تكتشف أن أكثر أخطاءك في الحياة كانت بسبب العطف لا بسبب القسوة 🖤
___________
ميار.
- كثير من النهايات لا تأتي مباغتة، كل النهايات لها مقدمات ولكننا نتجاهلها لأننا لا نريد حينها استيعاب الحقيقة.
كعدت تقريبا ورا نوم اكثر من ١٤ ساعة استحيت من نفسي شكد عيب هسه ياخذون فكرة غلط عني.
دزيت رسالة لحسن وكمت بدلت وشكد اخترعت من شفت وجهي بالمرايا مثل الباندا مسحت المكياج ولبست تراكسوت وطلعت سلمت على سوسو ياناس هاي البنية شكلها راقي تحسها من هذولي الطبقة المخملية.
ضحكت بوجهي وعزمتني اكل وتعرفني على البنية الي ويانة
اول شي سلمت على خالة فديت وجهها حنونة مثل وجة امي وفتنا نتريك يم البنية الي اسمها همس.
تخبل شعرها طويل ونايمة كعدتها سوسو وفتحت البردات الجو ثلج بكل مكان رجعت باوعت على ايد همس وحجيت لسوسو
ميار:بشرفج بضميرج مو تشبة بياض الثلج ونقاوتة.؟
سلسبيل:ههههههههه صح هي كلش بيضة وحلوة.
ميار:شبيها ليش هيج ساكتة.؟
سلسبيل:قصتها طويلة وصراحة اني هم انتظر تحجي او يجي اخوها يحجيلي.
ميار:خطية جمالها مثل الاميرة النائمة.
سلسبيل:هسه مفتهمنا بياض الثلج لو الاميرة النائمة.؟
ميار:المهم بالحالتين حلوة هههههههههه.
سلسبيل:فعلا الله يكومها بالسلامة انتي هم تخبلين.
ميار:شكراً على المجاملة بس هي على منو طالعة هيج حلوة.؟
سلسبيل: عائلياً كلهم حلوين هي احلاهم واخوها قيس يموووت كلش حلو لدرجة بس زلمهم يخوفون طوال وضخام كلش وعيونهم ملونة يعني متلكين واحد عيونة سودة او جوزي.
ميار:عرفيني عليهم علمود اغيض حسن بيهم .
سلسبيل:تدرين اني احس انتي حامل.
ميار:يااااا انتي مثل حسن كل ما حجة وكال حامل ترا مصار اسبوعين من تزوجنا.
سلسبيل:جديتي جانت تكول الي تصير حلوة وفاهية يعني حامل اني مشايفتج قبل علمود احكم هذا جمالج الطبيعي لو صايرة حلوة علمود الحمل بس احكم على الفهاوة صارلج ساعتين بالجرجف تجيبي يسرى وتودي يمنى واني حتى همس عدلت نومتها وانتي بهل الجرجف.
ميار:ههههههههههههههههه عزة اي والله صايرة فاهية وامنيتي اظل بفراشي بس هاي صرت فاهية من ورا حسن ظل يدلع بيه مو حامل.
سلسبيل:حامل هسه تشوفين.
حضرنا الريوك ومتت على الاشياء الحامضة بديت اضحك اذا هسه اكوللها راح تكول مو كتلج حامل بس فعلا جنت مشتهية حامض ولان مطلعت ذبيت قهري بالمكدوس اكلتة كلة.
طلعت سوسو للجامعة واني افتريت بالبيت وفضولي جابني يم همس
يالله هاي البنية شكد حلوة حرشة كعدتها بحيث ظلت صافنة يجوز حتى انفجعت بشكلي بس مطولت ورجعت نامت...
ظليت يمها احس اكو خوف بداخلي وهواس خاف يصير بيها شي اذا رحت كابلتها وكعدت.
______
زهراء
يقضي الناس معظم أوقات حياتهم يأكلهم القلق
على أمورٍ لن تحدث.
- موليير.
