عشق المومنين(أبناء الساده)

((بارت ست وعشرون))

///،صباح الخير////
//نازك_الحمراني///حبايب لليكول الاحداث او البارت الاخير ميشبه القبله يحذف القصه من المكتبه ويلغي متابعتي ودور يرجع يتابعني وينزل القصه ويرجع الكم كلشيرمرتب لان الواتباد هل ايام بيه صيانه حسب ماعرفت فيصير هيييج

///عشق_المؤمنين///
صبرا جميل والله المستعان

غفران

-لماذا لا نتمتع بالعبادات ؟!
الإنسان المریض ، عندما یأکل أحلی الفواکه و المأکولات اللذیذة ، لایتمتع بالأکل️ و هکذا یکون في المعنویات و العبادات، من یکن في قلبه مرض ، فهذا الإنسان لایتمتع بالصلاة و العبادة و یتعب منها أحیاناً ..

أمراض القلب هي الذنوب و المعاصي مادام الإنسان لم یترک الذنوب ، لایستلذ بالعبادة بل یتعب منها ..

-اللهم أرزقنا توفیق الطاعة و بُعد المعصیة.
سديت الكتاب الاقراء بيه تاليف اية الله الجوادي الاملي

تناوعت للساعه راح أتصير١٢ واطلع من الدوام الغرفه الكاعده بيها هدوء لان أم أيمن اليوم زواج بنتها الجبيره
وامريم اخذت أجازه وانه گملت کل الملفات بیدي

اجاني مغص قوي بگلیاتي،مگدرت أتحرك من عنده گمت من الگرسي لفيت عبايتي رحت بزویه الغرفه أكو كرسي گعدت علیه یمه لوگر صایر حاجز اي احد يدخل ميشوف منو گاعد وری ألوگر

نوبات الوجع تروح‌ وتجي،لزمت السبحه أستغفر عسى ربي يتلطف بحالي ويروح الوجع

مرض كلياتي بقى ويايه بسب صدماتي المتكرره...صار عندي عجز بوحده منهن
الألم من يجيني أنسى بيه همومي

انحنيت راسي بين ايدي راح وجع گلیاتي من عندي هسه الحزن بقى اشلون أتخلص من عنده وهو مرسوم على عيني أنو انه أنسانه حزينه

رفضت استقبل شخص جديد بحياتي بحيث کل مره یتقدملي شخص أرفض،ووبرفضي أشوف دموع ماما
وحزنه وقهرها عليه

حبيت الوحده وكرهتها بنفس الوقت لان زواج عقيله همين أثر عليه چان وجودها مخفف علیه حزني على عباس وعلى اخوي علي تركت فراغ چبیر بداخلي بزواحها

بهل لحظه وبگل لحظه من اتذگر اوتجيني الذكريات أگره فگرت الارتباط لان منو الأحبه يروح من عندي
ومنو اليكون قربي يترگني ويفارگني

دورات حالة اليأس عندي تريد تتغلب عليه
لکن ارجع الخوفي من الله واگول هذا قضاء وقدر..

وهي الدنيا هذا حالها مابيها سعاده كامله وكما قال سيد البلغاء عليه السلام والشعر المنسوب له استشعر كل كلمه

النفسُ تبكي على الدنيا وقد علمت
أن السعادة فيها ترك ما فيها
لا دارٌ للمرءِ بعد الموت يسكُنهـا
إلا التي كانَ قبل الموتِ بانيها

فإن بناها بخير طاب مسكنُـه
وإن بناها بشر خاب بانيها
أموالنا لذوي الميراث نجمعُها
ودورنا لخراب الدهر نبنيها
أين الملوك التي كانت مسلطــنةً
حتى سقاها بكأس الموت ساقيها
فكم مدائنٍ في الآفاق قـــد بنيت
أمست خراباً وأفنى الموتُ أهليها
لا تركِنَنَّ إلى الدنيا وما فيهـا
فالموت لا شك يُفنينا ويُفنيها
لكل نفس وان كانت على وجــلٍ
من المَنِيَّةِ آمـــالٌ تقويهـــا
المرء يبسطها والدهر يقبضُهــا
والنفس تنشرها والموت يطويها
إنما المكارم أخلاقٌ مطهـرةٌ
الـدين أولها والعقل ثانيها
والعلم ثالثها والحلم رابعهــــا
والجود خامسها والفضل سادسها
والبر سابعها والشكر ثامنها
والصبر تاسعها واللين باقيها
والنفس تعلم أنى لا أصادقها
ولست ارشدُ إلا حين اعصيها
واعمل لدار ٍغداً رضوانُ خازنها
والجــار احمد والرحمن ناشيها
قصورها ذهب والمسك طينتها
والزعفـران حشيشٌ نابتٌ فيها
أنهارها لبنٌ محضٌ ومن عسـل
والخمر يجري رحيقاً في مجاريها
والطيرتجري على الأغصان عاكفةً
تسبـحُ الله جهراً في مغانيها
من يشتري الدار في الفردوس يعمرها
بركعةٍ في ظــلام الليـل يحييها

أبتسم الحظه اتذكر زيون ابن علي صدك اداوم بسبوع مرتين بس اشتاق اله صرت الام الثانيه لان اساعد زهراء

فعليآ راحت الاهلها وعافتنه بس من تروح للدوام تخلي يمي...تعلقنا بيه كلنا نشوف بيه علي اخوي الكسر ظهري

رغم الحواليه بس مااكدر اطلع من دائرة الحزن حزني على سندي واخوي أذگر سوالفنه،عرگاتنا من نتجادل،من یصیح عليه ابو شامه اتذكر فقيدي شهيدي البطل الي ضحى بشبابه

ادموعي نزلت لا اراديأ صرت عايشه ومو عايشه مااحس باي شي بحياتي الفراق يقتل شكو شي حلو حتى لو تضحك، لو تسولف تبقى اسمك انسان فاقد

أنسان حياتك چانت وین وصارت وین
گمت لان وقت انتهاء دوامي، ومشتاقه الابن أخويه زيون اليوم بقى يم ماما وهو متعلم عليه

،لان امه دوامها گامل اداوم موظفه بلنبك تتاخر الحد٣ظهر
اروح اله شويه انسى الحزن بيه

طلعت الدائره لگیت اخوي منتظر اشرلي
عبرت الشارع وصلت اله واكف يم سياره

كعدت بصدر كعد سالتهة فرحانه

-احچي مين جبت هااااأااي السياره اريد اعرررف خاف مالت صاحبك ووتتفيك

-هااااا هيييچ

-اي منيلك هستوك مخلص الاعداديه
ودخلت للمعهد

-المرحله الثانيه وصلت وبعدچ تعیریني

-هسه احچييي ميلك السياره لااازم اعرف

-بابا اشتراها اليه وگال هاي السايبا خليها
للبيت وبعد استجن بلبيت وعوف بيت عمك كاعد يمهم وساكت

