عشق المومنين(أبناء الساده)

((/بارت السادس))) ج٢

صباح المحبه....بسبب مناشدات كم الراقيه رجعت اعيد نشر الروايه مع خالص محبتي واتمنى دعواتكم النا المحاضرين بنصرنا على الحكومه الفاسده ىتثبيت قرار ٣١٥

.... سيد مهدي....

‏لم ارى بحياتي شيء يجلب السكينة مثل القرآن، تغلق الدنيا بوجهي فأقول "لعلّ الله يُحدثُ بعد ذلك أمرا" اسمع كلام يجرحني فأكرر "ولا يحزنك قولهم"، أحس بالجزع من المصائب فأتذكّر "وبشّر الصابرين"، أسقط من العجز والقهر فأنهض بـ "إنّ الله على كلّ شيءٍ قدير".القرآن عكازك إن أسقطتك الحياة

كعدت الصبح وليلة مانمته أفكر بكلشي جاي يصير خاصه مرض أبني سيد علي مسحت وجهي أتعوذ من الشيطان كمت لكيت عقيله حاضنه سيد علي ونايمه محبيت أكعدها رغم احب اتريك وياها
بست جبينها وخد سيد علي

نزلت وجهي للطارمه مستعجل اريد ابرد قلبي من الهم الجاثم على كلبي رحت جددت جواز عقيله وجوازي حتى أنروح ألقم

لان جوعان خابرت على سيد حامد ثاني رنه جاوبني

_وعليكم السلام مولاي

تبسمت جاوبته

_وعليكم السلام ليش تسوي هيج بيه

_ازاودك على الحسنات حبيبي

_خوش دحضرنه جاي شوي بيه ثخن جايك ربع ساعه وانا يمك راح اجيب كيمر وعسل وصمون

_انتظرني أطلع من الحوزه البارحه سهرت ويه اخوتنا نتباحث پأمور الشارع والجاي يصير من حمله على المعممين

_وبقيت هناك سهران

_اي والله صلينا صلاة الليل سوه وقرينه دعاء للنصر على الاعداء لأمير المومنين عليه السلام

_هنيء لكم

_يله مولاي اروح للبيت حتى اجهز الجاي

غلقته منه مريت على جدي المحله'

_السلام عليكم

_وعليكم السلام وليدي بشرر شو مغبش مو اليوم عطلتك

_ضااايج ومخنوك

_حقك يبويه حقك كلشي جاي يمشي عكس بس انت وليدي العزيز الي يكسرني من اشوفه ضايج

_حشاك جدي من الكسره بس هذااا وووليدي جدي
تعرف معزت الضنا ومااكدر أصير ضغيف جدام عقيله تتعب وتخاف عليه

جان كاعد على تخم اشرلي على فخذه نزعت حذائي تمشيت على الزوليه دنجت كعدت على رجليه وراسي بحجره

_راح اقرا على راسك حتى ترتاح وهونها يبوويه تراه تهون من ربك أنت من دون عمامك'وحتى من دون أخوك ألك معزه غاليه تكسر كلبي من تتوجع يبوي

_أعذرني جدي مو بيدي حتى نخيت جدي يساعدني
وجاي أتمشى اله حافي وادعي

_يستجاب يبوي بستجاب'

_أمين ياجدي بس ماكلت ليش فضلتني على عمامي
وحتى أخوي

تنهد بقهرررر وكال

_لان وصية اوليدي البار والغالي ولأن ابوك حقق حلمي وصار دكتور ولأن انت كملت الحلم بعد استشهاد أبوك وهمين تشبهه كلش

_بس هيج

_لااا يبوي لأن من صار الحادث ويارب ينذكر ماينعاد
شفت ألدم شلون مالي السديه'شفت أعظامك اشلون أمكسرر اضلوعك مفتوحه من طول للطول واحد منهن نصه مكسور نجنيت وانا ابوك ولوما جنت احوقل جااا متت قهررر يبوي نخيت ربي يشيل عمري الك ولازم تعيش

حتى الدكتور كلي سيد انت اناني العمليات السواهن حفيدك وجعهن ماينحمل الموت ارحم اله بس كتله ميخالف ولااا يموت وكل عمليه اسويها الك ابدل الدكاتره واجيب غيرهم مااريد تنعاد لوعت ابوك بيه من جابو اليه شهيد

رفعت راسي واشوف جدي دموعه تصب كمت اله بست راسه

_مووو انا جدامك بطولي ياجدي عليش البجي

_الله لا يحرمني من طولك..هااا صرت هسه زين لان بجيتني وجاي تروح

_لااا مستعجل جدي سيد حامد منتظرني

كام وعيونه فاتحهن بضوجه

_شنهي وداك الدربه

_ليش بويه هذا صاحبي وانسان متدين

_وهو هذا اليخوفني متدين وصاحبك ومن الحوزه

_وهذا الشي يخوف

_لااااا انا اخاف لاااااا تنعاد عليه؟

_تنعاد عليك شنو؟

_ماااكو يبوي روح لااا تاتاخر عليه جدك خرف

ضحكت وهو ضحكلي طلعت اركب سيارتي نزلت منها ركنتها رحت على ابو الصمون اشتريت صمون
وشتريت شيشة عسل وكيلو زبيب وكيمر عرب تمشيت درابين كربلاء هل مره الرطوبه اجت وياها ريحة الجاي المهيل من كل بيت اعبر منه...لان بيت ابصف بيت

