السلام عليكم..اسالكم قرائة الفاتحه على روح اختي سجى...
...
اجمل شئ عندالانسان بأشد وأصعب الضروف يسجد شاكرا لله تعالى تعرف معنها ان الله يحبك لان عند لله جبيرة انو انتم وثقين الباب من ينغلق بحكمه والف باب تفتح برحمته أطمئن وگلو أمركم علی لله لان گل ملفاتك هي يم ربك
{أليس لله بكأفٍ عبده }
رعد//،شفت سلمان وگف جدام سیارتي شاف اخته مريم حضنهه وحضنته...
الولد يريدوني اصعد بس ماگدرت رجلية شگلت بمگانهه خايف على مريم من سلمان اذا عررف
چان يحچي وية مريم وصاح بصوت عالي
ـ وين نوار ااااشو ماااااااگو وووووين مختفي رجلچ مریم
ساندني صادق وارشد اول ماجاي اصعد ألتفت على مريم خايف عليها من سلمان
مشت قبله لسياره وصاح بصوت عالي
ـ وين نوار اشو مااكو وين مختفي رجلچ مرررررریم
نزلت رجل بشارع ورجل بسياره مريم انخضت وأنرهبت وخافت ودنجت عينهه بالگاع ایدها من الخوف ترجف
رجعت عیوني اناظر اختي نورة غطت وجهه بالعباية ودخلت تركض للبيت الكل مبتلي بشغله ومريم ونوره محد منتبه عليهن
الوجع اخذني والنزف بسبب خوفي عل بنات خلى دمي ينزف زايد طبطت على چتف ارشد دفعته گوه
-رووووح آحچييييييي لا أكفررر باصلگم
راح ارشد السید سلمان متوتر گال
ـ شوف سید سلمان والله .. يعني .. هو ..
هو دائما يختفي بالهوسة.. شوف شو وين طفر اي طفر مدري وين
صادق گال
-نعم اخي منذ صغره يجيد لعبة الاختفاء
صاح سلمان
-انتم فهموني شجااااااي تحچووون
ارشد لزم ایدي وگلي
-عوووف السالفه يم ابوك محد يغلبه بلحچيييي يلة رعد يلة اصعد للسيارة بسرعه خل ناخذك لا يصير عليك شي النزف اخذك
دفعت ايده
ـ لا خويه ارشد انا باقي يم سلمان
رد سلمان وبعده متوتر
ـ وووووووليش باقي يمي روح أنت تنزف
انا كاعد هناا انتضر نوار اريد اشوفة صار فترة طويلة مشايفة ويجوز اجيبة والحك سيارتگم للمستشفى
نوره//عدلت عباتي داريت وجهي خجلانة من گل شي احس روحي مسوية مگسورة متتصلح خفت لاااا سلمان سامع شي من ابوية واجاني يريد يتأكد
خایفه من سید سلمان لایعرف انه تحولت ابنیه ..
یمي ام سگینه واگفه ضحگت بخبث
وگالت
-مااااترحین تگلیله انه نوار لو من هسسه تبیعین شررف ام العرك
گتلها
-لااااا تحچين الله عليچ والله هووو بس مرررره شربت قوطیه وجبت الباقیات لهنا
لان خفت وین اودیهن
گالت بصوت عالي تسمع سلمان
-اي دگاااافي فوك ما الله غاضب عليیچ
عمي انتحري احسن الچ لاتچذبوون حتى
هذااأك المگرود اخو مريم ميدري بشي
گلوله مووو ابوه صاحب ابوگم واخوگم رعد صاحبه
الكل باوع عليهه بنضرة گرهه وعصبیه بس سید سلمان استغرب من كلامهه
التفت عليهه و كللهه
ـ اختي مدگليلي شتقصدين بكلامج تررى مرتين عدتي عليه هالحجي شبييييچ لو تفهميني قصدج لو تسكتين
،راسا صارت ضجة كلش چبيرة رشید یصیح ورشاد یتهدد و تعصب گلهم انخبصو صادق راد يصلح الموقف صاح عليهه يرگض
-هیاااااا اذهبييييي الى الداخل ايتهااااااا المجنونه
عااااطت
- ولا اتحرررك من مگااااني قابل چذب كلامي متعترفون هسسسه هاأااااااادي يجي ويگلبهاااا علیگم ووتفرگس شعبالگم تردون تسوون مصايب واسكت المفروض تعترفون اله بگلشي
رد سلمان
ـ بشنووو يعترفون شصااااير فهمونيييييييييي ولگم سدوووو بابگم اختزیتووو ستروو بيوتگم عرضگم مطشرر بررة ادخلوو جووه نحچي
الصراخ صار اعلى لان الجهال تثغب على رعد يحبو مدللهم اكثر من ابهاتهم..الشارع متروس شباب ونسوان وزلم وحتى جهال
نورة//// ابوية بعدة جوة لازمينه رشيد ورشاد من ماخذين سلاحة حتى مايطلع حسب مسمعت من أم ريتاج ما ادري وين صارت اختفت بسبب الهوسه
عيوني الاخوي رعد اريد اشرد
الة و اختل بسده بس سمعت جوة ابيتنه هوسة گلش قوية ومدافع غير الصياح البره
وهنا شفت ابوي بعده بحيلة ولاچنه عنده احفاد بطوله عمر بالسبعين يتعارك يتلاوة وية رشيد ورشاد التفتت شوي شفتة يريد يطلع برة الولد يهوسون ومخبوصين بالصار
الوضع كله مخربط ..
لازم اشرد منا واخلص اهلي من عاري
سلمان /// اسمع صياح ابيت عمي ابو ارشد الولد مخبوصين لونهم مخطوف وهاي چنتهم كل حجاية تحجيهه تخليني اصفن مافتهم شنو المقصود مستغرب من الديصير حسيت اكو شي غلط...
