شاهينة نذر الحوافي

البارت 51

شاهينة نذر الحوافي .. البارت 51 .. elma-98

شاهينة تگول .. 🥺
- لمحة واحدة كفيلة بأن تُذكرنا بكل المرات السابقة ، كلمة واحدة كافية بأن تستحضر كل الأحزان السابقة لتُقاتلنا دفعة واحدة .

¥¥¥¥¥¥¥¥¥

شلت الجدر حتى اصفي المعكرونة يعني اني ام بيت وكذا

.. باوعت الهذا المصفي مو عدل ردت اعدله ووگع ع اصابع
ايدي ورجلي المااي حار
احس روحي شاغت عطت بأعلى صوت بس
ماينسمع احسه

:اااااااه..

اريد احد يساعدني يخلصني من هاي النار الصارت تمشي بهدوء
جوا الجلد باوعت الايدي بخوف ودموعي نزلت شلون إذا
تشوهت يالله الوجع يموت

"عززززززا يارب ابعدنا عن ناار جهنم وعذابها "
حرررفياً هذا الافكرر بيه بس

زحفت للفون اريد اخذه لزمته ووگع ماسيطرت ..
ايدي ماأگدر الزم بيها من الوجع والنار الدتمشي بيها لزمته
بأيدي الثانية اتصلت بجلال مايرد واني حموت ضربت ايدي
الثانية ع گاع بوجع ودموعي تنزل بحرگه
.. ماكوو هي 5 دقائق وصار گبالي ..

باوعلي بخوف وحچه
جلال : شبيچ لچ احچي
بوجع :حموووت ايدي ورجلي ايدي

.. سحبني عليه
وشالني حطني ع كرسي .. يبووس بيه من راسي واردف بتوتر

جلال : شنيي شسويلچ اخذچ للمستشفى
شاهينة : لك ماأعرف متت

.. رجع شالني فقدت من الوجع بقيت اضرب بيه
اخذني للحمام فتح الماي البارد
شوية هدئت الحرارة

جلال : ابقي هنا لا تتحركين الحرك موو خطر كلش عادي
هسة اجي
رجع بايده مرهم وشاش .. حط بهدوء وايده ترجف من التوتر

جلال : ماتتوجعين موو؟
شاهينة : لك متت يا ماأتوجع .. شهگت بقوة .. ماأتشووه موو؟

ابتسم بقلق واردف : لا يمعودة كلش بسيط يومين ويشفى
أن شاء لله

.. رجع ع ايدي حرك ايده بهدوء وشد الشاش باوعت شلون
حاير بلفه اخذتة بايدي اللخ وسويته

ابتسم : والله توترت ..

ورجلي نفس الشي شالني مخلاني اضغط عليها واخذني للغرفة
وبدا بالاستجواب

جلال : شلوون احترگتي؟
شاهينة : هذا سؤال واني ميتة وجع؟
جلال : مسحي دموعچ تمام .. بس شلون ؟

شاهينة : جنت اصفي المعكرونة وداأعدل المصفي ووگع
الماي الحار عليه
جلال : غيرر تنتبهين ..
تقدم يمي مسح دموعي ابتمست بألم ..حضني

جلال : اسف حبيبتي ..حسيت النار تسعر بيه
شاهينة : جلال الوجع يموت وخر الشاش عليك الله
جلال : مايصير لازم حتى لايلتهب
شاهينة : حلفتك بالله لك ومحمد يموت ..