اعتذر عالتأخير والتقصير مالتي بحقكم بنات حبايب اتمنى تصبرون عليه هاي الفتره بس لما يصيرلي مجال والتزم وياكم بمواعيد النشر لان عندي ضرف صحي والله وهذه بارت اعتذار عالتأخير والتقصير مالتي بحقكم متابعه ممتعه ♥️
...............زهراء الطائي ✍️
...حلا ..غمار فدوه الحگلي رح اموت دخيلك تعال بسرعه الله يخليك....
...غمار ...خير شصار انتي وين..؟
...حلا...اني ابيت اهلي تعال فدوه امي مريضه واريدك تاخذنا للدكتور..
...غمار....يله مسافة الطريق جاي ..
...حركت السياره واتجهت لبيت حلا بعد أكثر من نص ساعه وصلت وگفت اباب بيتهم وضربت هورن حتى تطلع جان يرن موبايلي...فتحت خط..
...غمار...الوو ها وينج اني بره يله اطلعي...
...حلا ...فدوه ولو زحمه عليك عادي تطب للبيت تعال بس ساعدني امي فاقده الوعي ومااكدر احركها وحدي ..
... غمار...ياستار شبيها يله جايج دقيقيه..
...غمار ...طفيت السياره ونزلت وصلت للباب دكيت جرس وجان ادفع الباب شفته مفتوح طبيت للبيت اكو باب جوه يوصل لداخل البيت لگيته مفتوح كله وگفت يم الباب وصحت ..
...غمار...ياالله ياجماعه منو هنا .. احد يسمعني ..
...واگف وجان اسمع صوت شي انكسر مثل الزجاج صار عندي فضول طبيت حتى اعرف شكو وصلت لنهاية الغرفه لگيت ممر زغير وبنهاية الممر غرفه بابها مفتوح
بس هيه ضلمه تقدمت باتجاه الغرفه اريد اعرف شكو جان اوصل لباب الغرفه بعدني ماطبيت الها وجان تجي ضربه قويه على راسي ماحسيت بشي بعد ...فقدت الوعي ...
..........................
...رفيف ...بعد ماحجى وياي منقذ بخصوص السفر ثاني يوم اخذت اجازه من المستشفى وطلعت للسوك اشتريت ملابس جديده لان تركيا الجو مالها بارد مومثل أجواء العراق كلت اخذ احتياط
...تحضرنا اني ومنقذ وضرار لان طيارتنا بالليل منقذ اتفق ويه ضرار يكولون لامي ولنوار أنه اكو ندوه مال أطباء عراقيين صارت بتركيا ويردون جراحيين وصيادله لذلك رح نروح اني ومنقذ ويه ضرار
نوار بالبدايه ماصدگت وطلبت تروح ويانه بس منقذ كاللها ميصير ولازم تبقين يم امي لان اني ورفيف نروح امي منو يبقى يمها
ومن هذه الحجي وافقت تبقى بس چنها ممصدگه كلامنا لان كلساع تجي تحجي وياي وتحاول تسحب حجي مني واني اتلافاهه المهم صار موعد سفرنا وطلعنا من البيت بالليل
سلمنا على مامه ونوار وردنه نشوف غمار منقذ طلب يشوفه قبل ميسافر بس اتصلنا على رقمه مغلق نتصل على سالي تگول طالع وبعده مااجه واحنا صار موعد طيارتنا لذلك سافرنا بدون منشوف غمار ..
....رفيف ...اجرنا تكسي وصعدت بالسياره فتحت موبايلي اتصفح بي وجان يتصل عليه رقم غريب منقذ كاعد بصفي وضرار ليگدام يم السايق وموبايلي ماسكت كلساع يتصل بيه الرقم وأسد الخط
أنت تقرأ
رهان مقبوضه
Romanceقصه حقيقيه ... سالي طالبة ماجستير في علم النفس والدها يعاني من مرض القلب تتعرف على دكتور جراح اختصاص قلب وشرايين وتطلب منه يعالج ابوها وبالمقابل تنفذ اي طلب يطلبه غير الفلوس لان حالتها متسمح تدفع تكاليف العمليه .. .... الدكتور يوافق يعالج والدها ويط...