واکوشي صاير الجهال بشارع يتصايحون وبابهم مفتوح والصياح برى وجوه من النسوان
واختي مريم واگفة هنا مثل الصنم لا تهش ولا تنش اسالهه متجاوب
و رجلها ماكو چنتهم كل شوي تعيط لیش مدکولون اله
گتلها
ـ شنو معنى هالكلام شنو تريدين يگلولي وشبي عمي ابو ارشد ليش هالصياح سوولي مجال خلي ادخل عليه اشوفه
ردت سكينة
ـ شگد پاارد لخااطر اللله أگلة ضارب رجل ااختك طللقة بنص افادة يگول شبي عمي ابو اارشد
الكل بهاللحظة ركض على ام سكينة اول مرة اشوف صادق عصبي وميحچي فصحى..
وفوگاهه يسب مرته ويفشر وهم عليهه وضربهه راشدي دخلهه جوة بالهول وكلهه بصياح
ـ دخلي جوة لا اكسر عضامج هنا تبا لكِ ايتها النمامه السحاره المجنونه
عاطت
ـ لا بلةةة فوگ عاااارگم تضرربنيي ووولگ ااانتووو خيسستكم طفحت انت واهللك
-ووووچ دخلييييي ياااعااااهرررةةة
،،، بقت تتعارك وياه تصيح وتعيط
اشوف على اخوية سيد سلمان صافن ومستغرب ممتوقع هالعائلة هيج يطلع منهه
سحب صادق من ايدة حتى مايدفع أم سكينه ونظرات الدهشه عليه گلش واضحه…
يباوع بالوجوه وكال لصادق
ـ ماااايصير هيج تسوون غير افهم شنو صاير فهموني
وين نواار ليش يكولون متصوب زين وينه وين راح اشو رعد هو المتصوب ونوار مختفي بس فهمووني نوار هو الضررب رعد ومهزوم لللچ مريييم اااااحجي وووين رجلـج
رعد//اجر النفس گوه وعیني على وجه مريم ونوره كاعد على كرسي السياره الباب مفتوح رجلي اثنيهم خارج السياره بلكاع خوفي على بنات اكبر من الوجع…
خلص ماگو شي بعد ينظم كافي خوف…
وكفت بعصبيه سديت باب السيارة
اتقدمت على سلمان لازم چتفي صرت يم صادق مقابيل سلمان ردت احچي قاطعني
سلمان
-رروح السیارتك خلي ينقلوگ للمستشفى ولگ النزف اخذك درووح يمعود
الكل انخبص ويئشر اليه اسكت مااحچي
حتى مريم هزت راسها اليه مااحچي نوره من ورى العبايه تاشر اليه صادق لزم ايدي
-عد الى السياره… خاااااااب ارجع كاااااافي
،،، الكل يريد يسكتني حاولو وياية مافاد هذا يجرني وهذا يهمسلي بقيت واگف وثابت بمگاني و مارضخلهم
ارشد همس
-خوووويه ارجع للسياره مووو وگتهه
،،دفعتهم واتقربت لسلمان وگفت مقابيلة
ابوي جوه الولد حاجزينه بس طلع فلت منهم نورة وكفت ورى امي تباوع بنضرات حادة
سلمان اشرلي بعصبيه يريدني احچي تقرب عليع بنضرات استغراب
- مترهم بعد نضم عليك اگثر
لزمني من ياختي وصرخ
ـ ووولگ شنو صايرر وضامي عليه ااااحد يحچيي منگمم انت صديقي وعشرت عمررر بينةة لیش متفهمنيي
زين انتييي همينةة لتخلييني اطررش بالزززفة
تقدمت على سيد سلمان وگتله
ـ سید مااریدك تتعصب واريدك تسامحني…
- على شنووووو
- مختصر الحچي ومن الاخير ياسلمان..
انا زوج اختك
سید سلمان////
حسيت بخنجر طعني بضهري
معقوله الجاي اسمعه...
معقوله الديحجو لوو هذااا شي خيال شجاي يصير ويايه ...لزمت جبيني منصي راسي...اغمض اعيوني وارجع افتحهن امسح وجهي وارجع ابحلق بعيون رعد..
اعرفه عمره مايكذب ولاااا يحلف عن شي كذب رعد مو بس صاحبي رعد رغم فرقتنا الدنيا سنين بقی صديقي الصدوق
مسحت وجهي مره استغفر مره اردد بس الله الرحمن الرحيم...
اريد أتأگد السمعته صح لأن ألكل واگف يترقب كلام رعد بس محد منهم گذبه محد گال چذذذذذذب
گل الصار بثواني ..چنت انتضر يگول مقلب او شي من هالقبيل ولو مو وقت الشقة واصلا اسلوب تافه للشقة
انتضرت ردة فعل من مريم او اهل رعد بس الگل ساگت
تناوعت المریم تبچي وساگته لیش متنگر
لیش ماتگول لااااا یگذب هي نزفت على نوار..
رعد شگووو بهاي الوسطه والهوسه
من الگلل ساگت والگل حچى تقربت علی رعد گلش وجهي الوجهه عيونه ذابله من النزف ابالي اگول لان نزف یهذي..
گتله بهدوء وكاز على اساني
ـ للگ رعددددددد اانت شگاعد تحچییي شنو هاااآااآاي اااااااااالخرااابيط
لزم ايدي بايده الصاحيه
ـ تعال خووووويه جوة حتى ااااااافهمك
لزمني من ايدي حتى ندخل جوة بالصاله گوة يمشي ولازم ايدي عيوني المريم تبچي مستوعبت الديصير
رجعت أتناوع الرعد اشلون يريد يدخلني جوه يعني السالفة صدك.. تعصبت
نترت ايده حيل بحيث اتاذى صاح بوجع
-اااااااااخ چتفي
عطت بيه
-ااااااايدگ ووولگ ررررعد…
فهمني يااااصاحبي شصااااير بهالبييت فهموووني شگاعدد يصيرر هناا..
التفتت على مريم رحت خطوات جبتها من ايدهااا اجت توكع عبايتها وكفت لبستها الهاا وجريتهه على رعد وكفتها جدااااامه وهي تبچي وساااگته...عطت بیهااااا
-مررررریم لچ فهمييني شديحچيي شگااااعد يحجييي حماااااچ
،
مریم//عیوني على رعد خايفه عليه من النزف قميصه صار قطعه حمره شكد ماحاقده عليه مقهوره اكثر…
سحلني سيد سلمان بحيث ايدي تاذت حاول يستجوبني
ماگدرت احچي شي بس ابچي
اعرف گل الصار سبب سگوتي سبب قبولي وموافقتي..
