شَاهَيَنَةٍُةٍُ نَذرَ ۦٰ ͢˓الَحَوًّاافَيَ🕊 - ⁽💜
..البارت 2..
elma-98
ألا تشعرين بالأنتماء إلى
فصيلة الغيوم
ألا تشعرين بأنكِ سماويّة !
نضربت بشي صلب وسمعت صوت خشن
:شاهينة منوو محاول يكسر جناحاتچ.. شاهينة نذر الحوافي
لفحتني انفاس حارة وغبت عن الدنيا ومابيها وعن جمال
هذا الصوت
.... صوت يم اذني گعدني من حلمي الجميل
الدكتور هلال : وضعها مستقر البنية فقدت اثر خووف وهبطة
بس مگلتلي وين شفتها
جلال : گلتلك ماأعرفها نزلت من السيارة وهي اجت مثل الهوا
الهاب من بعيد ضربتني بقووة وفقدت
هلال : جلال الصار .. قاطعتهم
همست : اني وين وشسوي هنا .. ؟
باوعت للسقف ابيض مزينته الاضوية نزلت عيني ع سدية وع جدار المقابل شهادات معلگة بيهن صورة ولد باوعت للي حوالية الشهادة الهذا الشخص الي لابس لابكووت ابيض يعني هذا الدكتور ..
شاهينة : دكتور اني شداأسوي هنا
الدكتور : فقدتي وعيچ اثر هبوط بالسكري من الخوف
.. اجامي نفس الصوت الجان بحلمي
جلال : شنوو قصتچ ؟
شاهينة : انتَ منوو؟
جلال : انه الجبتچ لهنا ، جلال
شاهينة : مالي قصة بس اريد اروح
جلال : ممنوع .. انتِ هسة عرفينا عن نفسچ اول
شاهينة : وشكوو حتى اعرفك اني بيه
جلال بصبر تنفس : دكتور ممكن تفهمها
الدكتور : انتِ حالياً بعيادة طبية مريضة مجهولة الهوية لازم
نعرف عنچ شنوو المخوفچ وضعچ مو طبيعي
همست وي نفسي : هويتي
جلال : هويتچ!.
عزززا هذا من وين سمع اذن الفار حشا حچيت بعقلي
شاهينة : ايي ملازم تعرفوها رجاءً اعتبروني مدخلت ولاتسولي سجل وفضت السالفة
جلال : اضطر اخبر الشرطة إذاً يرجعوچ لاهلچ يجوز ضايعة
وقلقانين عليچ ... فزيت من مكاني
شاهينة : لا والله مو ضايعة بس ممكن قلقانين لانخبرر الشرطة
... نظرلي نظرة حادة بيها حذر
جلال : وليش مااخبرهم ؟
شاهينة : والله احچي بس احلف ماتخبرهم .. ابتسم بطرف شفته
جلال : اعتبري حلفت ..
شاهينة : اعتبرني گلت لعد .. اني لو اريد اعتبر ..
سكتت مااريد انهي حياتي
جلال : بداعة امي ماعندي اغلى منها
شاهينة : بالنسبة الي اغلى شي الخالق احلف بالله وبس
باوع بنفاذ صبر : تتشرط بمنو احلف بنتي رب العالمين لگمة خبز وكل ساعة حالفين بي لعبة بحلوگنا
شاهينة : حشا طبعاً لاا .. إلا إذا انت كذاب
جلال : هسة تحچين لا والله اخبرهم .. ليش چنتي تركضين وتتلفتين وشنوو اسمچ؟
شاهينة : شاهينة .. فتح مصدوم .. شكوو؟
.. اشر كملي .. طلعت من البيت بأرادتي وبرضاي
جلال : هيچ من دون سبب
شاهينة : لاا هربت من الظلم الممكن يصير بيه
جلال : اسمچ الثلاثي ..طلع ورقة وقلم
شاهينة : شاهينة جلال محمد .. باوع وعيونه متفاجئة وجه
نظرة ع دكتور النفسه متوتر
جلال : متأكدة ، الرباعي العفو
شاهينة : شاهينة جلال محمد فاتح .. زفر نفس براحة
الدكتور : مو البالنا الحمدلله
شاهينة : هسة حضرة المحقق ممكن اسمك حتى إذا صار عليه شي انتَ تهديد الحياتي اكثر من اهلي
جلال : شعرفچ؟
شاهينة : شنوو
جلال : غلسي .. جلال اسمي
شاهينة : ماأعرف
جلال : لا اقصد جلال اسمي .. باوعت بشك
شاهينة : متأكد مو من رجال ابوية ؟
جلال : لاا خل اعرفه اول واصير من رجاله لأبوچ
شاهينة : اگدر اروح موو؟
جلال : شنوو الظلم النهزمتي منه
شاهينة : يااخي هاي مو شغلتك عليكم باسمي انطيته ع مود
السجل رغم عرضت نفسي للخطر هسه لازم اروح لاتأخروني اكثر رجاء ً.. گمت نلزمت من ايدي الدكتور طلع .. ارتديت بخوف
شاهينة : لاا لا .. لاا تسويلي شي والله احچي
..باوع مستغرب حثني حتى اتكلم
شاهينة : ..هربت من اهلي لان ابتليت وگعت راسي بمصيبة اني بريئة منها برائة الذئب من دم يوسف
جلال : شلون هاي ؟
.. بديت احچي وهو متفاجئ
جلال : ليش ماردتي اخبرر الشرطة ؟
شاهينة : حيرجعوني الاهلي حالي حال اي وحده نشوفها بالاخبار
جلال : بس اني محرجعچ .. ارتبكت
شاهينة : ليش انت شرطي ؟
جلال : شتگوليين
شاهينة : كذبت عليه مايصير حرام عليك
جلال : مو كتلچ ماأرجعج اهدئي خل نركز بسالفتچ يعني ابن الحارس تحرش بيچ رغم معرفته انتِ بنت مديرة وطمع بجسدچ
شاهينة : ومصور بالكاميرات حتى يبتز ابوية وياخذ فلوس واني هربت اول مااعرفت ابوية عرف بابا يذبحني رغم حبه الي سمعته تكون اغلى مني لدرجة مااوصفلك بس سمعت صوته اخذت فلوس وهويتي ونهزمت ركض لحد مابعددت عن المنطقة ونضربت لگيت نفسي هناا احلفك باغلى شي ع کلبك احلفك بغواليك اتركني ..
