عشق المومنين(أبناء الساده)

البارت الثاني من ج2

السلام عليكم...رحم الله من قراء الفاتحه على روح اختي ،،،سجى،،،

سيد مهدي...

‏قارورتي ان الذي بيني وبينَك،
كلِمات لا يفهمها سِِوانا،
رموز ا تخُصُّنا،
مكاننا المُفضّل الذي يجمعنا،
والعفوية بيننا وكلّ ما هو وقتيّ لكِنّه باقٍ..
وكل ما هو عادي ولكننا نشعُر بانفراديته وتميّزه في ذاكرتنا ومشاعرنا،
لأنه يخُصّنا وحدَنا!

راكب السياره اريد أرجع من الدوام مشتاق ألحليلتي
والابني العائلتي الزغيره،وكفت بتقاطع طلعت من محفظتي خمسة الاف انطيهن البياع الكلنس،بيدي لازم الخمسه الف..وذكرت حلمي من اخذت غفوه بخفارتي

قبل لا انطي الصدقه نويتها (دفع سوء عن عقيله وابني)
رفعت راسي للسماء
ياقارورني ادعو الله بأن يبــقيك لي حباً
وعــمراً لايعرف البــعد"

دفعت الصدقه للولد اخذها مني بضحك لان تعلم كل جمعه امر من التقاطع اليبيع بيه وانطيه...حركت سيارتي رن موبايلي ركنت السياره حتى اجاوب ومن النغمه الخاصه الي مخليها عرفت عقيله المتصله من دون مااباوع للشاشه
فتحت اتصال وصوتها الحد هل لحظه ياخذني الى حيث لا اعرف
-السلام عليك سيد مهدي
جاوبت

-سلامُ اللّٰهِ على من غاب عن الأعـين منذ يوم
حاضرٌ بين ثنايا الوجدان ألعاشقِ له كل ثانيه

-شو تاخرت سيد

-خووو گولیها انتي خايفه عليه لان رجعت اسوق وحدي

-هااا لااا بس تعرف

-اعرف حبيبتي واحب خوفچ علیه لان هو هذا حدود رومانسيتچ

-سید

-خلص سکتت اشوگت یخلص خجلچ یاعمري

-الله عليك اتسوق وتخابر
-لااااا ركنت السياره على حدا لان مااسيطر لساها ايدي
رغم من طلعت سويت الها علاج طبيعي
-اووف ياسيد انت من هملت علاجك هييچ صار بیک
-احبچ
-وانه همینه سوق على كيف لان منتظرتك
-صاررر ويددلل الحلو

غلقت النقال اجت رساله من امي كاتبه((لاتسوق وحدك
خلي سايق جدك يرجعك،بين مااخوك يثبت دوامه))
تنهدت من وجع رجلي ردت احرك السياره ،الالم موتني
لزمت خاصرتي،وجع كلياتي أذتني،خليت راسي على الستيرن ضاغط بأيدي عليه بقوه ألم كلياتي رغم قليل يستمر اقل دقيقه بس ياخذ حيلي جريت نفس الى ان راح الالم
سقت السياره على كيف،الى ان وصلت للبيت دكيت هورن الحدقچي ابو غايب فتح الباب دخلت للبيت كالي الحدقچي
-سيد امك وصتني تجي بليل هي وسيد باقر لان راحو
للناصريه بشغله

-اي اي گالولي مشكور دخلت

دخلت من باب المطبخ لان اعرف بيها تحضرلي الاكل فتحت باب المطبخ لكيتها واكفه ترتب الخضره على الميز راحت للطباخ اطفي من الريحه الطيبه عرفت هاي مركة سبيناغ وجهه حزينه وبالها شارد حتى ماحست بيه من فتحت الباب
مدت ايدها مسحت طرف عينها من الدمع وكأنما متألمه
رجعت ترتب الصحون كانما مبيها شي
تقربت عليها مااريد احسسها شفت دمعتها صرت وراها
وايدي على عيونها
دارت متفاجأه وانا بين ريحة عطرها الممزوجه بريحة جسمها الي تزكمني وتسلب لب عقلي لزمت ايدي ودارت عليه حضنتني حيل كانما محتاجه حضني
لفيت ايدي عليها بحنان،وراحه جسمها استكان وهداء رغم فتره قليله وبتعدت مني بس ارتاحينه اثنينه
همست الها

