_وتضل رياح الحنين تجري بما لا تشتهئ قوارب النسيان فلا الرياح تهدأ ولا القوارب آمنهةة 🤍🥀"!!))
عفيه همتجن بنات تصويت وتعليق لدعمي واستمراري🫂
j
لؤي : هاي شنو هاي مو اماني وذاك منو؟
شنو هذا جاي يتحارش لو اني تعبان من الشغل واتوهم
وامشي بتجاه الشاب ومادري بنفسي اريد بس اصله
وجان اكمش قميصه من ورة وجريته انشك بيدي من قوة الجرة وابلش بيه دك بلشت بيه بوكسيات ودفعته وكع بالكاع ولزمته دك كتل سبح بدمه بحيث كام ميكدر يرفع ايده عليه شفته نفسه ضعف كلت بكَلبي خل اعوفه لا اتورط بيه صحت
وصخ جبانننننننننن هاي لو اختك بالللههههههه ترضاها نذل
كمت ونفضت ايدي منه وجان اكله مادري شلون وصخت نفسي بوصاختك بس لو مارادك اني امثالك يتمادون ويكثرون تفتتتتتتتتت عليك ياصاقط
عفته ورفعت عيني على اماني الوجه احمر والعيون ماتبين من الدموع وتبجي وتشهك وواكفتلي ورة الشجرة تباوع وترجف
عطت بيها مع انو هي مالها اي دخل والشي مو بيدها اذا اجه احد تحرش بيها بس اضل غيرتي عليها هي الي حاكمتني باوعت عليها بنضرة مليانه غضب
كتلها امشيييييي كدامييييي يلااااااا
هي سمعتني هيج اعيط وكامت تركض كدامي وطكطك
اماني : اجه لؤي ولزم الولد الي جان يلحكني ولعب بيه طوبه اني من خوفي ختلت ورة الشجرة وكمت ابجي بحركه وارجف من الموقف الي صار لان منطقتنا كلش محترمه وماعدنه هاي الشغلات اسمع بشغلات اغصتاب ومدري شنو بس بعيده مو يمنا
بمنطقتنا سوالف التحرش تصير نادرة واتعجب من وحده تسولف بيها خلص منه جان يباوعلي مخنزر وعيونه دم حمر صاح وكالي امشي كدامي يلا اني سمعت هيج لو كمت اركض مامشي
لؤي : مع انو اني كلش جنت عصبي بوقتها بس من شفتها تركض وخايفه اجتني الضحكه عليها هههههه يكول بطريق صغير يركض ياربي شوكت تكبر هاي وتعقل شوكت
اماني : رجعنه للبيت ولؤي وكف يغسل على المغسله واني طبيت ركض على البيت ردت اصعد لغرفتي لان ماتحملت احس عيوني يحركني من الدموع الي حابستهن وماريد احد يشوفني ويصير سؤال وجواب واخاف يأثر ع دراستي جان تتلكاني امي بالمطبخ وشافت عيوني حمر
رسل: ولجججج يماااا شبيججج شجاج شبيهن عيونج حمر شنو جنتي تبجين احجي بنيتي لا تخوفيني عليج
اماني : شفتها وارتبكت معرف شسولف توني اجيت ارد عليها وسمعت صوت لؤي من وراي يردلها
لؤي : رجعنه للبيت واني مفول وكفت غسلت واماني طبت ركض للبيت غسلت وباوعت على نفسي بالمرايه عيوني حمر دم وشعري نازل ع وجهي وينكط مي هاي شجاني ليش حجيت عليها هاي قطعه مني وهي مالها ذنب اختي الوحيده هسة تزعل
رحت وراها ووكفت بباب المطبخ وسمعت امي تسئلها شبيها اعتقد انتبهت عليها
رديتلها يماا ماكو شي بس سادس خطيه وتعرفينه تعب وارهاق وضغوط يلا مو بقالها اسبوع وهمه اصلاً توقفوا بالمواد راح اطلبلها اجازه تراجع بالبيت احسن الها تقرة هنا
امي سكتت ماردت اعتقد قنعتها بسالفتي ماريد تشيل هم واني موجود والسالفه ماتسوة تكبر واني حليتها اصلا وخوش ربيته لهذا الحيوان
اماني : صديت على لؤي وهزيت براسي بمعنى اي ماشي ورحت غسلت وجهي و صعدت لغرفتي ابدل بيتنا متكون من غرفتين جوة وصاله ومطبخ وحمام وحده لامي ولابوي والثانيه للضيوف وفوك كذالك بس غرفه الي وثانيه للؤي حالتنا الماديه زينه مو حيل طاكين ولا مو زينه حمدلله
بدلت وخصلت واني افكر شلون مر هل موقف وليش خفت وماضربته بحجارة شي اخخخ شوكت اضل جبانه اني
فرحت من رد لؤي ع امي لان شلت هم شسوي وشسولف جان اسمع امي تصيحلي حتى انزل اتغده نزلت يمهم
واكلت لكمه حتى ارتاح شويه وابدي اقرة حيل كيفت من كال لؤي راح ياخذلي اجازه هم انسه الموقف باعتبار هذا رعب الي اول مرة اصير بيه هيج سالفه وهم اضبط نفسي للامتحانات لان مابقالهن شي واني ادور ضبط مواد ومعدل باذن الله
مصطفى : كملت شغلي ورحت للبيت سبحت وبدلت ونزلت اكل ويه امي وابوي طبعاً اني الوحيد الهم والمدلل هههههه الله عليه
