شَاهَيَنَةٍُةٍُ نَذرَ ۦٰ ͢˓الَحَوًّاافَيَ🕊 - ⁽💜
..البارت 33..
elma-98
..“ليس بالضرورةِ أن تكونَ الأشياءُ العميقةُ معقّدة. وليس بالضرورة أن تكون الأشياء البسيطة ساذجة. إنَّ الانحيازَ الفنّي الحقيقي هو: كيف يستطيع الإنسان أن يقول الشيء العميق ببساطة."
..
فجأة تعرف عندك اخ ومو صغير عمر كامل فايت منكم
لعبكم سوا عركم هوستكم من تعصبون احد تشترون سوا نجاحكم
وفشلكمم كل هااي فجأة تعرفون هي موجودة بواحد انتوا اصلاً
متدرون بوجوده لو مايشتغل حارس يم عمكم المختفي
وماأله وجود بحياتكم ..فجأة بكلمة غير حياتكم !
رفع عيونه هلال ..
هلال : وابن اخوك تخلي حارس عندك
جلال : ابن اخوك !
بابا : مو حارس فراس اكثر من هيج الي
جيهان : شلك بيهاا هااي؟ ..شابعين منهن معدتنا متروسة
رحمة الله والديك ابن جدي اكثر من هيج الك استغفرالله العظيم
لا ونوب حجاها عادي "فراس اخوكم" ..يالله
شلوون وليش بَس هاي فسرها الي ..ضربت وجها وطلعت
جلال باوع الابوية بنظرات مليانة حقد وبغض ولحكها
بابا : هلال كول العندك مقدر وضعكم
هلال : معندي شي الك ..مشكور ع اقل بفضلك عرفنا والا
ضاع هيج من عدنا اخو ثاني ماألومك مو خطئك هذا ذنب ابوي
وانتَ وصي ؏ هالذنب ..المشكلة ان الذنب اثمر وصار شخص
ياكل ويشرب ودمه بدمي حرام عليه اسمي ذنب .. وهو اخوي
..ذب حسرة ..الحمد لله ..من رخصتكم
عليا : اخذ ماي ارتاح ابني مايصير هيج
هلال : مشكورة خالة ..هز راسه وطلع وراهم
نهض بابا بعصبية شمر الفون ونكسر..
بابا : استغفرالله ربيي
شاهينة : بابا اهدأ
بابا : إذا عندج شي كووولي يلااا
شاهينة : بابا انتَ شعليك مو ذنبك لازم يعرفون من زمان
الخطأ تأخرت
بابا : يعني هم رجع علييه الخطأ
شاهينة : مو هيج بابا ..انطيته كلاص ماي شمره وراح للغرفة
حطيت ايدي ؏ شعري بوجع "يارب بَس الصبر"
شاهينة : هسة همَ وين راحوا؟
عليا : كلهم نار لايصير بيهم شي
شاهينة : هلال يتحكم بأعصابه جلال المندفع ..بس شلون
متصير .. ماأگدر اتصل عليهم وجيهان مزيج مابينهم ، فراس
عندج رقمه؟
عليا : هذا ..اخذي
اخذت الرقم ..اتصلت عليه مرة مرتين 5 مايرد
شاهينة : جؤ مايرد ..وين يرحوون؟
عليا : اهدأي انتِ هم ماما مايصير منا ابوج ومنا انتِ
شاهينة : ولد عمي ماما شلون ماأعرف عنهم شي
عليا : تقبلتي الموضوع الظاهر
شاهينة : مايفيد انتظاري اتقبله وبالتالي النتيجة الندم
عليا : وهمَ كذلك لا أرادياً تقبلوا والهمهم شلون ابوج مشغله
حارس ومستصغره
شاهينة : إذا يعرف هو ابن اخوو حقهممم حييل حقهم
عليا : ناره كافيته ابوج لاتصيرين ضده حاول بكل الطرق يقربه
منه ويفهمه هو ابن جمال ..
شاهينة : فراس هم من جديد عرف؟
عليا : مع الاسف الله يرحمك جمال شلعبت بيهم
شاهينة : إياكم هيج تسوون بيه اتبرا منكم
عليا بأبتسامة باهتة : عود من تصير تبري
.. رجعت اتصلت ع فِراس
اجه صوت مشحرج : الو
شاهينة : فراس اني شاهينة وين انتَ؟
فراس : هلا ست .. لاتقلقون بخير
شاهينة : فراس عليك الله تعال بس صير كدام عيني ع اقل
فراس : مرجعي اول وتالي يمكم
شاهينة : اكيد ، ننتظرك
فراس : أن شاءالله
.. سده نقهرت عليه غمضت عيوني نزلت دمعتي
شاهينة : ماما شوفي بابا
عليا : هسة يحرك نفسه ويحركني مايقبل ..ها؟
شاهينة : كال حيجي
عليا : أن شاءالله
شاهينة : اني رايحة اشوفه
عليا : لا ابقي ، هسة اروحله ..راحت ماما بتردد
بقى بالي مابين جلال واخوته وابوي وامي وفراس اوووف ..