مد ايده
جلال : الهوية ..صفنت شلوون اطلعها ..
شاهينة : ديرر وجهك
جلال : عفواً
شاهينة : دير وجهك اطلعها .. تعابير وجها تغيرت
جلال : ليش وين ضامتها؟
شاهينة : شدخلك .. دارر وجها طلعتها من صدري
جلال : هسة ؟
شاهينة : باوع .. اخذها
همس : حارة .. ردت اعيط بيه فاهمه كلامه ..كمل ..اقصد الجوو
شاهينة : تررا بداية 12 وين الحرر
جلال : اه اني اعاني من حرارة مفرطة
شاهينة : خطية..بقى يسأل الحد مطلعت روحي
جلال : هسة تدخل ممرضة تتفحص جسدچ إذا بي اثار تعذيب
شاهينة : بابا كل شي يسوي بس مايضربني اني هربت ممكن يزوجني او يحبسني بالظلام .. كمل هدوء
جلال : غريب إن شاءالله نفهم لان شغلتچ غامضة
.. شاهينة : سؤال؟
جلال : تفضلي
شاهينة : لاا هيچ هسة اطلع
جلال : هاهي مشيتها من دون فحص ثقة بكلااامچ فونچ
شاهينة : ليش شتسوي بيه
جلال : اقصد الشريحة يلگوچ منها خاصة والدچ صاحب نفوذ
حسب كلامچ
شاهينة : ها كسرتها
جلال : حاسبه حساب الله وياچ .. نزلت من السدية صار عندي وجع برجلي باوعت البنطرون مشگوك وركبتي مجروحة ومضمدة
شاهينة : شُكراً استاذ جلال .. ابتسم طلعت صار بوجهي الدكتور
شاهينة : شُكراً لك أيضاً
هلال : ياهلا ... طلعت من العيادة باوعت اني وين بعيددة
عن منطقتنا بس ممكن يلزموني .. حطيت ايدي ع شعري حايرة
لزمت راسي بقوة من الأفكار ..
مشيت دخلت صيدلية اخذت قناع حتى ماابين وطلعت اتكلم
وي نفسي
شاهينة : هسة اني وين حروح شنو حسوي يارب انت المعيين عيني برحمتك إذا اروح لعمامي الماأعرف مكانهم وعنهم شي مصيري يرجع لابوية هاي إذا لكيتهم اما خوالي خل اعرفهم اني اول يلاا
.. ماريد ارجع للظلام للكوابيس ولكل شي محلو وصلت شارع
سريع وگف رجال تاكسي
: تاكسي
.. حطيت ايدي ع صدري امتنان شايفة بابا يسويها ماعرفت شأگوله وكملت طريقي ع رصيف تايها فعلاً هوو هذا الضياع .. جامعة ماكوو بعد بس ضياع ياربي بقيت امشي من دون انتباه سمعت صوت هورن قوي نداريت ووگعت مااگدرت اوکف من قوة الضربة الاجت ع رجلي
.. المكان فارغ وابو السيارة راح بسرعة بس التراب ورا
حسيت واحد وراي شفت ظل .. حتصير المغربية يااعلي وين انطي وجهي حصير مشبوهة لانظار العالم .. درت ع وراي بحذر
..شخص لابس زي شرطة .. ارددف
: من طررف السيد جلال حماية وراچ ..
