عشق المومنين(أبناء الساده)

((بارت ثمان وثلاثون))ج٢

لاتنسو اختي من صالح دعائگم..الي يسال
ليش محچي عن عقيله وسيد الله يرحمه
لان اريد استرسل بلحدث حتى اوصل لحين استشهاد السيد.....اگو امور صارت
بحیاة غفران والسيد چان لسی عدل
مابقی شي ونستمررر حبايب على گیفگم
جاي اشوف تذمر وحچي الروايه تعلمنه الصبر ومجاهدت النفس وانتم بارت اذا تاخر تجاوزون اذن شنو فائدت القرائه اذا ماتخلقنه بصبر والانتظار طبعا للبعض

......
‏"إنّه يوُم جُمعه آخر
‏نرجوُ فيه نَظرة صاحِب الزَمِّان الحَانية..

سيد سلمان//
عزيزتي اهدأي ليش الخوف والرجفه أگعدي ونتفق ومايصير اله التردي

تقرب خطوه ابتعدت منه خطوات لان صدك خايفه بس اگابر اشر باصبعي

-لااااا تجي يمي لاااتجي

-غفران عزيزتي

نترت

-لااااعزيزتي ولاااا اي گلمه ماتلزمني ولاوطخني لووو تمووووت أفتهمتتتت مااتلزمنيي ابددد

اهداي ياعيني مااريد شي منچ خلینه نگعد

باوعت اله بشگ متخوفه

- لا خلينه واكفين احسن

ـ هههه قابل عقاب بمدرسة حتى نبقة واكفين.. تعالي كعدي

ـ لا ماريد

ـ البدله مضايقتچ متاگد

ـ لا مامضايقتني

ـ همزين حبيتيهه عبالي راح تشكيهه

ـ لا حبيتهه ولا راح اشكهه ماكو داعيي لهلكلام

ـ زين گعدي نسولف

-شنو انسولف مابينه سوالف

- ليش مابينة سوالف قابل اعداء اذا متريدين تعتبربني زوجج اعتبريني صديقج ابن عمج..

ـ اخوية

ـ لا عاد الا هاي ماترهم وانتي بنت متدينة وتعرفين هالامور..
اگعدي يا عيني خلينة انجرب نسولف نحجي ترة ماراح اكلج

مدیت ایدي الهه بس عيونها تتناوع بخوف وقلق عرفت من شنو تعاني ابتسمت فتحت سحاب التراك لان ضايقني گعدت مقابل الجهه الگعدت بیها

مركز عليه اشلون تفرك بايدها وترجع اتضمهم ابعض ترجع تفرگهن وتضغط عل اصابع ايدها حاولت اقتل الصمت

-الله بلخير

رفعت راسها ابتسمت ورجعت نصت

-الله بلخير ..

ـ خو ماتعبتي

ـ همست بنفسي..
خاف اكول متعبانه ويجفت..
اي والله كلش تعبت من السبري لبراسي

ـ لا الف سلامه عليج هسة تسبحين وترتاحين...
ماجاوبتني من حجيت وياهه تقريبا نكول لبستني..

احم ماعرف شحجي وياهه وهي كلش باردة بالجواب..
تدرين زوج اختچ انسان جدا راقي

-اي هو خوش رجال سيد مهدي

- وانتي هم خوش ابنيه

-اشكرك

-اي سولفيلي شلون شفتي العرس

ـ عدلت كعدتي وسويت نفسي مصرة على حجايتي..
كسرت الاتفاق بينة

ـ وضحتلج ما جنت اعرف
البنات هنة مدسترات بيناتهن وتعرفين من البنات يخططن ابليس يبقى ضارب عكس ويتعلم هههه

ـ يا عزة معقولة هيج تشوف البنات

ـ لا يمعودة اتشاقة وياج والله بالعكس البنات زينة الحياة ..
زين سولفي اي شي تحبي

-انت سولف

-شنو اسولف كولي واحجيلج

- يعني.. عن عمي مو هو مريض وعنده جلطه يعني ليش استعجلت وسويت الزواج وصحته على كدة يعني البارحه طلع من المستشفى خلو يرتاح

- اي صح الوالد طلعته قبل العرس بيوم ماقبل يبقى يكول المستشفى تمرضني رغم كوة يحجي بس رفض ف جبته لهنا البيته يرتاح

- دخلتني اختك الغرفتة ماشفته

-جبتله سریر ابو النفر وخلیته بدیوانیة البيت.. لان ابوي متعلم هو يستقبل الناس مااريد يحس المرض كسره لان
گلشي ولا خيانة الصحه

-يعني يكدر يحچي يتحرك

-مو كلش يگدر یحچي ويسولف مواضح الحچي مالته كلش ثكيل بالنطق ميكدر يكعد فترات طويلة حسب توجيهات الطبيب يكعد فد عشر دقايق ربع ساعه اكثر شي ونرد نمددة على السرير بس علمود يحرك جسمه وميتأذة .. بس هو كل شوي يصفن و يبجي

ـ الله يساعدة خطية

ـ ممتعود على حالته وين جانت صحته يهد الكاع وهسة عيونه طفت وجسمه تقريبا صار شلل اكيد لازم يعاني

- اي والله صحيح خطية الله يشافي يارب

-امين يارب

،،، احس روحي ممرتاحه بهالبدلة المنفوشة كل شوي اتحرك واحوس اتمنى انزعهه واخلص بس خاف هذا يجلب الي..

