شاهينة نذر الحوافي

البارت 5

شَاهَيَنَةٍُةٍُ نَذرَ ۦٰ‏ ͢˓الَحَوًّاافَيَ🕊 - ⁽💜
.. البارت 5..
elma-98

‏كن سنداً لنفسك، إتكئ على بعضك و انهض .

........

فتح باب البيت وهو حاضني بين اديه محاول يثبت حركتي واني اتصارع ويا احاول افك نفسي

ام جلال : منوو هذهِ الفرخة من وين جايبها من يابيت دعارة ..؟؟

سدد الباب وبعده لازمني

شاهينة : جاوبها سؤال حلوو والله من يابيت دعارة جبتني منوو
اني جاوبها !!
جلال : صوووتچ مديحة صعديها الغرفتي
شاهينة : مستحيل ابقى هنا جلال اتركني جلال فدوة رجعني .

تركني ولزمتني البنية مديحة عطت بصوت

شاهينة : اتركيني ايدچ بعديها عني .. مگدرت تقاومني عافتني

ام جلال : جاااوب منوو هذهِ ..؟

رجع طوقني يحاول يصعدني لفوك لكن عنادي اكبر
خاصة تجاوز هالممرا عليه
شاهينة : جاوبها منوو اني

وسط صياحي وصياح هذهِ المرا التسأل وهوستي
وصدي اله والهذهِ البنية دخل هو المامتوقعته ابداً ولاخطر ع بالي شنو دخلهم بعض حسيت الگاع افترت بيه من الوجع الي براسي

همست : دكتور هلال !
جلال : افهمچ كل شي بس اهدي
بخفوت : ماأبقى هنا جلال اتركني ..
دخت ضغطت ع ايده وغبت عن ضوضاء العالم
.....

قبل اسبوع ..

"نظر..
رحت للبيت عصبية من ورا هاي شاهينة مدري حمامة عليه
ذولة النوب تلگتني بالباب

صبرية :خير اليوم من وكت؟
نظر : تحاسبيني ؟
صبرية : تنطين موافقتج مقابل سمعتج و منتظر ..
سمعي لج نظيرة ماأعيد كلامي
نظر : خير

كرصتني من زندي دفعت ايدها بوجع
صبرية : اذا ماتوافقين والله وبالله وتالله اذب عليج تهمة اخليج حايرة وين تضمين وجهج من تمشين مُنتظر يحير بزمانه إذا موافقتي خوش
نظر : موافقة من الله لا يوفقج موافقة
صبرية : عفية بالشاطرة هيج صيري المهم الولد اسمه ..

قاطعتها : اخر همي .. منتظر وين؟
صبرية : بالشغل
نظر : الولد
صبرية : بس اني وياج هنا
نظر : ورسل؟
صبرية :اجه رجلها اخذها

نظر : خوش اني صاعدة الغرفتي عوفيني براحتي اليوم صار التردينه ووافقت ع رجال غني و مليان فلوس اووه ارتاحي تخلصين مني
صبرية : بعد فترة الخطوبة ، وين اخلص ؟
نظر : استغفرالله

.. صعدت للغرفة بقيت الثاني يوم گعدت السااعة 6 وربع الصبح
بين ماأكلت وسبحت صارت الساعة سبعة گعدت منتظر

نظر : يمعوود ابو الغيرة اگعد
منتظر : ولي بعدين
نظر : لك الساعة 7 وربع
منتظر : ونص گعديني .. .بين مافتحت الكنتور اختاريت الملابس صارت ونص .. رجعت گعدته بملل واني اندس بجتفه