بقلمي دينا الربيعي ❤
هناك قرارات تغير مجرى حياتنا ، ولم نعلم ما يمكن أن نعيشه هل عيشة هنية جميلة أم يبقى القلب خافتآ خائفآ ، وبعدها يطمأن القلب بوجود الله معه أن كل شيء بحدث بأمر الله ، ويرحل الخوف وتنزل السكينة بعدما نترك كل أمورنا بيد الخالق ما أجمله عندما نشعر بأمان نحن نحتاجه بشدة وهو لا يحاتجنا هو الله ❤❤
فاطمه، بعد مادار الكلام بينه بخصوص الناس الي اجت على زينب وهواي فرحت الها تستاهل حبابه وطيوبه
جنت اغسل بالممه مال جود اكيد هاي عنايتي اله ههه احاول اساعد ماسه وكم شغله گتلها اني اساعدج بيها
حسيت شخص قريب مني درت وجهي شفت ياسر جان دنيا ليل وكلها بغرفها تقرب مني توترت من قربه اول مره اشوفه هيج كل مره خطف مني يروح لا اني اگعد ويا ولا هو اثنينا اختارينا البعد بسبب الصار
وحته لا نذكر كلام ريام وارجع احقد عليه ماعرف ليش اكره المكان الي يكون بي يمكن بسبب ملحتهم علينه وتلميحاتهم.
تقرب ويحجي همس حته نسيت نفسي بدون حجاب گال
ياسر، شوفي الج مهله هاي الكم يوم اذا ماطلعتي منا اطلعج بأيدي انت ماعندج كرامه باقيه بيت اعيال اختج شنو من نفسية خ،،، شايله
فاطمة، انتة شنو قصدگ ياسر انته هيج شايفني جنت أول مرة يجمعني كلام بي وحسيته هواي هاني الدموع بطرف عيني وهو قريب مني يبعدنه شبر واحد عينه بعيني ووجها احمر من الأعصاب رجع رد بأستفزاز.
ياسر، لتحجين بمياعة وتسوين نفسج رقية كافي عاد حسي على نفسج لا عبالج مرتي توفت واخذج بمكانها حلم بليس بالجنة خلي عندج كرامه وردي منين ماجيتي
وهاا اگلج شغله ثانية لاتحجين يمهم بعد عبالج تضغطين عليه علمود اگلبج لااا غلطانه ماتزوج وحدة گاعدة ويانه ماريد اعطف عليج اكثر...
فاطمة، حسيت راح اطگ گوة لازمه نفسي ما انفجر بي گتله
انته اشايف نفسك هااا كلك على بعضك متهمني والخاطر اهل البيت مراح ارد عليك بس بعد اذا تجاوزت علية ما اضمنلك شراح ارد..
طلعت اركض فوك والرجفه اعتلت جسمي كله كرهت نفسي وامي وابوي وكلها على هيج عيشه ماردت ادخل بغرفه زينب وتشوفني الطابق الثاني كلنه غرفنه بي
خفت يصعد ويشوفني رحت گعدت على الدرج الثاني اللي يصعدنه للسطح
بجييييت بجييت وبعد احس نفسي مخنوگه مليت من عيشتي وحقه بالگالة كله صحيح شنو اني على اي أساس گاعدة يمهم قررت احجي الخالد يرجعني وشيريد يصير يصير بعد ولا انذل..
نزلت نمت وراسي الصبح گعدت يريد يطگ
سويت نفسي عادية ومابيه شي ولاشفته بعد ابدد
التهيت ويه ماسه بأبنها شوية مهون عليه الضوجه
واليوم اجتي مرة على زينب صديق خالد الصراحه تمنيت اني بدالها مو لان اني احب اتزوج لا بالعكس لو عليه عمري كله اضل بدون زواج ودوخه احس نفسي مامستعدة الهاي النقطه
بس حته اخلص الناس من همي مهما يكونون زينين وياي والله شاهد عليه معامليني مثل زينب ماحسسوني بثقل عليهم ابد بس ميصير اني عندي عزة نفس كل يوم اموت الف مره اني مسؤله عليهم مهما يكون اني حمل عليهم
وفوگ هذا كله اكثر من مرة يلمحلي ياسر وجوده مضايقه بالبيت واخر مرة ذبله حجاية ومشه گال.
ياسر، لدزين خطاطيب الج عيب خليج ثگيله ولاتنتظرين مني شي.
فاطمة، ماعرف منو يوصله كلام اني رايدته احنه ابد بالبيت مفاتحين الموضوع لا گدامي ولا وراح تعبت وصرت من اشوفه اختل ابددددا ما اشوفه وجهي حته ليضوج..
