بارت طويل لان البارحه طلبتوا مني انزل بارت طويل ..بس اريد منكم تفاعل حته كل يوم انزل بارت
........
رسل ..سمعت الحجي مالها وانصدمت ..
...شنو يعني ؟ حاتم رفض الزواج حتى يسافر للخارج ..؟ لا اكيد يتشاقون ماصارلي دقيقه من فرحت فدوه لتخربون فرحتي ياربي دخيلك ..
...رسل ...عفتهم ورحت للغرفه الم غراضنه وبدلت ملابسي واني ابجي واشهك .. شفت سالي اجتي ورايه للغرفه وكالت .
...سالي ..شبيج رسل ليش تبجين يمعوده رح تفضحين نفسج قبل شويه خالو عادل شافج فرحانه لان حاتم رفض الخطوبه وهسه تبجين اذا يشوفج رح يعرف تحبين ابنه اسكتي ..
...كمت اشهك واحجي وياهه ..
...رسل ..كولي لمامه خلنرجع للبيت اني لميت غراضنه اني تعبانه اريد ارجع للبيت حبابه ..
...سالي ..اصبري للصبح تخبلتي نطلع هسه بليل تدرين الساعه عبرت ال10 ونص خالو عادل ميخلينه نطلع هسه وصبوا عشه أصلا ..
...كمت ادك رجلي بالكاع وصرت عصبيه وكلتلها ..
...رسل ..ماريد ماريد كتلج ارجع للبيت هسه اذا متجون وياي اني اروح وحدي امشي صيحي مامه بسرعه ..
..سالي ..زين اصبري بس نتعشه ونطلع انزعي ملابسج يمعوده منريد مشاكل اسكتي كافي وتعاي نروح يمهم كاعدين يسولفون مدري شعدهم ..
...رسل ..نزعت ملابسي وغسلت وجهي ورحت كعدت بالصاله يمهم خالو عادل عصبي ويصيح على حاتم وكال ..
...عادل ..ادري كدامك زعطوط هيج تفشلني ويه العالم شنو بنات الناس لعبه خليتني انطيهم موعد وهسه خليتني اخابرهم والغي الخطوبه والله سودت وجهي وصرت هلگدوتني كدام الناس ..
...حاتم ...يابه انته موجنت رافض هذه الزواج شو هسه غيرت رأيك مداافهمك شتريد بالضبط ..؟
...عادل ..ولك جنت رافض لان جنت رايدلك بنيه ثانيه بس انته غبي ضيعتها من ايدك بهذه غبائك..
وهسه طلعتلي بسالفة السفر انوب صفح شعندك مسافر موانته موضف هنا وعندك راتب وعايش احسن عيشه شتريد بعد متكلي شتريد ..؟
...حاتم ..شنو موضف هم حاسبها عيشه بالعراق ..درست وتعبت على نفسي وصرت مهندس حاسوب وماكو تعيين بالعراق اضطريت اتعيين منتسب بالداخليه لان راتب عالي وضميت الشهاده بالكنتور ذيج تسمع حسك
..اني اريد اتعيين بشهادتي وخارج العراق اكو تعيين ويحترمون الشهاده العراقيه اروح هناك واستقر احسن من العيشه هنا شحصلت من العراق اني بس التعب ..
...عادل ..وشبيها الوضيفه مالتك شو راتبك فوك المليون شتريد بعد اكو ناس تتحسر لاترفس النعمه ابني لا الله يگلبها بيك .. عوف السفر على صفحه سفر ماكو ..
...ضحك حاتم وكال ..
...حاتم ...هههههه صدك تحجي يابه متريد اسافر لعد اني ليش لغيت الخطوبه وتفشلت ويه الناس غير حتى اسافر
.. اني الاسبوع الجاي مسافر الله يخليكم لحد يوكف بطريقي خلوني اروح بفالي ..
...گامت تبجي خاله هاجر وكالت ..