-اي والله صدك عود شنيه كاعد يمهم

-علمود ادرس زين واطلع معدل

-وطلعت معدل

-لااااا

-ديله سوق سوق خليني ارجع للبيت لان اسال باب ليش جاب الك السياره

ساق السياره منتظر،وصلنه للبيت لگیت
بابة بیده رگیه جاي يدخل للبيت من شافني تبسم گتله

-الله یساعدك بويه

-هلاااا بروح ابوها شلونچ ویه الدوام

-الحمد الله بس عود شنو اتجیب سایبا المنتظر وحد من عندي

ضحك مقهور واعرف يغطي حزنه هيچ یضحك لان يذكر مناگري ويه اخوي علي درت وجهي حتى امسح دمعتي ضحكت بوجهه گتله

-هاااا بابا من یمتی تفرق جاااوب تجیب المنتظر سايبا وانه

فتح الباب وگال

-یابووویه اخوچ یعرف یسوق ولأن انتی یومیه توگعین علینه گد مااتخربط كلياتچ

وهمین امچ گل فتره ضغطها يصعد دائما
بليل ومجاي نلكى سياره...

-يعني اشتريتها اليه حتى من أتخربطت تتلاحگولي،المفروض اليه انه اسوقنها

-بويه الله كريم عود اخوچ یعلمچ وسوقي

درت على امنتظر اهز حواجبي گتله

رآسن گال

-اعوذ باالله منچ هسه فرحت بسياره خليني اجر نفس

-اي جابها اليه لان اتخربط حباب یعنی ماتعلمني أسوق..

-لااااااا ودعبلي من يمي راح اغسلهااااا

دخلت ضايجه عود شنو منتظر يخلون بيده سياره وانه لااأا اليوم العب فلك رحت الماما اكولن الها بصياح

-مامااااااااا

التفت عليه

-هاااا شبيچ تری مصختیها من‌ زوجت عقیله الحد هسه حتى صوتج عالي

-ماما اريد سياره

بيدها الچفچیر تگلب بتمن رفعته ترید تگگطفني بيه بس ركضت بعباتي من جدامها لزمت گلبي بيدي صحت

-ماما شووو متغيره من زوجة عقيله الحد
هسه

عاطت بيه..

-غفررران اسگتين لوو اجي

-اي اسكت شسوي قابل احجي حتى الجدر براسي والجفجير شوف وين جاي

بدلت بين مااتغدى انه ومنتظر طلعت
للطرمه شفته يغسلها گعدت يمه بصدره...

-يله رضوان خويه علمني....

-ابو شامه لا ابد ماكو هیچ شي بس تتعلمين ادري بيچ تقنعین بابا...وتاخذيها

-والله مااخذها...صاح عليه..

-روحي بدلي أوصلچ العقیله ساعه واخذچ منها

-ولو قشمرتني بس کول والله...

-دکومي لا ابدل رئيي لأن اخاف على السايبا والسايبه مو عايبه غاليه وغاليه
مااطلعها اله مره بليوم نزلت رحت گبل الغرفتي...
لبست فستان غسلت وجهي بصابون لبست حجابي"عبائتي طلعت اترخص من ماما وافقت گتلها

-وبابا اروح اگله
ردت

-لاااا عوفي نااايم تعبان البارحه سهرانه والصبح اخذ سيارته للصناعيه

-يله ماما مع السلامه

-سلمي على اختچ

ركبت السياره‌ مديت ايدي للمسجل شغلته طلع مخلي ابتهال "الثالث اجمل اعياد بيها حسين اول ميلاد

سلطنت عليها فرحتنا برغم بساطتها...
بس چبيره، مجرد نغمه"وسياره بسيطه تفرق، مو اله موديل وصلنا البيت عقيله..
.
منتظر اخوي ارتجی علی گرسیي رافع حاجبه يتباها بسياقته گال

-ابو شامه انزل ساعه أمر عليچ بس ادك هورن طلعين مجرد مااااادگ ماااشي مو تتعطلين لان السايبه تصير خايبه

-صار

جاي اكول گال

-ها باعي مو من أول هورن تجين بعبایتچ رگض چنچ خالتي گماشه ولااااا حتی ثاني هورن ثالثه یله تجین

-شسالفه لیشش

-حتى يگولون الساده شوف بیت ابو علي عدهم سياره نتكشخ عاد

-انشاء الله اشكرك على التوصيل نزلت
دكيت الباب دگتین

طلعتلي وحده فلبيني،علی صينيه،كوريه بس سمره شويه لابسه حجاب الاميره ومانتو طويل وعريض گتلها

-السلام‌علیگم

ردت

-وعلیگم السلام دخلي ماما للبیت لان ماما زینه گالت انت اخت ماما عقيله..

رفعت حاجبي گلت بگلبي والحظ سوتني ماما حتی ما اضوجها ضحگت گتلها

-اي حبابه اني ماما غفران صيحي ماما عقیله یله ادخل

دخلتني للطرمه سدت الباب عيوني أجت
للگراج والاگثر علی سياره الجارجر ونوب لونها حمره دنیت علیها سبحان الله لونها وشگلها مثل الخلفيه موبايل اخوي منتظر
تلمستها. مبلله...

وكفت العامله يمي بيدها كطن...تنشف بيها...گتلها

-تدرين اتوسل بأخوي يعلمني
اسوق السايبه... وهاي الناس شامره الجارجر بطرمه وعدهم خدامه..
هسه الله يكلبها بينا بسبب عفاهم‌الي عنده جارجر يطببها للبيت ويصفن عليه
شوفي شكلها تفتح النفس

دارت عليه مافهمت شحچیت طلعت موبايلي من جنطتي عود وگفت اگص صوره النفسي معرفت

گلت للعامله

-حبابه گصیلي صوره أريد احرك گلب آخوي ابو السايبه ميقبل يعلمني على السواقه....

اريد اراوي اني واكفه يم الجارجر وشايله خشمي
اجت تاخذ موبايلي حتى تكص صوره
سمعت صوت گحه رجاليه فلتت بسرعه.

شفت عقيله جاي تطلعلي حضنتها مشتاقه الها..

-وووولچ مشتاااقه الچ شونچ

-زینه انتي شلوونچ تعاي دخلي جوه
عدنا بصاله نسولف هيچ دقیقه انفتح الباب رفعت عیوني على فتحت الباب...

اشوف شاب آشكراني عيون ملونه يتبسم ويرفع حاجب

نصيت اريد أتذكر وين شايفته عقچت حواجي وعرفت نفسه النحيس
متكبرر ماشال قلمي من الگاع اوووف منين طلعلي

بقیت منصیه آتنوعت من دون ماارفع عيوني وواشوفه مسلفن البجامه ومبلله...
يسلم
-السلام عليكم...

