សម្លេងរបស់រថយន្តសេរីទំនើបពណ៌ខ្មៅរលើបរលោងដែលជាម៉ូឌែចុងក្រោយប្រចាំឆ្នាំក៏បានបើកមកឈប់នៅខាងមុខមាត់ទ្វារបស់វីឡាដ៏ធំស្កឹមស្កៃមួយ... រូបរាងកាយរបស់អ្នកកម្លោះរូបសង្ហារសក់ពណ៌ទង់ដែងក៏បានដើរចេញមកពីរថយន្តហើយក៏ដើរចូលទៅខាងក្នុងវីឡាដ៏ធំស្កឹមស្កៃមួយនោះ... សម្លេងបើកទ្វាក៏បានបន្លឺឡើងមកដែលបង្ហាញឲ្យឃើញពីរូបរាងយ៉ាងសង្ហាររបស់អ្នកកម្លោះទាំង៦នាក់ផ្សេងទៀតកំពុងអង្គុយនៅខាងក្នុងបន្ទប់ទទួលភ្ញៀវយ៉ាងរំភើយទាំងមិនខ្វល់ពីអ្នកដើរចូលមកសូម្បីបន្តិច... បន្តិចក្រោយមកសម្លេងក្រលរៗមួយបានបន្លឺមកដើម្បីនិយាយទៅកាន់អ្នកផ្សេងដែលចង់បញ្ជាក់ពីការចាប់ផ្ដើមសន្ទនា...
"យើងមកជុំគ្នាហើយ... ឆាប់ពិភាក្សាគ្នារកមូលហេតុនៃរឿងដែលបានកើតឡើងទៅ" យ៉ុងគី
"ខ្ញុំក៏មិនយល់ដែរថាហេតុអីទើបរឿងនេះត្រូវបែកធ្លាយ" ជុងគុកនិយាយបណ្ដើរលេងហ្គេមបណ្ដើរដែលមើលទៅដូចជាមិនខ្វល់ពីរឿងនេះអញ្ចឹង
"ប្រហែលជាមានអ្នកដែលត្រូវគេទិញទឹកចិត្តបានហើយទើបរឿងទាំងនេះត្រូវបានបែកធ្លាយស្រួលៗយ៉ាងនេះ" ថេយ៉ុង
"ជីមីនហា... តាំងពីមកដល់ឯងដូចជាមិនមានយោបល់អីបន្តិចសោះ!" ជីន
"រឿងបែកធ្លាយនេះនិងបង្ករឲ្យយើងជួបផលវិបាកខ្លាំងណាស់... " ជេហូប
"ការប្រកួតនោះជិតមកដល់ហើយមែនទេ? យើងគួរតែរកវិធីបង្កើត project របស់យើងសិនដើម្បីដោះស្រាយបញ្ហាដែលនៅចំពោះមុខ... ហើយរឿងដែលមានរនុកក្នុងនោះយើងចាំចាប់គេតាមក្រោយទៅ" ណាមជុន
"ហុឹម... Project នោះមិនមែនជាបញ្ហានោះទេ... វាគ្រាន់តែជាគំនូរប្រៀងរបស់ខ្ញុំប៉ុណ្ណោះ, គំនូរពិតខ្ញុំបានរៀបចំរួចរាល់ហើយ" អ្នកកម្លោះសក់ទង់ដែងជីមីនក៏បន្លឺឡើងមកបន្ទាប់ពីអង្គុយស្ដាប់បងប្អូនខ្លួនព្រួយបារម្ភចប់
"ហេតុអីមិនប្រាប់ពួកយើងជាមុន????" ជីន
"ការងារទាំងនេះពិតជាមានការប្រកួតប្រជែងខ្លាំងណាស់ដូច្នេះខ្ញុំគួរតែមានការប្រយ័ត្នប្រយែងខ្លាំងបំផុត... មិនមែនខ្ញុំចង់លាក់បាំងនិងអ្នករាល់គ្នាទេគ្រាន់តែខ្ញុំដឹងថាក្នុងក្រុមហ៊ុនមានរនុកក្នុងទើបលាក់បែបនេះ" ជីមីន
"អញ្ចឹងគំរូប្លង់ដែលបងឲ្យខ្ញុំគូរនោះក្លែងក្លាយទេមែនទេ???" ជុងគុក
"វាគឺពិតជាគំរូពិតប្រាកដប៉ុន្តែមើលទៅវាមិន perfect នោះទេ... ចន្លោះប្រហោងមានច្រើនណាស់... យកជាការមិនបានទេ" ជីមីនញញឹមបែបព្រានរួចក៏លើកយកកាហ្វេមកផឹកធ្វើមិនដឹង...