-اشگد چنت آتخیل بالي ارجع من الشغل تعبان والكاها
تسوي أكل وتجهزه واجي انا من ورى احضنها من ظهرها مثل الافلام الأجنبيه وتحقق حلمي لان من اخذتچ الحد هاي الحظه شكو حلم اتحلمه وامنيه اريدها
صارت على ايدچ وبوجودچ
ابتسمت الیه
-شلون صحتك سيد ماصرت احسن من البارحه لليوم
افكر بيك وبصوتك اشلون موجوع

-صوتي موجوع،وانا احچي وياااچ لاااا متوهمه گل وجع

گل هم یروح من اسمع صوت انفاسچ فگیف صوتچ
كالورد احيا فيك
انت مائي لذا اعلن
اليكِ عشقي وانتمائي
رجعت سندت راسها على صدري تغطي خجلها كالت

-أُحِـبك، بدُعآئي ، بقلبي، و عينآي أحبك في الله يااجمل عطايا الله

-اعرف تحچين فصحى حتى تغطين على خجلچ مني قابل ميخالف تحچین فصیح،جلفي بس تغزلي بيه
ابتعدت راحت صوب الميز ترتب الاكل كالت

-يله بسرعه غير ملابسك جهزتهن الك حتى اتغدى لان جوعانه
تناوعت الها واكف وهي هم رغم ترتب وتصب التفت اليه وزرقة عيونها الوقعت صريع لونهن اول ماشفتها
كالت

-يله سيد روح ترى جوعااااانه
طلعت من المطبخ شمرت صدرية الدوام البيضه بسله الملابس قبل لاادخل الغرفه دخلت سيد علي نايم بسریره بوسته وبدیت الاحظ تنفسه مو تمام رغم چیکته عند استاذي

دخلت للحمام اسبح لبست التراك المجهزته اليه عقيله
الخاولي نشفت بيه شعري واذني تناوعت العلاكة العلاج
طلعت العلب وكل علبه اكبر من الثانيه وراح ارجع الايام الي ردت مااذكرها ورى الحادثه
طلعت من الغرفه لاكتني بيبي دنجت بست راسها
-شلونج بيبي

-هلا يمه مهيدي

-رجعتي هنا والله فرحت

-اي بيبي هو اختاضيت(زعلت)من جدك بس سنه

بس مااتحملن افراكه عبنه وليف عمري

-الله يحفظكم البعض

-امين يجده اجيت اخذن وليدك يمي هو ردت اخذه من مساعه بس حرمتك كالت خلي سيد مهدي يشوفه
-متقصرين جده عمه زينه وينها

-عمتك راحت البيت عمك ابو عامر يجهزون الدورت

السنه مال عامر سوده عليه ولاچنه صار اربع سنوات

-الله یرحمه یاجده فعلا عبالك البارحه

-اي وانت يجده همينه بالك على نفسك من يقرب موعد دورت السنه تتمرض قابل شبيدك امر الله هذا
-موبيدي جده الوجع يرجعلي وشوفت وجهه وهو مدمى
تجدد ماادري لو ناصحه بوكتها لو مانعه يسوق حيييل
-جده هااااي انت المؤمن

-الفراك يوجع جده
صوت سيد علي كعد طبطبت على جتفي وباست صدري
راحت للغرفه تاخذ سيد علي وانا حرت للمطبخ
الاكل مرتب على الميز كعدت اكل وعقيله يمي تسولف وتحاول اداري عن شي مخبيته عليه
اول لكمه اكلتها كتلها

-عاااشت ايدج ام علي شلون مركه طيبه شلون تمن ابيض شلون زلاطه حتى التمر مثل مااحبه

-الف عافيه يروحي...خلصنه اكل اجت العامله تلملم السفره وانا وعقيله رحنا الغرفتنا اول مادخلت اخذتها من ايدها مديت ايدي جوه الحجاب نزعته الها
ادنيت عليهة كلش ذره بجسمي اطالب مني الوصال

