عشق المومنين(أبناء الساده)

البارت الثالث من ج2

السلام عليكم ...
....عشق المومنين..
..الجزء الثاني أبناء الساده....

غفران......
قبل لا ادخل للدائره تلاكيت ويه خديجه كالت

-هاااا ست غفران بعده دفاعج المستميت على العبائه ومن كم يوم لكو ام العبايه شارده هي وصاحبها
سمعتي هذا الخبر لو مسامعه طلعت العبائه مجرد قماش يسترن بيه اغلاطهن.

درت وجهي الها استغفر ربي لا احط الحركه بيها

-شوفي ترى واصله الخشمي واعرف شنو غايتج من اسقطين بلي تلبس بلعبائه وعسى ماسمعتي خبر موزين عن ام العبائه اله اجيتيني ركض

-اي طبعا محسوبات عليج انتي وامثالج

-حبي انا او امثالي مسوين عله بيج وبامثالج لان ماشين صح وتردين تغطين على اغلاطج بهذا كلامج

-اي اغلاط تقصدين هاااااا شنوو اشايفه هاااااا

جاوبتها

-لا ترتبكين ولا تتوترين ترى لا جاي احاسبج ولا جاي انبهج كل انسان عقله براسه وكل انسان يتصرف بحريته الشخصيه

-هااا شنيه تقصدين

-الاقصده انو العبائه مو مجرد أقماش اسوَدا أُسدله عَلى اجتافي...العبائه هيَ آمانةُ فاطِمةعليها السلام وجِلبابُ سيدتي زَينَب، العبائه  دليل على اني من فَتَيات البَتول عَليها السلام .

مشيت خطوات منها صاحت

-غفررررران

درت الها

-كولي

-ماكو شي سلامتج

دخلت للغرفه لكيت مريم كلش مقهوره كعدت يمها

-هااااا مريم شكوو

-الخطوبه تحددت وقرو الفاتحه يعني كلشي كمل

-زين بعد ارضي بنصيبج شنو تسوي

-ماااكدر الي بيني وبين رعد اكبرررر لو اسولف الج جان كلتي حقج

-اي سولفي عسى الكى ثغره تساعدج وذا مكدرت ربج كلشس محدده ومقرره النا هو خير

ولك عند الله خيراً يُؤجله حتى تتهيأ ظروفك ‏لأستقباله فلا تظُنّه ناسِيك إن تأخر...

-شوفي غفران اسولف الج شلون اتعارفنا وشلون جنت عرمه قبل وشلونه هسه صرت حبابه بسبب اسلوب واخلاق رعد

-بله دنشوف هل رعد الخابصه الدنيا بيه

-انه من دون اخواتي كملت اعدادية تجاره سجلت مدرسه وعمري خمس سنوات بلبتدائيه وحتى مايبين اكو غش بلعمر وداوم ويه اختي سوه كبرو مواليدي سنه المهم اختي اصلا ماحبت الدراسه للمتوسطه وصلت بدفعات وتواسيل وتركت  تالي

بعدها نا صرت اروح اروح وحدي للدوام،ومرتاحه لان اريد اصير شي مهم بلحياة

بس ابوي معارض فكرت البنيه تكمل دراسه ناس قبل  بعد وتفكيرهم الي يوكف ويايه اخويه سلمان

فا يسكت ابويه مني لان يحبه بدا ابويه يزوج خواتي والقسم زينه لان انسان معروف باخلاقه ودينه بين الناس

قانون ابويه البنيه من خواتي مجرد ماتصير عمرها ١٤،١٥يزوجها لان يكول حرام عليه تبقى عندي ابنيه تغسل(اي تحيض)
اخوي سلمان الله يحفظهة ويخلي  رافض الفكره
لكن يقدس والدي مع ذالك
يجي يسال خواتي هل انتن قابلات تزوجن اذا شاف موافقه يوافق على زواجهن حاول والدي يخليني حالي حال خواتي اترك الدراسه بس اخوي فدوة العينه  صار ويايه لان شاف انا عكس خواتي احب ادرس
كملت اعدادية التجاره وانا عمري ١٧  بس مبين عليه ضعيفه وناعمه جسم

ورغم بلجنسيه معنون عمري  غير شي
وانا مرحلة الثانيه بتجاره صرت اساعد اخوي بجرد سجلات الايتام ولان شافني قويه بهيج امور صرت اداوم هنا بسبوع مرتين لذالك طول السنه ماجنت اجاملكم لان شغلي اساعد اخويه فقط وارجع

هسه من تخرجت هاي السنه كلي مادام صارت عندچ خبره بترتیب السجلات،والجرد ألشرکة مالتي اخليچ بیهامجرد مانکمل تآسیسها