عبرت دربونه قبل لا أوصل البيت سيد حامد وكفت اشتم ريحة البيض والبصل من يتكلون سوه تطلع من شبابيك والمفرغات الهوائيه اازغيره

على وكفتي صوت سيد حامد من شباك بيته

_يله مولاي ادخل ترى راح اكل جدامك

تبسمت

_افتح الباب سيد

مشيت اله فتح الباب دخلت مشيت الممر الزغير لكيته فارش الحوش وحضر صينية الاكل وطلع هو مكلي ألبيض والبصل خليت الكيمر بصينيه كتله

_اروح اغسل ايدي

_اي روح وانا اكمل ترتيب الصينيه

غسلت ايدي وباوع الغرفته الي يمها مغسله شلون مرتب عمامته على الجربايه والعبايه والسبحه نشفت ايدي ورحت اله

_هااااا عجبني ترتيبك للغرفه

_اي هم عمتي تكلي

_زين وشوكت تزوج ياعيني ورمضان جاي واجر الصائم المتزوج اكثرر

_اي ضل احجيلي بزواج الى ان ابلي بنت الناس بيه جاي اشوف حتى ثلاجه ماعندي كيف اعيشها خليني جاي اصوم شهرين متتاليين الاجل مااقع واثم

_سيد كتلك جدي كال يتكفل بكل مصاريفك

_مااكدر اله بعرق جبيني وكون ترضى بهذا البيت الرطب وهذا الطباخ الصغير وفراش والدتي وهسه خلينا ناكل جوعان كافي عليه الجوع العاطفي ههه
وخليني أكل لأننا في النهاية كلنا سنصبح قصصاً يوما ما طوبى لمن ترك الأثر الجميل .

_شنو تقصد

_ماادري بس البارحه احد الساده اكد النا انو لازم كل ليلة الجمعة،نذكر الشهداء وحتى اكد بوجوب ذكرهم كالنا من تذكروهم يوم الجمعه ذكرونكم عند أبي عبد الله الحسين -عليه السلام-

طلع ورقه من جيبه ونطاني ياها كالي

_شوف سيد مهدي شنو كال النا بحيث كتبت كلشي وانا أبجي

اخذت الورقه من سيد حامد وقريت المكتوب
""أن ليلة الجمعة هي ليلة الرحمة ألإلهية، ليلة زيارة أبي عبدالله الحسين، الليلة التي يذهب الأولياء والملائكة فيها إلى كربلاء..

فشهاد الجيش والحشد تعود حقائب بدون اكتاف تحملها بعد كل هجوم وعمليات وتحرير ..
في كل حقيبة قصة ايثار ووطن
في كل حقيبة عطر منزل وزقاق عراقي
في كل حقيبة دعاء ام وجزء من كصيبتها ممزوج (بالكليجة)في كل حقيبة قصة فقر ؛وجبين والد مسن
.ودموع زوجه

وضعوا الحقائب ارضا .. وحملوا العراق على اكتافهم بشيمة ونخوة المنادي
ياعراااااق
ياااااااااعلي
فتحية لتلك الدمأء الزكيه

مسحت دمعتي وكتله

_فعلا الي مكتوب يوجع القلب وهنيئا الهم الشهاده انت تعرف وضعي ليش مارحت بس مع ذالك انا وجدي نبعث الاكل والمي

_هاي هيه كفيت وفيت لاااضوج مو كتلك سيد حتى تقنع انا مو مال زواج انا مال دك ولطم هههههه

_بلعكس ياسيد حامد انت شخص ماكو منك اثنين

انت جاي ترجعني النفسي الحقيقيه من اكعد يمك تذكرني بقول صاحبنا ابو زهراء جان يكول
"من أَخذَ بيمينكَ إلىٰ حلقَاتِ الذِّكر، وَشدَّ عليهَا حينَ ارتَخَتْ.. لن تُوفِّيهُ حقَّهُ أَبدًا!!

رد عليه

_ الصداقة مو منتجاً ينتهي صلاحيته، وذا أكو صداقات تنتهي بعد فتره فهاي صداقه ودّية عابرة..
الصداقة الحقيقية هدفها برزخي لا نهائية

_فعلا كلامك

_وهسه لاتخاف على ابنك ونعم الله على الكيمر والعسل وذكرك قبل شنو كتلي من استشهد والدي الله يرحمه ‏
( فَما ظَنُّكُم بِرَبِّ العالَمينَ) لان من أكبر علامات حسن الظن بالله ؛ الإستمرار بالدعاء رغم تأخر الإجابة.
وانا همين راح اندعي الابنك بطول العمر

_اشكرك مولاي..طلعت من بيت سيد حامد مرتاح ارجع هسه للبيت حتى ابشر عقيله جوازها كمل

