Hindi ako nakapasok sa trabaho ko ngayong araw. Hindi kasi umalis sa tabi ko si Kisza, panay ang kwento nya at nagpaluto rin sya ng lunch. Ayaw din nyang pumasok sa school kahit anong pilit ko
ayaw nya talaga.
"Ate Nina, I'm sleepy"
Sabi ni Kisza habang nakaupo kami sa sala ng bahay nila. Lumapit sya sakin at yumakap, napatingin naman ako sa lalaking kaharap ko. Nakatingin lang sya sakin na parang tinitimbang ang sasabihin.
"I-akyat mo na sa room nya" sabi nya saka ibinalik sa laptop ang atensyon. Hindi din sya nakapasok sa trabaho nya dahil sa nangyari kanina.
"Kisza, tara punta tayo sa kwarto mo" sabi ko sa inaantok na si Kisza, namumungay na ang mata nya na halatang gusto matulog.
Pag dating sa kwarto ay agad syang humiga sa kama.
"Tulog kana" sabi ko ng makita kong nakadilat pa sya at nakatingin sakin. Umiling sya na ipinagtaka ko, ang sabi nya kanina inaantok sya pero ngayon parang wala syang balak matulog.
"Baka po umalis ka" sabi nya gamit ang inaantok na tinig. Alam kong nilalabanan nya ang antok.
Umupo ako sa kama nya saka hinaplos ang buhok nya. Alam kong magaan ang loob sakin ni Kisza kaya ganito sya, siguro dahil sa lukso ng dugo. Naalala ko ang nabasa ko sa isang libro na 'iba ang haplos ng tunay na ina'.
Dahil siguro sa sobrang kaantukan ay hindi na nya mapigilan ang pag pikit. Maya maya lang ay mahimbing na syang natutulog. Matagal ko syang pinakatitigan dahil hindi ko alam kung kailan ulit kami nag kikita ng anak ko. Hinagkan ko sya sa noo bago umalis sa kama nya at lumabas ng kwarto. Alas singko na ng hapon kaya kailangan ko ng umuwi dahil hindi naman na din ako pwedeng pumasok sa trabaho.
Pag labas ng kwarto ay sya namang pag dating ni Spencer. Nag iwas ako ng tingin ng magkasalubong ang tingin namin. Huminga ako ng malalim saka lakas loob na nagsalita.
"Tulog na si Kisza, uuwi na ako" sabi ko.
Hindi sya sumagot kaya naglakad na ako at nilagpasan sya. Dinig ko pa ang mura nya ng malagpasan ko sya.
"Sandali"
Napatigil ako sa pag lalakad ng magsalita sya. Tumingin ako sakanya ng may pag tataka. Tumitig sya sakin na parang pinag aaralan ako. Huminga sya ng malalim saka tumalikod.
"Sumunod ka, mag uusap tayo" sabi nya saka nag lakad papunta sa kwarto kung saan kami nag usap noong bago ako dito.
Nag dadalawang isip ako kung susunod ako sakanya dahil alam kong puro pang iinsulto lang naman ang sasabihin nya. Sa bandang huli napag desisyonan kong sumunod nalang sakanya. Binuksan ko ang pinto at nakita ko syang nakatayo sa glass wall side ng kwarto. May terrece sa labas noon at puro puno ang nasa ilalim, tumikhim ako para kuhanin ang atensyon nya.
"Be My Daughter's Nanny, again"
Deretsyang sabi nya saka humarap sakin. Wala akong mabasa sa mukha nya, blangko ito katulad ng dati. Umiling ako saka huminga ng malamim.
"Ayoko" sagot ko saka tinignan sya, mukhang nagulat sya sa sinabi ko dahil bahagya syang natigilan. Gusto ko ang gusto nya pero alam kong kailangan kong lumayo kay Kisza dahil iyon ang gusto ni Raquel noon. Na aalagaan at mamahalin nya ang anak ko basta huwag ko silang guguluhin. Nakuntento ako sa pangako nya lagi din nya akong binabalitaan tungkol sa anak ko. Pinadalhan din nya ako ng picture ni Kisza noong 1st birthday nito at sa likod non ay ang pangalan na ibinigay nya dito. Pero kamakailan lang ay wala na akong balita tungkol kay Kisza at Raquel doon ako nag simulang silip-silipin ang anak ko sa school nito. Alam ko ang school nya dahil ang huling picture na ibinigay sakin ni Raqurl ay nakasuot nya ang uniporme na ginagamit nya ngayon.