غمضت عيوني اريد اكول چذب حتی اچذب نفسي مو هو الچان یغسل السياره
وخرطت الاول وتالي يمه

بس لبسه وشحاطته امبلله گلشي يگول هو زین وین اطم نفسي ومنتظر گال ارید اتباها بسایبه وانه مااااخلیت جمله تعتب علیه احچي على السايبه

يارب كون يغلس مايحچي ويگول چنت شنو چنت احچي بطارمه هيچ اردد بالي
ابمستحى.. دنجت على موبايلي العب بيه..رديت

-وعليكم السلام....

عقيله همست اليه تسال

-شسويتي حبابه وجهچ يبشر بلاوي وفلتتت السان شعملتي

-ماسويت شي قوي بس مجرد ادردم على أخوچ منتظر وسيارته السايبه..
بس سؤال عقيله ولااااا تجاوبين عليه ابد

-گولي

- لادگولین هو چان بره یغسل السياره وحطيت ايدي على وجهي منتظرة عقيلة ترد جواب

جاوبتني عقيله

-اي سيد مچتبی چان برى ويغسل‌ سیارته

صوته وهو مدنج یعدل سلفنت بجامته...

-ليش الخجل تری مابيها شي اذا اخوچ مایعلمچ اگو حلول هواي يعني اذا تحبين اني اعلمچ علی السیاقه ميراد الها شي

ضجت من جرائته تنوعت له بغضب..
يحچي بلا ميستحرم..ويبتسم من غير مايحتاط ومستفزز

رديت بقسوه

-شنوووووووووووو تقصد

عقيله وگفت جرتني للغرفه مالتها تريد اسكتني...گالت اله

-مشكور سيد مچتبی، تعرف "تعرف هي تعرف من رخصتك اروح للغرفه...

-خویه رخصچ ویاچ .گالها یعلي ضحگته وعيونة مترصدة عليه

عقیله تجرجر بیه وانه اعض اللساني اريد اروح اهد دفعتني الحد مادخلنا للغرفه....
سدت الباب جرت نفس گالت

-وووووووووولچ عقیله حماچ هذا جريء ومستفززز
عمتچ متکبره وشايفه روحه بنت خالهم دنغوزيه وتبوع من طرف خشمهة
شسالفه

نزعت التحنيگه وحجابها تتناوع الیه

-اذا عندي القمر يحبني ويموت عليه ويتنفسني
شلي بنجوم هااآا
وج سيد مهدي مدللني
شعليه بيهم

وترى سيد مچتبی، رح یتقدملچ یعني
من حچى هيچ ویااااچ مو جريء يريد يشوف ردت فعلچ عنه

شمرت العبايه وتخصرت

-شنوووووو يشوف ردت فعلي هل مليق مستفزز
على اي اساس،واي موضوع هاااااا

-من البارحه حچي ويه سيد مهدي وترى لولد معجب بيچ فد مره حرررام تكسرين خاااطره

-ام خاطر اسكتي رحمه السميره الشريره ام عطوب

-يدللچ‌ فگري زين ولچ

ردت اجاوب‌ رن موبايلي اخوي منتظر

-يله اخوچ دگ علیه رایحه ..

-شبسرعه

-هووو گتله ساعه وتعال

-اووف تری نص مابیهااا

-غير مره اجي بعد عدنه سياره راح تكثر جياتي

-براحتچ راح البس حجاب

-وانه راح اطلع

-
عفت عقيله امشي البيت بسرعه لان چبیر وصلت للطرمه جریت نفس صوت الهورن عالي...

سید مچتبی واگف یفتح المنتظر باب الکراج الاوتماتیکي ويسولفون يضحگون اجى منتظر ينزل طلعت من الباب حتى مانطيته مجال يحجي ويايه بس حچي عقیله یتردد.. الولد معجب بیچ ويريدج فكرري

صوت سيد مجتبى يصيح

-من رخصتج دقيقه غفران؟؟

إن الرجل قد يحول المرأة بسوء خلقه إلى موجود متوتر، فتصب توترها داخل العش الزوجي من ناحية، وينعكس على تربية الأولاد من ناحية أخرى..

أن شريكة العمر، خير استثمار لمن أراد أن ينمي قابلياتها وطاقاتها، ليعود أخيرا عليه وعليها وعلى الأولاد وعلى المجتمع، بالنفع والفائدة.
.................

عقيله//// إن المؤمن حزنه في قلبه، وبشره في وجهه.. فالشكوى وبيان الحال، إذا لم يكن فيه فائدة، لماذا يضيع الإنسان الأجر؟.. فليجعل ذلك في قلبه، ويقدم الشكوى لمن بيده مقاليد الأمور!..

إن الإنسان قد يضيق صدره جداً لمشكلة ما، فإن كان ولا بد، أذكر شكواك لمن يمكن أن يقدم لك حلاً في مصيبتك.. إذ لا بأس أن يشكو

اتمعن بهيج اقوال واكول كلشي يهون لذالك الايام الي تمر والاشهر الي تروح محسيت بيها حنان سيد مهدي،وطيبة گلبه ویایه شي من الخيال لكن تبقى المنغصات تمشي ويه حظي

عمتي تگرهه لبسي داخل البيت لان گلبیات عريضه وحجاب،ونقاب،وجواريب،ومعاصم ودي أخبرها أنو بغض النظر عن قناعتي بلبسي حماي متواجد وجدي
وعمام سيد مهدي على طول يجون لكن التزم الصمت

مااريد يصير بيني وبينها صد ورد وهي أم سيد مهدي وروحه،

مامره كعدت الصبح اروح اصبح على جدي اله الگاها تشمر علیه حچي يكسر الخاطر كأن مالها غيري تاذي تلافیت کلامها بغصه ومااخبر سيد مهدي لان احبه
لكن الي ماگدر واحاول جاهده
منتهى گل فتره تجيهم و‌گلما تجي نظرات الحسره والقهر بعمق زادت غيرتها

أم عامر الي توفى ابنها حاقده عليه گآن‌ انه موتت أبنها الله يرحمه ولأكثر من حملت أجت ثاني الصبح البيتنه

چنت گاعده یم جدت السید مهدي أم جعفر،نرتب چیاس زغار ونخلي داخلهن توفي ومصاص،، هي تخلي وانه اشد الچیس واحسب

اجت ام عامر تصيح علينه دنجت باست ام جعفر وانه گمت اباوسها لآن

گالت بصوت عالي

- بلعافيه والخير عليييچ علی الحمل قربت حلگها الاذني گالت

-عسااااااااأااچ ماتتهنین لااااااااااابحمل ولااااابرجال ووولچ اللیل گله أخلصه ادعي وابچي مانمت للصبح من سمعت بيچ حامل وراح تجيبين المهدي جاهل وابني عامر جوه التراب شگدد‌ حرام علیچ یامؤمنه

