بارت مفاجأه طويل تعويض الكم على التأخير.
متابعه ممتعه ♥️
..........................
#زهراء_الطائي✍️
...حجيت وياهه وعفتها وطلعت لگيت منقذ واگف ورايه وسمع كل الحجي سبقته وطلعت بره وهوه صار يحجي ويه مامه مدري شنو وطلع ورايه أخذني ورجعني لبيتي ..
... سالي... رجعت للبيت لگيت رفيف وضرار بالصاله كاعدين سلمت على رفيف وكعدت جنت متردده اشوف غمار ماردت اروح للغرفه حتى مااشوفه باوع عليه منقذ وكال..
...منقذ...سالي گومي شوفي غمار واحجوا شويه لازم يذوب الجليد الي بينج وبينه حتى تكدرين تتواصلين وياه خوما تبقين هيج زعلانه حاولي تتناسين الصار على الأقل فترة علاجه..
...باوعت عليه واني احس گلبي مشتعل نار وكلتله.
...سالي...مااعرف احس غلط الي سويته جان المفروض مااجي لهنا جان المفروض اسمع كلام مامه هالمره...
...منقذ...اذا لان امج زعلت منج لتخافين اني حجيت وياها قبل منطلع وگلتلها حقج رح يرجعلج اني رح اخليج تعاقبين غمار عقاب يرجع كرامتج بس هسه لازم تساعديني حتى يتعالج لخاطر جهالج اوكفي وياه بس هالمره سالي ارجوج..
...جريت حسره وكلتله..
...سالي...رح اروح أشوفه وعود الله كريم اني اعرف شسوي بعدين .
... كمت وكفت اريد اطلع جان يحجي وياي منقذ..
...منقذ...اني لازم اروح لبيتي نوار وامي لحد الآن ميدرون بيه اجيت اروح ارتاح وباجر اجي حتى احجي ويه غمار بموضوع العلاج
بس اريد منج تمهديله الطريق وانتي تحجين وياه لان هوه يسمع منج اكثر واي شي يصير اتصلي بيه حتى لو بنص الليل اتصلي عادي ..
...سالي...زين شلون خاف تتعب نفسيته أو يطلب ياخذ جرعه شسوي شلون تعوفه وتروح ..
...ابتسم وكال..
...منقذ...رفيف رح تبقى يمج وهي تتصرف لتخافين بس خلوني اروح اشوف مرتي مشتاقلها ياناس هههههههه
...ابتسمت وكلتله..
...سالي...تعبناك ويانه دكتور ..
...گام وگف وگال..
...منقذ ...بعدنا لحد الآن في بداية الطريق التعب رح يجي بالايام القادمه استعدي وكوني جاهزه ..
...سالي... إن شاء الله
...باوع على رفيف وضرار وكال..
...منقذ...يله ضرار نروح اني وياك ورفيف انتي ابقي هنا لحد مااجي باجر لازم تكون عيونج على غمار ميصير ينترك وحده واني باجر اجي ونتصرف..
...رفيف...تمام ماشي روح ارتاح انت ولاتنسى علاجك تاخذه بوقته
...منقذ ... أن شاء الله يله مع السلامه..
...سالي...طلعوا ضرار ومنقذ واني ورفيف بقينا بالصاله باوعت عليه وكالت..
...رفيف...اكولج اني اجيت تعبانه كلش رح اطب أسبح واصلي وانام شويه عادي مو ممحتاجتني هسه ..؟
YOU ARE READING
رهان مقبوضه
Romantikusقصه حقيقيه ... سالي طالبة ماجستير في علم النفس والدها يعاني من مرض القلب تتعرف على دكتور جراح اختصاص قلب وشرايين وتطلب منه يعالج ابوها وبالمقابل تنفذ اي طلب يطلبه غير الفلوس لان حالتها متسمح تدفع تكاليف العمليه .. .... الدكتور يوافق يعالج والدها ويط...
