انتي الخط اللذي يرمز للنبض .
فإذا استقام أعلن عن وفاتي ..
..
غمار ♥️
بقلمي #زهراء_الطائي ✍️
....سالي ...حجت وياي مامه وعافتني وراحت ..اني بقيت اباوع عالصاج وكمت اكل وافكر بغمار واضحك لان غلقت موبايلي بوجهه حسيت نفسي فزت عليه ..
....سالي ...خلصت اسبوع كامل اني بلبيت والخطار يجون عليه صديقاتي بالكليه كل يوم وحده جايه وحاتم جاب رسل ومتيم من بيتهم
وصار كل يوم يجي علينه هوه واهله وامه خطيه ماعافتني ابد .
. وغمار باليوم يتصل عشرين مره وماارد عليه ومرات اجاوبه شويه واسده بوجهه كلت شويه اسويله جرة إذن ..
...وبيوم من الايام اتصل بيه وكال ..
...غمار ..الوو شلونج سالي ..
..سالي ..هلو غمار تفضل ..
...جر حسره قويه وكال ..
...غمار ..اني رح اروح يومين لتركيا اخلص شكم شغله هناك وأسلم مفتاح الشقه الي ساكن بيها لصاحبها واحجي ويه عميد الكلية مالتي واجي مااتاخر بس يومين وارجع ..
...سالي ..من كال رح يسافر حسيت صار مثل الوجع بگلبي ماادري ليش انقهرت حيل .. حاولت اضمها بگلبي وحجيت وياه وكلتله ..
...سالي ..احم ..ايي وشنو المطلوب شعليه بيك اني عسى ماتسافر سنه..
...غمار ..اريد اجي لبيتكم اشوف متيم ..اني صارلي فتره اريد اشوفه وگلبي مثل النار عليه بس جنت متردد ماادري ليش احس نفسي مقصر وياه ومااعرف شلون. رح تكون ردت فعلي من اشوفه كدامي ..
...سالي ..ليش ليهسه ماشايفه انته ؟
..غمار ..شايفه بس بالصور امي دزتلي صورته وحافضها بموبايلي بس بالحقيقه ماشفته .
...سالي ..اي عادي تعال شوفه منو لازمك ..مهما كان تبقه انته ابوه ..
...غمار .اكولج هوه شكد عمره يعني يعرفني اذا يشوفني يفتهم لولا ؟
...سالي ..عمره سنه ونص يفتهم من تحجي وياه بس ميدري انته ابوه ..
...ضحك وكال ..
...غمار ..هههه متوتر كلش تدرين مااعرف شسوي شلون التقي بي ..ماادري اني احجي وياج هسه وگلبي يدك بسرعه شيصير بيه اذا اشوفه كدامي ..
...سالي ..اي زين الله يكثر دكات گلبك ..يله اني اروح لازم اخذ علاجي وأنته شوكت ميعجبك تعال شوفه عادي ..
...غمار....سالي ..لحظه اوكفي ..
...سالي ..نعم ..
...غمار ..تره دكات گلبي على متيم مومثل دكات گلبي عليج .. تختلف ..
...سالي ..واني شعليه بدكات كلبك شكو تحجيلي هيج ..؟
...جر حسره وكال ..
...غمار... شلون شعليج... انتي گلبي ودگاته والدم الي يسري بعروگي انتي الخط مال النبض الي اذا استقام وصار عدل يعلن وفاتي ..
...سالي ...غمار ..روح هسه عود بعدين نحجي مامه صاحتني ..
...ضحك وكال ..
...غمار ..ههههه ادري بيها ماصاحتج بس رح اروح .. والعصر اجي اشوف متيم اوكي .؟
...سالي ..اوكي باي ..
..سديت الخط من غمار وبقيت افكر بكلامه صح اني زعلانه منه بس بعدني احبه لحد الآن وكلامه خلاني اشتاقله أكثر واشتاق لايامنا القديمه ..
... وره شويه نفضت الفكار من راسي وصرت احجي ويه نفسي ..
..سالي ..شبيج تخبلتي سالي شنو رح يقشمرج بشكم كلمه حلوه نسيتي الي سواه بيج .. امداج شكد فطيره ..
..سالي ..كمت امشي على كيف واني حاطه ايدي على العمليه مالتي لحد ماوصلت لغرفة مامه شفتها كاعده تصلي كعدت عالجربايه انتضرها لما خلصت صلاه باوعت عليه وكالت ..
