نبدأ 🙂
وبعد مرور عدت ايام من تحسن يامن الملحوظ
وقرب ليل منه أكثر وتحقيق كل رغباته التى يستغلها يامن جيداً
ومحاولة رعد إصلاح الامور بينه وبين الجميع وبالاخص يامن
وتقرب طارق من زينب أكثر
وفرحت رعد بحمل رهف واستعداده للقب الاب
وسعادة وعد بزواجها من يامن وتجهيز كل امور الزواج بسرعه
واختفاء توفيق الذى يدب الرعب فى قلب ليل كثيراً
✨✨✨✨✨✨✨✨✨✨✨✨✨✨
كانت تجلس وهى تنظر للفتيات وهم يتحدثون فى أمور العرس وتجهيزات المطلوبة حتى يكون جميل ورائع قالت ليله بخبث :- ايه رايكم نعمل حفلة عزوبيه ونسهر برا
نظرت إليها زينب بشهقه :- ينهار اسود
سهير بغباء :- هو ايه حفلة العزوبيه ده يابت ياليله
وعد بضحك :- اقولك انا يا ماما ده حفلة بتعملها البنات للعروسه بتكون فيها كل حاجه ممكن تخطر على بالك
سهير بتعجب :- كل حاجه كل حاجه
عهد بضحك :- كل حاجه
سهير بستفهام :- زى ايه مثلاً
ليله وهى تغمز لها بضحك :- كل حاجه مباحه زى الشرب
وعد بتأكيد :- ورقص
عهد بضحك وخجل :- ولبس القصير
سهير بشهقه :- يامصيبتى ده كله
ليلة بخبث :- مش كدا وبس ياماما احنا ممكن نجيب فيها رجاله كمان إنما ايه قمر
سهير بلطم وهى ترفع الشبشب فى وجهه :- يابت الجزمه والله لقول لعدى يربيكى
ليله بضحك :- هههه فى ايه يعنى ياماما مالكل بيعمل كدا الله
عهد بخجل :- لا يااختى انا زوجى حلو وقمر مش محتاجه
زينب بضحك :- فى وحده عقلة اهو
وعد بفخر :- لا يامن احلى انا مش عايزه كمان
ليله بغيظ :- والله انتو محدش رباكم
سهير وهى ترميها بالشبشب :- لا أنتي اتربيتى ياحيوانه
ليله بغيظ :- اوووففففف ماشى وأنتي يارهف ساكته ليه قولى حاجه
رهف بقرف :- لا شوفيلك حد غيرى وبعدين انا بقبض على الناس اللى بتتكلمى عليهم دول اروح أسهر عندهم انتى هبله
ليله بغيظ :- والله انتو ناس فقر
عهد بتأكيد :- احنا حبين نفسنا كدا
وعد وهى تنظر لزينب بستفهام :- تحبى تلبسى لون الفستان ايه يا زوزو
عهد بتأكيد :- ابيض طبعا
زينب بخجل :- فستان ايه انا مش موافقه على اللى عايزينه ده
ليله بستفهام :- ليه يا ماما أنتي لسه صغيرة وبعدين ده مش عيب الكل بيعمل كدا دلوقتى وبعدين ده فرحك يعنى مش اي حاجه تتلبس وخلاص
زينب بخجل :- برضو لا انا كدا كويسه
وعد بصرار :- وانا مش موافقه الشرط بتاعى علشان اتزوج ابنك ان فرحك يكون مع فرحى بس كدا
زينب بخبث :- اتوكسى أنتي ونبى
ليله بضحك :- صح احمدى ربك أنه أتقدم وأخيراً
وعد بدون تصديق :- معكم حق انا مش مصدقه لدلوقتى أنى هتزوج والله هههه
عهد بفخر :- الله عليكي واقعه واقعه مفيش كدا
رهف بتحذير :- انا بنصحك اهو بلاش
وعد بخوف :- انتو بتخوفونى ليه كدا الله
سهير بضحك :- بس حرام عليكم متسمعيش كلامهم يا وعد يامن طيب وبيحبك وهيحفظ عليكى
وعد بحب :- انا متاكده من كدا وبحبه يخربيت جمال أمه
زينب بغيظ :- راعى أني انا أمه
عهد بضحك :- مش بقولك واقعه
الكل :- هههههههه
ليله بضيق :- انا جعانه ياماما