نعست من مفعول العلاج رحت الغرفتي ..حضنت المخدة وحاولت
انام سمعت صوت الباب نفتح خفت تذكرت "سالم "
بلعت ريگي غمضت عيوني ..سمعت صوت نفس
حسيت نفسي بخطر ..كوه باوعت للمرايا شفت "بابا" للحظة
حسيته متلبس بأخوو الخوف لزمني كلبي مثل طبول الحرب مرتعد
صوت دگاتہ صوت انفجار يدوي بكل مسمع ..ترجم خوفي ؏ شكل رجفة بجسمي .. لزم فخذ رجلي وضغط عليه احس نفسي وكف
متحملت فزييت بعياااط ..استوعبت كلشي حلم
شاهينة : كاااافي الخاطر محمد كااافي عقلي تعب
..نفتح الباب ودخل ابوية
جلال : خير سماي بابا شبيج ؟؟
... غطييت نفسي باوعتله بنظرات مليانة خوف وحقد
قبل لا يتقرب ركضت للحمام
ندك الباب
جلال : خير شبيج سماي
شاهينة : استغفرالله استغفرالله استغفرالله هذا هذا ابوي مو
اخو ..هذا الرجال الطلعت من ظهره ميأذي عرضه ..
جلال : شاهينة بنيتي بابا
شاهينة : ايي بابا بس اريد اسبح
جلال : تردين امج؟
شاهينة : لا لا ميحتاج هسة اطلع
جلال : ان شاءالله بابا ..ديربالج
...اختفى صوته حضنت نفسي فتحت البوري وبدا عذابي
الجسدي لنفسي من دون ادراك مني ..ماحسيت بعد بشي يخصني .
فزيت عيوني توجعني .. باوعت للسكف بنظرة باهتة
درت عيوني ؏ كل مكان اجت ؏ ماما الحاضنه ايدي وتمسح عليها
عليا : ماما حبيبتي شبيج
صوتي مشحرج : مبيه شي ..بس راسي
عليا : استغفرالله .. وكفتي كلبي عليج
شاهينة ..رفعت راسي يوجعني : ماما راسي يوجعني اريد انام
عليا : ميصير ياماما كومي اكلي شوكت تبطلين اهمالج لنفسج لو ما جلال يجي يكولي عليج انتِ ميتة بالحمام ومنعرف بيج
شاهينة : اوك ..هسة ارجع انام
عليا : استغفرالله لج افهمي وين تردين توصلين بأذية نفسج؟
شاهينة : أذية ايش؟ ماما فدوووة عوفيني ابوس ايدج اريد انام وارتاح وبس
عليا : كومي اكلييي شيي ميجوز
شاهينة : مو جوعانة
عليا : زين لبسي
حطيت ايدي ؏ شعري صحت : فددوووة عوفيني عوفيني
مختنگه يمههه افهميني ماأگدر اسوي شي اريد انام ابقى
وحدي
عليا : افهمج بنوتي حبيبتي .. بس مايصير إذا اعوفج تأذين
نفسج ثاني
شاهينة : مابيه شي اذية ايش؟ ليش متثقين بيه
داأگول مابييييه شي
عليا : وجسمج لج ..هذا كله خدوش الي مسويتها وتسألين
... رفعت الغطا عني العرك والحر محاوطيني رغم من صوت
السبلت المشتغل ..كمت من الفراش وهي تصيح وتلح
رجفة جسمي متعيني يالله .. فتحت باب البالكون
عليا : لج ماما شوفي جسمج شلون يرجف سعفة تمشي
شاهينة : اوك تمام
عليا : لبسي شي يدفيج بس بالبرنص تموتين
سحبتني من البالكون ..احس ايدها نار عليه دفعتها بسرعة
شاهينة : لا تلزميينييي لاتتقربين عليه
عليا : جنيتي ؟ شبيج ماما
شاهينة : ثقي بيييه والله مبيه بس عوفيني ارتاااح
عليا : تمام ..غيري ملابسج اول واعوفج
شاهينة : اوك بس هديني
بعدت عني والخوف مبين عليها ..نطتني دشداشة
شاهينة : طلعي ابدل
عليا : ماما اني اللبستج هسة تستحين تبدليين كداامي
شاهينة : اطلعععععييي افهمميني الخاطر الله افهمي
.. هزت راسها بدموع وسدت الباب شمرت البرنص ولبست
خيال والأفكار متتركني احس عايش وياي هاجس مقيم بروحي
كلشي غصب عني حتى معاملتي النفسي واهلي ماأريد هيج شي
ماأريييد اريد يفهموني يثقون بيه وبس .
نفتح الباب طب بابا ..رجفت ورجعت لورا وجه سالم وشبه
الملامح الي بينهم واكف بوجهي
شاهينة : عوفننني عليييك الله عوفني
جلال : شبيج بابا بس خل افهم منج ..شي شهالرجفة سماي حبي
نزلت دموعي : عليييك الله بس اطلع
جلال : زين تمام ..