...كفاح ..ها مامه محتاجه شي ؟
...سالي ..غمار خابرني ..يريد يجي يشوف متيم اليوم العصر ..
...كفاح ..هم زين تذكر عنده ولد يسأل عليه شعجب ..؟
..سالي ..هوه ماناسي بس متردد يجي يشوفه..
...كفاح ..اي خلي يجي هلا بي .. يله اگوم احضر الغده حتى تأخذين علاجج وعندج ابره هم ..
...سالي ..لعد وين رسل شو ماكو ..
...كفاح ..بغرفتها خليت متيم يمها لان ميخليني اصلي ياكل بالتربه اخذته يمها ..
...سالي ..يله رح اروح اشوفهم ..
...رحت امشي على كيف وصلت لغرفة رسل فتحت الباب وطبيت شفتها كاعده عالجربايه وبيدها الموبايل تباوع بي ومتيم يلعب بسياره لعبه بالكاع...
...سالي ..كعدت يمها عالجربايه شافتني طفت الموبايل وكالت ..
...رسل ..ليش گمتي من فراشج جان صحتيني اني اجيج ..
...سالي ..لا اني اريد اتحرك شويه مليت من الفراش ..
...رسل ..براحتج ..
..سالي ..شلونج انتي شكو ماكو ..
..رسل ..زينه دااقره وملتهيه بالدراسه هاي السنه سادس يعني يرادله تعب شويه ههههه
...سالي ..الله يوفقج يارب انتي مينخاف عليج شاطره ومعتمده على نفسج بكلشي .
..رسل ..اي هذه الحجي الحلو .. مو حجي حاتم يهبط المعنويات ههههه ..
...سالي ..ليش شبي حاتم شيگول ؟
...رسل ..كله يصيحلي رسوله ويكول انتي سباعيه وشطوره عبالك الي كاعده كدامه طفله عمرها خمس سنوات .. ولا عبالك عمري 17 سنه ..
... ضحكت وكلتلها ..
...سالي ..هههههه مو هوه يشوفج زغيره بعدج لان فرق العمر بينج وبينه هواي يشوفج زغيره .. عادي لتضوجين منه ..
...رسل ..وإذا اكو فرق عمر مو هواي ناس اكو فرق عمر بيناتهم وهمه عايشين عيشه حلوه ..
..سالي ..من حجت هيج عرفت بعدها تفكر بحاتم ومانسته .. باوعت عليها بنضره جديه وحجيت وياهه ..
...سالي ..وانتي شعليج بحاتم حتلو جان اكبر منج ب50 سنه مو اتفقنه ننسه هذه الموضوع ونعوفه لولا ..؟
...صارت تحجي بتوتر وعينها بالكاع وكالت ..
...رسل ..ها ..اي عايفه الموضوع بس اني احجي بشكل عام مااقصد شي يعني ..
...مديت ايدي لزمت وجهها ورفعت راسها وحجيت وياهه ..
...سالي ..رسل حاتم ميفيدج انسي اني اخاف عليج ماريدج تتعلقين بسراب .. لتنطين امل لنفسج أنه حاتم الج بيوم من الايام لان هذه الشي ميتحقق .. التهي بدراسج وبس ..
...باوعت عليه وعيونها لمعت بيها دمعه وكالت ..
...رسل ..هوه جان عنده امل تصيرين اله لان عباله غمار مات . بس هسه اكيد ايس منج ورح ينساج ...بلكي يكوم يحبني .. سالي الله يخليج ساعديني .
والله وروح بابه حاولت انساه ولهيت نفسي بالدراسه وماكدرت مااكدر انساه والله صعبه.. شسوي موبيدي ..
..جريت نفس وهمست بنفاذ صبر ..
...سالي ..استغفر الله العظيم .. وتالي وياج شلون مو شلعتي گلبي ..
...مدت أيدها وصارت تمسح دموعها الي نزلت على خدها وكالت ..
...رسل ..انسي الموضوع اني مدري شبيه اليوم كمت افكر بشغلات قديمه .. يله رح اروح اساعد مامه بالغده واجي ..
...حجت وياي وعافتني وراحت ..
...سالي.. خلصنه الغده وأخذت علاجي والابره مالتي... مامه نومت متيم يمها ورسل تغسل المواعين .