...هاجر ..ولك يمه شنو سالفتك انته من دون اخوانك شالع گلبي هيج لو زغير واكول بعده زغير وميعرف يتصرف ..
بس انته جبير وعمرك صار 30 سنه مو كافي عاد تعبتني اريد اشوفك متزوج ومستقر وأشوف جهالك قبل مااموت ..
...كام وكف وكال بعصبيه ..
...حاتم ..يمه الله يخليج لخاطر الله لتعرضيلي اني الاسبوع الجاي اسافر وسالفة الزواج سدوها ماريد اتزوج شنو گوه هيه خوما گوه ..
...رسل ..حجه وياهم وعافهم وطلع من البيت كله لان سمعنه صوت سيارته بره تفحط ..
...گامت تبجي خاله هاجر ومامه تحجي وياهه ..
...كفاح ..صلي عالنبي ام حاتم گولي ياالله .. هسه هوه عصبي لهذه السبب اني بقيت ساكته وماتدخلت خلي يمر يوم يومين واني احجي وياه ميصير تلحون عليه هيج كلما تلحون يعاند اكثر تره ..
...رسل ..بقوا ساكتين واني وتماره وسالي رحنه نصب عشه حضرنه العشه والكل كعدوا بس محد اله نفس ياكل وره شويه لمينه السفره وخالو عادل شرب چاي
اني وسالي طبينه للغرفه والكل راح ينام الساعه صارت ب12 ونص وحاتم مااجه للبيت اني بقيت اتگلب بفراشي مااكدر انام هم نايمه العصر وهم من التفكير بقيت افكر بحاتم ..
...رسل ..هوه ليش هيج رافض الزواج ويعاند .. وليش مصرر يسافر للخارج معقوله من شاف امه تبجي ماحن گلبه عليها .
..مرات احس حاتم گلبه قاسي كلش .. شلون هيج واحد يحب هوه مويگول يحب سالي
... ليش هالقسوه هاي شايلها عود هوه متعلم وخريج هندسه المفروض يصير عقليه منفتحه مو هيج صعب ...اوووف حاتم وتالي وياك يعني ...
....رسل ..بقيت صافنه وافكر حسيت نفسي مخنوگه كلت اطلع بره شويه كمت لبست شال وطلعت للطرمه .
.همه عدهم بالطرمه زاويه مثل الكعده مسويها يعني تخم زغير وعليه مسگف مثل الزرع الاصطناعي .
. كعدت عالتخم جنت جايبه موبايلي وياي باوعت للساعه شفتها ب2 .. وحاتم ليهسه ماكو .. كلت اجرب اتصل عليه بلكي يرد عليه ..
...اتصلت بقه يرن وماكو رد ..طفيت الموبايل وبقيت صافنه وره دقايق سمعت الباب ينفتح مال شارع وطب حاتم بيده المفتاح والبصمه مال سياره بس ماسمعت صوت سياره شلون اجه لعد
..ديمشي وباوع عليه شافني كاعده اجه باتجاهي وكال ..
...حاتم ..شعندج كاعده وحدج الوقت متأخر ليش سهرانه ..؟
...رسل ..ماجايني نوم لان العصر نمت هواي كلت اكعد بره شويه بلكي انعس ..
...ابتسم وكعد بالكرسي كدامي وكال ..
...حاتم ..هاا يعني لان نمتي العصر كاعده ..لو كاعده تنتضريني هنا ؟
باوعت عليه وكلتله ..
...رسل ..شنو الجواب التحب تسمعه انته ؟
..حاتم ..شنو ياجواب ..؟
...رسل ..اذا تحب تسمع اني كاعده انتضرك اعتبرني كاعده انتضرك وإذا ميهمك اني ليش كاعده اعتبرني كاعده لان ماجايني نوم ..
...طلع جگاره ورثها وسحب نفس منها وباوع عليه وكال ..
...حاتم ..اممم رجعنه لنفس الموال ؟ سوالف رسل الماتخلص .