تنفست ونفسي يزيد والخوف وي كل شمة هوا يصعد لأعماقي
محسيت الا قيدني بحضنه وشالني
صحت بأعلي صوتي
شاهينة : عووفنيي عليييك الله الخاطر محمد بنتك اني والله
اسوي الي تريدده بابا بس عوفني
جلال : اشش اسم الله بابا اسم الله .. عليا فتحي باب السيارة
ماتحمل اكثر تبقى هنا
عليا : وين لعد
جلال : اباوع البنتي تموووت اتصلي ع رجلها لا*** اخوته
وابوه العدل والميت
حسيت بيه من حطني بالسيارة وبس صوته وهو يسب
وماما تدعي الي اسمع بس ماأگدر انطي ردة فعل الخوف متحكم بيه
غبت عن العالم نهائياً صحيت عيوني مغوشة
والسكف الابيض من جديد بس هالمرة بالي خالي من الافكار تماماً
فراغ عظيييم براسيي
صوتي ماكو من الصياح تحمحمت واحاول احجي
شاهينة : با..بابا
درت وجهي المكان فارغ مشكل بأيدي مغذي وايدي صفرا وبيها
ندب حمر خراميش بزون عبالك ..
رفعتها ترجف حييل وبيها زراق ابرة واضح الاثر
نفتح الباب رفعت نظري للممرضة
الممرضة : الحمدالله ؏ سلامة
بصوت كوه طلع : الله يسلمج
الممرضة : اعتقد هسة كعدتي مصار زمان
..هزيت راسي ..حطت ايدها بجيب السكراب وسألت
الممرضة : تكدرين تجاوبيني بدل الاشارة
شاهينة : بلعومي يوجعني بالكوة اطلع الكلام
.. هزت راسها ودخلت دكتورة
الدكتورة : الحمدلله ..شلونج شاهينة؟
شاهينة : الحمدلله تمام
الدكتورة : شاهينة ..شدتحسين حالياً ؟
شاهينة : بالي فارغ صافي تمامًا ووجع بالمفاصل والم
ضربات الابر التارسة ايدي
الدكتورة : للأسف هذا الصار من صعب علينا وجود الوريد حتى
نحط المغذي
.. زين اي شي نفسي
شاهينة : ماأعرف او اعرف مدري..احس الصار قبل لا أنام
كلشي حلم وكعدت منه
الدكتورة : شنو الصار بالضبط؟
شاهينة : ماأگدر اشرح صوتي يأذيني من يطلع
الدكتورة : شلون الصوت يأذيي ؟.. قصدج الاحبال وال ..
قاطعتها شاهينة : حتى النفس يوجع من روحك تأذيك من الداخل
.. مو بس الصوت اليطلع
بالكوه ماألها دخل الأماكن اليصدر منها الشي ، أسألتج تطول دكتورة؟
دكتورة : للأسف لازم حتى اشخص حالتج
شاهينة : مابيه شي اني .. بس انام
الدكتورة : هواي نمتي ..
شاهينة : عاجبني انام اكثر
الدكتورة : راح اضطر اوجعج حتى تجاوبين
شاهينة : عادي ..
الدكتورة : طيب..شاهينة تعرفين كم نمتي أو تخمنين؟
شاهينة .. برطمت : مو بالي التخمين .. اعتقد عشر ساعات ،
بماأن تجاوزت كلشي وبالي صافي
الدكتورة : لا ، اقل 3 ساعات وبالمهدئ نمتيها
شاهينة : اوك
الدكتورة : اخر شي وعيتي عليه؟
شاهينة : بابا صعدني السيارة ويحجي وي ماما تتصل بجلال
حتى يجي يشوفني وظلام الباقي
الدكتورة : شنو المريتي بيه؟
شاهينة : مامريت بشي
الدكتورة : وانتفاضج ضد اهلج من لا شيء
شاهينة : نوعاً ما
الدكتورة : اوك ..اصيحهم الج
شاهينة : ميهم ، عادي
.. هزت راسها للممرضة شالت من ايدي المغذي وطلعن
تنفست براحة بالكوة تصنعت الإجابة الصحيحة حتى ارد عليها
حطيت ايدي ؏ جبهتي دايخة
..طب جلال عيونه حمر شعره هوسة ملابسه هوسة ..
قرب بهدوء وحذر دنك ع ايدي باسها ووخرها عن جبهتي
باس راسي ..