عهد بصدمه :- جعانه ايه حرام عليكى قربتى تبلعينى
ليله بغيظ :- عـلى فكره انا مش باكل ليا ده لـ أبني حبيبى
وعد بسخريه :- لابنك برضو طيب ماهو رهف حامل ومش بتاكل نص اكلك
ليله بتزمر :- ماما ابعدى الحيوانه ده عنى
سهير بضحك :- بس ياوعد راعى أنها حامل
ليله بغيظ :- وبعدين رهف بتشتغل ومش فاضيه زيى
وعد بنفى :- مش حقيقى رهف لها فتره مش بتشتغل من وقت الحمل تقريباً
ليله بتعجب :- فعلاً أنتي مش هتشتغلى تانى يارهف
نظرت لهم رهف بضيق فـ هى تريد العمل وبشده ولكن رعد يمنعها من عملها بسبب هذا الحمل نظرت لهم بضيق حتى رات رعد يصعد للأعلى بصمت نهضت بسرعه وركضت خلفه وهى تقول :- رعد
لم يسمعها رعد حتى دخل الغرفه وجلس على الفراش بتعب ودخلت خلفه وهى تقول :- رعد عايزه اتكلم معاك
قال رعد بتعب :- بعدين يارهف انا تعبان ومحتاج انام
رهف بنفى :- لا الموضوع مهم ومحتاجه اتكلم معاك
رعد بقلق :- أنتي كويسه
رهف بتأكيد :- ايوه بس انا عايزك فى حاجه مهمه
رعد وهو ينظر لها بنتبه :- خير فى ايه
رهف بضيق وهى تجلس بجواره :- رعد انا عايزه اشتغل
رعد بتعجب :- ما انتى بتشتغلى
رهف بغيظ :- رعد انت عارف قصدى ايه انا عايزه ارجع الشغل
رعد بضيق :- رهف احنا اتكلمنا فى الموضوع ده وقولت لا
رهف بغضب :- لا ليه
رعد بضيق :- لا علشان حامل يارهف
رهف بغضب واضح عليه :- بس انا زهقت وعايزه ارجع الشغل مليت من قعدت البيت والكلام
رعد وهو يقترب منها بحزن :- رهف انا عارف انك مش متعوده على القعده فى البيت بس أنتي لازم ترتاحى علشان الطفل
رهف وهى تلمس بطنها بضيق :- رعد انا زهقت من الحاله ده كل حاجه الطفل الطفل انا عايزه ارجع زى ماكنت .. عايزه ارجع شغلى وحياتى
رعد وهو يبتعد عنها بضيق :- رهف كلامك مش مفهوم
رهف بحدة :- لا مفهوم يارعد انا عايزه ارجع شغلى لو سمحت
رعد وهو يخرج للخارج :- وانا قولت لااا يارهف
قالت رهف بعناد وهى تخرج خلفه :- انا مليش دخل بيك انا هرجع يعنى هرجع
رعد وهو يهبط للاسفل :- كلامى هيمشى ومفيش زفت شغل
نظرت رهف ليامن الذى يقف بجوار باب غرفته وهو ينظر لهم بتعجب
قالت وهى تهبط خلف رعد :- رعد استنا رعـ
صرخت رهف بقوة وهى تسقط على الدرج، تحت أنظار يامن المصدومه، ورعد الذى استدار للخلف بسرعه بعد سماع صراخها الذى ارعبه..
صرخت سهير بذعر :- رهفففف
ركض رعد بتجاه رهف التى فقدت الوعى وهى ملقاه أسفل الدرج وكتلة من الدماء أسفلها تحت أنظار الجميع المصدومه
ورعد الذى حملها بين يديه ويصرخ برجاء :- ر.رهف رهفففف ردى رهف حبيبتى ردي عليا رهفففف
حملها رعد وهو يصعد بها الغرفه سريعاً، ثم توقف للحظه وهو ينظر ليامن الذى يتطلع له بدموع فى عينه، اغمض رعد عينه بوجع وركض بها للغرفة، وبعد مرور بعض الوقت
خرج الطبيب من غرفة رعد بعد الاتصال به والقدوم إليهم سريعاً، وقف رعد أمامه وهو يفرك يده بقلق وقال :- هى كويسه
وضع الطبيب يده على كتفه وقال بحزن :- هى الحمد لله كويسه متقلقش بس..
