عشق المومنين(أبناء الساده)

((بارت ثمان واربعون))ج٢

السلام عليكم...سبب تاخري بابا  مريض وتاخرت ليش البعض مايقدر ضروف
لاتنسو اختي من  دعائكم
...........

يقول أحد المصابين بالقلق:
"لقد واجهت في حياتي العديد من المشكلات التي لم تحدث!"

...
رعدـ ليش سيدنة شنو يريد اانا حااضر ااي شي يرردة رگبتي سدادةة

ـ بالعگس الولد گلي ماردلي حجاية بس ..
.
ـ ابوس ايدگ ااحجي

ـ يا ابني البنية انخطبت وصارت على ذمة شخص ثاني ..

گمت من‌التخم ودموعي نزلت ماسيطرت عليها وبحرگه احچي واعض ايدي

ـ لالالااااااا تتزوووج شنوو والله ااهجمم بيت سلماااااااااان لو اقتله لوووووو اقتل رووحي وتهمه

لزم متني يهديني مقهور عليه وضايج يريد يصبرني

ـ ااااااااااااهداء يا ابنيي ترى انت رجاااال دمعتك بعينك علمووود مره موووو هيچ التفاهم يصير

دنجت بست ایده سحبهاا گتله بحرگه

ـسيدددنة ااانت بنفسك  گلتليي ماایصیر طلااااااااااگنة بااااااااطل

-اي وهذا مااابي نقاش الكلام طلگم‌ باطل بس مازال انت نطقته هنا اکوو اشکاااال شرعي بلموضوع

-أاابوس ااايدك سيدد شوفلي چااااااااااره ااابوسس رررجلگ..انت  احجچیییي وياه فهمة گللةة هذاا ميجووز وحررام..

ارتميت على رجليه اريد ابوسهه ابتعد عني ودنچ عليه لزمني من جتفي وشالني…

ـیاااااارعد یااااا ابني اهدااااء ترررررررى البجي والعصبية متحل مشگلة…

شلت فاليتي مسحت دموعي نطاني مد ايده نطامي شوي مي

-شسوي والله تعلعلت وتعبت والقهررر كله صار براسي سيد السويته علمود مرتي مو
شووويه اعرف واعترف غلطت هواي وربي  يعاقبني على غلطي بس والله تبهذلت ونذليت بسب هل غلط

-لاااا تحچي هيچ ربك مايعاقبك علمود ذنب اذنبته لان رب العالمين رحمن رحيم ماااااعنده سياسة الرد بلمثل لااااا تصيرر كااافر وانت مبين خووش رجال وتعرف الله واهل بيته

-استغفر الله ربي بس لااااا شيخنا رب العالمين يبتلي عبده حتى يغربل رووحه واناااا لاااا بايك لا طاعن شرف لاعاصي هو ذنبي الوحيد حبيت

-والحب اذا حلال ينمو هسه انت اهداء وماااايصير اله تريده

صاح على ولده اجى واحد جابو گهوة ..
گمت من یم الشیخ گعدت للگاع بمگاني مقرفص روحي لايبة مقهور على وضعي وين چنت و وين صرت..

کال السید

-اذکر ربك والشي الي الك يبقى الك انت مبين عزيز نفس وهل مكسوور

-موو بس عزيز نفس چنت بالجيش مگتفي براتبي أهد الگاع بمشيتي وبكبريائي حتى كد ماچنت انسان حازم بطبعي واعتزازي بنفسي ضامن الاحبهه الي متصير لغيري ماحسبت بلحضة تروح مني ونوصل هالمواصيل

-ليش وانا ابوك شبدر هسة

-الشغل عمره ماچان عیب  هسه انا حمال وفيترچي مگسور جناحه وضهرة يتوسل بالرايح والراد حتى زوجته ترجعلة وميدري شنو مصيرة ..

-ذبهااا على ربك ولاااا تنقهر

-سيد انت مو گلتلي طلاگنة باطل ليش ماحچيت السید سلمان

ـ والله يا ابني راح من بالي قبل ربع ساعه من جية سلمان وصلني خبر ابن آخوي اتوفى بكورونا ولازم بهالوگت اروحلهم للنجف بس انا مو طبعي اخلف المواعيد استقبلته وحچينة شفتة بعده متزمت ومينطي بنفسه ومنها راح من بالي گل الحچي والنصايح الحضرتهه

ـ يعني هسة انت لازم تروح للنجف

ـ اخذ ضيافتك ابني واتفائل گول يا الله

ـ شأتفااائل سيددنة رااااح يزوجهه ولازم انتضررك ترجع من فاتحتك ما اعرف شسوي وين اااااروح

ـ اصبر شوي… لاتتخاف ما ترگگ وحدك گتلک هي الك الك

جر تلفونة من ثوبه  وخابر على چم واحد ما اعرف من يسده ينغض گلبي لان اعرف بسبب كورونا گلشي تغير وناس تخاف حتى تطلع من بيوتها

ثالث اتصال مدري ويه منو حچة المهم  بسالفتي وسالفة مريم خلص تلفونة وابتسملي

ـ هااااااا  لاتخاف سالفتگ صاررررت بيد سيد (حيدره ) هذا سيد جبير بالعمر والعقل عالم جبير بالحوزة.. ومن ولد عمامي كرايبي حچايتة قانون على اهل كربلا وعشايرهه والساده وهمین حچيتلك وية سيد باقر همين جد سيد مهدي الله يرحمة ..

ـ سيد باقر

ـ صح مريض وواگع جلطة بس لان يعرف سيد سلمان اگيد يگدر يأثر عليه..  هو هم كال شغلتة يمي لايضل باله بس خلي يصبرلي هاليومين اطلع من المستشفی رغم مرضه بس مايتاخر عند الناسشش

ـيعني راح تنحل

ـ اي السادة راح يلتقون الخميس الجاي ابيت سيد باقر وانت روحلهم

ـ الخمييس  بعد ست اايام

ـ تعرف يا ابني گلمن ومسؤلياته السيد الخابرته خارج گربلا چم يووووم ويرجع ونطاگ موعد الخميس تروح

وهسة جدامك راح اخابرة واگله الچلمتين النسيتهن احچيهن وياه…

ـ  تخابر منو سيدنة

ـ سيد سلمان

بقی لازم تلفونه يدور بالارقام ويحچي ويایه وهنا اتصل ب سلمان گتله

ـ سيد لاتگلة انا يمك خاف يعند اگثر..

ـ لاتخاف ابني هالشيبة مااااااا اجتي من فراغ تتخيل ماعرف احچي…

،خابر السيد على سلمان بس ما حصلة تناوع بضوجه

-تلفونة مغلق بس راح احاول مره ثانيه
بقى بتصل عليه اكثر من مرة بس ماگو فايدة مغلق

-راح اتصل علیه انااا

عدلت گعدت طلعت نقالي من جيب البنطلون  واتصلت عليه همين مغلق اعصابي تلفت وراسي افتر حسيت وجودي ابيت السيد گلفة وثگلة عيب اضل على گلبة گاعد وهو عندة. فاتحه ..