ابتعدت بخوف بسرعة وكمل .. جلال الرائد مو ابوج
شاهينة : عفواً .. گومني صعدني ويا سيارة واني ادعي الجلال
بالخير وگف گبال مركز
شاهينة : ماادخل هنا اني گلتله
: فقط شي روتيني گدام العالم نزلي مطمئنة
.. نزلت اعرج دخلت وي الشرطي للمكتب صاار گبالي
لابس زي ونسر ع كتفه .. رفع راسه الي
جلال : شاهينة
شاهينة : نعم
جلال : اطمئني والدچ مازال يبحث عنچ ومصر انُ يلگاچ لو
بسابع ارض خاتلة
شاهينة : وين الاطمئنان بالموضوع قصدك ارتبك اكثر؟
جلال : لا لان انتِ گدام العيون وهو يدور بأماكن
بعيدة إذاً ميلگاچ .. گعدت ع كرسي بوجع .. باوع وهمس متعجب
جلال : شسوين ؟ ...باوعت .. گتلچ اگعدي
كملت بنفس نبرته : لاا بس قبل شوية ندعمت ورجلي موتتني ماانتظر شوكت تصير ذوق ..
انتبه ع نفسه ابتسم : مگالوا نضربتي
بفضول : شنوو يعني النسر الي ع كتفك ؟
جلال : رائد
شاهينة : فضاء؟
جلال : كوميدية حضرتچ؟
شاهينة : لازم انسي نفسي الوجع .. صراحة ارتاحيتلك ولسه متخوفة منك .. كتف واستند ع حايط
جلال : وانه مامرتاحلج .. وشلون هاي ؟
شاهينة : انت حلفت بعافية امك ارتاحيت لأن فعلاً الام مو شي سهل حتى تحلف بعافيتها وتكذب
ابتسم : شي منتهين منه يلاا ناخذچ الهلال
عقدت حاجبي : هلال!
جلال : ايي الدكتور يشووف رجلچ يجوز ملتوية
شاهينة : يجوز نكسررت عزززا بعد ماامشي
صفن : هاي انتِ دائماً هيچ؟
شاهينة : شلون؟
جلال : هيچ .. بس لو كسر چان ماتحملتي ووگعتي بعيداً عن باقي الاعراض تلگيه التواء بسيط بالعظم
... طلعت وياه واحس الجنود عيونهم عليه زين ليش شنوو السبب ؟
.. احم اقصد معقولة بيه شي
جلال : لا طبيعي بس شافوچ ويايه وانه ماامشي وي اي واحد
شاهينة : يعني عقدة
جلال : لا بس هي يومين اجي بيها البغداد واروح مايحتاج
شاهينة : ليش انتَ مو بغدادي؟
جلال : لا مو بغدادي ع گولتچ بس شغلي مرة بمحافظتي مرة هنا انزل
شاهينة : اها .. نزلنا گبال العيادة دخل گبل
جلال : هلال عنده مراجع؟
السكرتيرة : ايي استاذ ... اتصل بيه
جلال : هلال خلص فحص المراجعة وتعال للغرفة الثانية ..
دخلنا الغرفة بيها معدات طبية
شاهينة : هو هذا الدكتور شنوو اختصاصه حتى جايبني اله معقولة ديجرب بيه
جلال : اقري الشهادة
شاهينة : مَدارسه مااعرف اقره
جلال : حسب المعلومات طالبة جامعية فنون
شاهينة : يعني مستفسر عني
جلال : طبعاً ، بس اوو شي بعد ..موصلتله
شاهينة : شنوو اسألني؟
جلال : طبعاً لا اوصله شما ضمضموا لو شهر ابقى بيه سنة
تنرفزت نترت : هوو شنووو
جلال : انتِ دائماً ذوق سز وتنترين بالگدامچ .. بلعت ريقي
شاهينة : لاا والله بس تنرفرت .. دخل الدكتور
هلال : خير جلال اليوم رايح راد .. باوع عليه
جلال : رجلها افحصها وسوي اللازم بسرعة
هلال : خووش بالمناسبة الوالدة رايدتك ترد وياي اليوم
.. لزم رجلي وجعتني كُلِش
شاهينة : حباب ع كيفك .. ابتسم
هلال : لا تخافين .. ترد لو لاا؟
جلال : ماأعرف بس ع سوته يرادلهاا گرصة اذن ..
حط مرهم لرجلي وطگها صحت بصوت عالي نزلت دموعي
هلال : هذا هو بس لاضغطين عليها هواي .. لا تنسَ تبقى امك
وتريد مصلحتك .. التفت بغضب
وصاح : موو تسوي أمور من ورا علمي .. اردفت بخوف
شاهينة : لا تصيح
هلال : مثل مگالت انت بعيادة بيها مرضى واحترم الاكبر
..يلا يحلوة هذا المرهم حطي ولا تضغطين
جلال : هلال آسف
هلال ابتسم : مصار شي يمعود شحيصير بيها
جلال : منو هي؟
هلال باوع عليه .. هي
كملت ع كلامه : ايي عفية شنووو مصيري؟
جلال : تعرفين مكان احد ابوچ مايتوقع تبقين عنده؟
شاهينة : لا .. واي مكان من اقاربي او عمامي حرجع البابا برجلي
يعني وتعبي يروح ع فاضي
جلال بشك : بس ماعندچ عمام
شاهينة : لا عندي .. باوع الهلال
جلال : انتِ ابوچ سالفته مو خالية ونفووذه قوية لدرجة الوصول لمعلوماتج اخذ وقت وطول بس مايعرف وي منوو يلعب
شاهينة : جلال بابا ترره
جلال : شنوو ؟
شاهينة : داأگول بابا جلال مو ياهوالجان يعني لا تستغرب
جلال : ما مستغرب بس منتظر !