نسحبت ورجفت كل عظمة بجسمي حسيت نفسي انتهيت راحت كل مخططاتي بس الي صحاني صوت فهد وهو يسحبني ويكول.
فهد:من هنا احسن.
زهراء:انت شجابك علية هم هذا حظي!.
فهد:تعالي بلا اخذ وعطى.
سحبني على السريع وفتنا بالمكان الي جان محبوس بي سلام اختنكت مجرد ما فتت حسيت الدنيا شكد صغيرة البارحة جنت خايفة علية اليوم مات من شنو لعد اخاف.؟
واتذكرت ابني اي اخاف على ابني وهذا الشي الي يخليني اريد اعيش حياتي بطريقة كريمة ومحترمة علمود الطفل.
لخاطر اللي بطني اريد حياة ميتعير بيها بعدين محد يسترجي يضوجة او يحاول يستصغرة لان هو مريض.
حسيت بالصوت يخف وبعدين طلعني افترينا من الباب الخلفي وشفت سليم ينطي فلوس للسايق يعني جان يدري وجان بس نطيت فلوس وتالي مرجعي الهم.
اخذني تفكيري لغيرعالم وفهد يركبني سيارة حسيت نفسي شكد مضحكة بالنسبة الهم يلعبون بية وبمشاعري بدون ادنى تفكير.
وطلع بينا فهد وهالمرة بدون مخطط ما وعيت الا على لافتة
*بغداد ترحب بكم*
اوف يا بغدادي طلعت منج اترجة النجاة ورجعتلج اترجة النجاة وشكد فرق بين الشعورين بالرغم من الاثنين تحت نفس الشعار ونفس الاحساس بس لا مو نفس الخوف من طلعت منها جنت اترجة النجاة بس مخايفة الثانية مليانة خوف وقلق.
حاول يوصلني لبيت ابوية بس رفضت فكرت بيها وقررت .
زهراء:وديني لبيت عمتي بشارع فلسطين.
فهد:شارع فلسطين خاف يندلوج.
زهراء:لتخاف محد يتذكر او اصلا يعرف اني عندي اقارب هنا.
وصلني ونزلت يم العمارة الي اشرت عليها وطبعا اشرت على وحدة خطآ وبس اتاكدت راح بوجهي يم الخضر علية السلام.
عمتي اصلا صارلها سنين ميتة واني اعرف البنية الي تعيش بالشقة الي جانت ملك عمتي اضيع وقت يم الخضر وهنا صح المكان صغير بس محد يعرف احد.
صوت رجال فززني:كومي لبسي هاي العباية.
وجهت نظري علية بس مركزت وبعدين رجعت درت وجهي يعني شنو هالتدخل الزايد عود اني ضابط واحمي الناس احمي نفسك اول شي يموتون على الفيكات ياناس.
رجع كرر جملتة وراها حاول بغير طريقة:كومي اخذي هاي العباية جديدة اوف بنات بغداد.
زهراء:ما اريد ادخل اخي فك ياخة عني.
وخر شوية ورجع هو شايل جيس اسود عرفتة العباية يالله هذا الرجال شكد لزكة عفت المكان وطلعت كعدت على الدرج ورفعت عيوني للسما يارب انت اعلم بالقلوب ثبت قلبي.
مد ايدة وانطاني الجيس حسيت نفسي اختنكت من كلشي من ملحتة الزايدة من خوفي نهديت بي.
زهراء:فهمني انت شبيك هاي عود انتو الي تحمون الشعب من المضايقات وانتواساسها مستحيت على نفسك من لحيت هلكد.
رسول:لو منتبه على روحج جان افتهمتي ليش جبت العباية لان شفتج شكد مقهورة ومتكدرين تفوتين وقضيتيها بجي ومتكدرين تفوتين يابت بغداد بدون عباية.
زهراء:شبعت بجي ليش هو هذا شغلكم الجديد تراقبون الشعب خاف يبجي من الرفاهية الي بيك اريد اضحك وراها اشتكي عليك شكد دمك بارد خير ترا احنا بالعراق دتبجين هه والله يالله.
