صورة فرح 🤍👆 .
شَاهَيَنَةٍُةٍُ نَذرَ ۦٰ ͢˓الَحَوًّاافَيَ🕊 - ⁽💜
..البارت 18..
elma-98
تگول نَظر .. من إعتاد الصمت يرتجف أثناء الكلام.
...
مِن كُل مَكان يضيق علينا و نكره كُل الأصوات ماأريد أسمع شي وما أريد اشوف شي وماأعرف شنو أريد وعيني تحرگني مِن الدمع وين نروح ساعتها ؟!
مِن تمرنا هذهِ المشاعر المكروهه مِن تقتحم ارواحنا التعبانة البريئة وتعبها اكثر مِن تخلينا بحيرة شنو نسوي وهوووااي أشياء تخلينا نمِر بيها شلون نتخلص مِن هذهِ المشاعر التحطم الواحد داخلياً وتتآكل بروحه مثل النار من تاكل شي
وين نررروح شلوون نتخلص منها لو إحنا مجبورين نعيشها
ألم باد الألم بالروح
صرت مثل اليحط حاجوز صبعه بعركة سنونه !
من حتى النوم يتخلى عنا والأرق يصيبنا وحتى لو گدرنا ننام راح تتبعنا بأحلامنا وين نولي وشيخلصنا من هاي المشاعر الكرهتنا بأم حياتنا خلتنا ناس متوحشين نحمل الكره اتجاه انفسنا واهلنا واتجاه كل شخص نحبه وحلو بحياتنا وتحكمت بينا وخلتنا نِكره ونكَره المقابل بينا ربي من وين يتلگاها عبدك من الم المفاصل والجسدي لو من الألم النفسي
ملينا من المظاهر والتمثيل والتصنع بقينا نباوع لكل شي بنظرة باهتة وكأن مايسوى والكلام يبقى بداخلنا صرنا نمتلك ستين الف مزاج بستين ثانية نضحك كذب أيامنا كلها صارت تتشابه گلنا عليها فترة وتعدي صارت روتين افكارنا عبارة عن سلبية احلامنا كلها صارت مستحيلة وبعيدة عنا مثل بعدنا عن النجوم واقعنا عبارة عن شيء لايستحق
”نظرة باهتة ، كلام داخلي ، مزاج متقلب ، ضحكة كاذبة ، أيام متشابهة ، افكار شبه سلبية ، أحلام مستحيلة ،واقع عاهر فعلا“.
تمنيت ارجع صغيرة كل همي شلون اخذ فلوس حتى اشتري باربي والعب بيها حتى اشتري چيسين چبس ونستلة واسوي عزيمة وي البنات كل هذا همي بس تمنيته الله ايام الطفولة النسلبت من عدنا شگد حلو من چنا نشوف ابسط الاشياء
فرحة وعيد بالنسبة النا من نحصل عليه من جنت اروح وي بنات
نلعب بالمرجوحة اكبر الم الي من اوگع وانجرح بركبتي اضمده ويطيب بس هسه وين اوووووف تجر اوووف
زغار چنّا
وكل شي بعيون الزغار يصير جنة
يا مراجيح الهوى لوحن گمرنا
يا دواليب الخشب
رجعن عمرنا ..