-شرکه

-اي شركة او هي مكتب  بيه مجموعة محامين كلمن ومكتبه والقضايه الخاصه بيه انه راح اصير سكرتيرته

المهم  رعد مو شخص عادي حتى أتكولين شلون حبيته
رعد حتى اول للقاء بينا چان للقاء عفوي،غريب

-اشلون التقيتو كولي

-هو جايه بسالفه انا طبيعتي مااحب اسولف ويه اي شخص وضعي  الجنت بيه
وتشدد أبويه  أتنجب اي واحد حتى لو بعدني صغيرة

فرجعت تعبانه من الدوام وجوعانه كل مرة ابوي
يوصلني بسيارته لان اعدادية التجاره بعيده كلشششش عن بيت أهلي
بقيت امشي الشارع وخلك ماعندي

والدنيا اشويه عصريه كلش لان،شتا،ومقهوره من بابا يريد يبطلني وابو الاشبال يجادل وياه كل يوم علمودي
واسمع واحد ورايه يصيح

-يااأاا بنيه يابنييييه من رخصتچ

درت وجهي ضايجه منه ماحچیت بقیت امشي وهو لحكني صار يمي

كلي بذوق وادب
المجسر الرئيسي وين دليني بين ماانتي تمشين وبعدها انا اعرف المكان

كتله بملل

-اذا انت تريد تخطفني ومسوي نفسك ضايع ترى انه محد بحاااالي ابد حتى فديه ربع دينار ماينطوك يعني ايس
ضحك بصوت عالي

-ههههههه اخطف
جاوبته

-الشريرين بضحكون عادي مثل الناس زين ليش الاخبار تسويهم مرعبين

-اضحك على  حچیچ

-تری مااحاچیه نگته ولا انا مخبله

-يعني اكوو ابنيه تحچي ويه واحد هيييچ یااما خبله یاا
اما موطبیعیه

-هاااا

-وعلاااااااااه يعني بربج انا رجال تايهه واريد اندل وتعرف على المكان لان ساكن بلجديد هنا
اقصد سكنه بكربلاء من ايام ولهسة  مااعرف الطرق وين

زين انتي تفكرين اخطفج

-اكيد تخطفني وتاجر باعضائي

-لااااااه مااخطفج  اول شي انتي طفله يعني ماراح استفاد منج ابد ابد ابد ركزي على كلمة ابدددد

ثانيا ضعيفه كلش عبالك جايه من جنوب ارتيريا يعني حتى مايفيد ابيعچ اعضاء لان هيچ ضعف اعتقد ماعندچ ولا عضو

-الحمدالله والشكر رشيقه مو مثلك عندك كرش

-انااااا عندي كرشششش ههههه

-اي هاااااي شيسمونه

-هذا مو كرش هااااي معده

-خوش ياابو معده لادكول طفله ترى عمري١٤سنه والحمد الله يعني صبيه

-قياس بعمري طفله وهسه عمووو دليني وين المجسررر

-راااح ادليك دفعت بلاء عن شبابي وضعفي الي حارك قلوب اصحاب المعده المبينه

-عفيه عليج عموو

-زين انت ليش تايهه وهذا طولك واصل للسما

-والله ياعمووو ضايج

-يعني الناس الطويله هم اضوج

-اي يضوجون لان ابويه يتحكم بيه

-زين الناس الطويله هم اكو من يتحكم بيهم

-اي يتحكمون بيهم ويصيحون عليهم

-الناس الطويله کلش

-اي ولچ الناس الطویله کلش

-زین ولیش ضايج لان طويل لو لان ابوك يتحكم بيك

-لان طويل

-ليش

-لان كرهتيني بطولي وماصارلي ثواني واكف يمج
الله يساعد اهلج

-خوش راح امشي جدامك وانت امشي ورايه عيب لا ناس دكول هذا الولد الطويل صاحبها

اتنهد وكال
-اللهم صبرك ياروح انتي ليش كارهتني انا وطولي من اول ماشفتيني

-اتريد الصدك انه كارهه روحي والدنيا طالعه من عيني

-زين سولفلي  ليش ضايجه والدنيا طالعه من عينج لان انا ابعمرج جنت اباوع على الغيم الي بسما وعبالي شعر بنات واتمنى اكله

درت عليه متنرفزه

-اعرفك تعرفني ابن عمي ابن خالي اخوي حتى اسولف الك ليش ضايجه ولا تقلد على عمري رجائا
اذا انت بعمري غبي وعبالك الغيم شعر بنات انا شعله بغبائك