نظر إليه رعد بقلق وقالت سهير بخوف :- بس ايه
الطبيب باسف :- انا اسف الحمل نزل الوقعه كانت جامده عليها
جلس رعد على الكرسى بوجع ونظر إليه ليل بحزن واسف وقالت عهد بدموع :- نزل البيبى
نظر إليها الطبيب باسف وقال :- لازم ليها الراحه عن ازنكم
اشاره ليل لعدى حتى يذهب مع طبيب وقال :- عدى وصل الدكتور
هز عدى رأسه قائلاً :- حاضر اتفضل
جلس ليل أمام رعد وقال :- رعد وحد الله ده قضائه وقدره اياك تعترض
رعد بنظرات تحمل الكسره :- الحمد الله
جاء ينهض بصمت حتى امسك ليل زراعه بخوف وقال :- على فين
رعد وهو ينظر فى اتجاه الغرفه :- هشوف رهف عايز اطمن عليها
اقترب منه ليل بحزن وحوطه بين زراعيه وقال :- رعد انت كويس
رعد بابتسامه حزينه :- كويس متقلقش عليا مفيش حد يقلق كل حاجه تمام انا هتكلم معها
نظر إليه الجميع بحزن وقالت ليله بدموع :- رعد متزعلش ربنا هيعوضك
رعد وهو يتوجه للدخل وينظر لها بحنان :- حاضر روحى ارتاحى أنتي ياحبيبتى
هزت ليله رأسها بدموع وهى تعانق امها بحزن على أخيها ،،،!
✨✨✨✨✨✨✨✨✨✨✨✨✨✨
*فى الدخل*
كانت تنام رهف بعمق لا تدرك شئ من حولها، ابتسم رعد بوجع وهو يمسح دموعه التى هبطت من عينه دون أن يوقفها، اقترب وجلس بجوارها ووضع يده على وجهها وظل يسير بيده عليه بحنان حتى فتحت عينها هى بتعب وقالت بالم :- ر.رعد
ابتسم وهو يداري دموعه بسرعه :- قلب رعد
رهف بالم :- بتبكى ليه انت زعلت منى
هز رأسه بنفى وقال :- ل.لا ياروح رعد حد يزعل من روحه
ابتسمت وهى تقول بخوف :- اومال بتبكى ليه فى ايه
رعد وهو يحاول الهدوء وظهور على طبيعته :- مفيش انتى كويسه
هزت راسها بالم وقالت :- كويسه يا رعد .. حصل ايه
نظر لها رعد وهو يقول بتوتر :- رهف أنتي عارفه ان كل حاجه بايد ربنا صح
قالت رهف بابتسامه حزينه :- الطفل نزل
اغمض عينه بحزن وقال :- اسف
رهف وهي تبكى بوجع :- لاااا ا.انا السبب ه.هو نزل بسببى ل.لو مكنتش طلبت ارجع الشغل مكنش حصل كل ده صح انا السبب
رعد وهو يعانقها بنفى :- هشش انت ملكيش ذنب ده قضاء الله كفايه
رهف وهى تشدد من عناقه :- انا اسفه .. اسفه يارعد انت كنت بتحلم بطفل ده طول الوقت اسفه
رعد وهو يسير بيده على شعرها بحنان وحزن :- الحمدالله .. وبعدين ماانا معايا انتى احلى طفله فى العالم اهو
رهف بدموع متالمه :- رعدد سامحنى انا السبب هو راح بسببى
رعد وهو يبعدها عن أحضانه وينظر لها بدموع :- مش أنتي السبب صدقينى مش أنتي كفايه يارهف علشان خاطرى
رهف وهى تتعالق بحضانه من جديد وبقوة اكبر :- اياك تسبنى انا عارفه إني مستهلش بس والله اسفه
رعد بحزن :- مقدرش ابعد عنك انتي قلبى يارهف
قام بوضع راسها على الفراش وقال :- ارتاحى ونامى علشان متتعبيش
رهف وهى تمسك يده ولا تتركها كـ طفل العجز :- اياك تمشى
رعد وهو يسير بيده على وجهها بحنان :- انا هنا جانبك
نامت رهف وهى بين يدين رعد ....،
✨✨✨✨✨✨✨✨✨✨✨✨✨✨
*وبعد مرور بعض الوقت*
