في صباح اليوم التالي
يقف يزن ينظر لها بكل حب و لاحظ حركة جفونها فعلم أنها على وشك الاستيقاظ .
فتحت فتون عيونها بألم : أنا فين .
يزن : الحمدلله على السلامه يا فتون انت في المستشفى .
فتون : أنت مين !؟
يزن : رامي شوية و هيكون هنا انا بس جيت اكون جانبك لحد ما هو يطمأن على ريا و يجي .
فتون بخوف : مالها ريا.
يزن : مفيش حاجة تعبت بس شوية .
فتون : انت مين !؟
يزن : صاحب رامي .
فتون : تشرفنا .
في هذة الأثناء سمع الأثنين صوت فتح الباب و حمزة يدخل منه بسرعة و يبدوا عليه القلق : فتون انت كويسة فيكي حاجة ليه محدش بلغني انك تعبانة طيب في إيه طيب .
فتون : براحة يا شبح مالك كدة في إيه .
حمزة : بلا شبح بلا زفت انت كويسة .
فتون بأبتسامة صافية : زاي الفل ما تقلقش .
حمزة : بجد ولا بتضحكي عليا .
فتون : بجد .
حمزة : قلقتيني عليكي يا فتفت .
فتون : قلب فتفت من جوه .
حمزة بعد ان انتبه لوجود يزن : انت بتعمل إيه هنا .
يزن : هدي اعصابك يا شبح رامي هو اللي رن عليا أجي أكون جنبها .
حمزة باستفزاز : طيب شكرا على خدماتك اتفضل بقى شوف وراك إيه .
يزن : انا ماشي بس مش علشانك علشان عندي شغل مهم .
حمزة : انا ما سألتكش انت اصلا ما تخصنيش .
يزن ببرود : ألف سلامة يا آنسة فتون ربنا يتم شفاكي على خير .
أمأت له فتون بهدوء : الله يسلمك .
بعد رحيل يزن : إيه اللي انت عملته دا يا حمزة عيب على فكرة كتر خيره فضل جاني لحد ما حد فيكم يجي .
حمزة : فكك المهم انت عاملة إيه .
فتون : انا كويسة عايزة أروح .
حمزة : لما الدكتور يجي يكشف عليكي و نطمأن الأول بعد كدة نمشي .
فتون : طب بسرعة .
حمزة : الصبر حلو .
بعد ساعتين تقريبا
في مبنى المخابرات
كان كل شيء يسير على ما يرام فبعد أن أطمأن دياب على فتون و ريا قرر مباشرة عمله حتى لا يتغيب الفريق كامل عن العمل .
عند ريا و رامي
رامي : ريا حبيبي يلا وصلنا .
ريا : أنا خايفة .
امسك رامي يدها ثم نظر اليها بحنان : من إيه يا قلبي دا احنا رايحين البيت عند بابا و ماما و عماتك اللي بتحبيهم و بيحبوكي .
ريا : مش عارفه حاسة إن في حاجة غلط قلبي انقبض اول ما وصلنا حاسة إن في ذكرايات وحشة حصل معايا هنا .
اغمض رامي عينيه بألم : حبيبتي دا بس علشان نسيتي فترة طويلة من حياتك .
أومأت له ريا بحب ثم صعدت معه للأعلى حيث الطابق السادس الذي يحتوي على أربع شقق يملك رامي إحداها : نورتي بيتك يا بنوتي .
ريا : ياااه يا رامي حاسة إن البيت وحشني أوي .
رامي : و انت كمان وحشتي البيت بصي يا قمري أنت ادخلي خدي شور و انا هجيبلك طقم من تحت علشان مفيش هدوم ليكي هنا .
ريا : و دا من إيه .
رامي : ممكن تهدي و ما تفكريش في حاجة دلوقتي و انا هشرحلك كل حاجة .
ريا بأبتسامة خطفت قلب رامي و أعادته للخلف سنتين او أكثر : حاضر .
هبط رامي لشقة خالته : يا مسا الجمال يا أحلى رباب في الدنيا .
رباب بأقتضاب : مساء الخير يا رامي خير عايز حاجة .
رامي : حبيبتي يا روبي ممكن بقى تجيبيلي طقم مريح علشان ريا تنام بيه النهاردة .
رباب : هي الموكوسة دي معاك داهية تخدها مترح ما كانت البنت اللي جيبالنا العار دي .