وگفت ماد ايدي

-اترخص سيد واعذرني زاحمتك هواي

-ابقى ابني

-لاااا سيد وراي شغل
سلمت عليه وطلعت منه

رجعت للبيت خربان واهسي من گلشي فاقد الامل ويائس نزعت الفانيله بقيت بلبنطول الگابوي لان عندي شغل بسيارة اكمله واروح اسبح فتحت البنيد وعلى صوت الهوسه اجت نواره

ـشووو مااجيت على الغداا

-مامشتهي فد مرره بلجامع صليت الظهر وزعو تمر ولبن حتى التمر محاس بطعمه

-تقبل الله

-منا ومنكم

-شبيك رعد شصاير ليش متحچي

شمرت الدرنفيس والسوكس بان متعصب

ـ شحچييييييي نورةشحچي مريم راح يزوجهه سلمان راااااااح يزوجهااااااا

ـ تزووج اشلون يعني

ـ اي اي  كال للسييد انخطبت وميفيد الحچي بعد میفیییید

تقربت مني تهديني

ـ لاااااااتخاف رعد مريم الك متصير لغيرك
انه جااااي اندعي وخلال اربعين يوم تتحقق المطلوبيه
ابتسمت الها

ـ احب تفائلچ اختي بس ماگو امل

ـ.والسيد ماكلك شي

ـ اي جمعلي چم. سيد راح يروحون ويايه لبيت سلمان… 

ـ اي كلشش زين

ـشنو الزین  انا من رحت شنو آخذتلة بالبداية همين شيوخ عشاير وسادة ورغم هذا متزمت  ومصمم على الطلاق..

-وهسه شنو راح تسوي

-ماااسوي عندي تصليح سيارة تحتاجين شي قبل لا ابلش بالشغل

ـ لا خوية ممحتاجة شي ..

ـ بس انتي ضايجه ليش.من يوم الراحت امي لاأكلتي شي ولا گلتي مشتهيه اكلة لا كلتي جيب كرزات لا الچ خلك لشي

ـامي چانت تارسة البيت عليه نفس ويايه بالبيت مو هيچ اتصفن بالحياطين

ـ اعرف بيچ تحسين بالوحدة

ـ صارت صديقي هالوحدة واتعوددت عليهه.. 

ـ المگان لان بستان وريف اثر عليچ لو بنص مدينة جان سولفتي وية جارة تطلعين للسوك وياهه

ـ لا انت ممقصر عليه بهالشي اي شي اريدة من السوك تاخذني بس احتاج نفس ويايه بالبيت اريد اضحك واسولف اريد احس نفسي انثى وانت قافل

ـ تريديني اتزوج نور

ـ اي اريدك تتزوج .. بس اريد وحدة مثل مريم متعيرني بحالتي وتعرفني وتوجهني وتحبني مثل اختهه

طلعت جگارة دخلت للصاله اجت وراي  وورثت الجكاره فتحت شباك البيت لان اختنگت شمرت نفس جبير

-امنين اجيبهه مثل مريم

ـ هي الگ مو لغيرگ ياخوي خلي راسگ بارد…

ـ يم الله بقت..
زين انتي موتعرفين تمگيجين وتسوين هاي سوالف النسوان

ـ هههه اي اعرف احف وامگيج واسوي شعر وكلشييي

ـ زين احنة هنا شوفي چم بيت  وماگو صالون ولا حفافة قريبة الا بالولاية يروحن ليش متستلمين المهمة انتي

ـ فگرت بهالشي قبلگ .. بس شلون اذا عرفو بية ولد او اقصد جنت ولد

ـ ومنو يدري احنة شلنة بمگان بعيد محد يعرفنة. بي

ـ هيوچ سالفة متنضم يارعد

ـ لاتبقين تفگرين بهيج شي انتي بنت ونولدتي بنت

ـ وجنسيتي شلون

ـ مدترهم اغيرهه شگد راجعت بالمحگمة ومحامين گلش صعب تتغير ررغم تقارير طبية موجودة بس احنة بالعراق ماعدنة. هيج قوانين مثل باقي الدول تغير الجنس من ذكر الانثى صعب

ـ من هالشي خايفة ..جنسيتي تقرة ذكر وانا لابسة عباية وانوب تريدني انگشف على نسوان المنطقة احفلهن وامگيجهن وشعرهن زين شلون اذا عرفو الزلم والله تصير دگ فصول ومشاگل متخلص هاي اذا ما ذبحونة

ـ اذا على الجنسية یااسهله اگدر اطلعلچ جنسية مزورة گنوع من اثبات هويتج گدام هالناس..  ولاتضلين تفگرين بطريقة سلبية .

ـ لا رعد مترهم ابد..  گربلا شگد متگبر تبقى صغيرة والسالفة بيهه تنسمع بسرعه لو غير مدينة اگولك معقولة محد سامع بولد ابو ارشد وفضايحهم.. بس هنا لا صعبة هواي صعبة

ـ مستعد اقاتل الدنية علمودچ لان عندي اهم شي راحتچ..بس خيتي شبيدي عليچ

ـ التهي بروحك يارعد ولاتخاف عليه مگابلة المسلسلات وگاعدة اتفرج بين متجي مريم

ـ هههه هيچ واثقة

ـ اي گلش واثقة وگول گالت نورة

ـ اووووف الله يسمع منچ ان شالله

گملت تصلیح السیاره ورحت للحضرتين زرت وكملت عيني الحضرة الامام الحسين قريت  زيارة ولي الله الأعظم الإمام المهدي (عج)

السلام عليك يا بقية الله في أرضه وبلاده، وحجته على عباده، السلام عليك يا خلف السلف، السلام عليك يا صاحب الشرف، السلام عليك يا حجة المعبود، السلام عليك يا كلمة المحمود، السلام عليك يا شمس الشموس، السلام عليك يا مهدي الأرض، ومبين عين الفرض.))

كملت قرائه وعيوني تدمع هسه بهاي الحظه الامام زعلان مني لو مقهور عليه

جاوبت نفسي لااا اكيد زعلان چنت محافظ على نفسي عاف النظر ماانظر الي امراه حتى مااسقط بلحرام

اعرف حبيت حب طاهرر بس مو طهاره تامه لان چنت احچي وياها چنت التقي بيها بحجة انا سايق...محافظ عليها من نفسي بس نفسي چانت تجبرني ابقى اباع لعيونها من مراية السياره

عذري الامامي شنوو حبيت والحب سلطان لاااا الحب مو سلطان الحب هو حسنه صالحه تگول الطیبون للطیبات

یارب لاتاخذني بجريرة نفسي الاماره اخذني برحمتك اجعل توبتي نصوحه الك
گمت من الگاع لبست شحاطتي صار بوجهي رجال  يكعد دائما مقابيل الحضرتين يبيع سبح ومحابس عقيق
سلمت علیه

-السلام علیکم

-وعلیکم السلام

کعدت یمه اگلب بلمحابس اخذت محبس  در النجف حاسبته گتله

-حجي جااااي الابو الفضل وعندي وياه حاجه اريد اكثر شي يحقق الحاجه حسب خبرتك شنوو هو  بما انو انت خبيرر وصارلك سنين واكيد تشوف اصحاب الحوائج

رد
-روح الحضرته وشد علك ومن تتحقق السالفه فتحه وزع چگلیت

-سویتها وصارت الشغله بس مكملت

-ماااشي اعلمك طريقه ماتخطي ابد ابد مذمم ماانطيها الا الي حاجته عاصيه وحاجته مستعصيه لان منقوله عن ثقاة