لاااا والله مقبلت بالصار شسووي
اجيت اشرد من البيت بس ماخلوني..
حاصروني وجبروني اوافق همه السبب
عصبية سيد سلمان وغضبه اعرفه لان هو دائما عصبي دمار بهيچ مواقف رفع ایده
یرید یضرب رعد بس هنا صارت هوسه عاليه التفتنا للصياح
.
ولن نشوف ابو ارشد تخربط ووگع بالگاع لازم گلبه و يصيح ااخ ياگلبي كوة يتنفس
من جبروت عیونه عرفت یمثل وچذاب
ولان يمي اخوي صرخت بصوت عالي
ـ عسااااگ بالمووووت اااان شاالله يااانذذذذل الله ياااخذك ياااوصخخ الله يااخذك ياا باااطل
سيد سلمان من العصبية شراينه البكصته طگت اعرفة من يتعصب وجهه ينگلب احمر وعيونه تنگلب دم حمر وایده يضغط عليها حيل خفت عليه لا ضغطة يرتفع ويصير بي شي
رگض ارشد طرد الناس الغرب وسد باب البيت يصيح
-طلعوووووو شعدنه فررررررجه
ردت اشرد من گلشي من نضرات سلمان المتتفسر گل شوي يباوعلي ومستغرب من تصرفاتهم ورضوخي الحقيررر لگل اوامرهم
اااريد اااشرد من نفسي وخوفي وبنفس الوگت ااريد ابقى لان خايفة على رعد . .
قطع صفنتي صوت سلمان اخويه ماتحمل الصار وصرخ بصوت عالي
ـ لهناااا وووگااافي ااااريد عاااااقل يخااااااف الله ويجي يفهمنييييي شصااايررر وشنووو هالحجي الجااااي ينحچي اااابيتگم…
ووولگم مو مضيفگم يسموووو مضيف الحظ والبخت من چنتو هناك واجيتوو الكربلاء سمعتكم سابقتگم
ف الحد الان ماراح اصدك بالسمعتةةة فهموونيي شقةةة لعبب بالاعصااااب صخاااام شنو هالحجييي ماااراح اسال اختي راح اعتبرهه طفله وومااريد اسمع الهااا ..ااانتم الزلم الضخمه المشووربه الگباریه التصلون وتصومون وتثوبون فهموني
رشاد وارشد وياهم صادق ورشيد كلهم لزموني من ايدي وجروني يريدون يدخلوني جوة لان اصواتنه عالية والهول شباگه على الشارع و مريم وياية بسدي واگفة
نكتت ايدهم مني متعصب وگفت بجهه..
عطت بيهم
- هسه انتم ست زلم وانه واحد بس شوفو بروحييي اگلگم ترة نفذذ صبررري اااحچو شديصيرررر لا والله اقسم بمن حل القسم
لأ اطشررر ملامح وجوهمگم
رعد تعدی اخوانه الاربعه وگف گبالي وگال
-اااخوي نوووار الله ابتلاه بلاء مايخطر على بالك..
بلاء اسنين ابوي يعرف بييييه وخادعنااا اخوي نوار چان عایش بجسم رجل بس هوو بلحقیقه ابنیه گامله الخلقه
-انت شجاي تاگل نعل يووويل
گال رشید
-علی گیفك سيد ترى اخونا رعد يحچي الحقيقه وگتشفنا حالة اخونا بس رفضنا انصدك ولان نوار صديق رعد هو السعى بحالته لان عرف درجه الخطورة فاخذه وعالجه وگف بوجه ابونا علمودة
گلت الهم
- ووولگم شنوو هاللعبان نفسس وولگم گااافي چذب اررريد ااافهم اااحچووو الحقيقةةة شلووون رعدددد زوج اااختتتييي ووووين نواااار وووين ضام رااااسه اااطلع ووولگ وووينك
رعد وخر رشيد من يمي وصار جدامي
- موو چذب ياصاحبي
كل شي عن نوار صحيح ورحت الاربيل سفرته وعالجته وگل الاثباتات عندي بالاوراق والتحاليل وگلام الاطباء والمستشفى السويتلة بيهه العملية موجودة ومستعد اخذك الهه
-ولك رعد سالفتگم ماتتصدگ…
دزيتهه وياااك لأنگ محرم وسافرت ويه اختي وگ ووييين نوووار لاتخبللني
اشر لبنية لابسة عباية ناعمة وجهه ابيض
ـ هااااااااااااي نوار.. ساااابقا
بس حاليا صارت نووورة ..
