.
غائبي .. اين انت لترى مامدى ألمي وعذابي منذ أن فارقتني ؟
...
هل لجرحي أن يندمل ؟ هل لوجعي نهايه؟
...
عد إلي لترى ماذا حل بي منذ أن فارقتني ..
...
عد إلي لتعلم كم عانيت من الحزن والأسى منذ رحيلك المؤلم
....
...غائبي .. فقط عد لي لا اريد سوى رؤيتك ولو في حلم ..
...
#سالي ..
...
بقلمي ✍️
زهراء الطائي
..سالي ..عود كلت ابويه تغيير وصار زين وياي اثاري جانت عنده غايه وجان يسايسني حتى يحقق غايته بيه ..
...سالي ...خلصت العده وطلعت الأربعين مال ولادتي ..بقيت فتره طويله نفسيتي تعبانه ومالي واهس للدراسه ابد
رؤى بقت تروح وتجي عليه كل فتره ماقطعت علاقتها بيه وبابه كل فتره يجي وصار يخابرني ويسأل عني هواي لحد مايوم من الايام اتصل بيه وكال رح اجيكم عندي حجي وياج ضروري ..
...سالي ..كلت لمامه بابه رح يجينه اليوم بقت صافنه وكالت ..
...كفاح ..الله يستر ابوج جياته كثرانه هلايام اكيد عنده شي .
..سالي ..يعني مثل شنو ؟
...كفاح ..ماادري يجي ونشوف شيريد كومي شوفي ابنج خاف يريد ينام واني رح اخلص شغلي .
...سالي ..رحت لغرفتي لگيت متيم كاعد ويلعب يحرك ايده فاتح الگماط طلعت ملابس اله حتى اغيير ملابسه وسويتله ممه
اني انطي حليب من صدري بس حليبي قليل ميشبعه فأسوي وياه ممه هم غيرت ملابسه ونومته بالكاروك .
. وبدلت ملابسي وطلعت رحت للمطبخ يم مامه اساعدها بشغل البيت الهي نفسي حتى مااتذكر غمار وابجي ..
شافتني مامه وكالت ..
...كفاح ..لشوكت تبقين هيج ؟
...سالي ..شنو شبيه يعني ؟
...كفاح ..كافي حزن ارجعي للدراسه وكملي حياتج وانزعي الاسود بعدج زغيره شنو تبقين هيج موقفه حياتج غمار الله يرحمه خلص عمره والله اخذ امانته ورح يصيرله سنه من مات موكافي عاد حزن ؟
...سالي ..بقيت منزله عيني ودموعي واكفه بطرف عيني بالگوه لازمتها متنزل وتفضحني وكلتلها ..
...سالي ..مامه اليسمعج هيج تحجين يكول الي مات طفل عمره شهر لو واحد من الجوارين حتى انسه واعيش حياتي
.. تره الي مات غمار زوجي وأبو ابني الي ماشافه..
ابني انولد يتيم للدنيا وماشام ريحة الأب تردين هيج بسهوله انسه والايام تمشي واعيش حياتي ؟
...كفاح ..اولآ غمار مو زوجج طليقج .. ثانيا اني مااشوف غمار بهذه الوفاء حتى يستحق توقفين حياتج على موده هوه من جان عايش فرط بيج وطلگج واتخلى عنج كدام اهله كلهم وانتي من مات تردين تعيشين على ذكرياته وتوقفين حياتج كلها تره ميصير هيج مامه انتي بعدج زغيره ومن حقج تعيشين حياتج وتتزوجين من جديد ..
أنت تقرأ
رهان مقبوضه
Romanceقصه حقيقيه ... سالي طالبة ماجستير في علم النفس والدها يعاني من مرض القلب تتعرف على دكتور جراح اختصاص قلب وشرايين وتطلب منه يعالج ابوها وبالمقابل تنفذ اي طلب يطلبه غير الفلوس لان حالتها متسمح تدفع تكاليف العمليه .. .... الدكتور يوافق يعالج والدها ويط...
