لقيت في سود الليالي مضره.
كم كلمه ولت وراحت ولا جت
:
/-البارت السادس /-
:
"يوم جديد "واحداث جديده "
فهد العصر اجتمع مع عمه ابو براهيم وابو عبدالله وكلمهم وقررو يخطبون اليله من ابو ماهر بعد صلاة العشاء
عيال وبنات ابو صالح وام صالح مجتمعين
بيت ابو صالح وصوت الصراخ واصل للجيران
فالح /اسمع ي صقر انا مو عمي والا ابوي تمشي كلمتك علي المشروع ذا للي وانا احق فيه
صقر بصوت اعلى /تبطي عظم انا اللي تعبان عليه وكبرته والحق للي انا
فالح /ابوي اللي كبره وتعب عليه مو انت وحنا عياله الكبار انا وصالح واحق منك
صقر/والله ماياخذه غيري ي فالح ولو يوصل الدم لركب
صالح /بس انت وهو فضحتونا بين الناس. ابوي اللي يقرر منو اللي ياخذه
ابو صالح /تهاوشون على حياتي كيف لو مت تذابحون عشان الورث
سالم / بعد عمر طويل ياابوي بس كلمة الحق تنقال صقر اللي كان يسهر على المشروع وكبره هو احق فيه
فالح /تخسي انت وهو المشروع لابوي وانا وصالح الكبار والحق لنا
صقر انفعل ومسك جيب فالح وقام يهزه /منو اللي يخسي هاه منو
صالح وسالم يحاولون يفرقون بينهم
وصوت صراخ امهم وخواتهم للاااااااا لاااااا
ام منهد تصارخ /الله يلعن الفلوس اللي تخليكم تذابحون تعوذو من الشيطان
وهدى ماسكه امها اللي تبكي
وفا وصبا وشذى واقفات منخرعات
صالح وسالم فرقو بينهم بعد تعب ولان جسم صقر رياضي واطول من فالح فكان هو اقوى من فالح وبالقوه بعدوووه عنه
ابو صالح/حسبي الله عليكم من عيال انت ماتستحي تمد يدك على اخوك الكبير
صقر/اسمع ي بو صالح المشروع للي وانا اللي كبرته وماتنازل عنه لو على قص رقبتي
ابو صالح/اخوانك الكبار احق منك ياللي ماتستحي
فالح /انا وصالح اللي نبي ناخذه واعلى مابخيلك اركبه
صقر بصراخ وعصبيه/والله والبيت اللي بناه الله ماياخذه غيري لو اروح اعدام تفهمون
ام صالح تبكي/يوليدي استغفر ربك استغفر
فالح /يابو صالح انت عطيتني قبله وماضنتي انك بتراجع عن كلمتك
ابو صالح/وانا عند كلمتي فالح وصالح اولى فيه
صقر /اجل اسمع يابو صالح كان تبي تفقد واحد من عيالك سلمه المشروع وتراك عارفني عدل لاقلت فعلت
ابو صالح بعصبيه /تهدد ابوك ي ولد
فالح /باخذه ي صقر واللي بتسويه سوه الحين
صقر بعصبيه هجم على فالح
وقام يطقه وفالح يقاوم صقر بالقوه
صالح وسالم يفرقون بينهم
ام صالح تصارخ /يويلي دعاك ي نهيل دعاك عيالي تذابحو
ابو صالح /حسبي الله عليكم حسبي الله فكهم ي صالح فكهم
بعد صقر عن فالح وصالح ماسكه. وسالم ماسك فالح المنفعل
فالح/والله لاكسر يدك فكوني عليه
يحاول يفك يد سالم اللي ماسكته
صقر يبعد يدين صالح ويصارخ /فكه يسالم خل اذبحه ولا يذبحني
ابو صالح بتعب /اطلع بررااااا براااا
صالح/الله لايبارك فيكم وبمشروكم بتذبحون ابوي انتم
صقر ياخذ شماغه من الارض /انا طالع ي بو صالح وان مارجع للي المشروع يحرم علي ادخل بيتك مره ثانيه
وطلع وخلاهم وصوت امه تبكي
ام صالح/صقر ي امك تعوذ من الشيطان
فالح /خليه ي يمه يذلف باللي مايحفظه
ام صالح /يويلي ي عيالي يويلي عليكم بس
ابو صالح/عيني خير ي مره
صالح يجلس ابوه /ارتاح ي يبه مرده بيرجع وكل شي له حل
سالم/ترا القهر مو زين صقر بناه بيده وبداه على مشاريعه وقايل لك ي يبه من زمان كانك بتبيعه ترا انا بشريه
صالح/صقر الله رازقه ومشاريعه كثير والحق لفالح
فالح/ ماني متنازل عنه لو يصير اللي يصير
ابو صالح/يصير خير يصير خير
...........
