عشق المومنين(أبناء الساده)

((بارت الواحد والعشرون))ج٢

جمعه مبارك ولاتنسو أختي سجى والصديقه (ايثار)من صالح دعائكم

.........
غفران:
ڪُنت أظنها أياما و تمضي، فإذا بها ڪانت حياتي

لزمت خدي من اول راشدي لحكتني براشدي ثاني هنا دموعي بدت تنزل بقهررر ردت احجي اجادل امي بس شفتها ماكو جدامي نصيت راسي لكيتها تخربطت فد مره..دنجت راسها خليته بحضني واصرخ اهز بيها

-ماما يمه كعدي گعدي يماااااه رااااااااااااح اقبل يمه يمه يمه.. يارب امي احفظ ماما احفظ امي..

شلت راسي امي خليته بحضني اقراء على راسها
(يامن اسمه دواء وذكره شفاء)

اكرر وابچي ثواني واحس ربي استجاب دعواتي
دخل اخويه منتظر وياه ابوي شالو دنج يشيل أمي
ويسئلوني

_اشبيها ليشش هيي هيچ منوو شصار

_ما أدري ماادري

أبوي گال المنتظر

_تعال عاااوني يله بسرعه

طلعو يسندون ماما وانه جريت عبايتي،حنى أروح ادور على شحاطه مالتي ماادري شلبست طلعت وياهم

رگبت السياره رگبو ماما يمي راسها بحضني واقراء على راسها وصلنه للمستشفى ارگض وراهم أشرلي أبوي أگعد على الكرسي

اخذ امي ودخلو الغرفه ادعي ربي ينجيها

اللهُمَّ احرُسنَا بِعَيْنِكَ التي لا تَنَام، وَرُكْنِكَ الذي لا يُرَام ، وبأَسمَائك العِظَام ، وَصَلِّ على مُحَمّد وآله ، واحفَظ عَلينا مَا لَو حَفِظَهُ غَيْرَكَ ضَاع ، واستُر عَليْنَا مَا لَو سَتَرَهُ غَيْرُكَ شَاع ، واجعَل كُلَّ ذلك لَنَا مِطواعاً ، إِنَّكَ سَمِيعُ الدُّعَاء قَرِيبٌ مُجِيب.

لحظات مرت دهر عليه الناس داخله وطالعه سمعت صياح رجال خفت لا أمي صار عليها شي

گمت واشوف ولد يفتر بگرسي متحرك كاعده عليه مريه چبيره بلعمر يريد الها دكتور

مشيت بسرعه خايفه على أمي صاح عليه منتظر

-تعاااااااي تعاااااااي كعدت تريدچ أمي

رحت يمه لزمت أيده بچيت

_أشلونها ماما الله عليك

_زينه كااافي لا تفاولين عليهة

_اخاف ادخل انا السبب

_لااااا دگولين هيچ

_بس لو صاير بيهة شي مااسامح روحي

_أنشاء الله مايصير

دخلت ابوية گاعد يم أمي من شافني تبسم وگال

_هاااا الخوافه ماگو شي بس صاعد.ضغطه وطوهة ابرة بلمغذي وأصير زينه

_والله ماقصدي بابا

_اعرف بيچ بنيتي

_بس شو بعدها مغمضه عيونها

_تعاي گعدي مگاني بين مااروح اشوف منتظر دنى عليه همس ديربالچ تجادليها من تگعد ترى هاي مستشفى وهنا نسوان نايمات

هزيت راسي باوعت عليه منا لمن طلع..سديت البردات ألي داير ميدور السرير كعدت على السرير لزمت ايد أمي بستها وهي بعدها مغمضه خليت أيدي على خدها ما أشوفها أله دارت وجهه وعضت أيدي

فزيت من وجع العضه سحبت أيدي واگفت أسألها

_شنيه يمه تحولتي مستذئبيه

گعدت گوه نصيت أتچيها على المخده وهي دارت وجهه مني تحچي گوه

_ألمن جااايه هااااا

_أجيت حتى تعضيني

نترت بتعب

__هااااا شدگولين

_سلامتچ حبيبه غير بنتچ الوحيده

_گولي عذابي الوحيد

_لاااا دگولين هيچ يمه والله أحبچ واموت عليچ.

_يعني تقبلين بسيد موو

_امممم منووو بيهم دخيل جدهم حددي

_وچ بنت

_بنت احلى أم بهاااي الدنيااااا أنشاء الله أنتي طيبي
وخلينه نطلع ترى أكرهه المستشفى وهم بطريقي اشوف طبيبه منا مناك

دخل أبوي گال

_ألمن طبيبه يوجعچ شي بويه

_لا مرتك أگلت أيدي شوف شلون عضه مال أهلنه الأوليين

_هههههه ولا تجوزين وچ امچ تريد مصلحتچ

جاوبته امي

_أي فهمها يله بس أنا أحچي

مدت ايدها اليه تريد اتقرب عليها شبگتها

_أشلون صرتي يمه والله اسفه

_مابيه شي حبيبه

باستني بخدي وانا أيدي بيدها أجت ألدکتوره قرت الاوراق گالت

_طلعو انشاء الله ماعليها شي مانريد قهر ولا أعصاب

باوعتلي تحسسني بغلطي گومناها أنه وبابا طلعنا من ألمستشفى منها للبيت دخلتها الغرفتها ترتاح غطيتها رحت للمطبخ حتى أجهز أكل نفطر
كملنا الفطور وكلملت كلشي وطمئنت على امي رجعت نامت

صليت ركعتين شكر مددت على فراشي وهواي أفکار تاخذني. و افكر منين طلعلي سيد سلمان ومنين ظهر اليه لزمت گلبي وبقوه دعيت
يارب كون ماتكمل خطبة ويتراجع لو يصير عارض واني باجر حاجيه

نمت والسبحه الألكترونيه بيدي حسيت ايد على خدي تمسح فزيت لكت امي دموعه على خدهة
عدلت گعدتي

_هااااا يمه شگعدچ أنا أسوي سحورر

_سويت يله گومي لا يأذن

_أشلون صرتي
-زينه الحمد الله يله كومي سحري مضل وقت واني زينه اني انتي خوماا أتذيتي من ضربتچ راجدي

_لا بس من عضيتيني لگطتي لحمه مني ردت الطف جو لأن بعدها مقهورة عليه وهية تعبانة هااا واصلا مااحسيت بيه ايدچ خفيفة بس اذاني وشت اسمع صوت طنين عود بعدين اخذ منچ كفارة عن ضربة
وگفاره عن العضه

-وچ يمة من قهري ومن عنادچ مديت ايدي عليچ

_أعرف يمه أعرف والله

_شتعرفين ترى عمامچ حچيهم كثر وصارو يلحون ويكولون ليش جاي ترفض ليش لهسة مامزوجة ليش مگعديها يمگم وحچيهم گله تلميح أبوچ يسگت أللچ بس ميسگت ألهم يجادلهم

_شعليهم يايمه

_أشلون شعليهم حتى البارحه عمچ سلام گال الأبوچ البگد غفران عدهة ثنين جهال وتلاثه واربعه صار الحچي گلة على ابوج كلما يشوفوه أذوه بلحچي وهو مااريد ضوجج بلي يسمع ودايما يكولون
شنو بس هية خطيبهة استشهد

هااااي البنات والنسوان تترمل منا تزوج مناااا حتى سنة ممخلصه ويزوجن وبنتگم عايفيها بگيفها على حل شعرها جامعه وخلصت وظيفه توضفت بعد شنو منتظره لو عدهة شي ثاني

تعصبت وگتلها

_يمه اله العب فلك شلوون يحچون هيچ همه شعليهم قابل بابا مثلهم بس تصير عندهم بنيه وصار عمرها١٥ؤزوجوها

_يمه هذا الگلتي شفتي يعني شتتوقعين تفگيرهم أشلون راح يصير وانتي تعديتي السبعه وعشرين

_وذا هسه لو تلاثين

_وووولچ يمه نحطنه بحلوگهم ويحچون بتربيتچ
أحنه واثقين بيچ لأن مريين دره انتي شمعة بيتي ... بس ألقال والقيل كثرت

_يمه مااااگدر اخاف والله أخاف

_منين تخافين يايمه

_أنه الاخذه يموت اي يمووت متأكد

_استغفر الله وچ حررام

_الحرام من تغصبوووني

راحت أمي يم الباب وگالت

_رااااااح أبقى أني غضبانه عليچ أليوم وباچر وعگبه ولاعبالچ تكولين أمي راح تهدئ وتنسى لااا الموقف
الي نحطت بي وصرت حچاية بين عمامچ لا مانسى راح أترك الموقف الچ انتي تحكمين

_يمممممه مااأگدررررر والله

_خوووش جربي برضاتج اوتنغصبين

-يمة كلشي ولاغضبچ بس والله نطيني فرصة

_صاررر خمسسسس سنين منطيتچ حتى زهراء الي ترملت وراچ هم أزوجت رغم عندها ولد وسند وانتي
عليمن بااااقيه هاااا

_گلمن وتقبله

-مااااشي گتلج غصب لووووو برضاتچ رراح توافقين لأن الحچي صار يدك براس

عافتني امي وطلعت خلتني بحيرة وقهر أدموعي على خدي رحت للمطبخ لكيت ألسحور بصينته
مبينة اني متاخرة كلهة مسحرة

بسطت بلگاع سويت لفة جبن زغيره شربت گلاص چاي وشربت مااي

لملمت الماعين شطفتهن تالي أتوضيت لاكاني ابوية مسح على راسي وراح يتوضى وامي كاعدة تقرا قران دخلت ألغرفتي حتى أصلي ألشفع والوتر لأن متأخره ماالحك على صلاة

ممدت السجاده صليت رگعتين الشفع واحس براحه من أصليها'لان بيها برگة ألليل وهدوء الظلام'خلصة توجهت الركعة الوتر الأطمئنان الأحسه بركعة الوتر
يبرد گلبي عن هموم ألنهار

هذا أحساسي بگل مره اصلي صلاة ألليل لان اعتبرها المحطة الليلية حتى أحچي ويه رب العالمين لأنها أكثر محطه عبادية يسمعنا بيها رب العالمين، وخاصة اذا چانت باقبال قلبي

خلصت من الوتر أعتذرت الربي لان النوم خلاني مااصلي بس الشفع والوتر نسيت همي والدنيا گملت الشفع والوتر لان هي المقام المحمود الي ماافوته
ومثل ما گال أمامنا ألعسكري (ع) إنّ الوصول إلى الله عزّوجلّ سفر لايدرك إلاّ بامتطاء الليل..