...رسل ..لا رجعنه ولا شي انسه ..اكول شو من اجيت ماسمعت صوت سياره شلون اجيت وهاي البصمه مال سياره بيدك ..
...ابتسم وكال..
...حاتم ..حطيت السياره براس الفرع كلت ماريد ابويه يسمع صوتها ويدري بيه اجيت ماعبالي اكو شرطي كاعد ينتضرني هنا ..
...ابتسمت وكلتله ..
...رسل ..هاي اني شرطي ..؟ تره مو على مودك كاعده والله ماجايني نوم لان العصر نمت هواي ..
...حاتم ..براحتج يله رح اروح انام اني ..
...رسل ..لحظه حاتم بس سؤال ..
...حاتم ..گولي ..
..رسل ..ليش تريد تسافر ؟
...دار وجهه صفح وكال ..
.. حاتم...اهووو رجعنه لنفس الموضوع ..
..رسل ..لا والله موهيج بس فدوه فهمني ..يعني شنو موجود بالخارج حته هيج مصرر تسافر
..تره اكو هواي شباب حالهم اسوء من حالك بس مافكروا يسافرون ابد...
...حاتم ..لان ذوله الشباب ماعدهم طموح مثلي ..انتي تدرين اذا سافرت شراح احصل هناك .؟
.رح ينطوني شقه يعني سكن وراتب ووضيفه وإذا بقيت خمس سنوات اخذ الجنسيه الاوروبيه يعني حلم كل انسان بالدنيا يحصل على الجنسيه الاوروبيه عرفتي ليش مصرر اسافر ..
...رسل ..بس انته هسه وضعك موكلش صعب عندك وضيفه وراتب ودرست وصارت عندك شهاده صح ماتعينت بشهادتك بس انته ماكاعد عطال بطال انته هسه موضف واحسن من هواي شباب.. فدوه حباب ابقه لتسافر .
..خزرني بعيونه وكال ...
.. حاتم ..رسسلل لتدخلين بشي ميخصج ومالج علاقه بيه لتصيرين مثل اهلي ليش كلكم ضدي بس لو اعرف ليش ..؟
...نزلت دمعتي وكمت ابجي وكلتله ..
...رسل ..اني موضدك والله بس اني مااتحمل فراگك تخييل يعني اذا تسافر بعد مااشوفك ولا اسمع اخبارك ابد يعني رح نتفارك للابد حتى بالسنه مره مااشوفك .. الله يخليك لتسافر حاتم ابقه ..
...جر حسره قويه وكال ..
...حاتم ..موحجينه بهذه الموضوع وكلت لتفكرين بيه وانسيني شيليني من راسج اني ماافيدج انتي ليش هيج عنيده ومتسمعين كلام ..؟
... نزلت عيني للكاع وكلتله ..
..رسل ..شلون علمني ؟ علمني انساك مااعرف شلون انسه .. ومااكدر انسه ..
..حاتم ..هذه حب مراهقه اني مو....
...ديحجي وقاطعته وكلتله..
...رسل ..لتكول حب مراهقه الف مره كلتلك مو حب مراهقه ..المراهقه متحب من عمرها 10 سنوات
اني حبيتك من جنت طفله عمري 10 سنوات وحبيتك واني هسه مو مراهقه كبرت السنه الجايه ادخل جامعه لتكول مراهقه ليش دائما تشوفني طفله وكلشي ماافتهم بنضرك لييشش ؟
...حاتم ...تدخلين جامعه وانتي هامله دراستج ؟
منو يكول تنجحين من السادس وانتي بالج وتفكيرج مشغول بسوالف الحب
بابه بطلي صيري عاقله والتهي بدراستج .. ماريدج ترسبين بسببي مستقبلج اهم من كلشي ..
...نزلت دموعي من كلامه وكلتله..
