عشق المومنين(أبناء الساده)

((بارت واحد واربعون))ج٢

صباح الخير اعزائي...اعتذر منكم كملت الكتابه وكنت منتظره الادمن ganah01298631 ادقق البارت ونشره لکن نمت التمس العذر

.....
- لماذا نعجز عن التوكل على الله؟!
كان من المقرر لصفة "الخوف" في الإنسان أن تجعله يخاف من كل خطَر، ويلوذ بربه كما يلوذ الطفل بأمه، ثم - بالاتكال على الله -
لا يعود يخاف من شيء. لكننا من جهة لم نخشَ الأخطار الأساسية في حياتنا، ومن جهة أخرى لم نلُذ بالله كلما خفنا. والآن نحن نخاف من اللواذ بالله عز وجل؛ أي إننا عاجزون عن التوكل عليه!

سيد سلمان//
طوووووول هاي الايام وانتي تتعززين عليه باول ايام زواجنة چذبتي
وبالچذب ما اجيتي واعتذرتي
اتحملت اهمالچ الزوجي اليه. وبقيت ساكت ومتحمل رغم بالشرع هالشي حرام وحرمته عليچ انتي مو عليه

اشوفج تضحكين وتسولفين وية خواتي وامي وبالتلفون ضحگتچ عالیه وية اهلچ وممهتمة لمشاعر زوجچ ابدا

فقط لان چان رايد حقة الشرعي منچ
ايام نمت جوة وماهتميتي ولا دزيتي حتى مسج تعتذرين بي وتگليلي اصعد اشتاقيتلك

دمعه مانزلتي عليه ولااااااا اهتميتي الي
وتالي بس شفتي اااااهل المرحوم عباس انهاريتي بالبچي

-موو قصدي

-واخیررررا سمعت صوتچ الیه یاااغفراان صلواات مو قصدج وبعد

دنجت مقهورهو بقبت ساكته ماعرفت شحچي اول مرة اشوفه بهالوضع وبحياتي متخيلت يصير هيج بيناتنه

هو يحجي وماگدر ارد ولا ابرر ليش هيج حالي ليش ساكته

يمكن لان متفاجئة من اسلوبةة وياية وين الرقيق والبلسم على الجرح وين كل اشوية حچايه حلوة
اشو كلهن اختفن وطلع منه برگان

جاوبته

-انه چنت ارید ش

مد ایده متعصب وجهه احمر عیونه حمر

ـاشششش لهنااااا اشششش هذاااااااااااااا حدي وياچ بعد مانتراهم گلشي انتهى بيناتنه يابنت الناس وكلمن يروح بطريقة..

من شفتچ کیف علویه وتتبسمین وذكر رب العالمين على طرف شفافچ‌ گلت هي هااااي الگفيء اليه تاااالي

-لاااا تظلمني والله أنه هم حبيتك اڪثر لان تصرفاتك علمتني ڪيف أحـــب الله حتى يحبني وشنو حسن اتوكل

-مااااشفت ماأاشفت شي منچ بس انتي شفتي رغم ضايج من اهمالچ لگن گ رجل مجبر أعامِلَچ معالمة الوَردة او الريحانه
لان ديني وعقيدتي موصيتني لیششش؟

لات مخلي بالي يكفي اشوفچ تضحكین ينشرحَ صدر بس متدرین شنوو الحسیته هنااااا الم بسبب الاشتياق والخذلان

نزل ايده من قلبه وانه انلصمت متخيلت اسمع هالحجاية منه ابد دمعتي خانتني ونزلت و شهگت ابچي بحرگه وأناشغ

-استغفر الله ربي واتوب اليه ليش تبچین وتحملیني.. ذنب مو ذنبي لاتبچين ارجوچ

-ابچي لان ااااانت تررررريد ترجعني لهلي ماتحبني ومليت مني

ـ لاااا عاد بكلشي اتهميني ممكن اتقبل الا هالسالفة لان انااااا حبیتچ بدُعآئي ، بقلبي
و عينوني وكل جوارحي أحبچ في الله

ـسلمان والله التصرف چان عفوي مو ممقصود ليش هيج فهمتني غلط

- بسبب تصررفچ الغريب والعجيب وبعدين ليش متفاجئة غيررر هذااا قرارچ وجنتي رافضة الزواج وهسة قررت اسرحچ بالحسنى

ـ بقيت ساكته وعيني عليه بس تكت دمع هو ابد مباوع بوجهي لازم الستيرن. وظاغط عليه و يباوع على الشارع

ـ لان سكتت وتحملت وانتضرتچ تبررين موقفچ لكن وصلنة البيت وانتي ولا مهتمة ولا كأنو مسوية شي

الاعرفة غفران لسانهه طويل
الاعرفة غفران تحچي وتتعارك وتدافع واطلع حق الضايع حقة

بس ياغفران زوجچ ضايع حقة منچ اشلون راح ترجعيلي حقي...

-اناااا اشوگت ضيعت حقك

-اااااتخيلي بيوم العرس من اجتي ام افنان گابلهه وابچي اتذكر محاسن بنتها وزيناتهه كدامچ انتي راكنچ ولا معبررچ ولا مهتم لمشاعرچ‌ فگري شنو راح يگون وضعچ

بس اناااا لااا گبرتچ وگلت لام افنان زوجتي غفران هم ذات دين وحسب وخلق وثقافه عاااليه ومانطيت بيچ طرفت عین ومدحتچ

الصار انتي اصلا مذگرتيني كدام اهل عباس ولا اتذكرتيلي سالفة زينه تتباهين بيهه

لاااآااا بلعگس گاابلتيهم تبچين وتنوحين وياهم وتذكرون طيبة وحنييته والموت ياخذ بس الزين حسستوني اني عار واالله ما ماخذني..

ـ لالا والله لااتفهمني غلط

ـ يا لا.. تحچون ودوسووون بالگلب ولا كأنو مسوين شي

هو یحچي وانه ساكته ماعرف شلون اتصرف بس دموعي تنزل من كلام سلمان حسيته هواي جرحني بكلامه وفوكاهه يشك بية

ـ المصيبة بعد هالحچي كلة وانتي همين ساكته‌ وماحچيتي جملة مفيدة هذه مو غفران الاعرفهه..
عندج جواب لاسئلتي لو همين راح تسكتين..

مسحت ادموعي ردت احچي وانطق بس والله مادري شبيه لساني معگود ماگدر اكون جملة على بعضهه وابد مو على طبيعتي بقيت ساكته ومدنجه راسي..

--هااااا شو ساگته

-ارید ملابسي عدگم

- يعني قررتي

ـ اي

ـ صاررر..

ـ مانطق بكلمة بعد
حرگ سیارته مد ایده للمسجل یسمع انشودة ابا ذر الحلوجی
وصلنة للبيتهم وقبل لا انزل.

گلي

ـ حضري ملابسچ ارجعچ ألبيت اهلچ راح ابقي السيارة مشتغلة لاااااا تتأخرين

ماحچيت اي شي وياه...دخلت سلمت على عمتي وعمي

-السلام علیگم

-وعلیگم السلام

گالت عمتي
-هااااا يمه بشري

-خلصت المعاملة وراح اروح لاهلي

-شوچنچ مغتاضه

-لااأاا عمه ماگوو شي

صعدت جريت چنطة چبيرة حطيت بيهه چم هدمة حتى اروح مارحت يتراوالي بكل مكان السيد اتذكرة من يصنف ويايه ويخدمني ويضحك بوجهي وكل تصرفاته الحلوة اتذكرتهه

بقیت گاعده بمكاني ماريد انزل
جريت كتاب طلعت بي استخارة سريعه الصلاة على محمد وال محمد وكمشة بالسبحه..

طلعت لا تفعل
خلاص ابقى هنا ابيتي ممستعده اخسرره واهدم حياتي..

عشر دقائق مروو وانا بيدي السبحه الكترونيه اردد اسم ياهادي ياهادي
(( تعلمتها من عمتي زوجها من يتعصب تكرر ياهادي ٤٥٠مره..بهل عشر دقائق كملة ياهادي وهو ماگو الحظه انفتح باب الغرفه

شافني گاعده مدد ايدة ياخذ الچنطة مني راسا نطيتهيا گلت خاف همين يفسرهه بالمكلوب اخذ الچنطة
بقیت گاعده

گال
-هااااا لیش متگومین

ـ ماريد

ـ اذا چنتي مامجاوزه لماضي شلون تقدمين وتتقدمين خطوه ليكدام

-انه مقصدي

بعدني ماگملت كلام وشمر الچنطة متعصب وبیده النقال شمره حیل بلگاع افتر خطوه جدامي وراح وانه گاعده متخوفه

هسه یسوي شييي هسه يتعصب اذا ايارب اعرف الغلط مني بس ممتقصده

ردا احچي عاط بيه

-غفررررررران لايمكن اسمح ولا طرفة عين أن المرأه الي تكون أليه وبأسمي تفكر ولو طرفة عين باي احد حتى لو كان بسابع ارض مدفوووون

أتعصبت وردت أگوم اجاوبه هدیت نفسي اعرف روحي غلطانه لازم‌ اسكت هنا دموعي خذلتني بس ابچي

آفتر بلغرفه وهواي حچى حجاه حاولت احافظ على هدوئي. عاد هنا وگفت
وگتله

- يا سید سلماااااان معقولة هيچ اتشوفني مو انت دگول اگثر شي حبيته بيچ عفتچ
تتوقع اني اكون ع ذمتك وممكن للحظه افكر حتلوا عندي مبرر ان لفگر بشخص ميت

انه مابچيت لان شفت ام المرحوم بچیت لان شفت امي بمكانها وزهراء زوجة اخوي ازوجت وامي باركت الها
ما بچیت علی بچيت ع ام فاگده لااگثر ولااآااا آقل

خلاص راح اروح لاهلي اذا تشك باخلاقي وماتريدني ابقى بالبيت

صفن بوجهي وطلع اول مارح نگزت فرحانه اي مايريدني اروح وانه هم اتراجعت اخطائي هواي ومالي اي حق وااذ اطلع راح ازيد طين بله وما اريد اخسرة ممستعده