صليت الفجر ودعيت ربي يهديني ويبرد گلبي قريت قران اخذت غفوه الى أن صارت ساعة بلسبعة كمت بدلت ورحت لدوام ألتفگير أخذني طول ما أني راگبه الخط وصلت لشركة منصيه حتى مالي خلك أسلم دخلت للغرفة صبحت على ام دنيا گوه لان ضايجة منها بسبب راحت فتحت ألموضوع ألماما وتعرف برفضي وخوفي

- صباح الخير

-صباح النور هااااا غفران شبيه وجهچ اصفر

-شوية ضايجة على امي مريضة وهاااا خاله فدوه
ارجو منچ توصلين خبر لسيد سلمان اني مااريد ازوج وبعد مااريد ينفتح ألموضوع قبل مدة حچى بلموضوع ونطيته رفض وانتي حاچتي امي وهم أكلج رافضة ليش تخليني أترك دوام

أجت يمي تهديني

-أاااكعدي حبيبتي وجهچ مصوفر لاضوجين اني هسه أرجعله جواب بصراحه حسبت تفرحين من أروح وحاچي امج ردت مصلحتچ

وبصراحه لوما الحاحه وطلب اروح افاتح الوالدة أبد مااااروح لاضوجين مني مثل امچ واحبچ

-لا خالة اني الاعتذر منچ عفتچ أبموقف مو حلو واعرف تحبيني بس هاي اني مامتقبلة زواج ولا أگدرر. لان مووبيدي شي جوواي يرفض'وكارهه قابل بيدي لووو بيدي چان مثل أي أبنيه تفرج من تسمع عريس أجاها

-حقچ حقچ هسه رايحة أنطي ردچ

_هاااا هسه تکولين أله

_أي بعدنه بأول ألدوام بسبعه ونص محد يمه

_مشگوره خاله

راحت ام دنيا لزمت سبحة كترونيه واسبح ضاك صدري ضجت ضجت من روحي شوگت ارتاح من ألتفكير والفوبيا البيهة نص ساعة اجت ام دنيا توزع أبتسامات گالت

_هاهية بنيتي حاچيتهه بس ترى مأضمن الچ يكعد ويسكت بعدچ ماتعرفين ابو الاشبال

_هاااا ليش ماضمني شنو حچى وانتي ألضحگه مامفاركتچ

-وچ هووو الحب يلمع بعيونه گلي خليها على راحته
تاليتها اليه

-والله موتني بهاي ثقة شايله صدگي مااوافق لو شيسوي وتدرين گلبي وعقلي قافين

-لاااااااا شلون مأدري بعد گلتي لااا عنادچ مسيطر عليچ وهو إكثر منچ عناد
تعالي نكمل سجلات اجت وجبه سجاد مفروشات واليوم خميس دوام قصير

-ياله هو شعندي أحسن من ألكاعدة سلفنت ردن العبائه وبقينه محسب ورى ساعتين گملنه جرد
تصلو على مكتبنه وردت ام دنيا كملت اتصال سدته گالت

-أكلچ خابرتني البنيه أمل موظفة ويانة مسؤلة على الحسابات هاي كل فترة سوي حمله دار و زيارات وهسه تگول نروح بيوم الجمعة للنجف والكوفة
ومسجد السهلة خوش زياره تعالي و هم جيبي امچ شوية تترفهه وزيارة بلاش لان هي من تسوي الفلوس تندفع من ألنثرية

_أشوف وانطيچ خبر لان محتاجه الفلوس العندي أخوي منتظر يريدهن

_مو أكلچ بلاش

_ولأگل والمنام

_لاسديها عااد

_اشوف أمي بس أشوگت الوقت

_أنروح ورى صلاة ظهر ونفطر هناك ونرجع ثاني يوم قبل صلاة الظهر

-انشاء الله هو حتى من چنا نداوم هناك جنت اسمع بزيارة ترحون بس مچان عندي وقت يله سجلي أسمائنا

-ان شاء الله ورة صلاة ظهر يالة خل نطلع خلص دوام

طلعنه اني وياها وصلناه باب شركة وشفت الاستاذ واكف بلباب سلمت وتعديته كم خطوة رد سلام

عفت ام دنيا تحجي وياه تگله ان شاء الله خير بهل زيارة
يرد عليه
ان شاء الله كل الخير عرفت منين طلبته وميردني فشلان

لحكتني ام دنيا تضحك

-ياريت عندي بنت چبيرة والله ماعزها عليه بس شسوي گلبه هاوي وحدة وهية راسهة يابس

-أي مو اي وحده لان انه كلللش راسي يابس اكثر من صخر لاا تتأملين

سلمت عليها وصعدت الخط وصلت للبيت لكيت امي صلي رحت بدلت توضيت وصليت

كملت رحت امي گتلها أتلوك

_أشلون زيارة باچر النجف والكوفة وسجلت اسمي واسمچ

-اااوف مااكدر مريضة وتعبانه

-مابيچ شي بس أنشوفين الامام اطيبين

-بس لاعبالج ارضى موقفچ وصرارچ واني رايحة الامام علي ابو الحسن اطلب طلبتي يهديچ على قسمتچ

-يمة رايحة انام ساعة وا أكعد ساعدچ بلفطور

-روحي بعد وكت

شمرت عبايتي غيرت ملابسي نمت اجت امي تكعد بية فزيت گتلها

_ شكو مااصار ساعة من نمت

-كوووووومي شوفي منو من اجت

كعدت على حيلي اباوع لساعة ثلاثة ونص منو أجت

-أم عباس(الله يرحمه) مادري شعجب ذكرتنه

_عمتي

_دگومي يمه عمتها

تفأجت كمت غسلت وجهي ولميت شعري والبست كلابية جويتي طوخ وشال لونه بيجي وانه گتلني ألفضول شعجب اجت

دخلت عليهة وسلمت كعدت أگبالها باوعت عليها دموع بعينه

گالت بکسره

- شلونج غفران عذرني دنيا تلاهي ومااجي اسال عنچ بس اني اليوم أجيتي بطلب

-كولي خالة انتي عزيزة عليه

-سمعت هواي ناس جاي تخطبچ وانتي ترفضين واخر واحد ابن ام حاتم

_أي خاله صح

جاوبت أمي

_أي القسمه ماحان وقتها

گالت ام عباس(الله يرحمه)

_شوفي يمه غفران ابني سجاد الله يخلي من زمان چان وده يتقدملچ ومستعد يتحمل كلشي تركه اخوه معلق واحنه اولى من الغريب واخو يريدج

تفأجات من گلامها حتى امي رأستن باوعتلي بنضرة حادة وردت عليها

_يااام عباس ترى ماگوو شي ولا صاير شي وترى غفران من ترفض الخطاطيب مو الأجل شي غفران لأ
تريد تبقى تدارينه ولاهية تكدر تقبل من باچر بأحسن قسمه من ألي جاي تجيهم

کالت أم عباس

-براحتگم يايمه انتظر ردگم واتمنى غفران تقبل لأن سجاد أبني داك صدره يسد کلشي وغفران بنيه ماتتعوض ولا أكووو بأخلاقهاااا

گامت لفت عبايتها تمشي مشيت أم مکسوره راحت امي توصلها للباب واني بقيت باهته مگدرت أحچي شي يعني شتقصد عمتي وشنو ورى حچيها اخوه يتحمل گلشي ترگه متعلق

وگفت أريد أطلع واشوف أمي دخلت وهية أعصاب تعيط بيه رفعت أيدها اجت عليه جرتني من ظهري
وبيدها أجت ضفيرتي دراتني ضربتني راشدي للمرة ثانية

للمره الثانيه أتمد ايدهة عليها طحت للکاع وانا أغطي وجهي أريد أفهم شگوو وامي تغلط وطك بيه بثنين أيدها مگدرت أحمي وجهي من طگاتها عافتني

خفت عليها فتحت عيوني وخرت ايدي من وجهي واشوفها گاعده على رجلها منهارة تلطم على وجه
وتحچي بصوت عالي

_ووولچ بسوالفچ هاي خليتني علچ بحلك ناس ولچ
أرتاحي عمامچ ابوچ يردهم ويسگتهم ألناس شنسوي نسگت واحد أثنين

گابلتها أبچي وحلگي بيه أثر دم مسحته بردني حتى مايدخل البلعومي وافطر گتلها وانه ابجي

_مااااا أريد أزوج اعتقوني أعتقوووني گاااافي يمه
خلوني على راحتي خلووني يمگم والله أضل اخدم بيگم العمر كله لاااازوجيني والله مابيه شيي والله

گامت تمشي گوه گالت وهي تملش شعري

-شووووفي ووولچ هاااااي هيه ألچ خيارين ياتقبلين بسيد سلمان ياااااتقبلين بسجاد لوووو تقبلين بحاتم الي مايلبس أجواريب وانتي بعدين لبسي لااااان خلاص وصلت حده وياچ

حاولت اهدي اعصابي وهديها مسحت دموعي ورفعت راسي امسح الدم بحلگي كتلها

_وذاااا مالبس جواريب ولا قتنع بيوم يلبس

باوعتلي بغضب تفلت بوجهيي مسحته گتلها

_هاي هيه توضيت بماي زمزم موو تفله عبالك دوش
غمتني بثنين ايدها وراحت من يمي

كمت للمغسله غسلت وجهي وبقت غصة بگلبي رحت احضر فطور وي أمي گتلها

_الشوربه عليها ملح

خزرتني رديت وگتلها

_الخزره يعني الشوربه بيها ملح زين الكاستر عليه شكر خزرتني أكثر أحاول الطف الجو وهي ماتحچي وياي وذا تجاوب على كد سوال وذا خزرت يعني أي بيه ملح

طلعت تمر فلسته خضيت أللبن بعد للفطور نص ساعة رحت توضيت اقرا قران ودموعي صب لحد ماأذن صاح عليه منتظر

_,تعاااي غفران امي تگول تعاي فطري..گمت الصينيه ممدوده فطرنه بشوربة وتمر والبن وشرابت ورحنة صلينه كملو صلاة صبيت الهم فطور بس ماكعدت وياهم لان أمي تخزر بيه

صاح ابوية عليه

_ تعالي فطري

_ماشتهي أكلت شوربة

امي بقت ساکته ما حچت عرف ابوية جوو بينه متوتر گال

_غفراااان بنتي أمچ مريضه وانا بشغله من الصبح لليل مااريدچ تعاندين يله سوينا چاي بويه

_صااار

رحت سويلهم جاي ضاگ نفسي بيه ماگو غير عقيلة تسمعني اريده تجي
راسلته

سلام عليكم ام علي اريدچ محتاجتچ شوكت تجينه اريد حاجيچ بسالفة وتحاجيچ امي حتى عزمتونه عبالي نجي وحاجيچ عزمتونه بس بابا كال أنتم عائلة بيت غير مرة نجيگم محتاجتچ ظروري