ـ ممرتاحه بالبدلة

ـ لا مرتاحه..

ـ زين عندج بعد سؤال

ـ ها.. اي

-جواب

-ليش استعجلت على زواج .. زين ليش انا مو غيري

- نزعت السترة وخليتهه على الفراش..
تدرين ليش استعجلت
لان انا كل يوم وانتي بعيده عني احس محتاجچ اتمنی اسولف ویاچ لگن ماگدر‌ حتی اتناوع فگیف احچي وياچ

قررت لازم اخلي حد وحدود المشاعري لان انا انظر للامام الغائب بگل خطوه اخطوها بحیاتي مااريده يشوفني شاب غير سوي

"‏إمامُ زمانِه يراقب أعمالنا وحتى مااصير سببًا بجرحِ قلبهِ و دمعِ عينه. ولا اریده يشوف بيه اشتريت ملذات الاخره الاجل ملذات دنيويه زائله ولان رب العالمين ماحرم الحب بشريعته المقدسه بلعگس قال((الطيبون للطيبات)) استعجلت بزواج‌منچ

اما لیش بذات انتي لان عندچ اجمل عيون بهای الدنیا
تناوعت علیه بضوجه طابگه حواجبها جاوبتها بابتسامه لان اعرف قصد نظرتها گتلها

-تری مو بس الجمال چنت ارید الطف الجو صدقا لیش انتي بلذاات القران يگول(((وَ الَّذِينَ يَقُولُونَ رَبَّنا هَبْ لَنا مِنْ أَزْواجِنا وَ ذُرِّيَّاتِنا قُرَّةَ أَعْيُنٍ وَ اجْعَلْنا لِلْمُتَّقِينَ إِماماً))
أولُ حقٍّ اولادي عليه أن آختارَ الهُم أُمّاً صالحةً تربيهم
تربيه مهدويه عفيفه فختاريتچ دون البنات الشفتهم حبيبه ورفيقه

-بس انه اخاف من گلشي

‏-تخافين او امير المؤمين عليٌ يرتل ، و كميل يدوِّن العشق
‏ومن لليلة التدوين أو أحنا بأمان لان كل جمعه من بعد ست ايام كلها قهر وضغط نفسي وحزن نگعد بنص اللیل بجلسه نفسیه مصروفه من السماء جلسه مع الله نتخلص من تعب وقهر الایام نقرا( ‏اِلـهي وَرَبّي مَنْ لي غَيْرُكَ أَسْأَلُهُ كَشْفَ ضُرّي وَالنَّظَرَ في اَمْري،))ونگمل بقیة الدعاء

گل جمعه لازم نقراء دعاء كميل راح تشوفين كيف الحُزن وهموم القلوب راحت لان بذِكرْ دُعَاء كمُيلَ تَطَيَّبَ الرَّوَاحُ وَالْبُدَّن

-مااگدر متلبگه

-ماگو شي متگدرین علیه لگن اگو شي اسمه تقبل وهنااا
راح يگون دورچ تتقبلین الواقع

-بصراحه من الاخر مااحس افیدك انة

-بلعكس اشوفچ احسن وحده اشوفچ مثل الماي الي يخلي كلّ شيء حيّ شوفتج حياة

خلي بالچ((رب العالمين مايترك عبده))
أ گو فرق بين انو الانسان يسمع عبارة ويرددها بینه وبین نفسه

ووبين يعيشها ويرددها من داخل روحه..
ثقي بگلامي شگد ماتبين الامور معقدة وصعبة وماگو الها حل راح یجي لطف الله يقضي على هاي الشده

لان الدنيا بيها وماتقسى وتشد رح نتحملها وشكد ماتصعب رح تهون "لان انت بعين الله"

بيد رب العالمين الفرج اذا مو اليوم باجر اذا مو باجر بعد اشهر سنه لابد ان كلشي بحياتك يصير أحسن

واذا ماصار احسن همات نصبر ونتحمل والجنة للصابرين تعويض!!

وحتى صرت ادعي يارب آنا الي تعرفه انت مو الناس
والي يهتم لرضاك انت مو لرضاهم
والي يحبك وواثق انك ماتتركه..

ووراها تتوقع رب العظمة كلها والسماوات والارض والبشر يتركك تتخبط وحدك؟ حاشى للطفه ورحمته إنو يترك عبد ملتجأ اله بكل جوارحه وبلاءات حياته ونادم ومستغفر عن اغلاطه لكن كل هل امور يراد حسن توكل وتصديق

ارجوج اتركي نفسج اليه...