خنس دقایق ونزلت اساعد عمتي سالتها
-عمه اساعدچ شنو اسوي

-سوي زلاطه ولگطي الخضره اني مكملته مركة بانيه وتمن وشوربة العمج

-صار عمه
شفتها تتافف سالتها

-خیر عمه شگووو

ـ لا ياعمة ماكو شي

ـ لاصدك عمة كولي

_ريام خابرت سلمان تعال أخذني ماادري رجلهة ليش ماجيبه هو

سلمان مايرتاح شعدهن سالفة يخابرنه شايل هم خواته وهمي هم خالاتة اذا رادن طلعة لوشئ وهم ابوه لو بيدة حتى الجوارين يشيل همهم

-الله يساعده ويوفقة كل هذا بي‌اجر يم الله سبحانه

ـ والنعم بالله

دخلو سيد سلمان وريام وابنه أجت سلمت على امه وعليه
وامه كلتله

-هاا شبيه حيدر

_مااكو شي حيدر بدوام واريد أجي گم خابرت على خويه الحنين وأجاني

_بلعافيه عليچ على هيج أخو والله تعبتنه بسوالفچن

_شبيج يمه شعدنه غيره

اجى سلمان يمشي ويحجي

_ عوفيه يمه خليه تدلل حاضر انه بگل وقت بس خابريني اجيچ

_يمه انت تعبان جنت ويه غفران هم تريد ترتاحاني ادري ليش اجت ریام لا اختها منى راح تجي النه باجر صبح

_ينورن البيت يمه هلاا بيهن حطهن بعيوني ومنى مشتاق الهة من قبل العرس راحت للهند

_اي يمه زوجه سوة عمليه لعيونه وماحضرت حتى زواجگ ثنين من خواتگ مااحضرن

ضحگت ريام وگلتله
_حريگة أخونه ويحبنه ويريد لمتنه ومرتاح بشوفتنه
ياله اهم شي انه حضرت

_ يمة الله يديم محبتگم لان تعبان گلبي عليه

واگف سيد سلمان يمي ويسولف ويضحك وراح للمغسلة حبيت اتقرب منه بلگي ينسى سواتي وكتله

_يلاة سيد جهز الغد

ابتسم بطرف شفافه
_جااي بس غسل

كعدنه نتغدة بصفه كاعدة بين ضحگ ريام وسلمان وامه وابوه يتبسم ويباوع علينه

صافنه عليه وهو يضحگ بصوت وعيونه دمعت على حچي ريام تحشش
انتبه عليه دنگت وجهي أستحيت

رد حجى وكااال

_ ياصبر گلبي يااابويه

حاجته اخته وهيه تغمز

_ وشبيه گلبك والعزيزة گاعدة يمك

مدد ايده وعافه على جتفي وكال
_هاي ام الاشبال عزيزة وغاليه صبرر گلبي

دنكت اتبسم مكيفه رااح زعل منه كملنه غدة اخذت الماعين غسلتهن وسويت چاي وجبته الهم

صعد للغرفه لحگته بسرعه للحمام شمرت مي على جسمي من البوخة دخلت للغرفه لابسه برنص ابو الكلاو كعدت امشط شعري

انتناوع اله من المرايه يلعب بلنقال وعيونه اليه فتحت باب الكنتور حتى ميشوفني غيرت ملابسي لبست تراك ماروني ربع اردان حصرر وسحاب تشرت ماسدته كله كعدت امشط شعري ورطب ايديه ورجليه وهو ولا عباله

دنجت بحجة الملم ملابسي الطشرتهم ماعرف امين اجتني الجرئه وهسوالف بس غريزت الانثى داخلي تحركت بعد هل عمر وامشي واروح گدامه ما يتناوع ابد اليه ملتهي بنقاله

لحد للغروب اذن صلينا گعد يقراا قران واني كملت
رحت وكفت يم مرايه وخلي گحل وشويه حمرة وردي فاتح ورفعت شعري ليفوك بقراصة ورشیت عطر كملت درت وجهي لكیته ساد الگتاب وصافن

من شافني گام لم سجادة واني متجيه على ميز مرايه وأباوع اله سمع عمتي تصيحح تعالوو راح صيرر العشى
هو نزل جدامي وانه لبست گلبیه وشال

گعدنا نتعشة چان الدجاج شوي افلس واخلي جدامه ياكل مايفشلني بس بسكوت
لملمت السفره ردت اغسل ماعين ماقبلت ريام كالت اصعدي الغرفتچ مااعدنه شئ

وهو هم الظاهر مخلص وصاعد ومغير ملابسه صعدت نزعت كلبيه ولبست بسرعه تراكسود

تمددت واريد خطه ارضي بيها لن صعب جدا يرضى شلوون شسوي جبته منا حطته منا ماكو غيرر

قمصانه اكويهن كل مره تگويهن ريام لو هو بس جوه هل مره صرت نادره شلت الاوتي وانة اتمايل بشعري جاي احط راس النقطه اجى عليه دفع ايدي حیل
لزمت ايدي متوجعه

گلي بخوف

-هااااا حبيبتي اسف اسف كوووون تاذيتي مووو هااي النقطه تنتل خفت علييچ

یحچي بخووف عليه نازع كبريائه لزمته وهو حاضني لمسته خلت گلبه ضرباته تتسابق اله نسيت وجع ايدي التقت عيني بعينه وايدي لزمت ايده بشتياق الحب

همست
-مامتئذيه

-زين ليش صافنه

اتلبگت من حچيه حاولت اجمع كلامي بس هو مانطاني مجال صافن وعيونه بعيوني

ارتبك من نظراتي يتئمل كلشي بيه نظره وحده مني چانت گفیله انو تخلي يظهر حبه القوي زين و بداخله الحب القتله المشاكل كتله بتوتر

-نظراتي تبعت گلبي

-وگلبچ شیگول

سگتت خجل احاول احچي واحاول اطرد مخاوفي بس حتى احچي رفعت عيوني عليه نظراتنه كلها اشتياق للهفه أتناوع اله ونزل عيني منتظره ردة فعل منه تكسر خجلي

رغم توتري هو ثابت ملامح وجهه وسگناته ابد حتی مارمش شمرت حسرة يأس بصوت وصل اله خلاص هووو عاند درت وجهي منه مقهوره

ابده اسرع من احباطي سحبني عليه مغمضه عيوني تاركه گلشي اله وعليه

حاوطني'بشده مثل مغترب وجد وطنه محتل استوطن ارض وصارت ملگه

سد باب الغرفه وانه بين ايده مغمضه ماسمع بس صوت دگات گلبي وگلبه، ویه صوت سد المفاتیح وحرگتهن ونغمة الغشغشه

-غفورتي شنو الجد
ماحچیت ولا حبیت احچي بس الخجل سيطر عليه يبوو هسه شيگول علیه تحبه وتريده بس وین اشرد هو لازمني حييل
جاوبته

-اريد اطلع

-دخول الحمام مو مثل خروجه انسي اطلعين من هنااا

-سلمان

-لشوگت یباس الراس یروح منچ

-ماگو اي يباس راس انه

-اااخ من انتي ياصبر گلبي

-هاااا

-اي لان صبرت وصابرت علمودچ
بایده الی تمشي على وجهي همس

-احبچ یاااااصبرر گلبي

ابتسمت اله فرحانه بهاي الگلمه

-یله حروح امشي
-موووووگلنا ماااااگووو طلعه لو نسیتي

-لاااا عفيه اشلون اريد اطلع مااعرف

-مااااتعرفين شنوووو هااا هووو گلبچ غلب حتى عقلچ
اخذني بين ايده الحد جوه الغرفه گلش الی ان وصلنه یم الچربایه رجفت مستحی وارباك وهو يتقدم عليه بهداي يحاول مايخوفني

وحتى لو اخاف رايات العناد والخجل نكست اعلامها

تقرب اكثر مني طبق اشفافه حتى ماخلانی احچي التهم حروف گلامي بشفته
التهم لحم اشفافي بقربه رجفة الشوق والقرب سرت بگل خلایه جسمي،تحطمت جيوش الرفض جدام جيوش قربه وحبه وعشقه اليه

لف ايده اليمنى مطوق جسمي والايد الثاني تتمايل على كل عضوه كل عضله صامده امام لمساته خلاهن بحالة ذوبان
وهيام وحب

بقربه رفعت ايدي احتضنه ابادله اساعده يساعدني من غرق ذوبان مشاعري يمه دفعني للسرير

اله الحظات صارت ورديه يهمس باذني بگلشي حللاه رب العالمين وهو فوگ جسمي يلتقط انفاسه برغبه وغرام واقتحام

بقى صوت دقات گلبي يخترق جدران صدري تنهدت خايفه من ذوبان نفسي الي اول مره بحياتي اعيش هيچ حاله

همست
-س س سلمان
همس بصعوبه وصوت متع

-ياااااصبرر گلبي وعدتچ مااجبرچ بس حلال الله لیش تمنعیني منه خليني براحتي

سگتت وللساني يررد يارب ساعدني يارب ارحمني مااعرف ليش بقيت ادعي لان اول مره هيچ یقترب احد مني

بدى يقترب مقرب الرجل للمراه وهو يداري خوفي مطبق قوله تعالى
((فأتوهن من حيث أمركم الله))

فتحت عيونه عليه وهو عیونه وشگله ونظراته المتسائله وجهه عرگان ويمسحح بيده ابتعد عن شوي ويبأوع بوجهي بتعجب وصدمه

مره يتناوع االوجهي ومره يتناوع جوه جسمي سحب قميصه وهو یلبسه

تناوعت وین چان نظره بچیت بنحيب والملم الغطى استر جسمي استر خيبتي وخوفي وعيوني ادور على دم عذريتي الي ماشفته ولا هوو شافه

بدموع الخذلان والوجع والقهرر حاولت الملم شتات نفسي وچذبتي الچذبتها عليه بداية زوجنا اجى وگت حصادها وعقوبتها

گتله بخوف وتوسل

-لااااا تطلع الله علیك والله ماااعيدها بعد والله انا بریئه

من نِعم الله عليك في الحياة أن تجد قلبًا تأنس إليه
... ...
......
رغم قوة العقل والمنطق إلا أن #الأكتئاب أشرس شيئ ممكن أن نواجهه ، يذهب ثم يعود أقوى وأشرس فيُحدث فيك مايحدث، ثم يتركك في كومة من الركام،
والمؤسف أن كل من حولك لن يصدق إنك تخوض هذه المعركة يومياً

نوار//
ـ وين مرتي..