عفت مبايل ورحت الم الصحون صبيت ألهم چاي غسلت الصحون شفت جهاز لكت عقيلة دادزة رسالة

_ وعليكم السلام شبيچ غفورة شبيها امي وياچ
بس لاا على سالفة زواج بعد شكم يوم للعيد ونجيكم
وهم عدي حجي وياچ وكتبلچ صار وياي

كتبتله
_أن شاء الله منتظرتچ

رحت شربت مسكن وجع رأسي
هاي يومين كلساع راشدي على كفخة على كرصة
اخذت مسكن ونمت من وكت حتى لسحور ماا كعد كلش متوجعة ومقهورة ومااريد ابوية يشوفني هيچ

فزيت على صوت امي أصيح عليه من مطبخ عبالي تكعدني على لسحور شفت ساعة بثمانية ألصبح شكد نايمة من عشرة بليل وشعدهة مكعدتني مو عطلة وجمعة رجعت نمت وتسمع تركع بلباب يصيح

_اا غفيران اكعدي مو وراچ زيارة

فزيت عبالي بطلت متروح ورى ما كتلتني البارحة وهمين زعلهة علية نساني الزياه

كمت صبحت عليها

_صباح الخير

ردت سلام وماتباوع بوجهي

-يالة خاتون وراچ زيارة وتحضير فطور ناخذة وفطور ابوچ واخوچ هنا

-يمة ساعة بثمانية وزيارة ورة صلاة ضهر

-اي ادري كعدتچ بثمانيه حتى تنضفين البيت واني احضر غراض دولمة لو عندچ مانع ست غفران

-لاا ماكو مانع تدللين هسة أنظف واجلف البيت جلف
واساعدچ بس أهم شي نروح للزياره

_وهناك من نروح تخليني راضيه عنچ وتحددين موقفچ ام عباس تريدچ السجاد فاهمه

_يمه ماااازوجه

تقربت عليه وهفتني راشدي لزمت خدي من الوجع
گتلها

_ياأما تردين وجهي يصير أحمر ياااما خدودي عاجباتچ وجاي تتغزلين بيهن بطريقتچ

_غفرااان سکتي لااا تحرگين کلبي وروحي نظفي

رحت غسلت الطارمه 'والصاله ونظفت وصليت لأن مامصلية صلاة الصبح گملت صلاة وتسبيح

گمت ارتب البيت بين تنضيف وبين تحضير ويا امي ألدولمة سوينة جدر النه وجدر الابوية والاخوية
وحضرنه عصاير خليناهم بثلاجه الهم

كملت اللبن ضميته رحت سبحت وتوضيت وصليت وبدلت لبست مانتو نيلي ولبست العبايه رحت الامي أشوفه گملت لأن ام دنيا طول ما أشتغل كل اشويه ترمش

أخذت ويايه عشر ألاف أريد أشتري تراك جديد أليه تناوعت للعشره أرجعها لو أشتري أليه تنهدت لاأاااا مااشتري منتظر أخويه يراد أله أفلوس

شگد ودي ألبس شي جديد وعلى ذوقي وشگد ودي يكون شي خاص أليه گلشي عندي من ملابس ألبسهن
هنه ألي تزغر على عقيله وذا شترت أمي شي جديد يکون اليه والعقيله

أعرف جرى راتب بيدي بس بعدني أساعد بيه ألله يرحمك خويه علي چنت تشتري شي العقيله وشي أليه ضميت العشره تالاف وسديت گنتوري

رحت الأمي لگيتها بصاله أمحضرة علاگة زرگه حلت بيها قوطية شگر ترمز ألچاي الچبيروكلاصات سفري وخلت حافظات الأگل وريحة تعط

گتلها

_الله الله اليوم الفطور دسم'ويمووووووت

سدت سحاب العلاگه دارت وجهه مني بعدها زعلانه لفت الحجاب ودنبسته والجواريب وكعدت على كرسي وتگول بلا متتناوع

_أذا خلصتي أنروح هم يله

_أي خلصت يمه رحت عليها أريد أشيل ألعلاگه دفعت أيدي

_غفوره گلبي بعد غاضب ولاتخليني أغضب عليچ لأن أخاف ربي يعاقبچ

_مووو رايحين زياره يايمه نبقى هيچ زعوليين

_أي ألى أن رب العالمين يعقلچ

_وانه قابل مخبله أشو چني ألحظ ألحلو

_ألله يهديچ ويثبت عليچ العقل والدين

_أمييين بس جاوبيني يمه

تناوعت عليه شالت العلاگه گامت بلاااا ماتحچي أي
گلمه وهذا حال أمي أدلل وتخليني على راحتي بس من تشوفني بلا قرار وتصرف شي مايعجبها تبدي عقوبتها

طلعنا للشارع أجرنا تكسي وهناگ صار ملتقانى يم ألشركة

لگينه ألمنشأه والناس جاي تصعد شافتنه أم دنيا أجت علينه سلمت أخذت العلاگه من أمي وتبعناها نصعد السياره إخذنا الكراسي ألگدام لان أمي تختنگ من الگراسي الأخيره بقيت منصيه راسي اسبح بلسبحه الألگترونيه أمي او أم دنيا يسولفن الى أن أم دنيا گالت أليه

_تعالي غفران گعدي يم بنتي داليا خلينه أنگمل سوالف أنا أو أمچ...

گمت من ألگرسي أنگت العبائه رفعت راسي شفت سيد سلمان صعد ألمنشأه نصيت حتى مارگزت بيه لأن هم لابس أسود بأسود

سيد سلمان//
چنت متأمل موافقت غفران بس أجتني ام دنيا وجابت جواب غفران رافضه الأرتباط وورافضه فکرة الزواج بلحظتها شلت نظري وگلت انا هم ماالح عليها

خاص بعد سؤالي عنها هي طالعه من صدمه چبيره
شلت ألفگره نهائي الى أن أمي رادت زياره وانا مالي خلك أخذها من شفت عمي أبو فناء الحمله السنويه اليسويها المسجد السهله قررت أخذ أمي اوصلها بسياره بدلت ووهناك من وصلت امي للسياره صعدت
وانا لازم جنطه زغيره صعدت وياها شفت غفران

أنطلقت السياره بينا طلعت مفاتيح الجنان,قريت دعاء السفر'أحاول أركز بلگلمات وماارفع راسي أمي يمي حسيتها ربي ضايجه تريد تسولف گتلها

_يمه رايح يم السايق

_براحتك يمه

گمت تمشيت تمشيت للسگن وصلت يم السكن

_هااا خويه اشگد ونوصل

_نص ساعه اقل

بقيت واكفه يمه اسولف عن الشوارع والطسات رغم طلعنه فوك الثنين بس من دخلنه للگوفه العصريه,نزلنه المسجد السهله أمي عافتني تمشي ويه النسوان لان متعلمه وانا نزلت بخجل

نزلت وعشق الأمام يوجع قلبي
أمشي وعشق گل مؤمن بذگر الغائب يخشع'يدمع يزلزل روح..

خطواتي تقترب نحو باب وبيت ألغريب المغترب نحو مسجد السهله هذا ألمسچد ألذي يگون فيه أمامي ينتظر أحبته يعاتبهم على ألقصور بحقه يعاتب أحبابه فبسبب أعمالهم بقى حبيس بلا مؤى

لزمت ألباب وعيوني أدور على الصحن ألشريف حيث في بيت ألأمام مقام ألأنبياء ومرساهم هنا تجلا
الخشوع ورجفه سرت على طول جسمي

مديت أيدي درت محبسي الخرسان على باطن أيدي طلعت سبحتي والأعتذار لمولاي عزيز الله المغترب مولاي أيها ألغريب المتواجد بيننا فلا نعرفك ولا نعطيك حقك حتى باتت نفوسنا لا تستأنس ذکرك ولا نقضي حوائجك فذنوبنا حجبتنا عنك يامولاي

أي غربه انت بها يا مولاي تعيش بيننا ولا يوجد أحد يساعدك يؤنسگ وحدتك

أه ثم أه يامولاي لا نعرف غربتك حتى نشرب من كأس محبتك
ولا نذوق من الكأس حتى نجلس على بساط وصلك
ولا نجلس على البساط حتى تنساب مياه الغربة الى ألقلب عذرٱ مولاي ثم عذرٱ
لايعرف قيمة العشق من لا يصبح حاله مرتبطا بحال معشوقه من حزن وفرح وانقباض

فما بال قلوب المحبين قلوب عشق المؤمنين حيث وقعنا بعشق ألغريب اعاننا الله على هذا العشق

أعان الله قلبك يا أمامنا المهدي جدك شهيد واهلك ه مشردون ولا احد لك
ساعد الله قلبك وساعدنا على غيبته

وگأني أتذگر فضل واهمية مسجد السهله حيث قال الأمام عليه السلام: كأني أرى نزول القائم في مسجد السهلة بأهله وعياله. وفي سياق آخر عنه كذلك: أما إنه منزل صاحبنا إذا قام بأهله.

صليت بگل مقام رگعتين نسيت نفسي داخل بيت ومسجد الأمام..حتى أذان المغرب صطفينا نصلي جماعه خلصت رحت على أمي ردت أخذها المطعم
لاگتني أم دنيا گالت

_زياره مقبوله

_منا ومنگم خاله يله نروح نفطرر

_لاااا تعال أم غفران,عازمتنه على دولمه,وانا هم مسويه برياني

لگيتهافرصه اتقرب من أم غفران درت يمنى يسرى غفران ماگو گلت الام دنيا

_رايح أجيب مااي ولبن وعصاير

_خوش خاله أمتانينك هاك هذا گلاص أللبن والتمر
فطرة بيهن وتمشيت ألمسچد أدور غفران,وصلت يم مقام نبي الله أدريس عليه السلام والکاها ستوها خلصت الصلاة وتسبح بسبحه ألاكترونيه,گامت أتمشت المقام النبي أبراهيم صلت گل مقام تروح يمه تصلي وتبچي,زاد تعلقي,وانا محلل ألنفسي ألنظره والخلوه الشرعيه,

كلانا مُسلحان
بسلاحِ التمهيدِ والعشق الألهي
سلاحي مسبحتي
وهي مُسلحة بعباءتها
فحاشا لرب يفرق ألممهدين

لأن حب الممهدين ليس بكثرة التلاقي.
انما حب الارواح مروي بدعاء

هنا درت وجهي المسجد السهله ورددت بگلبي

((مولاي ها أنا خطوت نحو رحلة الحب المقدس واريد أن أطبق قوله تعالى{و اُتو البيوت من ابوابها}
(بفاطم بفاطم بفاطم أريدها حليله لي))

