//صباح الخير حبايب//مامنعني اله الشديد القوي لان تعرفون چان للتنزیل یومي لكن هل يومين مريضه گلش مع ذالك كتبت كوه الخاطركم
غفران
لست على ما يرام ، وكأن الطين الذي خُلقت منه بدأ ينبت صباراً
لكن أترك أمري للزهراء، إن كان يُرضي الله ويُرضيها سـ أصبر"
صياح أبوي زلزل كلشي بيه ماردت اتحرك بتجاهه لان شي وخايفه منه شي وخايفه اسمعه الى ان اجى التابوت رجف كل جسمي كل روحي انتفضت رغم شفت تابوت عباس الله يرحمه بس بقيت اتصنع القوه
اله اخوي اله اخوي ماكدرت ولا أكدر،أبوي كاعد بلگاع وشاك فانيلته السوده ويصيح
-ياقطعة چبدي ياأول فرحتي...يلحنين ليش عفتني بويه ابو ضحكة الحلوة
بويه علي ليش تغدر أبوك هيييچ مشیت خطوه ثانييه
أمي تصرخ وتصيح يااااارب من صبررررر زينب أنطيني
أوليدي وررراح مني يااارب
كعدت للگاع،یجوز من مات عباس ماقبلت آشوفن وجهه لان نحره چان ینزف،بس آخويه علي حتى لو مو ينزف اريد اشوفه هذاااا ضلعي وكل ضلوعي
ارفعت راسي اخوي الجبير احمد يبجي بحرگه آتناوع الهم ومااعرف لیش انه آحس احبه اکثرهم
وفراگه راح یصیر اصعب شی علیه اي انه واخويه علي رويسيه من الطفوله الحد قبل لايموت بساعات نتناگر وهسه راح
لزمت حافة التابوت فتحته وشفت جسمه مدد بيه جواه بطانيه زرگه گلش،
وهو ابيض مسوية وجهه ملاك مديت ايدي الخده،مشيتها على لحيته،حواجبه التفت على
ابويه ادنى يمي مد ايده اثنينهن بقى يصرخ حييل
گل صرخه من ابوي اصدك علي مات وعافني وراح
هو الچان یصبرني على فراك عباس يشاقيني،يطلعني يسولف ويايه وهسه انه بلا علي مثل حمامه بلا جنح
صرخت صرخه ،والاول مره اصرخ هیییچ شبگت ابویه الشابك جثة علي اجو عمامي،كومو
ابويه،الجواريين داير ميدور امي اجت عقيله تصرخ ،وتصيح
-علي خوووويه علي منووو بعدك اليه من هاااي الدنيااا
يارب اخذته من عندي مو من امه وابوه
اجو عمامي أخذو ابويه،والتابوت يشيعونه راح وياهم بابا يدفن اوليده البيت كله منهار،امي اخواني عقيله
مرته زهراء الكل صار مو على بعضه
التمن النسوان اول مايجن يلطمن،ويكعدن يردن يسولفن
اطلع من جنطة القرأن أكومن الهن جزء وانطي وكلهن
-آنه آخت المات،ولآن اخوي عزيز عليه لاترديني اقري قران الروحه، أمي من تنهار،وتصرخ ألزمها من ايدها واكلها
-يمه علي راح للاحسن مني ومنج وانتي تخافين الله وتحبين علي هذا جزء اقري راح يخفف عليه فراگنه وحشت الگبر ،ویصیر لحده واسع
حتی انه من آجزع،،من ارید اصیح علی اخوی علی الزم.
الجزء واقراء وابچي وصورة علي أكبالي غصه صارت بگلبي وانه أحاچي أخي اجاهد كي أحرسُ قلبي من اليأس" فراقك علي ليس بهين
اسأل الله أن يهون على قلبي المحزون
اريد انسى وجهه بتابوت مبي شي ابيض يخبل نازك حتى من لزمت ايده اضافره صافيه تلمع،لزمت بنصره اخذت من بين أصابعه محبسه النجفي بست ايده حيل
وكأن الوداع الاخير بيني وبين صويحبي
،ورفيق الصعاب
ولأن علي عزيز عندي ودوم يسميني انتي زلمة بيتنه انه تلي أحتوت ماما وزهراء، كفت وياهن، ومثل كل مره اتصنع ألقوه گدرت آوگف علی حيل حزني،أوكف امي
وأخليهن يوگفن علی حيلهن...