گامت متخوفه لان بدیت افقد سیطرتي على مشاعري
گمت علی اثر گومتها
ـ مو شرط اليوم احس روحي ممتهيئة ابد اعذرني

- هزيت راسي بخيبة امل..
استریحي اروح انزل للحجي محد يگدر یشیله الغرفته غيري وهم
اشوف البنات انطنه العلاج وانتي اخذي راحتچ هنا

طلعت من الغرفه فرحان ممصدك صارت زوجتي دون تعب ولا جهد والباقي يجي بس برادته

غفران//
-رغم تخوفي من گلشي گدر سید سلمان یقنعني باسلوبه
وحنيته وحنانه وحبه الي اشوفه بعيونه قبل لاايحجي

حتى من حجى ارتاحيت الكلامه وحسيته نفس طبعي كلامه يخلي الواحد يصفن عليه

ومن يحچي هداوته بلكلام تخلي المقابل يخجل من روحه..
بس اني شلون متخوفه من ليله الدخلة متخوفه اصير اله زوجة ويصير شي علیه یاربي

تمشيت متوتره داخل الغرفه الخوف تعبني يارب مو گفرر ولا جزع بس انه انه تعبانه اریده وارید اگلك جاي اتعود عليك شي يمنعني

وگفت جدام المرایه گارهه شگلي لان بيه مگیاج سحبت اگلنس مرطب وبدیت امسح وجهي حيل وبقوه

اتذگرت حچي ام دنيا من اجتني قبل عرس ضلت تلح علیه گالت شوفيلج شيخ وحده تگطع
عندچ تابعة مدري دايسه هل عدج گشة من الزواج حچیها بالي وتخوفت مدري صدك انه عدي عقدة من زواج

رجعت متوتره ليورى اسفه ربي اسفه لااا مأمن بسوالف الناس جداتنا بس اااشلون
هسة اذا اجى وراد يتمم شلون گل قرب منه روحي تنفر ماتريد القرب ماگو غير حل واحد يخلصني من هاي اليلة

فتحت باب الغرفه مقابيلي الحمام رحت سبحت والتفگیر شنجني بسرعه خلصت لبست گلبيه وردية اردانها طويل وهي
تخط ورايه لان ماما مگفتها

كعدت علی الشانلوز امشط بشعري الباب انفتح دخل سيد سلمان

وگف وراي يتناوع فرحان همس

_نعيمآ

-الله ينعم عليك

-افديچ بروحي اشگد حلو من انتي هادئه

-اشگرگ

نصی علی المیز نسحبت خطوتین عبالي يريد يسوي شي تالي طلع شسوار رگبه بنقطه قریبه علی میز المرایه گال.

-شعرچ حلو وطویل لازم شسوار

مدیت ایدي متلبگه اخذته وشغلته حتى مااسمع صوته لان بقى يسولف وصافن عليه من مرايه نظراته من فوك ليجوة

تناوعت الجسمي شنيه بيه شي وهيچ صفن قصده علی دشداشتي مو حلوة صح طويله تخط وردنها طويل بس حلوه
عرفت يريد البس اله مشخلع ومخلع

-رایح‌ اجیب عشا

_اي اقصد على راحتك.

طلع گملت تمشيط وشعري نشف ضفرته ضفيره لغفت الگلبیه كعدت على چرباية والمسبحة الكترونيه بیدي واستغفر

دخل سيد سلمان شايل صينينه ريحة المشاوي بلخشم خلى الصينيه بلگاع وگال

-یله ناگل

بقیت گاعده

-یله هذا ببسي ويه المشواي

جاوبته

-احب اشرب چاي.مو ببسي لان الببسي اشربه ورى الاكل

_تمام براحتچ هذا مشتمل فوك كامل النه غرفه وصاله‌وغرفه يمنى زغيره كلش وحمام ومطبخ طباخ صغير لان احب اشرب نسگافيه او كهوة وچاي من اشتغل

-هااا حلو

-مادام حلو شينزلج جوة يله نروح نسوي

-لااا عادي اشرب ببسيي

-اروح اسويلج انا

-لاااا امانه عليك ماريد بطلت

عدل وگفته بعد مارتب الصینیه تحمحم

_هنا أخذي راحتچ بل ملابس یعني گلشي ترديه البسي

-ها اي أي

رجع گال

_جوة من تزلین ااااريد احتشام مثل هذا لابسته

باوعت على روحي عرفته شيقصد ردت احچي
گال..

_ ياله نتوكل آنصلي غفورتي واخيرا

-غفورتي واخيرا شنو انوب

-غفورتي ياء التمليك وصگ الحقوق بعد ان صرتي شرعا قانونا وقلبا وحبا وعشقا

-شنيه

رجع ابهدوء وبتسامه

-راح يصعدون بقية العشة

گلش انضغطت وتوترت بقيت گاعدة مگاني متحركت آسبح واني مدنجه

اخذ المصلايه وفرشه ورجع فرش المصلاية ثانيه یم گل مصلى عاف تربه وسبحه وكتاب قران صغير

التفت عليه یتسال

_ليش بعدچ‌گاعدة كومي انصلي رب العالمین
یبارك زواجنه
ردت عليه وصوتي گوة طلع مرتبگه حيل وحچايتي ترجف بخوف

_مو هذا شسمه

ضحك
_الشسمه شني

عيوني ادبر على الغرفه وهو يريدني احچي مبتسم وعيونه يحچ شي يلمعن أرتبگت بلزايد شلون أگلة وهو یرید یاگلني بعیونه شافني طولت

گال

_هاا شذكرتي بعد بهاي ليله

_مذگرت شي ردت أگول انة عدي عذر شرعي

صفن وضيق عيونه وابتسم

_مدامچ معذوره أخذي راحتچ بس انطیني حلقتچ

نزعتها انطیتها اله بگلبي گلت خل یمر گم شهر یله یاخذ الذهب يبيعه شو هذا بليلة العرس

اخذها مني تقدم القبله وبدی یصلي وانه كاعده ورى اسبح بدى يسلم خلص سبح تسبيحة السيده الزهراء قراء زيارة عاشوراء بقى ساجد وصوت مناجات صوته عالي هنا صار عندي فضول