عفت ألمگان وحتى نسيت الجوع من فرحتي لان شفت بيها نفسي من أتأدي طقوس الزياره..رحت المحل خارج المسجد اشتريت عصاير ومي وبارد
رجعت على مگان اجتماع أمي وام دنيا وام غفران وصلت يمهن
لكتهم فارشات سفرة ومحضرات
الاكل
وغفران مكترة عنهم وبيدها كتاب مفاتيح الجنان
صاحت عليه امهة تفطر
كلتله مااشتهي هسة بعدين أكل ضلت تلح عليه مااجت عرفته لأن اني موجود ماتجي تفطر

جدامي ماعون دولمة اخذته وعليه كرصة خبز

_اخذو راحتگم أكل يم الشباب
ورحت قبل لايحجن على صفحة يعني جدامهم اشوفهم

اشوف ام غفران دنت يم غفران وتحجي بصوت ناصي
دنكت اكل وسمع كلمة أااخ رفعت راسي واشوف غفران تفرك بزنده أمبين البنه نكرصت
درت وجهي ضحگتي تصرفاتها طفولية

دنت عليهم وضلت تاكل واشوف امي تحاجيه وغفران تتبسم

گملنه فطور وللملمن غراض وشغلاتنه بلامانة ورحنه لسوك
هنة جدامنه
واني وامي وراهم نمشي على راحتنه
أمي شافتني صافن
كالتلي

_ لاتحير الك مو الغيرك
ضحگت الهة
وردت
_ان شاء الله الي بس يراد صبر وگفن يم محل ملابس دخلت ام دنيا وبنته وغفران

ام غفران ضلت واكفه بره وصلنه الهة

امي حاجته ...
ام غفران رايدته منچ اني حبيت بنيتچ
والولد شاريهة مثل ماكتلچ
اصير بنيتي
ردت ام غفران فرحانه

_ ايصير خيرر

تكترت عنهم ورة شوية طلعوو

ومشن سوة حتى امي وياهم

ورة شوية ام غفران اخذت غفران وراحن على صفحة
وامهة تعض بأصبعها
واسمع أم غفران توبخ بنتها

_أسگتي وتأدبي وذا ماسگتي أنا أسگتچ فاهمه

غفران جاوبتها

_يمممممه وجعتني بلكرص وكفخ,ترى يمه البلايس
طبگ على ضفري ماوجعني گد كرصتچ هاي هنا دفعي گفاره

_تگعدين وسكتين مثل ألبشر لا أگعدچ أنا

_والله يمه موو عناد ما أگدر اسكت واني مااريد

مدت ايدهة امهة وعصرت جف ايد غفران مااطاني گلبي ومشت سريع وصلت الهم بعد متر رفعت راسه غفران ودموع بعينه

صحت خالة من رخصتج شوية
اجت يمي وغفران ضلت واكفه مگانها ومدنگة راسه

كتله ...

_خالة ان شاء الله باجر ورى الفطور أني اجيكم ....

......
.........

قسما بالله العلي العظييم يامرييم اذا نوار صاار علييه شي لااا ااشررب من دمچ شراب الحد ماترجع وچ انتي تعرفين شنو معنى ااخووي وچ نوار وااعرفة ميتحمل صدمااتت

جاوبته
ـ شنوو هالعيين الصللفة وفوگاهه تحملووني الذننبببب.
ولگم شنوووو انتم من بشر
بعدني ماكملت گلامي وردي على رعد سمعنة صوت مسدس انضرب وعيطة قوية من الولد وصريخ من نسوانهم ركض رعد جدامي وركضت وراه

وصلنه للغرفه شفت نوار واگع بالكاع بين اخوته وجهه كلة دم و غركان بدمه....رفع ایده الرعد يگله باخر نفس

-خووویه رررعد لاتعوفني

شمرت نفسي عليه أصيح بعلو صوت بحرگة أخو

_خووووووووووية نوااار أشبيك يروح أخوووووك والله أنت أعز أخوووواني

رفعت راسي اعيط بأهلي وهم يصرخون

ـ وووولكم شبيي احجووو منو وووين اجتي الطلقة بياااا مگاااان ومنين جاب السلاح احچوووو

عطت وانا فاقد اخواني بقو گل واحد يحچي شكل الي يكول الطقلة ابطنه الي يكول بكلبة الي يكول برگبته

أجت مريم يمي تلزمه دفعت أيدها

_لااااا تلزمين أكسررر أيدچ

أبوي واکف ولا چن الموضوع يمه,گانما منتظر هاااي ألحظه من رد عليه برود

_لااااا تغشم نفسك هذا سلاحك يلمسلح

باوعتله بغضب واهز بنوار مايگعد مريم رغم ميتة بچي بس گلبي حاقد عليها تقرب عليه أرشد مسح وجهه نوار رادة يتنفس ايدة أنملت دم ونوار ماگو

فقدت نزلت راس نوار من حضني اي أتصرف بدون وعي كعدت أسويله تنفس أصطناعي رفعته شوي
أحركة بيه أهزه بيه نبض عطت بيه

_نووار نوار خويه أنتبه عليه لااااا تستسلم أنا رعد يمگ اخووك انا وياااك اناا انا أخذك واهج بيك من هذااا البيت مااريد أي أحد أخذك أنت وامي وهمه خليهم هنانه نوار حبيبي خويه

بقيت أهز بيه أيده نزلت بلا روك فقد الوعي بين ايدي لا ايد ولا رجل وعينه مفتوحه على النص شلته الصدري صرخ بصوت مكسور خشن

أمي واخواني صرخو على صريخي حاضن أخويه ودمه الينزف ترس تشيرتي الأبيض وسروالي الصحراوي

_بالبيت أنترس صريخ وفوگاهه بصباحية العيد كلش الموقف مرعب يخوف الجهال يتصارخون ويبچون خايفين اخذتهم كلهم ام سكينه وركضت بيهم للغرفة مالتها وسدت الباب وكعدت يمهم

بچيت على نوار وگل ألبيت گام رعد مد أيده شال نوار من الگاع ونوار مثل ذبيحه وصل يم الباب ملت جسمي حتى يعبر خزرني وطلع يركض بيه حافي يعيط ويبچي ودم نوار يجري وراه بخط مستقيم من الغرفة للممر للباب مالت الهول وحتى الكراج صار بي بقع دم رعد ملابسه كلهه ادمرت بالدم واخوته مثلة
أليسندونه.هم هذا الايده متلفه وطرف ثوبه

أمهم تركض وراهم وراهم شمرت الها العبايه صرخت اااكعد الموته موش الك..

تبعتها فاقده اصرخ بقهر على نوار بس ماكو فايدة نوار فاقد تماما قبل لا نطلع عمي جر أيدي يصيح

_تعاااااي دخلي هناااا مااااترحين وياه وانتم ارشد
لاتكولوون انتحر كولو دينضف بالسلااح وثارت علييه طلقة افتهمتووووو والله انعل والد والديگم

كلهم بدون جدل كلولة

_اي اي اي حجي أفتهمنه..

رعد صاح

_بعدك مصر على الغلط

تقرب ابو ارشد رفع ايده ضرب رعد راشدي

رعد بغضب عاط بيه يستهزاء

_اي موووتأمر أمر حجي. لدگوله يصير بس لو ماشايل نوار چااااااان؟

_چاااااااان شسويت؟

ركض صادق يبچي

_بيا حااال اخونا راح يموت

فتح الباب الخارجيه للسيارة والبقية صعدو بسيارة رعد شغلو السيارة وراحو بي للمستشفى

رجعت للبيت ام ريتاج لازمه عمتي دخلن جوه ويه باقي الچناين گعدن يبچن اسمع الجهال بغرفة ام سكينه يبچون خطية انصدمو من الدم الشافو و الصريخ والصوت العالي...

الجوارين التمو علينة اجوي على صوت الطلقة عبالهم حرامي طافر علينه..
استقبلهم عمي بالديوان واجني النسوان يمنه يسٱألن ويستفسرن ويرادلهن گل وحده گلب هالگبررة حتى نفهم كل وحدة بيهم شنو صار گلنالهم حسب اوامر عمي

(نوار دينضف بالسلاح وطلعت طلقة بالخطأ عليه)

ألگل يعبر عن حالته وانه بصدمه أريد استوعب الصار
الاحداث المرت عليه بهالچم ساعه قلبت حياتي كلهه فوك حدر

ام سكينة يمي خابرت اهلهه گلتلهم تعالو اخذوني صارت جريمة بالبيت والجهال خايفين

مرت رشيد من شافة أم سگينه خابرت أهلها هم سوت مثلهه وخابرت أهلها زوجة وحتى زوجة رشاد..
هم خابرت أهلها وبدن ألبيبان يندگن گلمن تاخذ جهالها وتروح خايفات مدري يخافن على جهالهن

بس ام ريتاج زوجة ارشد أبقت ويانة ماقبلت تعوفنه
خابرت اهله يجون ياخذون بس الجهال
او أم وسام مرت راشد بقت هي وجهالها لان هبوشه
وهي هم فقيره

ام ارشد ملخت نفسهه باللطم صاحت بصوت عالي
_عزا وفلك عمي عمه المصيبة ألولد طلعو يرگضون ومحد منهم ماخذ تلفون وياه ومنعرف ليا مستشفى راحو

رد عليها

_أنلصميييي ووولچ هسه يجوون

_لاااا عمي مااااكو ماااكوو مااخذوو تلفوناتهم

گعدت ساگته سحبت السبحه، اريد اسبح السبحه ترجف بيدي الدم ريحته تگتل ىحت للمغاسل غسلت وجهي بصابونه گلشي بيه ينفض الجوارين راحو
بقينه وحدنه جبت ماي العمتي گعدت يمها وگل اشوي تبوس راسي

-يمه هااااي حوبتچ حوبتج يبعد أمچ

سگتت مرت ساعتين وماگو اي خبر منهم أهل
الچناين راحو گالو طمنونه من يجيكم خبر واتعذرو من عمي وطلعو أخذو بناتهم

ألبيت صار يصوصي بقينة لوحدنة محد يمنه
اجى عمي يتمشى من المضيف للهول مدنج راسة مره يتوجى على عوچيته وكوة يسحل برجليه اليمنه
صح جسمه تعبان بس انتبهت على عليه مسيطر على هدوئة ورباطة جأشة

كعد على القنفة مقابيلنه دشداشتة الرصاصية و العرقچين على راسة والعوچية متوجي عليهه بايدة الثنين وصايرة بين رجليه راد يحچي مدنج راسة يمكن داخ وتوجة براسة على العوجية ويباوع للكاع ويتنهد

اتخيلتة يحب نوار لان الصغير بأخوته بس ما اعرف ليش احسة ممهتم ويگابر ابوته

رغم عينة دمعت بس ماحسهه من كلبة طالعه
ثباته وتماسكة غريب يحجي وية الجيران ويانه

التفتت على ام ريتاج سألتهه ..