-لاااا تذليني لان جاي ادليني واحجي عدل

-وانت احترم عمري

-خوش سولفي على ضوجتج ومنو مضوجج

-ليششش

-موو ياعمو جاي تمشين خلينه نخلص الوكت

-ترى ماادليك على المكان الي تريده

-سولفي احچي براحتچ لان انا مجرد عابر سبیل یعنی ماراح تشوفینی بعد هاي المره..ومنها تفضفضين شنو المأذيچ ومثل ماراح اساعدیني بلاش
انا همين ساعدتچ وزحت همج

-الله عليك قنعتني خصوص انه معروفه بعائلتي مااحب اساعد احد ابلاش

-ماديه

-ياااا بطلت اسولف

-لااا عمو سولفي

-شوف ياابن الناس اهلي كل يوم يلحون عليه ابطل اترك
الدراسه لان كبرت وانا احب ادرس

-حاولي كلما يردون يبطلوچ تسوین نفسچ متخربطه وهمه او مخبله بلبیت

-وچذب عليهم حرام

-لاااا علمود مستقبلچ حلال

-علعموم هذاااك المجسرررر

-ااي عفيه عرفت الطريق وهسه بما انو مارح اشوفچ یاعمو اشگرچ لانچ ساعدتیني وتعلمي ثاني مره بعد لااا توكفين للغرباء ولا تصيرين خيره وتساعدين الناس لان البلد صاير غابه اليوم انا ابن حلال باچر توکعین بید ابن حرام

-اعرف بس انت ساعدتك لان امبين ابن عالم وناس

-اشكرج عمو وانشاء الله نلتقي مره ثانيه

-الشكر لله ويارب بعد مااشوفك لان  مزعج جدا وطويل كلش

-تعااااي

عفته ورجعت للبيت بسرعه اول مادخلت  للبيت لكيت أبوي واخويه سلمان يجادلو أبموضوعي بس هل مره سلمان قنع ابويه انو اكمل الاعداديه المهنيه وحرام يكسر خاطري..

سكت وقنع ابوي...الحد ما مر اسبوع كامل اجى ابوي الامي كالها صديقي اجى سكن هنا يمناااااا بكربلاء وهذا صديق العمر ومخلصين الجيش سوه وحچي كووومه وانو لازم يعزمه

رحت للدوام ورجعت وجان الدنيا مطر والشوارع طينه
ليش ماتعبر سياره وطشر مي الشارع عليه..وصار حتى الطين على وجهي...وعلى حجاب الاميره الابيض انترس ترس طين

همزين قريب على البيت مشيت بسرعه ودخلت البيت
ونسيت لازم ادخل من باب المطبخ لان عدنه عزومة صاحب بابا وعائلته

من ستعجالي ولان الحمام اقرب على الهول..دخلت من باب الهول ادردم ومقهوره
واسسمع اخوي سلمان يصيح ويضحك

-تعااال تعاااال رعد نكعد بلهول خلي ابوك وابوي يسولفون على ايام الجيش اللعبه راح تبدي..

همه طلعو
وانا شايله حذائي المطين بيدي وجهي يكسر الخاطر طلعو من باب الديوانيه الداخلي للهول
وطلع رعد نفسه الولد الي گالي انا عابر سبيل لا راح تشوفيني ولا اشوفچ تالي شفته بنص بيتنه

-ههههههه خرب يومچ گملي  الصدفه مالتكم
اجت تكمل مريم وصوت دكت باب الغرفه مالتنا
دخل رفعت عيوني عليه
رأستن حسيت على روحي نزلت رأسي والتهيت بالاوراق عدل بيهن

-السلام عليكم يله مريم  أخيتي تعاي راح اطلع واخذچ للبیت ویایه

-وعليكم السلام هلا أبو الاشبال اسبقني لسيارة
واني جاية وراك

-رفعت راسي شفته راح
وج عيني مريم راح ترحين
وسالفتج ماكملتيه

- باجر اجي وكملج سالفتي طويلة وحايرة بزماني شلون اصرف

-الله كريم حبي  تنحل حبيت الطف عليه جو لن شفته مدمعة ومختنكة
اوه مريم شصبرني وفضولي
شسكته

-ههه مو اجة عليه اخوي سلمان اليوم طلعنه من وكت
سمعيني وراح ضوجج بسالفتي مالها حل وشلون
راح تدبر يالة تأخرت على
ابو الاشبال