-شني هي علمها الها لان د‌گیت کل البیبان

-الزم هاي مسبحه اخذ چم وحده على كد افلوسك اشتري مثلها مسبحات أعلك بكل مسبحه ورقه ازغيره مكتوب بيها((بحرقة قلبك لانك لم تقضي حاجة سكينه الا قضية حاجتي بسكينه يا ابا الفضل))

-امنين اجيب اوراق ازغار

-روح هناك باي مكتبه هاي الاوراق الزغار الونهن احمر واصفر جيب صفره وتعال يمي انت تكتب وانه الزك الورقه بدندوش السبحه

كمت من مكاني افتر من مكان المكان الى ان لكيت الاوراق الزغار اشتريتهم واجيت للرجال كعدت يمه...قلم رصاص بقيت اكتب الورد وبقلبي اردد على كل ورقه النيه البقلبي عليك بسكينه يا ابو فاضل اجمعني اني وحبيبتي بالحلال وكون اخوها يوافق

كملنه اربعين ورقه حسب السبحه عليه ٥٠٠دينار نطيته عشرين الف وكمت دخلت للحضره زرت ابا الفضل كملت طقوس الزياره وداخل الحضره بقيت اوزع المسابح على الزوار وذا تحقق مرادي ارجع اوزع اربعين سبحه

طلعت زرت الامام الحسين وكلي امل راح تتحق امنيتي وترجع مريم اليه زوجه وحبيبه بقدرت ربي وجاه ابا الفضل

فاتت من يمي بنيه مادققت زين بس لان ضعيفه تخايلتهامريم بلا مااباوع الوجهه عرفتها مو مريم لان البنيه شايله العبائه بحيث ظاهر البنطلون مالتها مريم ابد مو هیچ مریم محتشمه بعبائه زينبيه وستر كامل

فارشلك الروح ابساط الك
ومدد جفني واتنطر اتنام
جازيتني بكسرت گلب
مثل حجاره تكسر الجام

مريم/// اخوي سلمان بلحظه الاخذ مني التلفون وبطلني من شغلي الدنية سودت بعيني مگدرت اتقبل هالفگرة ولا اتقبل قساوته ماضرب ولا غلط بس يكفي عتابه القاسي لان جان دائما يكولي كلام عن الشهيده بنت الهدى

((لا تدخلوا في روع فتياتكم أنهنّ أسيرات من جرّاء كونهنّ مسلمات متمسّكات بتعاليم مُحمد الرسول العظيم(صلّىٰ الله عليه وآله)فينظرن إلى المنحرفات المتحلّلات نظرة الأسير إلى الطلَلِق))

هل مره. كلامه ناقض اسلوبه ويايه رحت طلعت الحبوب والادوية وگعدت استغفر على سجادتي شبعت بچي على حالي بلحظة يئس صممت ه انتحر..

اخذت مجموعه حبوب وشربتهه تقريبا مر نص ساعه حسيت بجسمي بدة يبرد من اطرافي ودوخه مو طبيعيه براسي والم بجسمي وتشنجات

يمي التربه بيدي السبحه حسيت على نفسي شسويت بروحي اريد استغفر من هالذنب حركت اصابيعي مكدرت لازم استغفر ربي لان هل ذنب ماراح ينغفر الي و مگاني بچهنم

سحبت التربه ما اگدر اتحرك گل جسمي تصلب وحلگي اتشنج ما اگدر اصيح.. بس بقت عيوني تشوف وبهاللحظة ما اعرف ان چان حلم او رؤيا شفت جهنم والي يصير بيهه من تعذيب للينهون حياتهم انرعبت ومن الرعب اغمى عليه..

صحيت بالمستشفى گالو مسويلي غسل معدة وساعفيني وعرفت غفران النقذتني

حمدت الله وشگرته لان بعدني عايشة وما متت ميتتة الجاهلية وعصيت ربي بذنب مينغفر گلت من اوصل للبيت اشگر ربي وابقى استغفره الى ان اشوف نفسي صدك ربي غفر اليه

وهم اشكر غفران لان نقذتني بسرعه قبل لاااا يصيرربيه شي

فزيت وبگلبي استغفر بس راسا انگفخت بحجي اذاني  من امي

-هاااا ولچ ماتستحين فووك متمعشگتي براس اخووچ هجولتي تنتحرين يفترررر من مكان الثاني حتى يغطي عملتچ وجهه صار اصفررر من الخجل مایعرف یچذب وچذب من وراچ یگلهم ماتدري خالطه دواها ويه دواء ابوي

وچ الکل یعرفه هنااا ویهاااابه والگل یدخل یسلم علیه،تحتاج شي ابو الاشبال خوو ماكوو شي ابو الاشبال وانتيييبييي العينتين حتى حبيب الگلب یسمع رحتي نزلتي راس اخوووچ للمره الثاااااانیه

فلك صابچ اشگد خلصت عمري اتناوع ويه ابووچ علی الافلام المصریه بسسس عمري ماقلدتهم ولاااااسويت سوايتهن وانتي شفتی چم مسلسل  تسودنتي وقلدتيهن وووچ هووو موصوچچ صوچه
گال لووفوها تربیتي اعرفها ما تغلط خلي تكمل دراسه ووتتوضف

درت وجهي من امي حتی مگالت حمد الله علی السلامه حتی لوحچیها صح بس
طلعت من حلگ الموت ماسگتت لهنا ردت خابرتهه ريام تگلها

-یمه هسه سلمان اله یگلهم اختي ويفضح نفسه خل المستشفى كلها تعرفه وجماعته خل يكلهم هاي بنت عمي بنت خالي ليش
بقن يسولفن سمعوني حچي دمرني مرة ثانية اتمنيت لو صدك ميته  لو مگاني بالنار ولا هالنبرة بصوتهن وخزيهن واستنگافهن مني…

دخل سلمان بيده اوراق غمضت عيوني كال الامي
-حليتهاااا

-اشون وشگلت الهم انتحرت وک ابوووك يختزي الناس تحلف براسه عزااااا العزاني

-اهدي يااايمه گتلهم اختي صاعد سكرهاا ولان حست بنفسها متخربطه صارت تاخذ من كل شريط حبايه صار تضارب بلعلاج

-صدكووو

-ماادري المهم طمطميت السالفه كووووه
وهسه هي اشلونها

-فتحت عينها ورجعت انطمرت من جديد

-لااااا يمه موو وگت الحچي خل هسه دگوم بسلامه تالي نشوف شنو نتصرف

-ليش خووو ماعليها شيي

-اعراص جانبيه للتسمم يجوز يشكل وباها جرثومة المعده المزمن ويجوز تبقى تعاني من الغثيان ومن المغص

-يمه بنتي اسم الله

-اي خلي هل گلمه اسم الله ولا تاگلین بگلبچ وگلبهاااا خلیني اطلعهااا لان ورايه غفران اخذهااا الاهلها

-زعلانه

-لاااايمه غفران تعبانه عدها مرض كلى مزمن وحامل وضع البيت متعب كل يوم سالفه تروح الامها ترتاح كم يوم هناك الى ان وضع بيتنا يستقرر حتى لو شوي

-براحتك يمه والله تعبناك وانت تفترررر من مصيبه المصيبه وخاصه مصيبه مريم

-يمه مريم كل احنا شرركاء بلي صاررر وياهااا محد سمع الها محد صار قريب عليهااا حتى انااا رغم چنت متوقع نفسي
اخ مثالي مفهمت هي شنو تريد وشنو عدهااا كل احنا شركاء ف الوم يوكع علينا