ـ اثنينة انصدمنه من هالحجاية رغم نعرف بيهه طبيعية بالنسبة الة.. بس ما اتقبلناهه

رعد سكت ماجاوب
رد سأل مرة ثانية

ـ گتلك وووووين مرتي رعد ليش ماگوو

مریم//اتقدمت على نوار

گلتله..

- الحمد لله على سلامتك....

ـ ياهلا بمرتي شلونج

ـ ههه مرتي انوب شنو..

ـ ليش انتي مووووو چنتي على ذمتي

-اي بس اذا تذگر ااااحنة اتفقنة نصيرر اصدقاء

ـ اي اتذگرررر بس احس مشتاقلگم والله

ـ ااااااحنة الاشوق صدگني..
نزعت العباية وخليتهه على جهه وگعدت يمة

-هسه شلون صحتك خو ممتأذي

ـ ااااااي زين بس احس بوجع بمناطق من جسمي بـ

ماخليتة يگمل قاطعته.. اي عادي عادي صارلك فترة نايم اگيد جسمك يتعب

ـ صدك.. صارلي شگد يعني نايم

ـ چنت داخل بغيبوبة وربنة ستر.. الحمد لله على سلامتك

ااستغرب من كلتلة غيبوبة وصفن بوجهي.

ـ غيبوبة.. صدك!
يعني شكد صارلي نايم مااااافتهمت

ـ تقريبا اسبوعين صارلك

ـ هه يا.. عبالي سنتين وگعتي گلبي

ـ لو سنتين چان طفرت وماشفتني هههه

ـ تعوفيني مريم

ـ معروف عني ما اتخلة عن اصدقائي

ـ مد ايدة يريد يلزم ايدي وابتعدت
..
ـ هذا كل الاريدة تعتبريني صديقچ مو اكثرررررر

ـ اي هيچ تمام.. لعد شگوووو گلت وين مرتي خليتني اصفن عليك

ـ شمدريني طلعت بعد من حلگي

،، كل هالكلام ورعد واكف فوك راس اخته يسمعنة.. من كلتلة صديقي حسيتة فرح مسكين كل عقلة اتقبلة واعيش طبيعي وياه..

دخلت الممرضة وغيرت كيس الادرار..
دقايق ودخل وراهه الطبيب بيدة اوراق وقلم يفحص بنوار ويسولف وياه ويكتب

ـ الحمد لله على سلامتك

رد نوار
ـ الله يسلمك دكتور

ـ شلونك اليوم

ـ احس جسمي مگسر

ـ لا خلص بعد من باچر راح تتحرك وتمشي شوي بعد ماگو داعي تبقى نايم لازم تخلي الدورة الدموية تشوف شغلهه بجسمك

ـ والله ياريت احس جسمي خدران اتمنى اتحرك

ـ اكيد تتحرك وتمشي وتگوم من مگانك.. راح تعتمد على نفسك بروحة الحمام .. هالكيس هالليلة لازم ينشال ان شالله

،، هز راسة نوار وگمل الطبيب گل المؤشرات وسوالف وطلع..

رعد حسيته يريد يحچي وية الطبيب بقيت يم نوار گاعدة اله‍ي بالسوالڤ. گعدت اسولفلهه عن زواج اخوي وهي اتفاعلت ويايه خطية

من هيج حچى الطبيب صفنت شلون يعتمد على روحه بالحمام يعني راح يكشف نفسة تحول لبنية طلعت وراه ووگفت احجي وياه

ـ دكتور شلون اذا اكتشفت نفسهه؟

ـ لازم تكتشف نفسهة لان مگان العملية نضيف والتأمة ان شالله سهل وية العناية يعني ميحتاج غير اثنين وسبعين ساعه فلازم بعد تعتمد على روحه بالحمام من هالليلة

ـ بس متخيلت بهالسرعه راح تعرف اتصورت بعد گم شهر او على الاقل اسبوعين تلاثة وبعدين دگتور انت كلت لاتخبروه مهدولهة الطريق

ـ اي صح وهذا الصار مو اول ماگعد كلتولة صرت بنت

لا بالعكس مشيتو الوضع طبيعي و عاملتو على انو رجل وهذا القصدته لكن من ناحية الطبابة والعملية فميحتاج اكثر من ثلاث ايام وكلتلك اذا ماكو مضاعفات تكدر تطلعه كلامي كان واضح لكن على مايبدو مافهمت قصدي

ـ زين هسة شلون شسوي

ـ لا ترتبك كل شي بدايتة صعب ولازم اختك تنصدم بوضعهه خصوصا عاشت سنين دور الرجل ف احتمال چبير مو بسهولة تتقبل وضعهه

ـ زين مين ادبر طبيبة او طبيب نفسي يعني ما اعرف احد هنا

ـ اذا تحب اكو اطباء نفسيين هنا بالمستشفى ممكن تستعين بخبرتههم هم موجودين لهيج حالات..
روح وسالههم وخلي يجوون يشوفون حالة المريضة اگيد راح ينطوگم استشارة ونصائح شلون تتعاملون وياهه

وشلون تتقبل نفسهه وطبعا اذا رجعت للمركز يعني اقصد بغداد او رحت لمحافظتك ضروري هناك تتعاملون وية طبيب نفسي اهم شي يكون ذو خبرة مو عديم الخبرة لان ممكن يأثر على اختك

ـ اتنهدت من كلامه.. دنجت راسي وهزيتة يعني تمام فهمت...
شكرا دكتور تعبتك ويايه..

ـ لا بالعكس واجبنة

راح الطبيب ورحت للاستعلامات سألت عن طبيب نفسي كالو اثنين طالعين باقية بس الطبيبة
(( جیهان))

وصلت يم بابهه دگيته دخلت لگیت الدكتورة كاعدة تشتغل على اللابتوب..
وصلت يمهه وابتسمت سلمت عليهه

-دگتورة جيهان طبعا دزني عليچ الطبیب الاقدم وگال ماگو احسن منچ بهیچ امور

بديت احچیلهه عن حاله نوار..

ـ طيب هو كان عايش گ رجل تام او مجرد اسم

ـ تقصدين يمارس رجولته

ـ اي نعم

ـ لا اطلاقا يعني.. احم.. احنة.. زوجناه وماسوة شي

ـ زوجتوه؟

ـ اي لان ماچنة ندري بي

ـ يحتاج اشوفه واحچي وياه موجود لو نايم

ـ والله مادري دكتورة الطبيب شافهه وبعدين راح

كامت من مگانهه سدت لابتوبهه ونزعت نضارتهه ولبست وحدة ثانية ومشت قبلي وانا وراهه تجقجق بالكعب مالتهه وحاطة ايدهه بجيوب اللاب كوت وتمشي

صرت یمها گتفت تف لان وتسولف ويايه عن حالة نوار دليتهه على الغرفة دخلنة سوية چنة نضحك اني وياهه اجتي عيني بعين مريم شفتهه تباوعلي بحقد ومتفاجئة لان اضحك وية الطبيبة

اول ما دخلنة لگينة نوار على السرير وچف ايدة ملفوف بيهه دم و حالتة مو تمام..

مریم// من طلع رعد والطبيب بقيت اني ونوار نسولف شفته مامرتاح گلي اريد اروح للحمام طالما شالو الصوندة

-لالا شعندك تروح للحمام

ـ يعني الواحد ليش يروح للتواليت؟

ـ اقصد هسة شالو الصوندة معقولة انحصرت بهالسرعه

ـ احس اكو شي خطأ بجسمي.ونفسيتي تعبت وطالما شالو هالاشياء مني اريد اكشتف شنو صاير

چلبت بايدة

ـ شنو قابل شصاير يانوار

ـ ساعديني مريم اريد اروح للحمام

ـ لالا انتضر خلي يجي رعد

ـ مو لازم ماريد مساعدتچ اني اروح لوحدي

شفتة مصمم بس مابي حيل يمشي انقهرت عليه..اتقدمت ولزمته من ايدة ساعدة يمشي شوي خطوتين ووصلنة الحمام هو داخل الغرفة مالتنة فتحتلة الباب ودخل حسيت گلبي وگع برجلي ماعرف شراح يصير

گتله

ـنوار ننوار أتريد ادخل وياك اساعدك

ـلااااااا.. اني ادخل وحدي ما احتاج

دخل وسديت باب الحمام اله ركضت على كيفي لباب الغرفة فتحتهه اشوف رعد وين صار طلعت برة ور يمنة يسرة ماكو عزة بعيني وين صار وين راح هسة شراح اسوي لوحدي بقيت واگفة يم الباب خايفة ادخل واسدهه

سمعت صوت صرخه وشي انگسر بالحمام راسا رگضت دست الدگمة اليم سرير المريض هاي للطوارئ حاطيهه ادك يم الممرصين انذار

بسرعه اجوي يرگضون للغرفة
گنلهم

-ااااااااالحکووني نوارر بالحممامم ماعرف شنو گسرر

اثنين ممرضين گدرو يفتحون الباب دخلنة لگينة نوار گاعد على التواليت الغربية ويبچي

ايدة تجري دم لان گاسر المراية شافنة فتحنة الباب بقى يصيح ويغلط علية

-ليش مريم اعتبرتج صديقه لييييشش تقرب بوجع يريد يضربني انهزمت وولزمو الممرضين راسا واحد منهم طلع ابرة من جيبة وضربة بزندة بشكل مفاجئ بقى يرافس بس كدرو يسيطرون عليه وشالو حطو بالسرير

منضرة يقهر بقى يبچي ويكول ليش هيج سويتو بية اريد احچي ماگدر بس ابچي وكأنو لگيتهه حجة حتى افرغ القهر البگلبي

بقو يمة الممرضين الى ان هداء وتقريبا مثل الخدر ميگدر يتحرك بس يسمعنة
رادو يطلعون الممرضين جلبت بيهم

-لاااا طلعون خاف یعصب

كالو

-لااااااااااااتخافين حاليا يسمع بس ميگدر يتحرك طلعو وبقيت لوحدي
يباوعلي ويبچي واني ابچي