-انتي هناك موجوده نوار شلون ضرب روحه طلقة ما انتبهتو علييه ما لزمتو شلون تطور هيج الوضع
جاوبتني ام ارشد تعيط وتبجي

ـ نوااار يااوليدييي ووولچن هذااا الهاادئ المتطلع منه هالسواالف منوو يتخييل نوااار يضرب روحه بطلقةةة

ردت ام ريتاج

ـ ااااي وااالله ولچ مريم والله العظيم چان من يشوف سلاح يبتعد عنه مترين متخيلنة يلزمه بيدة وهيج يسوي نفسچ لان نعرف بيه خواف

عاطت عمتي
ـ كله منگ گله صوووچچچك يااا ابوو ارششششد ااانت السببب ضيعت ولييدي ضناااايه مووته يلة ارتااحييييت موووته يلجبار

حاولت احافظ على هدوئي ولو جسمي كلة يرجف باوعت لعمي ما مهتم لحچي عمتي باوع علية وحط ايدة الثانية على العوچية.. احسه يريد يحچي بس اكو شي يمنعه..
راسا سالتني ام ريتاج

ـ كليلي مريم شنو صار بينكم ليش هيچ جان يصيح ويعيط ليش صرخ وگسر الغراض

اتناوعتلها وبحلگي الف حچاية بس مدعرف اطلعهه اريد احچي بس لساني معكود

جاوب عمي
ـ عوفيهه عووفي ألبنيه عمو مو وكت حچي

ردت ام ارشد
ـ لاا خليييهه تحجييي لا مشااكل ولا عائلييه ولاااااا قهررر أااحچي يااا مريييم ااحچي شنو صاار بينكم

گام عمي ونتررر

ـ جاي أگكوول مووگتهااااااا مووو وووگت أسئلتچن التافهه يش هيچ تلحوون عوفووهه عووفن العروس

صفنت وبدا يتوضح جدامي گلشي ابو اارشد هو اليريد يضم حقيقة ابنه نوا لان ميقبل احچي شي هو الذبني بهالمصيبة هو الديشوفني بعين صغيرة واكيد يكول غصبا عنهه تتحمل الصار لان صديق ابوية

وابوية هواي يحسبلة حساب ويخجل منه يعني عندة عادي يحطم بنت ويقتل حلمهه بالامومه..
سبحان الذب عليه هالقوة.

لاااا فعلا الخداع والمگر والحيلة وكل صفات الرذيلة بأغلبية الناس وللأسف بالأخص الي مثل ابو ارشد يستترون بالتدين ما أعر هم يفكر بأي ساعة سبحانه وتعالى يسلب منه الستر ويفضحه..

يعني معقوله مايفكر بموت الفجأة ؟
حادث بسيط ممكن يخلي مشلول واللأبد وحسره عليه يگوم للحمام

هيچ أنسان متغطي بدين معقوله يعرف أكو رب شديد العقاب ؟
من قوته ونظراته الحاده أجتني قوه راساا حچيت
وبثقه وعيوني بعيونه

-أمنين تريدون ابدي بالحچي؟

رفع راسة عمي يتناوعلي خزرني بعينة لاشارة منه واضحه يعني لاتحچين

كالت ام ريتاج

ـ كيفج بس فهمينه شنو صار

ـ كااافي كل واحدد يروح لغرفتةةة

جاوبت ام ارشد

ـ خليييهه تحچي ليش تسكتهه

جاوبت وادعي ربي مااخاف رغم گلبي يرجف من المستحى

ـ نوارر رجع سكران ودخلته سبحته لان اصلي وهو متروس ريحه مو طيبة تخنك والغرفه تتنکس

ردت ام ريتاج

ـ سكرااان نوووار معقوله

ـ اي سگران

ـ عزة من شوكت يسكر نوار

ـ والله ماادري عبالي تدرون

ـ ااابد ولا اعرف لا اني ولا ارشد نعرف بيه يسگرر

رد عمي

ـ هو سگران وضرب روحه طلقة

ـ لا مو لان سگران طخ روحه بطلقه لان أنا سبحته وشفت الشي المفروض مينشاف

ردت ام ريتاج

ـ وو شنو هذا الشي؟

عااااط عمي

ـ كاااااااافي عمو ماگو داعي للتوضيح فتهمنه

جاوبت ام ريتاج

ـ شفتهمتو عمي يمعوووده شسالفه دحچي ااحچجي شكو تمطيين بالحچاية مو فتيتي گلبي

جاوبتها

ـأناااا من سبحت نوار نزعته الداخلي وعرف بية شفت وعرفت وانهار وتحطم من عرف انا عرفت

شفت الصدمه بوجه ام ريتاج بس ابو ارشد خزرني وچان ضايج

وام ارشد جاوبتني

ـشدگووولين ترة مابي شي هو ووليدي ابووه خذااه للطبيب من چان طفل وگله عاادي هواي جهال هيچ مثلة لاتخاف مابي شيي

ردت ام ريتاج..

ـولگم صار حالي حااال الاطرش بالززفة لو رايحه ويه اهلي ولا هل دوخه أشبيي نووار وشنو تگوولين شفتة وانهااارر ليشش معقوولة هاي اول مرة تشوفين زوجچ بيهه

ترة صارلكم شهرر حتى لو مماخذچ بس مو معقوولة مممكشوفين على بعض ترة صددك مدفتهم شنو ألجاي يصيرر

ـردت احچي بس معرفت اصوغ الحچي گام عمي ونفض دشداشته وصاح بينة

ـ گومو صلووو اتعبدووو يرجعلنه ساالم بداال هالحجيي للماالة معنى كوووموووو

ـكمزنه اني وام ريتاج او ام وسام من مكانه لزمت ايدي وكالت بعدين احچيلي من يروح لان كلشي مفتهمت

بعدنة ممتحركين من مكانه وسمعنة الباب الخارجية انفتحت رحنة نرگض كلنة على الباب لگينة رشيد ورشاد جايين شافتهم ام ارشد وگامت تلطم

ـ لاااتكلوولي مااات

جاوب رشيد

ـ لاتخافين ان شالله يعيش بس حالته كلش حرجه
أموشل دم توشل رعد تبرع أله بطلين دم وشوي داخ
وهسه رعد خلوله مغذي لان دايخ ماقبل نشتري دم
گال أنا أتبرع الأخوي

-الله يطمنگم بس شبيگم مقهورين

-رعد سحلو من المستشفى سحل

صاح عمي

-لييش أخوگم شمسوي ومنو سحله وانتم وين

ا-بويه رعد أجت عليه الشرطه واخذته للسجن انوب صارت المصيبة مصيبتين

-ليش يسجنوو

-لان معتبرين اهمال من عسگري يترك سلاحه بيد الغير ووالاحتمال الثاني بالنسبة الهم ان يكون رعد هو القاتل اخو ف ذبو سجن الى ان تضهر برائته
بشهودنه أحنه

-اي ولگم زمايل خلينه نروح نشهد أخوووگم لاااااا يروح بيهااا

-بوويه ترى مثلك مستعجلين ومقهورين على رعد لان سحبو من السديه هو والمغذي مالته بس الاجرائات تاخذ وقت ميطلعو بسرعه لان اعتبرو الصار جريمه

عمتي ملخت بروحهه ولطمت الحد ماتعبت اني وام ريتاج بس نبچي البيت مكلوب بالجيران

دقايق وودخلو الشرطه همه واسلحتهم وراهم متنة خوف منهم شجاب الشرطه بالنص

صاح عمي ويهدد بعوچيته

-ليششش تتهجمون على بيتي

گال الضابط

-أحنا جايين على سلاح أبنك رعد لان أبنك الثاني ضرب نفسة بيه

گل الجوارين شافو الشرطه واجوي يرگضون
والشرطه أخذو سلاح رعد وكشفو على الغرفة ومگان نوار والدم واخذو اقوالنه وطلعو

عمتي لبست عباتهه تصرخ

-أخذوني للمستشفى اريد اشوف ولدي

جاوبت

-راااح اجي وياااچ عمه

اني وام ريتاج او ام وسام لبسنه عبي لان چنه لابسين حجابات وطلعنة وياهم گلنة كعدنة بالسيارة ورحنة للمستشفى

مره أفگر بحالي مره برعد,مره بنوار خطيه الى ان وصلنة للمستشفى لكينة ارشد بالمستشفى يم غرفة نوار يتفاهم وية الاطباء وصادق راح وية رعد من اخذو الشرطه

واحنا النسوان بقينة ننتضر بالاستعلامات
كالو العملية خطرة وتاخذ وقت لان الطلقة مخترقة جزء من الكبد الثواني تمر ساعات والوقت ميمشي
اريد احد يطلع من صالة العمليات ويطمنه بس ماكو

من ساعه سبعه الصبح دخلو للعمليات وهسة صارت بالهدعش وبعد گلشي ماگو

عمي ورشيد اجو علينه گالو

-أحنه رايحين للمركز نقدم اقوالنا بلگي يطلعو لرعد
وحتى لو أدفع گل ما أملك

طلع بسرعه هو وارشد واحنا بقينه گاعدات مقابيل
الأستعلامات أباوع المستشفى تگرب الگلب هواي وفيات طلعو بهاليوم وكل ماتجي سديه بيها احد ميت اگوم خايفه على نوار واكول ياستار يارب...