Gusto kong malaman kung bakit namatay si Raquel at alam kong dito sa bahay na ito ko makukuha ang sagot. Pero hindi ko na kayang manatili dito lalo na kung ganito kasama ang makakasalamuha ko.
Tumalikod ako at naglakad papunta sa pinto. Narinig ko ang malutong nyang mura.
"Kung ganon bahala na ang lawyer ko na kuma-usap sayo"
Napatingin ako sa kanya dahil sa sinabi nya. Lawyer?
"Nakalimutan mo naba na may utang ka sakin? At kung hindi mo mababayaran iyon pwede kitang ipakulong. Pero alam kong mababaw na dahilan ang pag kakautang mo para ipakulong ka. Pwede kong dagdagan ng konting kasinungalingan para makita lang kita sa kulungan. Kaya kong palabasin na nagnakaw ka sa bahay ko." Nakangising sabi nya saka namulsa.
Bigla para akong nabuhusan ng napakalamig na tubig. Kaya nyang palabasin na nag nakaw ako sa bahay nya para lang makulong ako sa oras na tanggihan ko ang gusto nya? Kaya nyang manira ng tahimik na buhay masunod lang ang gusto nya.
"Ang sama mo!" Galit na sabi ko. Kaya nyang manira ng buhay ng tao pag hindi ito naging pabor sa gusto nya. Tao ba tong kausap ko? Bakit ito pinakasalan ni Raquel kung ganito ito kasama. O baka sya ang dahilan kung bakit namatay si Raquel?
"Alam ko" proud pa na sabi nya saka muling ngumisi.
"Ano ang gusto mo? Ang makulong ka o maging Nanny ng anak ko? You decide"
Alam kong kaya nyang gawin ang banta nyang ipakulong ako at ipalabas na nag nakaw ako, at ayokong mangyari iyon pero ayoko rin makasama ang demonyong lalaking ito. Alam ko lahat ng lumalabas na banta sa bibig nya ay ginagawa nya. Nagawa na nga nya akong saktan ng pisikal.
***
"Ako ng bahala dito Ate Nina" sabi ni Cc ng nagpaalam ako. Tumingin ako sa dalawa kong kapatid, alam kong tutol sila sa pag balik ko sa bahay nila Spencer. Alam nila na hindi maganda ang trato ni Spencer sakin, pero alam ko na maiintindihan din nila na para ito kay Kisza.
Pagkatapos mag paalam ay pumasok na ako sa kotseng nakaparada sa harapan ng bahay.
"Good choice" sabi ni Spencer na nasa tabi ko. Hindi ko sya pinansin at tumingin sa mga kapatid ko na nasa labas ng bahay at nakatingin sa sasakyan kung saan ako naka sakay. Tinted ang sasakyan kaya hindi nila ako nakikita, pero sila kita ko ang malungkot na mga mukha nila.
Napabuntong hininga ako ng nag simulang umandar ang sasakyan. Tahimik lang kami habang nasa sasakyan hanggang narating namin ang malaki nilang bahay. Nauna syang bumaba ng nasa front door na kami, tinanggal ko ang seat belt ko at lumabas narin.
"Kunin mo ang gamit mo, may maliit na kwarto sa tabi ng kwarto ni Kisza doon ka dumiretsyo" sabi ni Spencer saka ako iniwan.
Sinunod ko ang gusto nya. Pumasok ako sa dati kong tinutulugan dahil hindi ko naman nadala ang mga gamit ko ng pinalayas ako dito at wala rin naman akong balak kuhanin ang mga ito. naabutan ko si Venus na bagong paligo pa.
"Nina!" Tili nya saka ako niyakap. Naging close kami kahit dalawang araw at dalawang gabi lang kami nagkasama. Ma daldal sya kaya madaling makagaanan ng loob.