جلال : شتعرفين عن عمامچ؟
شاهينة : ولا شي
جلال : لعد ؟
شاهينة : شلون عرفت موو .. هوو يحچي عنهم من دون
مايذكر شي مثل مكانهم اسمائهم
جلال : شنو الجان يحچي
شاهينة : عن حياتهم شيسوون بالعيد ويلعبون مثلاً وهيج
هلال : عندي مراجع اني يلا آنسة شاهينة انتبهي وتشرفت بيچ
شاهينة : الي الشرف دكتور ..طلع.. جد شحيصير بيه؟
جلال : اني حالف ماأسلمچ المؤسسة حكومية ممكن يرجعوچ
الوالدچ لكن .. تگدرين تبقين بمكان وحدچ
شاهينة : صح اخااف بس حسب المكان
جلال : عندي هنا شقة تبقين بيها إلى أن تلگين حل
..تذكرت القصص وسألت
شاهينة : انتوا شنو شغلتكم وي الشقق الخاطر محمد ؟!
....باوع متفاجئ
جلال : احنا ؟!
شاهينة : ايي الضباط كلكم والابطال الي بالقصص فجأة وسحب البطلة من ايدها للشقة .. شنوو قصتكم ياأخي والله من
باب الفضول جاوبني
تقرب خطواته واردف .. جلال : ومن تقرين القصة ورا مايسحبها ماتعرفين شيصير
فتحت عيوني ع وسعهن وشهكت : عززا .. لاا ماأروح وياك لو تموت
ارتد للخلف وضحك بخشونه : حتى ماتتأثرين بالقصص
بعد وانه كتلچ تگعدين بيها وحدچ واخلي حماية لأن سبق وذكرت انه مامستقر هنا هي يومين بس اجي والشقة انام بيها
شاهينة : ومن تجي واني بالشقة ؟
جلال : اكوو هواي شقق غيرها
شاهينة : طمنتني نوعاً ما بس ها
جلال : شنوو ؟
شاهينة : ماتجي للشقة الحگعد بيها ع أساس ناسي لو تجي شارب ..
اني احچي كلمة والثانية هو يتفاجئ اكثر
..حتخلصها كل شويه متفاجئ ؟
جلال : لچ انتِ كلِش متأثرة بالتقريهم الله واعلم شنوو چنتِ
تقرين متأكدة انتِ 19 سنة ؟
شاهينة : 19 ولا 30 مخصك بالمناسبة اني حدفعلك ايجار
ولازم اشتغل واطلع واطب براحتي
جلال : مالي دخل بيچ سوي التردي عليه اوفي بوعدي
باوعتله مطمئنة : شُكراً الك والله حبيتك
جلال : الشكر الله يلا نروح ..
نزل بالباب وگفنه گبالہ انطاني المفتاح
جلال : هنا انتِ تمثليني لأن هي باسمي محد يگول مؤجرة
ومايهتم فانتبهي التصرفاتچ وبس تفضلي
شاهينة : شُكراً
...فتحت الباب ودخلت..
بعده واگف ورا فترة سمعت خطوات يعني ابتعد
..باوعت للجدران باللون الاخضر وعليها كم لوحة مطية جمال للجدار والاثاث بسيط وراقي يعني مبينه مال ولد بعيداً عن اللون الأخضر .. المطبخ مرتب الثلاجة مليانه
طلعت خبز لگيت نوتيلا اكلتها وي الخبز بس بعدني جوعانه
سويت بيض عيون وعليه جبن واكلت لحد ماشبعت غسلت المواعين همزين نظيف دخلت غرفة هوسة كُلِش ملابس مطشرة بين هذا
جذبني ريحة عمطرها مو قصة طيب بس شامته بمكان بس وين ؟!
باوعت للصورة الموجودة عبارة عن كتلة غرور معلگة بالجدار بس !
سديت الباب وطلعت منها ماكو غرفة ثانية مع الاسف مددت ع قنفة الحمدلله مريحة طلعت فوني بعدني مفعلة البرامج
.. رسائل من صديقتي تسأل عن المحاضرات الفايتتها وليش صارلي يوم ممتواجدة بطرانه هذه
ِ.. التطبيقات الي ع رقم غلقتها كلها سويت حساب انستا
وهمي أتابع بيه الأخبار .. دخلت ع استوديو باوعت ع صورة اجمل شخص بحياتي ونمت رغم الخوف الي بداخلي بس افكاري بقت صاحية لحگتني للحلم .. گعدت مفزوعة
اني وين؟
تذكرت الصار باوعت 2 ونص ليل ياربي وين اروح أخاف بسرعة .. شغلت قرآن بصوت عالي يطغي ع صوت العاصفة البرا وع صوت الخوف الي بداخلي بقيت اردد وياه الى ان طلعت الشمس لبست القناع محتفظة بيه ونزلت .. صار بوجهي شاب
: صباح الخير
شاهينة : صباح النور .. كملت مشي اوقفني صوته
:مؤجرة جديدة ؟ ..هزيت راسي بأيي ..ياهلاا نورتي العمارة
شاهينة : اهلاً بيك
..طلعت من العمارة اكو محلات مفتحة هم زين
..دخلت المحل اشتريت حاجات نسائية ..ردت اشتري خط بس حيطلعلهم إذا بأسمي اجه بالي جلال ممكن يساعدني بس شلون
اوصله اروح للمركز
شاهينة : لا طبعاً ..