صقر وهو طالع من البيت معصب
الصدمه كانت ملاك جايه لبيتهم تمشي وعليها قميص بيت ابيض قطن وعليه رسومات ورد بالون الاخظر الفاتح واسع عليها ونعال بلون الابيض ومنزله راسها بالارض وتغني بطفوله ومانتبهت للي واقف يطالعها
رفعت راسها بطق الباب
وقفت مصدومه
صقر يطالعها/وش مطلعك باليل من البيت
ملاك برئه /سمعت صوت صراخ بيتكم وجيت بسال شذى وش صاير
صقر رغم العصبيه الا انه ابتسم/طيب اساليني وانا اعلمك
ملاك بطفوليه /لا انا ماكلم رجال
صقر يقترب منها / عفيه على البنت الشاطره
طلع محفظته ومدى لها فلوس
صقر/هاذي لك ويلا روحي لبيتكم
تطالع الفلوس بصدمه ماعمرها امسكت نفس المبلغ ذا بحياتها ملاك/ امي ماترضى اخذ من احد وبعدين هاذي الفلوس تقدر تشري فيها جوال
صقر مصدوم/جوال ؟
ملاك/ اي روح اشتر جوال فيها
صقر/بس انا معي جوال
ملاك/اجل سياره
صقر/ومعي سياره
ملاك/اممم اجل
صقر يبتسم بخبث/اشتري فيها بنت
ملاك /مافي بنات للبيع
صقر/ صادقه مافي بنات للبيع الحين خذي الفلوس وروحي لبيتكم عشان ماعصب عليك
ملاك تاخذ الفلوس من يده و ترفع حاجبها/ عصب مو خايفه منك
صقر ذبحته حركت الحاجب / تبيني اكسر يدك الثانيه
راحت ترجع وصلت عند باب بيتهم ملاك/اتحداك
صقر هنيه ماقدر يمسك نفسه /هههههههه
دخلت وسكرت الباب
صقر / موت هالبنت موت
وراح ركب سيارته ومشى بعد ماهدا وبفضل ملاك
.................................................
................................................
بيت الجدة صيته
ام براهيم /ليش ي عمه وش ناقص بناتنا يوم ياخذ من برا
حسنا/وش هي زايده عنهن فيه
الجده صيته /انشدنه لاتنشدني راسي مصدع مابي اسمع صوت
ام ابراهيم /شوق عطيته من يومها صغيره ياخذها يعني يتخذها انتي جدته ومربيته وكلمتك تمشي عليه ولازم تعلمينه
حسنا/نوف له وهو لها ومن يومه يبيها وتبيه وش غيره
مريم /يومه هو ليش مايبي الا مهره وش كبرها بنت اخوك
الجده صيته/كبر بناتكم وهو اللي اختار وبكيفه
بيت ابو ماهر
ابو ابراهيم /حنا يابو ماهر طمعانين بنسبك وجايين لك نطلب بنتك
ابو ماهر بعدم فهم /والله نسبكم شرف للي لاكن ي ابو براهيم البنت لعيال عمها ومتاهوشين عليها بعد وانت تدري وانا ماقدر ابدي ولدك على عيال عمها
فهد /بس ي ابو ماهر الزواج قسمه ونصيب وعيال عمها مالهم حكم بعد حكمك
ابو ماهر/يابوك والله مالي قدره كان عيال عمها تنازلو عزالله ماتكلم
ابو عبدالله/عيال عمها ماهو اولى من ابو عقاب شيخ قبيلتنا وله حقن فيها اكثر
ابو ماهر مصدوم/اللي يبيها منو ابراهيم ولا ابو عقاب
فهد /انا اللي ابيها ي ابو ماهر
ابو ماهر /عزالله انك اولى من عيال عمها ولونها ذبيحه يابو عقاب ماعشتك
فهد/كفو ي ابو ماهر كفو
ابو ماهر /ابد لو تبيها اليله ماردك يبو عقاب املك وخذها
ابو ابراهيم بمرح/لونه ابراهيم ماانت موافق بس ابو عقاب لو يبيها اليله