بعدد الصار كلَه ماتحملت احد كرهت منتظر وليث وحازم ولازم ورسُل وكل أصدقائي وكل اليحبووني وحملتهم ذنب شي هم اصلاً ماألهم دخل بيه .. سانده راسي ع تاج السرير ودموعي تنزل بهدوء بعد محاولات للنوم باتت بالفشل انفتح الباب ودخل ضوه للغرفة غمضت عيوني ماأريد اشوف اي ضوه عرفته ليث من ريحته حيرزل ويهين ويطلع بقيت مغمضة منتظره رزالته لكن فاجئني من سحبني الحضنه وبقى يواسي بيه توقعته كرهني خاصة بعد الصار بس ثبتلي ان هو فعلاً كفو واحرجني من تصرفاتي اتجاهه لأول مرة اخجل من تصرف الي ابتعدت عنَه من دخل مُنتظر
ليث : تجون يمنا تبقون
منتظر : مشكور ليث ماتقصر نروح لأوتيل ومكان الله واسع
ليث : منتظر مقدر وضعك وحقك الصار مو قليل بس ماعوفكم تدهورون بالفنادق والدنيا اصلاً ليل تعالوا يمنا
منتظر : كلامك صح ماأگدر اخلي نظر بوحدها من اطلع اخذها يمك واني ادبر روحي
نظر بدموع : وين تخليني وحدي؟
منتظر : مو اروح اشتكي حتى نعرف شي عن اهلنا بعدين واثق بليث ماتتأذين يمه
ليث : تجي وياي بلا كلام
.. ضغط عليه وقبل نروح كُلِش كبر بعيني بعد موقفه واصراره حسيت ليث لخ مو نفسه هذا الينتر ويصيح
رجعت بذاكرتي للصار
صبرية : راسم هاي طولت لسانها وتقاوت بليث كامت ماتنلزم
راسم : شسوت؟
صبرية : تطب وتطلع تغلط تعاركت وي حازم اليوم
راسم : حازم اليعتبرها مثل رسل
صبرية : ايي غير اني امه لعد تريد يسكتلها وهي تجاوز عليه
راسم : شصاير؟
صبرية : منين درت هي كاعدة بحصتهم بهذا البيت
نهض بفزع : ولج شلون عرفت بس لادرت اني ناهب خير ابوها
وكل شي بالبيت يرجعلها هي واخوها
صبرية : ماأعتقد بس تدري هي الها حصة بالبيت
راسم : ها .. اني كلت المُنتظر الك حصة حالك حال ولدي حتى لو اني متبنيك وبس مربيك بس گدام العالم انتَ بأسم ابوك زيد الله يرحمه الله اليعلم شگد متفضل بوكت الجنت اشتغل عنده لو ما أمك اخذت كل الفلوس وتزوجت وشافت حياتها جان انتم عايشين احسن عيشه
و من هذا الحجي وهو خجل كال ماريد مو گتلچ ذاك اليوم
ع هالحجي .. همَ من يدرون احنا مابينا وبين عمامهم "عشيرتهم" صلة شيسون ؟ ..ليث تقدملها ع معرفة العمامها من خلال اخو يعرفهم بس اسم ويدري اني جنت رفگہ وياهم وهي يتيمة بس مايدري امهم بعدها لهسة عايشة وي اخوتها ومن هذا الكلام يدري بيها متزوجة حاله من حالهم وعباله ماخذه حصص جهالها وذابتهم ع اخوتها وعود اخوتها نطوني ياهم غير هالكلام مايعرف ديربالج يفلت لسانج بكلمة منه خوش
صبرية : خوش لعد بس هي يراد اعيد تربيتها نخطبت اجباري لو نجلبت عليه فوك ماخليتها تحصل قسمة خير
...
باوعت للواقع ليث ومُنتظر يمي حجيتلهم كل هذا عدا
انجباري ع ليث ماردت اجرحه واحرجه
نظر : كل هذا الصار مُنتظر
منتظر : اعرف دريت من الولد سامعين الهوسة الصايرة بينهم وراه ماسامعتهم انتِ
.. ابتسمت بألم
مجربين شايفين من تكون مختنك والحسرة بداخلك چبيرة والالم اكبر بس تضطر تكون مبتسم وتبين قوي ومايهمك شي حتى لاأحد يسألك وحتى وحتى ..اللخ
هذهِ اني مقابيل مُنتظر وليث ربت ع كتفي
ليث : يلا
نظر : شنو؟
ليث : نروح
نظر : وين بهذا اليل ؟