-وهسه شدبره

-الله اايدبر واليحدد

كعدت وصار وجهي بوجه نصيت تقرب باس راسي

-الحمد الله على السلامه شلونج

-الله يسلمك بس والله ماقصدي

-اششش هسه نطلع وكلشي نحجي بلبيت هناااا مو مكانه عيب

سندني رتب عبايتي وطلعنه الكل يسلم عليه ويكلوله حمد الله على سلامتك فعلا
حسيت بدگه ناقصه سویت

وصلت للبیت سلمت علیه  غفران واخذت
خاطري راحت بسرعه لهلهه لان متسكت اذا تبقى تتجادل ويه خواتي

اجت عليه منى ولان حنينه مثل سلمان ماقبلت على حجي ريام اخذتني  يمهه
البيتها ماعرف شنو صار ودار نص وكتي بلغرفه لو نايمه لو بس وقت التبقى يم زوجها الاعب الجهال

ورى كم يوم اخذتني للزياره وهنا دخلت بحضرة الامام الحسين تذكرت غفران من سولفت عن اختها عقيله وشلون رجعت الزوجها شمرت حلقتها داخل الحضره

تناوعت الايدي همزين نزعت حلقه  نوار بقيت لابسه محبس ابو الحلقه اشتراه الي رعد من چنه باربیل..نزعته وگلت الامامي

-هاااي حلقة زوجي وحبيبي أشمرررها يمك يرجع اليه زوج وحبيب وصديق وذا رجعنا سوه نذر عليه كل شهر اذا مو كل اسبوع اجي انه وياه الك

شمرت المحبس منى يمي كالت

-بعد عيني الامام الحسين صدك شمرتي

-اي خيه والله اهل البيت همه الوحدين اليحبونه بكل اغلاطنه امي وخواتي كلش اذني بلحچي بحيث من دخلت البيتنه اختنكت ودي اشرد ودي اهج مو بيت اهلي لبالك مغاره ظلمه الكل يلوم بيه

الامام الحسين عليه السلام من دخلت الى حضرته حسيت بطمئنان وراحه،وشي مستحيل ينوصف كأنما اول مره ازوره

-الله يريح بالچ 

-یارب

طلعنا من الحضره اخذنه شغلات بسيطه لان منكدر نشتري حلويات خوف من كورونا

رجعنا للبيت حقيقه ارتاحيت وية منى بس ما اكدر ابقى هواي اخجل من زوجهه خطية حسيت هواي ثگلت عليهه لان اتشوفني ضايجه

مرة تحير بية مره بزوجهه رغم جهالهه سبحهم عليه بس متعلقين بيهة ماانكر غيرت نفسيتي ودي احچي الها البگلبي

بس هل مره هي اجتني گعدت انسولف بالليل  لان باچر رجعتي لبيتنة  گالا

ـ ها مرويمة مناوية تغيرين رايچ

ـ لا والله  اشتاقيت لاهلي وامي وابوية

ـ خاف ضجتي من الجهال ممتعودة علي هوسة بيتگم هاديئ

ـ لا بالعگس احلى شي هوستهم ولعبهم ان شالله سلمان وغفران يترسون بيتنة گتاگيت صغار

ـ زين ليش هالحزن بالعين

ـ المريت بي ياخيتي مو قيليل وفوگاهه خسرت ثقة سلمان

ـ ترة گلبة طيب بگلمتين يجي

ـ بس وياچ هيج سلمان يمگن لان انتي بعمرة بس گلنة نعرفة من يزعل وياخذ موقف بعد صعب ترجع العلاقة وياه

ـ اسمعيني مريم .. من تزوجت و عفتج چنتي گلش صغيرة وانا هم اتزوجت گلش صغيرة .. ماشفت شي من حياتي من الدراسة لشغل البيت للرجال والعيال..

ما آگلج هو مو زين واهله مو خوش لا..  بس يمگن لان تزوجت بعمر صغير مکدرت او معرفت  اتعامل وياهم

-اشلون یعني

-چنت نوعا ماحب احد يتأمر عليه لان تعرفین ابوي صدك يزوجنه من وكت بس مخلي النه احترام الذاتنه

-اي بس شنو البدر من زوجچ

-الرجال الشرقي الله يسلمة ميصدك تصير عندة مرة يبقي طول النهار والليل يتأمر ويطلع عضلاته عليهه عود هو زلمة

ـ يعني چان يضربچ

ـ اوووو..  اشگال شفت منه ومن اهلهه

ـ بس ما چنتي تحچين

ـ ههههههههه اول مشگلة  صادفتني چان الي اقل شهر متزوجه طلعت زعلانة واجيت الگم جنتي انتي وريام ومريم بالمدرسة وسلمان بالجامعه وابوية بالشغل..

یعني بس امي موجوده  ماقبلت اجي زعلانة ولاقبلت احچي السلمان او ابوية بوگتهه حچت ويايه حجي ثگيل شوي وبجتني…

-هم هيچ مخلتني احچي شي

-المهم مو هذا موضوعنه..بس الاريد اگول
الچ‌ آنتي رايدة رعد لو لا

ـ اي اريدة ما اگدر انساه ولا اگدر اتجاوزة چان ساندني باتعس الضروف صارلي سند وضهر بس انا بقيت اتعزز عليه وچفصت بمصارينة

ـ خلص طالما رايدة رعد فلااااا تستسلمين ولا تسمحين لاحد يتحگم بحياتچ ويزوجج من غيرة

ـ شلون واحنة تحگمنه عادات وتقاليد وشوفه عينچ اآااااااول شي ننحرم منه مستقبلنة وضيفتنة بحجة انو معدهم ثقة بينة

ـ حتى لو انحرمتي من وضيفة ومادري شنو هااااااي الامور وسوالف گلهه تتعوض بس الرجال الزين اليخاف على المرة ويحبهه ميجي بسهولة

-شبيدي انه

-بيدچ گلشي خليج قوية يا مريم وماريد بعد يخابروني ويگلولي انتحرت مريم  ومن هالخرابيط انتي المتدينة الملتزمة هيج تسوين لعد شبقيتي للگلشي ميعرف بالدين… وعديني ياخيتي ماريد تعيدهه بعد

ـ ان شالله خيتي .. اوعدچ

خلصت اجازتي يم. منى ورجعت لبيت اهلي غفران مجانت متواجدة خطية زوج اختهه اتوفى وبقت هناك خليت امي تگعد وشلت شغل البيت وابوية. عنهه
ردت بس التهي وانسة. سالفتي..

سلمان نفس حاله احچي وياه بس هو يادوب يرد على كد الكلام…

بيومها رجعت غفران للبيت فرحت بيهااا وفرحانه أكثر الصداقتنا العصريه اجتني  غفران ضايجه گالت

-مریم حبیبه سلمان یگلووول راااااااااااح يجون نسوان يشوفوچ الولد دزهم عليچ..

ـشني قصدچ خطابه غير رعد

-اي اي

-بسسسس انا ماريد اتزوج غفران

ـوووچ افهمي يحضي اااخذي اخوچ على گد عقلة خلي يجن النسوان والله گريم نشوف شلون ندبرهه

،-وهسه قصدچ

-اي يله جهزي نفسچ

رغم ضوجتي دائما خوفي يسكتني صار وگت النسوان يجون سبحت ولبست دشداشة وحجاب

گالت غفران

ـ راح تطلعيلهم بالدشداشة

ـ اي مو زين لابستلهم دشداشة زركة ردت البس اسود

ضحكت  
ـموووووو  راح ينهزمون بس يشوفوچ

ـ هو اني اريدهم ينهزمون ياااااااغفران ولعلمچ گولي الزوجج طلاگي باطل من رعد

ـ عزة بعينچ صوتچ نصي لا يسمعچ

ـ حجاية الحق تزعل..