واني مددت عالجربايه حسيت صار عندي وجع لان هواي تحركت اليوم ..
...وره شويه اجتني رسل وطلبت منها تحضر ملابس حلوه لمتيم وتبدل ملابسه من يكعد من النوم حتى غمار يجي يشوفه .
...وصار العصر كمت بدلت ملابسي وماادري ليش باقيه بلاسود ليهسه ماانزعه لبست نفنوف اسود ومشطت شعري وحطيت شال على راسي وحطيت عطر وطلعت للصاله
ورسل بدلت ملابس متيم وجابته يمي اني ومامه كاعدين نسولف وجان .. يندك الجرس مال بيتنه راحت رسل تفتح الباب واسمعها تسلم على غمار .
. من سمعت صوته حسيت گلبي كام يدك بسرعه .. طب علينه للصاله سلم علينه وكال ..
...غمار ..السلام عليكم .. صار يسلم على مامه وباوع عليه وسلم عليه.. وباوع على متيم جان كاعد بالكاع يلعب بملاعيبه مطشره بالكاع
.. راح عليه وشاله من الكاع بحضنه وصار يبوس بي من كل مكان بوجهه حتى من حلگه باسه
وضم راسه لصدره وصار يشتم بي بلهفه واشتياق .. وبقه حاضنه هواي ..
ومتيم بس يباوع عليه متفاجأ من تصرفات غمار وياه ..
...باوع غمار بوجه متيم وصار يحجي وياه وعيونه دمعت بس حلگه يضحك وكال ..
...غمار ..بابا .. تعرفني اني منو ؟
...متيم ...اداا (دادا) ..
...غمار ..اني بابه حبيبي كول بابه بااابه كول يله گول باااابه ..
...متيم ..ابااا ابااا (بابه)
...حضنه بكل قوته وصار يبوس بي بخده وحلگه وراسه وكال ..
...غمار ..يبووو راحلك فدوه ابوك اروحلك فدوه حبيبي بابه .
...سالي ..اني اباوع عليهم وابجي من المنضر ومامه شافتهم هيج عافتهم وطلعت من الصاله بقينه بس اني وغمار ومتيم
.. تقرب كعد يمي غمار وهوه حاط متيم بحضنه وكال ..
..غمار ..لوتدرين شنو احساسي هسه .. مااعرف شلون اوصفه احس نفسي ملكت الدنيا كلها اكثر انسان محضوض بالدنيا هوه اني والله .
...سالي ...منزله عيني ودموعي تصب واحجي وياه وكلتله ..
...سالي ..حقك .. انته لان جنت محروم منه هيج ملهوف عليه ... بس بعد لتعوفه ابقه وياه لان هوه محتاجك ..
...دااحجي وجان احس ايد اندمت على خدي .. صار يمسح دموعي وحجى بهمس ..
...غمار ... اني الي محتاجه موهوه .. محتاجه ومحتاج امه وبدونكم مااسوه شي .
. بس لو تحنين عليه وتسامحيني مخطط لحياة كلش حلوه اليه والج ولابننا
.. والله نعيش احلى عيشه بس عوفي الزعل والدموع وخلينه نبلش حياتنا من جديد ..
...دفعت ايده بيدي وكمت من يمه وكلتله ..
...سالي ..اني رح اروح لغرفتي تعبانه عمليتي توجعني انته اخذ راحتك وابقه هنا عالعشه اتعشه ويه متيم ...
...قرب متيم من وجهه وباسه بخده ونزله من حضنه حطه بالكاع وكام وكف وكال ..
...غمار ..لا اني رايح هم يالله ..اروح احضر نفسي ورايه سفر باجر ..بس اجيت اشوفكم قبل مااروح ..
...سالي ..منزله عيني للكاع واحجي وياه ..
...سالي ..ها ..تروح وترجع بالسلامه الله وياك ..
...تقرب مشى خطوه باتجاهي وحجى بهمس وكال ..
...غمار ..زين ارفعي راسج خلاشوف عيونج قبل مااروح ... مشتاق للسما ..
...سالي...السما بره مو يمي .. عفته داامشي اريد اطلع وجان يجرني من ايدي بسرعه وانضرب جسمي بصدره وحضنني باثنين ايديه حيل وجر نفس قوي يشتم عطري بي وكال ..