وبيوم العقد مال زينب هواي فرحتلها اني وماسه بس حسيت نفسي لازم اترك البيت واطلع منا اذا قبلوا او لا قررت اطلع من البيت.
گعدتني زينب انزل اتعشه وياهم وقررت احجي كلشي الهم نزلت واني راسي مسطور من الألم حته عيوني احسها وارمه وتوجعني كلها تباوع علية من دخلت حته ياسر جتي عيني بعينه استغرب شكلي گالت ماسه
ماسه، فاطمه شبيج حبيبتي ليش هيج عيونج وارمات عليمن تبجين
فاطمة، اريد ارجع البيت عمي ماگدر ابقه هنا بعد شنو ضلتي هنا اذا حته بت هذا البيت راح تتزوج اني ضلتي هنا شنو بتكم لا جنتكم لا اقرب الكم لااا والله شنو اخت زوجه ابنكم ماگدر اتحمل بعد احس نفسي عالة
خالد، شنو هذا الحجي فاطمة اكو واحد مضوجج مسمعج حجايه مأذيج.
فاطمة حجه كلامه ودار وجها على ياسر خزرة رجع ياسر دنگ ياكل ومومهتم بسرعة گتله
فاطمة، لا لا والله محد مأذيني بالعكس انتوا عاملتوني معاملة اهلي ماعاملوني هيج عمي طردني وانتوا استقبلتوني بس ماگدر بعد.
خالد، شنو المتگدرين عليه فاطمة انت حالج حال زينب وماسه انت ماگاعده بيت احد انت گاعدة ابيتي والموعاجبه يرگع راسه بالحايط اهم شي عندي متتضايقين هذا بيتج هم من يوم الدخلتي هنا ماشي.
فاطمة، جان يحجي وفارت اعصابه وعينه كل شويه يخليها بعين ياسر وياسر مغلس ماعرف ليش حسيته متقصد يسمعه
گالت ام خالد، شوفي فاطمة انت وحده من عدنه لا تهتمين ولا تحرگين بنفسج ولا تضوجين من گعدتج بينه الله يرضه عليج بنيتي.
فاطمة، رفعت راسي الدموع متخليني اشوف زين ماسه تمسح بدموعها وابنها بحضنها ونسدت نفسيتهم على الأكل استحيت منهم گمت بسرعه صعدت فوگ تمددت على جربايتي وصرت ابجي براحتي.
ماسه، صعدت فوگ واني ردت اگوم وراها ماخلاني خالد گال.
خالد، لا لتصعدين وراها خليها براحتها خليها تبجي ترتاح.
ماسه، گعدت والهدوءصااار قاتل اريد اصعد اشوفها بالي يمها حجه خالد
خالد، ياسر شنو گتلها وهيج استهضمت..
ماسه، كلنه رفعنه راسنه عليه وهو ماستغرب بالعكس ياكل بهدوء وعينه مايخليها بتجاهي حسيته يستحي يحجي رجع گله خالد.
خالد، اريد اسمع منك ياسر شنو گلت الفاطمة وهيج سوت..
ماسه، صار اربع مرات خالد يگلي جاي احاول ويه ياسر يتزوج فاطمه علمود ينساها لان تغير هواي ونفسيته تعبانه بكل الطرق جبنا بس علمود يتغير موده ماكو خالد كلش يحبه ويضوج على ضوجته
يگول فاطمه حلوة وصغيره بلكي تنسي الصار ويا بس جنت كل مره اگله لتضغط عليه ماصار هواي من توفت مرته جرحه بعد جديد مستحيل ينسه هسه اتركه للأيام.
ياسر، ههه وليش تتهمني الي البنيه حقها شنو گعدتها هنا تحس نفسها غريبه واگلك شغله لو مدورلها رجال يتزوجها هم الك اجر بيها.
ماسه، تخبل خالد من حجيه استهضمت اني هم بجيت منه حسيته قلل من قيمتنه شمر الگلاص خالد عليه وهاي اول مره يسويها گال ياسر بعدم اهتمام.