گلما اشوفهن جازعات،افتح جنطة القران ووازع عليهن اجزاء يقرن الحد مايتعبن
عقيله خيتي وصاحبتي الثانيه چانت تبچي هواي من تشوفني هييچ تجیني تگلي
-أنتي قاسيه مثل جبل من القوه والصبر
-ليش تگولین هییچ
-كل اشوي ترحین الماما وزهراء تقنعهن القرآن افضل من البچي اقرن اله حتى زوجته ماتركتيلها مجال للبچي
-لااااا ياعقيله الغصه بگلبي توجعني بس جاي تشوفين
ماما صحتها أدهورت من سيء الى اسوء..
وابويه صوت ثغيبه عالي...من مات علي ألحد اليوم السابع قبل لا ينام يصيح على علي...بونين عالي عالي
ياقطعة چبدي ياأول فرحتي...ليش عفتني
زين منو الهم،وهاي زهراء مگابله ملابسه وتبچي،ابنه اخوي ازغير شنو ذنبه بكل هذا الحزن،ماعنده حظ ابوه مات وهو عمره زغير يعني مابقاله اله امه لازم اساعدهم
-وانتي زوجج وين لازم نشكره هو وامه وعمته
-ماادري عقيله سيد مهدي او حتى اهله ماگو
-اشلون مو أجت عمتهم علویه ام زینه واجت ام مهدي والعلويات ونسوان عمامه چانن ويانا....ماترگنا ابد طول آیام الفاتحه
-اي صح غفران وياچ والحد يوم السابع العصر راحن
-اي راحن بس يجن
-تتتوقعين
-ليش تگولین هییچ ماادري
ماگو وبعد وماشفناهن
ولااجن
طلعت من الغرفه رحت للصاله
شفت ابوي لازم صورت علي منهار ويثغب، ابن علي يبجي بلغرفه ركضت عليه حتى اسكته
لان زهراء منهاره رن موبايلها امها خابرتها وتغيرت ملامحها ضاجت كلض وهي تكل الامها
-ماااااجي يمه ماااجي عتقوني انتي وابويه هذا بيتي وبيت زوجي علي الله يرحمه
من أراد أن يكون حسينيّاً أو من أرادت أن تكون زينبيّةً، عليهما تحمل المسؤوليّة، واتخاذ الموقف الصحيح في الوقت الصحيح، والثبات على الموقف، والاستعداد للتضحية، والصدق والوضوح والشفافية، والوفاء والتنافس في الخيرات، والسباق إلى الجبهات، والحضور في الخطوط الأماميّة، والعطاء والتحدّي. وهذه بعضٌ من صفات الإمام الحسين (عليه السلام) والحسينيّين، وبعضٌ من صفات زينب (عليها السلام) والزينبيّات.
......
عقيله
مولاي الغائب
السلام عليك..كم ارغب الان في صلاة ركعتي الحب أمام مقامك المبارك...في جمكران حيث خط يدك هناك
انا اعلم بأنك تسمع وترى وانا اكتب لك وكلي يقينٌ بانك تقرأ قبل ان اكتب لك
سيدي ارجوا عطفك علي واطلب منك ان تمسح على قلبي المتعب ولي حاجة عندك
ف أسألك ان تنظر لها بنظرة ابٍ حانٍ عطوف ف انت نعم الأب مولاي قلبي يتفطر شوقاً لزيارة آبائك فسهل لي وكن وجيهي عند ربي
دخل سيد مهدي لابس ملابس سود بنطلون،كابوي اسود وقميص اسود، لاف شطفه خضره على راسه،لاغف ردنه ماعرف رغم حزني بقيت ادقق بكلشي ،بيه كانما ماعاد اشوفه بعد،
أيده رغم بيها شعر بس ظاهر بيها اثر خياطات الحادث نقهرت الف مره عليه الحادث مخلي بكل جسمه اثر الله يساعده على العذاب والوجع ومثل ماگالت امه ابني مات بس افلوس جده عيشته ،
بيده عكازه مستند عليها،الايد الثانيه ينوش سيد مجتبى
وايرات گیبل حتی یرگب آضويه يم باب البيت احسهن الوايرات ثگال علیه
طلع ومالتفت اليه ابد،رغم شافني،هيچ بقی بلفاتحه
هو وسید مجتبی وگرایبهم یعینون اهلي بلفاتحه حتى سمعت اول يوم الطبخ المسواك سيد مهدي
واخوه كله همه مسوگینه لان چنه گل احنه بصدمه
بعدها ردته،وحتاجيت وجوده،اشلون اوصل اله مره اسبوع وری الثاني وماكو السيد ولا أهله
مثل فص ملح وذاب،بلشت الناس تحچي، اهلي ملتهين بلعزا والنسوان الي بدت تجينه اول سؤال يخطر بالهن هووه
يا انتي من شوكت هنا
يا ليش هنا...