"ឯងពិតជាមានល្បិចច្រើនមែនផាក ជីមីន..." ណាមជុន
"អរ... និយាយអញ្ចឹងយើងលឺថានៅក្លឹបរបស់ឯងកំពុងមានបញ្ហាមែនទេជុងគុក" ជីននិយាយដោយសម្លឹងទៅកាន់ប្អូនប្រុសពៅរបស់ខ្លួនដែលកំពុងកាន់ប៊ិកបង្វិលលេងទៅមកទៅមកបន្ទាប់ពីការលេងហ្គេមបានបញ្ចប់
"ក្លឹបនោះមែនទេ??? គឺមានបញ្ហារឿងស្រាក្លែងក្លាយដែលធ្វើឲ្យខាតលុយអស់មួយចំនួនធំហើយខ្ញុំកំពុងស្រាវជ្រាវរកមុខអ្នកដែលកឹបកេងលុយទាំងនោះនិងនាំស្រាក្លែងក្លាយចូលមក" ជុងគុកនិយាយធ្វើដូចគ្មានរឿងអីធំដុំអញ្ចឹងចំណែកឯណាមជុនក៏បន្លឺបន្ត...
"ចុះរឿងកូនចៅរបស់ឯងដែលទៅបង្កររឿងនោះយ៉ាងមិចហើយ???"
"អរ... ខ្ញុំឲ្យគេជាប់គុកមួយរយៈដើម្បីឲ្យរឿងនេះស្ងាត់បន្តិចទើបទៅរំដោះគេមកវិញមកកុំបារម្ភអី" ជុងគុក
"ពួកគេពិបាកនិយាយគ្នាបែបនេះឲ្យដេកក្នុងបន្ទប់សង្គ្រោះបន្ទាប់បែបនេះមិនចម្លែកទេ" អ្នកកម្លោះយ៉ុងគីដែលកំពុងផ្អៀងកែវស្រាក៏បន្លឺឡើងមកដើម្បីកាន់ជើងជុងគុក...
"ទោះវាជារឿងត្រឹមត្រូវប៉ុន្តែយើងមិនគួរធ្វើដល់ថ្នាក់នេះទេ... ពួកយើងមាន business ច្រើនណាស់បើបង្កររឿងបែបនេះទៀតវាអាចធ្វើឲ្យប៉ូលីសទាំងនោះខាំយើងមិនលែងទេ" ណាមជុន
"ឯងគួរតែប្រាប់ឲ្យកូនចៅអ្នកលេងក្នុងក្រុមរបស់ឯងទាំងមូលស្ងាត់ស្ងៀមមួយរយៈទើបល្អ" ជេហូប
"បងទី៣, បងទី៤... ក្រែងយើងជា mafia មែនទេ??? បើជា mafia ទាំងមូលហើយត្រូវគេមកជាន់ក្បាលពួកយើងហើយ, ពួកយើងត្រូវសំងំលាក់ខ្លួនស្ងាត់ស្ងៀមដូចកង្កែបក្នុងអណ្ដូងមែនទេ???" ជុងគុកក៏ក្រោកឈរឡើងដើម្បីប្រឆាំងនិងសម្ដីរបស់បងៗខ្លួន
"ឆាប់អង្គុយចុះទៅ... គាត់ទាំង២និយាយក៏មិនខុសទាស់ដែរ... ចាំបន្តិចទៀតទៅចាំយើងសងគេសរុបម្ដង..." ជីមីន
ចំណែកឯថេយ៉ុងដែលកំពុងចុចអាយផេតរបស់ខ្លួនក៏បន្លឺឡើង
"ពួកយើងមិនដែលបង្ករបញ្ហាជាមួយអ្នកណាមុនទេ... បើរឿងបន្តិចបន្តួចប៉ុណ្ណឹងយើងបង្ករបញ្ហាជាមួយគេនោះគេនិងថាយើង mafia ធន់អន់ៗហើយ... ចាំសរុបម្ដងទៅទើបសប្បាយ"
"និយាយអញ្ចឹងសប្ដាហ៍ក្រោយឯងមាន Event អីទេថេយ៉ុង???" យ៉ុងគី
"សប្ដាហ៍ក្រោយ??? ដូចជាមិនទាន់ប្រាកដទេចាំខ្ញុំ check ជាមួយអ្នកគ្រប់គ្រងរបស់ខ្ញុំសិន... បងចង់រៀបចំថតស្ពតមែនទេ???" ថេយ៉ុង
"មែនហើយ... យើងចង់ថតពីផលិតផលដែលទើបបង្កើតថ្មីទាំងនោះ" យ៉ុងគី
"ចាំខ្ញុំ check ជាមួយអ្នកគ្រប់គ្រងរបស់ខ្ញុំរួចខ្ញុំនិងប្រាប់បង, ការពិភាក្សារបស់យើងចប់ហើយមែនទេ??? បើចប់ហើយខ្ញុំត្រូវត្រៀមខ្លួនទៅកម្មវិធីល្ងាចនេះផង..." ថេយ៉ុង
"ត្រូវហើយ... អស់ការងារហើយ" ណាមជុន
"យើងក៏ត្រូវទៅកន្លែងសួនកម្សាន្តរបស់យើងដែរ" ជីននិយាយទាំងទឹកមុខរាបស្មើហើយក៏ដើរចេញទៅ... ដោយឃើញបែបនេះយ៉ុងគីក៏បន្លឺឡើងមក
"៤ឆ្នាំហើយបងនៅតែនឹកនាងទៀតមែនទេ???"