دخل غرفته وهو ينظر إليه وهو ينام بهدوء كـ طفل الصغير ابتسم بالم وهو يجلس بالقرب من سريره وهو يمد يده فى اتجاهه بدموع تسقط من عينه بحزن وقال بصوت مكسور :- حصل كل ده بسببى انا .. بسبب واحد زيى سئ الكل بيتعذب بسببى .. انت وهى انا اسف والله اسف سامحنى
فتح عينه بخمول وهو ينظر لانهيار أخه أمامه وهو يقول بصدمه :- ر.رعد
قال رعد وهو ينظر إليه بدموع أشد وعجز اكبر :- بيحصل كدا بسببى صح .. ربنا بيعقبنى علشان إللى عملته فيك .. علشان انا واحد سئ انا مستهلش اي حاجه كويسه مش كدا
هز الآخر رأسه بدموع وقال بخوف :- ل.لا مش كدا رعد انت مش وحش
رعد وهو يضع وجهه بين يديه ويبكى بشهقات مؤلمه :- انا اسف .. والله اسف عملت كدا غصب عنى .. عارف إني غلط يا.يامن ربنا بينتقم منى .. انا استاهل كل ده هو راح بسببى انا
جلس يامن أرضاً بقربه وعانق رأسه بدموع مماثله له وقال بحزن وخوف :- هش هش اللي بتفكر فى غلط وبعدين ربنا مش بيجيب حاجه وحشه كفايه يارعد انت مؤمن بقضائه
رعد وهو يتعالق بملابس يامن كـ الغريق :- انا اذيتك وضربتك انا اسف كنت هتموت بسببى انا اسف اب. ابنى مات بسببي انا وحد مستهلش حاجه فى الدنيا دي يايامن
يامن بحزن ودموع عليه فـ هو لا يستطيع أن يتحمل رأيته بهذا الشكل المؤلم وقال بخوف :- رعد اهدا خليك هنادي ليل
هز رعد رأسه وهو يمسك يده بنفى :- لا مش عايزه هو انت دايماً بتساعدنى صح خليك معايا
ابتسم يامن بحزن وهو يجلس مجدداً ويقول بقلق :- انا جانبك على طول كفايه علشان خاطري يا رعد
رعد وهو ينظر له بندم :- ل.لو كان جرالك حاجه كان ممكن اموت بعدك يايامن .. انا اسف عارف انك مستحيل تسامحنى بس...
هز يامن رأسه وقال بحزن :- مين قال كدا قولتلكم متتكلموش بنيابة عنى أنا مسامحك يارعد ومسامح الكل بس مش عايز اشوف حد منكم بشكل ده انا بترعب عليكم
رعد بدموع :- انت ازاي كدا ليه طيب كدا
يامن بدموع :- علشان بحبكم ومليش غيركم مش عارف اكرهكم ومش عارف مسامحكمش علشان انا منغيركم ولا حاجه يارعد
رعد وهو يمسك وجهه بيده :- اسف هفضل اعتذر طول عمرى منك لو مهما حصل
يامن بدموع :- مش مهم المهم تكون كويس متزعلش على حاجه يارعد لان ربنا اكيد بيختر ليك الاحسن دائمًا
رعد وهو يمسح وجهه بيده :- انا بحبك يا صغير
يامن وهو يمسك يده برفق ويرفعه على الفراش :- تعالا نام يلا نتكلم بعدين
رعد بحزن وهو يشعر انه يجبره على الكثير :- حاضر بس تنام جانبى
هز يامن رأسه بقلة حيله :- ماشى يلا
نام رعد على الفراش واقترب يامن وهو يدخل بجواره حتى ينام وهو يقول :- يلا نام
رعد وهو ينظر للمسافه التى بينهم :- قرب شويه
نظر له يامن بضيق وقال :- لا كدا كويس
رعد بحزن :- خايف منى
هز يامن رأسه بتوتر وقال :- لا بس عـ
قال صوت ليل وهو يقترب منهم بمشاكسه :- اكيد خايف علشان انا مش جانبه صح
ابتسم يامن وقال بنفى :- لا
ليل بغيظ :- بقا كدا ماشى ادخل شويه
نظر له يامن بتعجب :- ايه
ليل بخبث :- هنام
يامن بصدمه :- متروح تنام عند مراتك