رعد//اريد أنسى الوضع الي شفت بيه نوار وهو مغطى بدمه اشلون اشيل المنظر من راسي اي فقدت عقلي ماعرف شلون شلته وركضت بي للسيارة اريد اوصل للمستشفى..وابوية يصرخ براسنة لاتكولون انتحر گولو چان ينضف السلاح وثارت عليه طلقة
ودي بذيچ الحظه ارجع عليه واهدده بکلشي اعرفه

وصلنة للمستشفى وارشد طلب سدية حتى نشيل نوار ما انتضرت السدية ولا انتضرت الممرضين شلته وركضت بي داخل المستشفى

الاطباء شافو الدم بهدومي وبنوار اتراجعو بيهم يخافون صرخت بعالي صوتي

-ووووووين الطبيبب ووووووينه اجتي بنية شابة لابسة ملابس طبيبة شافتي وانخبصت بية

گلتلي

-روووح أررررركض وراية ولاتنتضر سدية تعال تعال جيبة بهالغرفة

دخلت وراهه لگيت سدية فارغه

ـ خلي خلييي هناا بسررعه وروح لغرفة الاااطباء ااطلب الدكتور طه بالاسسم كلة الدكتورة منى تريدك بالردهه

ركضت طاير ادور غرفه الاطباء والگل مخروع من شگلي كوة لكيتهه صحت

-دكتور طه الطبيبه تريدك بسرعه

گاام بسرعه ماقصر اجى وياية يركض دخلو للغرفة هو وخمس ممرضين والطبيبة وياهم وسدو الباب بقيت برة انتضر اني واخوتي

عشر دقايق وطلع دكتور طه گال ضروري عملية فورية والا فقدنا المريض و لازم توقعون على بعض الاوراق

عرفو بية اخوه بس اخذو توقيع ارشد ما ادري ليش
عشر دقايق وطلعو الممرضين ساحبين نوار بالسدية يسوولة تحاليل ومناك لصاله العمليات طلبو رسوم وفلوس اتذكرت عندي جم فلس بالچگمچه حاطهن طلعت جبتهن ورديت رجعت بعدني ما مسلم الفلوس ولزموني الشرطه

تقريبا بقيت يمهم ثلث ساعه واجوي شرطه المركز

-أنت رعد

-أي انا

-تعال ويانه بهدوء

ردت أجادلهم اشرلي أرشد اروح

مديت ايدي حطو الكلبچات بأيدي وطلعت وياهم
قبل لا أطلع گلت ألأرشد

-تعااال اخذ الفلوس من جيبي والسويچ

اخذهم ورحت ويه الشرطه اخذوني لقسم التحقيق
اخوي صادق معترف ان نوار ضارب روحه بسلاحي يعني ماحچى مثل ماطلب ابوية ..

عرفو الشرطة السلاح يخص عسكري وهذا يعتبر ذنب لأني ماحافظت على ممتلكات الدولة واستاهل عليه عقوبة..

ماحچيت شي بس من طلعت من التحقيق وصيت صادق اي شي يصير بنوار ينطيني خبر ابد لايضم شي واي فلوس يحتاجون عندي بالكنتور..

هناك بعد التحقيق ذبوني سجن ودخلت يم السجناء بقيت تقريبا ساعه ونص كاعد وساگت
عيني طاير منهه النوم بالي يم نوار شنو صار وياه عايش ميت شنو الوصل اخوية المايع لهل مستوى ليش ضرب روحه طلقة

اااااخ نسيت ااناا سحبت الامان من سمعت المراية نكسرت أستاهل انذب بسجن انا القتلت اخوي بييدي

دخنت جكاير وبعدني لابردت ولا هدأت ولا نسيت.. الباكيت خلص والجداحه همين نگسرت گد مالح بيها

بقيت انفث بروحي اريد اهدأ متوتر وما اكدر اسيطر على توتري اباوع للمساجين كل واحد حاير بروحه گعدو گلهم على وجبه الريوك وبدو يسولفون سوية

سوالفهم غريبة اشو لاخايفين ولا مهتمين كل واحد يحجي مهنته بزود صدر

ماشالله عليهم كلهم مستويات عاليه ابو القميص الاحمر تاجر مخدرات وهذا الثاني لازمي لتجار اعضاء وهذا مغتصب طفل

حسيت بيهم ديعرفوني على نفسهم لان يحطون بصوت عالي ممعقولة ديتعرفون على بعض مرة ثانية
لبستهم وما احتگيت بيهم بقيت گاعد لوحدي افگر شديصير بالمستشفى هسة

سمعت صوت اخوتي وابوية گمت وگفت يم الباب صحت للشرطي

-أبو اسماعيل أبو أسماعيل اخواني وين سمعتهم

تقرب عليه وگلي

-أخوانك وياهم أبوگ واخذو اقوالهم يبرئونگ من دم أخوك

-يعني راح يجوني

-لاااا مايسمحون الهم يشوفك بس أعتقد مخليلك أمانه يم الضابط

فعلا اشوي دزولي بيد الشرطي فلوس وراحو التفت على السجناء يباعون الايدي

مريم // صارت ساعه تلاثة ونص الضهر واجى عمي ورشيد سالتهم ام ريتاج

ـ بشر عمي شلونه رعد وراح يطلع لاااا

رد

-ننتظر وگع بيهه المسكين رعد وهسة احنة قدمنه اقوالنه وبرئناه من دم اخوه بس بقى الحق العسكري
ممنوع يطلع بهالوقت الا يتعاقب

مفتهمت كلامه

ـ شنو حق عسكري

ـ اعتبرو مو امين على سلاحه ڪ عسگري ويستحق العقوبة ورفضو يطلعو بگفاله

انمرد كلبي عليهم نوار بين الحياة والموت
ورعد بدون ذنب انسجن..بقيت اردد وبحرگه
((يامخلص يونس من بطن الحوت خلص نوار ورعد من هالشدة يالله))

هلكت من التعب وحتى الانتضار قاتل مو بس متعب
ضهري اتشجنج وعيني ورمت من البچي

چنت كاعدة بالكاع متلفلفه بعباتي ومتربعه سمعت صوت سلمان اجى باذني بس مهتميت لان من الصبح لهسة هواي اصوات براسي رعد ونوار واشگال الاصوات كلت اگيد من التعب صرت اتخيل
بس الزلم من تحجي صوتهم عالي حجچة ابوية واستقبلة عمي

رفعت راسي شفتهم تحاضنو وضلو يبجون كمت من مكاني اركض لسلمان حضنته وضليت ابچي وهو يهدأ بية

ـ بس فهميني شصار منو ضربة طلقة

ـ محد هو ضرب نفسة

ـ يعني رااد ينتحر

بعدني ماجاوبت ورد عمي من يمة

_ لا ابني لا چان دينضف السلاح وثار عليه

رد سلمان
ـ ينضف السلاح؟

ـ اي ليش لا

ـ الاعرفة من رعد ان نوار ميحب الاسلحه

ـ ها.. أي أي صح بس بعد راد يتعلم

ـ ادري ياعمي يتعلم الفجر تنضيف السلاح عاف كل الايام مالكة غير مصباح العيد

ـ يبعد عمك هسة انت مقهور لان ماعيدت لو مقهور على البشر الممطول جوة صارلة من الصبح لهسة

ـ لا العفو عمي مافهمتني.. الله يكومه بالسلامه

ـ بقيت ساكته كل الصار وبعدة عمي مصمم على الچذب وجبروته هو هو

تقريبا ألعصر گلش يلة طلعو الاطباء من صاله العمليات ركضنة عليهم وكال واحد منهم

_أدعوله عنده مهله 48 ساعة هي الحد الفاصل بين الحياة والموت
اذا اجتازهه يعني تنكتب اله حياة جديدة...

كل شوي اصلي واقرة دعاء وام ارشد تصلي وتدعي
طول الوكت امي وخواتي يتصلون عليه أبد مترگوني وطلبت منهم يدعون لنوار

صار الليل وعمي ماقبل نبقى بالمستشفى رجعنة للبيت وويانه رشيد وصادق ورشاد وعمي
بس ارشد ضل بالمستشفى يم نوار لزمني خوف من غرفتي لان بيهه دم

صادق ورشاد وام وسام اتگابلو على الغرفة نضفوهه والفرشة ذبوهه

واني وام ريتاج نضفنة البيت من بقع الدم
بس بقيت خايفة من غرفتي گل شوي اتخيل الصار والدم بكل مكان

بهالليلة نمت بغرفة ام ريتاج بقينة اثنينة للصبح

گمت اتوضيت اصلي صلاة ألليل خلصت جابت أم ريتاج صينية مشاوي گالت

_يله يلفطيره تعاي أگلي هوو انتي گاضيه

_مااشتهي والله

_تعاي تعاااي ياعيني البطن ألها حق علينه والکرش يراد اله امدارات

لملمت السجاده نزعت الچادر وجيت يمه گعدت الصينيه بيها چبده شوي وطماطه وسلاحية للبن
وخبز گبار گالت

_سووولفيلي عن نوار ترى کلشي مشفت

_والله أستحي

_دسووولفي قابل أنا رجال

سولفت الهه من أول يوم العرس الى أن شلت الغطا كلشي عن نوار بقت مصدومه من السمعته ولگمتها بحلگها

ـووووچ مريم صدك تحچين لو تشاقين

ـ اي والله العظيم هذا الصار ليش اچذب

ـ يعني جهاز التناسلي ما كامل

ـ والله خجلانه احجي بهالموضوع بس شسوي يعني

_شنووو شويه قصدچ ممبين خاف زغيرون

_لاااا مو أگو شي ثاني همين

_ياااااع عززززا وصخام ألصخمني(ياربي عطفك ورضاك لاتبلينه بلاء نوار لا بزري ولا بزر أهلي)

_أمين يارب

ـ مريم هسه أنتي حيرتيني يعمي منا ومنا عنده مو

_أي منا ومنا

_اشو عمي وعمتي ابد ماجابو سيررة معقولة يعرفون هيچ حالته ويزووجوو مستحيل

ـ انتي بس انتبهي على عمي وشوفي ردة فعلة شلونهه حسيته كلشي يعرف بس مغلس

ـ لا ول عمي بي بخت كليط گومه مستحيل يغلط هيچي غلطة

ـ ياعيني ياام ريتاج مو هايةالمصيبة

_يااااع وشنو المصيبه الثانيه

_أهلللي

_أشبيهم أهلچ خاب يلفاهيه أحچي

_اهلي المصيبة لان عمتي اشترتلي بياض وجه ووشوفتهه لاهلي

ـيااااااا ياااااا شنووووووو اشترتلچ نيشااان من منوو

ـ فدوة لاتحچين ترة عمتي متقبل احجي الكم شي

ـ عزةة ولچ المن ااحچي صخام اي والله و لاتنسين هذول بيت خالتي شلون اطلع سرهم بس مقهوره على شي واحد

_شنووو

_أنا ألچنه الچبيره والمفروض أعرف گلشي لأن مو غريبه تالي طلعت گلشي مااعرف سولفي

ـأم ريتاج والله خوفي من اهلي لايعرفون كذبت عليهم وتنكلب عليه السالفة وصيرن مصيبه ثانيه لان عندي أختي ريام هووواي تشگشگ وچانت مراضيه على الصار

_أي لاااازم نلگى حل الأختچ والاهلچ

بقينة ندور حل اني وياهه بس ماكو فايدة عقلنة وكف ومنعرف شنسوي عاد طگت فخذي وگالت

_ معليچ خلي اخابر ارشد ويصير خير
خابرت زوجهه ارشد وحچتلة بالصار بالبداية فتحت سبيگر تسمعني وسمعته رزلهه وكلهه