...غمار ..بعدج تحطين نفس العطر مالتج القديم ..اني مو گلت هذه العطر متحطين منه بعد.؟
...حجيت وياه بصوت يرجف وكلتله ..
..سالي ..غمار ..وخر عوفني هسه تجي مامه عيب ..
...بقه حاضنني وكال ..
...غمار ..تره والكاظم وال12 أمام زوجتي ممسوي جريمه ولا حرام ياناااس ..
... سالي .. دفعته بيدي حيل ووخرت من يمه تراجعت خطوات للخلف استجمعت شجاعتي وكلتله بنتره...
...سالي ..بعد ممنوع تتقرب مني افتهمت لولا .. مو عبالك تشوف متيم معناهه كل المشاكل انحلت ..
...وعفته وطلعت من الصاله طبيت لغرفتي واني دكات گلبي تتسارع ..
ماادري شصارلي فرحت لان حضنني اول مره اشتم عطره صارلي هوااي ماشامه عطره بس بنفس الوقت اكو معركه بداخلي ..
جزء مني يحبه ويريده ومشتاقله ..وجزء زعلان منه وميريد يتقرب منه وماادري شسوي ...
....خلصت اليومين وغمار سافر لتركيا طبعا كل يوم يخابرني الصبح وبليل واني ماارد عليه ابد .. يرجع يدزلي رساله بتفاصيل يومه واخباره .. ويكول..
...غمار ..شلونج عمري ..ضل بالي يمج ليش ماكو رد شلون صرتي أخذتي العلاج مالتج عندج وجع لولا .
...ميخالف اتحمل خبالج لما ارجع لبغداد شسوي ..
..اليوم رحت للكليه وسحبت اوراقي أجلت دراستي للسنه الجايه يعني تركت هاي السنه وبقه بس اسلم مفتاح الشقه الي ساكن بيها لصاحبها وارجع
..باجر أن شاء الله راجع لبغداد .. مشتاقلج كوومه ومشتاق لمتيمي .. دزيلي صورته عود .. اريد اشوفه . باي ..
...سالي... قريت رسالته ودزيتله صورة متيم .. وطفيت الموبايل ...
...خلصت وقتي كله ويه متيم لو يجون عليه خطار يسلمون عليه لو ويه مامه ورسل
..ورجع غمار من تركيا وخابرني وكال بس يرتاح وباجر يجي عليه يريد هوه ياخذني للمضمد حتى ارفع الخيط مال العمليه ...بس ماگال رح يجي الصبح ..
...سالي ..اليوم اليه عشر ايام من سويت العمليه ولازم اروح اشيل الخيط ..
كعدت الصبح بدلت ملابسي وحضرت نفسي حتى نطلع اني ومامه ..
سالي ..طلعت من الغرفه رحت للصاله جان اشوف غمار كاعد بالصاله بقيت مصدومه واباوع لرسل واهز براسي الها واحجي وياهه بهمس ..
...سالي ..شوكت اجه غمار شو ماادري بي عبالي العصر يجي ..؟!
..رسل ..هسه اجه يكول يريد ياخذج للمضمد حتى ترفعين الخيط ..يله اني اروح يم متيم خاف يبجي ..
...سالي ..دااحجي ويه رسل وأشوف غمار كاعد وحاط ايده على خده والايد الثانيه مچتفها ويباوع عليه ..
..كام وكف وكال ..
...غمار ..شلونج سالي الحمدلله على سلامتج شوكت رجعتي من تركيا ..حجاهه يبسمر اليه ..لان ماسلمت عليه ..
...باوعت للكاع وكلتله..
...سالي ..الحمدلله على السلامه شلونك ..
...باوع عليه من فوك ليجوه يتفحص شكلي وكال ..
...غمار .. الله يسلمج ماخليتيها لباجر بعد وكت ..وليش بعدج لابسه الاسود شوكت تنزعي ؟
...سالي ..حجيت وياه واني اقطع بالكلمات وكلتله ..
...سالي ..مي..خصك..لاتدخل ...بشي..ميع..نيييك... افتهمت لولا ويله اطلع منا روح ماريد اشوف وجهك يله ..
...جان لابس شفقه براسه نزعها وصار يمرد بيها بيده ويعض شفته الجوه بعصبية بحيث طبگها حيل صارت بكد چف ايده وخزرني بعيونه وكال بعصبيه ..