جلال : الحمدلله .. شاهينة حبيبي
شاهينة : نعم
جلال : مراح احجي وياج حالياً اي شي اوك؟
شاهينة : براحتك
هز راسه .. جلال : زين ، ولا راح اسأل
شاهينة : مثل متحب
جلال : اقصد انتظرج انتِ تحجيلي
شاهينة : جلال معندي شي
جلال : زين والصار
شاهينة : شصار؟
جلال : حالتج شاهينة حالتج اذيتي نفسج من جديد
شاهينة : حالتي مبيها شي
جلال : نكول هيج ، ليش اوقات تصدين عن اهلج ابوج خاصة
..انه ؟.. مو اول مرة هالحالة صارت قبل لانتزوج وهسة
شاهينة : المطلوب؟
جلال : استغفرالله ..شاهينة اسألج عنج حتى نشوفلج حل
مايصير هيج تبقين واهلج حايرين بيج وانه ..انتِ نايمة تدرين
جم فكرة بفكرة تخطر بال الواحد
شاهينة : لا ماأعرف لأن اني اصارع حتى وي نومي
جلال : الافضل اطلع مو زين عليج العصبية وصبري مو قابل للتحكم
شاهينة : افضل بهواي اطلع
..هز راسه ركع الباب وراه
شاهينة : ركعوا راسك بقنينة الغاز ان شاء الله الصوت بأذني
..
طلعت للبيت صعدت الغرفتي .. غيرت ملابسي
ندك الباب ..
شاهينة : فوت..
فاتت ماما بأيدها صينية الأكل
عليا : تاكلين العلاج مفعوله قوي ها بنوتي
شاهينة : تمام..
صرت اكل بهدوء تام وهي تلف اللفات اخذت العلاج وبدت الأسئلة
شاهينة : دخلي بصلب الموضوع ماما
عليا : ليش مكلتي عندج خفقان؟
شاهينة : مو بالي .. وانتوا مسألتوا
مسحت ؏ راسي ..عليا : تعالي اسرحلج شعرج
اخذت فرشة الشعر وكعدت تمشطلي بهدوء وهي تنصحني
عليا : تمشكلتي وي جلال
شاهينة : ديحملني فوك طاقتي
عليا : بس زوجج حقه يعرف كلشي عنج وانتِ متكتمة
شاهينة : ماما ماأريد منكم بس شي ثقوا بيه وبس ..
اني كلشي مابيه فترة اتعب عادي تصير مو شي جديد وجلال يعرف
بَس ديضغط عليه
عَليا : هو الي نطاني الأكل قبل لا يطلع من المشفى .. العرفه هو
مو شوية ومن جهة انتِ واخوته كلشي عليهم صعب قدري وضعه هم
شاهينة : ان شاءالله .. تلكيه جايب الأكل قبل لا نحجي
وكال حرامات ينذب .. مو حباً بيه
ضحكت ماما : هو هِيج .. غير يحبج
شاهينة : شابعة من الحب رحمة الله والديه
عَليا : بس اذكرج هذا جلال الي جنتي تجنين من الفرح بيوم
عرسكم شتغيير مو معقولة مشاعر طيش
شاهينة : ماتغيير شي جلال نفسه الي احبه
عليا : الله يحفظكم
شاهينة : شُكراً ماما
عليا : ماأضغط عليج زايد اعوفج تنامين
شاهينة : اوك
..طلعت وسدت الضوَ دخلت بعالم الأحلام بتأثير الدوا
......
نظر ..
واگفه بحيرتي افكر بكلام يقين "هل فعلاً اني السبب؟"
صرت ابرر لنفسي واحاول قدر الامكان ابرئها ..فزيت ؏ صوت هيثم
هيثم : ديربالكم اني رايح يم الدكتور
..لزم ايد خالة يطمنها
هيثم : كافي دموع خالتي اذا تردين فوتي شوفي
ناهد : كلبي ماينطيني
هيثم : اسم الله شبيه هو نايم عادي .. فوتي يلا
باوعلي ..هيثم : تفوتين؟
نظر : خل خالة تشوفه ولبعدين
هز راسه : هسة اجي ديربالج
نظر : اوك ..
راح وخالة هم راحت لغرفة ليث .. كاعدة لوحدي
سمعت رنين الفون مال هيثم .. ماكو اسم بَس رقم
.. كلت يجوز مو مهم رن مرة مرتين بالثالثة قلقني
سألت ؏ غرفة الدكتور ورحت للباب ردت ادكه منعني الكلام
كتمت الفون وتسمعت .. مطول هيثم وطلع
بلعت ريگي
هيثم : نظر شتسوين هنا؟
نظر : حجيي الدكتور صح ..فهمني
هيثم : هسة امشي واني افهمج ..
نظر : فونك هواي دك جبته الك
هيثم : مشكورة
نظر : العفو .. شاف الرقم حول السايلنت وباوعلي
هيثم : تفضلي امشي ..
نظر : ايي شنو فحوصاته ؟
هيثم : سواله فحوصات عامة الحمدلله نظيفة بَس ..
نظر : بَس شنو؟
هيثم : الغدة مشكلته .. عنده ضعف بالغدة الدرقية هي السببت
بضعف دگات الگلب لل36 وادت للاغماء
نظر : زين يعني ماألها دخل بهبوط الضغط وغير وغير
هيثم : بسبب رياضته العنيفة والنظام الغذائي اليتبعه بشكل
مؤذي وغير صحي نهائي متعودين يهبط ضغطه بس ميوصل
للاغماء ..كال منتظر ان تخربط هالمرة لأن مماكل نهائي ..يعني
الضغط
ماأله دخل ومو شي دائمي ليث أنسان هو يخلق المرض
النفسه
من خلال الانظمة المضرة وغريبة نوعاً ما ..