_أم ريتاج لمي ألليله شنو هذا ألحچي مال الزعاطيط

_والله ياحبيبي هااااايه مريم يمي واكفة وتستحي تحچي وياك وفگر ليش اخوك ماگدر ياخذ زوجته صارلة شهر يلة

_هاا أي ه‍م صدگ بسسس يجوز مسحور مثل مگال أبويه وامي

_لاااااعيوني العروس ممتوازيه تچذب

_يله روحي هسة مو وقت هالحچي خلي نوار يصير زين والله كريم اشوف شنو وضعه

بقينه گاعدين الى. أن أذن الفجر صلينه ونمنه ألصبح تقريبا ٨گعدنه جهزنه ريوك ريگنا الولد ووياهم عمتي
واني وياهم حتى أنروح للمستشفى

رجعن ألچناين للبيت هن وجهال احنا انروح للمستشفى وام سكينه بقت يم الجهال
وحتى ام ريتاج جابولها جهالها الهه

بقت الناس رايحين راجعين للبيت وللمستشفى وللمركز مخبوصين بالصار

سمعنة راح يسوون عقوبة عسكرية لرعد وياذو انخمش گلببي عليه گعدت عمتي بالمستشفى تبچي وتنوح

أجت يمنة مرة شوفتهه تشرح الگلب وتريح العين
بيضه عيونها حوراء خشم طويل مرتب
طويله لابسة عبائه خامه حبر حجري انيقة بشكل متنوصف سمعت عمتي تنوح وتبچي على رعد وتحجي اتقربت عليهه وكلتلهه

ـ الله يساعدچ عيوني هدي نفسج لا يصير بيچ شي

گالت عمتي

ـ ياريت يصير بية شي واموت واخلص ولا اشوف هاليووم

ـ ذكري الله اختي الله يصبرچ بصبر السيدة زينب بس شنو صاير عندچ شنو مشكلتچ

ـ مشكلتي متتسولف يااخييتي متسسولف ولدي راااحوو انتهو كدام عيني

بقيت اراقب هالمرية عدهه اسلوب كلش حلو بقت تحچي وية عمتي وتهدأهه وعمتي همين ماقصرت كلشي حچت الهه عرفت نوار نايم بين الحياة والموت وباقي جدامه 24 ساعه يد

بعد ورعد هاي مصيبته ميقبلون يطلعو من السجن بقت أتمت منهارة وتحچي هواي انقهرت عليهه حسيتهه گلب ام ملچوم باثنين مو واحد..
حچت وياهه المرة بهدوء وبقت اطمنهه

عادي كل مرية بمكانهه تسوي هيچ دقايق واجى شاب مرتب لازم بيدة مجموعه اوراق وكف يم هاي المرية الانيقة

ـ ها يولدي طلعت نتائج التحاليل لسيد علاوي

ـ اي طلعت بس يكلون بعد يحتاجون تحاليل اله مرة ثانية حتى يتاكدون

ـ ليش يمة شطلع ياستار

ـ ماحچو كالو ان شالله خير بس لازم نعيد التحاليل..

ـ ان شالله خير.. اكلك يمة سيد مهدي هالمرة اسمهه ام ارشد وعدهه ابنهه ماخذي عقوبة عسكرية مدري شنو بلكي تساعدهم

ردت ام ارشد

ـ رحم الله والديج حبيبة بس ممحتاجين احنة خير من الله عدنه ونكدر نحطلة محامي بس

ـ لا مافهمتيني الله يزيدكم من فضلة.. بس ولدي عدهم عرف هذا ابني سيد مهدي ابو علاوي وعندي سيد مجتبى عدهم محامي كلش شاطر..
.......
.........

سيد مهدي//نزلت من السياره الألم مكان العمليه زاد
فتح سايق جدي الباب دخلت لگیت جدي كاعد بصاله
لزمت أثر العمليه أمشي كوه سلمت

-السلام عليكم
-وعليكم السلام ورحمة الله وليدي وبطل هاي سوالفك من وصلت للبيت العمليه أذتك مو
-ياجدي دخيل جدك مو مئذيتني
-هااا واخوك من يدز عليك تروح ركض ماكو وجع موو
بله شگلت النفس والعملیه خضره وخوفتني عليك حتى خابرت دكتورك هم بقى بقلق وامك وانا مرتك الحامل كل هاي الناس خايفه عليك وانت اهم شي أخوك

-كعدت على التخم
-ياجدي عضيدي واخوي الوحيد لو يريدني للموت اروح
-زين وشراد منك المعذرب
-جدي ترى سيد مجتى مو معذرب ولي سواه صار بسب
تحصيل حاصل

-زين ليش ماتصرفت مثله
-جدي أنت الخير والبركه على كيفك وياه

-والله ياسيد مهدي كون كلهم مثل چان لگیتني أنام ليلي وراسي مرتاح
-الله يريح بالك واهم شي رضاك عليه

-بويه راضي عليك مثل ماچنت راضي على ابوك همين چان الوحید مامتعبن ومريحني ابن بار يخاف الله بيه
وبجدتك الله يرحمه هل تشوف ماعمر ويايه هواي راح
بعز شبابه استشهد وعيني ماشبعت منه شوف ولا گلبي
شبع من بره بيه

-الله يرحمه راح للارحم مني منك
-تعرف بويه مجتبى انت هواي تشبه تصرفاته عقلك الرزن ثگلك وشگد حاولت جدام اخوانه مابین انا آحبه اگثر واحد حتی مایحقدون علیه،ولا یحسدونه بس لااا عرفو وراح مني

-اشلون عرفو وانت تگول مابین واعرف عقلك يوزن بلد

-المحبه ماتنخفي بويه مهدي نبينا يعقوب عليه السلام وهو نبي ومايفرق بس ولده عرفو وشافو اشلون يحب النبي يوسف(عليه السلام)أكثر منهم وهو نبي وانا زلمه
بسيط

-الله يحفظك جدي
-وهسه گلي اخوك اشلونه برد گلبي

-لازين هو رحت اطمئن عليه
-الله يبارك بيك تعال يمي
كمت من التخم اجيت يم جدي وكف مقابيلي وبدا يقرا

((بسم اللّٰه الذي لا يضر مع اسمه شيء في الأرض ولا في السماء وهو السميع العليم))
-اشكرك جدي وهسه اريد مريتي لان مشتاق الها

دخلت واشوفها تهز بسيد علاوي اخذته منه

-شكوو حبيبه
-اباااااه اباأاه
مفهمت منها شي كتلها

-أبقي هناااا انا رااايح

طلعت والالم موتني جدي وامي ويايه رجعنا اخذنه تحاليل وانا تمددت يم اوليدي على السديه...اجى دكتور عماد كتورة سحر شافو عمليتي

گتبو النه على خروج وراح انتظر تحاليل ثانيه اسوي
رجعت مقهور أفگر بنتيجة التحليل

واليوم مر أصعب من الصعب رجعت ضايج وعقيله تسالني أکلها ماکو شي

صبح العيد گعدنه نجهز للذبيحه خابرت مجتبى گال الصبح يجي چنت منتظره وگلي أمل صارف نظره عن ميسم

ولو مااعتقد أهلها ينطوها اله دون ان يجيب أهله
ماگو اهل يرضون عن بنتهم....

عمامي نفس. نظراتهم وخصوص أبو عامر طلعنه انا وعقيله گعدنه بصاله...لان بدى جدي يسهم اللحم

أجى يمي گال

_وين أخوووك

_على جيه ياجدي

لحظات ودخل مجتبى گمت أريد اسلم عليه أجت وياه ألبغداديه بفستانها

ألگل تفاجأ واولهم أنااا وجدي..
صارت ضجة جبيررة بالديوان الجيران واكفين بالباب واحنة بالنص والاهل جدامنه
الكل يسال منوو هالعروس ومين جايبهه النسوان تتهامس والزلم يتصايحون والجيران يتفرجون
تنهدت بسعادة وعدلت وكفتي اتقربت عليه ميسم ولزمتي من ذراعي بدلع وهمستلي بصوت مسموع..
ـ حبيبي الكعب تعبني
ـ سلامة كعووبج ياروحي اخذي راحتج البيت بيتج
صرخ بية جدي

ـ يااااابيييييت هذذااا البييتهه
وووولك لااامستحةة ولا حييييية جدددام جددك وااهلك هيييج تعملل

ـ ليش شمسوي ياجدي
متزوج على سنة الله ورسولة

كمز عمي أبو امير وكف على حيلة فاتح عينة ومتعجب بالديشوفة ..
وگال

_شوووف حفيدك المددلل سووة جايبله عرروس وعاف العلاااااوي گوووم ابو عاااامررر گوووم عود مايريد بنتي تاج رااسة وتاالب هيييچ ييتزوج من ورانا
حاول جدي يجلب بيهم بس رفضو وكلهم طلعو
بقيت واكف انا وميسم بمكانة وهمة يطلعون ويخزرونه بنضرات احتقار وانا اضحك عليهم

سيد مهدي// طلعووو كلهم وانا أجيت على سيد مجتبى أسأله

_لييششش خوووويه سوووويت هيييچ هاااااا مو انا
گتلك تااالي أكول الجدي

_المفرررروض تفرح اليه مووولاي مو گلت وياااك للمووت

_وممفگر ارجع بلحچايه بس ليششش هيچ الزواج الي. ينبني على هيچ تعقيد مايعمرر ومابني على باطل فهووو باطل

شبگني همس

_لااااتفششل أخوووك وسندني

ابتعدت منه وامي صاااحت

_ليييييش ولك يمه مجتبى ليشش مو انا امك شگلت الروحك

تقرب حضنها وگلها

_گلت أمي وتحبني وتحب الشي الأحبه حتى شرطت على ميسم

_منو. ميسم

__مرتي يمه شرطت عليها مااسگن بغداد اله يمچ

جدي صاااح

_هااا يااا مجتبى تکسررر بجدك وووللك ليش هييج دتعمل

_مااااعاش اليگسررك ييا جدي وتاج راسي
انا من كثر ما اريد خااطرك ررفضت اعقد يم ااااي شييخ الااييمك منتظرك أنت التعقدلي وتفرح بية وتفرحني

ـ شنووو ووولك ماعاااقد عليييهه شلووون ووولك شلوون

ـ لا شلون ماعاقد عليهه عقدنه محگمه والشيخ عليك
هاااا وزوجتها نفسي جدام أبوها قريت العقد بس اريدك انت تبارگ اليه

_ ووولك شلووون حچي هذااا شنوو من ااهل يرضوون ينطوون بنتهم هالنطييية وفوكاااهه جايبهااا بدله منو يرضاها سنوو هاللعب

_ اهله خوش مشترين زلمه كد حجابته وكلمته يصون بنتهم وعقدت علية محكمه ضمان حقوق

ردت امي بصيتح
ـ وولك منوو يعتررف بالمحكمهه غيرر المفرووض زواج شررعي جدداام الله يصيررر