ـ اوووف شبيدي عليچ

ـ شوگت هذول يجيون

ـ يعني هذا وگتهم…
حضرت بيتي فور وعصاير مجهزة گلشي  آندگ جرس البيت ودخلن خمس نسوان رحبنة بيهم وضيفناهم جاية ام الولد واختة الچبيرة وخالته واثنين عماته كبار بالعمر
حسب مفتهمت ام الولد تصير بنت عم ابو الولد يعني كلهم كرايب الجايين جانت نضراتهم لمريم ابد مو حلوة وگل شوي يسألوهه ليش اتطلگتي وشگد بقيتي متزوجه تالي گالت ام الولد

ـ عيوني بصريح العبارة احنة منحب نتزوج من غرب شوفة عينگم انا بنت عم رجلي ابو ()) يعني گلنة گرايب ورايدتلة بنت عمة

ردت امي بعصبیه

ـ تری عیوني انتي ماجبرناگم ولاااا ودينه  عليكم ولا توسلنه تجون اخذون بنتنه ترة انتم داگين. بابنه خووش

ـعلى گیفچ خیه مو قصدي بس الاريد اكوله ابني الگاتل روحه على بنتگم من شاف اخلاق سيد سلمان ودينه وتدينننه كات عليه وعرف بي عندة اخت ممتزوجه وگل اتفاقياتنة شمرهه ورة ضهرهه بحجة يريد يناسبگم

راسا حچيت متحملت ابقى ساگتة

ـ والله ياخالة تعایرین بیه مطلگه بلا حرج ولا حشیمه الاخوي بس اريد اگلچ اااااانه همين ماريد اتزوج

حجيت هيج وامي داست على رجلي ورديت سگتت

ردت حجت ام الولد
ـلاااااا تتحسسسین عیوني بس هذا ابني الثالث زوجت اثثنين گبلة بنات خوالهم.
اثنينهن بنات بيوت لا مطلگات ولارامل بس هذاا من بين اخوته گمز علي مطلگة

-اگلچ خاله شووو هم حچیتي مطلگه

-یله قابل مچذبه من اگول مطلگه شوفو عيني مهر ما ادفع اگثر من مليونين وغرفة اجيبلة مالت ابن اختي طلك مرته وراح ينطيهه النة اما بخصوص الزفة فمالهه داعي قابل هي بنت بيوت هو هيج المطلگة عرسهه ترة

غفران//اتناوعت على عمتي ومريم ساگتات بس مريم مبين تريد تنفجر راسا حجيت نيابة عنهن

ـعلويه عيب هل حچي  ليش وشبيهه المطلگة ترة بشر حالهه حالي وحالگم يعني مو حقها تعيش زين علويه خلي نفرض بنتج الي مطلگه او اجی واحد يريد يتزوجها مو راح تفرحين اطلعوو
من هاي العقليه(عيب المطلقه) لو تگولون (مو شي) المطلقه لا عار ولا ناقصه مجرد انسانة عاشت تجربة فاشلة

-بس هذا العندي يامرت السيد ابني ابد مداخل تجربه لان ملتزم مااريد اله مطلقه

-علويه المفروض الكبار تنصح الزغار اظن الوكت تغير المطلقه  وحده جربت حظها مو معنی اخلاقها مو تمام مجرد منجحت بحياتها وچان الانفصال عن الانسان الغلط مو جريمه واذا ابنچ رايده ويحبها

-اي يحبها ومشايفها مااايدري مااأابيهااا حتى لحمه ونويعمه كلش على محبة صاحبه سيد سلمان

-مادام على محبة صاحبه شنو مليونين نيشان وذهب وشنو غرفة مدري مين اجيوبهه شنو زفة ماگو ليش عود

جاوبت بتعالي

ـ انتي وين عايشة عيني ترة المطلگة هذا مهرهه والمعروف عدنة تلبسلهه اي هدمة جديدة و تجي بعبايتهه

-شنوووووووهاي بس عدگم اضاهر هيچ تسوون بالمطلگة. والتفتهم متناسبگم و لا تتصورين حماتي مطلگة وگاعدة ادلل بيهه حتى ازوجهه بالعگس اصلا شگد خطبوهه خير من الله مينعدون

ـ ههه وليش ماصارت

ـ لان نريد زلمة معدل لبنتنة منريد واحد امرة بيد اهله ..

ـ ليش عيني تريدون تحرمو من اهله انوووووووووووب

ـ ومنو گلچ نحرمة من اهله هذا انا گاعدة. وية اهل زوجي وحاسبتهم اگثر من اهلي لان سيد سلمان الله يحفظة عادل بيني وبين اهلة ف اذا تشوفين ابنچ مثل السيد احتمال توافق حماتي

واذا لا ماعندة گلمة فگلمن يروح بطريقة لان احتمال چبيررر  ابنچ ترفضة بـــــس لان ابنچ صديق سيد سلمان سگتت الخاطر اخوهه

تحچي بنتررر
ـ ترة ابني رجااال معدل ومن ضهر رجاال ميحتاج احد يتوسطلة

ـ الله گريم..  نشوف

من هاللگلمتين طلعو زتتهم عمتي للباب وانه بقيت افور ودي اروح وكمل عركه بس گمزت عليه مريم تبوس بية گل عقلنة راح يرفضون من يمهم…

رجع سلمان بالليل وحچيتلة گلشي صار بوجود عمتي  گال برود

- خلص اضاهر ماگو نصيب ماگو داعي ننطيهه لهيچ قسمة..

-متاگد

محچی شی راح نام،لان ورانا صلاة الليل

ثاني اجى سيد سلمان من الشغل  جهزت اله الغدا گتله

-هاآا بشرر شنو صاررر

-مااگو بس اجاني سيد حيدر يريد يفتهم الصار للان أضاهر اهلهه ذابين اصوچ گله بيچن

-وشگتله

-گتله  گلشي سولفتي اليه

-وشسوه

-سيد حيدر گعد  يعتذر مني وگلي امسحهه بية ومن بعد اذنگ اختگ الي متصير ألغيري حتى لو اعزل الهه ابيت اهلي 

-يااااا هسه هووو مشايفها ومستقتل

-اي والله مستقتل عليها حتى گتله شوفها یجوز متعجبك

-وشگال بعده یلح

-لا لا لان سگت عرف بعدین  عدنة وفاة اجل الموضوع لورة الاربعين…

گمل اگله سيد سلمان رحت للمبطبخ لكيت مريم تثرم زلاطة وانا رحت للطباخ اسوي چاي  السلمان حرر أكل عمتي عمي

بقينا انه ومريم نسولف دخل سلمان اخذ خيار من يم اخته مريم

مريم//اجى يمي سلمان  واخذ خيارة ممگشرة راسا جريتهه منه ونطيته وحدة مگشرة ونضيفة ..

باوع عليه بنضرة حنية بس رغم هذا بقة يگابر وراح مني

گالت غفران

ـ لاتخافين ان شالله شوي شوي يرجع سلمان القديم..