‏صباح الخير ، ثم إننا مدينون بالحُب لكُل من جعلنا نبصر شيئًا جميلًا في أنفسنا حين أوشكنا على الانطفاء
. ....
........
غفران
اختاري رجلاً ..يكون لكِ حبٱ وسترًا ك عبائتكِ
ولن يكون الحب في الله إلا لو كان الإختيار بما يرضي الله ولن تنبت زهرة الحب الطيب إلا اذا غرست في تربة طاهرة بقلب نقي أبيض

رحت البيت عقيله...اخوي اخذني الطريق افكر اشلون اشوف نسوان عم السيد وعقيله صار چم یوم ترید آجیها واغلس لان مااحب اجادل وياهن وهنة حجيهن كلة بز وغرور شوفن الناس اقل منهن

وصلت البيت ضغطت على الجرس،طلعتلي العامله زنان
سلمت عليها

-السلام عليكم
ردت

-عليكم السلام هلا ماما غفران شونج
جاوبتها

-اشلوني مثل ماتشوفيني مثل مااني الوكت يمشي ولا انا اتغير ولا انتي
ردت
-ها ويايه ماما

-لاعيوني ويه روحي وين ماما عقيله
-جوه يتانيك روح لديوانيه

تمشيت وراها دخلت للديوانيه،المبخره الذهبيه معلوگه هاي اسوالف ام سيد مهدي من تدري راح اجي ماتخلي معطر ولا بخور غالي اله تخلي حتى تجي وتسولفلي على سعره وشلون طلبته وشلون وصل الها
وضل سفط عليه

الحمد الله اشبیه البخور ابو الف اشو ام ایناس تفتر علی بیوتنه وتبیعه النه وذاك اليوم سوته بلف وربع الدربونه ونسوانها اله شويه يطلعن مظاهرات على ام ايناس
بعدني بافكاري عدلت عبايتي دخلت أم سيد مهدي كمت الها كالت

-السلام عليكم

-وعليكم السلام شخباركم

-الحمدالله خاله..

-اشبيها عيونچ حمر

-ماکو شي شويه تحسس

-هااا قصدچ من البخور عیوني هذا من الامارات سعر العلبه ام مية غرام مية دولار

-ماشاء الله هو عرفت من خشمي كام يحكني استغرب الريحه ههه

-استريحي خاله راح تجي عقيله
كعدت اجت سلمت عليه ام عامر

-اشلونچ عیوني

-اهلا خاله

-استريحي المن كايمه

جاي اكعد اجت عقيله باوستني وتضحك
-شلونچ ام شامه

-زینه ولوما جایه چان مرتکبه جریمه بعماتچ ولا یعرفن یحچن حچایه بیها حظ

-استغفر الله اكعدي استريحي..

-كعدنه ومن هسه نص ساعه ويجي منتظر ياخذني يعني اذا الكيكه جاهزه كصصي خل ناكل

-متجوزين من حالتچ

-وین علوش الزغير اريد اشوفه

-لااااا غفران عفيه اسمه سيد علي..مو سيد مهدي ميقبل
بهذا الاسم يكول علوش اسم يجيب النحس

-ياااااا طول عمرنه نكول علوش للي اسمه علي من جهال المنطقه

-عيوني اسم علوش اسم نحس

-يله خلي حتى مااريد اشوفه زعلت
طكتني بفخذي وبقينا نضحك كالت عقيله

-اني لسى ممخبره السيد فايتتني الدوره صار فوك الخمس ايام

-هلاااا وهلاااا وچ حامل

.-لاااا ممعقوله

.-ليش ممعقوله رجال ومرته بغرفه وحده شنيه قابل بس اصلون وتقرون قرأن وتسبيحات

-هااا غفران وچ عیب

-اي هو عيب چا انتي تحچين الاخرس..المهم علي وين علوش
اريد اشوفه
بعدني هسه احچي ودخل انفتح باب الديوانيه دخل يركض ويطيح كمت اله اخذته الحضني

-يمه عين البارده او اولهم عيوني شهل شعرر الشگرررر الحلووو ظالمه شهرين مااشوفه تالي اتصدميني بشعره الاشگررر

-اي شفتي

دخل الجد سلم

-السلام عليكم شلونچ بنیتي

-اهلا سيد شخبارك والله اجيت علمود اشوفك وشوف سيد علي لان عقيله بذات

-رحمه الله والديچ یبویه شلونچ بشغل عند الساده

-الحد ألان زينين طلع سيد

ورجعت علينه ام عامر دخلت وكعدت كبالي وبس تباوع
واني مخليه سيد علي بحضني وبوس بي والعب بشعرهة
وكلة فدة لشعر الاشكر
ردت عليه ام عامر

-اي شعره اشكر وحلو

رديت عليه ..
الله يحفضة ويحرسه
اشو هاي طكتهة بضحكه
وردت

-ما أدري عليمن طالع ابو مو اشكرر هااا صدك يشبه عمه مجتبى كلش نفس شكل

- اي غير عمه وطالع عليه

اشو هاي ردت عليه بحسرة
وتكول ااااا يه عمه هم صدك

التفت على عقيلة صافنه عليه
وهم مستغربه حجيه
بجى سيد علي وكالت عقيلة خل انيمه تعاي وياي للغرفه
ترخصنه من ام عامر وكمنا
دخلنه للغرفة واول مسدت باب
حاجيت عقيلة
شنو قصدها عمتج ام عامر