كاظم : ها وليدي بشر الشغل شلونه تمام لا؟
مصطفى : والله يابه تمام كلشي يمشي مثل المطلوب ان شاء الله
سعاد : يااااا شجاك عوفه الوليد توه اجه من الشغل وتعبان خل يرتاح دشوف وجهه مصوفر اكل ابني اكل
اوففف يما شوكت افرح بيك واجيبلك بنت الحلال الي اداريك وتهتم بيك متكلي
مصطفى : ها ها ها توج كلتي خل يرتاح الولد يانبع الحنان متكليلي شسالفه الله كريم ماضل شي
سكتوا محد حجه او رد عليه ادري بيهم متحمسين عليه واني الوحيد الهم وشايليلي هم بس بعد انتضر الملاك مالي شوكت يخلص واتقدمله اوف ياربي هم
يجي هذا اليوم خلصت وكمت غسلت ورحت نمت كعدت بال ٤ العصر ورحت يم لؤي لكيته طالع لشغله رحتله لشغل طبيت عليه وسلمت اشو هذا مارد السلام وعصبي
هاااا ولك حيوان شلونك شو ماكو ترة السلام لله مو للبشر
لؤي : حمدلله موجود وين ماكو هياتني كدامك بكد الزمال
مصطفى : على كيفك عيني هو احنه شحجينا وكمت تنتر بينا متكلي شبيك ههه وهي مال زمال زمال ماجذبك بهل سالفه بس لا واكع بالحب ها ولك هااااا
حاولت اشاقه وياه حتى اخفف عنه ولو ماعرف شبيه بس ادري بيه تاليته يكت الاول والتالي الي ههههه
لؤي : باوعتله صفح وكتله مدري شوكت تجوز من هل سوالف
مصطفى : ليش يابه عيب حرام الحب متاح للجميع عزيزي تريد اني احبك مو مشكله وغمزتله
لؤي : لاضل تافه عزيزي اكعد هنا اروح اشتري شي نشربه واكلك شنو الي مضوجني
مصطفى : يلا ماشي انتضرك حياتي لا تتاخر عليه
بكَلبي ادري بيك راح تجي تكتهن كلهن هههه عاجنك وخابزك اني
لؤي : مصطفى مو بس ابن خالتي بالعكس هذا صديقي واخوي وسندي مافد يوم وكعت بضيج ماوكفلي واني وياه مثل الاخوان واحد يسند الثاني
مستحيل اتخلى عنه كلش اعزه وعنده مكانه عاليه عندي اني ماعندي اخوان هو صارلي اخ وكلشي رحت جبت عصاير وكيك نتسله بيهن من المحل الي بصفي ورجعت يم مصطفى حطيتهن كدامه وحجيتله كل شي وهو ضل ساكت ماعلق للاخير
مصطفى : شنوووووو صدك تحجي معقولة بعد اكو هيج نماذج واحنه منطقتنا كلش زينه وماتوقعت يجي يوم يصير بيها هيج واماني خما تأذت خما اذاها هذا النذل اخخخخخ لو لاكطه اني
صراحه صدمني بكلامه بس ماردت اعبر زياده عن مشاعري وياخذ عني نظرة وهو صديقي المقرب واني اريد الامور تجي بالبساطه فا شفت السكوت افضل بالبداية لحد ماانتهى كلامه
لؤي : لا مسوالها شي جان ذبحته ماخليته عايش لهسة سئلت عنه هذا مو من منطقتنا جاي يم كرابته ونفسه دنيا مار على مدرسه بنات يصجم ويتحارش متونس العينتين
مصطفى : حمدلله يمعود مرت بسلامات بس المفروض ماسوي هيج باماني شعليها ودريت مو من منطقتنا هذا النذل لان منطقتتنا كلش راقيه مو مال سوالف ساقطين
لؤي : موبيدي جنت معصب ومادري بنفسي واكيد رد فعلي هيج هاي اختي متحملت غيرتي عليها
مصطفى : الله يساعدك لو بدالك اني جان سويت الازود من هيج العرض غالي وشي صعب اذا مر هيج موقف
لؤي : شفت كتلك مو بيدي هل شي لعد شكول اني
مصطفى : ساعدت لؤي شويه بمحله ورجعت للبيت لان شغلي بيه عمال يعني اني بس اوكف عليهم او اشرف على العمل طبيت غسلت ولكيت امي صابه عشة كعدت تعشيت ويه اهلي
سعاد : راح اروح ويه ابوك لبيت جدك تروح ويانه ؟
مصطفى : لايمه تعبان
سعاد : كيفك وليدي
مصطفى : راحوا اهلي ورحت صعدت لغرفتي بينتا بالتصميم كلش هواي يشبه بيت عمي ابو لؤي لان همه بنو قبلنا وابوي عجبه بيتهم وسوة مثله
طبيت غرفتي واني كلبي معصور سولفلي كل شي صار وياهم وكال خاف على اماني لايأثر عليها هل موقف
هي جبانه وتخاف واعتقد اول مرة صار بيها هل موقف اخذلها لؤي اجازة اسبوع اوفففف يعني ماراح اشوفها اسبوعععع
الله يصبرك ياكَلبي شكد جان بمدي اكون بدال لؤي بهذا الموقف وربي لاربي هل شاب من جديد يتقرب من ملاكي هو اني من نفسي اخاف اتقرب عليها ... يتبع
ان شاء الله كل بارت راح تشتد الاحداث ونتعمق بالقصه اريد دعمجن تعلق + تصويت للاستمرار قراءة ممتعه...