وواناا اتزوجت ااختگ بعلمم السيد الواالدد الله يگومه بالسلامه
،،،،،ماگدرت استوعب الاسمعه زوج اختي ينگلپ بنت وحمی اختي يتزوج اختي
ربطت شلل ابوية وية وقت سالفة مريم ورعد وسفرهم للعلاج نوار ااااي هو بنفس الوقت صارت مصايبهم سووووية
يعني اااابوية بسببهم صار بي شلل بجسمه وتلفت حالتة رجعت بية الذكريات بالمستشفى من گلي اختگ صعد سگرهه وراد يبقيهه يمنه
ووااليوم وية جية مريم لبيتنة ابوية رد اتخربط بالزاايد وتالي وگع بالگاع
حسيت اااالطعنات گثرت بهالبيت
ماگدرت اتحكم بأعصابي هميت على رعد
ـ ووووولگم چلاااااااااااب باااااااااي حق تبيعوووون تشترووون بعرررررضييي شلوووون تلعبووووووون ببأااختييي هيييييييچ ياااا چلااااب ساااااقطيييين
مریم//سلمان اتخبل على رعد وضل يضرب بي بوگسات ورعد واگف بمگانه ثابت دفعه للحایط یضرب بيه بگل قوه
حتی انه گلبي اتگطع علیه صادق وخوانه حاولوو یجرونه ماگدرو علی سلمان
رعد خشمه وحلگه نزفو انهار ووگع من الضرب بقی یتفل دم
بعده سلمان یرید یگوم رعد یضربه التمو عليه الولد حتی يبعدون سلمان عن رعد
ارشد ورشيد وصادق گوه لزمو سلمان وهو يتلاوة وياهم بس گثرتهم غلبت شجاعته وگدرو يچتفو بس رعد صرخ بنصهم صوته ناصي يمسح الدم من خشمه وحلگه
ـ عوووفوووو معلیگم الگل يبتعد عنةةة
رد ارشد لازم اید سلمان
ـ ووووك مخبل شنوو نعوفگ انت مصااااب وهذا استلمك بوگسات
ـ گللگم ابتعددددووو عنةةة عوووفوووو لاتلزموو هدووووو لاااا اگوم اهینگم
رشید گال
-ووولك يولي موووتاك بيده وانت مصاب
،،،،خوفي على اخوي وعلى رعد صرت ابجي بصوت عالي ما اگدر اسيطر على نفسي لا اراديا طلع صوتي وگمت اصررخ اثنينهم انمرد وگلبي عليهم
التفتت على ابو ارشد اصرخ بحررگه
-اااااانت السبب حسبي الله ونعم الوكيل يااانذذل یااااا شایب البین اللله ياااااخذذذدك ويخلصنةة من شررررك
دخل هادی صرخ بية
ـ لاتغلطيييين على اااابوووي ووولچ لا اااااجي افرررك حلكچ
رد سلمان يغضب يريد يفلت ايده من رشاد ورشيد ووصادق عاااط
ـ وولگ اغم اااذااا انت زلمهه مد اااايدك علييهه واشوووفك الزلمم شتجييييب يكوون اكطعلك اااايدگ واخليهه بحلكك ياالخنيث بالله اليتجاااوز على اختي الا افلشةةة يااااسااقطييين
صاح هادي
-خاااااب مال الحد بوجهك فووگ ما ستررررنة على اختك تحچي هييييج
- اااختي نعاااالهه اااشرررف منگم ياا ساقطين يامنحطين
هي الستررررت عليييكم وعلى عاااارگم وفوووگاههه تحجيي علييهه
،،،،، الصياح والغلط بين اخوية واخوة رعد لم الشارع علينة
صاح سلمان
ـ اااچلاب لااتلتمووون علیه وليية مخانيث ارررید الزززلمة البيييكم خلي يوااجهني طووول بطووول
لا بالله الكررريم اااقتلكم وووادفع ديييتكم على القندددددرة وانعلل اااابوو نسببببكم ااااااالنچسسس.
هدوووني وولگم هددددونييي اله اسويها عشاااااير وياگم اله اخلیگم تبوسون للقنادررر وووالحق ویایه اله اخلیگم فررجه الگل العشاااایر اله ابیس بیگم تبیسسس اله اهینگم بحذائي هدوووووني يااا مخاااانيييث
رگضت اتوسل بهادي ورشيد
-عفییه عوووفوو اخوویه ابوووس ایدگم
اخوويه معلي بالصاررر هدوو بس هو عدنه ماعدنة غيررة
عاط بية سلمان
ـ ررررجعيي لمگااااانج خيييتتي رجعي ذوول چلاب مخانیث ماایسوون شييي ولا تتوسليين بأحدد اخووووج حزااام ضهررچ وااكفلچ اشلعچ شلعع منهم هالكواااويد
ضل يجر ايده سلمان منهم بس هادي النذل اضخم واحد بيهم لااوي ايده لان شاف اخوانه رخو ويه سلمان ابو ارشد واكف محتار گل الهااادي
-بوويه هااادي اخوانك ماااعليهم اعتماد الزم سيد سلماان زين بين ما يهدأ ونفهمة
رد هادي
-مالك غرض بويه وياك للوحه حتى لووو تگلي گتله عااادي
صرخت حيل خايفه على سلمان ركضت على رعد ماد رجله لازم ايده ووجهه مدما صحت وانه مدنجه اهز بيه
-كووووم اخووويه راح يكتلووو كووم لا تموت هسه اخوووي
راح يرووح من ديه كووم كوووم
اركض منا ومنا محد يسمعني
سيد سلمان يتلااوى ويه هادي صادق انسحب هو ورشيد يلومون بابوهم..
ثواني شفت رعد جر السلاح من رشاد هالسلاح الي اخذوه من ابوهم كوه…
متوجي عل حايط سحب اقسام وگال لاخوته
ـ هادي تعرف بية انيشن وجنت قناص بالجيش عوف سسلمان بسرعه لا يگولون الاخ گتل اخوو
رد هادي
ـ االله يطيح حظگ يارعد وولك اانة لاازمةة حتى لاااا ياذيك
گال رعد
ـ وحق ابو فاضل ابو راس الحار بالله اذاا ماترگتو سلمان ماعندي مانع ااگتلك موو بس انت گلكم ااقتلگم واقتل نفسي وااخلص هالدنية من هاي العأئلة قذرررة مثللكم
هادی گال
-مووو اذا اترگه یموتگ. يمعوود
-معلیك خويه بيني وبينه واناا قابل شيسوي خلي يسوي بيه ااطلع منهه
دفع هادي سلمان اجى يندار سلمان يطكه
بس دنج رعد وراح يم ابوه
رد ابو ارشد بعد ماشاف سلمان تحرر
ـ وولك بوووية ليش هيچ وووووووليدي سلمان اااعذرر شيبتيي اخوانك ولزموك حتى مااذوك بويه
عاط سلمان بغض
ـ لاااا تگوليي ولييدي ااابوي مااااااايخلف عااراات مثل ولدك ولااا انا اااتشررف تصيرر ابوي ياصاحب الحظ والبخت يااالظالم
سيد سلمان////
ماانكر لو مارعد چان ماترگوني بس ماهتميت دفرت هادي برجلي ابتعدت عنهم ورحت الاختي مريم لزمت ايدهه ردت اطلع وصلت باب الهول التفتت الهم
-انت يااابو ارشد ووولدك حضرو عماامگم لان الصار مااينسكت عنه...
