ဧကတို့ စံအိမ်ပြန်ရောက်ချိန်တွင် မိုးချုပ်နေပြီဖြစ်သလို အကုန်လုံးလဲ ခရီးပန်းနေကြလေပြီ ။ စံအိမ်ရောက်သည်နှင့် ကိုယ်စီအခန်းဝင်ကာ ရေမိုးချိုးပြီးကာမှ ညစာစားကြရန် ဆင်းလာကြသည် ။ ယနေ့ညစာအတွက် ကချင်အမဲသားထောင်းနှင့် ဟင်းနုနွယ်ရွက်ကြော် ၊ ချဉ်ပေါင်ဟင်းချိုနှင့် ဆေးကြက်ဥပြုတ်တို့ကို ပြုလုပ်ထားသည် ။
ကချင်အမဲသားထောင်းကိုပြုလုပ်ရန် ပထမဦးစွာ အမဲခြောက်ကို အသားနွာပြီး ကြက်သွန်ဖြူ ၊ ဂျင်း ၊ ရှမ်းနံနံ ၊ ပဲပုတ် ၊ ဖက်ဖယ်ရွက် ၊ ငရုတ်သီးစိမ်းနှင့် ပင်စိမ်းတို့ကို ရောနှောကာ ထောင်းရသည် ။ ကျေညက်စွာထောင်းအပြီးတွင်တော့ ပန်းကန်ထဲထည့်ကာ သံပုရာသီးလေးညှစ်လိုက်ရုံဖြင့် ချဉ်ချဉ်စပ်စပ်နှင့် နှုတ်မြိန်လှသော ကချင်အမဲသားထောင်းကို လွယ်ကူစွာပြုလုပ်နိုင်သည် ။
ဆေးကြက်ဥပြုတ်ကတော့ ထမင်းမစားချင်ပါက ညဘက်အဆာပြေစေရန် ပြုလုပ်ပေးထားခြင်းပင် ။ ဆေးကြက်ဥပြုတ်အား ကချင်ပြည်နယ်မှထွက်သော ဆေးဘက်ဝင်သော သစ်ဥသစ်ဖုများဖြင့်ပြုလုပ်ထားသဖြင့် ဆေးဖက်ဝင်သလို အရသာလဲပြည့်စုံလှသည် ။
ဧကတို့ကညစာစားကြပေမယ့် ထွေးကတော့ မစားဘဲ ဆေးကြက်ဥပေါင်းနှင့်သာ ပြီးဆုံးလိုက်သည် ။
•••••••••••••••••••••••••••••
ထမင်းစားသောက်ပြီးချိန်တွင်တော့ ဦးစိုင်းနှင့်နှောင်းဝေက ဥယျာဉ်ထဲကို ဆင်းသွားကြသည် ။ ထွေးသည်လဲ နားတော့မယ် ဟုဆိုကာ အခန်းထဲဝင်သွားတော့သည် ။ ထမင်းဝိုင်းတွင်ကျန်နေခဲ့သည်မှာ ရဂွန်းနှင့်ဧကနှစ်ယောက်သာ ....။
ဟူ့ကိုစကားပြောချင်ပေမယ့် ဘယ်ကစရမယ်မှန်း ဧကမသိ ။ ဖွင့်ပြောခဲ့ခြင်းကြောင့် သူနဲ့ကိုယ်ကြားမှာစည်းတခုခုခြားနေသလိုပင် ။
ဟူ သည်လဲ ထိုင်ရာကမထ...။ အကယ်၍ သင်သာ ယခုအချိန်တွင် ဤအခန်းထဲဝင်လိုက်မ်ိပါက ကြက်သီးထဖွယ်ကောင်းလှသည့် တိတ်ဆိတ်ခြင်းနှင့်အေးစက်မှုကို မလွှဲမသွေခံစားရပေမည် ။