رامي : بعيد الشر يا خالتي ربنا يطول في عمرها و يتم شفاها على خير ريا ما غلطتشب يا خالتي أنا اللي كنت فاهمها غلط أنا اللي دمرتها يا خالتي بنتك انقى بنت و اشرف بنت في العالم .
رباب : و انت فكرك بقى انا كنت مستنيا الكلمتين دول منك انا عارفة بنتي كويس انا بدعي عليها علشان كانت معاك بعد كل اللي انت عملته فيهاانت ما تستهلشي بنتي يا رامي و أول ما بنتي تخف مش عايزة ألمح طيفك جانبها .
رامي : انتي عرفتي يا خالة .
رباب : قولتلك يا رامي انت ظالم بنتي هي مستحيل تعمل كدة دي بتعشقك و انت بردوا كنت مستمر في إيذائها .
رامي : و الله يا خالتي كنت متدمر مش مصدق إنها تجرحني كدة كان حلم حياتي يكونلي طفل منها و عرفت إنها نزلته رفعتني لسابع سما و نزلتني لسابع أرض .
رباب : اللي حصل حصل المهم اول ما بنتي تبقى كويسة تبعد عنها يا رامي .
رامي : هاتي طقم بس يا خالتي و لما تبقى كويسة ربنا يسهل .
نظرت له رباب بسخرية ثم ذهبت لتحضر له ما يريد كاد رامي أن يلحق بها لولا صوت رجالي قادم من خلفه و بنبرة ساخرة : رايح فين يا روميو .
أخذ رامي نفس عميق و قال في نفسه : انت اللي جبته لنفسك قابل بقى يا معلم .
رامي : داخل استنى حماتي جوه يا حمايا .
والد ريا : و دا من إيه إن شاء الله بصفتك إيه يعني .
رامي بسماجة : بصفتي جوز بنت يا ممدوح باشا .
ممدوح : و دا من امتى مش هي دي مراتك اللي بقالك سنتين مش بتكلمها ولا لسانك بيخاطب لسنها و مش كدة و بس دا انت هنتها و عذبتها انت لا ممكن تكون جوزها الجواز مودة ورحمة و انت لا صنت الود ولا رحمت بنتي يا أستاذ انا عن نفسي مش هسمحلك تأذيها تاني لكن أنا مش ظالم زيك و هديك فرصة واحدة بس .
تهللت أسارير رامي : بجد يا خالي .
ممدوح : انت ابني زاي ما ريا بنتي بس دا مش معناه إني هسمحلك تأذيها معاك فرصة لحد ما ريا تبقى كويسة و انت و شطرتك تصلحها ولا لأ لكن لو جاتلي بعد كدة و قالت مش عايزاك يبقى هتطلقها من غير نقاش .
رامي بفرحة : اوعدك إني مش هزعلها تاني ولا هأذيها و هعوضها عن كل اللي مرت به لكن ما اوعدكشي إني اقدر أطلقها لإن ختى و أنا مجروح منها و مصدوم فيها ما قدرتش أطلقها فأكيد مش هقدر اعمل كدة دلوقتي .
قبل أن يجيب ممدوح كانت رباب قد جأت بما يريده رامي ليمسكه منها و يرحل هاربا من هذا النقاش الذي يتعب قلبه أكثر .
عند سما و أحمد .
أحمد : سما أنا هروح الشغل يا قلبي أخوكي هتعوزي مني حاجة .
سما بشرود : لأ .
أحمد : مالك يا سمسم في إيه .
سما : هو انا وحشة أوي يا أحمد .
أحمد : ليه بتقولي كدة .
سما : أنا حسيت بالغير من اهتمام يزن بفتون و حسيت إني محتاجة حد يكون بيحبني كدة يكون بيخاف عليا و بيعتبرني بنته انت ما شفتش كان خايف إزاي عليها .
أحمد : و انت بقى كنت عايزة تكوني مكانها بجد ولا كنت عايزة حد يعملك كدة بس مش شرط يزن .
سما : لأ يزن مش مناسب ليا انا بس محتاجة أحس إن في حد عيونه بتلمع ليا زاي ما عيون يزن بتلمع لفتون .
أحمد : قولي تبارك الله و ادعي ربنا أكيد إن في حد في مكان بعيد مستنيكي زاي ما انت مستنياه و انت مش وحشة ابدا يا سمسم انت بس عايزة تجربي شعورها او عايزة تلاقي شريك حياتك و نصيحة مني ما تدوريش عليه علشان اختياراتك ممكن تكون غلط .
