شاهينة نذر الحوافي

البارت 42

_ بريئة من ذنوبكم 📍

وسعت رحمته كُل شيء ، أفـ تضيقُ عليك!

شاهينة نذر الحوافي .. البارت 42 .. elma-98

₩₩₩₩₩₩

رجفت شفتي : احس واگفة بينهن بين ارجع خطوة ويطلع
تعويد وانساهم وبين اتقدم واضحي بنفسي واكتشف هو حُب

كلثوم : اها!
نظر : برأيج
كلثوم : رأيي تبطلين تتحكمين بمشاعرج وهديها وعوفي
كلبج خليله دور بحياتج يكفي عقلج هواي اخذ قيادة

ضحكت وكمت حضنتها
نظر : كلثوومة شهالمشاعر شهالحب البيج
صفنت بحجيج عبالك داأقرا كتاب
كلثوم : هو اني كتاب مفتوح بس لكلبي
نظر : يعني اني كلبج؟

.. رجعت شعري وتنهدت
كلثوم : صاحبه عاف دگاته وراح عادكم الكم
رفعت عيوني بتساؤل : بابا صاحبه؟

كلثوم : يلاا بنوتي يلا
بست ايدها واخذت الحلقة من اصبعها

نظر : بابا مو ميت
كلثوم : لا يطلعلج هسة يبوسج .. يوم البارحة من مات
ضحكت : اريد واحد احجي ويا ودمه هيج خفيف ماكو
.. اقصد ليش لابسه الحلقة خلص تقبلي انتِ ارملة عزباء
ما متزوجة

كلثوم : نطيني الحلقة ماما خل اكوم
نظر : عجبتني اني اريد البسها صار شگد بأيدج ؟
كلثوم : ياا نوب اجت لحلقتي غير هاي حلقة ليث باصبعج

نظر : مااماا شگد صار بأيدج هاي الحلقة
كلثوم : 25 سنة
شهگت : بويااااي اكبر من منتظر حتى !
ماغيرتيها ابد من متزوجين

كلثوم : لا
نظر : ليش؟
كلثوم : زيد عجوزي من اشتري ما يلبسني هو فهاي لأن هو
لبسها الي و من ذوقه بوقتها بقيت لابستها
نظر : شخسران
ضحكت : يرتبك من يلبسني عنده خوفه من يوم الخطبة
وكع منه الذهب من الارتباك وحلف هاي اول واخر مرة يلبسني

نظر : ههههه ..
رحت للمطبخ وهي وراي تريدها

نظر : ماما انتِ ما متزوجة اني عجبتني واريدها
كلثوم : كلبي متزوج جيبيها ولج

.. ابتسمت واخذت ايدها لبستها الها وبستها

نظر : ماكو هيج وفاء!
.. طبت قطر

قطر : خيرر شو محاضن ومباوس
نظر : يبووو هاي الغواره
قطر : وجهج جه الفارة
ضحكت .. كلثوم : منو جابج من المحاضرة؟

..قطر : تفضل عمو

.. طب ليث
نظر : ليث شتسووي هنا!
ليث : شكوو
نظر : كلنا نسوان
ليث : عاادي امج خالتي وقطر اني جبتها وانتِ..

نظر : واني
ليث : انتِ يعني مني عادي
ضحكت امي : تفضل فوت

ليث : مشكورة خالة احجي وي نظر
كلثوم : روحي قطر لغرفتج ارتاحي .. اخذوا راحتكم