وكأن شفتي تحترق شوقاً
تحترق شتياقآ لترتشف اكسير الحياه
همست بحراره وانا اقرب وجهي الوجهه بقرب حلال زكاه الله في كتابه احل لكم من النساء))((والمرأه سكن وراحه،ورغبه))
طلعت من الحمام اجت يمي لزمت الشسوار انشف شعرها وهي ترتب بعلاجي اطلعه من العلاكه كتلها اشيل الحزن منها وعسى تحچي شنو بيها
-قارورتي تعرفين ان الله سبحانه وتعالى عوضني
عن اليتم العانيته عن كل المُ صار بيه
عن الايام السيـئه اللي راحت بيچ
آنتي مو بس زوجه انتی صديـقـة وحده بمقاس قلبـي
رفيقـة الروح
و رفيقـة الدرب
جزء مني
ونعيم قلبي
وحبيبة قلبي
وروح روحي
عافت العلاج گالت

-هوووواي تتغزل بيه ياحبيبي

-لان اهوووواي احبچ
لزمت بطنها تصرخ من الوجع احتاریت شنو اسوي بسرعه جبت عبائتها لبستها الحجاب والجواريب،والعبائه
وهي تتلوى من الألم
ردت امد ايدي اشيلها وين اكدرر بهاي الايد الي كلها حديد،رجليه مجاي اتعيني،اشوي هدات من الوجع..كالت
-راااح سيد لاااتتخردل
جاوبتها
-لااااا ماراح اعرف وانا من دخلت عرفت اكوو شي ثاري الوجع جاي يجيچ وانتي تخشين عليه ليشش لييششش
مو تعرفين الوجع مايجي اله اكو شي
-مووو انت هملت نفسك اخررر ايام بسبب ابنا سيد علي
-وتردين اتمرضين نفسچ حتی اهتم بنفسی مو انتي اهم
حتى من نفسي كااافي بعد مااعوفچ گومي نرووح هسه للطبيب
كامت من الكرسي
-اخذ علاجك
-اخذج اول
-لااا علاجك سيد الله عليك
فتحت العلب وبديت افرغ من كل علبه وبعصبيه حبايه حبايه اخذت من ثلاجتنه بطل مي بلعت الحبوب شربت
بطل مي كامل بثوبي طلعت واجت وراي عقيله نسيت وجعي ركبت السياره اروح للطبيب
وهنا بدت صدمه جديده بسونار اكوو كتله داخل رحم عقيله العصبيه براسي مااكدر اسيطر على نفسي..خابرت
جدي،وامي،وغفران الى كتب الطبيب تبات مستشفى ثاني يوم صاح عليه الدكتور ينطيني حالتها
كل كلمه يكولها الطبيب احاول احبس روحي،واكتم غضبي لان مستحيل الشي الجاي يحچون عنه وبنفس الوقت خایف علی عقیله لان امها الله یرحمها ماتت بسب مشاکل برحم وخفت علی عقیله بس لا مثلهه
بقو الاطباء يسولفون وكلهم مركزين على سكوتي وشكلي التغيرر ايدي ضاغطها على حلگي كتلهم
-انتم ممتأكدين من التقارير مووو
جاوب عماد
-انت دكتورر واحنا دائما أنحط الأحتمال الاخطرررررر
ورغم الاشعه اتاكد حجم الكتله بس احنا بعد ورانه تحاليل

رديت
-اي اناااا عندي امل برب العالمين ماكو شيييي
-ان شااااااااء الله كلشي بيد الله
-اي اي اعرف ماراح تقصرووون وانا ماااراح ابقى هنا
راااااح اخذها الاكبر مستشفى وادز التقارير للاطباء الي بلخارج لازم نعيد الاشعه والسونار من جديد
رد دكتور عماد
-اي هووو لاااازم اذا تريد نعييد كلشي
كمت من الميز متوتر اروح واجي دخلت دكتوره سحر
اول ماشفتها كتلها بعصبيه ورجاء
-دكتوررره مرتي مووو كل سبع ست اشهررر جاي تجي
هنااا يمچ موو حااااجزچ الها گل فتره تسوین الها گشف دوری لیشش ماشفتي الكتله من زمااااان ليششش هسه
من صارت بحجم البرتقاله يله عرفتي جاااوبيني الله علييج دكتوره سحرر