"Kamusta Venus?" Tanong ko saka inayos ang mga gamit na naiwan ko.
"Ayos lang, babalik kanaba dito?" Tanong nya saka umupo sa tabi ko. Tumango ako bilang sagot.
"Alam mo? Hindi talaga ako makapaniwala na nagawa kang saktan ni Sir. Mabait naman si Sir kahit na laging masama ang mood, ewan ko ba simula ng mamatay si mam Raquel naging ganyan na si Sir. Laging galit sa mundo, siguro hindi pa rin sya nakaka move on sa pagkamatay ng asawa nya siguro sinisisi pa rin nya ang sarili nya. Kasi dahil sakanya namatay si Mam Raquel"
Nakalimutan ko ang dapat kong gawin at pinakinggan nalang ang sinasabi ni Venus. Dahil sakanya namatay si Raquel? Hindi ko alam ang buong kwento pero alam kong may dahilan kung bakit ganito si Spencer.
"Venus ano ba ang nang-"
Natigil ako sa pag tatanong ng bumukas ang pinto at pumasok ang pupungas pungas na si Kisza. Mukhang kagigising lang nya at dito agad pumunta. Lumapit sya sakin saka yumakap sa leeg ko.
"Akala ko po pinaalis nanaman ikaw ni Dad" sabi nya gamit ang paos na boses.
"Hindi, kinuha ko lang ang mga damit ko kasi lilipat na ako sa tabi ng room mo" sabi ko saka sinapo ang mukha nya at hinaplos ito.
"Talaga po?" Masayang sabi nya " teka lang po mag te-thank you ako kay Daddy" sabi nya na parang nagising ng tuluyan at mabilis ng lumabas
"Alam mo Nina, kung hindi ko lang kilala si Mam Raquel iisipin kong may relasyon kayo ni Sir Spencer at anak nyo si Kisza" sabi ni Venus na nag pakabog ng dibdib ko.
"B-bakit mo naman nasabi yan" kinakabahang tanong ko saka nag iwas ng tingin.
"May mga ibang features si Kisza na kamukha mo at meron namang iba na kamukha ni Sir. Ahh ewan Kalimutan mo na ang sinabi ko imposible iyon dahil anak ni Mam Raquel si Kisza" sabi nya
"Imposible nga iyon" sabi ko kay Venus pero parang sa sarili ko ko sinasabi iyon.
"Ate Nina, tara po papakita ko yung room mo" biglang pasok ni Kisza sa kwarto namin at hinatak ako. Napatingin naman ako kay Venus tinanguan naman nya ako kaya nag pahatak na ako kay Kisza.
Dinala nya ako sa isang kwarto na katabi ng kwarto nya. Maliit lang iyon kumpara sa mga ibang kwarto sa second floor, pero malaki na ito para sakin.
Pinanuod ko ang pag lalakad ni Kisza papunta sa kama, umupo sya doon.
"Sinabi ko kay Daddy na dito ka mag room pag bumalik ka. Kasi nag promise sya sakin na papabalikin ka nya ayaw ko kasi na may ibang mag aalaga sakin gusto ko ikaw lang." Sabi nya.
Napangiti ako at ramdam kong nanginginig ang labi ko at nag iinit ang mata ko dahil sa narinig ko. Gusto ng anak ko na ako lang ang mag aalaga sakanya napakalaking bagay na sakin iyon. Nag lakad ako papuntang kama at tumabi sakanya, nanginginig ang kamay ng tinaas ko ito upang haplusin ang buhok nya.
"Promise Kisza, hindi na ako aalis sa tabi mo. Kahit lumaki kana, kahit na magka asawa't anak kana. Hanggang sa tumanda ka hindi kita iiwan. Pangako yan" hindi ko na napigilan ang pag iyak ko ng yakapin ako ng mahigpit ni Kisza. Hindi nya man ako kilala alam ko alam ng puso nya kung sino o ano ako sa buhay nya.
Sorry Raquel pero hindi ko na ata kayang lumayo sa anak ko.
***