ـ ليش

ـ ماعرف مين ابدي وياك

ـ دمرني

ـ لالا والله محد دمرك بالعكس
دقايق ودخل المنضف ينضف الحمام من المراية المكسورة

حرت مين اجيب رعد وين راح لخاطر الله معقولة طلع يجيب اكل هو هذا وكته بلة
دقايق وشفت الباب انفتحت ودخل هو ووياه وحدة ويضحگون سوية

جمالهه يبچي شعرهه گيرلي يخبل حتى المناضر لايگة عليهه وجهه مدور عيونهه وسيعه لونهه عسلي بيضة حمرة من ذن الحمرات اليصفنن بقيت صافنة عليهه بعدين استوعبت هاي طبيبة من الصدرية الابستهه

بس كرهت رعد عايفني اني ونوار المسكين ورايح يتصرمح وية الطبيبة وناسينة

طبعا ينسانة حلوة وتلوف العقل ليش ميناسنة ويلزك بيهه همين وفوكاهه داخلين يضحگون شعده يضحك وية الطبيبة..
خزرته بنضرة مني ووخرت عيني عنة ودرت وجهي

رعد//دخلت الغرفة شفت رعد على السرير بس حالتة مو تمام ايدة بيهه دم ملفوفة مريم من شافتني وية الطبيبة دارت وجهه عني.. اتقدمت على مريم وسالتهه

ـ شنو صاير مريم شبي نوار ايده شبيهه

ـ طبعا حقك متدري شصاير حضرتك نايم بالعسل

ردت الطبيبة
ـ اذا عد م خلاف عائلي ارجع غير وقت

ـ لالا دكتورة ماكو شي لاتخلين ابالچ.. احچي شصاير

رد نوار بهمهة

ـ ليش.. ليش

ـ شنو ليش

،،، لخاطر نوار حجيت وياه ولو هو ميستاهل

ـ نوار عرف بحالته لان دخل للحمام لوحدة

ـ شلوون دخل وحدة وليش وشبسررعه

رد نوار بعصبية بس خطية ميكدر يتحرك وكلامة صار ثكيل كوة ينطق

ـ منوو كلك هییییيچ سوي نذل منوو

ـ-ابن ابوووو ارشد تريدني اعوفك تمووت يااخووية چنت مخطوور والله ماردتهه بس وضعك حرج

ردت الطبيبة

ـ اهدئو ماگووو داعي للعصبية والانفعال اول وتالي لازم تعرف وتتقبل وضعهه..
ويفضل انتو همين تتقبلون وضعهه

مفهمت گلامهة يعني شنو نتقبل وضعهه..
ردت ما احجي وياهه بس لخاطر نوار حجيت..

ـ يعني شلون نتقبل وضعه؟

ـ يعني تخاطبوهه بضمير المؤنث وتتركون المذكر..
اذا انتو اهله ممتقبليهه
ف تلقائيا ماراح تتقبل نفسهاااالازم تساعدوهه على هالامر

،رد نوار

ـ ا.. نا و... لد

رد رعد
ـ نوار حبيبي اهداء

ـ لا تحچ.. ي وياي

كالت الطبيبة

ـ الحمد لله على سلامتج نورة

ـ اسمي نو.. اار

ـ ان شالله ماكو الم متعانين من شي

رديت على الطبيبة

ـ الصار مو قليل كوة هدأو

ردت الطبيبة

ـ انطو مهدئ مو صحيح

ـ اي يمكن ضربو ابرة

ـ صحتين ان شالله.. انتي تعرفين الحياة متتوقف على شي معين
دائما مستمرة تحت اي ضرف كان

هز راسة ورد

ـ اي صحيح

ـ ولازم نتقبل حالنة مهماگان
تعرفين الحياة حلوة وحرامات نضيعهه بجلد غير جلدنة..

،،، اباوع لنوار دمعت عينة من حچت وياه الطبيبة
انقهرت عليه بس شبيدي ياخوية والله مو بيدي الطب هيج يكول..

ردت الطبيبة تحچي وياه

ـ والاجمل نعيشهه بالطريقة الصحيحة والتوالم طبيعه اجسادنة

ـ انا.. ولد

،، حجة هالكملتين نوار غفى چان يجاهد نفسه حتى يبقى گاعد بس مگدر.. رفعت الچرچف وغطيتههة وبقى رعد يسولف وية الطبيبة

ـ طيب وين اوراقة

راسا جاوبهه رعد

،ـ الطبلة كلهه يم الطبيب الاجنبي و يم الطبيب العراقي ((منذر وجونسين ))

ـ اوك احتاج اخذ الفايل واقراه وبعدين انطيگم طريقة التعامل وياهه..

ـ تمام دكتورة.. زين شلون راح نتعامل وياه.. اقصد وياههه
اكيد ماراح تتقبل نفسهه مثل هسة

ـ امر طبيعي من تعصب وتغضب ومتتقبل نفسه بسهولة لان گانت شخص وصارت شخص ثاني كل المطلوب منگم انگم تكونون هادئين متحسسوهه صار تغيير چبير بحياتهه لان انت هذا جندرك الاصلي ورجعتلة كل عصيبتهة تتعاملون وياهه بهدوء لكن فرقو بين الهدوء وبرودة الاعصاب لان برودة الاعصاب يستفز المريض النفسي

ـ يعني اختي تعتبر مريضة نفسيا

ـ بالمناسبة ترة كلنة مرضى نفسيين لكن تختلف درجة المرض من شخص لاخر

ـ والحل دكتورة

ـ هسة خلي نشوف ردة فعلهه باچر وية الكلام وطبعا هي حاليا تحتاجگم الگم اكثر من احتياجهه لطبيب

ـ يعني بهالايام تصير زينة

ـ لا طبعا بس ممكن المريض ياخذ شي قليل من اساسيات

اما اذا مناوي تبقى بشمال فيفضل تشوفلك طبيب من محافظتك وتستمر عليه لفترة اقل شي شهرين

ـ زين شلون اذا طلع مو كفوء

ـ كفائة الطبيب متبين بيوم وليلة
ولا تنسى نصف العلاج هو تقبل المريض للمساعدة ورفض حالته..

عندي مرضى رافضين اي علاج ورافضين اي حل وعايشين بوهم قانعين روحهم باوهام

من بينهم بنت تتصور نفسهه عليهه سحر وهالسحر شايل وجهه الجميل وعيونهه الملونه وناطيهه وجه قبيح
ومن اسالهه وين راح وجهچ تگلي اقاربي مسويتلي عمل وماخذة وجهي وجمالي حسني..

حاولت اني وبعض الاطباء النفسيين نساعدهه لكن مكدرنه

،، اول مرة اسمع هيج قصة شنو السحر يشيل الوجه ويخلي غير وجه اخذني الفضول لهل طبيبة واتقربت عليهه اريد اسمع باقي القصة..

دگتتورة يعني مگدرتي

ـ لا مو قصة ماگدرت اعالجهه
لكن المرض النفسي مو مثل العضوي
النفسي شي نابع من ذاتك انت تمرض نفسك بنفسك
الا اذ قاومت وما استلسمت بهالحاله يكون المرض حاله حال الفلاونزة فترة وينتهي...

ـ ان شالله اگدر ابقى هنا

ـ ان شالله..
گلشي مگتوب بالطبلة عن المريض مو صحيح

ـ اي گلشي حچيتلهم ومدوني هنا واي سؤال اني حاضر

ـ اوك.. يلة استاذن

طلعت الطبيبة وبقينة اني وياه سوية ميهلي اشوف بوجه ماكدر انسى شكلة من دخل مبتسم هو وياهه

نام نوار المغرب تقريبا بقينة گاعدين يمة ماحچیت وياه ولا گلمة
اجى الممرض وكال لرعد مدير المستشفى يريدك.. عرفت علمود المراية المسكروة راح يتغرم..
يستاهل.

طلع ورجع ورة ثلث ساعه
ـ يلة كومي

ـ وين

ـ للفندق وين

ـ ونورة خاف تگعد

ـ لا انطوهه منوم للصبح يخليهه تنام حتى تهداء مراح تفيديهه بشي اذا بقيتي يمهه

ـ ياريت لان تعبت واريد اصلي

ـ طلعت ووصيت الممرضة نفسهه على نوارة ونطيتهه المقسوم

صعدنه السيارة وطلعنة من المستشفى
طول الطريق مريم ساكته متحچي ويايه
عرفت شايلة بگلبهه عليه لان شافتني اضحك وية الدكتورة

فرحان بداخلي وخربان ضحك يعني بعدهه تحبني بس هالسوالف دلع بنات
مريم شتريدين عشة

ـ ما اشتهي

ـ نفس الجواب كل يوم
طبكت السيارة..

واخذت لفات كباب وبطل ببسي وشوي فواكه وكرزات

صعدت السيارة واتجهنة للفندق
فتحت الباب ودخلت كعدت على القنفة وطلعت تلفونهه

اخذت ملابسي ودخلت للحمام الجو حار سبحت وطلعت اتمدتت على الجرباية وهي بعدهه بمكانهه

يمكن متدري اليوم ابات يمهه اهمس بداخلي وابتسمت..

ـ اشو تأخرت شوكت راح تطلع

ـ وين اروح

ـ لاختك

ـ ههه هاي گلة اختك لو غير حچيهه چان انخبز... علی العموم ما اطلع اليوم

وكفت على حيلي وصرخت .

