بريئة بين أنياب كافلي

pert5

بقلم دينا أسعد الربيعي 🌺

كل عام وأنتو بألف خير حبايبي وعساكم من عواده ❤️🥰

🍃 ( @toofee112  ) 🍃

ادري بيهم تعبوك
الوادم الغشمة كحل ما كحلوك
ذبلن عويناتك الحلوات كلش
يا حريمة شكد عموك

لـ اوس النواب

سجى . گبر انت صدگ عوبه ولج هذا الجمال كله والفلوس وعايفته اله تخبلتي والله لو عندي هذا ماخلي لحظه وحده اله اروح واعيش ابيتهم

ام غفران . والله خاله يوم عيد وتقتنع غفران والله ما عندي غيرجن تقنعنها حجيت لمن مليت ماكو منها فايده تعبت منها ومن عنادها ولا عبالك اني امها واريد سعادتها اگللها ولج يمه ماتلگين مثل خالد رجال راح يصونج ويحافظ عليج من عندج لو متت اني

سجى . عمرج طويل خاله ان شاء الله تفكر بنفسها وتقتنع لان والله فرصه متتعوض

غفران . اني بيدي كتابي ادرس بس بالي كله يمهم شنو يحجون عمري كله ماراح اقتنع بكلامهم اني احب الحريه واحب ادرس واستلم شهادتي بيدي ماحب ازوج واتقيد وخاصآ احنه العادات والتقاليد العدنه كلشي عيب وحرام

(عله گولت تيسير الرگص حرام . التمثيل حرام . الغناء حرام . 😂😂)

اسمي غفران عمري 19 سنه ازوجت ولد غريب جبت ولد وره سنه وخلصت ويا تلث سنوات كلها ضرب وغلط وأهاين مامر يوم عليه اذا ما انضرب تعلمت ومتحملته علمود ابني وبأختصار هو سكيرر

مره جنت نايمه وابني يزن بحضني نايمين ما احس اله انگلبت بالگاع وشبعني كتل ويصيح زوزو تخونيني اني تخونيني

عفت كل الألم والاذيه طلع فوگ هذا كله اخته مزوجته بت حماتها اكبر من عنده بخمس سنوات عرفت هذا الحجي من عدها بيوم الاجيت لهلي گلتلي اذا ترحين اخلي يطلگج ويجيب زوزو هنا

غفران . خلي تاخذه فضاله ماريده بعد لو يبقه اخر رجال ولو هو اشباه الرجال ما احس اله هجمو عليه اثنينهم هو وحماتي گطعوني تگطع صعدت فوگ رجلي وهيه جنها برميل واجر بشعري متت جوه رجليها گوه الجوارين خلصوني منهم بيوم اخذو ابني مني وطلگني وراها بيومين اني جنت حته عقد محكمه ماعقدين بس جاب سيد وطلگنه حته الغايب والحاضر ماطانيا بيوم كشيت من الزلم كلها وقررت ارجع ادرس واتعب عله نفسي وبعد زواج مستحيل افكر بي 

سجئ،  انهجم بيتج كلش راح تاخذي دكتورا ام الگلگ

غفران،  يوو اشخبصتوني والله ماريد ازوج ليش تلحون اني جربت مره وشفت حضي ليش ارجع اعيد نفس التجربه ويم رجال بعد اصعب عنده عاداته وتقاليدة فوگ كلشي صح هو طيب واخلاقه حلوه وابن عالم وناس عنده ضمير اعترف ميتعوض بس ماريد اتزوج هسه يمه

ام غفران،  وغمه وصمه ابقي هيج لا انت مطلگه ولا عايشه مثل النسوان

غفران،  اخذت كتبي ودخلت بغرفتي احس شي كاتم عله صدري ونفسيتي تعبانه لا بيه حيل اجادل ولا بيه حيل للأيام الجايه احس نفسي مامستعده الكلشي من اطلگت عبالي راح ارتاح واخلص بس جنت غلطانه جان بس زوجي عليه هس الرايح والجاي
ليش متزوجين
ليش ميجي ابنج يعيش وياج
ليش اطلگتي ماتحملتي الخاطر ابنج