گام لملم سجادته وسجادتي بيده التربه والسبحه تقرب عليه ايده الازمه السبحه خلاها على راسي والايد الازمه التربه جوه حنگي بقى يقراء جزء من سورة النور رجع لبسني الحلقه

ابتعدت مني تگتف وتوجی علی المیز
سالته بفضول

-شنو سويت هسه وليش خليت الحلقات مالتك ومالتي على التربه

-نذرر

-ليش

-من توفت زوجتي الله يرحمه فگرت الزواج هجرتها الحاح امي وابوي خلاني لازم ارضيهم زين ارضيهم ونفسي رافضه الزواج

صرت اصوم ثنين وخميس وارگز علی صلاة الليل يوميا بدت السلبيه تروح مني شفتچ ماهتمیت الشخصچ

لگن ثاني يوم الصبح غيرت ملابسي مستعجل واريد بس اشوفچ وعرفت وین تگعدین وشنو تحبین اسمچ غفران صار محبب اليه
صوتك من تحچین ویه ام دنیا دوائي

أتوجهت السامراء ودعت الامام الحسين متعود من تضيق بيه الدنيا سرداب الغيبه يكون هو دليلي...

دخلت السرداب گملت طقوس الزیاره طلبت من داخل السرداب اذا زوجه كفيء اريد دليل والا اترك گلشي يخصچ

بقیت ساجد گمت علی صوت شخص يقراء بصوت حزين دعاء الفرج كعدت اسمع اله خلص كتله

-بارك الله فيك

-الله يبارك بيك

- سألتة..
ليش مخلي حلقتين فوك تربتك

-ابنيه ويايه بلجامعه واحبه من بعيد دون ان احچي وياهة حدودنا السلام والسؤال اهلها جدا اغنياء وانا خباز بعد الدوام فا بعد ان عرفت وضعهم ابتعدت منها كلش

اخر سنه النه خدمت بلمواكب الحسينيه جنت اخبز اجى شاب صلى صلاة الظهر وطلع تربه وخلی علیها حلقتین ویکرر یافارس الحجاز یافارس الحجاز بحق تربت شهید گربلاء

سالته ليش هيچ اتسوي گال هذا ورد تعلمته من صديق يحب وحده سواه نطو
حبيبته وهسه ازوج جاي اسوي مثله و
النذر اذاتحقق ازور سرداب الامام واصلي الربي صلاة الشكر..ثاني سنه بخدمتي للمواكب اجى نفس الشاب وبنيه منقبه سلم عليه بشرني بزواجه من البنيه ليحبها

حسيت هذا دليل من ربي انتي الزوجه الكفيء وانا وانتي زواجنه يكون مو عادي لا احنا مؤسسة تمهيد لدولة صاحبِ العصرِ والقلوب عجلّ اللَّه تعالى وتبارك فرجه الشريف...وفيت نذري صلاة صلاة لليلة العرس وانا مخلي حلقتين وحنگتچ
بتربه والسبحه

نصيت راسي خجلانه من چذبتي راح نزل الاهله وانه صليت المغرب والعشاء اول مانزعت الچادر دخل همزین ماشافني گعدنه ناگل من المستحی اگلت‌قلیل نمت علی جهه وهو عرفني خجلانه اتمدد كلش على حافة الچربایه
ونمت هل نومه لان دخت گد ماسولف

سید سلمان//كعدت الصبح وشفتهة نايمه اتناوع الها وافكر معقوله افنان چانت بس تريد رضاتي على طول وتستجدي حبي

اجى الوقت الي تتبدل بيه الادوار اريد رضات غفران وحبها باي طريقه چانت
هل معقوله اتعذب يله احصل حبهاااا

گمت ودي اقترب الها الزمها لو مجرد لمسه بسيطه رغم هالامور من الاشياء العاديه بحياة المتزوجين بس بوضعي يختلف مكدرت بس اهمس باذنها

صباح الخير لك ولحُبك المُتمكّن
من كُل زاوية بقلبي،رغم عناد وبرودك نحوي

نزلت للبيت احاول ابين فرحتي ابضحگه ومابينلهم شي.. رحت للاستقبال يم ابويه
لكيتة كاعد مفتح عينة اتقربت عليه وكلتله...

-اشلونك حجي

حرك شفته كوه
- خـ.. ـيـ.. ـر ولـ.. يد.

-يله خليني اطلعك للطارمه حتى الشمس تنزل على عظامك وهم تشمس وهم الخضار تشوفه شوي يريح النضر والنفس...

شلت ابويه من السرير للكرسي المتحرك..
مشيت الكرسي للطارمه مواجهه الشمس
صوت امي بلمطبخ هي والبنات يحضرن الريوك وريحة السياحة تمن العنبر ترست المكان

وگفت الگرسي مقابل الحديقه طلعت حصيره من المخزن فرشتها وجبت مخدات خمسه وزعتهن رتبت المكان

رحت الامي گتلها
-الجوو گلش حلووو خلینه نتریك بطارمه

-عريس ويدلل بس يمه خاف مرتك تخجل يمه

- لا ماخليهه تخجل لازم تتعود على هالسوالف حبيبه

-الله يحفظگم ولدي..

يلة روح كلهه خلي تكعد تتريك واذا تستحي ندزلهه ريوكهه لغرفتهه

صعدت للغرفة لگيتهه كاعدة بس ما نازلة من الفراش بمكانهه...