ووراح اگاومگم وگلشي اسوووي عشائريا وقانونيا الحق ويايه
گال ابو ارشد
-لاااا يبووي مو صاحب ابوك انه ووگفتلكم بهواي شغلات
-اي وكفوو منك ما نااكرين افضاااك بس لاتنسى اااحنة هم النة افضاال علييك بس الفرررق ااحنة نااس تسوي المعرووف وتنسى متدورر ديوون للعالم وانت تسچل افضالك حتى تذل الناااس بيهن
وووتااالي صررررت توزع اختي على وووولدك بسبب تسجيلگ للديوووون بس والله والسبع سموات اله اندمك تندم انت وذاك العار صاحبي وباااقي ووولدددگ والا ااشيل چلمة گليط گووومگ وااخليييلگ چلمةةة خنيييييث گووومگ
،،،، من هيجي حجة سلمان گل ولد ابو ارشد صاحو وصارو يتعايطون وية سلمان عدا رعد ..
طلعت ام ريتاج من غرفتهه ترگض للباب محد انتبه عليهه بس اني
لازمني سلمان من ايدي وعيني على رعد شفتة گوة اتقدم ووگف بنصهم وصرخ
- گاااافي اااسگتو عنةةة عاااااد
- كل اخوته نترو بوجهه وصار االغلط على رعد لان يدافعلي
بس مارف اليه جفن
سحبت مريم وردت اگمل طريقي لزمني سيد عسگر ..
اعرف هالسيد دائما يمشي وية هالگليط الخنيث بگل سالفة بس هو احترمه واخچل منه .
گال
-ووین ررایح ابني
-ابوي يردني من رخصتك
- اصبر ياوليدي الحچي اخذ وعطا
- ماكو حچاية ويه هالعائلة واذا اگو حچاية فعشيرتي تسد عين الشمس همة اليحچون…
ردت اطلع ولزمني من ايدي
- لخاطر شيبتي يا ابني يعني ماتحترم شيبتي
- سيد انت شخص معروف وتعتبر من العمام لانگ سيد حالك حال ابوي وحالي بس اريد اسألك االصار الاختي تقبلهه علئ بناتگ؟!
- ياوليدي ماعقدت عليهم الا بموافقة ابوگ
- منو الحچة. وية ابوي؟"
- هادي هو الراح وفهم ابوگ
گلشي انربط بعقلي مثل فلم چدامي هادي يگول سترنة على اختك وهو الراحله يعني طعن بشرف خيتي عرضي وشرفي .. رفعت راسي الهم لگيتهم گلهم يترقبون الكلام بيني وبين سيد عسگر…
حسااابگم صار ثكيل يا بيت ابوو ااارشد هم مصايبگم وهم طعنتو بشرف اختي القندرتهه تشرفگم وهم ابويه صابة. الشلل وراحت صحتة من وراگم…
گلگم بچفةةةة
وهااااادي بچفةةة ثاانيةة اااانت حصتتتتي يااااساقط وماسقط عنگ من الفرررض شيي… .
عفتهم وطلعت من البيت وصلت للباب شفت امة. محمد گلهه واكفة. اباب بيتهم التفتت وتفلت على بيت ابو ارشد و كملت طريقي
فتحت باب السيارة صعدت مريم رحت ألمكاني صعدت اريد اطلع السويچ بجیبي دورته ماگو بجیب الثاني مالكيته مريم تبچي منهارة وانا خايف عليها
ومنا السويچ ماگو ضربت الستيرن دفرت الباب انفتحت نزلت بسرعه وصلت لطرمة باوعت بالگاع اتلفت مالكيت شي تالي عرفت من تلازمه اني وهذول الوصخين وگع مني..
دخلت بنصهم وگلهم عينهم عينهم عليه
صاح هادي
-هاااا شبيك
- ما چاي ااشوف شگلك الووصخ بس السويج وگع هنا ووينه
اجى طفل يركض من بينهم گال
-هذااا عمود جاي اجيبه الك دزاني عمي رعد عليك
التفت رعد كعد يغيرون اله قميصه مبين جاي ياخذو للمستسفى
عفتهم وطلعت ركبت السياره دست بانزين وشخطتهه ..وعطت مريم
-ووولچ ليششس ماگلتيلييي ليشششش ماااخابرتيييني شلوون تتزوجيين حماااچ شلووووون تلغيين دووريي اااااحچيييي ليش دايماا الخوف
مسيطر عليج
مریم// مغطية راسي بالعباية وابچي فضيحتي مينسكت عنهه شراح يسوي بية سلمان... صاح وصرخ بعصبية
- ااااااحجييي ليش ماااحجييتي الییییییه شلووون تضميين هييج سااالفةة
ووولچ اااحجييي ليشش ساااكتهه ااريد ااسمع رررد تبريير. ووولچ ااابوية. صااابة. الشللل بسببج وبسبب هالناااس ليشششش متحجييين…
ييييعني متجاوبين يصيرر خيرر بالله الگريم یصییر خیر
وصلنا للبییت نزلت فتحت الباب الها هي هم نزلت لزمتهه من ايدهه ومشيت بخطوات سريعه لعند البيت وهي طايرة وراية
الحرگه بگلبي شيطفي نارها ذول داسو عرضي وشرفي وتلاعبو بية
اول مادخلت ركضت غفران وامي عليه
شايف الخوف بوجوهن امي صرخن سوية بوجهي
-شبيك وليدي يمه اسم الله الرحمن
- سلمااان شبييك شصااير وياااگم
من گثر عصبيتي انعگس على طريقة. گلامي غفران چانت يم اهلهه شجابهه سالتهه بنتر
- منو چابچ
ردت غفران
- ابويه جابني جان عندة شغلة هنا قريب عليكم وكلتلة ياخذني وياه ليش تجي عليه وتتعب .. وگ عيني بس گلي شبيگ
،،عافتني وراحت ترگض ما ادري شبيهه هزيت براسي وتنهدت
ثواني ورجعت غفران كعدتني ودي اعيط بيهن بيا حال وهنه يلزمن بيه امي تبچي
-شگووو یمه شبیچ اااحجي شصااايرر
ووگ يمةة باااوع وجهک طاااگ
غفران بيدها ادويتي و گلنس مسحت خشمي وهنا شفت خشمي ثاري يجري دم..