بعدت مني تضحك كعدت يم الجده ام جعفر تتناوع اليه

گالتلي

-أاگعدي گعدي الوگفه موزین علییچ انتي هسه واصله بأشهر حرجه

دخلت عمتي ام مهدي تگمل عليه گالت

-شويه من الچبیر یحچي اخذي الحچي ولاااا تعاندين ليييشش
صافنه عليهاااا عليها قابل أشگالتچ لو باگت عشی اهلچ
مجرد نصیحه عووودماااوصیچ طگیلچ ضوجه حتی سید مهدي سوده عليه يفرفر بيچ بسیارته

ردت ام عامر

-وعلی شنو اضوج نصحتها مووو عمه
گالت ام جعفر

-شبیچن یایمه شنهیه انلگفتن بلحچی علی الفرخه عمي ورووووووح جدي المات وماتباصر الخير

الفرخه افقر منها مامش هاي أعقيله هييچ تتعلك بسباح الگلب تذكرني بروحي من تزوجت سيد باقر ألكل يحچي عليه ويغلط ووووانه ابقى سويگته مثلها

والدمعه‌ بطرف عیني مثلها مااحچي
عبن چنت اموتن علی سید باقرر واحبنه حب مااامش مثله بس هو گلبه موش یمي عاشگ حرمه بغداديه دختوره وانه اخذني لااااا اقرا ولا اكتب وخيته تتناوع اليه بغل مثلچن

ردت ام سید عامر

-یاااااااااعمه شنو غل كاعندي شي وياها بس نصحتها عمتها هي تشمر حچي عليها

ردت عمتي

-والله اشمر مااشمر حچي عقيله بنتي
مو عقیله

هزیت راسي كوه گلت اي لان مخنوگه ودي ابچي

گالت ام عامر

-بس یا عمه انتي وعمي سيد باقر من سنين گلمن بغرفته يعني حتى قبل لايموت سيد جعفر ليشش

وهي تلف بچیاس الحلویات منصيه راسها وتسولف گالت

-چا مووش گلت الچن هووو سید من کربلاء مثغف ودراس،وچان یلبس گله افندي ،ويطرن نگریزي،وحتى الحرمه الي احبها تطرن نگریزي وانه عربيه اميه تونه اجينه انه واهلي سگنه، بزرعااات غااااااد من گربلاااا

-زین وحبیبته وین التحچي نگریزي گولي عمه خلينه نتونس بين مانگمل شغلنه

-عياااارات تعرفن القصه،المهم خن اعيدها
عليجن هووو تزوجني لان ابو يعز ابوي
والده گله اذا ماتزوج احسيبه احرمك من الورث

هنا عاف الحرمه اليحبها ونجبر بيه بقى اسبوعين اهندم اله،واهندس رويحتي واحط المسچ وزیت الورد والمکحله وما رادني الحد ما ابو عرف هو ما قربلي عاد رزلاه وقربلي وصارو الويلاد والبنات

تالي سمع بلحرمه اليحبها،منتحره، ومن نهدها السيد اختلف وضعه هم حقه انجبر بيه بس هااااااا عمره ماخاني ولا تناوع الغيري وعمره ماكسر خاطري،ولا عاط

وانتن هل تشوفن ويلادي گلهم علیه طالعین الحرمه عدهم خط احمر،والدلال‌
واجب علیهم

ردت عمتي

-يعني هو يحبچ

-لاااا عشرت عمر احترام،تقدیر لان لوحب عمره ماشال مخدتي من مخدته اعتبري الحب ماكو بحياتكم

والسيد الله يحفظه رغم ماگو حب دللني اكثر من اهلي سوده عليه من مات وليدي سيد جعفر سيد باقرر هنانه خلاني هوبعد
انسى عشگي اله خله گل وگته علی سید مهدي ومجتبى وانه كل وگتي ابجي ابني

هو ربى ولد سيد جعفر لان يمووووووت عليه وموتته كسرته كسر ودمرته دمار
والكسره الثانيه من صار حادث سيد مهدي ظل مثل المسودن

ساكن صحن الامام يبچي يرد للبيت يبچي يفتر علمواكب يطين هدمه حتى ينذر بسلامته لهييچ انه من اختنك مااشگیله لان احبه ومااگدر اگدر خاطره

بقت تحچي الجده ام جعفر گالت عمتي

-لااااا ياعمه ترى عقيله مدللا حتى خاشوگه ماتشیل
گله بید العامله والاگل انه أطبخه اصلا عمرها بحياتها مااااچانت تحلم تعیش هیییچ عیششه وبذخ وسياره اخر موديل چانت من اداوم كلیه ترگب سیارة ريم هااي السيارات نقرضن

وهسه جارجر وشيخ العرب وانتي ياعمه تقارنين روحچ ویاها
دخلت منتهى لافه شال شلون ماچان و تهز بيدها كعدت يم عمتي حتى تگمل گالت

.-اي والله ياااااعمتي حتى بابا گال چنتها الاختي ام مهدي محظوضه وكعت بيد سيد مهدي دكتور وشريف،
وخلوق ومؤمن وفوگ هااااذااا گله مال وجاه وهیبه وگلمته مسموعه، وصوته رهبهه

عینه مایرفعها علی اي وحده حتى الامها داعيه الها بيوم القدر ماتلگی مثله لان سید مهدي ماااااگو منه ثنین بدنیا

وجهي صار احمر وختنگت من حچیهن گأن عايزه قهررر تخلصت من ظلم سميره طلعن تلاثه سميره سديت اخر چیس غمضت عن گل هل أشيا،أسفها وا سفها لأن قربي من الله ينسيني من يخطاء بحقي‌

صلاة الليل‌ تخليني هادئه نسبيآ،لان حبي السيد مهدي بلغ مرحله مااستغنى عنه خاصه وهو بليل گوه ینام من راسه وگلیاته واريده يرضى عليه،

ادعي ربي ينطيي الصبر علی الوجع البیه
وانه ینطینی الصبر علی تحمل المغصات

گالت عمتي تتناوع صفح اليه

-باچر عرس ابن عم‌ سید مهدي سيد قاسم ابن وسيد قاسم مو بس ابن عمه صاحب سيد مجتبى،وسيد مهدي الحنه گال یخاف علیچ وماراح ترحین والعرس

جاوبت

-عمه بگیف سید مهدي اذا گال اروح اروح وذا لاااا مااروح السيد البارحه مانام
لا جایهم طفله امه شایلته راد یوگع منها السید شامر نفسه علیه ووشایله هو
بس اشوي أضلوعه متاذيه الطفل يرافس بيه صرع وطاك السيد