ليل بنفى :- لا هنام هنا ادخل يلا
يامن وهو يقترب من رعد حتى يترك مساحه لليل :- انتو ايه إللى جيبكم هنا روحوا اوضكم عايز انام لوحدى
رعد بضحك :- احنا مش هنتحرش بيك
ليل بمكر :- ولا خايف من وعد تفهم غلط
يامن بغيظ :- خفيف انت وهو لا انتو هديقوا عليا المكان وانا شخص تعبان وفى جرح فى بطنى مش هينفع يلا على واضكم عيب كدا
رعد بخبث :- متقلقش انا هاخد بالى
ليل وهو يضع رأسه على الوساده :- وانا كمان تصبح على خير
يامن وهو ينظر له بضيق :- طيب متضفيش النور
اغلق رعد الاضواء وقال ليل بتحذير :- نام يايامن نام
يامن بخوف :- ط.طيب رعد بيشخر
ليل بلا مبالاة :- عادى مش موضوع
يامن وهو يضع رأسه على الوساده :- طيب ادونى مساحه علشان ده سريرى
رعد بغيظ :- نام يا يامن سريرك يشيل خمس اشخاص
يامن بغيظ :- انت ايه اللى جايبك هنا مراتك محتاجك روحلها
رعد بنفى :- مفيش داعى عهد ووعد نايمين عندها انهارده
يامن بغيظ :- اه ياجزمه يا وعد
ليل بحدة :- يامن قولت نام
يامن بخوف :- حاضر اوف
نام الثلاث معانا بعد صراع داما بينهم لفتره طويله وأخيرا اجتمعوا من جديد
✨✨✨✨✨✨✨✨✨✨✨✨✨✨
وبعد مرور فتره من تحسن يامن
كان يجلس ليل حتى دخل عليه يامن وقال بضيق :- ليل
نظر إليه ليل بقلق وقال :- فى ايه انت كويس
هز يامن رأسه بنفى :- لاااااا مش كويس
ليل بهدوء :- حصل ايه
يامن بغيظ :- انت ليه عايز تحرمنى من لحظات السعاده بتعتى معلش
ليل وهو ينظر للملفات التى امامه من جديد :- يامن مش فاضيلك اطلع بره
يامن بعناد :- لا انت مش عايز تخلينى اروح شهر عسل ليه
قال ليل وهو ينظر له بضيق :- انت عارف ليه كويس
هز يامن رأسه بغيظ :- لا مش عارف
رفع ليل عينه وقال بضيق :- يامن توفيق لسه مفيش اي خبر عنه وانا مينفعش اخليك تسافر اي مكان الفترة ده
قال يامن بصوت عالى من الغضب :- وانا مالى ياليل انا عايز أخرج وعيش حياتى هفضل لامتى بشكل ده
قال ليل بضيق :- يامن انت عارف أننا خايفين عليك
يامن بغيظ :- طيب ووعد ذنبها ايه
ليل وهو ينظر له بتأكيد :- وعد موافقه أنها متروحش اي مكان غير بعد فترة يعنى معندهش مانع
يامن بغيظ :- بس انا عندى هخلى رعد يطلعنا شهر عسل
ليل بجمود :- رعد هو إللى طلب متسافرش
يامن بغيظ وصوت منخفض :- اه يابن الكلب يارعد
نظر إليه ليل بضيق وقال :- يامن احترم نفسك
قال يامن بمكر :- عمو طارق هو هيتزوج أمي واكيد هيروح شهر عسل هروح معه
قال ليل ببرود :- لا عمى مش هيروح هو كمان اي مكان
نظر إليه يامن بغيظ وقال :- انتو عيلة زبالة
ليل بغضب :- يااامن
يامن وهو يقترب منه بحب :- طيب ماتيجى انت معايا و اهو تفرح البت المسكينه عهد بفسحه حلوه ايه رايك وناخد عدى وليله معانا
نظر إليه ليل ببراءة وقال :- عندى شغل مش فاضى وليله حامل والسفر ممنوع ليها
يامن بنظرات بريئه :- علشان خاطرى
ابتسم ليل بقلة حيله وقال :- برضو لا
يامن برجاء أكثر :- حبيبى العسل حلو بلللييييز
ليل ببرود :- لا