مُنتظر : لعد ليش مرحنا لأوتيل لأن الدنيا ليل يلا روحي انتِ وي ليث واني اكمل كم شغلة واجي وراكم
نظر : واغراضنا
منتظر : اني ورسُل نجيبهن
نظر : ماأريد رسُل
منتظر : نظر هي ماألها دخل وانتوا اخوات دائماً هيچ تگولين
ليث : اني انتظرچ بالباب لعد ..طلع باوعت المُنتظر
نظر : مو اختي
منتظر : ماألها دخل بسوالف اهلها
نظر : وانتَ من شوكت حبيتها مو من اجتها خطابة گالت اني احبك وانت گلت هي اختك لحد اخر مشكلة بينها وبين زوجها لأن تحبك وانت ماحبيتها
منتظر : احبها كأخت لا أكثر ولا أقل إذا دافعتلها مو يعني احبها حب تكون زوجة الي بعدين اني بعدني ما حامل مسؤولية نفسي حتى اخذ بيت وزواج كل عمري 21 شنو شايف من حياتي غير القهر وهذهِ سالفة الحصة كلها كذذذب بكذب طلعت من وين تلگاها ..ابتسم وگال .. بشرفچ من تشوفيني من بعيد شگد تگولين عمري؟
نظر : اقل شي 25 تطلع واني برأيك مبين عليه التعب لو لا
منتظر : لا انتِ شگد ماتعبين تبقين اميرتي الحلوة وبعمر واحد تبقين بعيني بنت ال14 ماصار تغير خارجي بشكلچ ابد وبعدچ بيبي فيس
حضني وضحك
نظر : شهالغزل يمعود عندي جفاف
منتظر : ليش ليث مامسمعچ
نظر : ولي مُنتظر .. بشرفك اليشوفنه يگول توأم شوف سوالفك سوالفي
منتظر : شوف شكلچ وشكلي ..شبيها سوالفي؟
نظر : عبارة عن انحراف وطيحان حظ ..شبيه شكلي؟
منتظر : تخبلين مابيچ شي يلا تجهزي ونزلي عيب ليث منتظرچ
نظر : تمام حبيبي لاتتأخر وانتبه من تسوق
.. هز راسه غيرت ملابسي اخذت كم قطعة واغراض بجنطة صغيرة ونزلت جانت گاعدة بالصالة هي ورسُل من شافوني گاموا مريت من يمهم ووگفني صوتها
صبرية : رسُل تدرين خسرت خدامة زينه
رسُل : الف استغفرالله يمه لاتتجاوزين ..نداريت عليها ورديت
نظر : إذا اني خدامة ينظرچ انتِ بنظري حذاء اشتريتها من البالة لبسته واذاني معلومج مو اصلي مشيت بي كم خطوة ونشك وذبيتها هذا قيمة الي عشته وياچ لا أكثر ولا أقل هذهِ قيمتچ خالة
من دون ماأسمع شي طلعت للباب من شافني سد الفون حطه بجيبه واخذ الجنطة من ايدي
نظر : اسفة تأخرت عليك
ليث : لا عادي صعدي ..وصلنا البابهم حسيت بالنفس صعب عليه
جريت نفس قوووي ووجعتني ضلووعي
ليث : إذا تردين نروح البيتي إذا ماترتاحين او تحسين بشعور لخ ..تمنيت اگوله ايي ماأعرف ليش مگلت ايي عبالك عاجبني
اتعب أكثر أو ماعندي ثقة بيه؟!
نظر : لا عادي بس خاف هم مايرتاحون ..ابتسم
ليث : والله ماتدرين شلون منتظريچ
نظر : يعني
ليث : متحمسين الجيتچ
نظر : خوش لعد
ليث : يلا ننزل .. نزلت واني متأملة خير بحياة مؤقتة ماأگدر اگول جديدة كُلياً لأن مصيري غير محدد خاصة هسة ماكو شي يمنعني من الانفصال عن ليث وممكن تظهر شخصيات جديدة بحياتي من ضمنهم المرا الجابتني فمو لازم اتعود واگول حياة جديده كلياً انما هي مؤقتة وممكن منتظر يلگه حل لخ خليت كل هل احتمالات حتى لاأتعود !
خطيت اول خطوة بصف ليث ودخلنا البيتهم وماأعرف شنو منتظرني بقيت افرك بأصابيعي واطگطك بيهم دليل ع توتري
ليث : مو كافي
نظر : شنو؟
ليث : توتر ..كتفت ايدي الصدري وهزيت راسي طبيت الصالة كلهم گاعدين مبين ليث منطيهم خبر من شافوني گاموا كلهم
ردت اگللهم جلوس ماما اخذوا راحتكم بس وضعي مايسمح للشقة ..