جاوبتني دكتورة سحر وهي تجيب كوب مي من البراد
-اتفضل دكتور مهدي لاااازم تهداء اشرب مي وهسه انت راح تسمعني وحتى قبل لاااا احچي وياك فهمت زملائنا
كعدت على الكرسي وجدامي على الكراسي المتوزعه
زملائي ثنين ودكتورة السحر...كتلها
-تفضلي دكتورة اريد بتفصيل رحمه الموتاچ
-انت هم تعرف وزملائنا یعرفون امراض الرحم تبدي صامته بلا اي مقدمات ولا اعراض وتتجمع وتصير كتله
ماتبين بسهوله.. وحتى من تصير الكتله مااتبين لان تبدي زغيره وانا زوجتك دائما من تجي تچیك نفسها اكلها اذا تحسين بشي غير طبيعي اتصلي عليه وبصراحه اخر مره حسيتها تفكر بيك وبس وبأبنكم الله يحفظه مو صوچها صوچ مجتمعنا ثقافة الصحه محد یملگها وثقافة اكتشاف الامراض من وكت همين محد يهتم بيها لان نبدي انروح للطبيب من نحس بلوجع
-بس هي ماتشكي ابد من وجع
-حتى لو متشكيي بس لابد حست بشي بوغز بتغير وضعها نفسيتها
-وتالي شنو صار بمرتي
-هوو بدت الكتله تكبر وتكبرر الى ان وصلت هذا الحجم
وهسه ودينا تحاليل من الكتله نشوف النتيجه قبل مايفوت الاوان لان مجرد مااتكون خبيثه الكتله راح تكبر وتتشعب وتوصل الكل خلايا الرحم وبشكل سريع
وحاليا نجهز نفسنه للاسوء ولي ورى الاسوى والجلسات الكيمياويه،الورى العمليه

غطيت وجهي بيدي مااريد ابچي احاول اسيطر على دموعي لان اعرف وجع العمليه واثارها وجع الكيمياوي
وهسه اهم شي عدنا العلاج النفسي.
لازم زوجتك تحس انو هي محور اهتمامك انت ولي حواليهاااا وهي مو مجرد مريضة وعبأ على الي حاوليها
واهم شي لاتحسسوها هي ممرغوب بيها مابقاش لان لازم تكون نفسيتها مرتاحه وبنسبة چبييرة گلششش
جاوبتهم
-وانا ماااعندي اغلى منهاااا منووو غيرهاااا هي مريتي او ام بيتي او ام ابني ،وفوك هذا القهر هي يتيمه ومظلومه مااريدها تنظلم بلمرض،والقهررررر والله اموت اذااا اشوفها مقهوررر شلون هسه اذا شفتها
كامت دكتور سحر وراها دكتور عماد وبقية الزملاء
عرفو بيه مخنوك بجي وفعلا اول ماطلعو...كمت من الكرسي سجدتي ابچي وابچي واشهك وانا ساجد
اتوسل رب العالمين
-ياااااارب ياااأاارب لااااااتجعل بلائي بديني وزوجتي وعيالي يااااارب ياااااالله يااامير المؤمنين،ياجدي يارسول الله مظلومه ويتيمه مااريدها تتوجع يارب
مسحت دموعي ورحت للمغسله داخل الغرفه غسلت وجهي وطلعت ابسرعه اروح العقيله دخلت للغرفه امها وخالها طلعو هلكد امبين بوجهي انا محتاجهه دخلت لكيتها لازمه القرأن وتقراء
تناوعت الوجهه البري،الايماني يارب ظلم هذا الوجهه يتوجع اجيت يمها كعدت هي باست القران وسدته
خلته عل ميز