تغيرت ملامح وجهه عمتي گالت

-الی متی یبقی هییییچ الی متی مااایفگر بیه واشلون آنه ماااگدر علی فراگه ااااااخ ربي

لزمت ايدها اهدي بيها

-لااااا عمه بقيت يمه اقراء عليه سورة ياسين،ومريم،الى ان حسيته أرتاح وناااام يله عفته

بعدت ايدي مسحت دمعتتهااا وگالت

-انتي هم من تشوفينه لاااااتسوين نفسچ
مایعه وخدرانه وهو رجال مایتحمل هیچ
رأسن يجي ويريد وهو بعده متوجع

وجهي احتقن من الخجل،نزلت راسي ومن طرف عيني اشوف منتهى تتناوع بغل،او ام عامر تتناوع بحقد عمتي أدردم

جريت علاگه صفره من یم الجده ام‌ جعفر لملمت بیها الحلویات‌رغم سمعها مو هلگد بس وانه أگوم لزمت ایدي گالت

-مااعرفن شگالن الچ بس خلي قهرچ علی ام‌البنین وراح تشوفین شلون تفك ضيجتچ

بست ایدها أشكرها

-لاااايبقى بالچ جده صبرآ جمیل والله المستعان هاي حچایة سيد مهدي

ردت عمتي متعصبه

-گل هذااااااااا الدلال ودگولین‌صبرآ جمیل
یاریت گل الصبر بدنیا هییچ یلمتعافیه

درت وجهي العمتي اسالها

-عمه رايحه للمطبخ تردين شي مني اسوي او اجيبه من المطبخ

ردت بضوجه

-لااااا بس جيبي بعد چیاس تلگیهم بلمجر الگاونتر مو الابيض ولا الماروني الكاونتر الونه صحراوي

طلعت من الصاله وسمعت الباب انسد راحت ام عامر يجوز فرحت عاد يبقن بس اثنين عليه الله يدبرها

دخلت للمطبخ ادور بلمجرات،ملگیت،جت
منتهی توجت علی الگاونتر،لازمه بیدها برتقال تگشرها گالت

-شوفي ترى راح تشوفيني هواي مناااااا وجاي لان دا ادوم هنا طلع قبولي جامعة كربلا،رغم مو محافظتي

ولا أگلچ انه خلیت چامعة كربلاء بلأنسيابيه مالتي حتى اجي وابقى يم سيد مهدي حبيبي وقريبه عليه

ألتفت عليها متعصبه

-ترررررررررى مصختيهااأ گلشش‌عیییب

ضحكت بسخافه وگالت

-ها ها هاااااأاااااي عيب العيب ااأااااانتي يااام جفوف صرتي متطفله على حياة غيرررررچ سید مهدي اليه وبسس

-وهو مزوج منوووو هسه

-مزوجچ راد یشوف نفسه الحادث مأثر عليه لو لاااااأااا لأن ميريد يتفشل جدامي بذيچ الحظه وتعرفين شدا أقصد

-الكلام وياچ مقرف ویاخذني للنار

التفت منتهى يمنى يسرى تتمهزاء

-نار هي وين النار ووووچ النار بگلبي أنااا
هنااااانه الله يحرك گلبچ مثل ماحرگتي گلبي واخذتي مني

طلعت من يمي اخذت الچیاس لزمني مغص كد النك على يوميه هاي السالفه من الصبح الحد الظهر قهر ومن العصر الحد ألليل راحه رادت تنزل دمعه من عيونب

بس لااااا انه مرتاحه وي سيد مهدي راحه مابعدها راحه ليش اهتم بلحچي حتى كرهه عمتي اليه واضح وغيرت منتهى اوضح

احاول اتلافه كلام عمتي وتنگضي جاي أگوم اروح الغرفتي افرغ همي عند ربي دخلت عمتي للمطبخ گتلها

-عمه اساعدچ...جاوبت بنظرات صفح

-لا عيوني ‌دا تشوفین التنظيف عل عامله والطبخ عليه بس اذا كان ولابد انتي تعرفين أطبخين.

-أي اعرف عمه وحتى طبخ المواكب قزانات انه وماما وغفران نطبح للمشايه

-كافي كافي بس ريد اليوم اطبخين النا مندي....

تناوعت الها مااعرف شتقصد

جاوبتها

-شنو مندي عمه...

-زين اتعرفين اطبخين...مفطح..

-عمه مااعرف هل اكلات اول مره اسمع بيهن والله ویجوز سامعه بس ماشایفه

-أي عیني ماسامعه مو هذا الاكل جاي من المريخ دطلعي اطلعي ولاتجيني وتهمبلين عليه اذا المفطح متعرفيه شنوو تعرفين بله

طلعت من عدها ضايجه دخلت للغرفه ومنها للحمام اسبح طلعت نشفت شعري لبست عبائة الصلاة لزمت قرأني أقراء ماريد ابچي طاقة البچي اخلصها بلقران

كملت تلث اجزاء من القرأن،لملمت السجاده لزمت السبحه الالكترونيه تمددت على الچربایه گوه حملي ثگل والطفل یرافس تلمست بطني فرحت هسه بدا يتحرك غفيت وبالي من يجي سيد مهدي أگله الطفل بدی یحوس

بین الغفوه دخل سيد مهدي وصوته الحنين يحاچیني

-السلام عليگم

جاوبته اعدل گعدتي

-وعليگم السلام حبي الله يساعدك

وین الحب مالي شبيه اليوم تعبان نايم ومامتلگیني

عدلت کعدتي

-لااااا احبي مبيه ،زينه بس خذتني غفوه وبنتك بدت ترافس بطنس

چنت منزله رجلیه للگاع اجی كعد یم رجليه لزم ایدي

-حبیبتي متاكد انه ولد والدي الله يرحمه بلحلم نطاني محبس فضه ونطاني محبس ذهب

-شنو معناه

-معناه ولد وراه بنيه وبس يصير عندي

-ليش بس اثنين

گام من الگاع گعد یمي حضني وگال

-لان مااگدر اداري اكثر من تلاثه بنتي الجبيره عقيله وسيد عليه والعلويه رقيه

تبسمت اله وعيوني بعيونه

-يعني انه هسه بنتك

-اي بنتي الاولى وحبيبتي

-الله لااااايحرمني منك ولا من حچیك ولا من دخلتك عليه سيد اخاف عليك من الحسد والعيون

-هااااا وانتي المؤمنه هييچ دگولین مو تعرفین الدعاء يرد القضاء

-وذا چان القضاء ناس تفتر وراك وتتناوع الك بعين الحسد والغل

-منو قصدچ‌ بیتنه لاااا حبیبتی محد یگره
احد لگن یجوز ضوجه،تعب نفسي اهم شي انتي لاااااتخلين بالچ لاااان ماارید اشوف هااااي العيون الزرگه،الي على يوم اموت من زراگهم مااگول علیهن سوی ((صبرآ من الله وهو المستعان))