نظر : السلام عليكم
: وعليكم السلام .. اجت امه عليه
ناهد : هلا بيچ ..ابتسمتلها وگعدت وي ليث سألوا عن حالي وگاموا حسيت نفسي جنت بأجتماع الصفقة مهمة الحمدلله سويت شهييق زفير من استنشقت صار عندي وجع بصدري
نظر : اه ..لزم ايدي العلى صدري
ليث : اسم الله شبيچ؟ ..ماأعرف ليش توترت سحبتها
نظر : لا مابيه ..رن فوني مُنتظر
ليث : مُنتظر؟
نظر : ايي
ليث : اخذي راحتچ إذا تردين اوصلچ للغرفة اني رايح ادخل مُنتظر
نظر : اريد اشوف مُنتظر
ليث : اوكي .. دخل هو و مُنتظر رحت ع مُنتظر حضنته
نظر : تأخرت
منتظر : أجيت تمام روحي نامي فات موعد نومچ
نظر : اوك تصبح ع خير
ليث : تعالوا وياي اوصلكم الغرفكم
نظر : غرفكم !
ليث : ايي اغار عليچ تنامين يم مُنتظر
مُنتظر بضحكة : 21 سنة نام سووا هسة بكل بساطة تريد تفرقنا
ابتسم ليث : ماعاش اليفرقكم بس ماأتقبل خطيبتي تنام يمك بنفس الغرفة وغرفتي موجودة
نظر : بس اني ماأنام بغرفتك
ليث ؛ منو الگال تنامين بغرفتي
نظر : انتَ
ليث : گلت ماأتقبل إذا نمتي بغرفة مُنتظر بس تنامين بغرفة وحدچ عادي
نظر : ها اوك ..دخل مُنتظر للغرفة وصلني للغرفة
ليث : تفضلي إذا تحتاجين شي غرفة يقين هذهِ او اتصلي عليه
نظر : تمام..دار وجها ..ليث
ليث : ها
نظر : شُكراً ع كل شي
ليث : الشكر الله
..ابتسم وراح دخلت الغرفة باوعت للساعة 12 وربع
تخربطت نومتي بعد شينومني يالله اذا ابچي هسة منو يلومني
بس فجأة حتى دموعي خبثت عليه وماقبلت تنزل فتحت فوني بقيت افتح بيه واسده ودايحة من تطبيق للخ اذن الفجر ولأول مرة احمد الله لان عليه الشهرية والا حرت شلون اطلع اتوضا واصلي طلعت الشمس الساعة 9 الصبح بديت انعس بس مگدرت انام ندك الباب
نظر : تفضل.. دخلت يقين
يقين : صباح الخير
نظر : صباح النور
يقين : إذا تحبين تعالي تريگي
نظر : تسلمين
يقين : ربي يسلمچ تنزلين لو بعدين
نظر : اني مامشتهية اشوف اخوية و .. سكتت
يقين : تمام حبي اخذي راحتچ
نظر : مشكورة مرة لخ
يقين : الشكر الله ..طلعت
نظر : استغفرالله عائلياً ذوله كلهم نفس التصرفات والكلام شكيت بيهم كلهم توأم وشخصية وحدة للحظة اني ومُنتظر التوأم مو هيچ نتشابه لا شخصية ولاتصرفات ولاشكل شبه قليل البينا وصلني مسج من ليث
ليث 💬..گاعدة؟
نظر 💬..بكيفك
ليث 💬..گاعدة لعد انزلي اكلي امي گالت ماأكلتي
نظر 💬..لا تسلم مامشتهية مُنتظر گعد؟
ليث 💬..براحتچ ..من زمان وطلعنا سوية
نظر 💬..لا يانذل واني منتظره يگعد
ليث 💬..انتِ وياه بعد
نظر 💬..اخذ راحتك الباب يندك
ليث 💬..اكلي رجاءً
..فتحت الباب دخلت يقين بيدها صينية فواكه و بيض وجبن وچاي عرفت هو الدزها
نظر : ليث دزچ؟
يقين : هههه ايي شلوون عرفتي
نظر : عرفت
يقين : مو طبيعين أنتوا عايشين بداخل بعض ..حطت الصينية ع ميز
نظر : شلون يعني؟
يقين : اتصل بيه وگلي انتِ مماكله اخذلچ اكل وانتِ عرفتي هو الدزلچ
نظر : ممكن لأن نتراسل .. ضربت جبهتها
يقين : ها صح راح عن بالي
نظر : ايي بس اني مگلتله
يقين : دوختيني يمعودة هههه
نظر : هههه مشكورة ع اكل بس ماآكل كل هذا اخذ تفاحة بس
يقين : بشرفچ ! ليش عود
نظر : ايي والله..