...رسل ..لا انته اهم من مستقبلي ..وإذا على دراستي مستعده اجيب معدل كلش عالي والله وانجح بتفوق بس انته ابقه لتسافر الله يخليك لتسافر ..
...ضحك وكال ..
...حاتم .. هههههههه مخبله وعلي مو صاحيه ..عبالج السادس هيج سهل ولج عباقره ميكدرون يطلعون معدل عالي الا يعيدون أكثر من سنه يله
..انتي باول سنه تردين تطلعين معدل .. كومي نامي رسل ..
...رسل ..هوه يحجي واني صافنه وافكر كلت هذه قافل من الرئيسي وحاسم أمره يسافر شسوي ومااخلي يسافر بقيت افكر جان اشوفه حاط موبايله يمه عالتخم ..كلت لازم اخذ موبايله دقايق بس شلون ...
...مسحت دموعي وكلتله ..
...رسل ..تتراهن ؟
...باوع عليه مستغرب وكال .
...حاتم ..على شنو اتراهن ؟
...رسل ...اني اطلع معدل كلش عالي بالسادس واثبتلك اني اكدر انجح بتفوق ..
...حاتم ..اي وشنو المقابل ؟
...رسل.. متسافر وتبقه بالعراق ..
...ضحك ضحكه قويه وباوع عليه وكال ..
...حاتم ..ههههههههههههه ..شوف هاي شتحجي .. بابه اني منا لعشر ايام لازم اسافر اذا ماسافرت تروح عليه الوضيفه وكلشي يخرب .
.وانتي تردين ابقه انتضر سبع اشهر مدري شكد لحد ماتخلصين سادس ..؟
...رسل ..هوه ديحجي واجتني فكره جهنميه ...معناهه لازم الهي بهاي العشر ايام بأي شي ومااخلي يسافر بيهن بس شسوي شلون ...؟
لگيتها ..لازم ابوگ جواز السفر مالته بس شلون اطب لغرفته شلووون ..فكري رسل فكري ..
...رسل ..شفته عافني ومشى يريد يطب جوه بسرعه صرخت بصوت ولزمت بطني ...
...رسل ...ااخخخخ بطني اخخخ ..
...بسرعه اندار عليه مستغرب وكال ..
...حاتم ..ها سلامات شبيج ؟
...اجه تقرب وكعد يمي بالكاع وكال ..
...حاتم ..شبيج رسل اوكفي اصيح عمتي واجي ..
...بسرعه لزمت ايده من زنده وكلتله..
...رسل ..لا اوكف لتروح مابيه شي بس أخذني للمطبخ اريد اسوي شي اشربه هاي لان ماتعشيت شويه صار عندي مغص ..
...بقه صافن عليه مستغرب چنه ممصدك كلامي بس أخذني ورحنه للمطبخ ..
انتبهت عليه جان مخبوص بيه وعاف موبايله بالحديقه ...
...رسل ..طبينه للمطبخ اني سويت حليب وحطيته عالنار وهوه باوع عليه وكال ..
...حاتم ..محتاجه شي رح اروح لغرفتي تعبان ..
...رسل ..لا سلامتك روح ..
....عافني وراح اني بسرعه طلعت اركض للحديقه ردت اخذ موبايله جان اشوفه ماكو ...خرررب أنه ماخذه وياه ..
...رجعت للمطبخ واني افكر اروح واجي اريد طريقه كون اخلي حاتم يطلع من غرفته بس شلون فكري رسل فكري ...
...رسل ...هههههه لكيتها ...شلون راحت من بالي ..حاتم ماعنده رقمي الجديد يعني اذا اراسله منه ميعرف اني منو ..گمزت بفرح وكلت ..
...رسل ..ييسسس ...ابوسج رسل ابوسج شكد ذكيه فديتني .. احم احم خلاروح انفذ الخطه مالتي ..
...رسل ..طفيت الطباخ ورحت للغرفه الي نايمين بيهه احنه ..طبيت ودزيت رساله لحاتم من رقمي وكلتله..
...