ـ اي ماااسويت لان اريد جدي يعقدلي وهنا يسويلي العرس..
التفتت على جدي وكلتلة ..
منتظرك انت تسوي وتفرحني لازم ترضة ياجدي
صرت جدام امر واقع
الجيرران كلهم شافو زوجتي ويايه
مترهم بعد ترفض حتى مو حلوة بحقك
ردت عمتي زينه

ـ الله يخليك يا ابوية ارضى الولد راييدهه ومبينة واالله خووش ابنيه وهو يحبهها ويموت عليهاااا
ورايدهااا لاخلينة علج بحلوك العالم باول يوم العيد

_ولك شلوون اازوجك منهه تعرف اصلها فصلها حمولتها عمامها واذاا صدك عدهه اهل شلوون يقبلون هيج تنزف بنتهم شنو فهمني ارمللة لو مطلكة لو مالهه واالي وجايبهه بهالطريقة

_لاتعب روحك ياجدي اعصابك كلشيي اعرف عنهه وكلشي عرفت عن عائلتهه واذا تشوفني مو اهل للثقة وانت جدي المربيني ف اهل ميسم شايفيني اهل للثقة ودزو بنتهم بعقد محكمة ويايه
بعد بقت يمك
تريد تعقدلي
لو اطلع اني وزوجتي نروح للشيخ ابو محمد صديقك يعقدلنة؟

جاوبت ميسم

_انتم كووولش معقدين الاموور کافي أوفر خصوص
هيانه ألرجال أخوك لان يشبهك

ألتفت عليها متعصب لأن جابت اسم سيد مهدي
رفعت أيدي طکيتها راشدي!!

سيد مهدي:خابرني الطبيب وانا مضجور من تصرفات مجتبى أمي اجت تتعصب لزمتهة اهديها

_يمه محتاجچ

_اخوووك

_عووفي هو وجدي سيد علي لازم نروح وناخذه وانتي هم تهدأين وتفگرين بلموضوع زين بلا تعصب
وفگري أهم شي أخوي سالم ومابيه شي

__مااااشي يمه

لبست عبايتها امي وبقينه سيد علي بلبيت رحنا مره ثانيه أخذنه سيد علي وامي گعدت على گرسي مريت على دگتور الاطفال

رجعت الأمي جايب التحاليل وروحي طالعه همين طلبو تحاليل ثاية وشفت امي تسولف وية مرة ماعرفهه

تنهدت المصيبة ان امي ماعدهه شي ينضم كلشي تحچي لاي مرة تشوفهه

عرفت هالمرة ابنهه عسكري مسجون وتريدني اتوسط واطلعه صح عدنة عرف بس شمدريني منو هذا وشنو جرمه يجوز شي جبير وميرهم اطلعه واتحمل ذنب

جرتني امي على صفحه وكلتلي..

ـ يمة سيد مهدي بلگي اطلع ابنهه اعتبره صدقة ودفعه بلاء عن علاوي ابنك واخوك وسوالفه

ـ يا امي هسة شمدريني بشنو لازمين ابنهه لاتحچين جدام الناس وتحرجيني وتحرجين نفسچ

ـ لالا خطية تعال اسولف الك شبي

حچتلي حالته وانطتني اسمة رعد. بس يا امي يستحق العقوبة اهمال منه ينطي سلاحة لاخو

ـ يا اخوو شنو اهمااال يعني انت متنطي سلااحك
المجتبى

ـ سلاح دوولة يختلف عن سلاحي الشخصي

ـ هسة لاتتحج ياوليدي تكدر تساعدة لو راح تخجلني كدام المرة

ـ شلون ارفض طلب من ريحه الجنة... تؤمرين وطلبات اوامر..

رحت للمرية وسالتهه عن اسم ابنهه الكامل وشوي تفاصيل گلتلي

_بعد رويحتگ ييمه هذا ابني ارشد الچبير اتفاهم وياه وبقت تبچي وتتشكر مني

_ لا يا خاله لا تتشکرين انتي مثل امي وان شالله خير...

ارشد:استغربت امي تسوي علاقات بمكان غريب مثل المستشفى امي طول عمرهه هادئة ومتسولف هواي يعني مو گلش اجتماعيه بس بعد الصار اختلفت ١٨٠ درجه عرفت مسولفة وية مريه وهالمرية قدمت مساعدة

استغربت ليش تقدم مساعدة لشخص غريب عنهه اتخوفت منهم اجى الولد الشاب وحچى ويايه و عرفني عن نفسة وعائلتة يلة اطمانيت

عائلته كلش معروفة بكربلاء وناس اگابر معروفين
عاد اطمأنيت ونطيته المعلومات

سيد مهدي: سولفت وية ارشد واخذت معلومات كاملة عنة وعن الوحدة اليخدم بيهه..
واتصلت بالمحامي الخاص وگلتله هالشخص اريدة يطلع بأي طريقة من السجن باقرب وقت بدون تأخير

نطيت كارت ارقامي لارشد واخذت رقمة وصرنه وكلتلة

_ان شالله خير لايضل بالكم

_ماتقصررر سيد يارب يکثر من أمثالگم لان الناس بقت متساعد وانتم متعرفونه وساعدتونه

_لو خليت من الخير لقلبت علينا

_ربي يحفظك سيد ويارب يعافي مريضگم

_امين يارب

طلعنه انا وامي رن عليه سيد حامد

_السلام عليكم

_وعليگم السلام

_گول سيد حامد

_أذا قريب تعال عندي مجلس يم باب القبله واريد أتبرك بحضورگ

_الله الله عليگ حققت ألي تريده

_أي بس تعال أسمع اشلون اقراء حتى تکون أنت أول من يسمع القرائتي

_صار سيد حامد تمون أنت

وصلت أمي للبيت گلت السايق جدي

_اخذني الحضرت جدي الحسين عليه السلام

_صااار ابو علي

تمددت بسياره والعمليه هل مره زاد وجعها دزيت رساله العقيله نص ساعه وارجع بلاكثر ساعه غفيت رغم الطريق مو طويل منا للحضره

گعدني السايق

_وصلنه أبو علي

عدلت گعدتي نزلت السياره وتمشيت الباب ألقبله
زرت وانا اردد

يارب أرزُقنَي زيَارة الحُسيَن
‏وَ شفاعةَ الحُسيَن وَ أَن تُعَرُفنَي وَ تُقربنَي
‏وَ لاتَحرُمنَي الجَزعَ والبُكَاء عَلىٰ الحُسيَن

وصلت لحد باب ألقبله شافني سيد حامد رفع ايده
يسلم لأن طلاب الحوزه متجمعه يمه...أشرت ألهم لايتحرگون قراء سيد حامد وبصوت حزين يوجع مملوء بلعشق الحسينيه وبفخر

دنيانه ظلام والخدمه ضوه
المايبجي حرام يطب ريته هوى
الماعنده حسين اخرررته لووووين
تاااليه يصيررر والماكووو سوووه
من حقي اهيييم محبوب رحيم
المايرضه يجيه يمشيه هوه
محد مثل گلبه الحنين ورحمته
ع السلب اخيام اخته تنزل دمعته
ونطانه خيمه وهوه طاحت خيمته...
دنيانه ظلام والخدمه ضوه
المايبجي حرام ايطب ريته هوه

الماعنده حسين آخرته لوين
تاليها يصير والماكو سوه

من حقي اهيم محبوبي رحيم
المايرضه يجي يمشيله هوه

زاد الوجع أبطني رغم أگابر؟؟

إلٰهي العظيم
إني أُجاهد كي أكون في صف اللذين تحبهم ، إني أسعىٰ ألا أتلوّث وألا تغضب مني أو ترفضَني ، أنا العائدة إليك دوماً وأنتَ المعتاد علىٰ عودتي والغني عنها

...........

مريم:صار الليل ورجعنة للبيت باچر يوم الحسم
يارب يكوم نوار بالسلامة هالليلة محد نام
الاخوة راحو للمستشفى واحنة النسوان بقينة نصلي وندعي الى ان طلع الصبح

اهلي يروحون ويجون للبيت والمستشفى
مثل كل يوم فرشت چرچف وكعدت عليه بالكاع لان الكراسي محجوزة

بقيت اقرة قران وادعي النوار ورعد الله يخلصهم من ضيقتهم صار ٤٨ ساعه طلع الدگتور مبتسم گال

_ماكو مضاعفات على عملية تلمريض يعني تعدى الخطر

كلنة اتحمدنه الله وبچينة من الفرحه

بس كال الدكتور

ـ هو صح تعدة مرحلة الخطر بس بعدة بغيبوبة ماصحى منهه

لطمت على وجهه عمتي

ـ يعنيي شنو راح يمووت

ـ لاحجية لا مو هيج بس يحتاج وقت حتى يستفيق

ـ يعني شووكت بعد ساعه ساعتيني باجر عكبةة شوكت يكعد وليدي الله يخليك دكتور

ـ يا امي الغيبوبة مالهه وقت معين
بس اندعو يكعد بسرعه ما اكدر انطيج وقت محدد..
اخ ارشد رايدك بكلمة لوحدنه بالغرفة مالتي

ـ خير دكتور خو ماكو شي

ـ لا لاتخاف موضوع بعيد عن العملية...

مريم// راح الطبيب ووراه يمشي ارشد..
گلبي لعب شقت عمي وعمتي التهو و مشيت وراه بدون ميحسوون بية دخلو للغرفة ومن حسن حظي عافو الباب مفتوح

كال ارشد
ـ خير دكتور وكف كلبي ترة

ـ لاتخاف موضوع شوي حساس ماحبيت نحچي بي برة

ـ اي تفضل كول اسمعك

ـ ما ااعرف شلون افاتحك بالموضوع بصراحه
بس تعرف المريض الحالته حرجة مثل نوار ومضروب طلقة الممرضين ينزعو ملابسة ويسووله كشف عام على الجسم

ـ اي صح

ـ أ.. أحم.. بصراحه اني والاطباء الاختصاص قبل اجراء العملية الاخوك.. أحم.. الممرضين كالو الجهاز التناسلي بي تشوه

ومن النضرة الاولى الة طلع فعلا عندة تشوه
بس چنة مستعجلين للعمليه وماگدرنة نكشفة بصورة صحيحه عليه

ـ يعني شتقصد بتشوه؟

ـ حاليا هو اتعدى مرحلة الخطر
ومر بحاله غيبوبة ف عدنه طبيب مختص شاف الصور عن جهازة التناسلي وكال احتمال جبير يكون هالشخص انثى مو ذكر..او يسموهم الجنس الثالث

#يتبع