-ماادري اشو كل مرة من شوف
سيد علي تكلي شعره حلو
يشبه شعر سيد مجتبى

-من ضحكته ونته حسته عدهة سالفة واني شلوني ماجرعه
حسه حموضة على معدة

-وج غفورة استغفر الله عوفيه لحالهة مالنه شغل بيه وتعالي كوليلي ماعدتي تفكيرج

وج ام شامة والله سيد مجتبى
شخص راقي ومحترم ويصون الياخذهة بس ليش مصرة على رفض شنو العيب بي
اني لو اعرفة انسان محترم وخلوق ما أكرر كلامي الج والح

- حشى مابي عيب بس اني ياعقيلة ماتوالم منين ماااجيبه اشوفة ماوالمني

من اوكف كدامه هوة يلمع
واني كلوب طافي

ودايمااا يستفزني ماادري ليش
مااكلة عشاء

ندك الباب راحت عقيلة
تفتحة زنان تكول اخوك منتظر بلباب وراحت
هاي شنو راح ترحين وبعدنه مكملنه

-يالة تعاي انتي صارلج هواي مااجاية

-ان شاء الله وعيدي تفكيرج

-شفكر هاهية بعد
-
طلعت من بيت عقيله..اخوي منتظر لاكاني،ركبت السياره سالني

-اشلونها عقيله

-الحمد الله اسلم عليكم جان نزلت وسلمت

-مستعجل يمعوده

-هوو بلباب قابل شتسوي

-هنا المشكله الباب...مو هي سوالف الباب اكثرر من من الجوه

-ههههه صدك والله

وصلنه للبيت جاي انزل واشوف سياره مارسدس عاليه
وكفت باب بيتنا نزلت منها مريم تبسمت الها اجت اليه
كالت
-هاااا غفران اريدج بشغله

-شنووو شغلتيش

-خطوبتي بعد تلث ايام وبعدني كلشي مااكدر اسوي
-انتظري هو يسوي انتي ابنيه ماتكدرين دتعاي دخلي جوه ونكمل

رفعت ايدها تاشر للسياره الجام مضلل كالت

-اخوي سلمان كلي فضفضي يم صديقتچ اذا متكدرين تسولفين اليه

-شنو عرفتي مكان بيتنه

-أخذت العنوان من ام دنيا

-همزين ماتيهتو وشنو كلتي لخوج شي عن رعد

-لاااا مكلت

دخلت مريم للبيت وسديت الباب اشرت المنتظر يجيب عصاير ونساتل..غماني وكال تدللين
فتحت باب الديوانبه و الاضويه دخلتها..اجى منتظر جايب علاكه حلويات...نزعت العبايه كتلها

-هااااا وليش هلكد مستعجل ابوچ

-ماادري بحجة انو هل قسمه والناس ماكو منهم والولد قابل ابقى بلوظيفه

-زين حاجي اخوج

-مااكدر صعبه

-وتالي يامريم

-حيره والله وراح اموت قهررر وانا ثوله كلشي ماعرف وخوافه كلشي مااكدر اسوي

-زين ورعد

-رعد دزو عليه واجب،والمكان خطر ،ماكو اتصال

-خطررر

-اي يدوام قريب على سامراء

-الله يساعدچ امجربه هیچ شعور وخوف

-اشلوون مفهمت انتي مو مامزوجه

-اي

-ياشعور تحچین بیه

-حاولت اغير الموضوع كتلها

لااا ضيعيني بسوالفچ گملي بعد العرس او بلعرس شنو صارررر

-هاااا بلعرس كشخت وخليت مكياج،ولبست فستان بينصل بيه وفوكاه مثل روب،او هيج مثل صايه وكعبي عالي سلمان اشر على ابن عمي رامي كله

-روح اخذ امي وخالتي والبنات رامي كيف لان يحب يسولف ويه النسوان صعدن خواتي وجهالهن وخالتي وانا جاي اصعد واشوف واحد طويل منطيني ظهره ماعرفته لان منصيه وهمين الكشخه غير شكل بس سمعت صوته وزمجرته

-اصعديييييي ابسرعه لاااا ابتلي ييچ
عرفته هوو بس ضجت من اسلوبه،وطريقته،انقهرت كلش بحيث ضحكتي،راحت مني،نزلنه نجيب العروسه وطبعا العروسه فناء اتصير صديقتي

،وفرحانه راح نصير سوه انا وياها بس مكدرت اول مانزلت منطقتهم بيها تبليط بحيث النسوان قسم بقن بسيارات وانا لازمه ايد امي وامشي
اجى علينا رعد كال

-خاله منا شلت الطابوك المكسر منا عبروو كالت اله امي

-فدوه الطولك خاله انشاء الله يوم الألك وافرح بيك أنت
مثل فرحتي بسلمان

-انشاء الله خاله وانتي حاضرة ..كلشي نصيب يله عبرو منا جاوبت انه

-لااااااه منعبرررر ذاك طريق افضل تمشيت من دون مالتفت واركز بلكااع حتى مااوكع دخلنه للبيت ويه النسوان..وخوي سلمان دخل هوسنه بيت العروسه الى ان اخذنها..طلعنه وامي لزمت ايدي كالت
-يله تعاي نركب سيارة رعد خايبه مريحه وبس انا وانتي
وامه