نظر : مفهمت ..يعني انظمة ايش؟
هيثم : مثلاً اللحم المهم للجسم بشكل كلش فعال
.. ياكله بس بالوجبات السريعة او مرة بالشهر مرات ياكله هيج
حسب طكات .. الافوكادو اوك هو من الأشياء المهمة للجسم
بس كلشي زاد عن حده نقلب ضده .. ليث وجباته ال3 سلطة
الافوكادو لازم موجود ياكله بكميات قوية.. يعني وانظمته مو مال
شخص رياضي صحي .. عنيف حيل مدري شلون محافظ ؏ جسمه
نظر : زين ليش هيج يضر نفسه بأنظمة مختلفة مو بشكل
صحي اكيد رياضته الها حد ومسؤول عن اكله إذا نجي ع رياضة
يعني .. والاغماء مو معقول من اول مرة بهالأذية
هيثم : افضل هو يكلج السبب ماأريد اكول شي نتندم عليه
بعدين .. وبالنسبة للاغماء مو اول مرة .. يغمى عليه لثواني
بالزايد دقايق ويصحه .. يعني اغماء هيج جان وحسب الفهمته
منه ان الرجل الرياضي بشكل يكون طبيعي عنده الإغماء أثناء
النوم حتى وضعف دگات الكلب حتى لل40 هي دقيقة وترجع طبيعية
.. بس محد من عدنا متوقع توصل لهذهِ الدرجة
نظر : اها ! ..انتبهت احنا كبال باب غرفته
ابتسمت ابتسم هيثم مد ايده ع باب حتى يفتحه
نظر : دقيقة هيثم شي اخير
هيثم : خادم
نظر : تسلم ، بس شنو السبب رجاءً بعيد عن الندم والمستقبل
جر نفس وزفره : ليث يريد يثبت نفسه بأيي طريقه حتى لو
بأذية نفسه
.. فتح الباب وطب عقدت حاجبي مستغربة شلون يعني؟
رفعت راسي وفتت سديت الباب .. مبتسم وراسه بحضن امه
يحجي وي هيثم
نظر : الحمدلله ؏ سلامتك
رفع راسه : ربي يسلمج ..
هيثم : خالة اجيبلج شي حتى ماي مشربتي؟
ناهد : جايه وياك .. نظر تردين شي
نظر ..ابتسمت : ماي كافي
.. طلعوا وكعد عدل كتفت اديه الصدري
نظر : ليث
ليث : نعم ..
نظر : شلونك؟
ليث : الحمدلله
نظر : زين ، الديصير عاجبك
ليث : وشنو هو بالضبط
نظر : حالتك ..رفع عيونه عليه تمركزت عيونه ؏ خدي
ليث : هاي من سجاد ؟.. لو جديدة؟
نظر : شنو ؟
ليث : الاثر الي بوجهج
نظر : ماكو شي ..جاوب سؤالي
ليث : لا أتذكر مبيج شي جتتي جديد هذا الاثر
نظر : اوووي راح يصير محلل داأگول مبيه يلا ..
ليث : شبيها حالتي
نظر : اهلك شفت شلون صار بيهم بسبب اهمالك ..
سكت الفترة .. ليث شلونك متأذي هسة ؟
ليث : لا مشفت الصار بيهم لأن جنت نايم اذا متدرين .. مبيه شي
نظر : بماأن رجعت لأستفزازك كلشي مبيك الذنب عليه سألت
ليث : اكيد
نظر : خليك جدي مرة وحدة
ليث : ميصير للاسف خطيبج مو جدج
نظر : يارب الصبر ..تمام ابقى براحتك طالعة اني
ليث : وين وين؟
نظر : خير
ليث : وين طالعة أسأل
نظر : هيج اتمشى اشوف الدكاترة والمرضى ..استغفرالله يعني بمستشفى وين غير هنا انتظر
ليث : ها .. من رخصتج نظر طلب
استغربت الاسلوب والادب ..نظر : منين اجاك الادب
ليث : هسة اطلب
نظر : اكيد
ليث : رجلي تأذيني سنديني عادي
رفعت عيوني العينه : تره ممرتاحتلك انتَ من شوكت تطلب شي
ليث : اوك اكوم وحدي مشكورة
نظر : بعد ابجي باب الكاظم ..
وي كومته قربت سندته حطيت ايده ؏ كتفي بحركة سريعة
لزم خصري ومد ايده لخدي
ليث : شوفي لج التغليس مو عليه شهالاثر
..دفعت ايده عن كتفي : ولي ليث ماكو اثر لاتلح
..قوت لزمته ؏ خصري هذا مريض عود والله جني مابيه شي
مشت ايده ع خدي حسيت بوجع..ليث : هذا صدك متدرين عود؟
نظر : لا هسة دريت منك
..جر فوني فتح الكاميرا الامامية وبيه ومايقيدني بخباثته
ليث : شوفي ..