صباح الخير

ـ صباح النور

ـ يلة غفورتي امشي نتريك بالحديقة جوة

ـ لاعفية استحي

ـ ليش تستحين ماعدنة احد..
ابوية رجال جبير امي وخواتي متزوجات بس اجني يساعدن امي يعني البيت فارغ ولازم تتعودين علينة شيلي المستحى

ـ ترددت شوي وكلتلة

-آن شالله.. هسة اجي

گعدت مشطت شعري غسلت وجهي ولبست كلبية جديدة..

وكفت براس الدرج استحي انزل شوي شجعت نفسي گلت ماعندي حمة گلهن بنات مثلي ليش هيج خجلانة نزلت وسمعتهم بالمطبخ رحت يمهم وسلمت..

صباح الخير

كلهم التفتو عليه وردولي السلام

گالت ریام

ـ ها مرت ااخوية صباحية مباركه

ـ اشكرچ

ردت ريام
ـ روحي حبيبة كعدي يم ابوية ورجلج هسة نجيب الريوك ونلتم

ـ خلوني اساعدگم

ـ لا يابة قابل شعدنة روحي كعدي ياعيني

ـ خجلت اعوفهم بس ريم اخذتني من ايدي وودتني يم سلمان بالحديقة
هو شافني وابتسم سوالي مگان اكعد يمة..

سلمت على عمي وبست راسة..

-اااآاشلون صرت عمو ان شالله زين
رد عليه بهمهة ويحرك بعيونه يعني زين يحاول يبتسملي بس خطية حلگة معوج

كلش انقهرت عليه گعد سلمان يحچيلي من جان طفل شيسوي بابو ولان وحيدة ميريد يضربة ولا ياذي ضحگنة وضحك عمي ويانه...

جابو البنات الريوك ووياهم ترمز چاي كلش جبير حطو يمنة..

راسا سلمان عافنة وگام على ابوه ريگة يوكلة شوي وينطي حليب يبلع..

گالت ريام

ـ غفورة حبيبتي هذا كوبچ

ـ باوعت بي حليب وجاي وانا ما اشرب حليب بكل وكت..استحيت ارد أيدهه اخذته وهي تضحك باوعت لگیت مگتوب علیه اسم غفورتي تناوعته اله خجلت خليته يمي

ردت عمتي

ـ بنيتي مدي ايدج ولا تستحين البيت بيتچ

ـ بعدهم مابدو الريوك والباب اندك..گام سلمان ديشوف منو..

سمعت صوته یگول

ـ ياهلا ياهلا بعمتي

ـ التفتت لگیت امي وابوية رگضت عليهم حضنت امي بس ابوية جان شايل صينية كيمر عرب ووياهه ماعون عسل وكاهي وصمون حار نطاهن لسلمان ورجع عليه حضني..

خطية اعرف بيهم ماعدهم ورغم هذا مارادو يفشلوني جدام اهل سلمان..
راسا گال سلمان

ـ طالما جبتو الريوك تفضلو ويانه منتريك بلياگم

حاول سلمان يچلب بأهلي على الريوك بس ماقبلو گلولهم متريگين ومنگدر بعد بس ستگان الچاي..

كعدنة كلنة بالحديقة امي وام سلمان اندمچن سوية بس امي
كل شويه ترفع عينه عليه وتاشر
تحوس تريد تعرف شصار وشخلصني من تختلي بيه وتدري بلي سويته وحصل منه اللقاح دنكت راسي بعد ماخلت عيني بعينه

و أبوية وية ابو سلمان وسلمان واني البنات گعدن يمي يسولفن

بعدنة ماخلصنة ريوك واندگت الباب بقوة عبالك راح يگسروهه..استغربنة ليش هيج دكوهه گمز سلمان يريد يفتح الباب

صاحت عمتي

ـ يمة سلمان ارجع انا افتح الباب..

ـ شسالفة يمة قابل شگو لاتخافین
فتح الباب وصفن ثواني بمگانه بعدين كال..

اهلا.. اهلا وسهلا ياهلا بيگم تفضلو

ـ معرفنة منو بالباب بس دخلت مرة لابسة اسود من فوك ليجوة ووشايله بيدهه جنطة مال لحاف لونة اسوود فاحم

دخلت للحديقة وية رجال شوي چبير بس كلش يشبه عمو ابو سلمان

خزرتني المراه بغضب وعبالك روحهه گاشة مني استغربت ليش هيچ تباوعلي ..
ماحچت ولا گلمة

بس خلت ايدهه على حلگهه وسوت روحهه تهلهل
بس مو هلاهل عبالك عياط مثل صوت البزون من تنوح وانا گلش اشائم من هالصوت

صوتهه خوفني خليت ايدي على اذني ..
راسا كمزت عمتي ام سلمان ووراهه البنات وصرخت

ـ ام افنان!

...........

بقيت اتصل كل شوي الا ان صار الجهاز مغلق..