ـ شنووو عيينيي

ـ لاتنصدمين لاتنصدمين.. بعدين ليش اطلع ماعندي شي

ـ لاا عيني شنو يعني تنام ويايه بنفس الغرفة

ـوين اروح غير متگسر وتعبان صارلي كم يوم واكف على تك رجل اتفلشت

ـ لا رعد هذا مو حچي روح احجزلك غرفة ثانية

ـ مريم والله الفلوس بدت تخلص وربچ لو عندي احجز ليش لا بس ميگفي العندي

ـ لاا يكفي وووعنددك واني شفتهم

ـ لاتفكرين بروحج وبس..
فكري بعلاج نورة مين اجيبة هو جنت بطرك السيارة وبعتهه وچم فلس جنت ضامهن اخذو منهن لعلاج نوار وهسة جبت القسم الثاني هنا اكمل علاجه

ـ كعدت على القنفة مثل المتورطة.. اريد ادخل حمام اسبح اصلي ماكدر وانت موجود

ـ قابل راح اكلچ روحي دخلي شعليج بية

ـ دكلك ماا اكدر شسوي يعني

ـ اوك راح اطلع شكد تحتاجين وكت وراهه ارجع

ـ فد ساعتين تلاثة

ـ لا خليهه للصبح احسن.. كدامچ نص ساعه تخلصين شغلچ وارجع

ـ نص سااعه شنو شسووي بيهه

ـ يعني شتريدين تختمين القران اليووم سبحي وصلي مياخذ منج اكثر من نص ساعه وراهه تلكيني على راسج واكف

ـ اووووف

ـ حتى الاوووف حلوووة منج...
_هوينة عاد اطلع

ـ هييج خانكچ وترين اهويچ.
يلة رايح
لبست تراكسود والشحاطة واخذت تلفوني ونزلت بالرسبشن طلبت نركيلة گعدت انركل بين متخلص مريم..

ماصارت نص ساعه.. الساعه ابد متمشي والميل واگف بمگانه

اتصل اخويه
-گیف الحال اخي

-واخيرا شرف واحد منگم سالو گولو خل نفرات الثلاثه ماتو عاشوو

-لااااا تقل هگذا انت متعب كأنك

-امي اشلونها

-گل یوم جدال مع أبي

-من يوم يومها امي تسكت

-اخي نوار كيف حاله ما وضعه

-كل احنه زينين يخوي

الخط فصل باوعت للساعه ماصدگت صار الوكت صعدت ارگض دخلت لگيتهه لابسة چادر الصلاة و گاعده على الجرباية صدك ضحگت..

هاي شلابسة

ـ ووانت شعليك

ـ اشو متلفلفلة شنو سالفتچ

ـ شيخصك

ـ شلون تنامين هيج تختنگين يا حبيبتي

ـ لا تكول حبيبتي ومعليك بية

ـ يلة هم صدك شعليه

كعدت يمهه على الفراش

ـ وووووين

ـ ماجاي عليچ اريد انطمر

ـ روح على هذيچ القنفة الصغيرة نام

ـ ههههههههههه بشرررفج اني هالطول والعررض طولي ١٩٠ سم ووزني فوووك
٩٥ كيلو انام على قنفة طولة ١٢٠ سم وعرضة ميطلع بيهه ٤٠ سم

ـ لعد شتريد تنام يمي

ـ ولچ شبيچ قابل منو نايم يمچ واحد من الشارع

ـ حلممم ابليسس بالجنةةة اخليك تنام يمييي

ـ تريدين تروحيين انتي تنامين عليهه براحتج بعد احسن الفراش يبقى الي
ولنت مابیچ ولا لحمه تگفیچ

ـ شكد حقيرر يالله..

ـ اشكرچ

عفته گمت على القنفة
لزمت تلفوني اكلب بالفيس احس بنفسي كلش متوترة اول مرة انجمع بليلة وياه هذيج الايام خلصهه بالمستشفى

دكت عليه ريام بس ماجاوبتهه دزيتلهه رساله اني بالمستشفى.. دزتلي سلام وكالت دسأل عليگم رديتلهه كلنة بخير الحمد لله
بقيت كل شوي اتگلب على القنفة

ـ مريم تعالي هنا

ـ ماريد

ـ شلون تنامين على هالقنفى الصغير.
ـ معليك اني ادبر نفسي

كمت من مكاني ورحت للثلاجه طلعت فواگه فراولة وموز وخليت الكرزات على الميز وقربته يم مريم

ـ ماريدد

ـ هههه ليش محسستني قدملتچ مزة وهيچ نفرتي

ـ اي ماريد هيية كوة

ـ لا عمي مو كوة..
المسافة بين السرير والقنفة قريبة حطيت الميز بيناتهم وكعدت على السرير اگلت موزة وبعدين كرزات

ـ مو تحبين الفراولة ترة اشتريتهه الچ

ـ كلشي گرهت من گرهتگم

ـ رجعنة لنفس الموضوع

ـ ليش عندي غيرة ياكل ويشرب ويايه هالموضوع

ـ كمت من مگاني وكعدت يمهه

ـ لاتجيي يمي احذررك

ـ اجيت وكعدت.. شراح تسوين

ـ رعد انت رجال چبير وبالغ وعقلك جبير عيب تسوي هالسوالف وتسقوي عليه

ـ اي صح چبير رجال ثلاثيني وبين ايدي البنت الصبية التمنيتهه اول ماشفتهه

ـ تأفافت و كمت من يمة ورحت يم الشباك ماخايفة منه ولا كارهته بالعكس بداخلي رغبة قوية تجاهه بس ماريد ابينهه ولا اريد اضعف كدامه لان اخاف يستغلهه

كمت وراهه ابخطوات بطیئه مدیتي حاوطت خصرهاحضنتهه من ضهرهه
حاولت تقاومني بس ماگدرت..
تدفع بايدي وانا حاضنهه بگل قوة مانعهه من الحرگة.. تالي تعبت واستسلمت

ـ وووخر رعد

ـ خليني مستمتع بهاللحظة يا مريم مارايد منچ شي والله العظيم بس اريد احقق امنيتي العشت سنين انتضرهه

ـ ما اگدر احقهه الك افهمني

ـ لايروح بالچ لبعيد
امنيتي چانت احضنچ والعب بشعرچ تتذكرين من كلتلچ هيج امنتي

استسلمت دنجت راسي ودمعت عيني.. ماقاومته ولا سويت شي لان هاي همين چانت امنيتي احضنة واغفى على صدرة

شفتهه ساگتهه اتجرأت اكثر مديت ايدي ردت انزعهه الجادر‌‌ راسا نفرتني وحاولت تبتعد

ـ لالاه لاااااا مووو هيج

ـ وولج مو بالي شي الزم شعرچ و اشمة

ـ هزيت راسي بمعنى لا ماريد

ـ مريم لاتحرميني من تحقيق هالامنية

ـ امنياتك هواي يارعد وخايفة لا امنية تجر امنية

ـ العافية بالتداريج مو هيچ يكولون

ـ وخرت ايدة مني وحاولت ابتعد عنة بس جرني من ذراعي بدون اي كلام من عدنة

نزعني الجادر شمرة بالگاع وضل يتأملني خجلانة منة ماعرف وين اودي وجهي

ـ بقين اتأمل الجمال الرباني والـ الاهي
شعرهه مبلل ومفتوح طويل واصل لجوة خصرهه ومتناثر على وجهه ضايفلهه رقة فوك رقتهه

دشداشتهه االوردية رغم هي مستورة لكن تغريني بشتى الوسائل والطرق رشيقة ودشداشتهه ارشق منهه هسة عرفت ليش لابسة الچادر لان دشداشتهه شوي ضيقه عليهه مقسمه على جسمهه وبارزة الحسن والجاذبيه كلهه

مكدرت اقاوم نفسي جريتهه لصدري رغم تمنعت بس گدرت اضبهه حضنتهه وشميتهه من شعرهه استنشقت كل نسمة هوى تمر بين ثناياهه

ـ جسمي گزبر من حضني امنيتنه اثنينة اتحققت سوية ماقومت واستلسمت اله حسيت بأمان صارلي شهور فاقدته اسمع دكت صدرة تسارعت وجسمه سخن وصار يتعرق
خفت لا يتمادة اكثر ويطلب غير اشياء

همست اله
كافي اعتقد حققت امنيتك

ـ شبيج مريم حتى مالحگت احضنچ..

وگفه وسوالف شوك وبنصه الحلال
يحله الحچي من يصير بـ الرگبه نيشان

ـ لا لا گاافي شوف نفسك شلون عرگت

ـ ههه لاتخافين ماسوي شي بس هيج حرورتچ تكتل كتل

ـ كلت ماريدد

ـ لج حني شووي عليه شهالگلب

ـ مو بيدي

ـ يعني شلون مو بيدج؟
سمعتي كلام الطبيبة النفسية
العلاج بيد الشخص يريد يستجيبلة او لا
والتقبل والرفض بيدج انتي

مريم اني رعد البعمري مابچيت بس انتي بجيتيني..

البعمري ما انذليت لجنس مخلوق حتى الامر مالتي من اتتعارگت وياه وعاقبي وسجني مانذيلت اله ولا عبرته بس انتي ذليتيني

انا رعد البعمري ما طخيت راس لاحد حتى لاابوي بس الچ طخيته واني الممنون
گلشي لخاطرچ سويت وتالي تحرميني من تحقيق ابسط امنية

ـ ما اكدر مو بيدي هسة امنياتك تجري وحدة ورة الثانية وهمين تسمعني هالمووشح مالتك ماكدر انطيك شي ماكددر

ـ ترة ماطللبت انام وياچ اانتي ليش متفهمين

ـ تالي وياك انتقي الفاظك ويايه ولا تحجي هيچ

ـ تضوجچ هالكلمة واحد ینام لیش تاخذيها بغير تفسير هههه

ـ سكتت ماجاوبته شلت الچادر وردت البسة جرة مني

ـ لاتعامليني على اني غريب

ـ ولا ااكدر اعاملك على انك زووجي

ـ اوووك تماام..
بسس على الاقل لاتلبسين الجادر

ـ احنة اثنين وثالثنة الشيطان

ـ حاشا لله حبيبتي احنة اثنين وثالثنة الرحمن دائماً فكري بقوة الله...لاتفكروين بقوة الضروف

مو انتي ولا اني الي الشيطان يلعب علينة
احنة متزوجين على سنة الله ورسوله وبموافقة ابوج

ـ لا تذكرني بمصايبگم وتخلي لساني ينمد

ـ شوفي مو چنتي كدام نوار سافرة وتلبسين كلشي واتفقتو تصيرون اصدقاء خلينة احنة همن هيج

ـ لاتقارن نفسك بنورة

ـ ماجنتي تدرين بيهه بنت ورغم هذة اتقبلتيه على انو صديق وكلشي لبستي كدامة..