ـ لو بس يحچي ويايه گلش اشتاقيت لصوته وسوالفة

ـ ترة. هو همين اشتاقلچ والله بس تعرفي راسة يابس…
دنحچي ورد رجع للمطبخ بدون مقدمات حچى وية مريم راسا عافت گلشي من ايدهه ووگفت مدنگة راسهه وتسمعلة

ـ شووفي مريم خليتيني اااااااحلف بقسم بحياتي متخيلت احلف بي..
خليتيني اخالف مبادئي وديني واقبل باي شخص يدك بابچ

خليتيني مستعد اشيل اثم زواجج من شخص ثاني بسبب السمعتة منج
البنية يا مريم خامة بيضة زجاجة  تلالي گل شي يبين بيهه حتى لو بگد الشعرة تنشاف وتعتبر وصمه.. 

تدرين موضوع زواجج من رعدماااااا غاضني بگد ماغااااااضني علاقتگم صعب احس انتو الاثنين جنتو مستغفليني ومستغلين طيبتي ..

-بس والله مصار شی

-شنوو الماصار هااااا القران شیگوول علی علاقتچ ویه رعد
قال الله تعالى : ( فَانكِحُوهُنَّ بِإِذْنِ أهْلِهِنَّ وَآتُوهُنَّ أُجُورَهُنَّ بِالْمَعْرُوفِ مُحْصَنَاتٍ غَيْرَ مُسَافِحَاتٍ وَلا مُتَّخِذَاتِ أَخْدَانٍ )
"وقوله تعالى "محصنات" أي عفائف عن الزنا لا يتعاطينه ولهذا قال "غير مسافحات" وهن الزواني اللاتي لا يمنعن من أرادهن بالفاحشة - وقوله تعالى "ولا متخذات أخدان"المسافحات"هنا العیاذ باالله الزانيه  ومتخذات أخدان يعني أخلاء المراه الي تلتقي او تسولف ويه رجل محرم عليها

أخلاء يعني الصّديق  الصاحب الي تحبي ويحبچ بس ممسوين محرمات وهنا نرجع ولا متخذات أخدان" هي البنيه الي عدها
حبيب واحد وتحبه دون اي رابط شرعي فنهى الله عن المتخذات

-بس والله ابد منحچي بشي حرررررام
وهو محافظ عليه اكثررر من روحه

-ارجع ويااااچ للرجل القران شنوو یگول
(( الْيَوْمَ أُحِلَّ لَكُمْ الطَّيِّبَاتُ وَطَعَامُ الَّذِينَ أُوتُوا الْكِتَابَ حِلٌّ لَكُمْ وَطَعَامُكُمْ حِلٌّ لَهُمْ وَالْمُحْصَنَاتُ مِنْ الْمُؤْمِنَاتِ وَالْمُحْصَنَاتُ مِنْ الَّذِينَ أُوتُوا الْكِتَابَ مِنْ قَبْلِكُمْ إِذَا آتَيْتُمُوهُنَّ أُجُورَهُنَّ مُحْصِنِينَ غَيْرَ مُسَافِحِينَ وَلا مُتَّخِذِي أَخْدَانٍ وَمَنْ يَكْفُرْ بِالإِيمَانِ فَقَدْ حَبِطَ عَمَلُهُ وَهُوَ فِي الآخِرَةِ"

هنا "محصنين غير مسافحين ولا متخذي أخدان"شرط الإحصان عند النساء وهي العفة عن الزنا

شرط العفه عند الرجل هم یکون محصنا عفيفا لذا القران گال ولا متخذي أخدان یعني الرجال العنده حبيبه بلا عقد شرعي

 
-والله ستغفرت ربي شكد متصورررر

-اي واعررف هووو هسه جاااي يستغفررر
بس مااسامحه اله من يتاذب كلش يرجع
رعد الاعرف لان ماااسامحه يمگن اذا اسامح على الزواج ف ابرر  ابوية عندة علم بس شأبرر على علاقتگم قبل الزواج؟

ـ سامحني الله يخليك

،يحچي وهي ساگته وتبچي الى ان گلتلة سامحني راحت  حضنته اثنينهم بچو وحضنهه..

وانا من یمي نقهرت گعدت ابچي بنصهم من الموقف الصار اتذگرت خوتنة انا ومنتضر بالچلاليق بينة تصير مرات بس الحمد لله ميطول الزعل هيچ ..

ـبس الله یخلیك ماااريد اووج خوية لاتجبرني عليه

ـ ماجبرچ بس ابالي سالفة خلي تصير وانا احچي وياه واگله مالگ نصيب يمنه

ـ صددك الله عليگ يعني متزوجني غصب لا لهذا الولذ ولا لغيرة

ـ ليش متريدين تتزوجين وتستقرين

ـ ماريد شي سلمان اريد ابقى يم ابوية. وامي .. معقولة مثگلة عليگ خوية

ـ عيب هالحچي  مريم مو انا اليثاگل من اخته بس اريدچ تستقرين مو اگثر

راسا حجيت بمگان مريم

ـ وشلون تستقر بزواج ورعد مطلگهه غصب وهالشي ميصير وانت اگثر شخص تعرف بهالشي

ـاي اعرررف طلاك باطل بس هووو گال بلسسانه خلي السيد يدز يخابرني واشوف شنو يحچي ووراهه عندي تصرف ثاني وية رعد

ـ لاااااا تروح خوية

-لیشش

-موو تتعصب وتتعارگون

ـلاااااا مااتعارک مجرد شفته بالفاتحه ردت اقتلة

ـ اي گلتلي غفران ابوس ايدك خوية لا تسوي شي اخاف علیک

ـوووالله شگلچ  چنچ  عليه هو مو عليه

ـ دنگت راسي ..اخاف علیك امتي لان ميحتاجلهه سؤال هسة رعد غريب عني بس انت اخوي وسندي شعندي بعد الله سبحانه وابوي الله يحفظة غيرك

ـ الله يگملچ بعقل يلة گملو الچاي وهم اريد بعد اكل  ترة گلش جعت وغفران تنقط الاكل تنقط عليه خلت بيه جفاف

-لاااا تحچي صدك يعني تريد تگل الاختك
انه موتك جووع وجفاف موو

-بس جووع

-شنوو نووب

-جفاف

-هاااا نوب جفاف مال شنوو

-جفاف عاطفي جفاف حبي جفاف حسن التبعل

-اي بعد احچي يم اختك

-مريم سدي اذنچ

حطیت اصابعي باذني فرحانه بحبهم القوي والرزن

عاد رن تلفونه وطلع

اجت غفران طكت ايدي

-هااااا شووو كلش رخرختي من جاب طاري رعد

-ووچ فرحاته اول مرة من شهور اشوف ابتسامه على وجه  اخووي

-وانه فرحانه اول مره من شهور اشوف الضحك بوجهچ

مرت الايام السيد ساگت عن الولد ميجيب سيرتة ولا يگول شي واذا سألتة. اني او عمتي يگول الله گريم ..

راح لسوگ واشترة مگينة خياط صناعية اخذهه بالاقساط هي وميزهه وجابهه لمريم حتى تلتهي بيهه..

صار الوگت خابرة سيد ابو رحیم وراحله ما تاأخر يمة تقريبا ساعة ونص ورجع وهمين ماحجة شي موتني هالرجال گلشي ميحچَي….