..اخويه انته سيارتك كيا سورينتو بيضه ..؟ اكو واحد يريد يفتحها تعال شوفها ..
........
..رسل ..دزيت الرساله وغلقت موبايلي ولفيت الشال على شعري وبقيت واكفه انتضر حاتم ينزل من اسمع صوت خطواته عالدرج معناهه نزل لان هوه غرفته فوك ..
...وره شويه صدك سمعت صوت خطواته يركض باوعت من زرف الباب شفته نازل وبيده البصمه مال سياره ويركض ..
...اني بسرعه لفيت الشال وركضت حافيه صعدت فوك لغرفته اول ماطبيت سديت الباب ورايه وركض فتحت الكنتور مالته ادور عالجواز وين ضامه بين الملابس ماكو فتحت الجرارات كلها ماكو رحت للمرايه فتحت المجرات مالتها هم ماكو
...اووف وين ضامه يربي ..حطيت كرسي كدام الكنتور وفتحت اخر باب تصير عاليه كلش فوك بالكنتور ادور جان اشوف جنطه زغيره فتحتها شفت بيهه اوراق هواي بقيت ادور ولكيت الجواز بنص الاوراق ..
...رسل ..اييي وأخيرا لكيت الجواز ..بسرعه سديت الكنتور ونزلت رجعت الكرسي لمكانه ورجعت كل الاغراض لمكانهن اريد اطلع جان ينفتح الباب وطب حاتم للغرفه
..اني بسرعه حطيت ايدي وره ضهري لان بيدي الجواز وخاف يشوفه ..
..رسل ...بقيت متبسمره بمكاني وميته خوف اذا اجرح نفسي ماالكه ولا قطرة دم بجسمي هوه اول ماطب شافني بغرفته بقه صافن عليه مصدوم .. وكال ..
...حاتم ..شتسوين بغرفتي ؟
...رسل ..بقيت ساكته ماجاوبته ..
..رجع كال بصوت حاد ..
..حاتم ..شتسوين بغرفتي رسل احجي شبيج ..؟
...حجيت بصوت مرتبك وجسمي كله يرجف وكلتله..
...رسل ...احم...ها..اني..أجيت ..اجيت هنا لان شفتك تركض كلت خاف صار شي وطبيت ومالگيتك وهسه اريد اطلع وانته اجيت ..
...حجه وياي وهوه يباوع على ايدي بنضرات كلها فضول وكال ..
...حاتم ..وشنو ضامه وره ضهرج ؟
..رسل ..ماضامه شي .
..حاتم ..شو بله طلعي ايدج ..
..رسل .. مااطلع ايدي كلت ماضامه شي ..
...رفع ايده حك لحيته واندار عالباب قفله بالمفتاح ورجع باوعلي وكال ...
...حاتم ..اوكي خلاشوف تاليها وياج ست رسل ..اليوم ماكو طلعه من الغرفه الا اعرف شنو ضامه وره ضهرج ..
...غمزلي بعيونه وكال ..
..حاتم ..موانتي متطبين لغرفتي بهيج وقت الا وراج مصيبه ولج رسل احجيييي لو ابتلي بيج هسه تره اني عاجنج وخابزج ومحد يعرفج بگدي ام المصايب احجي شضامه وره ضهرج ..
...رسل ..صرت أتراجع خطوات للخلف وكلتله ..
..رسل ..ماكو شي ماضامه شي وافتح الباب تره هسه أصيح واخلي البيت كله يكعد واكوللهم حابسني بغرفته ..
..ضحك ضحكه قويه وكال ..
..حاتم .. هههههههههه يله صيحي ..صيحي حته يجون واني اكوللهم اجيت لگيتها بغرفتي ومدري شنو ماخذه من غراضي واخلي البيت كله يعرف بيج وحده حراميه وبواگه ..
...رسل ...من كال حراميه كلش انقهرت نزلت دموعي وصرت ابجي وطلعت ايدي من وره ضهري وكلتله ..