ابو ماهر يبتسم /والله ولدك والنعم فيه بس عيال عمها اولى منه لاكن شيخ القبيله اولى من الجميع
ابو عبدالله/ع بركة الله اليله الملكه والعرس بعد شهر وشرايك ي فهد
فهد/ابد اللي يشوفه ابو ماهر
ابو ماهر /تم
بعد صلاة العشاء
كل القبيله انعزمت بيت ابو ماهر على العشاء اللي سواه فهد
تمت الملكه وشهود عمانه ابو ابراهيم وابو عبدالله
مهره /يومه ليش ماشاورني ابوي
ام ماهر/ي يمه مايبي لها شور احمدي ربك حصل لك زي الشيخ فهد
مهره بحزن /بس يومه كلن يقول انه قاسي
ام ماهر /مافي رجال قاسي ع مرته
مهره تحس بحزن وبفرح
حزن لانه القاسي اللي يتكلمون عن قساوته الناس
وفرح لانه الوسيم اللي ماشافت له شبيه
عند الرجال
الكل يبارك
على البركة يطويل العمر
فهد/الله يبارك فيكم وعقبال عيالكم
دخلو عيال عمها بعصبيه
يوسف /بي حق يعم تزوج بنتك وحنا عيال عمها ونبيها
طلال /بنت عمنا واحنا شارينها كيف ي عم هان عليك وتزوجها بدون علمنا وشورنا
ابو ماهر اللي وقف يكلمهم/البنت راحت بحال سبيلها ادعو لها بالتوفيق
فهد مازال جالس وبيده فنجال القهوه ويد الثانيه سبحته ويطالعهم برود
يوسف /ماتروح وراسي يشم الهوا انا ولد عمها اولى فيها بنت عمي بترجع واللي ملك لها يطلقها والحين
طلال/ بنت عمنا وشارينها ونبيها ترجع لنا بطيب ولا بالغصب
هنيه فهد وقف بشموخ
فهد/البنت وصارت بذمتي واللي عنده كلمه يوجها للي انا
يوسف /طلقها ورجعها لعيال عمها
فهد/تعقب يالهيس اطلق الرصاصه براصك ولا اطلقها
يوسف /بس حنا عيال عمها واولى فيها
طلال ساكت وكانه خاف من المشكال لو ان قلبه يتقطع على عشقه منذ الطفوله
فهد يسحب يوسف من جيبه / ثمن كلامك واحشم المجلس اللي انت فيه
يوسف يحاول يبعد من فهد / خذيتها ي فهد مثل ماخذت الشيخه من عمانك
فهد بعصبيه يدف يوسف على الارض ويضرب فيه لانه فهم خبث يوسف يبي يشبها بين فهد وعمانه
حاولو الموجودين قدر المستطاع يخلصون يوسف من يدين فهد الثاير بقوه ولاثار فقد اعصابه مايشوف اللي قدامه بالقوه خلصوو من يدين فهد واخذه طلال وثنين من عيال القبيله الكبار وطلعو فيه غرقان بدمه فهد يلبس شماغه وصدر يرتفع وينزل من العصبيه
حاولو يهدونه عمانه
ابو اراهيم/ اهد وانا عمك جهال تحط راسك بروسهم
ابو عبدالله/لو انهم رجال ماهجمو على ظيوف عمهم
ابو ماهر/امسحوها بوجهي يوجيه الخير
فهد/وجهك ابيض يابو ماهر العيب فيهم ماهو فيك
استاذن وطلع ماقدر يهدا ويتوعد بيوسف وطلال
.
.
مهره كانت تسمع صوت الهاوش والصراخ وترجف بغرفتها وشافت يوسف مع الشباك يوم طلع غرقان بدمه وعيال عمه يساعدونه
مهره تكلم نفسها /ذبح يوسف ذا مجرم اكيد لاتزوجني بيذبحني يارب كون معي يارب
تجلس ولامه ركبها بين يديها وترجف
:::::::::::::::::::::::::::::::::::::::::::::::::::::.......
:::::