...غمار ..امشي كدامي بليه حجي زايد بسرعه يله كدامي لا والكاظم اتصرف وياج تصرف ميعجبج لحد الآن ساكتلج اكول خطيه مريضه امشييي ..
...سالي ...ابتسمت بوجهه بكل برود ورحت امشي كدامه وكعدت عالقنفه وكلتله..
...سالي ..ماريد اطلع وياك روح لبيتك ..هسه حاتم يجي ياخذني للمضمد...
...عدل الشفقه ورجع لبسها براسه وكال ..
...غمار..سالي ..لو اني اخذج للمضمد لو متطلعين من البيت مفهوم لولا ..
وممنوع اسمع بيج طالعه ويه حاتم ممنوع منعاً باتاً . تره اجرم بيج والخلقج ..
...سالي ..كمت وكفت كدامه اسويله بيدي حركه يعني اطلع بره واحرك اصابعي كدامه .. وكلتله..
...سالي ..لابله شو عناد بيك اطلع ويه حاتم ويله روح منا روح ماريد اشوف وجهك اطلع ..
...خزرني بعيونه بنضره جديه وصار يتقرب مني وعاض على شفته الجوه بعصبية وكال ..
...غمار... هاي منوو اليروح ولج مو الزمج افنيچ هسه احترمي لتخليني أمد ايدي عليج ..
...دفعته بيدي وكلتله ..
..سالي ..دوخر عني وخر مسوي نفسك طرزان ..
...درت وجهي اريد اكعد جان احس نفسي انسحبت بجره قويه من ايدي حسيت ايدي انخلعت جرني وهوه لازم ايدي من اصابعي بقوه وقرب اصابعي على حلگه وخزرني بعيونه وكال ..
...غمار ..مو هسه اكسر اصابعج ..كلت لتسوين هاي الحركه عيب احترمي شنو كدامج طفل زعطوط وهيج تعامليني .
...حجه وقرب اصابعي يم حلگه يريد يعضهن شفته صار عصبي صدك كلتله..
...سالي .. لا. غمار حباب لا اتشاقه وياك لتعضني حباب لااا ..
... نفض ايدي وكال ..
...غمار... يله كدامي اطلعي للسياره بسرعه ..
...سالي ..مشيت كدامه واني احجي بهمس ..
...سالي....هيه غصب خوما غصب ماريد اطلع وياك ...
..دااحجي وجان يصيح بصوت وكال ..
...غمار ...شو تدردمين احجي بصوت عالي سمعيني ..
...سالي ..ماكو شي هيج ..
...عفته وطلعت للسياره شفت سيارته القديمه نفسها بره باوعت عليه وكلتله ..
...سالي ..شنو هاي سيارتك بعدها عندك وين جانت ..؟!
...اشرلي بيده يعني اصعدي وهوه راح للصفحه الثانيه صعد وشغل السياره حركها وكال ..
...غمار ..سيارتي موجوده وين تروح يعني غير ابيت اهلي ..
...سالي ..ماعبالي بعدها عبالي انباعت ..
...باوع عليه وضحك وكال ..
...غمار ..ههههه قصدج تقسمت ورث عبالج باعتبار اني ميت جنت ..؟
...باوعت للشارع وجريت حسره قويه وكلتله .
...سالي ..لتضحك غمار تره مو نكته هيه ...انته متدري شصار بيه بالسنتين الراحت ..
...مد ايده عليه لزم ايدي وقربها من حلگه وباسها وكال .
...غمار ..ادري ..اعرف جانت ايام صعبه عليج ..وادري اخويه وابن عمي تآمروا عليه وعليج ولعبوا لعبه قذره علينه
..واعرف اني غلطت من سمعت كلامهم وانجرفت ويه عواطفي بعصبيه وتسرع وضلمتج .
... بس اني احبج بعدني واموت عليج واريد نرجع مثل قبل والله مشتاقلج كوومه شوكت تسامحيني وترجعين اليه ها شوكت ؟
...باوعت عليه وكلتله ..
...سالي ..براسي هواي اسأله يحتاجلها جواب اريدك تجاوبني عليهن...
...غمار ..وتسامحيني ..؟
...سالي ..ماادري .. بس الي اعرفه اريد جواب على اسألتي ..