..رسل ..اي حراميه ..بگت الجواز بس ماانطي الك لو هسه تصيح العالم كله هنا موبس اهلك هسه اشگه وماانطي الك ..
...خزرني بعيونه وعاض لسانه وحجه بعصبيه وكال ..
...حاتم ..ولللججج تخبللتي انتيي طابه لغرفتي حته تأخذين الجواز جيبي بسرعه لا ادفنج هسه بمكانج جيببيي ..
...رسل ..كمت ابجي ودموعي تصب وكلتله ..
...رسل ..ما ..ماانطي والله هسه اشگه ورقه ورقه ومااخليك تأخذه ..ماريدك تسافر والقرآن الا اخرب السفر مالتك وهسه تشوف لواني لو انته .
.مديت ايدي كدامي ولزمت الجواز من النص وكلتله .
...رسل ..باوع رح اشگه ..
...هوه شافني هيج عاط بيه وهيه عيطه وهيه ركضه ركض عليه يريد ياخذ الجواز اني هم ركضت بسرعه وصعدت وكفت عالجربايه وهوه واكف بالكاع مد ايده وكال ..
..حاتم..رسل ..تعوذي من الشيطان وجيبي الجواز لحد الآن اني هاديء وماريد اسوي شي يضرج والقرآن اخليج تبجين هسه جيبي الجواز ..
...رسل ..بقيت ابجي واشهك وكلتله ...
...رسل ...شنو يعني عادي من اول يوم حبيتك بي اني مخلصتها ابجي ودموعي على خدي شتريد تسوي تضربني عادي اضرب مااخاف تصيح عادي صيح مااخاف الشي الوحيد الي اخاف منه أنه تسافر وبعد مااشوفك والجواز ماانطي الك حته تبقه ومتسافر ..
...عينه عالجواز ويحجي وياي وكال ..
...حاتم ..تره اكدر اطلع غيره حتلو تشگي ..
...رسل ..يرادلك وقت أكثر من أسبوعين يله يطلع واحد جديد وانته كلت خلال عشر ايام اذا متسافر يلغون العقد وياك يعني منا لما تطلع غيره رايحه الوضيفه منك وبكل الاحوال متسافر ..
...هز براسه وعينه بالكاع وضحك وكال .
...حاتم ...هههههه عفيه عفيه شاطره طلعتي مخططه لكل هاي الاحداث وراسمه خطه وعندج معلومات عن الجواز شوكت يطلع ..واني اكول عليج فقيره طلعتي داهيه ..
...رسل ..ميحتاجلها ذكاء نسيت بابه جان محامي ويعرف بكل هاي الأمور
..واني فقيره بس مو غبيه عندي عقل وافكر لتشوفني هيج تره اسوه عشر زلم خاف عبالك ..
...حاتم ..والنعم يله جيبي الجواز ..
...رسل ..مااجيب الجواز حاتم لو تبقه منا للصبح اليوم الجواز لو أخذه وياي لو اشگه كدامك لو تنطيني ضمان أنه مراح تسافر يله ارجعه الك اني كلتلك مااخليك تسافر بس انته ماصدكتني ..
...حاتم ..وشنو يعني بهاي الحركات متخليني اسافر تره لا انتي ولا عشره مثلج يمنعوني من السفر .
...رسل ..اوكي اني موجوده وانته موجود ونشوف تسافر لولا ..
...ضحك وكال ..
...حاتم ..ههههههه هااا تتحديني ولج ..ولج كلج ربع مواطن اذا توكفين بصفي توصلين لزري انتي تحطين راسج براسي ؟
...رسل ..لتحكم عليه من طولي وشكلي ...تره عندي عقل واعرف شلون استخدمه ..
...حك لحيته وباوع للكاع وطفر عالجربايه اول ماطفر اني بسرعه نزلت اريد اوصل للباب ركضت جان اشوفه جرني من قراصتي وانكسرت ووكع الشال مني وشعري انفل وكله طلع كدامه ...