شخط ؏ طول خدي بشكل طفيف
نظر : اوك شفت بعد
.. تذكرت ايد يقين شگد ثگيلة مال كسر جنها اخوها
ليث : اييي؟
..طب هيثم وامه دفعته سريع وابتعدت
هيثم : أجينا بوقت خطأ الظاهر .. بماأنك هيج نسويلك خروج
نظر : لا ، ماكو خطأ نهائياً
ليث : شمنتظر لعد؟
هيثم : اوك .. تفضلي الماي
نظر : تسلم ..ابتسم وطلع
ناهد : ها حبيبي تريد شي
ليث : اطمني ؏ يقين
ناهد : تمام .. طلعت امه باوعلي
نظر : خيير؟
ليث : ليش متردين اعرف انتِ تحجين وي يقين؟
نظر : لان مالي خلكك بكل سهولة
ليث : اها !
نظر : ماأعتقد اكو سبب لخ
ندك الباب وفات هيثم : ليث مايصير هسة تطلع بعد كم فحص
روتيني يلا
ليث : لعد روحوا
هيثم : يول لا تمسلت
ليث : هيثم رجائي تاخذ نظر وامي وترحون
هيثم : ليش؟
ليث : مسلم وحده امي مريضة ويقين امتحان نظر ..
قاطعته : ايي واني اروح اهتم بيه المسلم
ليث : بالضبط
هيثم : براحتك ، اجي اخذك
ليث : إذا يحتاج اكلك
هيثم : ديربالك انتبه لنفسك ..طبت ناهد
ناهد : شنو رايح؟
هيثم : اوصلكم وارجع
ناهد : روحوا انتوا اني ب..
ليث : يمه فدوة
ناهد : والله رجلي لرجلك
ليث : هاهي هيثم ققلت الوالدة
هيثم : يلا مرت اخوية .. صدك يقين يم قطر
ليث : شنو ؟! شتسوي هناك؟
هيثم : تقرا وترتاح استأذن مني منتظر
ليث : استغفرالله
هيثم : هسة بتنا بيتهم ونظر يمنا متعادلين
.. ابتسمت عليه وصلت البيتهم فتحت الباب روان
روان : هلا بيكم
هيثم : وبيج .. مسلم؟
روان : بغرفة ليث يبجي ميسكت واخيراً فكرتوا بيه
ماأگدرله تعبني
هيثم : استغفرالله .. ابوية ؟
نظر : من رخصتكم .. ها انس صاعدة الغرفة ليث وليث بالمستشفى يعني
مايصير شي غير اخلاقي اطمني تمام.
قبل لا تجاوب عفتها وصعدن
.. فتت للغرفة باردة وهدوء بإستثناء شهكات مُسلِم
ركضت عليه مقهورة شلته .. ايده تكورت وحضني يشهك
عبالك منتظر حضن .. تأثرت بيه حيل
نظر : اشش اسم الله حبيبي ..زاد بجيي متمسك بقميصي
..بشت مُسلِم بيبي شدعوة هالدموع شكو ..اني منك
استغل الفرصة وانام هم حضن ونوب نظر مو اي واحد ..تخييل
وغرفة هادئة وشايلتك وتهزك و...
بالنص ساعة ايدي نشلت ورطن فوك راسه مدري داخ
مدري هدأ وبقت شهكاته شكت كلبي شگد مااضوج من الاطفال ماأتحمل دموعهم ..
نظر : يلا حبيبي نام يلا تنام يلا تنام
.. سكن الصوت باوعتله نايم ودموعه برموشه معلكة
كأن مايكفي مبللة خدوده حطيته ؏ فراش بهدوء ..مسحت دموعه
غطيته لزم اصبعي السبابة بكف ايده الناعم ..دغدغ كلبي بحركته
ابتمست ومسدت ؏ راسه ..
مددت بصفه تأمله طفل بريئ تماماً قدره يعيش يتيم
وياخذ المشاعر الزايدة للأسف .. ترحمت لأهله
باوعت الشعره الكيرلي اسود طويل .. كله خدود مبرطم شفته
الي نحرمت من حليب الام خشمه مرتب وي تفاصيله بشرته ناعمه
من تلزمها تحس نفسك تجرحه من النعومة .. باوعت لكف ايده
اللازم اصبعي بسته بهدوء وغفيت ؏ برودة والظلام الي بالغرفة
حسيت بحركة هادئة يم اذني فتحت بنعاس كل عقلي بغرفتي ..
نظر : منتظر اطلع منا ..
فتحت عدل من شفت ليث واكف حاضن مسلم
كعدت بسرعة
همس : رجعي نامي معليج بيه
نظر : العفو ماأعرف بيك هنا
ليث : بابا رجعي نامي شعليج بيه .. اجيت اشوف مسلم
هزيت راسي : انام بيتنا عادي
ليث : اوك اوديج بس رجعي نامي ..