يامن بتمثيل البكاء :- لو سمحت
ليل بلا مبالاة :- لااا
يامن بطفولة :- ليل وحياتى عندك
قال وهو ينظر له ببرود وجمود :- يامن حبيبي انا قولت شهر عسل لا يعنى لا
يامن وهو ينظر له بحدة :- هتندم
رفع ليل حاجبه وقال :- اندم ماشى انا مستنى
يامن وهو يغادر الغرفة :- ماشى وانا يامن وبقولك اهو استنا الحرب عن ازنك ياعيله ظالــــمـــــه
غادر يامن وابتسم ليل على غبائه الكبير ورجع إلى عمله مجدداً ،،،،"
✨✨✨✨✨✨✨✨✨✨✨✨✨✨
كان يهبط من الاعلى طارق و مازن يهبط معه وهو يصرخ فيه ويقول الاخر بضيق :- انت اهبل ياحيوان
نظر الآخر بغيظ وقال :- يعنى علشان عايز ادلعك يابوب تقول كدا
امسك قميصه من الخلف وقال بغيظ من أفعاله الحمقاء :- مازن يابن الكلب انت والله متربتش حد قالك عايز منك زفت حاجه
اقترب عدى من والده وقال بقلق :- فى ايه حصل ايه لكل ده ومازن جايبنا كلنا هنا ليه
طارق بتعجب :- مين كلكم
رعد وهو يأتى من الخارج ويقول بخبث :- ازيك ياعمى
قال طارق بزهول :- رعد انت بتنيل ايه هنا
رعد وهو يقترب من عمه ويقول بضحكه كبير :- بقا طارق حبيبى عامل حفلة ومجيش يبقا عيب عليا والله
نظر إليه طارق بصدمه وقال وهو يدير وجهه لمازن بغضب :- حفله ااايـــه
بلع مازن رايقه بتوتر وقال بخوف :- والله مليش دعوه
اقترب ليل من الخارج ودخل المنزل وقال بقلق :- فى ايه ياعمى طلبت اجى ليه البيت بسرعه
نظر إليه طارق بتعجب وقال وهو يشير على نفسه :- انا .. بس انا مطلبتش منك حاجه
نظر إليه ليل بدهشه وقال :- بس انا وصلت ليا رساله من تليفونك
برق طارق عينه بزهول وقال :- انا .. انا مشفتكش من أسبوع فات
عدى بتأكيد وهو يقترب من ليل :- الكلام ده حقيقى انا كمان وصلت ليا رساله بتقول انك تعبان وعايز تشوفنى
طارق وهو يصرخ بزهول :- انــاا
هز عدى رأسه وهو يخرج هاتفه ويقول بتأكيد :- اها حتى شوف
نظر طارق للهاتف بصدمه وقام بمسك شعر مازن وقال بصرخ :- مـــااازن
مازن بصرخ والم :- معملتش حاجه والله العظيم
قال رعد وهو ينظر للزينه فى المنزل وقال :- بس البيت شكله حلو
عدى وهو ينظر للمكان بعجاب :- الصراحه اه هو حلو
قال ليل بضيق :- طيب ايه الموضوع علشان عندى شغل مهم
رعد وهو ينظر للبلالين التى تطير فى المكان بنفى :- انا وصلت ليا رساله أنى فى حفله ومزز فـ جيت
نظر إليه طارق بصدمه وقال :- مو ايه يعنيه
عدى وهو يقترب من والده :- مزز ايه ... ايه يا طروقه اوعا تكون بتعمل حاجات مش كويسه من ورانا
نظر إليه طارق بحدة وهو يضربه على وجهه بقرف :- شكلى مربتش
وضع رعد يده على فمه بصدمه وقال :- اوبس عدى متربيتش
نظر عدى لرعد بهدوء وقال :- تحب تجرب
قال رعد بنفى :- بلاش اتنين متربين فى العيله واحد كفايه
عدى وهو يجلس بصمت :- انا بقول كدا برضو
ليل وهو يغادر المنزل :- انا ماشى
مازن وهو يقول بنفى وتوتر :- ماهو مش هينفع
نظر إليه ليل بتعجب :- ايه هو إللى مش هينفع
مازن وهو يشير للباب :- الباب مقفول من بره
نظر إليه ليل بحدة وقال :- افندم