...رسل ..جمدت بمكاني من الخجل شعري كله طلع وحاتم ورايه واكف
..كمت ابجي ذبيت الجواز بالكاع ودنگت اريد اخذ الشال من الكاع شعري كله صار بالكاع لان طويل اخذت الشال ولبسته وركضت للباب فتحته وطلعت بدون مااحجي ولا كلمه وياه بس دموعي تصب
متت من الخجل حاتم شاف شعري وصرت كدامه بدون حجاب شكد عيب طبيت للغرفه ونمت بفراشي بقيت للصبح ابجي مانمت لحد ماطلع الضوه غفيت مدري شكد وجان اسمع صوت مامه تگول لسالي ..
.. كفاح.. يله كعدي اختج حته نتريك ونرجع للبيت ..
...سالي ..اي هسه ..
...تقربت مني سالي وكالت ..
...سالي ..كومي رسل كومي يله نريد نروح ..
..رسل ..وخرت الغطه من وجهي وكلتلها ..
...رسل ..عندج قراصه لان قراصتي انكسرت ..
...سالي ..عندي گيتر بس مو قراصه عادي يفيدج ؟.
...رسل ..اي جيبي اي شي بس الم شعري بي ..
...اخذت الگيتر لميت شعري كله بي وحطيت الشال على راسي وجريت حسره قويه وهمست بصوت ناصي ..
...رسل ..ياربي كون مااشوف حاتم منا لحد مانطلع ..
...كمت غسلت وجهي وطلعت يمهم شفت تماره تحضر الريوك ومامه وسالي بالصاله يم خالو عادل ..ردت اطب للصاله بس كلت خاف حاتم موجود واستحي منه.
...رجعت للمطبخ يم تماره ساعدتها بالريوك .. وره شويه طبت خاله هاجر وكالت ..
...هاجر ..تماره مامه حضري ريوك لاخوج ويانه كعد عنده دوام احسبي حسابه .
...رسل ..من گالت اخوج حسيت گلبي يريد يوكف عززه يعني حاتم رح يتريك ويانه شكد عيب هسه شسوي شلون .
...رسل ..بقيت احضر الريوك وكالت تماره اصيح بسام يشيل الصينيه ...رحت وصلت للصاله ووكفت بالباب ..
...رسل ..يربي هسه شلون خاف الكاه كاعد بالصاله ..اهووو هسه وإذا شنو هم هوه غلطان وهم اني اخجل اني ماسويت شي غلط اصلا طزز بي شيسوي خليسوي ..
...رسل ..جريت نفس وطبيت للصاله شفت بسام كاعد هم زين حاتم ماكو فرحت صحت بسام يشيل الصينيه والكل انجمع عالريوك كعدنه وره شويه جان اسمع صوته ورايه ..
... حاتم ..صباح الخير ..
...تقدم علينه وكعد وصار كدامي مباشرتآ رفعت عيني عليه شفته لابس الزي العسكري مالته شكد حلو طالع بي خرب عشيرتك.
اول مره اشوفه بالزي العسكري عالحقيقه ابد ماشايفته لابس عسكري بدون مااحس لكيت نفسي صافنه عليه .
...وره شويه انتبهت عليه يباوع عليه ومبتسم غمزلي بعيونه وشرب چاي وكال ..
...حاتم ..يابه اني رح اروح للدوام بس هاي الالتحاقيه حته استقيل من الوضيفه والاسبوع الجاي اسافر أن شاء الله ..
...رسل ..من سمعته هيج يگول عرفت أنه حاتم مقرر ومخلص يعني لو اموت هسه كدامه ميترك فكرة السفر .
. بيومها اول مره احس نفسي يائسه ....حسيت نفسي استسلمت وهايهيه راح حاتم مني رفعت الرايه البيضه مثل ميگولون ..
...رسل ..جنت صافنه وجان اسمع مامه تكول ..