انتي مو مصارلچ شهر من زوجتي زين ليش مترجعين البيت زوجچ
صارن گلما یجن النسوان اقدم ضيافه واطلع من عدهن بیومها اجن نسوان دخلتهن للديوانيه جاي اطلع حتى اصيح ماما
سمعت وحده منهن تگول الصاحبتها
-هااااااآاااااااي ابنیتهم مووو أزوجت بنص شعبان...
يعني مصارلها شهررر من عرست من ازوجت ليییییش زوجها ذباااآاااااااها وماسئل... اله أكووووووو شي
بديت اسمع حچي يبچي آلصخر گلما اقدم الچاي حتى بشرفي انطعت وكل شوي وحده دگول معقوله ترك هذا الجمال بلا سبب شوف شنو لكا بیها وهيچ ذبها وراح...
فوك مصابي بأخوي..العرض من حچي الناس أنداس
ادخل للغرفه أكعد أقرأء قرأن..وافك نفسي
طلعت من الغرفه لان گلش ضجت من النسوان الي دا يجن گلت اغسل ملابسي وعبايتي باچر اربعين علي الله يرحمه
اندك الباب فتحته صارت بوجهي سميره اول ماشافتني دفعتني من صدري وياها نسوان جوارينها گالت
-هاااااااا غراب البين بعدچ ما رجعتي شنو شااااف رجلچ
وشمرچ علینه ولچ ماقبطتي شهر عنده وزعلاااااانه
شووفن شووفن عيووووني ماحملها ولاااااااااااااا حمل
بلاويها وگسراته تقشمر الناس بدیانتها وهي من ساسها الراسها مطينه زنا
سگتت مااگدر آجاوب متخجله من النسوان الغرب خاف يصدگن بیها
راحت للصاله وانه مسطور راسي من الحچي ودومي اسكت ليش ينعكد الساني كعدت بلغرفه ابچي حتى ماضيفت مستحيه من النسوان
لزمت قرأني أقراء بيه،دخل خالي عليه وجهه الاشگر الحزن حتی صایر اصفرررر لحیته مشیبه رغم قبل فتره سود مرتبه حچي كله مرارت حزنه لاف غتره على وجهه وصوته مبحوح من البچي وبعز مصيبته
ضاج عليه كعد يمي گالي
بويه شنو سالفه ليش رجلچ ماگو ولا تبین لاااهوه ولاااا اهله صایر شي
-هاااا
-يبوووو لاااااازم تعرفين الناس آلوادم واحد يحچي حك الله چانوا واكفين ويانا بلفاتحه كلها والله ولدهم ويانا يركضون بلشاي والماي قبل ولدنا
حتى سيد مهدي وسيد مجتبى شالو الچادر شیل همه العزبو الفاتحه وهمه القدمو حتى هم جابو سيد يقراء محاضرات وقرآن،
زوجج الله يحفظه رغم ايده ورغم هو دكتور كل اشوي شايل صينية چاي لو يقدم العشا للمعزين،ويطلع يودعهم
شال الفاتحه ويانا هو واخوه الي مابقى واحد ماوصلاه بسيارته
خير بويه شصاير،باچر اربعين اخوچ وهم وماگو همه
خنگتني دموعي معرف شگول الخالي المگسور وماعندي
غير البچي تقرب عليه مقهور گلش گال
-هاااا یبنت خیتي العزيزه نجيه خيرچ یبووووي گولي
همه ليش هيچ یسوون
همزین غفران دخلت وبس هی تدري
لأن سولفتلها البارحه على كلشي صار ويايه گلتله
-بویه البیك مكفيك هو من يريدها يجي روح الامي تريدك طلع خالي كعدت يمي غفران تواسيني
بيومهة رحنا للأربعين اول ما شفنا صورته على کبر گلمن یحاچي الصوره على هواه...