ياسر، اسف ام جود بس ماريد واحد يضغط عليه زواج ماتزوج اني مرتي بعدهاااا بگلبي وعققققلي ماجاي انساااها تردون اتزوج عااادي شلووون شلوووون لاااااا
ومو هيججججج المرة الرادتها ريااام ماريدها مااااريدها جانت تگلي فاطمه حلوة فاطمه هيج فاطمة هيج تجذب نظرها گدامي بكل الطرق تحاول تخليني اباوع عليها اشوف الغيرة بعيونهااا بس تكااابر تكااابر
متريد تحرمني من الابوة جانت تموت غيرة منهاااا بس ماتبين مرتي واعرفههههااا جانت تگلي فاطمه احلى مني اصغر مني عيونها احلى من عيوني شعرها اطول
من شعري تحجيلي شغلات كل ضنها راح احب فاطمه بس اني بالعكس اضوووج منهااا اتخبببل منهااات
ماسه، خوية ليش هيج تحجي محد يجبرك على شي انته متريدة لاعبالك ناسين ريام الله يرحمها وموبس هيج والله فاطمه ماقابله اكثر من مره حجت وياها
ريام ورادتها تقبل بيك بس بكل مره جانت تتخبل وماتقبل والله العظيم جانت تبجي واني كل مره اسكتها لان بس تروح البيت عمي مايرحم بحالها ويزوجها لو يبيعها
الله يخليك اتحملها بين ماتجيها قسمه زينه وعد مني ازوجها بس تجيها قسمه زينه اعتبرها تزوجت اني اريدها تستقر وترتاح ترى فاطمه مامرتاحه هنا تستحي
ومتقيدة فاطمه عدها عزه نفس من هيه وصغيرة عدها نوع من الغرور بس مجبورة واني ما اخليها تحجي من خوفي عليها
جنت احجي وابجي خالد يصيح عليه وهو يضحك بستهزاء كلش كرهت نفسي بوكتها اول مره اشوف ياسر هيج يحجي.
خالد، فاطمه ماتطلع منا ولا عاش اليزعلها وانا هنا ياسر اذا مو عاجبك اطلع
تفاجئنه من خالد حجه هيج ويا بس جان رد ياسر عليه
ياسر، هههه لا ما اطلع ليش اطلع لا اني مأذيها ولا هيه مأذيتني بس موضوعها تسدو ماريد تفتحون الموضوع بعد ابدد
ماسه، حجه وطلع كلنه سكتنه وامي وخالد ضايجين امي تعتذر مني
گتلها لا تعتذرين يمه اثنينهم نفسهم عزيزه ولتنسون ياسر جرحه بعده ماطاب والله گلت الخالد ليفتح الموضوع وياه هسه
خالد، خلي هذا هو بعد مانشمر بتنه عليه هو رجال يگدر يدبر نفسه بس فاطمه امانتي ومستحيل اخليها تنذل بسيطه ياسر اشوفك..
ماسه، ماصعدت وراها بعد وزينب جانت مشغوله خطيبها جاب الها تلفون گعدت ترتب البرامج بي الثاني يوم الصبح گعدت لگيتهم كلهم جوه وهيه ماكو شفت ياسر اجه بأتجاه جود اخذه مني وگال
ياسر، صباح الخير ام جود
ماسه، صباح النور حجبتها ودرت اريد اروح گال گدامهم كلهم.
ياسر، يابه اني اعتذر منكم على الصار البارحه بس والله نفسيتي تعبانه ومومتقبل فكره مرة ثانية تدخل الحياتي اريدكم تتفهموني وتعذروني واكيد انت الأهم ام جود خيتي عذريني واني من اشوف اختج هم اعتذر منها.
ماسه، لا لا تعذر ولا ابد ياسر حقك انته جرحك لسه ماطاب ومتفهمتك والله ماكو داعي للأعتذار.
خالد ماحجه ويا بعد حسيته زعلان وامي مبينه الضوجه عليها بس سكتنه وبقه هو يلعب بجود وهذا يضحكله ومكيف بي هملت نفسي بهاي الكم يوم ونفس حالتي والدوخه والصداع بيه بس ماهتميت الأمري
وجنت ملتهيه ويه زينب نوب ويه فاطمه نسيت نفسي رحت للطباخ اسوي الريوگ شغلت الطاوة وبديت اگلي البيض واني شميتها الريحه واني طرت للحمام ذبيت معتي كلها نعاد الشريط گدامي من جنت اتنسه بجود
وكلهم فوگ راسي خالد ياسر وامي ووجوهم صفره من الخوف بسرعه امي گالت
ام خالد، گومي بتي گومي ليش ماخذيتي حذرج وابنج بعده اشهر
ماسه، شهگت خوف غسلت وهمه راحوا بالمطبخ بس خالد يمي گتله
بعده جود صغير گال..