مشيت وعفته بس شكد نقهرت لان موقفي زبالة والي زاد الطين بلة حذائي نكطع كعدت ابجي المشكلة اذا كملت مشي اكو كهوة جبيرة يعني وين اولي مسبقا يضحكون علية.
ومال افتر من ورا الكهوة هاي مستحيل المكان اظلم ويخوف ظليت كاعدة بمكاني من الفشلة متت بجي.
شوية ورجع الولد حجة.
رسول:اني اسمي رسول هاج شفتج تبجين واي هذا واجبي الانساني من اشوف بنية حايرة بزمانها وفوك القهر مكطوع حذائها واجبي الانساني مازال متمكن اجيبلها حذاء.
زهراء:شكراً اسمي زهراء واني اسفة قبل شوية حجيت حجي سخيف بس اعذرني جنت كلش مقهورة.
رسول:يلا بت بغداد كومي لبسي الحذاء وتعاي زوري.
زهراء:اني ما اريد ازور شكراً بس ردت اضيع وقت.
رسول:تمام لعد امشي اوصلج الدنيا ليل مو مال تروحين بوحدج.
زهراء:شكرا بس عبرني الكهوة وروح اني بيتي ورا الكهوة.
وصدك خطية عبرني الكهوة وتشكرتة وراح دكيت البنية*زمرد* وطلعت البنية بالبداية معرفتني بس بعدين اتذكرت اني زهراء استقبلتني ببيتها خطية حضرتلي اكل ووعدتني بس ينامون اطفالها تجي تطرد عني الوحشة حسب اقوالها.
نمت وماعرف شلون تجاهلت حتى حجاية زمرد من اتفقنا نحجي شوية يمكن نمت من ورا الوحام او من كثر التوتر او يمكن لان حسيت نفسي بأمان.
من كعدت الصبح لكيتها دتنظف ساعدتها على السريع وسلمت عليها وطلعت بوجهيها البنك سحبت مبلغ جبير من الفلوس ومن سالتهم على الكارت يشتغل خارج العراق طلع يشتغل ارتاحيت اقلها اسحب فلوس على راحتي وبوجهي رحت لشركة الطيران من حسن حظي ان اكو طيران بعد ساعتين واكو مقاعد فارغة.
طارت الطيارة بوقتها جنت كلش متوترة حسيت معدتي تخبط من القلق وحسيت بطعم دم بحلكي والسبب التوتر لان بس اعض شفايفي بقوة وبدون احساس.
اول مرة اركب طيارة وفوكاها حامل الي كاعد يمي شاب وسطاني واتذكرت سالفة العدة يعني صدك لازم الزم عدة الا ان اخلف مستحيل اسوي هيج.
اوي مابية حيل رب العالمين غفور رحيم اكيد يغفرلي بعد عناء وساعات طويلة وصلت وبوجهي للفندق من فتت للغرفة حسيت نفسي طير وطلع من القفص ركض فتت نمت على السرير اريح ظهري لان احسة مقسوم بالنص وقبل ما انام روحي راحت على ورق عنب ذايب وحامض.
كضيتها اتوحم وحتى مكدرت انام انوب من كثر الخبال والخيال الي عندي حطيت ايدي جوة راسي علمود ما احك اي مكان بجسمي خاف يطلع بابني.
بعدين مكدرت على روحي خابرت الرسبشن وطلع اكو سوري قلبت نفسي سورية وكضيتها علية اي تؤبريني واي عيني ووصل الطلب لك فدوة لكلبهم السوريين نفس الطلب وفوكاه حبة سكر يستاهل شكر على هذا الطلب هههههه.
.
.
.
سلسبيل
وقد لا أحبك بما يكفي لكنني أحببتك دائمآ بكل ما أستطيع ..🕊♥️
من طلعت وعفت ميار ويا همس خابرت سيف جنت كلي شوق ولهفة لوجودة يمي اني محظوظة بوجودة شخص متخاف يمة من تلسكوت ولا تقلق من كثر الغياب خاف يخونك اتصور معنى هذا الحجي هو سيف.