-هااااي انه صرت أگولها

-قارورتي

-گول سید

-جوعان جوعتین جوعة بطن وجوعة حب اريد أكل حتى اكلچ

-صاررر مولاي

حضرت الخاولي والثوب الي يلبسه يحب
يلبس ثوب بلبيت طلعت للمطبخ صبيت الاكل لكيت العامله زنان اصب ساعدتها

تجهز على ميز الطعام انه وياها ننگل

گعدنه علی گراسي میز الطعام اجى سيد مهدي دنى كرسيه كلش عليه گال جدي

-وتالي وياك شوگت تثگل مووو موتتنه
ضحك سيد مهدي ورد

-جدي رحمه الجدك صلي على نبي وهاي جدتي يمك وحاچیهاااا
التفت علیه سید مهدي خلا ايده على جتفي سحبني الصدره وكال الجده

ا-ياجدي من افترك على عقيله افكر شلون حرمت نفسي منها وانه حتى بلمستشفى اتصل عليها فوك الاربع خمس مرات ياجدي الحب حلو تحس الوقت كله دقايق يمشي بسرعه اذا الحب يمك وذا موويمك الوقت
يمر ثگیل وطویل والیوم بسنه
جازفت وقررت ارد لان منتهی تغمزلي عود جذب كلام السيد گتله

-هاااااا مولاي انت هلكثر تحب وشايل جواك محبه ربانيه اليه ليش حرمتني منك ومن الحجي الجوه گلبك قبل الحادث جان هسه جهالنه يركضون ورانه لو هو عناد مولاي

اخذ ايدي باسها ورجعها على الميز يمسد بيها كال
-عمري ماجنت قاسي ولا عنيد لكن كل ماهنالك جدي دخيل بخت جده يگلي هاي بنت صويحبي وخاف ماتحبها من گل گلبك وهو لويدري بگلبي شگد یحبچ

-سید ممقصر وماحاجه تحجي اي كلمة غزل گلشي مبين واضح والكتاب من عنوانه
قرب شفافه على اذني وكال

-انه اذا اطلع الحجي الي بگلبي راح يغمى عليچ
همست ارد علیه بصوت ناصی
-مووو انه اموووت علی الاغماء
-هااااا حليلتي صايره فد مرررره شكوو

-بعدين افهمك
عمتي بقت تگح ومنتهی گامت من الاگل وسید باقر گال وجهه یضحك
-يبووويه مووو طلعت عين البنيه شجااااك ستخفيت
كملنه اكل وكمت جاي الملم الصحون مقبل السيد لزم ايدي وگال
-هناك مغسله بغرفتنه وغسلي جدي يمه جده رايح جوه الغرفتي تعبااااان ومن تحتاجون شي مهم يله دكون الباب عليه
دخلنه للغرفه سد الباب گتله

-موووعیب یاسید والله استحي جدام اهلك هيج تسوي
-ليش عيب قابل بشارع وثاني شي حلالي ومالتي بسس
تعاي قارورتي مين تعلمتي هذا الحچي
خليت ايدي على رگبته

-والله انه اجیت الگ وماعرف اي شي انت فتحت عيني
على دنيا جنت اخجل اسمع بيها كيف احجيها هسه مااعرف والله خصوص اول شهر زواجنه فدوه بعد لاتخجلني جدامهم
همس بهداي
-حليلتي قارورتي الامام الصادق عليه السلام يگول
فضّلت المرأة على الرجل بتسع وتسعين جزءآ من اللذّة ، ولكنّ الله عزّ وجلّ ألقى عليهن الحياء.
یعني واجبي أخليج مستمتعه ،وماتفكرين انو انه حارمچ
من القرب والتمكين
-لااااا مولاي مووو شويه دورات مالي خلك وخاف استغفرغ وانت مباشره تجي تقبلني

-لان اطبق قول الحبيب محمد صل الله عليه واله يگول
(لا ترتموا على نسائكم كالبهائم ، بل اجعلوا بينكم وبينهن رسولا، قيل : وما الرسول يا رسول الله؟ قال : القُبلة))

شفتي ليش اجي هيچ القبله مهمه وهاي توصيه بحديث قدسي للرجل والمرأه وانه رجال اخاف الله مااحب اخالف قول اهل البيت عليهم السلام
-ابتعدت منه وجهي صار احمررر من حچیه رحت الطرف الچربایه وین اغطي وجهي من حچیه اجی علیه‌یعکز برجله اشگد یحاول یخلینی‌مرتاحه‌گال

-هااااا ومن ساعه تگولین لو مزوجنی من زماااان چان عدنه جهال ترکض ورانه وانتي شارده هاااا تزعليني موو
جاوبته وانه اقبل لحيته
-هاااا مراه واجيت يم الچربایه وزوجها مقابیلها قابل انه اعلمك المفروض شنو يصيرررر لو ترید تدخل النار
فتح عیونه سید مهدي متفاجأ وگال
-قارورتي الجريئه يانار
گتله
-امیر المؤمنين عليه السلام ، گال : عذاب القبر يكون من النميمة والبول وعزب الرجل عن أهله)) وانه اخاف علیك من النار
تبسم وهل مره انه اجيت حضنته گتله
-عمرررري ماحسيت بسعاده وبراحه اله يمك وبحضنك
حتى مستعده اعوووف الدنيا علمود ابقى بحضنك
كعدني على الجربايه وجهه صار احمرر من الفرح دفن راسه بين شعري وهو يسحب الحجاب شوي سوي ويشم بيه ويهمس

-شلووون صرتي هييييج تااتخذيني من الگااااع وترفعینی للسما السابعه گل یوم‌اعیشه ویاااچ احس اول مره اعیشه لان گل لحظه اشتاق الچ والحضنچ‌‌ابد ماااگووو ملل بیچ ولااااا منچ

-انه اگلك لييش لان انت الدعوه الادعيها بصلاة اليل وختمات القرأن الختمتهن حتى الله يحفظك اليه انت التسبيحه السبحه كل يوم واكول بيها يارب قرب قم قرب ثم قرب من شق القلب ولاتبعده عني

-هلگد شایله حب الیه
-اي واكثررر جدي مره سولف اليه عليك وكل مره يسولف كانما اول مره السنين الچنت تجینی بیها للجامعه گبرت حبی الك ومن مااجيت حسيت نحرمتك منك للابد
بس مع ذالك بقيت عايش ويايه وبداخلي وتدري سيد باقر من سوه هيچ یجوز افضل حتى نعرف صدق وعمق
حبنه وعاطفتنه رغم عذاب فراقك ودموعي الي خلصت ابلل مخدتي بيها
بعد وجهي من حضنه وهو حزين عليه گلي