...غمار ..اسألي ..
...سالي ..وتجاوبني بصراحه ومتضم عليه شي ؟
...غمار ..بصراحه ومااضم عليج شي ..
...سالي ..ليش طلگتني ؟ شسويت اني حته هيج كرهتني كل هذه الكره وطلگتني ؟
..مشه بالسياره وسفطها على صفحه يم الرصيف ووكف وطفاهه .. وحط راسه عالسكان مال سياره ورفع رأسه وباوعلي وكال ..
...غمار... كالولي انتي عندج علاقه بحاتم ابن خالج وتحبي ويحبج من جنتوا زغار ويريدج للزواج ..وبس اطلگج تروحيله .
...سالي ..نزلت دمعتي وكمت اشهگ وكلتله ..
...سالي .. وانته صدگتهم ؟ صدگت الحجي مالهم وحكمت عليه ونفذت الحكم وطلگتني بدون متخليني ابرر موقفي ولا ادافع عن نفسي ؟ شلون هيج تسوي بيه شلون غمااار شلوون ..؟!!
...نزل عينه وكال..
...غمار ..اعترف اني غلطان لان ماسمعت منج وسمعت بس منهم واعترف اني ضلمتج اني ماانكر غلطي اني غلطان من السما للكاع
. بس صلحت غلطي ورجعتج على ذمتي وره ايام .. والله ..
...سالي ..بعديش ..بعد ماكسرتني ..بعد ماعشت سنتين من تأنيب الضمير .
. انته تدري اني جنت الليل ماانامه من الكوابيس والأحلام المزعجه ..من كالولي غمار مات حسيت روحي طلعت من صدري جنت اكول غمار مات وهوه زعلان مني ماكدرت اخلي يسامحني..
جنت اكول اني ضلمت غمار وزعلته مني ...
...سالي ..صرخت بوجهه وكلتله ..
...سالي ..ماجنت اعرف بغمااارر عايش بالخارج ويدرس وعايش حياته واني هناا كل يوم اموت الف مره من القههررر
... هسه شنو تريد اسامحك ..هسه صررت اكرهك اكثرر من قبل ومااطيقك.
...سالي ..من كمت اعيط هوه بسرعه رفع الجامه مال سياره وقفلها وكال ..
...غمار... بدون صياح احنه بالشارع يمعوده..
...سالي ..امسح بدموعي واشهك وكلتله ..
...سالي ..غمار. .رجعني للبيت ..
...غمار ..مو حجيتي وسمعتج هسه اسمعيني ..
...سالي ..ماريد اسمع شي عوفني ..
...غمار ..مو بكيفج لازم تسمعيني ..شتردين اسوي ..هااا؟
رجال يكولوله مرتك تحب واحد غيرك وهوه كل يوم ينام يمها بفراش واحد وغرفه وحده وبعدين يكتشف تحب أحد غيره شيسوي مثلا ؟..تره ماكو رجال يتحمل هيج شي ..
...سالي ..بس اكو رجال يحجي ويه مرته ويسألها ويتأكد يله يحكم عليها ..وانته حكمت عليه بدون دليل ..
...صرخ بوجهي وكال .
...غمار ..وانيي دااكووول ياامة الاسلااام انيي غلطااان اني اعترررف غلطت بحقج ودااطلب مننج السمااح شتردين اسوي انزل على رجلج ابوووسهااا حتى ترررضييين...
...حطيت ايدي على آذاني وغمضت عيني وصرت ابجي واشهك وكلتله..
...سالي ..غمار ..لتصييح لتصييح كااافي ..
...مد ايده اخذ ايدي الثنين ولزم راسي ضمه لصدره وكال ..
...غمار ..اني اسف حبيبتي صرت عصبي .. هسه عوفي البجي كافي غير بالبيت نحجي حتى نقاشنه مومثل الناس بالشارع نتناقش .
...وخرت راسي من صدره وباوعت عليه وكلتله ..
...سالي ..نقاش؟؟ هذه نقاش لو عركه ؟
...لزم وجهي بيده الثنين منا ومنا وگام يمسح دموعي وضحك وكال ..
...غمار .هههههههه .عركة حبايب غير احبج حتلو نتعارك الف عركه هم ابقه احبج ..
...سالي ..جذاب بعد مااصدك بيك ..
