ادعو لوالدي برحمة والمغفرة..
مهره من وصلت البيت وهي معتكفه بغرفة جدتها
و مانشفت دموعها من الضيق اللي تشعر فيه
تحس بهانه لنفسها وهي تفكر بكل شي سلبي
فهد ما عفى عن ولد عمها عشانها ولا حط لها قدر..
ورجعها للبيت غصبن عليها ومن غير شورها ..
والممرضه اللي اكله تفكيرها وش كانت تبي فيه...
وش كان يبي فيها..
الجدة صيته تزفرها / انتي علامك انهبلتي من جيتي وانتي ماسكه على الصياح بدل ما تحمدين ربك على العافيه
مهره كانت متمدده على السرير وهي تعتدل جالسه وترد بالم مثقل/ ياجدة بموت من القهر بموت ماني قادره اتحمل خلاص كل طاقتي انهارت انهارت
الجدة صيته تقترب منها بخوف وتضمها/ ليش يامك وش مضايقك وش قاهرك
مهره تبكي بصوت عالي/ كل شي قاهرني كل شي
الجدة صيته تحط راس مهره بحضنها وتمسح عليها بحنان / لاحول ولاقوة الا بالله وش اللي صاير لك
يا مهيرة !!
مهره تشاهق من بين دموعها
وماهي قادره تكلم لاحد ولا هي قادره تفهم نفسها هي اصلاً
دخل فهد بثبات وهو يقترب لهم وعيونه على مهره اللي منهاره بحضن جدته وصوت نحيبها عالي هتف بهتمام /شفيها تبكي تعبانه ؟!
الجدة صيته تهز راسها بنفي/ لا ماهي تعبانه بس متضايقة
فهد عقد حواجبه بتوجس / وش اللي مضايقها !!
الجدة صيته تمسح على شعرها بحنان/ انشدها لا تنشدني
فهد صمت وهو يشوفها تزيد بنحيبها وكان ميت لها احد اقترب وجلس قريب لها مواجه لجدته اللي حاضنه راس مهره بحضنها رفع كفه وبعد الشعر من وجها لين بان له وجها المحمر من شدت الصياح
تسال بصوت مسترخي هادي رغم الضيقه اللي
فيه / ممكن نفهم ليش الصياح هذا كله ؟؟
مهره مازالت تبكي بصمت موجع /....
فهد نقل النظر بينها وبين جدته اللي واضح عليها الحزن من حالت مهره وصمت لثواني وكانه يجمع الكلمات ثم هتف بثقة / اذا عشان كرامتك على قولتك تراي عفيت عن ولد عمك عشانك
الجدة صيته ابتسمت بفرحه /صدق يافهد صدق
مهره مازالت مكانها وهي مصدومه من كلامه وماهي مصدقه ،،و فهد رد بثقل جاد/ اي صدق ابو سميرة عفى عن حقه الشخصي وانا عفيت عنه من الحكم العام
مهره تقوم جالسه وهي ترجع شعرها ورا اذونها
وجها كله مليان دموع وتسال بشكل مباشر / فهد احلف انك عفيت عنه عشاني احلف