يقين : منايمه ؟
نظر : ايي مگدرت انام لان عدت ساعة نومتي لازم انتظر الثاني يوم
يقين : صدك عود وليش هيچ تسوين بنفسچ !؟
نظر : مو متقصدة هي عيني متاخذ نوم يعني ابد مانعست
يقين : تمام اعوفچ براحتچ
نظر : إذا ماعندچ شي ابقي هنا
يقين : اوك اخذ الصينية واجي ..راحت ورجعت
يقين : ليث گللنا ع صار بيچ تعرفين
نظر : ايي اعرف
يقين : أن شاءالله تلگون امكم وترجعون لحضنها
ابتسمت بأستهزاء : أن شاءالله
يقين : احچي
نظر : شنو؟
يقين : احچي عيشتچ شلون جانت
نظر : الصراحة الله يعلم ماجانت تضغط عليه بس بالشغل ومو دائماً بالأيام الأخيرة نجلبت
يقين : لا والله حرمتكم من امكم علمود كم فلس وتگول ماضغطت بس بالشغل بنتي السوته مو شوية شوفة الام عافية وهي حرمتكم منها ومن حنانها والله يعلم شنوو حال امكم هم شلون هيچ تحچين وتحبيهم
نظر : رسُل وحازم ولازم اخواني همَ ما الهم ذنب بالصار كل شي ذنب اهلهم
يقين : والله مدري اني مو من عادتي احكم ع شخص من دون مااعاشره
نظر : لعد واني
يقين : أنتِ مبينة نيتچ انتِ طيبة لدرجة السذاجة والغباء يعني مستغلين طيبتچ
نظر : اني طيبة ! والله ماتدرين بيه شنو
يقين : ايي بلي اني بيومين عرفتچ ليث اكيد حافظچ
.. ضحكت باستهزاء حافظني هو خل يشوفني ايعع مزعج
ندك الباب ودخلت زوجة هيثم
روان : سلام صباح الخير
: صباح النور ..ربتت ع كتفي
روان : تهون لا تشيلين هم
نظر : أن شاءالله ..كعدت و اردفت
روان : تدورون اهلكم لو لا؟
نظر : امي بس بابا ميت
روان : الله يرحمه
نظر : يرحم امواتج
روان : إن شاءالله تلكوها بأسرع وقت و ينلم شملكم و لاتبقون ثگل
ع ناس ..ابتسمت مجاملة
نظر : إن شاءالله مشكورة ..
يقين : ثگليش نظر هذا بيتها اول و تالي و منتظر اخونا مماخذ غرفة واحد بينا و ماندري بيه هنا اجه اخر الليل وطلع من الغبشة وي ليث لو مَيخابر ما ندري بيه هنا ..بأختصار همَ مو ثگل الصدر الهم والعتبة النا .. ابتمستلها و طلعت زوجة هيثم
نظر ؛ مشكورة كلبي
يقين : شهالكلام نظر احجي جد اني .. حضنتها ممتنه..رن فوني معتصم
يقين : ردي اني طالعة
نظر : مشكورة يقين ..سدت الباب فتحت الخط
معتصم :الو
نظر : الو
معتصم : وين غايب الحلو؟
نظر : ببيت ليث
معتصم : خير صاير شي؟
نظر : بعدين احجيلك مالي خلك هسة
معتصم : تمام اخذي راحتج
نظر : ان شاءالله ..ندك الباب ودخلت ام ليث عدلت كعدتي
نظر : تفضلي خالة
ام ليث : اخذي راحتج ماما ..حطت ايدها ع ايدي..اسمَعي
نظر : وياج
ناهد : يجوز خطبتج من ليث صارت غصب عنج وماتعرفين بمُسلم وكارهتنا ..
نظر : لا حشاكم وكفتكم وياي كافية
ناهد : انتِ مرت ابنه صرتي هسة دنحجي
نظر : تسلمين
ناهد : ايي .. فَ التردينه يجرالج بس تلگين امج ..تردين تنفصلين وتعيشين حياتج مثل ماتردين اني وياج خطوة بخطوة تردين تصيرين زوجة الليث وأم المسلم هنيالنا عليج
نظر : ليث ..