...كفاح ..يله بنات حضرن نفسجن حته نطلع للبيت ..
...سالي ..اني حاضره ماعندي شي ..
...سالي ..رسل يله گومي بدلي ..رسل ..
...رسل ..ها شنو ..؟
...سالي ..كومي بدلي حته نروح للبيت ..
...رسل ..يله دقايق واجي ..
...كمت للغرفه بدلت ملابسي لبست بنطرون جينز وعليه قميص طويل ولفيت الشال وحذاء فلات وأخذت الجنطه مالتنه وطلعت..
...وصلت بره جان اشوف مامه وسالي يصعدن بسيارة حاتم ..
...رسل ...اهووو هوه رح يوصلنه ..
..سحبت الجنطه وصلت للسياره هوه جان جوه طلع من باب المطبخ وكال ..
...حاتم ..اوكفي انطيني الجنطه لتصعديها وياج احطها بالجنطه وره ..
...رسل..عفت الجنطه بالكاع وفتحت الباب وصعدت بالسياره بدون مااحجي وياه ..
...وره شويه هوه صعد وحرك السياره ومشى ..
...ديسوق مد ايده عالراديو مال سياره فتحه وجان يفتح بلوتوث وطلع بالموبايل اغنيه اسمها سحرني حلاها وگلبي هواها وابتلى .. مال ماجد المهندس..
وعلا الصوت وطول الطريق يسمع بيها
............
...وصلنه للبيت مامه وسالي نزلن واني افتح الباب مال سياره مينفتح شنو هذه شبي ..لحد مانزلن مامه وسالي هوه اندار عليه وكال ..
...حاتم .. افتحي موبايلج ليش قافلته من البارحه تره اعرف انتي دزيتي رساله على مود السياره البارحه .. وهذه رقمج ..
...درت وجهي عنه وكلتله ..
..رسل ..عرفت ماعرفت بعد ميهمني افتح الباب اريد انزل ..
..مد ايده عالقفل مال باب فتحه وكال ..
...حاتم ..بس اني يهمني واحجي وياي عدل لا حلگج افركه تره متحلف بيج من البارحه زين مني ماضربتج وعلي ..
...رسل ..عفته ماجاوبته نزلت من السياره وطبيت للبيت ورحت لغرفتي قفلت الباب وكمت ابجي واحجي ويه نفسي ..
...رسل ..بسيطه اني أعلمك الا امسحك مسح من حياتي اني صوجي ذليت نفسي هواي الك والقرآن الا انطيك بلوك ومااخليك توصل يمي بعد لو تموت ..
...بسرعه لزمت موبايلي فتحته وجان اشوف رسائل واصلتني من حاتم ثنين ..
....
...اول رساله ..
...حاتم ..اني اسف موقصدي اجر شعرج والله .. لتزعلين مني انتي هم غلطانه ماكو داعي تتدخلين بشي ميعنيج ...
......
..ثاني رساله ..
...حاتم ..صباح الخير ..اعرف هذه رقمج تره عندي كاشف بالموبايل صح الخطه مالتج ذكيه ..بس بيها أخطاء هواي ..
.......
...ردت اسوي بلوك للرقم جان يتصل انطيته رفض بسرعه هم رجع اتصل اربع مرات يتصل وانطي رفض وره شويه دز رساله يكول ..
...
..حاتم ..افتحي خط لا اسوي شي ميعجبج والله ..
...
..رسل ..ضجت منه كلش شنو هاي بس ينطيني أوامر وكلامه كله تهديد ..
انطيته بلوك بسرعه وغلقت موبايلي كمت بدلت ملابسي ونمت جنت كلش نعسانه لان مانايمه الليل كله .
.....................
...يتبع ♥️
#زهراء_الطائي
تصويت وتعليق وتعليق بين الفقرات اريد تفاعل قوي حتى انزللكم بارتات بعد
...
سحرني حلاها 👇