-مااريد يمه...جاي أمشي اول خطوه السيارتنا تحركت بسرعه واشوف رعد وعرفت هو كايل الهم تحركو..
والعرس مال اخويه صار كئيب كلش الحد مصباح العرس اجتني بنت عمي كالت

-مريم والله بيج بخت

-ليش

-البارحه فستانچ من جاي تصعدين السياره كلهاااااااااا رجلج طالعه...انتي لبستي الصايه صح بس من صعدتي السياره لاغفه الصايه وکل رجلچ بینت بحیث سلمان اجی ینزل علیچ بس الله ینطی رعد صار جدامچ ومحد انتبهه

-ها معقوله هیچ انا مسویه

-آي والله
تندمت لان صرت جافه اسلوب وياه وكلش ضجت بحيث مية سالفه براسي، الصبح رحت للدوام ْ وجنت ضايجه وكفت سيارة فتح الجام رغم خفت اول مره بس من عرفت هو فرحت اشرلي اصعد صعدت بسرعه
كالي

-صباح الخير عمو
جاوبت بفشله

-صباح النور وانه اسفه

-على شنو

-اسلوبي محلو وياك
-عادي مصار شي واصلا حتى مانتبهت مجرد اي شخص
او انسان عنده غيره راح يتصرف تصرفي من يشوف ستر ابنيه يريد ينتهك
-اي شخص
-طبعا أي شخص يعني لاااتعتبرين الموقف الصار شي قوي وخيالي

-التفت عليه ورفعت عيوني بس انا شفته غير شي

-عقل البنيه يحب يفسر كلشي حسب العاطفه أما أحنا تفكيرنا كولش بعيد عن تفكيرجن

-انتبهت علي يحجي ويسوق وجه اليكدام يباوع على طريق
وايدهة على استرن وينقر بصابيعه حتى مايدير وجه عليه من يحجي وكتله انت ليش هيج جاف لیش مو مثل ماشفت اول مره ليش احسك غامض

-ماچنت اعرف انتي اخت صديقي اوبنت صديق ابوي

-لااااا انت جاي تريد تأذيني
وتحرك كلبي انته مااحس بيه

وكف سيارته حيل بحيث أانطخيت بلبنيد والكرسي من الخوف بقيت مدنكه خفت كلش
منه وكلبي اذاني،والخجل اثر عليه انا دومي استحي ليش هيچ سویت فشلت داخل نفسي دموعي نزلن وارجف همست بقهرر بدون ماااباوع

-افتح ألباب أنه انه
بديت اسمع صوت أنفاسه رفعت راسي ألتفت عليه عيونه حمر،وكلها دموع نفسه يصعد وينزل من بين اسنانه كال

-اذيچ انااااا انااااا اذيچ اي حق نطيتي النفسچ تگولین هیییییچ تدرین أحچایتچ اذاتني أكثررر من ماجاي أذي نفسي وفووووگها تگولین آذيچ
آنااااا ماااگدرررر افهمي انااااا ماااكدر مااااكدررر دست على گلبي بسطالي العسكري حتى ماتتتعلقين بسرررراب
كتمت حبي بگلبي وهذاااا اصعب من الحب نفسسسسه
ليش ،وعلموديش،ولا أجل منوووو غير الاجلچ
بصوت ناصي واظن كوه سمعه

-رفعت راسي ودموعي صب من رهبة الموقف وانتبه عليه وجه احمر وعيونه طاكات ويعض بشفته جوة من عصبيته وكتله ولیش هذااااا كله ليش تسكت

-حتى تبقين بنظري اخت صاحبي

-وشنو السبب اليمنعك مني مااستاهلك،موحلوه انت احسن لوو شنوو كووولي ترى اريد اعرف ليش تعذبني وتكرهني بيك

-وين انزلچ ابوچ دزني لان ميكدر ياخذچ

-هاهيه انت اذن سديت كل البيبان الي ردت افتح منهن باب والظاهر صدك شايف نفسك انااا صوچييييي مووو صوچك مغرور

-لاااااتجاوزين لا افلش اسنونچ

-هاااا هیییچ دتحچي ويايه حنزل

-وووووين

-للدواام لان انااااا

-انتي شنووو

-اناااا چنت

-چنتي شنوو

ترديني احچي واكولها مووو اي اناااا اشتاق الگ كل یوم اتمنيت وحاولت انساااك ومن شفتك تغار عليه كلت أنت تحبني

_الغيره مو اله شي وراها انا رجال واغار على عرضي وبلاول والاخير انتي اخت صاحبي يعني عرضي وبطلي سوالف المراهقات

_اي خليني انزل كااااافي هنتني هووووايه انه انه ماااستاهل هلكد منك يااا ابووو طويله

بقى صافن علیه رجع دار وجهه المقدمة السياره يتنهد راسه بين ايده بقى يضرب براسه تلث مرات حتى أعصابه طكت نصيت خايفه اكثر ومااعرف ليش الخوف وياه أمان اكثر من أمان أبويه الي عصبيته دائما وياها عقوبه خاصه