عفت نوار وطلعت اركض من المستشفى للفندق

المسافة قريبة بس حسيت الطريق ميخلص دخلت للفندق وصعدت بالمصعد وصلت الطابق ماعرف شلون فتحت الباب ودخلت

لكيتهه نايمه وشعرهه الطويل متناثر بكل مكان على جتفهه أتمنيت اضل اتأملهه وما اتحرك من مگاي بس مگدرت

لان الحظه خفت عليها لان ما چنها نايمة يمگن مغمى عليهه اي يجوز غيبوبة سگر
عقلي وگف الحظه الشك گتلني وهي مامهتمه الصحتها ومااخذت العلاج

عيني مركزه على صدرهه شو عبالك متتنفس مثلنه احنة صدرنه يرتفع وينزل وهاي جامدة گلشي ماكو..مدري شبیها مدري لان ضعيفه گلش وضلوعها طابگه علی ظهرهاااا!

لاااا اكيد غيبوبه سترك ربي تقربت گلش علیها دنجت وقربت اذني عليهه اريد اشوفهه تتنفس بشگل طبيعي لو لا

گطعت نفسي ماأحس الا صيحه قوية طرشت اذني وراشدي وياه ضربتني بگل قوتهه وفرغت گل گرهه وحقدهة بهالضربهه...

بقيت ثابت بمگاني ومنزل ايدي گوة گاتم العصبيه والغضب بينن علية على ملامح حاولت مااتعصب واسيطر على نفسي لان بس افلتهه راح اذيها

صميت ايدي ضاغط عليهن حيل بحيث اصابعي نبتت براحة ايدي غمضت عيوني واستخدمت الروح العسگريه احسب منا للعشرین بسرعه دون توقف گملت حساب

فتحت عيني شفتهه بعدهه گاعدة بمگانها تغطي بشعرهه‌تحاول تخفي ارتباگهه بس خي من زمان مگشوفة گدامي

گاز علی اسناني تنهدت حيل ونفثت غضبي وگلتلهه بهدوء وحزم.

-هاااااااي ااخرررر مرة تمدين ايدچ والله لو ماضعيفه گلش وجهچ یگسر گد الضف الخاطر چاااااان

گطعت گلامي وتهز بيدها

ـ لاا بلة خووفتني چان شنووو شسوي

- اسلوبهه ضحگني لان ارتباكهه وخوفهه واضح بس مضابط وياهه اعرفهه متگدر تصير حازمه وشديدة..
رفعتلهه حاجبي وسألتهه اهز راسي بشده

-شني خاف ابالچ تردين تعيديهه

جاوبت
ـانت بسسس لاااااااااا تتقرب مني گلشي ماسويلك اي شي ولا حتى اضربك ابد

بس طبعا اذا تقدمت عليه يكون اگسرر ايدك گسرر

ـ استغفر الله ربي..بویه اااااانتي طبيعيه فهميني لو براسچ شي

-اي طبيعيه كلششس

عصبتني مشيت اتقربت على سريرهه ورفعت رجليه ثنيتها على للسرير ورجل الثانيه بلگاع.. اشرر باصبعي

-وحق ابو فاضل وحق ابو فاضل بهااااااي الحظه لو ارد الراشدي مالتچ براشدي مني الا ااااخليچ تنامين اسبوع مستشفى مابيچ تتحرگیین اي حرگه واذنچ تنطرش متگدرين تسمعين ف اتقي عصبيتي ولااااا تحاولين تگررينهاا لان ااااااأصیر موززززززینه ویاچ

جاوبت بلسان عجوز

-شوووووووووف لااااا عباالك تخووفني
ترى مااخاف ووو لاتشووف روحك طويل عبالك ماگدرر ادافع عن نفسيي والله تری ااااموتتك جررب ومدد ايدك عليه والنبي محمدد والنبي لا اكسررها الك

ـ تحجي ويايه وتأشر باصبعهه لمحت الحقد بعينهه حقدهه مسيطر على خوفهه

صعدت رجليه الثاني وقربت عليها لزمت اييدهيهه اثنين بتك ايد وهي تحاول تقاومني

ـ وخخررر عنييي وووخررر لا اسوويلك فضييحه هناا والله العظيييم الاااااصررخ واخليهم يلتموون علييك

ـ ماراح أگلچ وشنو يعني خلي يلتمون رجال ومرته گاعدين ومحد اله شي يمي..
بس اريد اشوفچ اانا شنووو اگدر

-وخرررررر الطویللللللل

يااااااااااللللا مريم لا تتجاوزين عليه گافي شفتيني لازمچ بتك اايد ايدي الثانية حرة طليقةة اگدر اضربچ اوو اانام وياچ

خزرتني بخوف

-یبوووو تحچي سخاااافه الله ياخذك الله يموتك اشوگت تموت سخیف اشلون تحچي هيييچ ويايه

-بكيفيييي....خلي بالچ هذااا مو لووني ولا طبعييي يابنت ابو سلماان گافي تجااوززز گافيييي غلط وفشار ادعي مثل مترديين بس تمدين اييدچ او تغلطييين حسااآآاابچ راح يصير عسيررر وتعرفين ررعد كوول وفعلل

نترت ايدهه ومشيت خطوتين وكفت يم الشباك طلعت جگارة ورثتهه فتحت الشباك شميت هوى استرقت النضر بطرف عيني شفتهه گامت من مگانهه

عفتهه وبقيت اباوع من الشباك على الجبل نسمة هوى باردة اجتي ضربت بصدري المعطب
توجیت علی شرفة الشباك المنظر حلو

ماگدرر ماستمتع بهذا الحمال لان اسمعها تحچي تدرم بالحچي بس ممفهوم عفتهه كلت خليهه شتريد تحچي تحچي طالما ماتغلط