နာရီလက်တံတွေလည်နေသလို နှောင်းဝေနှင့်ဦးစိုင်းသည်ပင် အခန်းထဲပြန်ဝင်သွားကြလေပြီ ။ ဧကတို့နှစ်ယောက်မှ ထိုပုံစံအတိုင်း ထိုင်ဆဲ....။ နောက် 10 မိနစ်အကြာ....ဆက်ထိုင်ဆဲ ။ 15 မိနစ်အကြာ...ဆက်ပြီးကိုထိုင်နေဆဲ ။ နောက်ဆုံးတွင်တော့ နေရခက်မှုကို ဧက ကသာဖြိုခွင်းလိုက်တော့သည် ။
" ဟူ... ကိုယ်ရေကူးကန်သွားလိုက်ဦးမယ် "
" ဒီမှာရေကူးကန်ရှိတာလား ခြံထဲမှာမတွေ့မိပါဘူးရော....။ "
ဘာမှမသိသည့်ကလေးလေးတယောက်သဖွယ် မေးမြန်းလာသည့် ဟူ သည် တောက်ပနေသောမျက်ဝန်းများကြောင့် သူဘာလုပ်ချင်နေသည်ကို ထင်ရှားစွာဖော်ပြနေလေသည် ။
" အွန်း.... ရှိတယ် ဟူ ရဲ့ ။ ခြံထဲမှာမဟုတ်ဘူး ခေါင်မိုးထပ်မှာ လိုက်ကြည့်ချင်လား...။"
" တကယ် လိုက်ကြည့်လို့ရလား....။"
ဧကခေါင်းငြိမ့်ပြသည်နှင့် ပြုံးပျော်နေသောမျက်နှာလေးနှင့်အတူ ထရပ်ကာ ဧကနားကိုရောက်လာလေသည် ။ အခွင့်အရေးဆိုတာ ယူတတ်ရင် အကုန်ယူရတယ် ဆိုတဲ့ ဆောင်ပုဒ်အရ အနားရောက်လာသော ဟူ့ရဲ့လက်သွယ်သွယ်တွေကို ဆွဲကိုင်လိုက်ကာ လှေကားပေါ်ပြေးတက်လိုက်သည် ။
ဧက၏ စံအိမ်သည် အိမ်ကြီးသပ်သပ်တင် ၆၀'×၈၀' အကျယ်ရှိသည် ။ ခြံပါပါက ၁ ဧကအထိကျယ်ဝန်းသည် ။ သုံးထပ်ဖြစ်၍ အပေါ်ဆုံးအထပ်မှာတော့ ဒါဘာသဏ္ဍာန် ဟင်းလင်းဖွင့်ကာ ရေတံခန်အသေးစားလေး ၊ ရေကူးကန်နှင့်ပန်းခြံအသေးစားလေးကိုပြုလုပ်ထားသည် ။ ဒုတိယထပ်တွင်တော့ အိပ်ခန်း ၃ ခန်းနှင့်စာကြည့်ခန်းသာရှိသည် ။
ဧကရဲ့အိပ်ခန်းမှာအကျယ်ဆုံးဖြစ်ကာ ပေ ၂၀ ပတ်လည်ရှိသည် ။ ထွေးရဲ့အိပ်ခန်းနှင့် ဧည့်အိပ်ခန်းက ၁၅ ပေစီကျယ်ဝန်းသည် ။ စာကြည့်ခန်းကတော့ ၁၀ ပေပတ်လည်သာ ထားရှိသည် ။
အောက်ထပ်တွင်သော ကျယ်ဝန်းလှသောဧည့်ခန်းနှင့် မီးဖိုချောင် ၊ ထမင်းစားခန်းတို့ ရှိသည် ။ ဧကတို့၏ ဖေဖေနှင့်မေမေတို့သည် မြစ်ကြီးနားကို လာရောက်ခြင်းသိပ်မရှိကြပေ ။ လာသည့်အခါတွင်လဲ နေ့ချင်းပြန်သဘောမျိုး လေယာဉ်ဖြင့်သာလာသောကြောင့် စံအိမ်ကိုစဆောက်ကတည်းက အိပ်ခန်းကို သုံးခန်းသာထည့်ခဲ့ခြင်းဖြစ်သည် ။
ရေကူးကန်နားရောက်သည်နှင့် ရဂွန်းသည် ဧက၏ဘေးမှပြေးထွက်သွားတော့သည် ။ နူးညံ့လှသောလက်တစ်စုံသည် သူ့လက်အတွင်းမှကွယ်ပျောက်သွားခြင်းကို ဧကကျင့်သားမရပေ ။ ထို့ကြောင့်အလျင်အမြန်သာပြေးလိုက်မိတော့သည် ။