أله غفران كعدت مقابيل الگبر...آجیت یمها خفت علیها...
لأن هي دوم تكتم حزنها تخاف على أمها"وأبوها
-کل آحنا فکدناه غفور لاتسوين هیچ بروحچ
عیونها آلي وتبچي
-عقيله أني توني ثنين وعشرين سنه بس ليش بهذا العمر أظل أحاچي ألحجر لو أحاچي ألصور...
بعدني جمرة عباس مشتعله بگلبي
ولچ جمرة علي بركان يحرك صدري.. شسوي واطفي نيران صدري...مخدتي جزعت مني.. سجادتي تبللت ادموعي...الترب تفطرت
كل يوم ورد عمري يذبل
وكل يوم أودع أخ"لو حبيب شبیه انه مكتوب عليه المفارك
شبكتها بجينه سوه مدري على همي مدري على علي
،زرنا الامام علي عليه السلام وفرغت حزني وهمي يم اميري وانه اندب ياااعلي
رجعنه البيتنه وكاموالناس بس يجون يوم الجمع لليلة ألجمعه اصبحت بلاء عليه حتى شعري الميش صبغته
والناس مكسور خاطره عليه فوك موتت اخويه
فوكها كامن يكولن رجلها ذبها وصارو الجوارينا
وقرايبنا من يجون يكولن شي شكل
يوم يطلعوني مسويه شي واكيد بيه شي و وذبها هل ذبه لاسال ولا اجه وراها أربع اشهر مرت.....بملامت الناس
بيومها عرفت خالي وده ناس.. يحاچون سيدباقر‌ويفتهمون منا شنو صاير
من اجو الناس الخالي ماجابو نتیجه‌كلش ضاج
وكام يحچي عليهم يلوم بروحه سمعته یصیح
ان هو سبب بالي صار انه عار گت حتى تصير القسمه
ولكم هاي امانة اختي دمرت حياتها
اريد اگله خالي انته دللتني مقصرت ويايه وفعلن انت صنت مانة اختك"
مكدرت احجي لان كلش مقهور عليه ضجت على خالي
وهو مگسور على أبنه...گال برجلي اروح البيتهم وافتهم السالفه
فعلا الصبح راح برجله البيت الساده. راح ألسيد باقر
رجع ضايج سالته امي
-هااااا ابو علي بشررر شنو گالو الك الساده
كال خالي
-سيد باقر گلي ان سيد مهدي مو بلعرِآق مسافر للهند يكمل علاجه ومن يرجع ان شاء الله يصير خير
-زين انت ليش ضايج ومهموم
-لان من خلال حچيه آفتهمت ان ايريدون يطلكون
-شنوووو يطلگوون بنتي عقيله تطلك وتنكسر رگبتهااااا
ییوووو حظچ یلیتیمه
عقیله یمي واكفه تسنط اثنينه ركضنه على ماما لان تخربطت جاي احاچیها أغمى عليها رکضت اجيت دواها
كعدها خالي وغفران واحنه خايفين عليها لان صعد ضغطها من كعدت تناوعتلي كامت تدعي عليهم
-الله ينتقم منهم ...فوك ماقبلنا بيهم الغشاشين المايخافون الله كسروا ركبه أليتيمه ....الله واكبر عليهم
ماحچیت اي بس ضايجه ضجت وگمت ابچي اعرف مالي غير البچي ماتحملت امي تدعي على سيد مهدي
اشرت ماما الخالي تناوعلي وطلع گامت غفران ورجعت بيدها شراب الزعتر نطته الماما گالت الها
-هذاااا الزعتر شربي الكوب كلللللله وهسه ترتاحيين لان هاي وصفة صديقتي نازك
-هااا قابل هي طبيبه
-لاااااا مثلچ تعاني من الضغط ودائما تشربه هوو ونومي البصره الاصفر
گالت ماما الغفران
-ماااشي اشربه بس اذا صعد ضغطي اموتچ انتي وصاحبتچ نازك
-خوووش ماما يله شربي
شربت ماما كوب الزعتر گله وگالت الیه
-هااااا الزعتر شربته صرت احسن سولفي عقيله شنو وراچ
-هاااا ماما
ردت علیه
-یله سولفي اليه شنو الصار ولييش تبچين من دعیت علی سید مهد ي
-شسولف يااماما كل ماهنالك انه ماخليت سيد مهدي يقترب اليه وكلما يريد يتمكن مني ارفضه واخره مره راد طگیته برجلی
بقیت ابرر موقف سيد مهدي سولفتلها كل لي صار ويايه. چانت کاعده من گملت كامت تخرط بخدودها
وتحچي عليه
-ووووولچ عزااااااااا وفلللك أشلون اسوين هيچ وووولچ
لییییییییییش ماحچیتیلي من أجيتكم هسه يكول أ كيد لو متريدني لوومطايقه شگلي...
