...نورس...اريد احجي وياج واريدج تسمعيني للنهايه بدون متقاطعيني وإذا فتحتي حلگج بكلمه لسانج اگصه ..
...خزرته بعيوني وكلتله..
...رسل...لابله شنو هذه الأسلوب مالتك عفيه شلون هيج تحجي وياي اعرفك تعرفني ..
...ضيق عينه وسوه حركة بوز بحلگه وگال..
...نورس...يعني متعرفيني مو.؟
...رسل...اي طبعا مااعرفك صح ابن عمتي بس لاشايفتك ولا اعرف عنك شي اصلا لوما بالصدفه شفتك ابيت عمتي مااعرف عدها ابن اسمه نورس.
...باوعلي بنظره ثابته بقى ساكت ثواني جر حسره قويه وكال..
....نورس ...جنتي زغيره كلش من تفارگنا آخر مره شفتج بيها بالفاتحه مال خالو عزيز الله يرحمه وچنتي فاقده من البجي ماانتبهتي لوجودي اصلا ..
...رسل...اي شفت يعني مااعرفك ..
...حط عكس ايده عالميز ورچه وجهه على جف ايده وگال..
...نورس...عادي نتعرف مابيها شي..
...مد ايده بإتجاهي وگال..
..نورس...مرحبا اني اسمي نورس اداوم معيد بكليه القانون خريج بكلوريوس قانون وعمري 28 سنه وانتي شسمج .؟
...رسل...نزلت عيوني على ايده ورجعت باوعت عليه وكلتله..
...رسل...عادي عندك بنت خالك تتعرف على شباب وتتصافح وياهم بلإيد..؟
...رجع ضهره عالكرسي ونزل ايده وحجه وياي بنتره..
...نورس...لا طبعا غير اكسر راسها شنو وين كاعدين احنه..
...رفعت حاجبي الايسر وكلتله..
...رسل...لعد الي تحرمه على غيرك حرمه على نفسك هم لو من يمك غفور رحيم ومن يمي شديد العقاب ..
...حجيت وياه وعفته وگمت اريد اطلع من الكافتريا سمعت صوت خطواته يمشي ورايه تقرب مني وصار يمشي بصفي كلش قريب وگال..
...نورس...فهمتي قصدي غلط اني من مديت ايدي اتصافح وياج بحكم القرابه والدم البيني وبينج واني اكثر واحد حريص عليج يعني مستحيل اسوي شي يضرج أو يرخصج بيوم من الايام..
...بقيت امشي وحجيت وياه..
...رسل...لا اريدك تحرص عليه ولا اريدك تصافحني ارجوك ابتعد عني وعن حياتي وإذا تشوفني قريبه منك خطوه ابتعد عني الف ميل ..
...مشى سريع صار كدامي وقطع عليه الطريق وگفت وصارت عيوني بعيونه وكال بصوت يرجف ..
...نورس... زين ليش..؟
...نزلت عيني للكاع وكلتله..
...رسل...شنو ليش ..
...نورس...ليش كلما الكاج واكول خلص لكيتها وبعد منتفارك تروحين مني ...ليش كلما اقترب منج تبتعدين عني ...ليش الكل ضدي وضد علاقتي بيج تره ماسويت جريمه اني بس حبيت ...
...رسل...من گال حبيت مدري شصارلي خجلت منه كلش نزلت راسي وكلتله..
...رسل...نورس اني متزوجه واصلا وگفتك هاي وياي كدام الطلاب غلط هسه تطلع عليه سمعه بالكليه ويگولون سوت علاقه ويه الاستاذ مالها الله يخليك اني موحمل مشاكل عوفني بحالي ..
YOU ARE READING
رهان مقبوضه
Romanceقصه حقيقيه ... سالي طالبة ماجستير في علم النفس والدها يعاني من مرض القلب تتعرف على دكتور جراح اختصاص قلب وشرايين وتطلب منه يعالج ابوها وبالمقابل تنفذ اي طلب يطلبه غير الفلوس لان حالتها متسمح تدفع تكاليف العمليه .. .... الدكتور يوافق يعالج والدها ويط...