ـ ماراح اكلك لان تزوجته بحضور اهلي ولا راح احجي غير شي
بس المطلوب يارعد

ـ اتقبلنيي مثلة يابنت الناس لاتحسسيني غريب يمج بالغرفة

ـ ولا اكدر احسسك انت قريب
افهمنيي لخاطر الله

ـ تمام براحتج..
سوي التريدي والبسي التريدي بس على الاقل احجي ويايه سولفي

ـ ماريد اتعود عليك ولا اخليك تتعود عليه
كلهه كم يوم وراجعه لاهلي وكلمن يروح بطريقة

ـ عفتهه ورحت للكومدي سحبت الجكاير وورثتهه ورحت يم الشباك فتحتة وبديت ادخن..

اختنكت رغم الهوى يرد الروح بس مكدرت اتحمل اكثر كلش قافلة ورافضة كل شي مني
خلف الله عليهه من قبلت احضنهه وبقت ساكته..

خلصت الجگارة ورحت للقنفة كعدت عليهه.. جريت تلفوني گنگت كعدت ابحث عن حاله نوار ومرات اطلع على مواقع التواصل الاجتماعي ماعرف شأريد

مریم// شفتة كعد على القنفة واني تعبانة عفتة ورحت للسرير.. اريد انام بس ماعندي ثقة بي..
راح انام رعد مو تسوي مكسورة

ـ يعني معقولة انام وياچ ومتدرين..

ـ يووو شكددد سخييف

ـ اي لعد يامسكورة تقصدين

ـ ما ادري انت سوالفك متتامن شمدريني شسوي واني نايمة

ـ ههههههه لاتخافين اذا اريد اسوي شي ف انتي وكاعدة يصير احلى

ـ الله يااااخذك شكدد اكرهك

لازم تلفونة ويحجي وياية ببرووود

ـ وتلبسين الاحمر بموتي ..
بس والله طالعه كمر ااخ يالكعبة لو تنعاد

ـ شالتك الكعبة وفكست عيونك ياا متستحي

ـ وفوكاهه تتمايلين وتركصين شصار بحالي بس الله يدري شصار بية

ـ شلل سباعي ان شالله

ـ ميخالف قابل اذا تلبسيلي الاحمر وتتمايلين گدامي هيج قابل يصير بية شلل وراهه

ـ انت مو مال واحد يضيع وكته وياك..
عفته وانداريت على الكنتور واتمددت..
التلفون بيدي وكعدت اكلب شوي بي

اجتني رساله على واتساب باوعت هاي من رعد
مافتحت الرسائل بس اشوف شنو يدز بالبردة مالت النقال
كل سوي دازلي ثوب احمر مشلح يگلي لبسيلي هيج وهسة اموت مو تريدين تخلصين مني
ضحكت على كلامة بس مابينت نفسي

كل شويد دازلي صورة مشلحه شكل مليت كمت حضرته من الواتساب

ـ ههههه حضرتني المخبلة..
وج ليش حضرتيني

ـ اهو هذا عاجبة يسولف واني مالي خلگة
طفيت التلفون وشمرته على الگومدي وخليت مخدة على راسي حتى انام

رعد// شفتهه تريد تنام كمت وطفيت الاضوية وشغلت التيبل لامب
الغرفة صارت اجوائهه رومانسية للنخاع
وانا محروم من هالاجواء شسوي
اتذكرت ايام الجيش من جنت اتخيلهه يمي
ياما عشت وياهه بخيالي..
وهسة گدامي وبين ايدية ومن سابع المستحيلات اكدر اوصلهه

بقيت كاعد اتأمل تفاصيل جسمهه حسيتهه نامت وثكلت نومتهه لان المخدة الفوك راسهه وكعت على الفراش.

طفيت تلفوني وخليته ع الشحن وتقربت للسرير نزعت سترة التراكسود وبقيت بالفانيلة وصعدت على الفراش بهدوء نمت يمهه وارتجيت بعكسي على المخدة صافن عليهه..

قربت راسي من شعرهه
يارب والله ظيم يمي وبين ايدي وماكدر الوحهه..
تحرگت شوي من مكانهه التفتت عليه شافتني حاولت تنهزم راسا حضنتهه من ضهرهه ولفبت ايدي على خصرهه وثبتتهه بمكانهه

ـ عوفني رعد والله العظيم اعيط

ـ شتريدين تسوين سوي حركه ما اتحرك من مكاني..
وكافي تقاومين لان حالچ حال البگة بين ايدي خليني حاضنچ ونايم ولا تستفزيني واسويلي سالفة جبيرة

ـ عزة بعينك يعني شتريد

ـ بعد فهمج كفاية ميحتاج اشرح... اهدئي وكافي حركة وصيري عاقلة حتى اغفى بسرعة وتخلصين مني

سمعت كلامي وهدأت بقيت حاضنهه واتأملهه وهي متصورتني اريد اغفى
چانت اجمل ليلة تمر بحياتي كلهه ليلة تحقيق اصغر احلامي

اتمنيت ما انام واضل حاضنهه واتأمل بس ماگدرت بسبب التعب
حسيت على تلفون مريم ياذن صارت صلاة الفجر

كامت تصلي من تعبي مكدرت اگوم رجعت غفيت مرة ثانية...

لبست الچادر صليت صلاة الفجر وقريت شوي قرأن بتلفوني والادعية المعينة وكملت اتاملت رعد شلون نايم

چنت فرحانه وراضية لان رعد نام يمي او بالاصح جبرني انام يمة
بس على كلبي احلى من العسل.

خلصت ونزعت الجادر ولميت السجادة اتمنيت ارجع للفراش وانام على ايدة بس خجلت
لالا وچ مريم شيكول عليه ماصدكت
بقيت كاعدة على القنفة كل شوي اسويلي سالفة نوبة اطبطب برجلي على الكاع حتى يكعد ويرجعني يمة نوبة اركع باب الثلاجه

بس ماكو فايدة دخلت للحمام وطلعت وسديت الباب قوي وهو بعدة نايم ايست منه ماناوي يكعد

ياربي واني احوس اريد ارجع لحضنة شسوي خلي اعوفة نايم واروح شمة شمدري بنفسة شمسوي...

رجعت لمكاني على كيف ونمت على الفراش وغفيت..

ـ كعدت الصبح لكيت مريم يمي ضحكت.. اتقربت عليهه و بستهه من راسهه وسوت روحهه مانعه ومتريد ابوسهه وكعدت

ابتسمت

- صباح الخير

ـ صباح النور

ـ ماحچت شي وياية وراحت غلسلت وجهه ورحت وراهه.
غسلت وطلعت ابدل..
تجين ويايه لنورة

ـ اي اجي

ـ يلة لعد بدلي

ـ اطلع انتضرني برة بين ما اخلص

ـ بعدچ‌على عقلج القافل

ـ حباب مابية حيل احچي من الصبح

ـ يلة براحتج.. غيرت ملابسي كدامهه وهي خجلت مني راحت تركض للحمام من خلصت دكيت الباب عليهه وكلتلهه..
كملت وراح انتضرج برة

ـ اوك..
صاير ابد ميستحي..
فتحت باب الحمام ولبست على السريع اخذت تلفوني والجنطة وطلعت لكيته بنفس المكان ينتضرني

سديت الباب ومشينة اني وياه..
بالطريق وكف ااخذ ريوك صمون حار وراح للجايجي جابلي كلاص جاي للسيارة وهو وكف يم الزلم اغلبهم مبينين من ملابسهم اكراد..
ماعرف شحجو ودفع فلوس ورجع وجابلي

مكدرنه ناخذ چاي للمستشفى جابلنة باكيت حليب خالي الدسم..
وصلنة المستشفى ودخلنة لنورة لكيناهه كاعدة بمكانهه

ابتسمت الهه من باوعت عليه بس هي ما ابتسسمت دخل وراية رعد وراح حضنهه
جانت كلش باردة ويانه لا حجت ولا سلمت ولا سوت شي

كال رعد
ـ شوكت كعدتي نورة

ـ نوار

ماجاوبهه رعد واستمر بالحجي وهو يطلع بالريوك

ـ جبتلچ الريوك التحبي هاي اللبنة التركية والكيمر وصمون حار وهذا حليب خالي الدسم

،، اتقربت عليهم واخذت الريوك خليته على الكومدي يم السدية
اسويلچ لفات نورة الصمون حار يخبل

باوعت عليه بنضرة حقد
ـ ليش

رد رعد
ـ شنو ليش نورة

ـ ليش سويتلي العملية

گعدنة اني و رعد نوزع الاكل بلگي تاكل شوي بس شفت نضرة غريبة بعيونهه

ـ انتو وين بايتين اثنينكم

صفن رعد عليهه وجاوبهه
ـ بالفندق بايتين

ـ بغرفة وحدة؟

عفت كلشي من ايدي وتركت مريم تكمل وحجيت وية نورة.. راسا دخلت بموضوعهه بدون مقدمات حاولت ترفض بالبداية وتنكر ميولهه لكن دخلت مريم على الخط

ـ يانورة ليش تنكرين وضعچ انتي بنت والطب والشرع هيح يكول ليش رافضة نفسج
انفعلت وكامت تصيح علينة وجلبت بايد رعد

ـ ياااطبب ياشررررع ااانتو فااهمييين شسووويتو بييية تدررون شلوون

شجنيتوو علييه ووولك شلووون فهمنييي شلون اوااجه الناااس شلونن اطلعع مرة ثانيةة اقابلهمم شأكلهممم

ـ اهدي نورة حبيبتي هذا امر الله انتي ماسويتي تغير جنس بارادتج لا انتي انثى بقالب رجل

ـ ووولك يا انثى ياااصخاام اانت نسيييت چنت ااااشرب وادخننن واسهر برة لبييت شراح يكولون علييية العالم من يشوفوني صرت مرررة

ـ نوار معقولة ماحسيت بنفسك بفترة المراهقة معقولة ماعرفت انت مو رجل يعني..
ما فد يوم جربت نفسك رجال بينك وبين نفسك

انهار من هيج حچيت وياه صار يبچي ويحجي بحركه

ـ ما اااهتميت بهااالامر جنت ااااعرف اناااا مووو كامل بس ماحچيت لان اااعرف البنية متعيشش وية ااابوووك

اااحنة وولد وسااكمنه سكممم انوووب بنتتتتت منووو نطااك الاذنن تسوي العملييية

انهار نوار على رعد وعصب راسا ادخلت..