جاي رد على مريم رجع  الباب  اندك ودخل الاستاذ وحجة

- يالة مريم تأخرتي

ألتفت عليه

- ست غفران

رفعت راسي وصارت عيوني بعيونه نصيت

-نعم استاذ

_اريد تحضرين ملف الي سجلتي بي الاسماء باجر اريد حاضر وكامل بلمكتب

بصوت ناصي
-نعم استاذ

اخذت جنطتها مريم وطلعو ثنينهم رجعت
كعدت افكررر  ليش عيونه هيج حزينات مع ذالك الة وحضور وادب ورزانه
يجبر مقابل ينتبه ويصغي ويفهي عليه انتبهت على روحي اني جاي كول
استغفر الله وين بالي يروح
أتصلت على عقيلة اسالهة عن
حالهة

-سلام عليكم ام سيد علي شلونج

-وعليكم السلام بغفورة الحمد الله هسة ردت اتصل
عليج اريدج تجينه للبيت
ماكو ماتبينين

-لاا عفيه انتي تعالي عمتج العزيزة مااكدر اواجهه ولا كدر حتى اجاملها

-لااقلبي غفورة تعالي مشتاقة الج عمتي متعودتي عليهة

-وحماج سيد مجتبى  ماادري من يشوفني يستفزني واني ماتمالك روحي وشي ثاني
موطيت رد مااريد زوج
شكو بعده يلح

-ياعيني والله سيد مجتبى  انسان راقي ومتزن وحباب
ليش متوافقين

-هاا ام سيد  منو دازج عليه
يااختي مااريد زوج ولا اريد حماج

-وشلون غفورة حبيبتي تبقين هيج دنياا تمشي
ماما تعبت منج وجاي تتمرض

-عفيه ماما تريد بس ا زوجني
هسة شوفلي فرغة وامرلج
وحضريلي كيكة ام ككو مال عيد ميلادج

-تعاي وتدللين

-وهااا مااقبل بحماج المستفز

-نشوف يصير خيررر مع
السلامة سيد علي جاي يبجي

-الله وياج سدت جهاز وخذتلي صفنه هسة اني ماتراهم وية المستفزز سيد مجتبى معقولة كل الناس جاي  أتشوفه أحسن الي ونعم الزوج

سَتنسجم مع مَن يُشبهك
في الرّوح وليس في الصِّفات
........

سيد مهدي...

‏ولأن الحب دعاء
ربي أوصيك بقلب أحبه بلا حدود
فـ أملأه بكل ما هو جميل من عندك
وأرح قلبّـه

رجعت عقيله للبيت واندعي كون امي تبطل كلامها
عنها وصلنه لكيت جدي منتظرني بلباب مبدئيا لمحت اله عنةخطورة مرض عقيله.بس محددت اول مادخلنه لاكتني مرت عمي كالت

-هاااااا ست الحسن طلع مابيها شي وتعبت ابنا على الخالي بلاش وانتي مابيچ شي
جاوبتها

-ليش عمه يعني اذا زوجتي بيها مرض احسن لو شنو

جاوبتني

-لااااا موشلعت كلبك وانت من البارحه لليوم يمها وليش ترى ميصير

-عمه من اشكي يمچ ذاك الوكت احچي ترى عقيله شايلتني صار سنين،تفرك  ايدي،تفرك رجليه من غير الام الكلى من تجيني تبقى سهرانه ويايه

من غير وجع راسي من يضرب عليه تبقى تقراء على  راسي هسه مجرد رحت وياها للمستشفى ،غصب عليا انا زوجهه اداريها

-وليش مووو عندها اهلها

-وين الرجوله،من انا اوديها الاهلها من تتمرض ومن هي صاحيه وتخدمني ابقيها يمي،

اجت امي تحچي اشرت العقيله تروح جدامي بعد ماسلمت على أمي،
كالت امي

-هاااا يمه خو ما تعبان

-سلامتچ یمه لا ماتعبان  مرتاح گلش

-ودیها الاهلها حتی تتام وتصحصح الدوامک.

-یمه یعني طبكتي مثل مرت عمي ليش يمه لييييييييش

-يمه علمودك

-شوفي يمه ترى الواحد محامل نفسه وتدخلج مااريده  ياامي

جاوبت  امي
-اي كااافي هواي خابص نفسك حتى الخدامه كمت انت  تدفع ٢٠٠دولار اجرتها في سبيل الخاتون متتحرك

-يمه شنيه ليش تصرفين هييج يمه موو اكو ايه تكول  "ويمنعون الماعون"؟
ليش تتحملين اثم وتصيرين مناعة الماعون

-امنع الماعون

-اي مناعت الماعون من انا زوج اريد أكرم زوجتي او اعاملها بلطف تگلیلي لاااااا  كافي ليش تمنعين حتى لو بكلمه..لان انا رجال مقتدر ادفع ٢٠٠دولار للعامله هذا شي يخصني اليه