"៤ឆ្នាំហើយ... លឿនខ្លាំងណាស់..." ជីននិយាយចប់ក៏ក្រោកដើរចេញទៅចំណែកអ្នកកម្លោះទាំង៦នាក់ទៀតក៏ដើរបំបែកផ្លូវគ្នារៀងៗខ្លួន...
------------------------------------
រំលឹកទៅកាលពី៤ឆ្នាំមុនដែលអ្នកកម្លោះជីនបានជួបជាមួយនារីស្រស់ស្អាតម្នាក់នៅឯចំណតឡានក្រុងពេលនោះអ្នកកម្លោះជីនក៏បានឡើងជិះឡានក្រុងសាធារណៈជសលើកដំបូងបំផុតដោយសារតែចិត្តចង់ដឹងថាការជិះរថយន្តក្រុងបែបណា... តែនៅពេលដែលកំពុងឆូតកាតស្រាប់តែម៉ាសុីនមិនដំណើរការដោយសារតែអ្នកកម្លោះជីនប្រើកាតខ្មៅដែលមានលុយរាប់លានមកប្រើក្នុងឡានក្រុង... ដោយឃើញបែបនេះនារីស្រស់ស្អាតម្នាក់ក៏បានដើរមកពីក្រោយហើយក៏ហុចកាក់ឲ្យទៅអ្នកកម្លោះជីនដើម្បីបង់ថ្លៃរថយន្តក្រុងនោះ... ជីននិងនារីម្នាក់នោះក៏បានដើរមកអង្គុយរួចជីនក៏បន្លឺឡើងថា
"សួស្ដីអ្នកនាង, ប្រាក់អម្បាញ់មិញនេះខ្ញុំនិងសងទៅអ្នកនាងវិញនៅពេលក្រោយ" ជីន
"អរ... មិនអីទេ... ចាត់ទុកថាខ្ញុំជូនលោកដើរលេងទៅចុះ"
"អញ្ចឹងអ្នកនាងឈ្មោះអីដែរ? ហើយធ្វើការកន្លែងណាដែរ???" ជីន
"ចាស... ខ្ញុំឈ្មោះម៉ាយ... អឺខ្ញុំធ្វើការនៅហាងកាហ្វេមួយកន្លែង" មាយក៏ញញឹមទៅអ្នកកម្លោះជីនបែបរីករាយនិងរាក់ទាក់ព្រោះនាងជាមនុស្សចិត្តល្អនិងឆាប់រាប់អានមិត្តថ្មី... បន្ទាប់ពីនោះមកជីនតែងតែទៅហាងកាហ្វេដែលនាងធ្វើការដែលធ្វើឲ្យអ្នកទាំង២កើតជាកូនចិត្តស្រលាញ់គ្នាទៅវិញទៅមក, ក្រោយពីស្គាល់នាងមិនយូរប៉ុន្មានអ្នកកម្លោះជីនក៏បានបើកសួនកម្សាន្តមួយដ៏ធំជាងគេនៅក្នុងប្រទេសរួចក៏នាំនាងមកដើម្បីសុំនាងរៀបការនៅថ្ងៃបើកដំណើរការដំបូងតែជាអកុសលនៅពេលដែលអ្នកទាំង២កំពុងដើរឆ្លងផ្លូវទៅកាន់សួនកម្សាន្តនោះស្រាប់តែមានឡានដឹកទំនិញមួយគ្រឿងបើកសំដៅមកអ្នកទាំង២... ដោយឃើញបែបនេះម៉ាយក៏បានរុញអ្នកកម្លោះជីនចេញទៅហើយនាងក៏ត្រូវបានឡាននោះបុកនិងកិនពីលើរួចក៏ស្លាប់ភ្លាមៗនៅទីនោះចំណែកឯជីនបន្ទាប់ពីត្រូវម៉ាយរុញចេញមកក៏ត្រូវឡានមួយគ្រឿងទៀតបុកខ្ទៀតប៉ុន្មានម៉ែត្ររហូតរបួសធ្ងន់សន្លប់មិនដឹងខ្លួនអស់ជាងកន្លះឆ្នាំ... ដោយឃើញបែបនេះសមាជិកទាំង៦ក៏កើតចិត្តខឹងរួចក៏តាមស្រាវជ្រាវរកមើលហេតុផលទើបដឹងថានោះជាស្នាដៃរបស់ពួកក្រុម mafia មួយផ្សេងទៀតដែលមានបំណងកម្ចាត់ក្រុមរបស់អ្នកកម្លោះទាំង៧ចេញប៉ុន្តែដោយគម្រោងការនេះមិនបានសម្រេចទើបធ្វើឲ្យក្រុមនោះរលាយសាបសូន្យពីក្រុម Mafiaនៅក្នុងប្រទេសកូរ៉េជារៀងរហូតទៅ....
~~~~To be continued~~~~
Admin មក surprise រឿងថ្មី😊 យ៉ាងម៉េចដែលភាគ១នេះ??? បើមានអ្នកអានច្រើន admin និងសរសេរតតែបើអត់មានទេ admin និងលុបវាចេញវិញ🌚