كال بهدوء

_اسف ماقصدي أذيج

_وليش تتاسف وانت كارهني

بقى صافن علیه رجع دار وجهه المقدمة السياره يتنهد راسه بين ايده بقى يضرب براسه تلث مرات حتى أعصابه طكت نصيت خايفه اكثر ومااعرف ليش الخوف وياه أمان اكثر من أمان أبويه الي عصبيته دائما وياها عقوبه خاصه
كال بهدوء

_اكرهج انااااا من شفتج الحد هل لحظه كأن الدنيا فارغه والله ماخلق غيرج

متمتت بخجل

_,هااا

_اي اشتغل ألغباء

_لا بس أنت كلت حجايه تخجل'وعيب

عدل كعدته وكال العيب الوحيد مااااکدر ازوج ابیت اهلي ابووويه انسان مستبد ويتعب المريه الي تجي تسكن عدنه اخووواني اثنين ازغر مني ازوجوو وانا مكدرت
ماااريد مريتي تعاني مثل مانسوانهم يعانون اناااا اريد من ارجع بهااااي السبع ايام ارتاح مو اشوف مريتي ذابله بسبب اوامررر ابويه اي ابويه عسكري قديم وهيج امشي البيت

لذا عندي كااع وجاي ابني بيهااا وفلوسي راحت للبيت هاي اول شغله ماخرتني مااعترف يجوز اتاخر منا لمن اكمل والمشكله الاهم عندي اناااا اكبررر ١٥سنه الفرق چبیر گلششش جاي تشوفين ليش اسگت واگابر

بقی یحچی الی ان صارت آذنه حمر من الخجل والتوتر وعروك ايده بانت من ضغط على سترين احسه يريد يشلعة من عصبيته ابتسمت لان عرفت وتاكدت هو يحبني بكد مااحبه واكثررر
جاوبته

-زين ليش هيييچ عصبی علیه شمسویه قابل وانت شجاي تكول ورى هذا الحچي الخوفتني منه غير اعرف على منو جاي تحجي

-وووچ ماااااگدر اگوووولهاااا جاااي تشوفين كااافي لاااتباعين هييييچ تعرفین اقصد منووو

-لااااا مااعرف ورااح انزل لاااان حتأخررر
نزلت من للسیاره ولفیت عبایتي وهو تبعني يسوق على كيف تقرب مني بسياره كل

-بما انو انتي مسويه نفسج غبيه الشهر الجاي رااااح اجي اخطبچ خوووش وگااافي تحرگین گلبي

-جاوبت وانا ومنصيه

-وعلى شنووو مستعجل

-جاوب

-مستعجل يااااظالمه وچ امشی من یمي بسرعه لاااااااا ابتلي بيچ

-ليش

-بلاااا ليش وذا ماازوجتچ السبوع الوراه لو اخطفچ لو اگتل ابویه وهم ازوجچ غصب

-مخبل
-اي مخبل بيچ حبیبی

من كلي هاي الكلمه بعد الفرحه ماوسعتني رجعت للبيت فرحانه ومااعرف المن اسولف لان امي من نسوان قبل كلشي عيب او اي حجايه تخليها بحلك ابويه من فرحتي تحمست ونظفت البيت كله

ابوي بليل صاحني اسوي كهوه رحت للمطبخ حضرت الكهوه ولان الجو صيف ابوي فارش مده برى الباب اخذت صينية الكهوة حتى امي اطلعها
_يمه هااي

_روحي انتي اخذيها لاتمدين راسج دكي الباب وهو ابوج مجرد مايسمع دكت الباب راح يمد ايده وياخذها

طلعت للطارمه دكيت الباب من ورى،واسمع ابوي يكول

_روح عمي شوف عمتك جابت الكهوه

سمعت صوت رعد يكله

_صار عمي

بقيت واكفه وصوت رعد يكول

_ياالله ياالله

مد ايده واكلبي يخفك سلمته الصينيه ورجعت بسرعه
ثاني يوم الدوام جاي اشوف من بعيد واحد لابس عسكري ولازم جنطه تقرب عليه من ضحكته عرفته هوه متت خجل وبقيت امشي على كيف بقى وراي يمشي كلي

_صباح الخير
رديت

_صباح النور ياااا شجابك

_جابني كلبي جنت رايح التحق

ضجت من كال التحق كتله

_شبسرعه وجاي تودعني

_لا مريم بصراحه مو اودعج الي جابني جنت صاعد كيه حتى تاخذني للكراج ومناك التحق كعدت واحد كعد يمي شاب مبين من لبسه شاب جامعي يحجي ويه بنيه بتلفون وعرفت مخطوبين كلها

_الله عليج كااافي بجي عليج بداعت أبوج وذا عندج
خاطر اليه كااافي

ابصراحه انقهرت عليها كلت خاف اذاها لان صوته شويه مسموع كد مااتوسل بيها وهي تبجي حسيت يريد منها شي غصب