-مو علمودك يمه

-لاه يمه انتي مثل هذا يريد ينطي صدقه لوجه الله تالي تجين تكولين اله انا ممرتاحه الهذا الشخص شگله مو مال فقیر، او تگولین گلهم چذابين راح يشك بيهم وماينطي ولاربع هسه انا اريد اعتني بزوجتي واداريها

انتي وزوجة عمي توكفن بوجهه عمل الخير ليش ترى
إيه "ويمنعون الماعون"؟ الله سبحانه من نزلها حتى
يهيئ ألنا أسباب الخير ،وعمله واحنا نسعى نمنعه من أجل الهوى.
فَوَيْلٌ لِّلْمُصَلِّينَ - الَّذِينَ هُمْ عَن صَلَاتِهِمْ سَاهُونَ - الَّذِينَ هُمْ يُرَاءُونَ ويمنعون الماعون"..

شوفن الله سبحانه شلون حذر  وتوعّد انو من يمنع الخير اله الويل (جهنم)

جاوبت زوجة عمي

-سويتنه انه وامك كافرات علمود ست عقيله مووووو

رديت
-حشى ان اكول كافرات انا مجرد ناصح لان مستحيل اخذ بحچي اي شخص واترك زوجتي

ردت امي
-رووح يمه روووح الها لااااطير منك

وكفت عند حچایتها مقهور صدک خاف اطیر منی
رحت منهن للصاله لکیت جدي واكف يم عقيله وهي تبوس بابنه سيد علي حقها مشتاق كتله

-هاأاا جدي اخذ مريتي منك

-اي بويه اخذها...
اخذت منها سيد علي ورحنا الغرفتنه بقت ترضع بيه
ونيمته وخلته بفراشه
أجيت يمهة أخذتهة بحضني
مااريده بعيدة عليه كل اشويه اصفن بيها وهي تضحك اليه همست الهااا

-ياااااااااااحبيبت عمري ياقارورتي

ردت عليهة ...
_تعال ارتاح سيد اليوم تعبت  وياي وهسة هيج وجعك

-انتي راحتي تعاي انتي نامي وارتاحي ولاضلين تفكرين
وحتى اجازة مني اليوم

-ضحكتني شكرا على اجازة  اروح غسل واجي
راحت للحمام ورجعت واشوفهة من كوة تمشي

مدت ايدي الهة تعاي نامي وارتاحي على صدري
عيني ماتنام وماترتاح الاا انتي يمي

اجت كمت من الجربايه طلعت الها حباية مسجن وخليتها تغفى  بساع نامت

بقى فكري يم تحليل وادعي من الله ان يطلعن سليمات
فزيت على اذان صبح

وعقيلة نفس نومته حتى مافزت على اذان لن تعبانة
كعدت وعفته بنومته رحت
توضيت وكعدت اصلي
كملت وضليت اردد هذا دعاء..

«إلهي أذهب البأس ربّ النّاس، اشف وأنت الشّافي، لا شفاء إلا شفاؤك، شفاءً لا يغادر سقمًا، أذهب البأس ربّ النّاس، بيدك الشّفاء، لا كاشف له إلّا أنت يا ربّ العالمين».

كملت رحت يم شباك
صفنت واخذتني ذيج الايام وتعب البيهن.
بيومها جنت كاعد والدنيا ظلمه كد الالم الزم السبحه واسبح دخل عليه عضيدي كلي

-هاااا سيد شلون صرت وشنو قررت

-الحمد الله زين وحاليا اي قرار ماعندي

-لااا عندك وجبت الك خبر حلو

-ياالله

-شوف يادكتورنا ياسيد مهدي الدكتور الهندي، الي نعرفه صديقه يعالج اشخاص مثل حالتك وراح يجي للهند  ومازال يجي انا حجزت الك عنده

جاوبته

-اهووووو يااخي همين عمليات،لااااا ابد ابد ترى تعبت ونفس الشي ماكوو نتيجه،

-زيييين جرب ياااااخويه اذا مو على مودك علمود عقيله
ماودك ترجع الك وتشوف ذاك سيد مهدي الحلو،الي چان
تشوفه من ینتظرها بلمدرسه

-اخخخخ اي والله

-خلاص لعد جرب وانشاء الله هل مره تصير تمام

-انشاء الله عضيدي اجرب علمود اشوف عقيله مثل ماجانت تشوفني قبل

-اي ارجع النفسك ونوب العقيله ارجع النفسك

-سيد مجتبى الحد الان ماتعرف انو عقيله نفسي
وهي روحي يعني علمودها رااح اتحمل ألم العمليه
مضاعفات البنج وكلشي اتحمل الا فراگها عني

- وأقول أنها ، اليقين الذي لا يتخلَّله شك ،حين عرفتها أدركت معنى أن يكون للأنسان روحًا بعيدةً لكنها أقرب إليه من كل شيء

