجابكم الاحداث راح تتغير وتتشابك احداث القصه على بطلنا بس هل سيكون قوي لواجه الصعاب؟ام سينحني للقدر؟