سما و هي تحتضن احمد بحب : انت احسن أخ في الدنيا .
أحمد : و انت اجمل بنوته في العالم.
في أحدى غابات الأمازون كان يركض بكل حرفية و هو يتفادى الأصتدام بالأشجار حتى جائه اتصال على جهاز اللاسلكي الذي بحوزته .
الجهاز : مراد لازم ترجع مصر حالا .
مراد : و دا ليه إن شاء الله .
الجهاز : علشان في مهمة جديدة .
مراد : انا لسه ما خلصتش أجازتي .
الجهاز : انت هتهزر يا سيادة المقدم ولا إيه .
مراد : خلاص ابعتلي طيارة على الإحداثيات بتاعت كل مره .
الجهاز الطيارة موجودة و مستنياك اخلص يا مراد الموضوع مستعجل .
مراد : حسبي الله فيك يا أخي .
اغلق مراد الأتصال و غير اتجاه ركضه ليصل لمكان الطائرة و يتوجه لمصر الحبيبة .
مراد بسخرية داخل الطائرة : و الله لسه بدري و الله يا نهر الامازون.
كابتن الطائرة : رايق انت دائما يا مراد .
مراد : و أنا أيه اللي يعكر مزاجي يا سحس .
الكابتن : أنا أسمي سامح يا مراد و ميت مرة اقولك بلاش سحس دي .
مراد : ماشي يا عم سامح طير بسرعة بقى علشان مصر وحشتيني جدا بقالي سنين مشوفتهاش .
سامح : مصر برصوا يا ميرو .
مراد بشرود : و أهل مصر و سما مصر و كل حاجة في مصر .
سامح :انت لسه بتفكر فيها يا مراد .
مراد : من يوم ما شفتها يا سامح و هي دخلت قلبي و قفلت على نفسها بمفتاح و رمت المفتاح في المحيط .
سامح : يا عيني عليك يا ابني الحب بهدلة .
مراد : تفتكر هكون لسه في ذاكرتها .
سامح : قصدك إنها لسه فاكرة إنك انقذتها من الموت و خدت طلقتين بدلها و طلعتها من وكر مافيا و كان ممكن تموت بس علشانها و إنك ابن عمها صمت لثواني ثم اكمل بلا مبالاة : لا ما اظنش إنها تكون فكراك .
اومأ له مراد و كأنه اقتنع برأيه
في الجانب الأخر كانت تجلس بكل شرود تحاول أن تجد لهم مبرر لنسان هذا اليوم و كأنها لا تفعل ذلك في كل عام آه كم تشعر بالألم في صدرها عندما تستمع إليهم و هم يحضرون ليوم ميلاد فتون او ريا قبل الخلاف مع رامي قبله بأشهر و لكن في يوم مولدها هي لا يكترث أحد بها حتى والدتها و أخيها لقد تحدثت معه لكي تجعله يلاحظ أنها تشعر بالوحدة ولكنها لم تنجح حتى بالتعبير عن مشاعرها .
سما لنفسها : إيه مالك في إيه هي دي أول مرة ما كل سنة كدة و كل سنة إنتي زاي الهبلة بتبقى متحمسة تشوفي مين هيفتكر يوم ميلادك و يفجأك بهديته و زاي كل سنة انتي منسية
صدح صوتها الشادي بنبرة شديدة الحزن .
قريبة منسية بعيده منسية
غريبة من يومي فى وحدتي ديا
من يومي مظلومة من يومي محرومة
من كل حنية
منسية منسية
سنين يا عيني وراها سنين
وأديني صابرة مع الصابرين
عيون حزينة وبال مشغول
وقلبي زي الدنيا حزين
وبين حبايبي وظلم حبايبي
قسيت كتير يا حبيبي يا قلبي
وأديني منسية عايشة لوحديا
غريبه من يومي فى وحدتي ديا
توقفت عن الغناء و هي تنظر لذلك الجالس أمامها على أحد فروع الشجرة التي تقبع أسفل نافذتها .
.سما : انت بتعمل إيه هنا !؟
... : جاي أشوف سمايا زعلانة لية و بتمطر حد يبقى زعلان كدة يوم ميلاده .