كالي بنتر وضحك

-اهووو بكيفك علمودها علمود غيرها المهم تسوي العمليه واروح احجز طياره اليه والك

-روووح عضيدي مااعرف شلون اجازيك

-جازيني من اشوفك تمشي على رجليك والضحكه ترد الوجهك هذا  الاريده منك
مسحت دمعتي على هاي الذكريات المؤلمه  مااريد اذكر الحزن مااريد اذكر القهر مااريد اخلي اي احتمال حتى لو واحد بلميه انو انا مااكدر اصير قوي جدام مرض عقيله

رددت بيني وبين نفسي انا مو ضعيف انا قوي ومن قوتي انطيها حتى نتعدى مرحلة مرضها لااااا لا مرضنا اثنينه انا وياها

تناوعت للموبايل مسوي صامت سيد مجتبى متصل عليه رفعت موبايلي خابرت مجتبى...جاوبني

-هلاأااا بسيد مهدي شلون صحتك اليوم ردت اسمع صوتك وصوت فرحتك بعيد ميلاد  ام علي مووو

-اي خويه وفرحتي انشاء الله بيك هستوني اذكرتك وكلت خاف محتاج مني شي

-خير ياطير اذكرتني مااااااااااااريد منك شي بس تروح تخطب اليه غفرااان

-يعني ممحتاج شي

-هاااا

-كوول سيد مجتبى لان احسك محتاجني

-لااااا لو احتاجك جان خابرتك بسرعه شعندي غيرك

-اكيد

-اي اكيد خويه رووح احتفل وخليني عزابي اخلصها اباوع على الافلام النكليزيه الكلاسيكيه

-الله وياك
فزت عقيله واجت  يمي كالت

-صباح الخير  سيد مهدي
ليش ماكعدتني على صلاة
ماادري بروحي نمت مااحسيت

-صباح العافية ياروحي
شفتج مرتاحة بنومتج وماكعدتج

-شبيك سيدنا شنو انت باچي لو يتخيلي

-لااا حبيبتي علموديش ابچي اشو حبيبتي يمي وابني يمناا  الحمد الله والشكر شنو اريد بعد من ربي

-زين  خابرت اخوك شكوووو

-ماكو شي قارورتي بس اذكرت اشلون سيد مجتبى ماتخلى عني باحلك الظروف وهسه يريد مني شغله مادبرتها اله

-وشنو الشغله

-بعدين نسولف هسه خلينه  

-انة راح أصلي

-راح اروح شوف جدي صلي وتمددي ارتاحي فد ساعتين نطلع عازمج

-سيد خلينه بلبيت انتة تعبان

-لااا مابيه شي يمج راحتي

طلعت صبحت على امي وعلى جدي وبحضنه سيد علي بوسته وكتلهم راح طلع ويا عقيلة شوية ونجي ابوع على امي دارت وجه ماعجبه وجدي رد عليه الله وياكم
طلعتلي عقيلة مبدلة وبوشية بيدهة البسته وطلعنه بسيارة

-وين للمطعم اشوو بعيد كلشش مدري انه مالي خلك

-هذاااك وصلن

جاوبت بفرحه
-الله شلون جمال هذا المطعم
نزلنه

-دخلي قارورتي

تمشينا دخولية المطعم العامل يصير صديقي من شافني عرفني سلم عليه واشر النا المكان ميزنا
الميز جان ترتيبه كلش حلو،شمعدان عليه شمعات وشرشف ابيض على صحون بيض والورد الابيض والاحمر على جمال الميز والترتيب ردت اخابر سيد مجتبى اشكره مره ثاتيه

كعدنا عقيله ماقبلت ترفع البوشي كالت
-شكدددد زحمه مولاي خليتني موقف صعب

-ياحبي اي موقف صعب هذا عيد ميلادج ياقلبي

-احبك

-وانا اموت عليج

-اشكرك على المفاجاه وتالي وياااك سيد ترى هووووواي
عليه هيييج وانا مااتحمل لاتعلمني على دلال

-اعلمج ونص شعندي غيرج اريدج اضحكين سولفين
وبعد اذا كل جمعه جنه نطلعه هسه نطلع جمعه وسبت
-ماتقصر سيد

طلعت ورقه ملفوفه بشريط
اخذتها تضحك وتتناوع اليه
-شنوه هايه

-افتحيها
فتحتها وجهه بدا يتغير لونه وجهه لزمت ايدي

-الله عليك اكرص ايدي هااأي شنوه
جاوبتها

-هااااي ورقة تعيينچ هاااا فرحانه

-اشلون مااافرح راح امارس الشی الاحبه معقوله

-ولیش ممعقوله

-یعني قابل انت انا اتعين

-اكيد ههههه اي لعد اشلون جبت ورقة تعيينچ

-وشلون عینتني وهاااي الناس ممحصله تعيييين

-ماعندچ ثقه بقدرات زوجچ

-بلعکس انت المستحیل عندك ممكن

-انشاء الله وبقدرت الله حتى المرض راح نتعدى تدرين
نتائج تحاليلچ باچر تطلع...