كعد ؏ سرير مسح ؏ راسي ومكلت لا واني أكثر إنسان يعرف شگد
تصرفي خطأ .. حضنت المخدة ضوجني شعري شمرته وغمضت
بأنزعاج ..سمعت ضحكته مستهزأة
نظر : إذا عليه انجب
ليث : محترمج لأن نايمة اعرف حقوق النايم شگد مفقودة من
تكعدين دللي .. غلست ونمت
كعدت شبعانة كلش .. درت وجهي عليه واكف وي يقين
يحچون
ويلبس بقمصيه
ليث : مدبريها ؏ نت
يقين : ليث مادة اطول من حياتي النت كل محاضرة ساعة
واني اريد افهم بشكل مختصر ع كد الوقت العندي وانجح
وبعدها الله كريم
ليث : استغفرالله حتى المدرسين لهنا منو يستقبلج وباجر الامتحان
يقين : لهذا السبب اكولك لأن ماعندي حل ..
ليث : ان شاءالله هسة ارتاحي
.. فركت عيوني كمت ادور ؏ حجابي مامنتبهين عليه
يقين : شدورين؟
نظر : ها
يقين : شبيج مخبوصة
نظر : حجابي ماكو
يقين : ها .. من رخصتكم
.. طلعت وكفت ؏ حركة ليث لزم ايدي
ليث : استقري لاتفترين
نظر : احد كلك ذرة اني
ليث : هاي شلون وي كيميائكم اليوم
نظر : منو غيري
ليث : مو احد .. امتحان يقين كيميا
نظر : وانتَ متأثر نيابة عنها
ليث : هيج شي ..
ضحكت عليه : ولَيش؟
ليث : مو قوية بيها وقلقتني وياها لا هي الدارسة ولا
لكينا احد يدرسها
نظر : ها ..جان قريتها بس عندي شغل بعدين هي اختك هواي
دوافع تخليني ماأقريها وماأعرف اشرح لواحد
تخصر صفح : ايي بعد .. لو ترسب ماخليج تقريها ..هي لأن
اختي لو لأن تجاوزت عليج وشوهت خدج
نظر : بس اعرف شخص ..انتبهت من كمل ..عادي زعطوط مو
شي مهم قلة الاحترام ترجع عليها
ليث : بلا مهزلة صدك لو جذب؟
نظر : جد .. منتظر هذا يهكر الكيميا أسأله انتَ
ليث : لا ينحرج عوفي ، مترهم ..اقصد ؏ كلامج
نظر بتهرب : دقيقة ..بس اغراضي وين حطيتها دخت
ليث : ؏ مكتب
.. رحت لجهة المكتب اتأكد اخذت جنطتي اتصلت ؏ منتظر
منتظر : ها
نظر : عندك شغل اي شي معين
منتظر : لا ، افرغ من جيبج
نظر : شعجب
منتظر : فراس شغلي وياه ..مختفي ماكو شي عنه
صارت عطلة الي هم ؏ واهس
نظر : لعد تقري قطر ويقين كيميا
منتظر : انتِ بالبيت
نظر : لا مرجعت وو ..
منتظر : اعرف ليث كلي لا تبررين ولا تنعاد هم بدون علم
نظر : اكيد صارت بالغلط
منتظر : تمام اقريهن ..مكالن من اخذتهن للدوام جان بدينا من وكت
نظر : ليش بيش الساعة
منتظر : مضل شي ؏ ليل
نظر : جذب !
ضحك : بال2 الظهر
نظر : عززا
منتظر : ايي اوك من تجين تجي يقين وي قطر فد مرة
نظر : تمام حبيبي ..سديته باوعت عليه ملتهي يعدل بستايله ..لييث
درت وجهي اخذ الحجاب لفت انتباهي الاوراق الي ؏ ميز
بصندوق مفتوح وتحديداً اسم "مياسين"
نسيت كلشي بقيت وي فضولي اصلاً كل المصايب
بسبب الفضول او الحُب..
سحبت مجموعة اخذت ورقة انتبهت لظله فوك راسي
؏ سريع عفتهن
نظر : مجرد فضول ماعندي شي
نزل راسه خجلان : اعتذر منج مجان لازم تشوفيهن
نظر : لا عادي ، بَس ..
قاطعني : اعرف فضول سألي التردي تمام اجاوبج بماأن
لهذهِ الدرجة عندج عادي
نظر : مثلاً تحجي قصتكم بشكل مفصل وليش وليش وهيج
ليث : مو حجتلج يقين
نظر : يعني مو نفس ماأنتَ تحجي
ليث : مو راح اروي رواية
ضحكت : لا بس تسمع قصة شخص منه تختلف
هز راسه : اوك ماعندي مشكلة
نظر : بالمناسبة توصلني ويقين يقريها منتظر هم موافق
ليث : من هسة فلوس ماأدفع
نظر : اول محاضرة تجربه بيكم
ليث : نشوف ..