رعد وهو ينظر للأعلى بصدمه :- احـــى
نظر عدى للمكان الذى ينظر إليه رعد بعيون ترمش دون توقف :- ايه ده
نظر طارق للأعلى بزهول :- مين دول
عقد ليل حاجبيه بدهشة وهو ينظر لهولاء الفتيات الذين يهبطون من الاعلى بملابس شبه عاريه وقال بصوت يحمل الغضب :- ايه الزفت ده
عدى وهو يهز رأسه وهو ينظر لهم بخوف :- معرفش انا ليله هتقتلنى
طارق بصدمه :- مين جاب دول هنا
رعد بعجاب :- بس حلوين
ليل وهو ينظر لمازن بحدة :- مــــااازن
مازن وهو يركض للأعلى ويقول بخوف :- مليش دعوه والله يامن قالى اعمل واجب مع ابوك
طارق بصوت غاضب :- ورحمة ابوك لـ معلمك الأدب من تانى يابن الكلب
عدى وهو ينظر لهم بخوف :- ليله لو شفت دول فيها موتى
رعد بقلق :- رهف ممكن تخلص المسدس عليا
طارق وهو ينظر لهولاء الفتيات بضيق :- مازن عايز يموتنى بدري
ليل وهو ينظر للباب بتوعد :- شكله مش مازن لوحده إللى وراء اللى بيحصل ده
رعد وهو ينظر لهذه الفتاه التى تضع يدها على كتفه بدلال وتقول :- ازيك ياحلو
عدى وهو يضحك بغباء :- ههههه هنموت صح
ليل وهو ينظر لتلك التى تقترب منه بدلال وتقول :- الله انت حلو أوي
نظر لها ليل نظرات قاتله وقال بجمود :- نفسك مسمعهوش ارجعى مكانك
طارق وهو يقترب من الباب :- انا هفتح الباب وانت ياعدى شوف صوت الأغاني العاليه جاى من أنهي داهية
هز عدى رأسه وهو يقول :- حاضر
واقترب طارق من الباب وحاول فاتحه لكن لم يستطيع، ثم رجع للخلف وهو ينظر للباب وهو يفتح لوحده ويقف أمامه زينب والفتيات وفى المقدمه يامن وهو يبتسم بخبث ويقول بمكر :- ازيك يا عريس
بلع طارق رايقه بتوتر وهو ينظر لزينب بقلق :- انتو ايه إللى جابكم
عقدت زينب حاجبيها وقالت بتعجب :- ايه السؤال ده ياطارق مش ده البيت
هز طارق رأسه بصمت وقال يامن بمكر :- شكله عاملكم مفاجأة صح ياعمو
نظر طارق له نظرات قاتله وقال :- يامن يابن الحيوان
نظر له يامن وهو يمثل الحزن وقال :- فيه ايه ياعمو بتشتمنى ليه
وعد وهي تقول بتعب :- اووف ابعد عن الباب ياعمو عايزه أدخل رجلى وجعتنى من كتر الوقوف
طارق بقلق :- هااا لا خليكى بره
سهير بتعجب :- ها ايه ياطارق فى حاجه حصلت
طارق وهو يهز رأسه بنفى :- اه لا لا مش عارف
زينب وهى تبعد طارق من أمام الباب وتدخل وهى تقول :- انت لسه هتشرح ابعد عـ
نظرت الفتيات كلهم بصدمه وقالت عهد بزهول :- ايه ده
ليله بدهشة :- ايه اللى بيحصل هنا
رهف وهى تقترب من رعد وتقول وهى تشير على الزينه :- انتو بتعملوا ايه هنا كلكم وايه ده
رعد وهو يبلع رايقه بتوتر :- ا.اصلى احنا قولنا نعمل ليكم م.مفاجاة
هز عدى بخوف :- اه اه هو اللي بيقوله رعد
قالت ليله بفرحه :- بجد ياعدى
عدى وهو يهز رأسه بقلق :- بجد ياقلب عدى
رهف وهى تنظر للمكان بعجاب :- انتو عملتوا ده كله
ليل بخبث :- ده يامن
يامن بضحك وخبث مماثل :- هههه دي حاجه بسيطه بس....هههه انتو لسه شوفتوا حاجه
طارق وهو ينظر لكل المكان بصدمه :- اومال البـ..