انقلب وجهه الحزن گالت

-سید بعدك متأمل اطيب

-ألامل برب العاملين اي عندي أمل ليش رجعت عدت التحاليل

-راح نعيش بأمل كاذب سيد انا اطيب من مرض( الس
لزمت ايدها حيل والدمعه كسرت عيوني واشر باصبعي
وكل جسمي يرجف حتى شفافي كتلها وانا انهت

-اشششششش لاذكرين اسمه بداعتي لاذكري كااافي الي بگلبي عقيله اناااااا مااكدر اتحمل  شي ياذيچ کااافي  تجيبين طاري المرض رررراح يوگف گلبي ومسيطر عليه
كوووه حتى مايخذلني وانهارررر حتى مااايوكف واتركچ وحدچ عقیله آنااااا مسیطر علی رووووحی ماارید انهااااار

گوووومي نروووح مااكدر انتظر بلبيت خبر الاطباء مااريد أتاني بفراشي وانا اتناوعلچ

-وین انروح سید خایفه علیك موو على نفسي والله
لاااتخليني اشوفك هيييچ مکسوور مولاي انت انسان صلب وقوي ليش هلكثر ضعفت ليش تكسر قوتك

-قوه ياقوه وانا اسمع مريتي وحبيبتي مريضه وحتى لو سوت عمليه وراها الم الكيمياوي وراها وجع يوجع الوجع نفسه
ماتعرفين ‏كل الي أحبهم هلي وناسي واحبابي بكفة
‏وكفة الثانيه الچ وباسمچ شلون تردیني ماانهار
‏أنا أحبج  بصورة يصعب حتى على عقلچ ان یستوعبها
مهما آحاول مهما آجاهد نفسي
أحبچ  وأحس امرار الحچي الاحچي مايوصف شعوري
واحس حتى  مايكفي الگلبي

-هدي نفسك مولاي وين ماتريد انروح

-اي تعااااي ويايه

-والكيك والعشى

-هسه اخليهم يلفونه ويدزو بلبيت هناك نكمل احتفالنا
عدلت نقابها واخذتها من ايدها...سقت بلا هوداه بيدي راچیت العلاج نزلت الاقرب صیدلیه اشتریته طلع سعره فوك الميتين الف اخذته بيدي رجعت للسياره وعقيله منتظرتني ركبت اسوق كالت

-رجعني للبيت سيد علي وحده

-ماعليه شي دزيت مسج البيبي والامي يدارونه ترى هسه عمره ماشاء الله سنتين ونص قابل زغير وثانيا متعلم عليه اكثر من ماعليچ گثر ماینام یمی

-هااا سید مهدي

-كولي چذب

-حشاااك والله يحفظك اله

-ويحفظكم اليه

-وين ماخذني سيد

-ماخذچ المستشفی النجاة مااخذچ الطبیب المراض
واخوها المايرد محتاج

-سلام الله عليهم

وكفت السياره نزلنه نتمشى للمقامين لازم ايدها بكل قوه وعيوني للگبه جایب اعز الاحباب الگم یاسادتي
وصلنه بين المقامين وياحيرتنه انروح للامام العباس عليه السلام نبچي يمه لو للامام الحسين نشكي اله
عقيله تبچي وانا دموعي بلا صوت تنزل

ياحيرتچ یامولاتي زينب وانتي تبچین اخوانچ المن تباوعین الجثة الحسين عليه السلام لو جثة الامام العباس
ياحيرتچ یاسیده زینب المن تبچین اکثر بیهم..
وعند منو تختلین من تخافين جيش الشمر

بین مااحنا نزعنا احذيتنا مشينا الكاع البارده
صوب ابا الفضل زرنا الحضره وودعت حاجتي عند امامي ابا الفضل يحفظ اليه عقيله ويطلع مرضها حميد
انتظرت عقيله يم الكشوانيه طلعت من الامام وعرفت هي مثلها خلصتها دعاء وبچي اتجهنا صوب الامام الحسين عليه السلام..