ناهد : لا ليث كل هالكلام الله يشهد مايدري بيه ومايدري انتِ مجبورة اني عرفت من رسُل تنتظرج جوا تريد تحجي وياج
نظر : اني ممجبورة ع ليث قابله بيه وبمُسلِم بكل عيوبهم وحسناتهم
ناهد : والنعم منج ..بس من تلگين امج راح يتغير تفكيرج ويجوز تردين تعيشين حياة مختلفة ساعتها ارجع اعيد سؤالي الج وتختارين تكملين حياتج وي ليث لو تبدين من جديد
نظر : مشكورة خالة كلامج ريحني
ناهد : ادللي ماماتي ...ابتسمت ع طيبتها بعدها الناس بخير نزلت الرسُل وياها
رسُل : نظر
نظر : احجي التردي ع سريع اختصري عليه مالي خلك
رسل : الخاطر الايام والعشرة البينا
نظر : كلها حرام بحرام ماألها خاطر يمي
رسُل : بس اسمعيني
نظر : رسُل گولي العندج ع سريع
رسُل : اني اعتذر بالله محد من عدنا يعرف بسوالف ابوية حازم ولازم خجلانين منكم فدوة لاتعوفين خوتنا انتِ الوحيدة الاشكيلها همي ماعندي غيرج كل أيامنا سوا بفرح وبحزني بكل شي وياي انتِ واني وياج الخاطر ذكرياتنا لا تقسين
نظر : رسُل هسة كلبي نار وماأعرف شحجي وماريد اجرحج خل يبرد جرحي ونحجي
رسُل : اختي انتِ بالله العظيم مثل حازم ولازم غلاوتج ..
حضنتني وبجت ..اني رايحة
نظر : منو جابج ؟
رسُل : كريم نزل من الشغل وجابني ديربالج ع نفسج
نظر : ان شاء الله ..طلعت نزلت دموعي وراها
... انه حزني انقرا بقصتين
العمية الفاگدة التصيـح
عمت عيني..انعمت مرتيـن🖤.
...
شاهينة ..
فتحت عمتي موضوع وي خالة كلثوم
سهيلة : اكلج كلبي
كلثوم : ها عيوني
سهيلة : بنتج قطر الندى ماشفناها
كلثوم : ايي والله نايمة تعذريها ضربها الهوا من طلعت هي وشاهينة البرا
سهيلة : خطية ..ماعندج بس هي ؟
كلثوم : الحمدلله 2 غيرها ضيعتهم من صغرهم
سهيلة : يابه الله يساعد كلبج فراك الضنا صعب
كلثوم : هو بس صعب !
ام جلال : الف استغفرالله لاتدرين بيهم ميتين عايشين ضالة معلعلة عليهم لو ماخذ عمرهم عاد تبجين تدرين يم ربهم الا هسة لا همَ النايمين ولا الشبعانين كل شي ماتعرفين عنهم
كلثوم : الحمدلله ع كل حال
الحجية : وشگد عمارهم هسة
كلثوم : الولد مُنتظر 23 ونَظر 21
سهاد : الله يساعدج وقطر
كلثوم : 17
ام جلال: الله يحفظها ويگر عينج بيها وبلكي يلم شملج بالكبار
كلثوم : فدوة الكلبج ع هالدعاء الحلو
ام جلال : يمه جلال
جلال : نعم
عمتي سهاد : ماتجيكم هيج شكوات هالفترة من ناس مضيعين امهم غير
كلثوم : كل شهر اني ساكنة المركز من 17 سنة لليوم وابو شاهينة وياي كل شي ماكو
جلال : الله يساعدكم ويلم شملكم يارب
كلثوم : تسلم ابني ..رن فونه باوع البابا
بابا : خير؟
جلال : شكور، ان شاءالله خير الدفع بينكم تم ؟ ..