-اسف والله ماادري هلكد انتي تحبيني وانتي حتى مافهمتيني

-چنت خجلانه وخایفه خصوص من تعصبت علیه من رفستك گلت خاف احاچیگ وتضربني مثل مايضربني ابوي من اريد شي منه

باس راسي حييل وگال
-حبیبتی اسف والله وعمری مارح ازعلچ وعمری ماامد ایدي علييييچ گولیلی اي شي اسويه يرضيچ حتی تشیلین هل قهررر من گلبچ وتتعلمین تحچین بلی یاذيچ

-ماریده شی من‌الدنیا بس انت گون گل یوم اشوفگ واملی عیني منك يا حبيبي وقلبي وروحي لسى ممصدگه عبالك انه بحلم
وگف نزع البدی مال التراك وگال
لااااازم اخلیچ تصدگین انتی مووووو بحلم انتي عايشه الواقع دفعني للچربایه وگال

-اششششش لاطلعین صوت لان البارحه محاضره بيت صاحبنه السيد بيها حديث يگول
إنو النبي محمد صل الله عليه واله قال أما لو يدري الرجل ما له بإقباله على زوجه ، قيل : وما له بإقباله ع؟ فقال : أما إنّه إذا أقبل اكتنفه ملكان وكان كالشاهر سيفه في سبيل الله، فإذا هو جامع تحاتّ عنه الذنوب كما يتحاتّ ورق الشجر، فإذا هو اغتسل انسلخ من الذنوب))
وانه اليوم اريد اغتسل غسل كامل من الذنوب ولاذنب اخلي مااريد ذنوب تبقى عليه وانه سيد

گتله
- شلون مولاي

گال
-عن علی عن اخیه الگاظم سألته عن الرجل هل يصلح له أن يقبّل قُبل المرأة ؟ قال : لا بأس))

وانه ال لاباس عندي حق،وفعل محقق
والحظات الي بديناها بذكر الله هي الي تنتهي بذكر الله وغسل الطهاره

خلصنه سبح ولان الیوم زواج ابن عم سيد مهدي ...
ماحجيت ولا سالت لان بالي گلت ميخليني اروح اعرف بیه یغار عليه وحتى ماطلبت منه مااريد أغصبه

وكف جدام المرايه اتناوع له...وجماله لبس قاط رسمي
بفيونكه.. مشط شعره السرح الفاحم

بقيت كاعده لازمه بطني وهو يرتب ملابسه
اللهم أجمع قلوبنا على طاعتك ، و اجمع نفوسنا على خشيتك ، و اجمع أرواحنا في جنتك

اقترب مني گاعده على الچربایه‌ کعد یم رجلي مثل گل مره ابتسمت اله سحب ايدي ويبوس راحتها...تنوع اليه

-مسويلچ مفاجاه بلخميس

-شنو هي...گام يبعد خصلات شعري

-اول مره روحي للصالون وي البنات، جهزي نفسچ‌ وارید منچ تلبسین بدله بيضه عندچ ولااااااه نروح نشتري

گمت فرحانه احاوط ركبته بيدي

-اي اي عندي بدلة مال جهاز عرسي بس بدون تعاليك...
وفوك من ركبه، وبيه دانتيل خفيف يصير طويل...
ها هيچ شي يعجبك...

باس خدي وگال
-كلش يعجبني‌بس تلبسين فوكها صايه‌والعبايه‌‌‌‌ونقاب
وبعدين اخذچ للمفاجآه

-صار حبیبي.........دنج لگاع لزم‌ بطني بثنین ادیه وباسهااااا رفع راسه گال

-ديربالچ علی سید علي مااريده يتعب رايح للحنه
ارتب كم شغله وانتي وصيت امي تاخذچ للصالون

بليل رجع متاخر وتعبان حتى ماتعبني وياه من رجع كعدت الصبح عمتي اخذتني للصالون ورتبت نفسي حفافه"تنظيف بشره، سرحت شعري على طوله
ورشتله نثر مؤقت لبست الفستان عمتي تعجبت بس من
لبست الصايه والنقاب والعبائه...گالت‌ وهی تجاوز.

-ادري الملكه ديانا يغار عليچ‌ لا حلاة ولا شكل...

سكتت منها لان ارید اتونس‌دخلنا الصاله خاصه باعراس بيت سيد باقر القاعه مشتریها السید الهم

العرس كلش حلوو اجتی علیه العلويه زينه فاجاتنی‌
جرجرتني وگالت

-تعاي اقري قران لان الملايه مجايبه صديقتها وتعمدت حتى اتباها بجنتنه

گمت یم الملایه لملمت طرف عبایتي طلعت قرأني من جنطتي لان ابد ماعوفه بيدي وين مااروح طلعته فتحته
گالت الملایه‌

-اقزی سورة نور .

عدلت كعدتي والسماعه بيدي اقرا سورة النور اكثر شي يفرحني من اقراء قران خلصت كمت الستيج والكل متعجب بصوتي

رن موبايلي مسج من سيد مهدي...

-اطلعي منتظرچ ترخصت من عمتي گتلها

-السید منتظرني

طلعت من القاعه شگد مافخمه افگر سید بلقاعة شگد ذاب افلوس عليها لان الاضائه بكل مكان والعصاير ووو

طلعت لكيت سيارت سيد مهدي نزلت الدرجتين الاخيره ردت اعثر لان النقاب كلش ثخين وفوك عيني

رکبت بسیاره....یمه گال

-شلون الحب

-تونست وحتی انه رتلت سورة النور

-قارورتي الاتباها بيها

ساق السياره السيد واشوف ابن عمه بسیاره ثانیه هو وعروسته سید مهدي وسيارته...

تنوعت له بفرح مابعده فرح...كتله

-لادكول حاجزلنا وي لعرسان...

-اي حبي بمدينه سيد لاوصياء بعد كربلاء احلى شي بيها
بعد المقامات

-وشنو هاااي مدينة الاوصياء

-هسه تشوفيها

اني وابن عمي رح نطلع كبل احنا على شارع العام
مانوكف وياهم بنص طريق لان محد يدري اني مسوي هيچ بس العريس اما بقيت عمامي و أقربائي الي ميريدون يروحون المدينة الاوصياء وي لعريس
رح يوكفون أبنص طريق يودعون العرسان
من يم التقاطع .ويرجعون

ماعرف شنو هل لحظه احس وشجاي يصير بيه من فرح
بس كلمه وحده كتله

-اشكرك روحي......جر ايدي يبوسها طلع كبل مثل ماگال ماوكف تعداهم وهو يدك هورن حیییییییل ..
ربع ساعه خابره ابن عمه...فتح سبيكر ايكله

-شنييييييييي سيد مهدي هو منو لاخذ مرته وشرد بيها
منو لعريس هنا وانت طرت قبلي.....خاف هذا عرسك اليوم راح اكل الجدي عليك

جاوبه سيد مهدي ويضحك

-شعبالك سيد رااااااح اسبقك واسوق حييل.غلق موبايله
وكف السياره يم استيديو نزل وفتح الي باب السياره...