رجع كالها حبي حتى كمتي تناشغين والله وجعتي كلبي اعرف أنا خطيبج ومو زوجج ومالي حق ادخل ليش اخوج جاي يئذي بيج انااا مااكدر أروح للكليه وانتي زعلانه اذا ماسكتين راح اجي البيتكم واكنسل الدوام لان جبتلج ككو ابو القوطي وجبتلج نستله سنيكر لتحبيها وهمين كلنس معطر تمسحين خشمج ودموعج

يضحك ويحجي وياها تالي التفت على الناس الوراه وباوع على الجدامه كلها بضحكه

_خرب ابليسج وبليس أخوج النحيس من وراكم كل الناس الي بلكيه سمعوني اتوسل بيج هاااا بس عادي لان انا احبج

وانا امشي على كيف جاوبته بضوجه

_اي يجوز زعلاها وتالي يريد يراضيها

جاوبني

_لاااا مريم اخوها هو مئذيها ومع ذالك يريد يضحكها
ويتوسل بيها بحيث مامهتم للناس ولا اجل الحجي لحين يوصل ويراضيها وحتى كطع دوامه وماراح للجامعه هل شي خلاني انزل للكيه ويه نزلته ومارحت للكراج اله اشوفج ومن نزلنه سوه طبطبت على جتفه وكتله

_ربي يحفظكم البعض ومايفرقكم وادعيلي هل دعوه لان انا احب وحده واريده اخطبها

ضحك وكلي بفرحه

_لو تعرف شلون حبيتها وشلون حاربت الاجلها وشلون صارت كوه اليه بحيث الحد هسه ممصدك احنا مخطوبين وحتى عرسي قدمت السبوع الجاي

تدرين مريم فرحت من كال هيج وهو فرحان ثقي بااالله فرحت اكثر منه ودعيت ربي يجمعني بيج باقرب وقت وانشاء الله بهاي نزلتي اجي اخطبج
حتى خطوبتي وخطوبة اخوي نفس اليوم

.....
عقيله

.
#دوحة_التدبر

( إِنَّ اللَّهَ مَعَ الصَّابِرِينَ ).

في هذه الآية بيان لفضيلة الصبر وهي أن
الله مع الصابرين بتأييده ونصره وتوفيقه .
فكن مطمئناً أيها الصابر وأبشر بكل خير لأن الله معك .

.
طلعنا من الغرفه انا وسيد مهدي، كل جسمي ارتج واشوف سيد علي عيونه بيض مفتوحه وحلكه ازرك لاحس ولا نفس والعلويه زينه شايلته بين ايديها وراها ام سيد مهدي وسيد باقر وام عامر ومنتهى اشوف الكل بس ظلال حركت ايدي اريد اجره اخذه الحظني

بس سيد مهدي سبقنا بحرفيته كا طبيب ومتمرس مدد ابني للكاع،ورفع راسه وبأيد ترجف واللسان يرتل دعاء

‏اللهم لا تبتلينا فيما لا نستطيع عليه صبراً"
صبرٱ من الله وهو المستعان"

بقى يسعف بيه وانا واكفه أبچيي وردد إلهِي بِـ فَاطِمة

الى أن اشوف ابني جر نفس وشهك اوليدي ادموعي بعدهي تنزل جنت واكفه
من رجع الوجهه والجسمه النفس بعد رجليه ماساعدتني
وكعت ماحسيت شي اريد ادعي ربي انا يتيمه ونظلمت ماريد اشوف قهر بعد ماضحكت أليه الدنيا

فزيت اصرخ لكيت نفسي على الچربایه ویمي سيد مهدي يهدي بيه

-بسم الله ياامنا الزهراء شبيچ حبیبتی

..
‏وشعرتُ بأن رقّة قلبه كالطمأنينة الدافئة التي تحتضنُني عندما كان كل شيءٍ حولي يُشعرني بالفزع .

لزمت ایده ابوسها

-مولاي داخله على الله وعليك ابني وليدي علي وييين
لاااادگول صار بیه شي گول زین وچنت اتحلم انت ما تچذب وحشاك من الچذب

جرني الصدره باس راسي يمسد على شعري والسبحه الي بيده طكطكتها على راسي

گالي

-اهدي احبيبه اهدي انشاء الله خير ماابيه شي سيد علي
مثل أبوه يحب امه

أتدري كم ذكرتُك في دعائي.. وما بين الصلاةِ إلى الصلاةِ
وفي صُلبِ الحديثِ حديثُ نفسي ..ومابين الغداةِ إلى الغداةِ؟

كتله

-عفيه هسه وين ووينه ابني مووزين متاكده

-لاااا حبيبه زين اصلا يم جدي كاعد يلعب شطرنج اندري جدي شيحس من يلعب طفل بعده مصاير تلث سنوات شطرنج

تنهدت شفت الصدق بعين سيد مهدي شبكته حييييييل
ودموعي مسحتهن بثوبه الابيض بعد وجهي وبقى يباوع

كان ولا يزال حبيبي
وسيبقئ أسمك أول الحاجات

كالي
-سلامتچ مووو گتلچ مااارید هاي العيون الزرگه تبچي

-ابني اريده مو بيدي اريد اروح اشوفه
كام وراح للكنتور

-يله حبيبه كومي بدلي خلينه نروح للطبيب حجزت اله
نغير علاجه وهسه عمه زينه اكيد كملت تبديله لاطلعين اله هسه مااريد يشوفچ هیچ وهو طفل راح یحس انو هو بیه شي يله حب ستعجلي

