شاهينة نذر الحوافي

نهاية

شاهينة نذر الحوافي

((استمتعوا بقراءة احداث اضافية ))

عن لسان جلال ..

جَان ممُكن
نُبقى بَس مارهمتلنا
جَان ممُكن
مثل ما جابتك كَبالي القصيدة
تَشيلني وتاخِذني يمك
جَان ممُكن
للاحَلام الما الها داعي
الماخذتني لنَاس لا أعرف شكلهم
وَلا ردت فديوم يَدل بيه عُطرهم
جَان ممُكن
للاحلام تكِلي شنهو تَريد
جا كتَلها أشمك

..
شاهينة نذر الحوافي

طلعت من الورشة اتصلت ع معلمة ايليا
كالت خلصت صعدت السيارة وتوجهت للروضة وي
ما نزلت سيارة جلال هم وكفت كبالي .. مثل كل مرة وكفت
عبالك اول مرة اشوفه بلعت ريگي وباوعت الكشخته من شفت ايده فارغة من الحلقة ومزينها محبس وساعة وسوار بسيط كبل باوعت لأيدي نزعت الحلقة وضميت الكلادة جوا القميص حتى لا عباله ميتة
ع ارتباط بيه ، نزع النظارة الشمسية ووكف سند نفسه ع سيارة
وباوعلي

جلال : ليش اجيتي؟

شاهينة : خلص شغلي ومتفقة وي المعلمة بس ايلي تخلص
اجيها ، انت ليش اجيت

جلال : ما ادري بيج تجين من كلتي الخط بطل وعافها
كلت اني اجيها

رجعت باوعت لملابسه واردفت
_ عندك اجتماع؟

جلال : هو خلصته واجيت

شاهينة : ها ، زين عندك بعد شغل مهم اليوم

حط ايده بجيوب البنطرون
_ جؤ ، ليش ؟

رجعت شعري لورا ورديت
_ عندي شغل اليوم حتى اخلي ايلي يمك بس ما تبات ع كد
الليل واجي اخذها

جلال : تمام وإذا هيج اني اجيبها

شاهينة : لعد اني حطب اجيبها

جلال : جايي وياج

.. مشيت وهو وراي رجعت شعري لورا وعدلت الجنطة
ع كتفي داهمني همسه الحار

_ ملابسج مو اوفر

رمشت ودرت وجهي عليه وباوعت الملابسي
بنطرون كابوي ثلجي بوي فريند وقميص ابيض نص منه مقلم باسود جهة منه ضامتها بالبنطرون طوله وي حزام البنطرون
وكعب بيج وجنطة بيج ..

_ ستايلي المعتاد عادي

جلال : غيري

رفعت حاجبي ودرت وجهي علي
_ دتأمرني

جلال : اعتبريها الي تردي

شاهينة : وان اعتبرتها ما اسمعك تره ما الك سلطة عليه حتى
وان كنت طليقي وابن عمي

جلال : احب اذكرج انت ام بنتي والبنية تقلد امها وملابسج
مو مناسبة

تنفست بعمق وابتسمت
_ ان شاء الله افكر

.. صرت بصفه رجع وراي حسسني مصلخة
طبينا وسلمنا المدير يطلع قريب من عمر جلال اردف

_ اهلًا وسهلًا استاذ جلال وست شاهينة ، شتشربون؟