بيدي چیس الادویه وصلت لشباك بعد ان استأذنت للدخول طلعت العلاج وبديت اشمره بلشباك علبه علبه وادعي

((يامولاي ياجدي هذا علاج زوجتي شتريته ومااستخدمته ومااريدها تستخدمه اريد شفائها منك مولاي اريد علاجها منك جدي اريد بحق زيارتي اليوميه زيارة عاشوراء أن تحفظوها اليه وعمري على عمرها هذا علاجها كله يمك مولاي لان علاجها عندك بحق امنا
الزهراء اُماه يا ياطمة
أودعت ُ قَلبّي بين يديكِ
وأنا كُلّي رجَاء بـــ أنّ تتَفضلّي عليَه

بعِطفكِ ولُطفكِ وحَنانكِ،وشفاء زوجتي،الحبيبه

نكتت الچیس گله وطلعت من المقام بعد ماگملت ورد الزیاره لگیت عقیله بعدها ماطالعه كعدت مقابيل الحضره اقراء دعاء الشفاء المروي

إلهي أذهب البأس ربّ النّاس، اشف وأنت الشّافي، لا شفاء إلا شفاؤك، شفاءً لا يغادر سقماً، أذهب البأس ربّ النّاس، بيدك الشّفاء، لا كاشف له إلّا أنت يارب العالمين آمين، إنّي أسألك من عظيم لطفك وكرمك وسترك الجميل أن تشفيه وتمدّه بالصحّة والعافية، لا ملجأ ولا منجا منك إلّا إليك، إنّك على كلّ شيءٍ قدير.
كملته كعدت يمي عقيله فرحانه تحب الزياره مثلي
كتلها

-جوعانه كومي نتعشى

-لااااا خليني اشويه محتاجه اهنا ابقى

-والله مثلچ بس سید علي مشتاق اله

-یله خلینه نگوم بس شوگت نرجع انزور

-باچرر ینطیني مرادي واجيبچ

رجعنا للبیت‌اشویه رجلی تصل علیه هواي مشيت اخذت سيد علي من عقيله لبسته البامبرز..نيمتيه على  ايدي وهو غافي يحرك السبحه باصابعيه كانما يسبح
كالت عقيله

-شابه اباه ماظلم.. شوف مثلك وهو نايم يسبح

-شعبالچ حبیب ابوه لاتغاريين

-لااا مااغار اروح اصلي صلاة الليل اشيله لو ابقي يمك

-لاااعوفي وروحي صلي

نمت على امل ربي

اللهم حقق لي أمنية همستُ بهااليك..
في كل سجدة وارح قلبي بها يالله

الصبح فزيت بدلت ملابسي بسرعه عقيله نايمه بست راسها وبست سيد علي وطلعت وجهي للمستشفى لاكاني دكتور عماد وجهه مبتسم كالي بضحكه
-بركاتك ياسيد مهدي كل احنا متعجبين التحاليل كلهاااا سليمه

ومن أحبّه الله، أحبّه كل شيء."
اللهم حُبك

يعلم ﷲ مرارة إنتظارك، وعناء ترقّبك، وقبضة خوفك، لذلك لأنك مطمئن،من رحمة الله فرجها  وسيفرجها عليك من حيث لا تحتسب

............
سيد مجتبى...

‏"أولئك الذين يحملون الفرح بِأيديهم و يغرسونهُ خِلسة في قلوبنا أحميهم، أحميهم يا الله ..

صحت بيه
-هااااا شو تتختل بسد النسوان وين رايح بعد وكت

التفت عليه متعصب

-رووووح من يمي لاااا امرعد وجهك تمرعد ووكع موبايلك الغالي مره ثانيه بس هل مره اكسرره

صميت ايدي بقوه ضربته بوكس بوجهه رفع ايده يضربني وثنينه انمطلنا بلكاع  هو يضرب وانا اضرب
والبنيه  تصيح وتريد تفاككنه

وشعرهة كلساع يصير على وجهي

-عفييييه كااافي عاد كااافي ضرب بينكم حسااام عوف الولدد لااااااضربه هييج أذيته

عطت بيهاااا متنرفز من شعره صار على عيوني وانا اتماطل ويه اخوهاااا وهية مخيمة عليه و جر بخوهة

-وووولج لاااااا دكولين ولددد فاااهمه وروحي من يمي

ابو الكاسكيته صاااح

-اييي صح دخلييي جوووو دخلييييي

زنخته من ياخته انشكت من طول للطول صعدت فوكاااه اضرب وجهه بوكاسات.. ردت ضربة كلة مااحس  اله أنجريت ودكم قميصي الفوك اثنين نشلعن  و التفت  واشوف الحارس
و اثنين شرطه واحد لازم ايدي واحد لازم ابو الكاسكيته  والبنيه تصيييح
-الحكيييي يوووم الشرطه اخذت اخويه حسام

#يتبع