وراهه بيوم الثاني مباشرتا گلت احاچي

-هااا شقررت على صاحبك موافق

-لاااا غفورتي  ماگو خطوبة ولا شي الولد گنسلته ورفضته لان ماشفت بعيونه امان المريم

-قصدك مو ملتزم

-لاااا بلعكس مؤمن كلشش بس هاي هيه گل هذا ماهمني مريم اهم شي خلصتها من هالزواج المتريدة…

رعد// مگدرت انام من رجعت من السيد طلع عليه الفجر مادري شلون صليت وتريگت وية نورة وطلعت لشغلي بالمحل
بس من زرت اهل البيت وشكيت حاجتي حسيت براحه ماكو منها

بيومها صبح خلصت شغلي الساعه تقريب
لعشرة بيدي نقال طخت براسي فكره لازم بعد أحچي وية سلمان ميفيد التاخير بشي…

صعدت سيارتي بملابس الشغل لاغسلت ولا بدلت ورحت لمگان شغل سلمان ..
اندلة واعرف مگانه  لان متابعه من زمان..
واگف بسيارتي مسافة عنة اريد انزل احچي وياه بس متردد

شنو احچي وشراح يسوي من يشوفني..
بقيت ساعه ونص واگف متجرأت ونزلت اله عطشت رحت اشتریت عصیر القصبه بحلگي واباع من بعيد

تالي شغلت سيارتي ورجعت مشيت بشارع بيت مريم من بابهه.طبگت السيارة يم جيرانهم ووگفت اباوع علي الباب الشباك السطح وين الله واهل البيت ويمر خيالهه جدامي ..

اشتاقيت الهه بگد رحمة الله  طلعت تلفوني واتصلت على رقمهه رغم اعرف بيهه ذبته ومغلق بس حالي مثل المجنون اليتعلك بگشاي مغلق الرقم مثل گل مرة

شغلت السيارة ورجعت البيتي الوب مثل طير مذبوح مايعرف شلون يوكف النزف

مر تلث ايام وانا گل يوم اروح يم محل سلمان اوگف وادعي من الله يسهل امري ويخليني احچي وية سلمان ويتقبلني … بس ما اگدر شي يمنعني وارجع … حچيت لنورة الديصير ويايه ضحكت

گالت
ـ ماااش باچر قبل لا تروح المحله اقرة سورة (يس) ومن توصل محل سلمان اقرة الفاتحه سبع مرات وادخل بزودك وشوف

ـ مجربتهه

ـ لا بس قريتهه البارحه بمفاتيح الجنان ههههه..

ـ خوش سهلة. الفجر من اگعد اصلي اقراهه بگلت برکت وجودچ بحیاتي ويمي الله يسهل كلشي اليه

گعدت الفجر صليت وقريت سورة( يس) وطلعت للشغل خلصت السيارة البيدي تقريبا للتسعه الصبح كملتهه شغلتهه وسقتهه مشيت بيهه مسافة گلش تمام ضبطتهه

خابرت صاحبهه وگلتله تعال اخذ سيارتك دخلت سبحت  بين ما اجى الولد سلمته السيارة واستلمت الفلوس رديت رجعت للبيت قريت سورة( يس) وحملتهه بتلفوني وشغلتهه بالطريق وصلت محل سلمان تقريبا ساعه عشرة ونص شوي اگثر ردت انزل اتذگرت سورة الفاتحه قريتهه سبع مرات  حالي مثل طالب محافظ دروس ويدعي رب العالمين كون يجاوب هيچ متوتر

بعدني مانزلت طبگت قریب الیه سیاره يگ اب شوي چبيرة ونزلو منهه ست زلم تلاثة ورة وتلاثة‌ گدام گاعدين عرفت شراية رایحین المحل سلمان بقيت گاعدة بمگاني انتضرهم يروحون وادخل السلمان احچي وياه…

المسافة بيني وبينهم تقريبا اربع محلات وهو الخامس مر دقيقتين وسمعت اصواتهم علت يمگن ديتعارگون رگزت اگثر اي والله ديصيحون ويتعارگون من خرب حضي المترب طول هذيچ الايام  محد اتعارگ ويه سلمان  على بختي صارت لخه

ردت انزل احچي وياه شفت وجهه گلش عصبي يتعارگ اقبض  لاهواي خلصت شغلتي ..

جاي اندار سمعت عيطه قويه شفتهم التمو على سلمان وتلازمو وياه هو وحدة ووياه عمال اثنين وهذول ستة متگابلين عليهم ديضربوهم

طفرت من السيارة حتى ماقفلتهه رحتلهم ارگض بگمزة مني دفرت الزلمة الچان لازم سلمان ووگعت بي دگ بوگسات شلون انا چنت متوتر وضايج فرغتهه گلهه براس هالولد رغم ماعرف على شنو ديتعارگون بس اعرف سلمان ميغلط بحق العالم

سلمان/جنت بالمحل انا والعمال ودخلو علينة ست شباب همة نفسهم اجوي الصبح ساعه ثمانية واخذو سيراميگ من عدنة صعدناه گدامهم مابي شي السيراميگ ممگسر ولا مفلش وگلشي على ايدهم صار

بس ردو اجوي قبل الساعه دعش زايدين تلث نفرات چانو تلاثة الصبح هسة صارو ستة وگالو السيراميگ مگسر ونريد نرجعه…

هنا چنت گامز من التعب جادلتهم

ـ شنو مگسر مو جدامگم صعدناه للسيارة گامل ومبي شي وبعدين انتو استلمتو ساعه ثمانية وبيتگم مو بعيد عن المحل خمس شوارع بيناتنة جايين ساعه دعش تگولون مگسر ومنريدة هذا بيا شرع ويا قانون تمشون

صاح چبیرهم

ـ لا شرع ولا قانون عفناه بالسيارة ودخلنة نتريگ ونخلص چم شغلة وتالي من ردنة نشتغل بي شفناه مگسر

بله اشوف
ـ رحت گشفت  گم باگيت عن السيراميگ شفته مو من عندي هذا الفوگ غير نقشة والجوة صح من عندي نفس النقشة ..
التفتت وگلتلهم ..

-عمي بیاااا حظ وبیا بخت الله بيناتنة ترة حرام الدتسو بأي حق جاييني تگلي مگسر وبعدين انا ماعندي هاي النقشة الجايبهه

ـ لاا هي من عندك ااحنة اخذنة تلث نقشات منگ

ـ عميي سلمتگم نقشة ووحدة التفتت على السيارة وجريت السيراميگ ..هذاا هو الاخذتو من محلي هاذا الفووگ مو االي

ـ يعنييي متررجعع فلووووسنة واالله نسويهه دم

ـ دم شنوو عمي ااذگر الله خلو الله بين عيونگم عمالي شهود انتو اخذتو نقشة وحدة وهذا السجل مگتووب بي نفس الشيي هذا المفلش مو منيي

جاي اطلع السجل اراويهم البعته الهم
ماشوف الا اخوهم الجبير لزمني من ياختي نترت ايدة وتضاربنة وتضاربو العمال وية الولد الجايين علينة احنة تلاثة وهمة ستة ثواني والزلمة الچنت اتضارب انا وياه اندفر شفت هذا رعد دفرة وگعد عليه يضربه بوگسات…

مو وگت تفگير التفتت على العمال شفت هذول متوليهم لزمت ماسحات عندي وتضارب وياهم بالمسحاة وابتعدو

الولد البيد رعد انتهى لازم ضلوعه ويمشي التفو علينة من شافو هيچ اخوهم مرعد بید رعد  ردو شالو

صاحو

-انت الثووور منین طلعت چنك عمود كهرباء

اجى يركض رعد عليهم لزمت ايده

رجعو سيراميگ مال المحل طلعوها باگيته شمرو علينة گدرت ابتعد ودفرت العمال حتي لا اطيح بيهم بس وحدة اجتي براس رعد بالعرض انضرب بيهه وگصته صارت حمرة…

انا لازم مسحاة وعمالي لزمو عصي ورعد متحضر للعرگة التمينة ردنة نضربهم وصار صياح والتمو اهل المحلات. وگدرو يفضوهه العرگة

الناس تخاف تدخل تخاف من سالفة العشاير والفصول شالو اخوته وگالو حضرو عمامگم…

من طلعو من المحل والناس راحت دزيت العمال لاهلهم گلتلهم راح اسد المحل لان ماعرف ذول شنو ضامين النة والمحل همين تگسر…

التفتت علا رعد اباوع عليه ومستغرب ..