رديت ع نفسي اخذت احتياجاتي ورجعت
دخلت الغرفته ادور عن شي يوصلني اله لگيت دفتر بي ارقام
مفادني كل اسامي نجار وحداد وابو فلان وعلان
.. شفت صورة صغيرة اله وهو وهلال الدكتور
اكيد أصدقاء مبين شمرت الصورة ممهتمه .. شفت ورقة عليها
رقم بس ممكتوب عليه اي شي وإذا مفادني شلون
بعدين ؟ ..اخذت الرقم ونزلت للحارس
شاهينة : السلام عليكم عمو
الحارس : وعليكم بنتي تفضلي ..
رفعت فوني بوجهها وتكلمت باسف وتصنعت البرائة
شاهينة : قفل خالص شحن ومكالمة مهمة عندي لازم اوصل للاهل واني جديدة ومااعرف احد ممكن تساعدني
الحارس : طبعاً بنيتي انتِ
شاهينة : شُكراً عمو رحمة الله والديك
..انطاني فون جالكسي من النوعيات القديمة هسة نقرض سيفت
الرقم وابتعدت مسافة عنه اتصلت أجاني صووت بنية
: لوو
شاهينة : العفو منو ويايه؟
: والله انتِ المتصلة منو حضرتچ المفروض انه أسأل
.. اهووو داأحچي وي وحدة لسان وماتفووت السالفة
شاهينة : حقچ عيناي بس اعتقد غلطت بالرقم
.. هوو اني اتصلت ومااعرف منو وين غلطت
: مو تعتقدين هذا أكيد .. نرفزتني
شاهينة : اسمعي شبيج اكلتيني ع اساس انتِ متغلطين واني اتصلت متقصدة مو غلطانة خوش انتِ بنية أيضاً افهمي من حالي رجاءً يعني .. داأقفله وقفني صوتها
: تمام إذا متقصدة گولي شعندچ متصلة
حچيت بتردد وخوف : لا تفهمين غلط اول شي إذا زوجته او حبيبته
: هوو منوو؟
شاهينة : شتقربين الجلال؟
: استغفرالله بيناتنا صلة دم مايهم شنو هي بس مو زوجته
ارتاحي شتردين ؟
شاهينة : اريد رقمة ساعديني والله بس تحتاجين شي اساعدچ
اتصلي ع هذا الرقم وگولي شاهينة اساعدچ
: انتِ منين تعرفي؟
شاهينة : هسة تساعديني لو لا؟
: طبعاً اساعدچ بالأخير مبين وضعچ مستعجل .. راح ادزه الچ
شاهينة : تسلمين بس ..
نسد بوجهي ناس ذوق سز ولو هي اقاربه يعني بالاخير مگعدني ع كرسي هي تنهي باحترام ! ..ثواني مو اكثر اتصل رقم غريب ..وراه وصلت رسالة من الجنت احاچيها نفس الرقم يعني هذا جلال رديت
شاهينة : اول شي اسفة لأن أتصلت ع أقاربك بس والله محتاجتك ثاني شي تگدر تجي هسه حباب إذا ماتجي اضييع
جلال : شكوو شصاير شافوج؟
شاهينة :لا اني بعدني بالشقة بس محتاجة طلعلي رقم مستعجل
واريد تدبرلي دراستي والله أردها الك ردت اطلع بس خفت
يلگوني من البيانات وو ..
جلال : ع كيفچ بابا وحدة وحدة انه مو بغداد رجعت المحافظتي
.. سمعت صوت من وراه يسأل . .منوو هذهِ؟
شاهينة : اكيد هذه زوجتك السألت العفو اقاربك
جلال : ايي انه راح امشي الامور من يمي وراح ادزهم بيد
ابو رحمة
شاهينة : منوو هذا؟
جلال : التخابرين بفونه
شاهينة : بشرفك !