احيانا اسأل نفسي يمتى هلكد حبيتة ماعرف بس الاعرفة بوجودة الدنيا أمان وبغيابة احس العالم موحش وكريهة.
من جاوبني جان صوتة تعبان اخذت اجازة من الدوام ورجعت للبيت ميار تفاجئت من وجودي كلتلها واني افوت لغرفني اني اريد اسوي اكل تريدين شي اسوي الج سكتت.
عرفتها استحت عفتها براحتها وبديت احضر شوربة على السريع وطلبت اكل من برا هم وشوية احتياجات لسيف لان صوته مبين تعبان.
قبل ما اطلع من البيت صبيت لخالة وبلغتها اني راح اروح لسيف ونطيت لميار حصتها وحصة همس ولفيت الشال وطلعت افكر بسيف ليش مريض ؟!
وصلت من التفكير حتى محسيت بالطريق دكيت الباب وطول هواية يلا فتحة مديت راسي بشقة:بخخخخ
سيف:مشتاقلججج دقيقة البس جاكيتي.
سلسبيل:لا لا يا جاكيت شو وخر من الباب الدنيا على كولت اخوانا السورين تضرب تقلب من الثلج شوف شلون جبتلك شوربة تاكل اصابعك وراها.
جنت احجي ودخلت اي بالغصب ماما الله يرحمها جانت تكول بعض الزلم من يتمرضون يصيرون اطفال والطفل من يتمرض ينغصب حتى بالأكل.
جان يتذمر وهو يمشي وراية نزعت الكوت مديت ايدي اريد انزع الشال ولزمها باوعت باستغراب
سلسبيل:اكو شي شبيك؟.
سيف:يمي خطار لتنزعين الشال ، ثانيا اني شكم مرة كايلج لتجين لبيتي!؟.
سلسبيل:ترا هذا وضع طارئ لا يمك اهل ولا تكدر تطلع اكيد اوكف وياك ولو منبهني على وجود شخص جان افتهمت.
سيف:اوف سبيل لتضوجين هههههه لج عوفي الاكل مخبلة ترا ماكلت شي كل الي حجيتة لخاطرج حبيبتي اخاف عليج اني مو امان.
سلسبيل:شنو مو امان مو هنا واكفين كلشي مابينا والاكل ما بقي مو غلطت من اجيت صوجي اني تعاملت وياك بخوف.
سيف: لج هههههههه لتمدين ايدج علية وتقرصين والا اكسرها لج لا لا لتقرصين.
سلسبيل:تستاهل علمود متضوجني كل متشوف الزراك الي بايدك تذكر شلون حجيت علية.
حضني وباس ايدية اثنينها ياناس احبة احبة سألتة ورا مبعدت علمود اوخر التوتر بديت اصبلة شوربة واكل علمود اتيه السالفة والخجل
سلسبيل:منو هذا صديقك؟
سيف:همام صديقي حجيتلج علية مرة.
هو كال همام لو اني كل عظامي رجفت بس سيطرت على نفسي ومبينت الحمد جنت مندارة استجمعت نفسي
سلسبيل: انت حجيت على كومة اصدقاء ماتذكر ههههههه زهايمر مبكر يلا تعال اكعد اطيب اكل لاحسن سيوفي.
سيف:عاشت الايادي شنو هالاكل الي يفتح النفس.
سلسبيل:الف عافية هسه اني راح اروح وردت اكلك اني راح اطلع رحلة للجبل اني وصديقاتي بالكلية نطلع نتزلج.
حجة بعد ما ترك الاكل:ودوامج.؟
سلسبيل:الكلية اصلا هي المشرفة على الرحلة لتخاف يلا هسه اني اروح دير بالك على روحك امانة لا لا لتكوم ظل كاعد اعرف شلون اروح بيباي حبيبي .
