ادعو لوالدي برحمة والمغفرة..
مازن يدخل البيت وهي ينادي /يومه يا يومه
نهيل طلعت من غرفتها /شفيك يامك قطعت بلاعيمك من كثر صياحك
مازن يضحك / وش اسوي ماحد يسمع احس فينا وراثة صمخ لو اصيح بعلى صوتي الجيران يسمعوني وانتم ماسمعتوني
نهيل تزفر عليه / اخلص وش تبي؟!
مازن يحك راسه بتذكر / اي تذكرت بروح لابوي وبي قهوه وشاي يمكن يجونه رجال
نهيل برضا/طيب الحين اخلي ملاك وامل يسوون لك
ملاك تدخل عليهم وهي تهتف لمازن برجا/ بروح معك بشوف ابوي
مازن برفض/ لا يجونه رجال صعبه وين تروحين
ملاك برجا اعمق/ تكفى مازن للي سبوع ماشفته قلبي انفطر عليه
مازن بقلة حيله / ياخوك انا خايف عليك وعلي من غضب صقر
ملاك بجزع /وصقر وش دخله لا يكون بيحرمني من ابوي بس !!
مازن بتافف / لا ماهو كذا بس لان بيجون لهم رجال وراح يعصب لا شافني جايبك معي
نهيل تهتف بامر / ماعلينا منه انا وملاك بنروح معك من سبوع ماشافت ابوها وبكرا عندها دارسه عشان تركز بدراستها
مازن يهز كتوفه بقلة حيله / كيفكم بس ترا لو قام علينا صقر بقول له انتم اللي اشغلتوني
ملاك تجه لغرفتها وتهتف بتحدي طفولي / اي قول له وتحداه يفتح فمه لان خاطري اكسر له سنونه
مازن مدهوش منها وهو يطالع امه اللي تبتسم من كلام بنتها /عاجبك كلام بنتك !!
نهيل ببتسامه عريضه/ اي عاجبتني خلها مقديتن فيه
مازن يهز راسه باسا / اقول انتي وبنتك حاله خاصه
_________________________
بقسم التنويم
ام ماهر تسكب شوربه بالكاس القزاز المدور وتحط ملعقه فيه وتمدها لمهره برجا/تكفين يامك اشربي لو شويه عشان خاطري
مهره تهز راسها برفض/ يومه والله مالي خاطر فيها لاتجبريني
ام ماهر بمحاوله / تكفين ارحمي حالك و ارحميني يامك والله ان قلبي يتاكل عليك
مهره تمد يدها وتاخذها / طيب بشرب عشانك معن والله معدتي تلوع
ام ماهر تمسح على شعرها / تغصبي عشان تطيبين وتطلعين بسلامه
طق الباب طقتين و فهد يتنحنح / احم
ام ماهر تنادي له بموده /حياك يابو عقاب حياك
مهره تسحب نفس لتهدئة اعصابها
وفهد دخل ومعه اكياس من جميع انواع الفواكه والعصائر الطازجه حطهم على الطاوله وهو يسلم بهدو وعيونه تروح على مهره / سلام عليكم