...غمار ..اني اخليج تصدكيني بس موهسه لان هسه احنه بالشارع ولو الدنيا ضهر والشارع فارغ بس هم اخاف ننشاف ..
...ميلت راسي وكلتله..
...سالي ..شنو شلون تخليني اصدك مافهمت ؟
...قرب اصبعه السبابه على حلگي ورجع حطه على حلگه وكال ..
...غمار ..هنا تسكن العبرات ..لوما بالشارع الا اشلعهن .. بس بيج بخت احنه بالشارع ..
...سالي ..خزرته بعيوني وشهكت وكلتله...
...سالي ..عززه غماارر عيب شنو هاي ..يله امشي وديني للمضمد خلاخلص من الخيط ضجت منه ورجعني للبيت اتأخرت ..
...ضحك وشغل السياره حركها ومشى ..
...سالي ..وصلنه كدام عياده مال دكتوره وكف السياره وكال.
...غمار ..اوكفي حياتي هاج ..
...سالي ..شنو ..؟
...مد ايده فتح العلبه مال سياره طلع منها كمامه بيضه وكال ..
..غمار ..البسي الكمامه وانزلي للعياده طبي للدكتوره وانطيها هذه الكارت رقمج 2 يعني كدامج بس مريضه وحده خلي ترفعلج الخيط واني انتضرج هنا .
....سالي ..ليش كمامه وليش الا عياده غير مضمد وشوكت حجزت عند الدكتوره ؟؟
...غمار ..الكمامه ..لان ميقبلون يدخلون المرضى بسبب الوباء مال كورونا ..لازم كمامه وچفوف يله .
والحجز ..اني قبل مااجي عليج حجزت عالرقم مال الدكتوره .. اتصلت وحجزت ..
...سالي ..عبالي رايحين للمضمد ..
...غمار ..لا شنو مضمد .. وهيج اني اخلي رجال يطلع بطنج ويشوفها شبيه تخبلت ..
...سالي ..شراح يسوي هوه بس يرفع الخيط ..
...غمار ..حتلو ..ولا يرفع ولا ينزل ..هاي دكتوره وهيه تتصرف يله روحي اني انتضرج هنا .
...سالي ..مو بعد وكت الدكتوره هسه جايه لولا ..؟
...غمار ..ساعه 3 ونص هسه وهمه كالوا ب3 تجي .. طبي شوفيها وإذا بعدها تعاي عود ..
...سالي ..نزلت طبيت للعياده سالت عالدكتوره كالوا جايه ويمها مريضه بقيت انتضرها وطبيت وراهه رفعتلي الخيط وعقمت مكان العمليه وطلعت ..
...سالي..طلعت شفت غمار حاط راسه عالسكان مال سياره وصلت يم السياره مد ايده فتحلي باب السياره وصعدت حرك السياره ومشى وكال ..
...غمار ..ها خلصت رفعت الخيط .؟
...سالي ..ايي واخيرا خلصت منه جان مقييد حركتي ..
...غمار ..الحمدلله على سلامتج عمري أن شاء الله تنذكر وماتنعاد .
...سالي ..الله يسلمك .
...يسوق بالسياره وعينه عالطريق ويحجي وكال .
..غمار ..سالي ؟
...سالي ..همم ..
...غمار... شوكت يخلص العقاب مالتي ..؟
...سالي ..غمار هم رح تفتح الموضوع ونتعارك ..كافي الله يخليك ماريد ابجي ..
...غمار ..ماريدج تبجين اريدج ترجعيلي ..حبابه كافي والله مشتاقلج كوومه
. اريد اروح اشتري بيت النه واريدج تجين وياي نختاره سويه على ذوقج شتگولين ؟
...من كال بيت تفاجأة وكلتله..
...سالي ..بيت ؟ يابيت هذه شتسوي بي ؟
...غمار ..مو كلتلج اني مخطط لحياة كلش حلوه النه ولمتيم..
اني اخذت حصتي من ورث ابويه من منقذ ..ورح اشتري بيت النه وهاي سيارتي مسجله باسمي .
. يبقه عندي مبلغ على صفحه .. اشغله بمشروع وادور تعيين حتلو بشركه اهليه . اشتغل ومااخليكم تحتاجون لأحد ابد والله ..