بستة بخدة وطلعت واني ابالي الف فكرة وفكرة اول ما عبرت العمارة رأسًا اخذت اوبر وطلعت تلفوني اخابر على احمد اعرف فرق توقيت بس لازم اشاركة افكاري طول يلا جاوب بس المهم حصلتة.
احمد:بيها شي همس.؟
سلسبيل:لتخاف..احمد سيطر على اعصابك همام هنا رحت لشقة سيف صح مشافني بس هو هنا واكيد اول وحدة يفكر بيها اني لان كل الاهل بالعراق يعرفوني اني وين .؟
احمد:هذا تخبل رسمي شوصلة يمج هذا اكيد سيف الجلب خلاة يشك.
سلسبيل:ليش هذا التصور يعني سيف ليش يسوي هيج شي.؟
احمد:لان الظاهر نسيتي سيف شنو شغلتة ماعدا تاجير البيوت سفر وسياحة يعني اكيد يعرف لان اني سافرت من خلالهم من رجعت.
سلسبيل:اسمع احمد اني اداركت الوضع وطلع قبل ما يشوفني طلعت واحتياطًا كلت لسيف اني شاركت برحلة التزلج راح احجز لهمس وياية شتكول.؟
احمد:لا اسمعي عندي خطة..
.
.
.
همس
اصبحت ادفن معرفتي في صدري ...
اي معرفه تتحدث عنها ؟ اتحدث عن معرفتي بالناس ، بفشل العلاقات وغدر الاصدقاء ، اصبحت اعرف بعضً من عمق الانسان ، كــ كراهيته وحقده حتى أمله و حزنه ، تفائله و يأسه قد لا ارتقي كبعض الأدباء العالميين واقصد بذلك دوستويفسكي ، الشخص الذي وصل الى العمق البشري ، الشخص الذي آراء أحرفه كأنها تصفني ، لست انا فقط من يشعر بأحرفه ، حتى انت تشعر بما انا اشعر به ، صحيح ان احزاننا تختلف ، لكن هناك عمقً واحد للبشريه وهناك كٌتاب يحاولون الوصول اليه وانا واحداً منهم..
اليوم ٢٠١١/١٢/٢٥
كعدت على صوت اطركع وازعاج ازعاج مو طبيعي اني صح قررت ابقى هنا بس اول نص ساعة من اكعد على هالازعاج افكر جدياً ارجع يم امي هناك هدوء اربع وعشرين ساعة.
غسلت وفرشت وطلعت وجان البيت خبصة عبالك عرس الي ديزين البيت والي دتطبخ لدرجةٍ محد لاحظني غير همام كرمشلي عيونك وعيب بخشمه وعافني وهاي تعتبر معجزة لان همام مدياكل ديشتغل.
سويت فطور كورنفلكس وضفت الة فراولة وموز وشوية مكسرات وكلش قليل حليب لان ما احبة كومة وبعدين يذبل الكورنفلكس واخذت قوطية مال عصير خوخ وكعدت بالمطبخ واشوفهم شلون يشتغلون.
دخل عمواحمد وضحك مرض خدودي واخذ خاشوكة وبدا يشاركني المخلمة الفرنسية حسب اقوالة.
سالتة:شنو الي ديصير عندي فضول ولو تدخل مني!.
احمد:مو تدخل وهذا فضول طبيعي حبيبتي هاي المراسيم لان جدة مسيحية واسلمت فجدو نذر من ذاك الوكت ان كل كرسمس يحتفل وصارت عادة الكل يحتفل بهذ اليوم .
همس:يعني مو حرام.؟
احمد:والله ياحبيبي انت ناس تكول حرام وناس تكول حلال بس خالو من جدو سئلة على الموضوع كلة المهم النية هو الفرح مو الاحتفال.
همس:بس شدعوة هلكد مخبوصين.