عرفت ليش صار حار من چنت اسوق ودخت ..
نفسي ماتقبلت الدوة خليته على جنب
گامت غفران وبسرعه جابت قوطية سفن اب وعصرت فوكاها ليمونه گامله گالت
-ابسررعه شربه الله یخلیك هسة دوة ما اخذت ااشرب هذاا
شررربت احس اشوي راسي فك
غفران///
من دخل سيد سلمان خشمه من الجهتين ينزف دم بس اشواربه يجوز مخلو يحس الدم رغم قليل انه وعمتي خفنه عليه
انتبهت وياه مريم گمت علیها حضنتها خطيه شابعه بچي گتلها
-شببیچ یمعوده اخوووچ زین مبي شي
گام سید سلمان وبعصبیه یخابرر ویعیط
-ااااااااااااي ياشیخ عشیرتنه ررراح اخابر عمامنا وگل اقااربنا الیوم لاااازم اندگ بیت ابو ارشدد قشمرووو اختي
وشلون قشمره وهي طفله شتتوقعووون اسكت هااااا ولگم اختيي طفله وقشمروووها الظلاااأم
سد التلفون ورگض على الطابق الثاني صعد گلنة رگضنه وراه شفناه راح لدولاب بالحولي اليم غرفته فتحة. وطلع سلاح منه گلنة صرخنة سوية ورگضنه عليه
گالت عمتي
-يمه تعاال نتفاهم يمه ااااأاالمن السلاح شصاااير ابيت ابووارشدد
گال
-الرگعه چبیره ییمه ماااینسگت عنهااااااا
بيده سلاح سحب اقسام
ارتميت عليه واجيت اتوسله
-سيد الله عليك لااا تروح مااتفكر باهلك فكر بيه انه مرتك
-غفران رووحي من يمييييي
-ليش حبيبي
اتنهد وصفن عليه
-حبيبتي خليچ سباعیه وعینچ علی اهلي
-وانه منو عينه عليه
لزم خدي وطلع...
لاتخافين انا صاحب حگ والله مايضيع الصاحب الحگ تعب..
طلع منا مريم تخربطت وطاحت للگاع
نسمع عمي ابو سلمان يعيط حررنة. انا وعمتي المن نرگض..
لزمت مريم طبط على وجهه گلت العمتي
- عمةة روووووحي لعمييي وانا يم مريم هسة ااحاول اصعدهه للقنفة
ماگعدت مریم اولت اجرهه سمعت عمتي صرخت صرت بين نارين شسوي عفت مريم لان مهما يگون هي شابة.
تقوية ورحت ارگض لعمي وعمتي لگينه عمي واگع بالگاع وزاحف للباب منضرة يمرد الگلب
يمگن واگع من چان سلمان هنا ما سمعناه اگيد سمع صياحنة اتگابلنة عليه اني وعمتي وگوة شلناه
خليناه على الچرباية وعمتي راسا انطته الادوية بس هو ميقبل ياخذهن ويصرخ عمتي فهمتلة جان يسالنة عن سلمان ليش اخذ السلاح معرفت شجاوب طلعت ارگض وعفت عمتي يمة ورحت لمريم لكيتهه گاعدة بالگاع بمگانهه وميته بجي ..
- وج حبيبتي مريم شنوووو صاير فهمينننني
تلطم وتحچي
- مصيبة يااااااأاااغفران مصيبة ومادري شلون راح نطلع منهه
- وووووووج فهمييني شصايير
گعدت مريم گعدت یمها وبدات تحجيلي عن گلشي صار ابيت اهل زوجهه شي يفوق العقل لو ما مريم اعرفهه متعرف تچذب ولا تألف قصص جان ماصدكتهه…
چان گلت فلم هندي
گتلها
- انتي شگاااااااعد تحچين وچ شنو هاي الافلام وين صايره
-والله موو فلم والله
-عزاااااا بعينچ مريم شلون قبلتي وووچ شلون نوار ينگلب بنية
-هوووو هذااااااا حظي المصخم شسوي قابل بيديي تحول بنيه
-زين شلووون تحملتي موقف عمچ
-عمي هووو النذل الحقيرررر هو دمرني ودمر نوار ودمر رعد...وهسه لحگني على اخوووويه يارب اموت انه يارب اموت
-مريم حبيبه انتي ملتزمه وتعرفين احنا بشر هواي اتمر علينا ساعات مرض والم وقهر الشيطان راح يضل يحاول يشكنا برب العالمين وندعي على نفسنا نجزع
بس لاااا لازم نتجه ال الله بگلب ابيض حتى ميگدر الشيطان یدخل النفسنا لان بگل الاحوال رب العالمین مایعوفنه ولابد یجي يوم وتنحل گل الامور
انتي التفتي لله برضى قولا وقلب راح يجازيچ و اذا التفتي للشيطان راح يرجع يوسوس الچ
-استغفر الله والحمد لله يارب...بس الصار صعب عليه حتى اللساني صار يعرف بس السب والغلط بعد ان چان بس تسبیح
-حقچ ضغط علييييييچ قوي ترجعین تستغفرين وكلشي ينحل
-واهلي راح يقدرون الصار
-انشاء الله
-يعني حتى
اجت تحچي طلعت عمتي من غرفة عمي كالت گوة قنعتة ياخذ الدوة ونام اخذت التلفون وراسا خابرت..
- عمة المن دتخابرين
- عم سلمان اگو غيرة اريد اشوف وحيدي وين راح شنو هالمصيبة. اليحچییي بيهه شبيهم بيت ابو ارشدد
- گعدي عمة انا افهمچ
- شعرفتي .. احچي
- سدي التلفون حتى اگدر احچي وياچ
- لااا خلي احچي وية ابو اااااافنان
الووو خوويه اابو افنان فدوة الله يخليك سلماان متعاارگ وية نساابتة وية. عياال مريم ماادري شصاير وسحب سلاحةة ووطلع ..