...سالي ..لحظه اوكف ..شوكت اخذت حصتك ..شنو يعني رح تعيش بيت وحدك مترجع لبيت اهلك ؟
...غمار ..اني اصلا من رجعت من تركيا ليهسه ساكن بالفندق ماطبيت لذاك البيت بس مره وحده مدري مرتين ..ومااطبله بعد .
...سالي ..زين ليش فهمني ؟
...حجي بنتره وعصبيه وكال ..
...غمار ..هوه شنو ليش ؟ شلون اعيش بذاك البيت واني اعرف اخويه يحب زوجتي ..شنو مگرن اني خوما مگرن ..؟ هاي شبيج سالي ..؟
...سالي ..لا موهيج قصدي والله بس ....
..غمار ..لا بس ولا شي ذاك البيت لا اني ولا انتي نطبله بعد بس اروح اشوف امي شكم ساعه وأسلم عليها وارجع وانتي تروحين بس من يكون منقذ مسافر لو طالع .. وبس ..
...سالي ..اوكي ..
...غمار ..هسه شنو تجين وياي نشتري البيت لولا ..؟
...سالي ..شنو محضر البيت موجود يعني لو تدور اول مره. ؟
...غمار ..وصيت الدلال يشوفلي كم بيت بالمنطقه .. نروح ونشوف ..
...سالي ..باوعت للشارع وكلتله..
...سالي ..روح وحدك ..اني ماريد ومااجي وياك ..
...غمار ..كافي زعل سالي شبيج مو اعتذرت الف مره شتردين اسوي بعد ...وكلت رح اعوضج كافي ..
...سالي ..بعدني مقهوره غمار ..ماادري احس گلبي مقهور مهضومه منك حيل ..
...غمار ..بس ارجعيلي واني انسيج كل الزعل والله ..جربيني شخسرانه...
...سالي ..الله كريم هسه وصلني للبيت عود بعدين نتفاهم ..
...غمار ..تره مو عبالج اعوفج ..تره الدراسه وتركتها هاي السنه وشغل ماعندي بعدني يعني عطال بطال ليل ونهار فارغ
..وين متروحين اروح وياج رح انصب خيمه اباب اهلج واكعد لحد مترجعيلي ..
...سالي ..هههههههه كل عقلك تحجي شبيك ..؟
...غمار ..والكاظم .. اكعدلج عالدرب كعده الا تسامحيني يله ..
...سالي ...وإذا ماسامحتك شتسوي ..؟
..حط ايده على حلگه وكال..
...غمار .اوكفي اكو اغنيه ذاك اليوم سمعتها مدري شنو جانت .
. تكول يمكن ...اكعدلج عالدرب كعود أو هيج شي ...؟ ياحلوه ام عيون السود ..
....سالي ..ههههههه ...اكعدلج عالدرب كعود حلوه ياام عيون السود واصعد واكطعلج عنگود وورده من البستاني..
...غمار ..اييي هيه هاي صح هيه ...
...سالي ..شبيها ؟
...غمار ..هيه تنطبق عليه ..اكعدلج عالدرب كعود منا وهيج ... لن تفروا منا .. إما الموت أو الشهاده ..
...سالي .. هههههههههه خرب أنه يمه بطني ..غمار شبيك اليوم تحجي خبط ..
...غمار ..هههههههه هوه بقه براسي عقل من وراج ..
...سالي ..يله ..وصلنه للبيت ...انزل ..
..غمار ..لا مااكدر روحي هسه عندي شغل ..
...سالي ..ليش ياشغل..
...غمار... موكلت دااحضر لبيتنا الجديد ياعمري شنو نسيتي . ؟
...سالي .. اممم يعني متنزل تشوف متيم ...؟
...غمار ..اي انزل اشوفه متيمي صدك جذب ..
.......
....سالي ..نزل غمار شاف متيم ولعب وياه شويه وراح ..
...اني كمت انضف البيت من فرحتي لان شلت الخيط وخلصت من العمليه...
دااكنس الكاع وجان احس وجع بصدري قوي وعندي صداع براسي يريد ينفجر ..
...كلت هاي لان مانايمه وجنت بالسياره راسي مصدع خلاروح اسوي چاي واشرب ..
......................
.....يتبع ♥️
#زهراء_الطائي
...
تصويت وتعليق وتعليق بين الفقرات حبايبي اريدكم تتفاعلون وصلوني 400 تعليق تكدرون 🤭