-انت مين طلعت؟

ـ انا
بعدني ما خلصت گلام وگلي

ـ واالله العظيم يارعدواااذا اعرف الگ ايد بالسالفة الصارت ماراح ارحمگ

ـ لا ياسلمان معقولة تشگ بية

ـ اي لان سالفتگ غريبة مين طلعت شلون اجيييت ووين pنت ااگيد متفق وياهم حتى تبين بطولاتگ جداامي وثانيا الدفره مالتك مدروسه مال واحد متحضر

ـ لو متفق وياهم ليش هذا الضربته شالو شيل و ماگدر يمشي شنوو ة لو متفق وياهم جان لاضربت ولا انضرب… هاگ شوف مو گدامگ انضربت بالسيراميگ براسي ونشك ويجوز اموت ودمي بركبتك

ـ استغفر الله واتوب اليگ…

ـ انت من عصبيتگ صرت متفرق بين الزين والشين

ـ لان ماگو زين بيگم..

ـ رحم الله والديگ…
الله يشهد بنيتي تجاهگ.. جنت جايگ بشغلة وصارت هالشغلة لا مخطط ولا متفق وية احد وعلى العموم الولد انا ضربته مو انت وانا الاحضر عمامي انت مالگ ذنب

ـ انت هم مالگ ذنب بالصار انا اشيل گلشي ..

ـ براحتگ بعد احس .. ردت اطلع من المحل بس رجليه منعتني اتمنى يگول سامتحگ رعد… مشيت خطوتين گلي سلمان

ـ مشگور رعد لو ما وجودگ الله يعلم جان شسوو بينة

ـ يعني صدگت مو انا الدازهم

ـ الايام تبين گلشي ماگو شي ينضم

ـ تدلل خوية سلمان احنة خوان من زمان تعهدنة بهالعهظ واحد يحمي ضهر الثاني

ـ بعدگ تتذگر يعني

ـ ومانسيت لحظة

ـ مانسيت..  وگدرت تخون الثقة يارعد وتصادق اختي

ـ والله العظيم اقسم بالله العظيم اقسملگ بگل المقدسات التؤمن بيهه مانظرت لمريم نضرة خطأ لان چنت حاطك گدام عيني

ـ ماگدرر ابلعهه يا رعد ماگددددر

ـ واالله اعررف صعبة وواعتذرر منگ مو مرة االف مرة وشنو العقوبة التشوفهه مستعد اتحملهه بس لا تحرمني من زوجتي والله ياسلمان ماسوينه شي غلط

ـ اترگني رعد ترة بعدني شايط من سوالفگ وسوالف اهلگ

ـ سلمان

ـ گافي ررعد انا تعبان وماعندي عقل يفگر بهالحر …

-هسه منو الیاخذني للطبيب

-اتحمل روحك

-هووو طول عمري متحمل روحي معود

طلعت من المحل ووگفت برة العمال لمو الاغراض قبل لا يروحون ودخلوهن جوة طلع رعد وگف يمي صارت عيني بعينة ترگته وقفلت المحل وصعدت سيارتي ورجعت للبيت…

حچيتلهم على الصار بس ماجبت سيرة رعد…

الناس التعارگنة وياهم بنفس اليوم رفعو علينة دعوة بالشرطة وثاني يوم ذبونه حجز انة ورعد 

رعد/ رجعت للبيت راسي معنجر من السيراميگ النشمرت عليه وشوي دخت والاگثر اتالمت من صد سلمان الي .. شافتني نورة وشهگت

-خوویه رعد منووو ویاك سلمان

ـ لاااااا لا تخافين

ـ عزةةة شنوو صاررر تعاارگت وية سلماان

ـ لا تعارگت علمود سلمان

-اهووو لاتحشش صدك احجي

گعدت سولفت الهه الصار باختصار وعفتهه ودخلت للحمام شفت جسمي مگدم من العرگة ما اتذگر منو ضربني ..
هي هيچ عرگة الزلم تضرب وتنضرب…
ثاني يوم الصب

فتحت المحل  جاي  استرزق اجوي عليه الشرطة

-شكووو ترى جااي افتح على باب الله

-تعااال ويانه مسوي روحك بروسلي

-اكلك هد ايدي غير افتهم شنو صايير

لاف الفانيله وغطى وجهي وشالوني يادوب خلوني اخابر نور

ـ نورة اطلعي قفلي المحل الشرطة. اخذوني

ـ يمةةة عزاا العزاااني ااخذوووگ شنووو

ـ لا رااح يلعبوني ووچ شرطه بس لاااااا تخافين ولاتعيطين طلعي سدي المحل وخابري بس اررشد يجي ياخذج لاتبقين لوحدج بالبيت واهم شي لاتوصلين خبر لابوية

ـ ااانت صددگ تحجيي  منو يوگفلللگ

ـ بس ارشد غيره ممنوووع تخابرین احد فتهمتي  يلة الشرطة تنتضر ..
سديته وصعدت السيارة ولمحت نورة طلعت ترگض برة بس مالحگت علية اشرتلهه يعني رجعي…

وصلت لمرگز الشرطة شفت سلمان قبلي واصل صاح الضابط

ـ عوووووود انتو اسباع ومگسرين الزلمة

رد سلمان
ـ همة المعتدين سيدي احنة اربعه وهمة سته وفوگاهه متبلين علينة

ـ اي هذا الحچي بعدين سولفة مدمرینه دماآآار مکسرین سنونه یله‌خذوهم شمروهم بالسجن..

اول مادخلت لزمني الشرطي واخذونه اثنينه  انه وسلمان خلونه بالتوقيف سوية… گعدت يم سلمان حسيت السالفة. گبرت

-اعتذر وگعتگ بمشگلة چبير

ـ لا رعد لاااا تفگر هيج همة البدو لاعبالگ ساگت هسة يجون عمامي وعشيرتي ويطلعونه

ـ يطلعونه!

ـ احد گلگ انا ناقص؟

ـ لا محشوم

ـ انت انسجنت علمودي مو سلمان الينگر الطيب

ـ والنعم من اصلگ

بقينة گاعدين ننتضر شراح يصير سمعت

انفتح باب السجن دخلو علینه اثنین زلم من العارکونه

#یتبع

‏يُقاس العشق والإيمان والإخلاص في ميزان البلاء،
فمن كان إيمانه أكثر فإنّ بلاءَه أعظم.