خالد، يي شنو الموضوع غير تفهمني شكو تحجن بالألغازز
ماسه، يمكن اني حامل واله اگلكم اني هسه تأكدت حامل
حجيتها وبجيت وخالد الضحكه شگت حلكه فرحان وامي تضحك
خالد، ي شكو بيها واذا حامل حبيبي راح يصير عمري اربعين بعد شنو منتظرين
بعد على متجيبين صاير عمره سنتين
ماسه، لا خمس اسنين وين طيرته امسح بدموعي گال ياسر
ياسر، وخري اني اسوي الريوگ بعد بس هاا الاسماء عليه لتنسون بنيه ولد اني اسمي انتوا خلفوا واني اسميهم ههههه
خالد، لا عيني متفقين طهور جود عليك لاتختار السهل شنو لوتي
العصر اخذج للتحليل نتأكد حبيبي لاتبجين افرحي خليني افرح لا تضوجيني
ماسه، ماحجيت بعد كملنه الريوگ ونزلن البنات ياسر وخالد طلعوا واني كتلهن فرحن للعصر رحنه حللت طلعت حامل وخالد جاب عشه وياه
ورجعنه مره الايام ودخلت بشهر الثالث وضعي تمام الحمد لله وجود كبر حبيبي صار عمره تسعه اشهر تقريبآ.
بس المضوجني وضع فاطمه من اخر مره صارت انعزاليه دوم نطلعها اني وخالد بس نفس الشي مكتأبه كلش مرات تصدف يلتقون هيه وياسر تتوتر وتنزعج ومتبقه ولا ثانيه بالمكان المتواجد هو بي
احس عيونه عليها بس ميريد يبين هذا الشي احسه متندم على كلامه وياها بس هذا الشي احسن اله والها حته هيه تشيل روحتها البيت عمي من بالها وهو هم يتعلم على وجودها بين ما الله يفرجها
قبل دورة السنه مال ريام بشهرين كاعدين كلنه بالصالة ونزل ياسر من فوگ وبيده جنطه سفر ومزين طالع كلش حلو ومرتب تفاجئنه بي وين يريد يسافر
بس اني مامتفاجئه مثلنه عدها علم گله خالد
خالد، خير ياطير وين مسافر
ياسر، طالع التركيا عندي شغل حبيت اخليها مفاجئه هههه
خالد، برأيك حلوة هاي المفاجئة ليش ماحجيت ليش ماگتلي زين شغليش هذا وشوكت ترجع
ياسر، اعتقد اذا اريد اسافر ما اكو واحد يوگف بطريقي هذا قراري والشغل فتحت مكتب بتركيا مال عقارت ويه محمد السيد صديقي تعرفه انته عجبتني
الفكره وقررت اشتغل هناك وشوكت ارجع ماناسيها ولا يوم اكيد راح اجي بالسنه مالتها
ماسه، حجه اخر كلمه وعينه على فاطمه الي مارفعت راسها ولا شافته بس من نزل حالها حالنه ماجانه نعرف بالسفر هذا تهز برجليها من التوتر حسته يتقصد حجه اخر كلمتين حته يسمعها
خالد، ماشي خوية براحتك عاذرك روح الله وياك غير جو بلكي ترتاح نفسيتك محتاج شي اذا تريد شي مني لتتردد ياسر
ياسر، وعد لو احتاجيت شي راح اخبرك اول واحد
ماسه، تقرب باسهم كلهم وباس امي براسها وسلمي عليه باس جود وطلع راح خالد وصله للمطار
اليوم دورة السنه مال ريام الله يرحمها ويغفر لها كلنه ملتمين ومخبوصين ناس هواي واهلها اقترح خالد يمنه يسووها وافقوا الدنيا الصبح يعني قبل الغده النسوان بالصاله والزلم بالديوانيه بيتنه واسع الحمد لله
جنه بالمطبخ والبنات يمي نسوي بالتمر لان الغده من المطعم جاهز حضرنه بس الخفايف رفعنه راسنه على صوته
ياسر، السلام عليكم
كلنه سلمنه عليه ماشاء الله يجنن صاير لايگتله تركيا مع العلم لسه حزنان ولابس اسود بس كلش حلو طالع
كلها اكلته بعيونها سلمت عليه زينب وفاطمه السوت نفسها مشغوله وماسمعته
دخل جوه وبيده جنطه صغيره مو مثل الراح بيها
عرفته كم يوم ويرجع فعلآ بعد مارحنه للزياره وزرنه ورحنه للمقبره تقرب ماعرف شنو حجه وقره قرأن بعد ما اهلها ملخوا روحهم عليها جنت ابجي واخر وحده
رحت گعدت يمها حجيت وياها وقريت الها الفاتحه تمنيت اقرالها جزء بس جود وحملي ماگدرت ابقه اكثر رجعنه للبيت وكلها العالم رجعت البيتها
ثاني يوم نفس اول يوم من سافر ياسر بيده الجنطه سلمنه عليه وراح
يتبع،،
قراءه ممتعه للجميع ♥