شاهينة نذر الحوافي

البارت 45

شاهينة نذر الحوافي .. البارت 45 .. elma-98

الحزنُ يسريَ في دمِي
والبردُ يبعثُ بالضِلوع
وطفولة الايأم يخنقِها الأسى
تشكَو وتبحثُ
فِي ركامُ العمِر دفِء الشِموع
كُل الي حِولي تجمّد واحتِضر
حتِى الدموعِ تجمَدت
يالهفُ قلِبي للدموع ..

♧♧♧♧♧♧♧♧♧♧♧♧♧♧♧♧♧♧♧♧♧♧

.. همست "حتعدي أڪـيد"

طلعت للمطبخ باوعت الزلاطة هاي مو زلاطة مدري شصايرة
شلعبت اني ؟!
.. اخذت من جديد اثرم اجت يقين يمي تسولف عن يومها المتعب
واني واگفہ منطيتها ظهري واعلق كلمة او ماكو

يقين : عاد امتحان مفاجئ نرعبنا اني وقطر بس الحمدلله
الله سترنا وقاريين بالخصوصي .. تعرفين گلبي وگع لأن اذا هسة باليومي ماا ... عاطت بصووت رعبني لدرجة وگعت السچين من ايدي
؏ رجلي وانجرحت ومحسيت بالجرح !

درت وجهي بلحظة سريعة وسألت

نظر : شكووووو ؟!
رمشت عيني المُحاطِة بالدموع رمشت ووگعت دمعتي

ليث : يقييين بابا ريحتي مطيبة .. كاافي حبيبي اختنگت
نظر : ل .. غمضت وفتحت .. لييث
ضحك : شبحه ..

هيثم : يقيين هدي واحد منا ؏ اقل
يقين : ماا يمههه انتوا اكيد گدامي 
هيثم گح : والعباس بس .. احح .. ولجج

.. وخرت عنهم انطت ماي الهيثم وهي تضحك
ليث : شبيچ جمدتي .. باوع الهيثم .. لو باقيين مو احسن
يقين موتتك ونظر تجمدت .. اشر بأيده .. هي حبيبي شبيج

ضحكت .. نظر : انطي مجال اعيش اللحظة وتخطى
ليث : اذكرج عود وعيشيها

.. ؏ سريع حضنته بقوة باس راسي ومسح ؏ شعري
هيثم بضحك : يمكن بس احنا نحس نفسنا خايسين
ليث : گول غرت .. باس خدي ونزلت عينه الرجلي .. هووب گعدي يَمعودة رجلچ

باوعت عليها مليان دم لعبت نفسي من المنظر
ليث : يقين بابا انطيني شيي
يقين : ايي توجع الگلب
هيثم : تريد طب الاخت ماتحملت جرح

نظر : الحمدلله ؏ سلامتكم
هيثم : بعد وكت لو طالعين من الغرفة يلا
نظر : استغفرالله
ليث : لسااانك هيثم 

.. مدت الكلنس الليث گعدني ؏ کرسي صار بمستواي
واخذ رجلي ينظفها

صاحت خالة ناهد : يقيييين صار ساعة ويامن تحجن !
ليث وهو ينظف الجرح : سكتي لا تجاوبين
هيثم : خلليها سوبرايزز ؏ گولتچ

ضحكت يقين : گلبي ماينطيني والله
هيثم : خل ينطيج هالمرة

يقين : هييج يمههه اني ونظر

ليث : دتتوجعين
نظر : لا لا ، مايوجع بس المنظر اييع
ضحك : اييع !

لفها بالكلنس
ليث : يقون عدنا شاش شي
يقين : ماأدري
ليث : تلگين هذا تيفلون بالعدة مال السنك انطينياه
نظر : صدُك تحچي
ليث : ايي
نظر : اني بوري !