احمد:خوش سؤال اي تلحلحي واسالي وشغلي الفضول امنيتي اشوفج فضولية اسمعي يامحفوظة البكى والسلامة هاي مو صارت عادة ووكع الموضوع بين الحلال والحرام جدو قرر ان يسوي هاي الايام هاي ايام العائلة والكل مجبورين تبقى هنا وبهيج ميعتبر احتفال بكد ما يتسمى عزيمة.
همس:افتهمت بس اتقرب اكلك شغلة حزن بخاطري اني ليش محد ميدز علية بهيج اجواء يعني شكد حلو لو محسسيني اني بنتهم.
احمد:من اكرص خدودج واكطعها احد يكول ليش هسه لج انتي مو بس بنتهم انتي عزيزتهم بس الضروف ورفضج والخوف من ان توكعين بغيبوبة مرة الخ هم حقهم.
همس:اول شي اترك خدودي حرام عليك والله قطعتها وثانيا صح بس هم او محاولين اوي كافي كافي تكرص واترك العصير راح اخليك تشتريلي اذا شربتة كلة.
احمد:يولي اصلا اني مليت البيت من هذا العصير لان اعرفج تعشقي واني معندي بنات تتأفأف سمعتي ضحكي يلا.
قيس:صباح الخير مشمش عيني سويلي ريوك محد بحالي اليوم .
احمد:شنو سالفة مشمش الجديدة وثانيا عيني محد بحالك عساس شلون مكابيلك بالايام العادية انت اصلا مستغل هاي المسكينة لج كعدي متسوين ريوك.
قيس:مشمش هذا سر بينا وثانيا ليش مسألتها ليش تسميني ملون بدال اسمي هاي الصعلوكة، حبيبي مشمش سويلي بان كيك.
احمد:هاي شنوووووو سويلي ويا واني سويها بحب لان انتي تحبيني اكثر كوم من هنا عود من تكمل اكل اصيحك.
قيس: مو صاحي اقسم بالله.
همس:بعيني داسوي دقايق ويجهز .
كملت البان كيك وصحتهم ومخلصتهم مناكرهم.
احمد:كومي لبسي اوديج لصالون لو تريدين اوديج لريناد.؟
همس:ما اريد اروح من تجي عود واصلا اني معندي شي احضرة.
احمد:بكيفج حبيبي اني راح ابقى هنا شتريدين كوليلي.
همس:ماشي حياتي شكراً.
قيس:اكلج مشمش انطيني بوسة مثل احمد على السريع.
بستة وهو يصيح اوف اوف ضحكني من شفت اهتمام الكل بنفسهم قررت اهتم بروحي سويت شعري لفلفتة وسويت ماسكات وتقشير ولبست قميص حرير نهايتة فيونكة وبنطلون اسود لبست حذاء كعب وفتحت شعري وحطيت عطر وحمرة بناتية بسيطة.
طلعت من سمعت صوت الكل الجو يخبل احتفال بسيط والاكل يخبل طبعا الراعي الرسمي للاكل همام بس شكد حنون ومهتم جابلي ماعون ورق عنب يعرفني احبة.
الكل جانت تحجي وتاكل وبعدين وزعو الكيك والعصاير احمد فدوة لقلبة حط عصير الخوخ يمي.
من شغلو الفلم الرسمي الكرسمس *home alone *وطفو الاضوية القوية وكعدنا بهدوء بديت انعس واستندت على جتف قيس الي استاذن وراها بشوية مني يروح يجيب عصير ويجي خلال ما راح غمضت عيني شوية وسمعت صوت همام
همام:طالعة تخبلين ياحلوة.
همس:ها.؟
همام:احبج يابعد الها واهلها.
وجهة بدون ملامح ويباوع لي كدام كالها بهمس لدرجة شكيت بروحي داحلم لو ما ابتسامتة على دهشتي وضياعي .
.
.
.
.
هذا الانستا اللي يريد يراسلني:nrs.998
اعتذر عن الاخطاء والسحكات
شنو رأيكم بالقفلات
اعتذر لان طولت بالتنزيل اكتبولي يمتى يعجبكم انزل؟
تصبحون على خير💚✨