ـ يعني تردین تموتيين دم العادة الشهرية جان متجمع برحمچ باي ثانية چان ممكن ينفجر وولج ااخوج عاند اابوج واخوتج وجابج هناا حتى ينقذج يانورة

ـ عاندهم؟

ـ اي والله ومن يوم الجبناچ لهنا ممتصل عليهم ولا يجاوبهم من يخابرو

ـ خوش خبر يعني ميدرون سويت العملية

رد نوار
ـ شلون ميدرون لعد شكو جايبچ لهنا

ـ كلهم كالو نوار وماقبل يسوس العملية ورجعنة

ـ وليش رافض هالشي

ـ انت ممار بالشي المريت بي فمستحيييل تفتهم حالتي

شلون ارجع اواجه المجتمع الناس شلون ااابوك اليكره البنات راح يعاملنيي...

ولك ماافكرررت بهااي الاسمهه مرتي عود شراح تحچي لاهلهه تكلهم رررجلي انگلب مررتي

ـ معليج بهالسوالف نورة حبيبتي
لاتفكرين بأحد لا اهلي ولا اهل مريم ولا الناس

ـشلوون ماافكر واانا عايش بنصهمم

ـ راح اخذچ لبغداد نعيش
وابعدچ عنهم كلهم
بيتي راح يتأجر بعد يومين واقبض اول ايجار وبهالفلوس ورلي بيت ابغداد على كد فلوسي

ـ بغداد؟

ـ اي بغداد لخاطرچ اطلع من العراق كلة لو بيدي بس العين بصيرة والاد كصيرة كلشي يرادلة فلوس

ـ شفتي نورة حبيبتي مو هذا چان حلمچ تفتحين صالون وتشتغلين شعر ومكياج للبنات

ـ وانتي كل عقلچ ومن يعرفون بية چنت رجال تتصورين ينجح الصالون؟

ـ ماحاجة احد يعرف راح تعيشون ابغداد انتي واخوچ محد يعرفكم تبدون حياة جديدة وبداية جديدة

ـ وانتي مريم وين راح تروحين

ـ أ.. اني ارجع لاهلي بعد شسوي باقية يمكم

ـ يعني طلگتيني

رد رعد
ـ بالشرع زواجگم باطل يانورة.. فبطل الزواج .. و..

راسا حچيت بمكان رعد

ـ رجعت بنت لامتزوجه ولا مطلقة لان احنة بس عقد سيد عقدنة ماسوينه محكمه

باوع علية رعد بعتاب.. نزلت عيني والتفتت ماريد اكل لنور صرت مرة اخوج شلون راح تتقبل..

ـ يلة نورة يلة مريم تعالو اتركيو

،،، كعد رعد يتحايل على نورة حتى تاكل وهي بس تبچي گعد یمها حضنها

-خوووويه نوره انا بظهرچ واصیر الچ ام واب واخوان وعزوه لاااا تبچین علی اي شخص همه خسرانين عدهم نوره الحلوه
ومايردوهااا هم الخسراتين صح خويه

جاوبته حقهه خايفة من المجتمع شلون تواجهه كجى الطبيب وكال باجر الصبح تكدر المريضة تغادر المستشفى

لميت الريوك واجتي الطبيبة النفسية كعدت وية نورة لوحدهم وطلعنة اني ورعد برة

ـ ليش ماكلتي عقدت على رعد
ـ انت كل عقلك صدك تحجي شلون نكلهه بهالسرعه.. وبعدين هالشي ميطول كلهه كم يوم ونطلك وكلمن يروح بحال سبيلة فماكو داعي نكلة
.
ـ ماكو داعي.. تمام
تريدين ترجعين للفندق

ـ لا توبة

ـ ليش توبة

ـ شنو معقولة السويته البارحه نسيته بسرعه

ـ ليش شسويت

ـ ميحتاج احجي لان تعرف نفسك شسويت

ـ ههههه حسيت عليج من كمتي تصلين

ـ انخطف لوني من كلي حسيت عليج..
باوعت عليه ودرت وجهي... عزة بعيني عرف بية زحفت عليه

ـ اشو سكتي

،ـ الدكتورة اتأخرت يم نورة

ـ يعني ضيعتي السالفة

ـ هسة انت شتريد عوفني بحالي عاد

ـ اش اش يمعودة لاتفضحينه

ـ كلش نرفزني كل شوي يطلع تلفونه ويضحك على شنو يضحك ما ادري خرب حظي عرف بية زحفت عليه ورجعت نمت يمة
تقريبا اتأخرت الطبيبة ساعه الا ربع يم نورة وطلعت.. شرت لرعد يروح وياهه لغرفتهه
.. شنو وين رايح

ـ الطبيبة تريدني ماشفتيهه

ـ همم.. روح
تفته ودخلت يم نورة
كعدت اسولف وياهه شفتهه شوي متقبلة نفسهه اكثر من قبل يعني تقبل نكلهه نورة مو نوار

راح رعد ورجع ورة ثلث ساعه..
كال باجر ان نطلع..

بقيت بالمستشفى يم نورة بتت وويانه رعد مرة يطلع برة مرة يدخل جوة
شوي شوي بدت تاكل نورة وكعدنة اني وياهه نسولف بنات

صح ممتعودة علي بنت بس ماحسسته بهالشي وبقيت اسولف وياهه

صار الفجر واني منايمة مثل البشر صليت وطلعت اشوف رعد وين لكيته نايم على الكرسي برة خطية

ماكعدتة ورجعت للغرفة
بديت الم اغراض نورة واحضر بجنطتهه صارت ساعه ستة ونص ودخل رعد شاف اختة وراح للحمام
كعدت نورة وية ساعه سبعه ونص

كل الاجرائات خلصت ساعه تسعه تقريبا او فوك التسعه وطلعنة من المستشفى

رعد لازم الجنطة واني لازمه نورة
هي تكدر تمشي بس شوي اكو الم خفيف عدهه وصلنة السيارة وفتحلتهه باب الصدر تكعد بي بس ماقبلت

فتحت الباب الخلفية وصعدت على كيفة ورعد خلة الجنطة بالصندوگ
صعدنة كلنة ومشينة

باوع على اخته بالمراية وابتسم

ـ ها نورة خيتي حلو المكان

ـ هي هاي كردستان

ـ اي

ـ جنت اتمنى ازورهه

ـ وليش تتمنين هاي انتي بيهه وين تريدين تروحين

ـ ها لا ماريد

ـ شنو ماريد كولي طالما احنة هنا وين تريدين تروحين

ـ شمدريني يارعد هو انة شايفتهه قابل بس بالصور اشوف شلالات وجبال وهالسوالف

ـ صار اوديج تدللين

ـ صرت ادلل هم

ـ اي طبعا.. انتي تعرفيني من جنة صغار جنت شتريد اجيبلك وافزعلك واداريك تتذكر من شلت الطابوك عنك هههه

يباوع عليه وكوة يضحك ويحجي بقهر
ـ هه اي

ـ بعد شلون تريديني اتعامل وياك من عرف بيج انثى مو ذكر

ـ مجاي اتقبل هالشي لو عايفيني ميت

ردت مريم
ـ لاتحجين هيج نورة اسم الله عليج
وصدكيني بمرور الوگت بمرور راح تتعودين..

ـ والذكريات شلون اعيش وياهه ذكريات صبي وبعدين مراهق وبعدين رجل وتالي اعيش بشباب بنت اني الوحيد الذكرياتي مجهولة مالهه جنس معلوم

رد رعد
ـ ياذكريات نورة
احنة ماعشنة طفولة بيهه حظ الفرق بيني وبينج ١٣ سنة فلا تكولين ذكريات كلهه مؤلمه لاعدنة حجاية بين الناس ولا جان يسمحلنة نعيش مثل اطفال وقتنة ماخذنة بعصبيتة واستبدادة والى هسة هذا حالة..

ابدي بداية جديدة يا حبيبتي وانا وياج ايد بايد ولج ماكافي الطابوك الحصو النكلتي للطابق الثالث

ـ غير عبالة انة رجال

سكت رعد من هيج حجة نوار اباوع بالمراية علة نوار عينة ماشالهه من رعد
رد كلة نوار
ـ شو سكتت

ـ شتريديني احجي

ـ ابوية وامي جانو يعرفون بحالتي؟

، ـ لالا طبعا ميدرون تعرفين الطب ممتقدم مثل هسة بهذاك الوكت

ـ بقيت ساكته عن جذبت رعد ليش اخرب بينهم يجوز ترجع لاهلهه ليش ادخل بينهم اول وتالي اني ضيفة هنا..

رحنة للفندق اخذنة اغراضنة و وغيرنة الغرفة شوي اكبر اخذنة سويت بيهه هول وغرفة وشبه مطبخ وحمام وتواليت
بقينة هنا تقريبا ثمن ايام

اول اربع ايام جنة نراجع طبيب السوة العملية الى ان طابت ونضف الجرح ونطلع من الطبيب وياخذنة يفررنة بالمولات..

بهالايام نورة رجعت لطبيعتهه من جانت رجل تشتري مكياج والانواع التعرفهه وتناقش بصبغ الشعر وهالامور
رغم بقى ستايلهه ستايل رجال لان هويتهه تقرة رجل واللحية حتى لو تحلقهه يبقى شوي اثر بيهه

وراهه رحنة لمكان يخبل اسمة محمية جبل سكران جانت كلش بعيدة يكولون على الحدود الايرانية بس من دخلناهه نسنينة احنة بالعراق المناضر الطبيبعه كانو قطعه من الجنة..