لو يگول بيها شي وخايفه منه... اصخام ألصخمچ ولچ
ليش هيچ چان تكدرين تكوليله معذوره
گمت مني ضايجه... نخر گلبي بکلامها طلعت من الغرفه
راحت ماما راحت لخالي وتبعتها واسمعها كلتله گلشي حتی علی الرفسه خجلت خالي كلها
-اي لعد حقه الولد ذبها وراح وبعد گل لي صار آكيد گال متريدني انا رجال وموقفه أسوي أكثر...
تغدينه بهذا اليوم كووه شلون ماچان ندك باب بيتنه العصر راحت غفران تفتحه چان یطلع ابوي هو وعمامي
كعدو بلديوانيه واسمع عمامي يحجون قبل لايجي بابا ة للبيت لان چان طالع
يحچون على خالي خاصه عمي ابو ياسين گال
-مووووو گتلچ وگلت الرجلچ اخذها الابني ياسين زلمه شاغول ويحبهااااا بس شنو نگول گله من ابو رامي الي خلا زوجچ یزوجها هاي الزواجه لأن وصية ابوه
-خووووش یابن امی وابو رووح گولوها بوجهه،مووو یمي دخل خالي صار هدوء وبقو يحجون ويقنعوه بس خالي گلهم مالگم غرض
وفعلا ماما وأهلي قررو ينتظرون فتره ويشوفون سيد مهدي لمن يجون من السفر بعد الاربع اشهر
مر اسبوعين ...محد بين بيهم ولتهيت بين ماما تتخربط
وبين والدي يريد ياخذني يم سميره واماما تعاركه
كعدت الساعه بثنتين بليل ابچي واسولف الغفران.
-غفررران
'هاااااا
-خاب عوووفي الموبايل
-كوولي اسمع
-خااااف صدك ابوي يجي ياخذني والله اموووت اعرف اعرف يزوجني ياسين وانه مااكدررر فدووووه
-ليشش وانتي بعد الصار تحبي
-اي اااااحبه اشلون انساه والله احبببه اذا هو نساني اني مااكدر صار اسنين أدعي رب العالمين واگله
"يارب أن لم يكن له خيرآ لي أهديه ثم اهديه
ثم أهديه وقربه لي"لأن بس هو حبيته
-حییییئل هاااااي انتي منتهيه
-اي منتهيه بس هووو احبه وتنوعله بحب قبل لا يزوجني شسوي غفران انه محتاررررررررره بين اشوف خالي فوك كسرته
بعلي.....مكسور عليه ويهم بيه...