سما : أنا زعلانة أوي يا مراد عايزة أمشي من هنا ممكن تساعدني أختفي فترة أنا فعلا مش قادرة أكمل كدة محتاجة افصل ممكن تساعدني
مراد و هو يبسط يده لها : تعالي معايا .
سما : على فين .
مراد :: هخطفك لمكان بعيد محدش يوصلك فيه ولا يأذيمي يا سمايا مكان تبقى فيه لوحدك و أنا معاكي.
سما : مينفعش .
مراد : لية مش انتي عايزة تمشي من هنا .
سما : بس أنا مش هينفع امشي معاك انت غريب عني .
مراد : اوعدك يا سما في اقرب وقت هتيجي معايا و هخطفك منهم قصادهم كلهم و محدش هيقدر يتكلم بس انت ادعميني و ما تضعفيش علشان كل ما بتضعفي كدة قلبي بيوجعتي و انا كمان بضعف .
سما : مراد انت بتتكلم جد !؟
مراد : هخلص المهمة اللي شغال عليها و هطلب إيدك من أحمد بس الأول لازم أسألك سؤال .
سما بفرحة : سؤال إيه !؟
قفز مراد من فرع الشجرة لداخل الغرفة و انحنا أمامها على الأرض و قال بصوت رخيم : أنا مراد الشرقاوي و بكامل قوايا العقلية بنحني قدامك و بطلب منك توفقي على الجواز مني و بسألك لو ممكن تقبلي بيا زوج و أب و ابن و أخ و صديق و كل حاجة في حياتك .
هبطت دموع سما بصدمة فما يفعله ذلك المراد كثير على قلبها و كأنك تحاول أن تجعل جرح يلتأم في خلال ساعات مما يشكل ضغطًا على صاحب هذا الجرح رفقاً بقلبها يا أيها المارد الغريب .
مراد بعد أن استقام من وضعيته ليمسك بيدها يحنان و يشير لها برأسه : ها يا سمايا موافقة .
سما بخجل : أممم.
مراد : دي أحلى أممم سمعتها في حياتي أنا مضطر أمشي دلوقتي أستنيني أول ما أخلص المهمة بتاعتي هرجعلك يا سمسم قلبي .
سما : خالي بالك من نفسك لا إله إلا الله .
مراد : محمد رسول الله يا سمسم باي .
رحل مراد من حيث أتي بعد أن أستطاع رسم البهجة على وجه سما الجميل .
في مكتب الفريق
أحمد : دياب لو سمحت كفاية لحد هنا أنا مش هقبل كلام في الموضوع ده تاني .
دياب : انت نسيت نفسك ولا إيه يا أحمد نسيت إني اخوك الكبير ولا إيه .
أحمد : اخويا الكبير و في مقام أبويا كمان لكن سما عمري ما هديها لمراد و اظن هو عارف كدة و سافر علشان هو متأكد إني مش هوافق عليه .
جائهم صوت من الباب : أنا ما سفرتش علشانك أو علشان عارف إنك مش موافق بيا لكن انا سفرت علشان سما مكنتشي مستعدة في الوقت ده مكنشي من المناسب ليها انا لو عايز اعمل حاجة انت عارف إني هعملها و أنا طلبتها منك قبل كدة بالحسنى و لو انت لسه مُصر فأنا بقولك بكل صراحة سما ليا و مش لغيري و انا بس لحد دلوقتي عامل حساب لإنك أخوها و ليك حق عليها أما لو فضلت كدة فأنا هتجوز سما ولو على جثتك يا أحمد تمام .
أحمد : أعلى ما في خيلك أركبه و أختى مش هعطيها لواحد زيك ولو أخر يوم في عمري .
مراد :هو فعلا هيكون أخر يوم في عمرك لو فكرت تبعدها عني .
دياب : بس انت و هو أستهدوا بالله مش كدة دا انتم حتى قرايب .
مراد : قوله يا دياب البيه نسي إني أبقى ابن عمه .
أحمد : الموضوع ده خلص يا مراد انت ابن عمي و أخويا بس سما بره الموضوع ده .
مراد : قول يا رب مش يمكن أنا أكون الخير اللي انت كارهه. لأختك و عسى أن تكرهوا شيئاً و هو خير لكم
أحمد : بكرى نشوف يا استاذ مراد
يتبع !؟....
الفصل ده بمناسبة يوم ميلادي اللي محدش افتكره بس يلا مش مشكلة 🤣🤣