ثواني وحچت بصوت عالي

ـ ههه ايي گلش كوول وفعلل شفتت بعيييني محدد حچاالي شگدددد انت گد حچايتك

- لزمت الشباك سديته بقوة واتقدمهت عليهه بعصبية

استغفرر الله ربي الصبر منك ياااالله ووولچ تجاووزتي اهووواي كااافي لا اتصرف تصرف ثاني وياچ اخليچ تتندمين على اليوم النخلقتييي بيي

- شسووي بلة؟
اكثرر من هييچ شاتندم بعد...
اول شي زوجتني الاخوك مدري الاختك وطلعت منهه عود مظلووم

بلةة التصرف الثاني شراح تسوي
تبيعني للشباب هنا وتقبض ثمنبي

ـ متحملت كلمتهه هميت عليهه اريد اضربهه وصلت ايدي يم خدهه ووكفت ماعرف شلون سيطرت على اعصابي

-كلشش زيين تعررفين اااكددرر ادمرج بالضرب هناااا
بس ماريد انزل ألمستواج واعتقد هذا التريدي ااضربچ حتى تخلين كلششششي براااااااسي

لااااا يابنت الناااس الصوچ مو بيية لااااا كلتهه قبللل وارجعع ااكرررهه بزووووود وووحیل صدددددر

اااانتيييي السببب الاووول والاخيررر من زواجچ من اخووي ااانتي لو راآآاااااافضه ماچاان احدد جبررچ على الزوااج بس فلفلتي على زواج

-اي ابنيه انه قابل شسووي

-لاااااااااتعلمييني بسلماااان وااهللچ اعرف بيهم ميجبروون بنتهم على ااحد ولا تكليلي اابوويي يخجل من اابووك
هااي حجج ااكول ماااريدةة وخلصص ميناسبني ميوالمنيي فنة اليتجرأ ويجبرج

بس اانتي اضااهر ماصدكتيييي اجتچ قسمة وتريدين تتزوجيين واااي كااااااااان الشخصص عندج مو مهمم حتى لو ااخويي قبلتيي بييي

وووولج اذااا اريدد اعاااتب ااااناااا المغبووون بيننگم اااناااا المااا اذيتت ااحد بيگم بس اتأذيييت منگمم لاتلعبيلي دوور المغبوونه والمغدوورة لو مااا قابلة من البدااية ماچاان صار الصاار بيييچ وبييية فاااااهمه

ـ عزة بعينك شلون هيچ تحچي ويايه

ـ رااح تسمعيين هالحچي هوااي منييي طالماااا هذا اسلووبچ وتجاووزچ علييية
شتريديييني ااجي ادخلل بنص ااهلــــــچ واكلهم اااريد بنتكم ااالي لاتزوجووهه لاخــــــــوووي

چاان ااول المتأذيين ااانتيييي بس اانتي فكررتيي بنفسسسچ ووبسسس بحجةة اخجلل احچيي ماريد ااحچي شنوو احجييي وقبلتتي تاااخذييين ااخووووي الرربة ويااي بنفس الببيييت

ـ اانت شكاعد تحچيييي

ـ الواااااقع..
بس مااعاجببچ تسمعينه لااهو ابن عمجچ وناهي علييچ حتى تكوليين ما اگدرر احچيي

ولا ااهلچ من النوع اليجبررون البنت على رجال ماتريدةة

ـ يعني تريد تذبهه برراااسي وتطلع منهه

ـ لانيي سووويت العلييية وية اهلي حاربتهم وهووووووست عليييهم هدددت ووعدتت واخر شي اترى اجيت وبست الايااااااااااادي ووعدني ابو ارشد وخلف بالوعدد من التحقتت

ـ همززين تعرف نفسك خلفت بالوعد

ـ لان التحقتت وانغدرررت تعرفين شنو يعني انغدررت... لو چنت موجود ماچان تم العررس بس الضروف فعلا اقوى مني

لو نوار اله كلمة يم ابوه چان حچیت وياه بس اعرف الكلام ميفيدد

المصيبةة يمجچ اانتي يابنت ابو سلمان
لاترريدين تررفضين
وولا تريددين تصارحييين امجچ
ولا قبلتي تسووين شي غير كلمةة شوفلي حلل

شأاااشووف حل شنوو الحلل المر عليية وماسوويتة

ـ لان چنت اشوفك زلمة وردتك تشوفلي

ـ مريم لاتستفزييني لاتطلعين الرجل الهمجيي الجواية ترة كل رجال يعرف يضرب ويهين ويأذي المرة بس اگووووو الينفعل ويمد اايدة ویتعرربن

واكوو اليسيطر على نفسة وهذااا عملةة نادرة فحافضيي على هالعملة النادرة فتهمتتي

راسا دمعت عينهه دارت وجهه کامت تبچي

ـ هاي استفردت بية لان صرت بعيدة عن اهلي هيچ كمت تحچي ويايه

-اللهم طولچ ياروح
الصبررر يابو خيمة الزرگه راااح تموتيني مدگليلي بعقلچ ووولچ چنت اكول عنچ ذكيية اااااشلون تفكرين لخااطر الكعبة

- اكررهك واحتقررك
عسااااك بلموت يا رعد يا ابن ام رعد بس هوو وينه يجي للزينين والمثلك يبقون عايشين دهررر