-احچيييي غفران وعوفي الموباااايل الله عليييييچ
-بس خلیني اقرا اخررر بارت من هاي القصه الله عليچ
-یااااقصه ماتملین
-لااااا ماامل هوو وين قاريه انه بس هاااي صديقتي عدها قصه اسمها طيف عاشق وهذا اخرر بارت حرامات
مات
-منوووو مات
-الجني
-اووووف غفران الله عليييچ رااااح امووت والله وانتي
هييچ تسوین ملتهيه بلجن وكتابات صاحبتچ
-موووو ملیت یاعقیله یومیه تعدین هاي السالفه احبه اموت عليه
اي شسوي شبيدي عليچ
-یله اروح اصلي صلاة ألليل متساعدیني
-انه هم راح اصلي بس خلي ترد عليه
-منوووو ترد عليچ عزااا غفران تحچین بلیل ویه منووو مووو گلتي كعد تقرين نهاية قصة الجن
-اي بس انه جاي احچي ويه الكاتبه القصه بلكن تسوي النه حل المشگلتچ والحبچ الدوخني
-دخيل بختچ غفران كاتبه وتكتب على الجن تحل مشكلتي صدك نكته
-اوووكفي جاااوبت
-هااااة الكاتبه جاوبتچ وشنو راح تگلیلهاااا
-انه ماااراح اگووول انه راااح اتصل بیهاااا اتصال احسن
وانتي قفلي الباب اليه
كمت قفلت الباب رجعت الها اسمع غفران تگلها
-العفو نازك ام فواطم خاف ازعجتچ بهل اتصال بس اريد منج نصيحه او حل
مشكلة اختي تحب رجلها وهو هنا مخليها عدنه صار ست اشهرررر تذكرين قصتها
-هاااا اختچ بنت خالچ الگلتي عليها رفست زلمتها مووو
-عفيه وهسه خبصتني اتريده وخاف ازعجتچ بهیچ وقت
- لااااااااااماگگووووو كل ازعاج حبيبتي
شویه متاخره ویه بنتي مصخنه
-بس لاااا ملاك مووو
-،اي والله ملاك
الله يحفظها الچ انه اترخص ام فوطم
-لااا‌عزیزتي عادي بس نصيحه راسلي السيد وگليله انه غفران اخت عقيله اكيد حيجاوب
- وذا سدا بعد عمايل عقیله
ودفرة دفرتها الة وحرگات جاکي شان
- شرف المحاول افضل من الملامه افضل من القهر والتفكير حبيبتي جربي وشوفي لاضلين تلومن بروحجن
_وذا راح حاجة ابوي وكال بناتك خابرني بنصاص اليالي
- معناها هذا بلا غيره وخل يولي مايفيد ومايحبهااااا وچان ماخذها علمود لان هي حلوه وملتزمه دينيا وين
تعوفه احسن
-لااا هوة زين راح اجرب
وانشوف مشكورة
-تدللين عزيزتي
-سديت الاتصال غفران من صاحبتها نازك
بقيت فاكة حلگي وعيوني ة
گتل غفرام
-صدك راح تخابرين السيد لااااااااااعفية استحي ابد لووو امووت
-اسگتي مليت من مستحاچ وفضحتينه حتى ام فواطم ضايجه منچ
-صدگ ضايجه لاااا اخابرهاااا
-لاااا عيوني شجعتني اخابر السيد ومالچ شغل انتي گولي يالله
-ياالله
اتصلت غفران بسيد ورأسن فتح خط
گال منو
ردت غفران
-السلام عليكم سيد اني غفران اخت عقيلة
-وعليكم السلام اهلا بيج اختي
-سيد عقيلة تحبك وتموت عليك وكاضته بچي ونوح
آحب سيد
حتى مامخليتني أحزن او أبچي على اخوي موتتني بس تحچي بيك
-عقيلة تحبني متأكدة تبچي عليه
-اي سيد ومقهورة حيل عليك‌وتريدك
نقطع الاتصال خلص رصيد باوعتلي غفران متعجبه لان چنت مخليه آديه اثنینهن على حلگي وابچي لأنو چانت فاتحة آلحاگيه سمعت صوته مشتلقه
ضجت من انكطع ثواني ورجع اتصل هوة
فتحت غفران الاتصال گالها
-اختي غفران طيني عقيلة احجي وياهة
انا لا اعلم ما هو الظرف الذي تعيشوه الان لكن اعلم ان الله قادر ان يخرجك من الظلمات الى النور ببركة قربكِ من محمد وآل محمد...عندما تُضيق بكِ الحيـاة لا تترددي بندائكِ وطلبكِ من امام زمانكِ «عجل الله فرجه» بان يكون وسيلتكِ الى الله
توسلو ب المولى علي عليه السلام....الله شكد حلوة كلمة ياعلي تحسسكِ بالراحة والامان لااااا تترددو بطلب الغوث والاستغاثه من علي عليه السلام لان بحبة وبقربة نرجوا النجاة من النار ... وتذكرو ما خاب احدنا حين يتوسل باهل البيت اوكان مفتاح التوسل الهي بعلي
#يتبع