بابا : لا ،احجي وياه هنا من رخصتك
جلال : تمام ، من رخصتكم الصوت .. هلا ..خيرك صاير جديد بشغلك لو ..اعرف بالمصلحة ..تغيرت ملامحه الجد.. ايي اعرفهم اعرفهم ..عيد عيد شكلت اساميهم ..باوع ع خالة كلثوم وبابا ..ايي سهلة اتفق وي حمود أن شاءالله خير لا لاتخاف يمعود محلولة
..طلع البرا يكمل المكالمة
ام جلال : خير بيهم شي
بابا : لا .. حللنا شغل من جنا برا كلت خاف علموده طلعت بينهم همَ الولد
ام جلال : شنو الشغلة ؟
بابا : شغلة فلوس ما فلوس بالمحلات مو شي يخوف وهو من بنوا المجمعات وياي اخلاق الولد
عليا : منو شكور ؟
بابا : ليث مجمعات ال****
كلثوم : ها ابن صاحبتنا والنشتري من عنده الله يحفظه يارب خلق و أخلاق الولد ان شاء الله مابيهم شي ...
دخل جلال سألت خالة كلثوم
كلثوم : ها خالة بيهم شي
جلال : سالفة تخص مرته الله يحفظهم أن شاءالله خير
شاهينة : خالة هواي خفتي عليهم منو ذوله
كلثوم : ولج بيت ال** من رحنه نجهز اخذتي من عدهم الفستان
... تذكرت تعاركت وي البنية التشتغل
شاهينة : ها !عرفت المجمع
كلثوم : ايي والله همَ اصدقائنا من زمان مامنهم غير الخير
ام جلال : لعد انتوا مارحتوا الخطوبته هو مايفوت ويجي الفرحنا وحزنه وصحبانه ولا تهمه المسافة بعيدة
جلال : البنية من أصدقاء اهله كبل ماخذها ومسويها عائلية عزمنا ومارحنا
ام جلال : اكول
.. راحوا كلهم والبيت فرغ
كلثوم : يلا احنا هم نروح هاي كضتها نوم عود جبتها وياي عون
ضحكت : هسة صاعدة اكعدها ..قطر قطر
قطر : ها
شاهينة : نمتي صدك؟
قطر : ايي والله
شاهينة : هههه امج تريدج ترحون
قطر : تمام ..عدلت نفسها ونزلنا
قطر : سلام ياقوم
بابا : حرمتي القوم الجان هنا من شوفتج الحلوة
قطر : عمو لاتخجلني رجاءً
_ هههه .. حضنها بابا وباس راسها حسيت نفسي غرت عليه راحوا
بابا : بنتي شاهينة
شاهينة : بابا
بابا : لا تهملين دراستج
شاهينة : مهاملتها كُلهن امتياز ..ليش؟
بابا : داشوفج ملتهية بسوالف العرس
شاهينة : لا بابا دراستي اهم من كل شي
بابا : عفية بنوتي
شاهينة : بابا قطر علاقتك بيها قوية انتَ بس ابوية للمعلومة
بابا : هههه ادري هي مثل بنتي
شاهينة : بس مو بنتك
بابا : خوش
.. بدت التجهيزات بيتنا هوسة بهوسة المفروض باچر الحنة
متوترة ،خايفة ،فرحانة ،سَعيدة ، مغص بطني كل المشاعر مرتني بمرة وحدة ..
جلال : جزئي
شاهينة : ها
جلال : شبيج؟
شاهينة : متوترة شسوي هسة
جلال : ليش متوترة
شاهينة : شهالسؤال جلال باجر حنتنا انتَ مامهتم
جلال : لا
شاهينة : ولي ..سدته ضحك عليها رجع اتصل
جلال : منو اليولي؟
شاهينة : انتَ يعني منو !
جلال : لا والله
شاهينة : اي ..لك متوترة الباجر انتَ تستهزأ بيه
جلال : اشاقة وياج روحي انتِ ..لاتتوترين
.. بقى يهدأ بيه بالكلام ويخفي توتره عني
.. كملت كل شي لبست الفستان ونزلت الحفلة بالبيت
طرشت اذني الهلاهل كومة ناس ماأعرفهم ...كعدت ع كوشة
اجن بنات عمه يمي يضحكون فرحانين بعرسه واخته ..دخلت امه وبيبي يهلهلن ودخل وراهن ..گلبي وگف وتجمدت عن الحركة!