اااي والله فدوة خووووووووية. اعتمدد على الله وعلييك هو خابر شيخ عشيرتگم يكون تخابرة وتفهمنه شصااير هو گلشي ماحجة فدووة.
ابو افناان وحيدييي لايصير علييه شي.. اعتمد علييك دخيللك…
،، سدت التلفون عمتي ونترت بينة
-هاااااااا ولچن احچن شصاااير ابيت ابو اارشد
گمت اگضت جبت گلاص مي لعمتي الیوم الرگض الركضت اخذ جائزه عليه ونطيتهيا
-شرربي وريحي عمه
-بعد عمتچ
تناوعت المريم بعدهه ساگته وبس تبچي عمتي خلص صبرهه بس متريد تعيط لايگعد عمي…
- ااااحجن عااد وحدة. منچن تحچيي
گعدت لملمت ثوبي حجيت گلشي بهدوء لعمتي انصدمت و ماصدگت السمعته
باوعت على مريم وصرخت
- وچ يمعزاااااااااايه اااحچي صدگ هالخررريط
ماحچت مريم بس تبچي عمتي تخبلت گامت تلطم وتملخ بروحهه شوو گامت علی حیلها وتضرب بمريم
حاولت احميهه من عمتي بس ماگو فايدة عمتي منهارة وصارت تضربنه اثنينة مريم ماخلتني انضرب وياهه
دفعتني بعيد عنهه متگدر تحچي الغصة لازمتهه بس ملامح وجهه تنقري متت قهر عليهه وگابلتهه كمت ابچي ادري بيهه فقيرة وفطيرة ومدبر شي ..
بهالاثناء اندك الجرس وگفت عمتي ولبست چرغدهه طلعت ترگض عبالهه سلمان
طلعت وراهه وشفت ريم وريام بالباب دخلن ويسألن عمتي
-هاااا یمه شگوووو ليش وجهه مخرمش واحمر
-دخلن یمه دخلن
سلمن علیه وما ادري عمتي شجاوبتهن چنت واگفة ورة الباب ماشافني دخلت ارگض الیوم الرگض العالمي والصدمان
لزمت ايد مريم جريتها
-مريم ووووووچ كووومي صعدي لغرفتي وقفلي البااب اخواتچ اجنيي
متت بچي وعرفت الفضيحه راح توصل لنسابتنة بس ماقبلت اتحرك من مگاني..
- لااااااااا ماگوم ياغفران خليهن شيسوون بية استاهل بلكي اموت وتخلصون مني وتنفض السالفة وارتاح وترتاحون
- لا حبيبتي اسم الله علييییچ وچچچچچ والله خايفة عليچ گوووووومي
- لشوكت ابقى مهزومه ميفيد غفران ميفيد
- سودة عليه لاتبچیییین يعمري عساهه بحظك وبختك ابو ارشد…
بهل لحظه دخلو ريم وريام بيدهم علاگة جبيرة وراهم جهالهم وجوهم خايفين لان هيج شافو امهم يسالون عمتي شبيچ وهي متحچي بس تبچي ..
عافونه وركضو لغرفة عني يطمنون عليه بس صحت عليهن
- عمي ستوة نام خطية عوفنة
ردت ريام..
- احد يفهمنة شگوووووووو شبيهه امي
ووچ عزاااااااة مريم هنا
اتقربن عليهه ديسلمن عليهه وشافنهه تبچي اتخبلن…
صاحت ريم
- وحدةةة منگم تفهمنةةة شلعتو گلبنة
شصاااااير
ردت عمتي
- صخام وووووجه الصايرر بيهه گسسسر رگاااااااب
صاحت ريم
- دخيييلك ررربي شگووووو يمة ااحچي يبس الدم بعروگي
،،، اني وعمتي ومريم ساكتين منعرف شلون نحچي ومين نبدي الموضوع مو هين بالعكس كلش جبير ومو سهل..
حطت ريام العلاگة على التخم وتربعت وگعدت
-والعباس اذا ماحچیتن يكون اروح لابوية واسالة
ردت الطف الجو وجريت العلاگة لگیت بيهه گليجة ولحم بعجين وفطائر مسويات…
- ياعيني ريومه ليش تعبتي نفسچ
- اتنغصت الكم مگدرت اگل واعوفگم ..
وسلمان یحب فطایر الجبن وهسسسسه
فهموني شصاااير
،،،، كعدت اني وعمتي نسولف حچاية. مني وسالفة. منهه
گوة حچينة بس بشكل متقطع ريم وريام صافنات علينة. وعلى مريم ممصدگات ولا مستوعبات
ردت ريام
- شنوو هالحچیییییي
كالت عمتي
- هذااااااااا الصار
عاطت ريم وگامت على حيلهه
تقربت علی مريم رفعت ایدها تعيط وتضرب بيها
الجهال انرعبو من اليشوفو گامو يبچون مايفصل بينة وبين غرفة عمي غير الباب يعني يسمعنة بوضوح خفت عليه لا يصير بي شي لو همين يوگع صحت لعمتي…
- عمةة خلي ندفعهن لغرفة البنات. ماچذبت خبر عمتي كمنه ندفع اني وياهه بيهم لغرفة البنات صايرة شوي بعيدة عني غرفة عمي
دخلتتهن وسديت الباب طلعت للجهال بنت ريم چبيرة كلتلهه عمة صعديهن لغرفتي وفتحيلهم تلفزيون وخليهم يلعبون خطية.