ابتسم : بشرفي
شاهينة : تمام اشكرك واسفه لان بحوشت باغراضك ردت
اروح للمركز بس
جلال : ديربالچ ترحين فاهمة
شاهينة : هو اني هم هيچ گلت النفسي وبطلت
.. اكو اخبار عن اهلي؟
جلال : شتسوين بأخبارهم .. چاي
شاهينة : چاي ايش؟
جلال : مو وياچ ، شتسوين بيهم؟
شاهينة : اريد اعرف اذا زال الخطر لولا داأمشي ولابسة القناع
جلال : مشكورة
شاهينة : مسويت شي
جلال : والله مو وياچ
شاهينة : لعد أنتَ شكوو تحچي وي غيري مو دتحچي وياي
اني شعرفني؟
جلال : ايي يمه رايح الغرفتي .. سمعت صوت خطوات
شاهينة : اعرف مو وياي والا ماصرت امك فجأة اسم الله
جلال : ليش اسم الله
شاهينة : لعد اصير ام واحد مثلك الا اتبرا من ابني
جلال : ملاحظة نفسچ تجاوزين وانه ساكت وهذا مو طبعي
شاهينة : تمام ياأخي اووف هسة انطيني اخبار اهلي وسوي
الاريده ودزهم بأيد الحارس واني ادز فلوس خدمتك بايده
جلال : انچبي مامحتاج لفلوسچ انتِ صرتي دخيلتي
شاهينة : لا تغلط طبعاً ماتحتاجهن رائد فضاء بالاخير أنت
جلال : عينچ عليهن؟
شاهينة : لا الثروة العندي اشتري بيها منصبك وكل الي بي
جلال : يعني تنغرين؟
شاهينة : لا بس داأوصلك فكرة
جلال : رغم الثروة العندچ احتاجيتيني ليش لأن الثروة حالياً
ابوچ اليديرها
شاهينة : بالضبط ، يلا عيب من الرجال صار بالربع ساعة الفون
عندي
جلال : عنده واحد لخ معليج .. اهلج مثل مگتلچ مازالو بالبحث
عنچ مستعدين يشگوون الگاع ماطاخه فكرة ع راسهم ممكن
تكونين ببغداد ابداً هذا الشي من صالحچ
شاهينة : اووه الحمدلله .. حچيت بغصة .. وامي؟
جلال : مع الأسف ماتوصلت المعلومة عنها حرس ابوچ ماينطون
بيه اوفيااء منطيهم هواي عظام
ابتسمت ع تشبيه : تسلم مرة لخ ثق مَا أنسَ مساعدتك الي
جلال : واجبي .. سديته
شاهينة : تسلم عمو اعذرني طولت
الحارس : ولو ضيفة استاذ جلال انتِ تدَللين
شاهينة : مشكور ..طلعت بالمصعد دخل هذا الشاب السلم الصبح
الشاب : شهل صدفة الحلوة ..ابتمست.. الاسم الكريم
شاهينة : شاهينة .. باوع بأعجاب
: اسم ع مسمى ، مهند
شاهينة : ياهلا تشرفت
مهند : مگلتي يا شقة ؟
شاهينة : ليش؟
مهند : نجي نزورچ نرحب بيچ
شاهينة : مشكور واصلة زيارتك ..
طلعت بسرعة تأكدت
راح يلا رحت للشقة
...ندك الباب شفت الحارس شهالسرعة هاي العنده !
شاهينة : تفضل عمو
الحارس : عمي هاي الأمانة من أستاذ جلال
شاهينة : تسلم تعبتك وياي بس انتظر ثواني ..
اخذت مبلغ ايجاار وفوگاه للاغراض الدزهم
شاهينة : ممكن توصلهم اله واكوون ممنونة
الحارس : لا اعذريني هو گال ممنوع اخذ شي فقط اسلم
شاهينة : عمو حباب أخذهم .. راح من دون مايسمع
خليت الشريحة بالفون فعلت عليها برامج ماراسلت اي واحد خوف شفت باج الكلية دازه يعني مسموحاداوم هذا من وين جايبه
وكم حاجة لخ .. دخلت جهات الاتصال 3 ارقام واحد
ابو رحمة واللخ دكتور هلال .. رائد جلال..
غيرت اسمه كتبت رائد الفضاء باوعت الساعة ب9 ونص ممكن الحك باوعت الجنطتي طلعت منها التمثال الي نحته علمود العمل العدنه
بس مقدمته جبته وياي كأول تمثال اسوي بمجهودي من دون مساعدة احد عبارة عن طير لازم بمنقاره غصن يتمسك بيه احس يمثل الي بداخلي 🕊️
.. اني هيچ متمسكة بالحياة ومتحملتها بالرغم من كلام الناس ضدي بالرغم من احباطهم وظلمهم الي بقيت متمسكة بيها مثل طير يتمسك بغصن ع مود يبني النفسه عش .. باوعت للالوان الي محاطه بي زاهية مثل روحي لكن بيه لون الاسود مخصل ريشه مثل مخاوف روحي .. غيرت رأيي ماأسلمه انحت واحد لخ حتى لو ماعندي وقت .. لازم اروح اخذ اذن من الاستاذ
لبست بدي صوف احمر وخليت لفاف ع عنقي احمر وي لون الشام اقصد النمش فقط بعنقي ..احبه بس ماأشوفه الاحد دائماً اخفي بالمكياج اؤمن انُ الشي الي نحبه مانتكلم عنه الأحد ولانخلي يطلع عليه .. والا يخرب سحر الحب بهذا الشي ويصير عادي هاي بالنسبة للأشياء لكن الاشخاص مااعرف لسه ممجربة حب القصص
مال شريك الحياة وغير بس مجربة حب الاهل
وي جينز اسود بوري وسترة جلد اسود وهاف بوت
.. سويت شعري كعكة لبست القناع وطلعت باب العمارة شفت
هذا الغثيث مهند
مهند : ام القناع .. نداريت عليه
شاهينة : تفضل
مهند : السلام الله .. ع كلٌ آنسة شاهينة سؤال من باب الفضول
شاهينة : اسمعك
مهند : ليش تلبسين القناع ؟
شاهينة : قصدك الكمامه .. هز راسه ..ايي مريضة بيه
وخوف اعدي غيري ...