-ويين حبي

-موووو تعرفين ماكصينه صوررر قبل هسه نعيد ونجدد كلشيييي

دخلنا واستقبلتنا المصوره....تضحك كالت

-اتفضلو تردون صور ذكرى زواجكم...گتلها فرحانه

-لا لسى بعدنا ماصار سبع اشهر‌مو ذكرى زواجنه...

-مبروك عليچ هیچ رجال...

هل كلمه اذا مو كل يوم اسمعه كل مناسبه البنات
يكوللي ياها حتى صرت اخاف عليه...من هل كلمه

اخذتنا المصوره للقاعه نزعت العبائه "ونقاب"وصایه
تفاجآ سید مهدي بيه...

-اللهم صل على محمد وال محمد...حوريه ياربي
ويكلولي ليش خانگها"بنقاب

-اشكرك مولاي...‌بقت المصوره تكص صور اجنن...
وكل حركه نسويها...السيد يهمس..

-احبچ قارورتي..وحده من الصور كالت اله المصوره

-أوکف أحضنها

بس هو فاجأها ددنج يبوس بطني برغم بطني مو چبيره بس أمبينه..ولمصوره رادت صوره يبوسني..كال

-لا لا مو الهل درجه خويه

اخذنا كم لقطه...رجعت لبست النقاب والصايه والعبائه
طلعنا مسجات ابن عمه ماوكفت...
وهو يقراهن بضحك..

-ليش تضحك ضحگني
حبي ابن عمي حاجز بنفس فندقنا هو وزوجته...
ادري الساده كلها جايه المدينة الاوصياء

-خطيه

-اي خطيه طاحت بركبته ام زوجته" وامه يردن غرف مفترقه...‌يعني العرس عرسنا محد یوگف علی راسنه مثله هههه

دخلنا للجناح الحاجزه...واول مره اشوف مدينة سيد الاوصياء وجمالهه شوارعها الاحدایق البیها الاضائه النافورات گلشي احلى من گلشي عمري ماشايفه هييچ جمال وشوارع مرتب وریحة الزرع تزكم الانف خاصه ورد القداح والجوري

وكفت يم باب الفندق من الجمال الي شفته قريت دعاء

‏يا رب.. لا تحرمني خيرك بقلة شكري.. ولا تؤاخذني بقلة صبري.. ولاتحاسبني على غفلتي عن استغفاري.. يا من رحمته وسعت كل شيء

دخلنه للسويت الي ماجره السيد اول مانزعت الصايه حسبت بهاي آلليله صدك لليله عرسنا كلي

-جددي الوضوء انصلي صلاة لليلة العرس..وفعلا بقبت بصايه رحت اتوضى سالته

-،وانت مولاي ماتتوضى

-لااااحبي انه دوم على طهاره ....وفعلا خلاني اصلي من جديد خلصنه وكف ورايه نزعني سحاب الثايه حتى ساعدني بنزع الفستان من يفتح السحاب بهداي شكد يحبني واشكد احبه
وبدينه لليله من العمر وهوو يرردد اللهم جنبنا الشيطان وجنب الشيطان ما رزقتنا،

الصبح كعدنه غسلت وجهي گالي السيد

-توضي حتى نزور ونتريك هناك

طلعنا من مدينة الاوصياء والجمال الصبح احلى من الليل رحنا زرنا الامام الحسين عليه السلام وكف جدامي يقراء طقوس الزياره واني وراه استمع له واشكر ربي

رجعنا للبيت واني غير حبيت جرئتي معاه....لان بفضله خلاني اطبع بطباعه ماانكر هو يحبني اكثر....

حسيت احبه بقوه خصوص من يروح يداوم بلمستشفى..واخاف عليه من عيون البنات اغار عليه من كل وحده .برغم واثقه بيه ومن يطلع للدوام...لازم يبوسني

اقلق عليه واشتاق اسمع صوته موضوع نت ميتناقش بيها ميقبل اكنك المختصر المفيد عايشه بنعيم الله
لو الف دنيا گلها مالگه مثله

واحمد ربي واشكره على هاي نعمه جدا رومانسي
اعترف هو يحبني..اكثر اتفق معاي من يجي من الدوام
مااكون خارج غرفتي وقته محدد يجي بي

لاازم هذا لوقت اني بغرفتي بس يدخل يشبكني كل هل اشياء كتبتهن بدفتر ازغير حتى من تغزني عمتي ارجع اقراهن مااحزن ولا اضوج من معاملتها الجاف اليه....

سمعت صوت اقدامه اجى....غلقت الدفتر وخشيته بلمجر گمت له... واني اروح للكنتور احضر ملابسه له دخل يشوفني.حضنته حيل مشتاقه‌ له

يومين بلمستشفى...‌شاف الملابس بيدي گال

-قارورتي وحده زوجها غايب يومين عنها...
تحضرله تراك...

-ها بس شنو احضر....

-كلشي لا تحضرين أني احضر....
جر خصري بيده واني هأيمه...بحلال الله واني بلحظات حبنا.....
بلحظات هن لباس لكن" وانتم لباس لهن
خجلت منه جر خصلة من شعري
وهو يشاقيني

- قارورتي بعدج خجولة مني مو صرنا روحين ابجسد

- سيد مو بيدي اني اخجل منك هواي قربني منه اكثر وهو يشم عطري و‌احس امتزجنا بعض
و مع بعض موبايل جده مبطل رن عينه عالنقال ومرة عليه واني الذايبة بين ايديه
تجاهل الموبايل وظل يدردم

-والله لو تدك للصبح
ابتسمت له

- سيد خاف شي مهم لان مبطل يدك زين ليش متودي الجدي سيد باقر....هو هذا موبايله...شجابه بغرفتنا
تافف من كثر الرن

گان للشاحن وسحب النقال يتناوع للمتصل عكد حاجبة وبداخلة...بصوت أقل من الهمس گال

-بلة هاي شتريد شعجب تذكرتني بعد هاي السنين هو كل علاقتنا مؤقته
تناوع اليه

- عقيلة لحظة وجايچ حبي ابقي ذايبة مو ترجعين تشردين بحجة الخجل
ضحكت مدنجه ما أكدر النظرات عيونه
طلع من باب غرفتنا الي يطل ع حديقة خاصة بالغرفة

تسحبت من الچربایه...سمعته یگول

- ممكن اعرف شتردين مخابرة،على موبايل جدي
وشذكرچ بيه مااجوزين مني

-ولج سناء أفهمي عاد..كل علاقتي بيج زواج متعة وانتهى ياسناء لاتلحين بعد
لااااا تلحين سناااااء

#يتبع