تعبنة ورحنة نأجر غرفة بفندق وكفنة كلنة يم ابو الاستعلامات واخذ هويتانه اثينة واكفين ننتضر الى ان سأله ابو الرسبشن مريم شتصير من عدكم رعد طلع ورقة وخلاهه بيد الولد راسا نورة اتقربت على رعد وعينهه على الورقة خلص الولد وجرتهه منه وبدت تقرة بيهه

شفت ملامحهه انصدمت حسيت بفضيحه راح تصير لان كومه ناس موجودين بالفندق ونورة تقرة وفاتحه عينهه شكلهه كلش اختلف
اخذ رعد المفاتيح وطار قبلي للمصعد لزمتهه من ايدهه وكلتلهه ابوس ايدج لاتحجين شي وتسويلنة مصيبة

ـ شوكت تتزوجتي رعدد

ـ امشي نصعد فوك وافهمك اقصد افهمج كلشي

كوة جربتهه من ايدهه وصعدتها بالمصعد رعد ابد ماباوع بوجه اخته ويانه الولد يشتغل بالفندق يدلينة على مكانه ماعرف شلون وصلنة ودخلنة الغرفة
رعد انطة اكرامية للولد ونزل ووكفلنة نوار مستغرب ومخصر ايدة..

ـ شوكت اتزوجتهه

ـ اكعدي خلي احجيلچ

ـ مارريد اااكعد اختصر بالحچي وكول شوكت اتزوجتهه..

ـ ماعرف مين اابديلك

ـ واناا اااعرف مين تبديي معقوولة عيينك جانت على مررتي

ـ لاتضليين تخيطين وتخربطيين كل عقلللج هيج تحجين ويايه

ـ لعد شتسميي هالحررركه منك شنو چنت ممصدك يصير عليييه شي حتى تاخذ مررتي وولك حتى العدة مااطلعت

ـ كاافي خرااببط يااعدةة ياصخام بوجهچ ووچ انت مصدك نفسك جنت رجاال اگلك السيد كاااال زواااجكم بااااطل والبنييية راادت تنققتل بسببك وبسبب غباائچ وضعف شخصييتك

ـ ااانت شكااع
د تحجيي تنقتل شنوو كوة تريد تذبهه برااسي كووول جااانت عيينك علييهه من يوم التزوجتهه واانااا اااكوول ليش تعااركت ووية ااهلك علمودي واصرريت تسوويلي العمليية اثااري مو خايف علييية ترييد تنهبب ااخووووك..

هم عليه رعد يريد يضربة بس كوة لزم روحه اثنينهم واحد واكف مقابيل الثاني وعين بعين نفسيتي تعبت من هاللعبان نفس عطت بيهم اثنينهم..

ـ كااااااافي كااافيي لعبااان نفسسس كاااافي ولكم سااعة السووودةة الاجيتو وسكنتو بيهه كرربلاءا وقابلناگم واتعررفت علييكم سااعه السوودة

كعدت يمي نورة تبچي بعدهه حالهه مثل الزلم ماكو تعابير بوجهه بس عيونهه تدمع وتحاول محد يشوفها

هدأئو شوي وبدة يحچي رعد
و كعد يحجيلهه الصار بالتفصيل الممل استغربت عليه لان يتذكر كل تفصيلة كل كلمة كل حركة من اهله وابو...
هسة عرفتي ليش اتزوجتهه وشوكت صار الزوجتي

ـ معقولة ابوية هيج سوة
ـ ليش متعرفین ابوچ لو غريب عليچ. جان انقتلت بنت الناس مرتين من ابوك المعتوه ومن اهلهه بسبب غبائچ
وسكوتچ.. اضطريت اتزوجهه لان هادي خطبهه من ابوهه لنفسه شفت الخربطة والدماار

ـ هذا كلة صاير واني بغيبوبة

ـ الصار مينحچي وماريد اتذكر
وهسة انت دفعتت ثمنهه وهي دفعت هالثمن..

ـ شتقصد هي دفعت الثمن

ـ مريم تريد تطلك متكلي شلون تطلك وهي بعدهه بااكر...

النيشان الشترته امي وانت وهي سكتو عنه دفعت ثمنهه غالي هسة

ـ تكدر تتزوج وتثبت برائتهه

ـ وابوك اذا عرف ممكن يتخلص منهه في سبيل متنكشف كذبته

بقى هواي رعد يحجي وية نورة الى ان اقتنعت بكلامه بس جان كلش حذر ميگول كدامه جنة نحب بعض

خلصت هاي الايام واني نورة جنة منتفارك ضحكنة سوالفنه شقانه سوية
مرات تطغى الحاله النفسيه عليهه ومرات لا اشوفهه كلش طبيعية

صــح بعدهه تتذكر وضعهه وتبجي وتحس بنقص بس رعد جان نعم الاخ الهه
قوت علاقتنة ااني ونورة كلش بهالفترة

صار الوكت نرجع ونعوف كردستان كعد بالليل يحسب صرفياته والباقي من الفلوس يادوب يكفي يأجر بيت ويمشي شهر او شهرين
كالت نورة
ـ شكد بقالك

ـ لا تشيلين هم اخوچ موجود
ـ اني بعدني شكلي وهيئتي رجال اكدر اطلع ادور شغل وياك

ـ لاتفكرين بهالشي تدبر صدگيني

ـ شلون تدبر وانت صرفت العندك والماعندك

ـ موجود البيت اذا اتوازة ابيعه

ـ هذا البيت بقيت سنين تحلم تكملة وتسكن بي تجي هسة تبيعه

ـ فدوة الچ

ـ لهل درجه تحبني رعد

ـ وسفة عليج..
ليش شنو تغير بية من جنتي ولد هذا طبعي وياج وهسة نفس الشي ليش هيج تحجين

ـ متسوة قاطعت اهلي واخوتي علمودي

ـ تعرفين علاقتي بابوية من زمان مو تمام

ـ بس علاقتك بأخوتي قوية

ـ ترجع متضل هيج وغصبا عليهم يتقبلوچ

ـ يمكن يكتلوني اخاف یگتلوني

ـ على جنازتي يكتلوج شنو وج شبيج شهالحجي

ـ مادري احس راح يصير شي

ـ شيصير يعني مثل شنو

ـ مادري بس شيكولون عليه النااس رعد... صرت مثل هذول جماعة الفيس الكاتببن ولد بنوتي لو متحول جنسي لو ميزو ومادري منو

ـ انتي حالة طبية مرضية واليحچي احط الخمسة واربعين بحلكه

ـ عشت سنين بطولهه واني خايف من هاي اللحظة تجي وتنكشف

،،، انتبهت عليهه بكلامهه كأنو تعرف وضعهه رعد ما انتبه لان جان يحسب فلوسه ويرتب الاوراق مالتة..
باوعت لنورة وكلتلهه..

، ـ نورة جنتي تدرين بوضعج

ـ ها.. لـ.. لا

رد رعد
ـ يعني شلون تدري بوضعهه اكيد لا والا جان حجت

ـ مكدرت اسكت اتذكرت من جان يكول اني ماكدر اسوي شي ويبچي من ابوه انطاه المنشط الجنسي ذكرتهه بكل الحجي بس ما اعترفت هي تعرف نفسهه بالعكس نكرت.. وزاد الشك بكلبي..

بهالايام جان رعد يخابر هواي
عرفت اجر بيته الي بكربلا والفلوس راح يدزوهه تحويل

وهو عندة اصدقائة خابرهم يشوفولةة بيت ابغداد يكون بمنطقة شوي مناسبة وسعرة مناسب..

بعد هالثمن ايام السختنة بيهه ودعنة كردستان عشنة بيهه تقريبا اسبوعين جانت حلوة ومرة ورجعنة..
لكن مو لكربلاء لبغداد

ـ ماريد اروح وياگم... اريد ارجع لاهلي

رد رعد
ـ وينطيج كلبج تعوفينة

ـ انت واختك شعندي بنصگم

ردت نورة
ـ مرتة

ـ ما متقبلة هالكلمة... الطلاك احسن حل

ـ ماراح اجبرچ تبقين يمنه بس ممكن اطلب منج طلب

تنهدت وجاوبته
ـ كول

ـ بس ابقي يمنة هالجم يوم ووراهه بيدي اخذج لبيت اهلج

ردت نورة
ـ واني همين اريد اشوف اهل
ـ انتي صدك تحجين نورة

ـ لشوكت نبقى متقاطعين لابد يجي يوم يشفقون عليه..
لو يحبوني ويتقبلوني لو
يكتلوني وينسوني

رد رعد
ـ هالايام احتاج مريم وبس استقر اخذج لاهلج..

ـ تمام.. نمشي ورة العيار لباب الدار

ـ ههه اشكرچ عیار صرت

،،،، وصلنة لبغداد..
رحنة لمنطقة شعبية بيه هواي بيوت وجهال بالدرابين يلعبون اسمهه الوشاش
وصلنة يم بيت واجتهه صغيرة بس تلث طوابق
وبي دارج داخلي للطابق اثاني
رعد اجر الطابق الثاني ودفع عربون عن طريق صديقة...

البيت بي غرفة وهول ومطبخ وملحقاته وبي بلكونة

الحياة مملة جانت عبارة عن روتين ميتغير رعد ابد بعد ما اتقرب مني ولا اتحرش بية لان نورة چانت تنام يمنة هالامر خلاني أئمنن..
م
جنت احسب يوم يوم لسلمان شكد صارلة متزوج..

بطلعة من طلعاتي اشتريت لغفران فستان حلو ‌مر واحد وعشرين على زواج سلمان بعد ماكدر انتضر

ساعدت رعد بتنضيف وترتيب البيت وتجهيزة بالمواد البسيطة وشوي شوي يأثثو...

وصار اليوم الارجع بي لبيت اهلي جنت كلش متلهفة للروحه
نورة دخلت للحمام ورعد جرني من ايدي للغرفة مالته..

ـ شدسووي

ـ خلص.. اليوم ترجعين لاهلچ‌ولحياتچ السابقة

ـ هذا اتفاقنة جان

ـ واني ما انكث الوعد تعرفيني

ـ خليني اطلع قبل لاتخلص نورة

ـ حققيلي امنيتي الثانية وطلعي

ـ يا امنية انوب

ـ اضوك شفافچ

ـ لاا انت انضربت براسك

جرني من ايدي وحصرني بين ايدة و صدرة.. بطل هالحركات رعد

ـ كل التريدي سويته بدون نقاش... بس هالمرة بعد ما اكدر

-اریدچ‌ گلش واتمنی تعثرین بحضنـي
مثل عثرة ضرير
#یتبع

هاي حاله مثل حالة نوار

....
تنويه لاتنسون اتواجد الجمعه معرض بغداد الدولي الحاب يحضر قاعه رقم ٣ دار العنقاء