اعتذر عن التاخير بس جنت احضر لرواية #اوهن_البيوت
...
قراءه ممتعه ♥️
...ضرار ...جنت حاضن رؤى جروها من بين اديه واخذوها اباوع عليهم شلون شالوها وحطوها بالجيس مال موتى وطلعوا .. واني بس دموعي تصب اريد احجي صوتي ميطلع مدري شصار بيه اني ليش ساكت ماادري ...
....
...غمار ومنقذ كل واحد لزمني من أيد ورفعوني عن الكاع وبقوا ساندين جسمي عليهم ويمشون بيه لحد ماوصلت لسيارة منقذ وصعدت بالكشن الخلفي وغمار صعد يمي وره شويه مشت السيارات ومنقذ يسوق بالسياره وعينه بالمرايه الاماميه يباوع عليه وگال ..
...منقذ ..ضرار ..اعرف انته حالتك متسمح ومنهار هسه ..بس لازم نروح لمركز الشرطه حته تدلي بإفادتك وتحجي الي صار كله للضابط حته يدورون عالولد الي قتل رؤى لان انهزم ومحد يدري وين راح ...وانته الشاهد الوحيد عالجريمه ..
...غمار ...منقذ يحجي ويه ضرار اباوع على ضرار صافن وسارح بعالم ثاني وبس دموعه تصب. عبالك ميسمعنه رجع حجى وياه منقذ وكال ..
...منقذ ...ضرار تسمعني شگلت ..؟
...بقه ساكت ضرار ..اني عضيت شفتي واشرت لمنقذ براسي يعني عوفه هسه وكلتله..
...غمار ..اطلع كبل لمركز الشرطه نشوفه اذا يكدر يحجي كان بها مايكدر نرجع للبيت لعد شنسوي ..
... غمار...رحنه لمركز الشرطه وسجلوا اسامينا وطلبوا من ضرار يحجيلهم كلشي صار حجالهم الي صار بس حالته تصعب عالكافر يحجي ويبجي وايده ترجف عبالك طفل اول مره اشوف ضرار بهاي الحاله .
.. المهم خلصنه وطلعنه من مركز الشرطه ومنقذ انطه رقمه للضابط وگاله إذا صار شي جديد يتصل بي ..
...غمار ..رجعنه للبيت اني و ضرار وحاتم بس منقذ راح يجيب احمد اخوه رؤى حته يودعها قبل مياخذون جثتها للمغتسل
...بس ضرار طلب نروح لبيته ماقبل يروح لبيتنه ..اخذته لبيته وراح مباشرتآ لغرفته اني طبيت وراه اول ماصار بالغرفه فتح الكنتور وطلع ملابس رؤى وصار يشتم بيهن ويبجي ويشهك بقهر دفن راسه بالملابس وبس جسمه يهتز من البجي
..اني بقيت واگف بعد مسافه عنه كلت خلي ياخذ راحته يبجي حته يرتاح واني ابجي على منضره يكسر الخاطر ...وره شويه صار يصرخ ..
.صرخ صرخه هزت البيت هز من قوتها وصار يضرب على صدره بيده بقوه وكال ...
...ضرار ...ااننيييي مااتت بسببييي انننيي قتلتهااااا انيي واااحدد سااافل الله يااااخذذ روووحييي وارررتاااح وللججج رؤؤؤؤى تعاااااي ارجعيييليي ماااكككددرر والله ماااككدرر شلوون تعوفييينيي هييج وانتي ززعلاانه بس ارجعيي دقييقه وحده بس وحده اعتذر منننج فدوووهه ارجعيلييي ....
...غمار...ركضت عليه لزمت ايده ثنينهن وحضنته حيل وكلتله..
..غمار ..اهدأ گول ياالله يابه ميصير اترحملها اقرالها الفاتحه موزين عليها هيج تسوي ...
ČTEŠ
رهان مقبوضه
Romanceقصه حقيقيه ... سالي طالبة ماجستير في علم النفس والدها يعاني من مرض القلب تتعرف على دكتور جراح اختصاص قلب وشرايين وتطلب منه يعالج ابوها وبالمقابل تنفذ اي طلب يطلبه غير الفلوس لان حالتها متسمح تدفع تكاليف العمليه .. .... الدكتور يوافق يعالج والدها ويط...