كمت على سريع لبست تراك رياضي،والحجاب والنقاب والعبائه وسيد مهدي لبس ثوب اسود،وخلى الغتره الخضره على چتفه،مشط شعره ولحیته وگفت یمه ولآول مره یسوي هل حركه كلي

-قارورتي خلينه ناخذ سلفي

ابتسمت جيت اشيل النقاب كلي لااا لاا حبيبه هييچ ارید
حتی اخلیها خلفیه

و أسترها عن أعين الرجال ؛
إن المُحبّ لمن أحب غيورا

نزلت النقاب لزمت ایده وهو خلی ایده علی چتفي رفع
النقال اخذ سلفي ولان ميعرف داس زر الاطفاء ضحكنا
ودنة عليه وشال بوشية

وابتسم يحضني
_ فدوة لضحكتج قارورتي هسة أرتاحيت من ضحكتج نورت وجهج هبطت عليج من وكعتي روحي راحت
يا سند روحي وضواية ويا شمعتي

جاوبته
-سيد روحي غابت من شفت ابني هيج وضعه
مد يده ورجع بوشية وباسني بكصتي

_اشششش انسي خلينا نكمل
رجع شغل النقال واخذنه سلفي انا وياه انا بنقابي وهو بثوبه الاسود وغترته

صوت ضحكات سيد علي من اول ماكمت ودي افتح ألباب واطلع اله، بس مااريد اخوفه بلهفتي وهو گلبه تعبان

عافني السيد وراح فتح والكى سيد علي كاعد على الكرسي مقابيل الغرفه،ولازم سبحه،يدير بيها يسبح

عندما يكون الزّوج والزّوجة في البيت ودودين ومتحابّين، فإنّ هذا الجوّ المفعم بالمحبّة والعاطفة سيمنحهما الطّاقة والقدرة على متابعة حياتهما.

من شافني سيد علي

كام ركض عليه نزلت عليه اشبكه هو اخذ ايدي يبوسها

-حبيبي سيد علي هنانه منتظرني يمه وليدي بعد أمك وروحه ليش مادكيت الباب
هز راسه وكال

-ثيد كال
ضحكت على حچایته شبگته وعیني السيد مهدي عرفت هو كايله
كمت لازمه ايده كتله

-يمه ياروح امك كوول بابا ليش دكول ثيد اقصد سيد
-بيبي بييي
ضحكنه شاله سيد مهدي طلعنه انروح سيد باقر لاكاني يم الباب كلي

-شنهي يبويه خوفتينا علييچ حمد الله علی السلامه

-الله یسلمك جدو

جاي نطلع ام عامر همست

-بخت عليك يامهدي تمشي بحيل صدر وبيدك ابنك ولازم مرتك وابني جووه التراب

التفتت عليها والغصه بلعومي الى متى أسكت على هذا النك خايفه على عائلتي من وراها هي ومنتهى كتلها

-عمه ميصير ترى الحسد يأكل الحسنات كما تأكل النار الحطب"

عاطت بصوت عالي وتهامش بديه تريد تلوحني
-عاااا حقييييييره ولچ فوووووك نكبتي بابني وفووووك
قهررري تگوليلي حااااسوده وينك ياسيد بااااقرررررررر الحك عليه
اجى سيد باقررر گال

-شكووو ياساترر شكووو
سيد مهدي التفت اليه بيده سيد علي گال

-مرتي ويايه تمشي يمتى اجت يمچ وشلون تردين تمدين ايدج

-ماااجت بس ندستني وانا كاعده منتظرتها وعايفه بيتي
حتى أكلها حمدالله على سلامه تالي تكولي حاااسوده
انااااا انااا

سيد مهدي ايده مأذيته وسيد علي شويه تارس هو شايله گالها

-ولوووو متاکد من مرتي مووو اخلاقه بس راح اسألها الخاطر عيون جدي گلي

-ام علي صدك كتيلها حسوده
حرت شجاوب ومااكدر اچذب كتله

-موو هييچ والله مو وحدي كتلها هي گالتلی
اجت ام سيد مهدي عاطت

-گووووولي انتي كتيلها حسوووده هاااا
جاوبت

-اسفه والله اسفه بس هية الحجت اول جاي اريد اكمل ومااحس الااا ايد
ضربتني راشدي احس اذني وشت

‏الإنجاز الحقيقي للمرء في يومه؛ أن يمرّ عليه اليوم دون أن يعصي الله او يذنب
أن يُصلّي الفروض في وقتها،أن لا يُقصّر في ورده من الأذكار والقرآن، أن لا يغتاب مسلم، أن يحفظ جوارحه من الحرام..
إن كنت كذلك فسلامٌ من الله عليك إنك واللهِ لـ مُضاء بنور الله حتى وإن داهمك الهم فسيجعل الله لك مخرجًا!
#اقتباسات

ف‏كل الذين تورطوا في حزنك سيضيق الله صدورهم .. ويسخر لهم من يؤذي قلوبهم .. ولو بعد حين !!

#يتبع