مد ايده العنقي..ابتعدت عنه
نظر : هيي شتسوي وخر ..تقرب مبتسم بسرعة
ليث : اوخر الخيط
نظر : ها ..يلا وخر
ليث : اصبري ..مد ايده الشعري رفعه
نظر : وبعدين
ليث : تلفين الحجاب ونطلع
نظر : اوك .. بس وخر
..ابتسم بخبث وابتعد تجهزت بسرعة واستغليت فرصة البيت
فارغ طلعت للسيارة ؏ سريع قبل لا أسلم
شوية واجت يقين
يقين : نظر
نظر : نعم
يقين : اعتذر تجاوزت عليج وو
نظر : خليها الوحدها يرجع كلشي
يقين : بس لازم اعتذر غلطت بحقج
نظر : اوك ، مقبول
ابتسمت بخجل : شُكراً ..
اجه اخوها من بعيد يمشي وايده بجيبه
فتح السيارة من بعيد بالبصمة واشر بحاجبه معنى اصعدن
صعدت يقين لورا .. صعدت لگدام مالي خلك اسوي شي اجاني
كسل فجأة .. سد الاتصال وصعد حرك السيارة لبيتنا ..
شميت العطر عطست
نظر : لو راش كل الشيشة
ليث : ؏ جايات
نظر : استغفرالله .. عطست مرة لخ
يقين : تره طيب مابيه شي
نظر : مابيه شي عندي حساسية من القوي
ليث : تعلمي عليه لعد
.. باوعتله صفح
همس : يجي يوم افگسهن
نظر : قبل لا تسويها اكسر شيشية العسل الي بعيونك
ضحك : استغفرالله ..نتراهن
نظر : بعيد عنك..
هز راسه بيأس ..
ليث : يقين انتبهي واقري زين من تكملين اتصلي اجيج
يقين : تمام .. سلملي
ليث : يوصل ..نزلت فتحت الباب طبت يقين صاح .. نظر
درت عليه : ها
ليث : اخذي ..مديت ايدي للورقة مكتوب عليها انكلش مقريت وسألته
نظر : شنو هذا ؟
ليث : علاج للحساسية
نظر : منك من الشيطان
ليث : ذب زين وسوي بالشط
نظر : ههههه .. تره ادري بيك متقصد كلته غلط لا تبيعهن
ليث : لان الزين مينذب بالشط يرجع عليك ..باختصار اكسب بيج ثواب
نظر : بلا سخافة ..صدك احجي
ليث : مدري شعجب مكلتي جد
نظر : اعرفك تقلد .. وهم مسلمت
ضحك : لا جد هالمرة مني ..اني هم جان عندي حساسية
نظر : ها اوك ..تسلم
ليث : تدللين سنيورتا
نظر : تحياتي مستر ..ابتسم وحرك
طبيت البيت ..شفت ماما تصب اكل
نظر : سلام ..فتحت ايدها الي حضنتها
كلثوم : وعليكم حبيبي ، نمتي؟
نظر : شبعت نوم
كلثوم : بالعافية ..فوتي وي اخوتج ويقين اكلي
نظر : اوك ..
شمرت الغراض تعودت هنا مسكني والراحة بأيام قليلة لكيتها
نظر : سلام ياقوم
منتظر : وعليكم
قطر : هلا
نظر : جاوبتي ؟
قطر : الحمدلله
.. سحبت الحجاب من راسها رفعت حاجبي حتى
تسكت وسكتت ..دخلت ماما بأيدها المواعين حطت كبالنا
كلثوم : أكلوا يلا
نظر : اغسل واجي ..
رجعت اكل وياهم وموضوع الكعدة جان الأستاذ ليث وحدثه
وي سجاد يوووه ملييت ليث بكل مكان ..
......
جيهان ..
واگفه بينهم كالواحد ينطي رأيه شكل
جيهان : ايي استاذ جلال شلون تريد نتجاهل كأن شيء لم يكن
لك هذا بيه دم ابونا ويرجع علينا حاله حال هلال وطلال
هلال : جلال متوقعت هالانانية منك .. شلوون ننكره بس حتى
امي لا تتأذى
جلال : فهمت انتوا تقبلتوا الموضوع سريع وانه كذلك
تقبلته ماباليد حيلة ..بس افهموا خطة براسي مؤقت والله
تصرفوا وياه مثل متردون هنا بَس لحد يعرف نهائي حتى عمكم
هلال : ايي وشنو خطتك بالضبطط ..
جلال : ...
.....
لو خَانت الدنيا وخانَ الناسُ
وابتِعد الصِحابٌ ، عيِناكَ ارضُ لا تَخون
_يتبع..)
توقعاتكم؟
خطة جلال شنو؟
شاهينة ؟
..نظر ؟
..يقين؟
..منتظر؟
#حبكم_تره_اني♥️
لاتنسون دعموني بتصويت ⭐ وكومنت تقدرون تعبي 😍
حساب الانستا ♥️ .
elma_.98