اقترب عدى من طارق وهو يقول :- اومال ب ايه بس..... انتو كنتوا فين صح
ابتسمت وعد وهى تنظر ليامن وقالت :- يامن خدنا كلنا نتعشاء برا صح يايامن
كان ينظر يامن فى المكان كله ويقول بتعجب :- هما فين
اقترب رعد وهو ينظر ليامن بغضب :- هما مين
يامن بتوتر :- هو هو مازن فين
ليل وهو ينظر له بحدة :- بتسال عنه ليه ومختهوش معاك ليه
كح يامن بتوتر وقال :- هو مرضيش قال إنه عنده مذاكرة
طارق بسخرية :- قال الواد هينفع يعنى
عدى وهو يقول لرعد بصوت منخفض :- رعد البنات لو عرفت هنموت
رعد بخوف :- رهف مش ساهله
طارق وهو يقترب منهم ويقول بصوت منخفض :- هما فين بظبط
رعد وهو يضع يده على وجهه بلطم :- ابنك الحيوان حط فى كل اوضه وحدة
برق طارق وجهه بصدمه وقال :- انت عايز تجلطنى صح ولادي هيجيبوا أجلي قريب
عدى بذعر -: وانا مالى اومال اخدهم فين دول خمسة ... اتصرفت وحطيت كل وحدة فى اوضه بس انت لا
اشاره على رعد الذى قال بفرحه :- بجد انا لا انا بحبك والله
نظر إليه طارق بتعجب :- اشمعنا هو
عدي بنفى وخوف :- لا ماانا حطيت
رعد بتعجب :- اومال ايه وفين الخمسه
عدى وهو يبتعد خطوة عن رعد :- من غير ضرب ف.فى اوضتك اتنين
لطم رعد وجهه بشهقه مرتفعه:- احـــى
نظرت إليه رهف بصدمه :- فى ايه
رعد بوجه مصفر وصوت منخفض :- كل خير تحبى تطلقى دلوقتى ولا بكره
رهف وهى تقول بستفهام :- بتقول ايه عالى صوتك
عدى وهو يقول بضحك :- بيقولك هتنامى امتى
لطم رعد وجهه مجدداً وقال عدى بنفى :- لا قصدى ه.هنسهر سوا انهارده
رهف بصدمه :- نعم
عدى بنفى :- لا مش قصدى ... قصدي كلنا كلنا يعنى
هزت رهف راسها بشك وقالت ليله وهى تصعد للأعلى برهاق :- لا انا تعبانه هطلع انام
عدى وهو يركض خلفها بسرعه :- لا لا خ.خليكى هنعمل حاجات حلوه
نظرت إليه بستفهم :- زي ايه مثلاً
عدي بتفكير :- مش عارف
وعد وهى تصعد أمامهم :- لا انا تعبانه مش قادره
عدى بغيظ :- اتنيلى انتى
رهف وهى تصعد خلفه :- استنينى هطلع معاكى
رعد وهو يركض خلفه :- استنى أنتي ياما
ليله بغيظ :- عدى حبيبى شكراً على تعبكم بس يامن عمل الواجب عن ازنك
عدى وهو ينظر ليامن بقرف وهو يقول :- لا شكر على واجب ياقلب اخوكى
عهد وهى تنظر لهم بتعجب :- هو في ايه
ليل وهو ينظر ليامن الذى يجلس وهو يبتسم عليهم ابتسامه واسعة وقال :- كل خير
يامن وهو يقترب من طارق :- مش هتنام ياطروقه
طارق بنظرات شبه غاضبه :- وانت مال امك
زينب بصدمه :- طارق
يامن بحزن :- شكراً ياطروقه
طارق وهو يصعد للأعلى حتى يتخلص من مصيبته سريعاً :- معلش يازينب
نظرات له زينب بتعجب وقال يامن بضحك :- متوتر .. متوتر علشان فرحه بكره هههه
سهير وهي تنظر للجميع بدهشه :- انا حاسه أني فى مصيبه
يامن بقلق وحزن :- ربنا يجيب العواقب سليمة
🙂🙂🙂🙂🙂🙂🙂🙂🙂🙂🙂🙂🙂🙂
قراءة ممتعة للجميع 🥺♥️