ادعو لوالدي برحمة والمغفرة..
قريب اذان الفجر
بيت نهيل اللي مازالت صاحيه و ماجاها النوم
مازالت تفكر بنتها وطفلتها الصغيرة
قامت توضت وبعده دخلت غرفة بناتها
شافت الكل نايم
رحت عينها على ملاك اللي نايمه بارتياح رغم الهم اللي كان ومازال فيها
نهيل تنهدت وهي تنادي / ملاك امل قومو الصلاه يلا
امل تفتح عيونها / او يومه الساعه كم ؟!
نهيل ترفع يدها وتشوف الساعه / الساعه اربعه الا ربع قومي يلا انتي وملاك توضن قبل الاذان بروح اصحي ابوكن
ملاك تفتح عيونها وتعتدل جالسه و امل تقوم متجه لحمام
وحصه كانت نايمه هي ولدها بغرفة الضيوف
شوي وجاهم صراخ نهيل العالي / الحقوني يا بنااااااااات يا بنااااااات الحقوني
ملاك انفضت الفراش وهي تركض متجه لاصوت امها
وامل طلعت من الحمام وهي تركض وراها
وحصه صحت وركضت هي بعد وراهم
كانت نهيل تهز ابو ماجد وهي تصيح / الحقو ابوكم الحقووه بيموت بيموت
ملاك صرخت وهي تجلس عنده وتهزه / يوووووبه يووووبه
امل ترجف وتبكي بصوت عالي
حصه اتجهت لامها وهي تبكي برعب / يومه في نبض في نبض
نهيل ترجف كفوفها / مدري مدري نادي لخوك يودي المستشفى بسرعه
راحت امل تركض وطقت على جناح مازن بصراخ /مازن مازن
مازن فتح الباب مفجوع / شفيك وش صاير
امل تنفس بسرعه ودموعها مغرقه وجها / ا ب و ي ما زن اب وي
مازن يمسك كتفها ويهزها / وش تقولين شفيه ابوي شفيه
امل تاشر على مكانه/ ابو ما ما ما ت
مازن راح يركض جهتهم شاف امه وخواته يبكون وابوه غايب عن الوعي صرخ بخوف/ شفيه ابوي شفيه
نهيل تصرخ فيه/تعال شله بنوديه المستشفى بسرعه
مازن يلف لوفا اللي جت وراه برعب / روحي جيبي مفتاح سيارتي سرعه سرعه
وفا راحت تركض و مازن شال ابوه لسياره
نهيل تهتف لبناتها برتجاج /ابي عباتي بسرعه
ملاك تمسكها برجا /بروح معكم بروح معكم
نهيل برفض وخوف من اللي بيصير / لالا ماحد يروح ماحد يروح