سمعت كلام واخذت الجهال رحت اركض لغرفة عمي شفته بعدة نايم ماعرف ليش خفت عليه ليكون ميت اتقربت عليه سمعتة يتنفس طلع على كيفي ورجعت لغرفة الينات لكيت عمتي واگفة. حاجوز بين البنات
اشو شافني وتخبلن وردن يضربن بمريم متت قهر عليهه
التمينة اني وعمتي عليههن نحاول نوكفههن بس ماگو فايدةة اتكابلن عليهه ريام وريم وموتنهه كتل وهنة يصرخن خصوصا ريام
- عزة. بعييينج مررررريم ووووولج مااافكررتي بأهلللج مااافكررتي بيينة ااحنة خوااااتج
ووولج شلوووون نزززفج على على نواار وتاليي تاخذيين رعددد
وووچ شحچيي لرررجلي لاهللل رجلي شاااگول اااختي نامتت وووية اااثنين اااخووة
ووولچ ساالفتچ منووو مسووويهه وووچ حتى الگح***** ماسوونهه
انهارت ريم وگامت تلطم
- عززززةةة بعييني اااذا رجليي درررةة يضلون يعيروووني طووول العمرررر عزةةةة بعييني شلووون اوريهم وجهييي بهالفضيحة راح نصير عللللچ بحلوك اليسوووة والميسوووة منااا عمتي كاارهتننني وحمواتي يتنطزززون علييية. وتالي يعرفوون ااخيتي متگلبة بين الاخوووة وصااايرة. مشاااع الرااح والرااد ينااام ويااهه شراااح يسوون بييية
صرخت مريم
- لالاااا وووووالله ااني مو هيچ القصة مفتهمتووو الصاار
ردت ريام
- والچ عيين تحچيين…
،من ضربهن لاختهن تعبت وگفت بنصهن وصرخت…
-گاااافييي…حررررام
شوي هدأن من صرخت كلت خلي ابقى شادة. عليهن بلگي ميأذنهه
گتلهن
- يعني ضربتوهااا واذيتوهااااا شنووکک حليتو امشكلة مثلاا؟
اخووچن لزم سلااااااااااح وطلع لوحدة. لبيت ابو ارشد مدري وين راح وانتن هنا متگابلات عليهه وتضرربنهه
ردت ريم
- تستاهل القتل مو بس الضررررب على سوايتهه الحقيررة سلمان مايضربها يستحرم احنا نربيها
عطت
- عود بالضررب حليتووو مشكلةة خل یرجع سلماان
وهنا ااازواجگم ماراح يدروون النااس مارح تحچيي رجعتو گلشي لوضعه الطبيعي
ردة. ريام
- المهم افرغ حرگه كلبيي بيههه هالعااار
- مو هييج يريام مو هيج شوفوهه شصاير بالبنية حالتهه النفسية. تعبانه وحتى ضعفانة
صرخت ريم
- عساهه بالمووت ونخللص من عارههه
- حطيتهه ورايه وباوعت الهن بنضرة عتب..
الاخت الحقيقة سند بوكت الضيگ
توگف الاختهه وتحميهه وتازرهه وحتى لو غلطت تعلمهه مو تضربهه
دينة ما امر بالضرب ولا باي طريقة. واي شكل من الاشكال والتعليم ميصير بالضرب حرام عليجن كل مكان ازرك صار بجسمهه ادفعلهه دية …
صرخت ريم
- يعني عاااجبچ ااااااالسوته
- ماااسوت شي حررام زوجهه طلع خنثثثي وسوة تصحيح جنسسس مووتحووويل
تصحيحح اااكو فررق جبير بالتصحيح والتحويل صح مانطتنه خبرر بزواجه من رعد ونلوومهه على هالموضوع
بس مو نأذيهه بهااااالشكل هي اتزوجت على سنة الله ورسووووولة وبعلم عميي ابو سلمان ابووچن وهذا كلش كاافي ميحتاج ياخذون موافقة امة محمد كلهه
ردت عمتي
- حتى انة انلغى دوووووري ولاچن ام حبلت وجابت وربت وزفت وتالي اعرف بنيتي متزوجه من اثنين
،،، ماتت بچي مريم وتعبت شفت التعب بوجهه وكوة حجت
- لا واالله يوم مو هيچ‌خلوني افهمكم
ردت ريام
- ااانا بس اريد افتهم للليش اتزوجتيي رعد ليش ما اطلكتي وشلووون تتتزوجييين حماااچ وااانتي مامخلصةةة عددددة يامصخمة ووولج اذاا اهل رجلچ عاااراات وميفتهمووون بالشرررع
اااانتيي يالمتعلمةة همييين عااار مثلهممم ووولج شلووون تتزوجين حماااج ومالازمة عددة راااح اتتتخبلل
تحچي مريم وتمسح بدموعهه وكوة. تجر نفس
- مو.. هيج و..الله مو هيـ… ـج…
ـ چااا شلوون لعد فهميننة
ـ حـ… حتـ.. ـى لا يـ.. ـنكشفون
ـ بشنو ينكشفون؟ اااحچي لاتسكتين
،،، شفتهه تبلع بريكهه وعيونهه حيرانه انا همين نسيت سالفة. العدة وكعدت انتضر جواب منهه
ـ لاني… چنت بنية نوار ما داخل علية
صرخت ريام
ـ ااااكلييي نعللل والنيشااان الشفناااااه ورة عررررسچ مالت ااام رررجلج مثلااا لجچ حقيررررة نگسةةةة زااانيااااااا لاتچذبيييين
گووولي صخمتتت ولطمتتت بالعدددة وية حماااچ ووولج اااانتي لااازم تنقتلييين واذا سلمااان ماااقتلچ اااني اااقتلچ
واگلهم نگسةةة زاانيات وجمعت بين ااخووة اثنينن واريد اغسلل عاااري جهالي يكبروون والنااس تعايرهم بخالتهم وبييية لان ااختتتج
،، هجمت ريام على مريم وخنگتهه وخلت مخدة على وجهه تريد تموتهه وريم تتلاوة وياية ووية امهه
حتى منفزع لمريم اشوفهه تفرفح جوة ايد ريام عضيت ريم من ايدهه وفلتت منهه تلاويت وية ريام واني ابجي واتوسل بيهه تعوفهه اجتي عمتي ويايه وخرنه ريام بالگووة بس جانت مريم فاقدة. الوعي ومتتحرگ
#يتبع