شكله كلِش عادي ملامح عراقية جداً
..أسمر ، عيونه بُنية.. حواجب ثخان ورموش ولحية خفيفة وشوارب
، فك حاد ، طويل ، جسمه عريض
كلِش عادي شكله بس بعيني شخص مُختلِف تماماً يجوز اكذب إذا گلت ماأشوفه احلى رجال بعيني بس هو رجال حلو .!
القاط الأسود وقميص أبيض وي الربطة شعره المرتبة بدقة سبحة لافها مثل الأسوار ع ايده ومحبس الفضة شذرته سودا وحلقتي الفضة بأصبعه
كل هالتفاصيل سلبت كلبي وفصلتها بين ماوصل الي ..
رفعني من اكتافي باس راسي وخدي
همس : حلوَة كلِش
شاهينة : انتَ تدوخ ..ابتسم وكعدنا لبسني الذهب والعادات مدري ايش
حط الحنة بكف ايدي وباس أصابعي ..
رجفت من ملمس شفته الخشن ع أصابع ايدي الترفة مثل مايگول
جلال : كلِج ترافة ...ضحكت
شاهينة : شُكراً ع مجاملة
جلال : حشا، الحك حجيت
شاهينة : ادريبك ع گولتكم كلك حك
... ضحك ورا مخلصت حفلتنا تونسنا كلِش ..طلع
شاهينة : باوع جلال
جلال : باوعت
شاهينة : لا تقلد ، باجر يعني العرس
جلال : ايي
شاهينة : مامتوتر
ضحك : شبيج ع لحظة تموتين
شاهينة : تررره متوترة
جلال : تمام ياجزء من روحي
شاهينة : بس جزء ؟!
جلال : روحي كلها انتِ ..بس لا معناها مايصير بيج شي مُمَيز
انتِ جزء منها
شاهينة : شلون يعني؟
جلال : اذا جنتي روحي الروح كلها عزيزة بس كل إنسان اكو جزء من روحه مفضل وانتِ الجزء المُفضل بروحي
شاهينة : ايي وشنو هذا الجزء ..تره عادي مستعدة لأي جواب
ضحك : عقلي انتِ شاغلته كله انتِ دماغي عيشتي مرتبطة بيج حتى من يموت كلبي تبقين بيه انتِ فكري وتفكيري وغايتي بغير مبرر
.. أبتسمت فرحانة بكلامه كدر ينسيني توتري نهيته وياه اجت ماما
عليا : بنوتي
شاهينة : ها ماما
عليا : تعالي اليوم اخر يوم سوا
شاهينة : إسم الله تره ماحموت ..ضربتني
عليا : بعيد الشر يلا ..نزلت شافني بابا مسح طرف عينه وابتسم
بابا : هلا بأميرتي
شاهينة : هلا بيك روحي
بابا : تعالي لحضن ابوج ..حضنته وهمس..باجر بنيتي بحضن رجال غيري بنتي صوني نفسج وزوجج وابقي رافعة راسج ...
بقى يوصيني بكلام هوايي هو وأمي وماخلوني أنام بغرفتي
نمت بغرفتهم بينهم مثل بطفولتي بابا ع يمنى واني بصفة وع يسرى ماما
..نمت بأمان فرحانة مَحاسبة حساب المستقبل ولا خايفه من خبايا !
گاعدة ع كوشة الكُل يركص صوت الأغاني عالي وترني علت الهلاهل والاهازيج تدل ع وصولهم گلبي رتََعد ..قطر لازمه ايدي
همست : حبيبتي زواجة الدهر تشوفين كل الخَير أن شاء الله
تعذريني الناس غُربة
شاهينة : كفيتي ووفيتي ندوش
قطر : حبيبي .. راحت وي دخلتهم
سلمني بابا ودموعه تلالي بعيونه وهو يوصي بكلمات مانساها كل عُمري من أعظم رجال بحياتي وابد مامتوقعه الراح يصير
بعدين من هالرجال ؟!
لزم ايدي جلال من ايد بابا اخذها وطلعنا من عتبة بابنا وبدت حياة وصفحات جديدة من حَيأتي ماأعرف شضامتلي خير لو ..؟!
"إن النّساء اللواتي مُنعنَ من الرّكض، سيلدنَ نساءً بأجنحة 💜"
#حبكم_تره_اني♥️
لاتنسون دعموني بتصويت ⭐ وكومنت تقدرون تعبي 😍
حساب الانستا روح گلبي 💕