عفته من دون مااسمع رد رن فوني رفعته رائد الفضاء
شاهينة : الوو رائد الفضاء
جلال : هلاا شاهينة شعندچ طالعة؟
شاهينة : عزززا انتَ من جد دتراقبني !
جلال : ايي الخطر بعده
شاهينة : ايي اريد اروح للجامعة اخذ اذن قابل ؟
جلال : انتبهي ولا تستغربين اكو سيارة وراچ انه خليتها الامانچ
شاهينة : تسلم رائد والله داأزحمك وفوك هذا ماتقبل تاخذ حقك محد مسويها غيرك الآن صرت بقائمة المفضلين عندي مأذيتني
جلال : فرحتيني ، جا انتِ فتحت بيچ قائمة جديدة
شاهينة : ليش؟
جلال : مو معرفت شنو نوعچ لا مفضل ولا مو مفضل شي
مختلف انتِ
شاهينة : بالعكس اني واضحة الكل الحواليه اصدقائي يعرفوني
جلال : هوو هيچ انتبهي مرة لخ
شاهينة : من تجي البغداد اريد اشكرك
جلال : أن شاءالله .
عبرت الشارع صعدت تاكسي
رحت للجامعة ماسلمت حسيت خطوات وراي نداريت الجندي
الانقذني من طرف جلال يعني هسة اني هاربه من بابا والديحميني شخص غريب فعلاً الدنيا ومافيها !
..نزلت دمعتي مسحتها بسرعة
رحت للدكتور مثل اخونا كلنا دخلت المكتبه ورا مدگيت الباب ..
شاهينة : السلام عليكم دكتور
الدكتور : وعليكم الرحمة تفضلي
شاهينة : دكتور اني شاهينة
الدكتور : معرفتچ من الكمامة اعذريني ، وينج ماكو ؟
شاهينة : لا عادي ، اني لبستها حتى لا اعديك لان مريضة
الدكتور : لهذا السبب متغيبة
شاهينة : يعني ايي أجيت اريد اذن علمود تاجل تسليمي
للمشروع حباب
الدكتور : تمام لاتتبچبچين اني اضعف گدامكم تدرين
شاهينة : لا تگول لأهلي إذا سألوك ممكن ؟
الدكتور : ليش؟
شاهينة : لا تگول وهذا كافي ، مشكور دكتور
الدكتور : ولو تدللين بنيتي انتِ
.. طلعت واني اشوف شلتي متجمعين بدوني وماكو
شي ناقصهم كملت طريقي ماأريد اقهر نفسي اكثر
.. أجرت تاكسي ورجعت مرر كم أسبوع الرائد جلال نتواصل بالفون اسأل عن اهلي وهو عليه لابسه شورت وكيمونة للصدر وداأنحت شعري لافتة كعكة ومدمر وخابصة الامه ندك الباب استغربت
شاهينة : منوو؟
جلال : انه جلال
شاهينة : لحظة انتظر ..
سحبت الفستان الموجود لبسته وفتحت الباب
شاهينة : تفضل ..
جلال : يزيد فضلچ .. شنو هاي الهوسة ؟!
شاهينة : كبالك انسانة فوضوية اعذرني ع منظر
جلال : مو مشكلة انتِ اعذريني اجيت من دون خبر
شاهينة : مو مشكل
جلال : اجيت أسأل عنچ واشوفج طلعوا اصلاً مملاحظين
وجودچ عاشت ايدچ
شاهينة : اني انسانة داخلي فوضوية وخارجي هادئة يعني لا تستغرب .. تشرب چاي ؟
جلال : ياريت ولو ازحمچ
شاهينة : لا عادي البيت بيتك ..ضحكت .. من صدك بيتك
..ابتسم وسويت چاي
شاهينة : تفضل .. شرب وذبه بسرعة
جلال : مشكورة مامشتهي
شاهينة : ليش ذبيته لعد؟
جلال : شلون مقتنعة بيه هذا چاي ؟
شاهينة : شبيه؟
جلال : مُررر وزفر
شاهينة : لحظة مر اوك بس الچاي شلوون يصير زفر !
جلال : يصير .. شفتچ بخير اخذي راحتچ انه اروح
شاهينة : كلش شُكراً رائد جلال .. بالرغم ماأحب الرسمية بس اشكرك من كل گلبي لازم ارد فضلك
جلال : الشكر الله تگدرين تگولين جلال وبس عادي
شاهينة :ا وك شُكراً جلال
جلال : ادللي شاهينة
.. فتح الباب يريد يطلع ماأعرف ليش اجه من داخلي هيچ حركة طايشة تحيبلي الندم بعدين لزمت ايده وحضنته
شاهينة : كأخت ممكن تعذرني
بلع ريگه وبرزت تفاحة آدم : كأخت!