- هسة راح اخابرة ويجي عليه

ـ تستهزاء حضرة جنابك

ـ مو تريدي يجي كلت اخابرة

ـ تدري بيوم موتك والنبي العظيم وداعت ابووي ومرضة الااااا البس احمر واركصص والله والله والله

ـ انتي اقسمتي بعد وبو فااضل مااخلي بخاطرچ شي الا اطلع واشتريلچ ثوووب احمرر وعود ابقي ضامته الى ان اموت ولبسي وردحي مبریة الذمه

ـ وتحچي ببرود وتتمهزاء عبالك ماسويهه

ـ يابة سويهه هسة شحاچي انا

ـ الله ينتقم منك انت واهلك

ـ كااااااااااافي دعاوي يالعجيز

-كون تموت ومايلگونك يكون يخطفك داعش وميبقولك جثة اامين يارب

غمضت عيوني بعد مااگدر مااا تحملتهة بگد الفلسين والسان بيگيسي هي تدعي واتقربت عليهه

وانا صافن عليهه شلون اتصرف وياهه شلون اخليهه ترجع مريم الاولية شلون اساعدهه تطلع من محنتهه وانا ستوني عيطت وصرخت وحچيت كلام مستحيل تتقبلة مني بعدني ما تقربت عليه عاطت

-لااااا تتقرب علييه والله العظيمم العب فلك بيك

ماجاوبتهة اتقربت اكثر منها شالت مزهريه زغيره مالت الفندق تريد تضربني بيها بسرعه لزمت ايدها جريت المزهريه شمرتها على الچربایه

مقهور علیها وماارید اذيها لان المرت بيه والسمعته هسة مني مو شوي واگيد يخليها متنرفزه بس تجاوز كلش هواي ومسكت روحي كوة
صكيت سني اجريتها عليه طخت بصدري نفرتني تقربت على اذنها همست بعصبيه.

-هسه كلش قريب عليچ اريد ااااااشوف اشلون تلعبين فلك بية

ـ وخررر وخرر

ـ بمزاجي يامرتي

ـ لاا تگليي مررتي

-زوجتي

-لااا تگول شی

-ام جهالي الماجايين للدنيا

لزمت متنها گعدتها على الچرباية بهدوء وهي ترفس متريدني الزمهه

-بداعتي كافي یاعلتي يامریوم

رفعت راسهه وباوعتلي بقهر

ـ بعدك تتذكر كلمه مريوم

ـ ليش انا شوگت نسيتهه اعرف اتاذيتي وابوية مو خوش بشر وياچ بس كافي يا بنت الناس كافي تقهريني وتقهرين نفسچ

ـ بهالسهوله

ـ كلتلچ مو سهل..
ماكو شي سهل بهالدنية

ـ ششلون تريدني اقتنع واعيش عادي و انتو قتلتوو ابوية وشليتوو چتال ابوية كدام عيييني وتريدني اعيش ويااه طبيعيي

ـ مـ منو يكول بسببنة صار هيچ بس

ـ ووووالك عييين تحچييي يا ابن ابوو ارشدد عااد لهناا

ـتناوعت عرفت بيهه قافلة ومستحيل تقنع عفتهه ورحت للثلاجه طلعت زيتون وسحبت سجينة صغيرة اكل بيهه مثل الشوكه وكعدت على القنفة رغيرة.

هي ادعي بحرگه گلب وانا لازم النقال احسب الصرفیات وهی تدعي الى ان وصلت النوار تريد تدعي زمخت بيهه واشر بالسچین

-نوااار خط احمررر ادعلي علينة گلنة الا نوار ترة تشوفين غير وجه مني

ـ لا بلةةةة

مو بيدي اضحك من تكول لااابلة اشوفها
طفله وترید تعاند

-اششش گافي دوختينه استجنيي شوي
مناك انتي مريضة ومابيچ لحمه معصعصه ودردمین وتحرگين بروحپ مو هيج راح اضعفين اكثررر وذا تبقين تتعاركين على الصغيرة والچبيرة راح تختفين

ـ حضرة جنابك تقلدد

ـ لا مو اقلد بس من ارجعچ الاهلچ شرجع منج بس عبایه هسه یگلولي وينها ويبلوني بيج حتی لو احلف الهم هاي انتي يلكوني لازم بس عبايه هههههههه

بقى يحچي يعايب عليه نرفزني اكثر رغم شفى غليلي من طگیته راشدي ياگل علی گیف ویقلد

گتله وانه بعدني كاعده على الچربایه

-تقلد علی ضعفي لان ضعيفه تضحك عليه وتگلي راح اختفي بس اتذكر كلش زين يافهييم ‌هاي الضعفيه شسووت بيك خلتك تفتر شوارع كربلا شارع شارع فيي سبيل اتشوفهااا

خلتك تنام بالشوارع في سبيل متنجمع وياهه ابيت لان تعرف نفسك مو ثقة جدامها

الضعيفه خلتك تنخى الايمة امام امام وتنذر نذوور ال االله سبحانه وتعالى في سبيل تصيرر الك

هاي الضعيفة طريتلك عقلك من راسك وخلتك بدون عقل هايم على وجهك
متعرف شسوي

الضعيفه خلتك تتوسل بالسايق حتى تاخذ سيارته وتجي بالخط حتى بس تلمحهه وتشوفهه

الضعيفه خلتك تعوف دوامك وبقيت بلا وضيفه وراتب

- عفت الزيتون والسجين من ايدي وگمت
#يتبع