•••••••••••••••••••••
ရေကူးကန်အတွင်းမှရေစက်များက ဘောင်ဘင်ခတ်လျက် ရေမှန်ုရေမွှားတို့သည် ဘေးကြမ်းပြင်အထိ လွင့်စင်ကုန်ကြသည် ။ ရေကူးကန်အတွင်းရှိအရိပ်တခုမှာတော့ မှန်မှန်သာကူးခတ်လျက် ကိုယ်ခန္ဓာအားအလုပ်ပေးနေလေသည် ။
ရဂွန်းကန်ဘောင်ပေါ်မှာထိုင်ရင်း ရေကူးနေသော ဧကကို ကြည့်နေမိသည် ။ ဧကသည်အမှန်တကယ်ပင် ယောကျာ်းပီသသောသူတယောက်ပင် ။ လှပသော V Shape ကိုယ်ထည်ကောက်ကြောင်း ၊ တောင့်တင်းလှသည့် ကြွက်သားစိုင်များ ၊ ရေစိုနေသဖြင့် sexy ကျလွန်းနေသော ဆံပင်များ ၊ အခြားအရာများကြားတွင် ထူးဆန်းလှပါသော အစိမ်းရောင်မျက်ဝန်းများသည် လူတိုင်းကိုညို့ယူဖမ်းစားနိုင်လောက်ပေသည် ။
ထိုကဲ့သို့သောလူက မိမိအား propose လုပ်ထားသည်ကိုတွေးမိတော့ ရင်တွေပါတုန်ဘာသလိုပင် ။ မကွယ်မဝှက်တမ်းဝန်ခံရလျှင် ရဂွန်းရင်ခုန်မိပါသည် ။ သို့သော်သူတို့သည် ယောကျာ်းနှစ်ဦးဖြစ်နေခဲ့သည် ။ ထောက်ထားရမည့် အရာများနှင့်ပတ်ဝန်းကျင်၏ဖိအားများကလဲ ရှိသေးသည် ။ ထို့ကြောင့် ဧကအားပြန်ဆန်းစစ်စေခြင်း... ရဂွန်းသည် ပျော့်ညံ့နေခြင်း ၊ အနာဂတ်အားတွေးပူနေခြင်းတော့ မဟုတ်ခဲ့ပါ ။ ပင်ပန်းကြမ်းတမ်းတဲ့ခရီးတခုကို လျှောက်ရန်ပြင်ပြီဆိုပါက ကိုယ်တိုင်အရင်ပြင်ဆင်ရပေလိမ့်မည် ။ ထို့သို့ပြင်ဆင်ရန် အချိန်လိုအပ်သည်ကို သိသောကြောင့် အချိန်တခုသတ်မှတ်လိုက်ခြင်းသာ....။
ဧက ရေကူးခြင်းကိုခနနားကာ ဟူ့အားကြည့်မိတော့ အတွေးထဲနှစ်မျောနေသည့် သူသည် လှပလွန်းလှသည် ။ ဧကဒီမှာရှိနေမည့် အချိန်တိုအတွင်း ရဂွန်း၏ရင်ထဲဝင်နိုင်အောင်ကြိုးစားရမည်ဟုတွေးလိုက်မိသည် ။
ထို့နောက် ရဂွန်းအားအခန်းပြန်ပို့ကာ နောက်တနေ့ခရီးစဉ်အတွက် မျက်လုံးများကိုမှိတ်လိုက်တော့သည် ။
* မနောမြေအား သက်သေတည်လျက် *
အပြင်ရောက်နေတာဆိုတော့ ခါတိုင်းရေးနေကျထပ် မဆိုစလောက်လေးတိုသွားတယ် (*´ω`*)
#Vote and comments ><
~~TBC