مسحت دموعي ورحت للمغسله داخل الغرفه غسلت وجهي وطلعت ابسرعه اروح العقيله دخلت للغرفه امها وخالها طلعو هلكد امبين بوجهي انا محتاجهه دخلت لكيتها لازمه القرأن وتقراء
تناوعت الوجهه البري،الايماني يارب ظلم هذا الوجهه يتوجع اجيت يمها كعدت هي باست القران وسدته
خلته عل ميز حضنتها كالت
-هااا سيد اكو شي
-لاااا ابد وحتى لو اكووو انا مااخلي اي شي يصير بيج
انا حبيبچ وسندچ
-حبيبي ماعندي شك بس ماريدك تتاذى ولا تهمل علاجك لان انه قويه بيك وثانيا هذا بلاء رب من رب العالمين ندعي الله سبحانه يكون بلاء تخفيف ذنوب وغربلت روح مو بلاء عقاب
-امين حبيبتي اطلب منج طلب
-كول
-مااريد اي احد يعرف بلي صار الى ان اتاكد لان ماريد اشوف نظرات الفرح،او الشفقه بوجوه اليحبونه او اليكرهونه مااريد احد ياذيج بكلمه او يكول مسكينه عليج انا راح اكون طبيبج وبظهرچ ماارید اي شخص يهتم بيچ غيري ماااشي ومااريد احد يعرف لان اعرف سوالف النسوان وكلمن تگول حوبتي اريد دوم یشوفوچ القویه زوجة سيد مهدي

-تدلل بس هسه رجعني البيتنا مشتاقه السيد علي،
ورايه تحاليل هواي باجرر دكتورة سحر گالتلي اريد منچ رنین مغناطيسي من جديد وماااكدر انام بس على چربایتي اريد ارجع الغرفتي هسه

-تدللين هسة نرجع وباجر نرجع أسوين تحاليل
رن مبايل فتحت خط
صوت امي كالت

-هايمه اشبيهه عقيلة
وياغرفة راااااااااااح نوصل مستشفى

_طالعين للبيت مابيهة شي عقيلة

_مو عرفتهه تدللع عليك بنت الفيترجي

........

'
اللهم اجعل كدي في طاعتك ورغبتي في خدمتك اللهم ما بنا من نعمة فمنك وحدك لا شريك لك أستغفرك وأتوب إليك‏ ..

غفران//أبن علي اخوي الله يرحمه صار ونستي بدنيا حسيته مثل ابني وحتى هو اول لفظه كالها اليه ماما صرت ارجع من الدوام من وكت علموده، اشتاقله واريد بس ارجع اكعد ويا و زهراء امه من جان علي عايش هي صديقتي ومن توفى همات بعدنه صديقات اشويه ردت وحشه افراك عقيله عني لان السيد
ميخليها تبات وذا تجي يبقى وياها كاعد مايفاركه
ربي يسعدهم
وانا اتهرب اكعد يم السيد اخجل واستحي خاصااا من رفضت زواجي من اخوه سيد مجتبى ضلت تهرب منه

الم الكلى،هل فتره خف خاصه بعد اخر روحه اليه من سافرت الحمام العليل وهناك سبحت بمايه،من رجعت الطبيب طمني عن صحتي،لذالك قررو امي وابوي يزوجون اخويه ،منتظر،والزواج يراد اله افلوس،رغم راتبي ٢٠٠للف شاركت بسلفه ويه ام دنيا صديقتي بغرفة الدائره،وستلمتها اول وحده

بيومها كاعده مريم زميلتي
شفتها ضايجه فد مره رغم احنا بغرفه وحده بس حدي وياها سلام وابتسامه على كد اسئلة الدوام كعدت مقابيلها وكلش متوتره وتريد تنفجر بلبچي ومخنوكة سالتها

-ست مريم بيه شي
كأن كلمتي جانت كفيله حتى تفجر شلال دموعها رأسن
بچت بحركه وضلت تناشغ
باوعت للباب مفتوح والمراجعين يفوتون كمت سديته واجيت يمها بيدي كلاص مي شلت الغلاف منه وحتى اضحكها كلت وانا افتحه

-ابو معمل الماي لازم النسوان تطلع عليه مظاهرات خصوص الي مربيه اضافر طوال لان يتكسرن بسبب
الغلف
ابتسمت بين دموعها وشهكت كالت

-عذريني صارت بوجهچ بس متحملت بعد کلشی جاي يصير ضدي،وماعرف اتصرف
وشسوي بمشكلتي مالها حل