ابتعدت من لاحظت تصرفي سلم برسمية وراح
____
هلال : الو جلال وينك منتظرك مو گلت احجزلك يم صديقي
جلال : ايي بالطريق شويه ويمكم
.. نزلت للعيادة خلص فحوصات روتينية
الدكتور : جلال نبضات گلبك وكل شي عندك طبيعي ماتعاني لا
من خفقان مثل ماتگول و لا غير
هلال : دكتور تعرف ثقتي بعملك بس خايف ع اخوية حسب كلامه
هوو هواي يفحط عبالك يركض ودگات گلبه تعلى
الدكتور : اتفهمك دكتور بس ممكن طبيعة عمله بيها نوع من
الحماس ترفع مستوى دقات القلب شي طبيعي
..صافحته وطلعت
هلال : من شوكت حسيت بهذا الشي
جلال : من يووم النضربت بشاهينة وبدت الاعراض عندي گتلك
هلال : هذا مو خفقان شي لخ
جلال : مثل؟
هلال : ماأدري برأيك ..
جلال : كثفت الحراسة ع بنية
هلال: هو الزين
جلال : هلال كثفت الحراسة حتى لا أبوها يوصلها تعرف علاقته
قوية بالنواب ونفوذه كلش واصله
هلال : اكثر من جدك؟
جلال : إذا ماطلع ابن جدي !
هلال : تأكد من السالفة
جلال : طبعاً اتأكد يلا متتظر خبر بين ماتكمل الاجراءات واگللها الشاهينة اذا الله راد بعدين الجدي
هلال : أن شاءالله خير
جلال : هذا الاريده ..
...
بقيت وي جلال بس بالمكالمات يسأل عني واني كذلك
صرت اليوم الي ماأخابره بيه نقص مر شهر اهلي كل الاعرفه
عنهم لهسة يدورون عليه اريد اطلع بوجهم والخوف يحتلني وارجع النقطة الصفر ومن وين ماجابتني الأيام
جلال : شاهينة باچر اني راجع المحافظتي
شاهينة : قبل لاتروح اني لاازم اشكرك بفدشي
جلال : أن شاءالله خير
شاهينة : خير والله كل ما بالموضوع اريد اعزمك ع مطعم كشكر
جلال : انه هسة طالع للمطعم اكل
شاهينة : اه شفت صدفة حلوة تمام عشاك ع حسابي
بمطعم الہ***
أجر تاكسي واجي
جلال : جاي ، انه قريب مَايحتاج تكسي
شاهينة : اوكي ..
غيرت ملابسي وطلعت من دون كمامه شفت هذا الولد المزعج
مهند : جديدة انتِ هنا ؟
شاهينة : امم
مهند : الرايح والجاي يدخل براحته صاير
شاهينة : عفواً انتَ شكو العمارة بأسمك !!! .. عجيب
مهند : لا بس اگول ياهو اليجي صاير يدخلها ..
اجه جلال بأتجاهي سلموا ع بعض هو ومهند
جلال : شكو خير؟
مهند : خير مدري مو خير ياهو اليجي صاير يدخل العمارة
تصدك أستاذ جلال
شاهينة : ماكو شي جلال هذا ديحاسب منوو اليطب ويطلع
جلال : مهند مو من حقك تحاسب منوو يجي ويروح ابو رحمة
يعرف هذا كافي ع سالفتك ماتخلي مؤجر بالعمارة
مهند : اسف استاذ ماأعرف هي اقاربك
جلال : اقاربي ولا غيرها هذا الكلام خليه بالك
..صعدت السيارة ورحنه للمطعم
جلال : شتحبين تاكلين؟
شاهينة : كُل شي اكل اكل
جلال : اقصد اكلتج المفضل
شاهينة : خمن
ابتسم بثقة : بيتزا
شاهينة : لا
جلال : كص او شاورما مثل ماتكولون
شاهينة : ههههه لا + انتوا ربكم مو وحد وماتكولون شاورما
جلال : احنه نكول كص .. واكو صاج انتوا يمكم شاورما وبركر
شاهينة : ههه ! باذنجان شوي وحميسة
جلال :غريب متوقعتج
شاهينة : انتَ؟
جلال : مندي اكيد
شاهينة : هو هسة اطلب مندي وكملها
جلال : ماتحبيه
شاهينة : لا عادي
جلال : خوش
جلال : باچر ارجع المحافظتي .
ضجت لكِن مَبينت خفت من شعوري كلبي المني بخوف إذا
التقيت بابا قررت احسم هذا الخوف !
شاهينة : تروح بالسلامة يارب
جلال : تسلمين ، إذا عندج شي تردي
شاهينة : اني راح ارجع اواجه بابا
جلال : شنوو ؟!
.......
بكره بيخلص هالكابوس ..
وبدل الشمس بتضوي شموس💛
#حبكم_تره_اني♥️
لاتنسون دعموني بتصويت ⭐ وكومنت تقدرون تعبي 😍
حساب الانستا🤍
"elma_.98"