سحبت كرسي وكعدت ورى الميز يمها

-اذا تحبين تحچین موجوده انه عسى اكدر اساعدچ
جرت کلنسه من جنطتها،وسگتت حسیتها متحب تحچي گمت من یمها گتلها

-اترخص ارجع المكتبي اليوم الفايلات هواي لازم اكملهم
كعدت على الكرسي سويت نفسي اراجع وتفشلت من تصرفي من ادخلت بليى ميعنيني دقايق مرت

كالت
-انة علويه
رفعت راسي وبسرعه دنجت حتى ماتفشل مره ثانيه
رجعت كملت

-اعرف انا وانتي صار سنه سوه وجيت بظروف سريعه وتشوفيني نطوائيه ومااحجي بس هل شي ميمنع
سكتت رفعت راسي الملم الفايلات حتى اجهزهم واخذهن الخديجه رغم اضوج اروح الها لان دائما تتعمد تغثني بحجة المتدينين ينخاف منهم جاوبت مريم

-بس تدرين لاول مره اعرف العلويات حبابات
تبسمت وردت عليه
-هااااا ليش ترى متوقعتها گابله وبزه بعینه
-لااااا ابد موقصدي ناس بالي اذو اختي واعرف لغة التعميم فاشله اكو علويات ينحطون على عين
ردت

-اي يمعوده هو اصل التربيه ماله علاقه النسب والعشيره لان بكل مكان زين وشين

-اي فعلا وانتي بين حبابه الكتاب من عنوانه ترى
تاف افت بقهر

-وهوه لان حبابه حظ ماكو

-يمعوده بعدچ زغيره

-زغيره اي صح عمري ١٧سنه لو مااخوي يعيني هنانه اله چان طگت حوصلتي من البيت

-١٧وتعينتي ليش شمخلصه

-تجاره

-اهااا شعجب مكملتي

-ابوي يحب خالي موت ،وياخذ حچي بچبیره والزغيره
وهو گله الگلیات یفسدن البنات واخوي فوك راسنه خلانه نكمل تجاره واختي الثانيه معهد تمريض،واختي الثالثه متوسط

-الله يحفظه ذكرتيني باخوي علي الله يرحمه هم هيچ
یحبنه

-الله یرحمه شلون اتوفی

-عوفیچ قصه طویله غيره مره اسولفها ما گلتي ليش تبچين محسوبتچ فضوليه

-هااا

-اقصد اساعدچ

-غفران أنه أحب أبوالخط اليوصلني صار سنه وحتى بيناتنه مسجات واتصال بحدود والله لاتاخذيني عليه نظره موزينه والله بحدود لان هو متدين
تنهدت بضوجه ردت أكوم هونت وكتلها

-اي وشوكت يجي يخطب

-هووو اجى يخطب بس توفى جده،ولحكته جدته تالي اتفقنا ورى دورت السنه وكتلج احنا نحجي بحدود مكتفين من اركب الخط وياه فااجى ابوه خطبني وصادف موبايلي عطلان،واجازه اخذت اسبوعين ونطيت الموافقه وامي فرحت لان وافقت من خلصت اجازتي اجاني رعد وبلخط سالته ليش ضايج كال

-ابوي يريد يخطب الاخوي جدامي
كتله ليش جدامك

-كال الناس وافقو ولان اعرف خالهم الخاطري وافقو
ومااريد ابطي خطوبة اخوك وعرسكم اسويه سوه بس اهم شي خطوبة اخوك وتالي اخطبلك لتحبهااا
هنا تفاجات وجاوبته بكسره
ودمعتي بعيني ونفسي يرجف وافرك بديه من توتر وصدمة

-يعني أبو رشيد ابوك هو نفسه الاجى علينه

هنا شخط رعد السياره وكف حيل ثواني صافن ليجدام
رجع دار وجهه وحنجه يرجف وايده على اكرسي
يريد يثبت روحه وعيونه ادمع وبحركه وعصبيه صاح بصوت عالي ويطك بلستيرن

-انااااااغبيييي غبيييي ليش ماعرفت انتي الخطبها ابويه الاخوي نوار
يتبع

شكرا للمصممه المبدعه على الغلاف HH___arz