ခွပ် !
မျှော်မှန်းထားသည့်အတိုင်းပင် ကိုမြတ်သူ၏လက်သီးချက်က သူ့ပါးပြင်ပေါ်သို့ အရှိန်ပြင်းထန်စွာ မညှာမတာကျရောက်လာသဖြင့် သူ့မျက်နှာသည် ဘယ်မှညာသို့ လည်ပြန်ထွက်သွား၏။
ဤမျှအားပြင်းသည့် လက်သီးချက်အား သူ အနည်းငယ်မျှပင် ရှောင်တိမ်းဖို့ရာအစီအစဉ်မရှိဘဲ ကျေကျေနပ်နပ်ကြီးခံယူလိုက်သည်။ ဆစ်ခနဲဖြစ်သွားသည့် ပါးစောင်နှင့်အတူ ငံကျိကျိသွေးအရသာကိုပါ တစ်ခါတည်း ခံစားမိလိုက်တော့ သူ့နှုတ်ခမ်းထောင့်စွန်းက ကော့တက်သွား၏။
ဒါက ဖြစ်သင့်တာပဲမဟုတ်လား။ သူ့ရဲ့နှစ်ပေါင်းများစွာ လူမသိသူမသိဖုံးကွယ်ထားသည့်ကိစ္စများအတွက် သူ့အနေနဲ့ ဒီလောက်ကတော့ ပြန်ပေးဆပ်သင့်သည်လေ။ အမှန်ဆို ကိုမြတ်သူက သူ့ကို ဒီထက်တောင် ပိုထိုးသင့်သေးသည်။
ကာယကံရှင်ဖြစ်သည့်ကိုကိုက သူ့ကို ကိုယ်ထိလက်ရောက်ထိုးနှက်ဖို့နေနေသာသာ ဘာတစ်ခွန်းမှအပြစ်မဆိုသောကြောင့် ရက်ပေါင်းအတော်ကြာ သေလောက်အောင်မွန်းကြပ်နေသည့်စိတ်အစဉ်က ယခုလို ခန္ဓာကိုယ်ပိုင်းဆိုင်ရာနာကျင်မှုကို ခံစားလိုက်ရမှ အတန်ငယ်သက်သာသွားသလိုပင်။
ထို့အတွက် ကိုမြတ်သူကိုတောင် သူ ကျေးဇူးတင်သင့်နေပြီ။ အဲဒီနောက် သူလည်း ကိုမြတ်သူအား ခပ်တည်တည်ပြန်စိုက်ကြည့်လိုက်ကာ
“ ထပ်ထိုးဦးမလား ကိုမြတ်သူ ”
“ တောက် ! ဈာန်ရောင်ခ မင်း ! ”
သူက အတည်မေးလိုက်ခြင်းသာဖြစ်သည်။ သို့သော် ထိုမေးခွန်းက အရွဲ့တိုက်သည့်ပုံပေါက်နေသဖြင့် ဒေါသပြေသေးဟန်မတူသည့် ကိုမြတ်သူက သူ့အကျီကို ခပ်တင်းတင်းဆွဲ၍ နောက်တစ်ချက် ထပ်မံထိုးနှက်ဖို့ပြင်၏။
“ မြတ်သူ ! ဈာန့်ကို မလုပ်ပါနဲ့ ! ”
ဆိုဖာပေါ် ထိုင်နေရာမှ အနည်းငယ်ခန္ဓာကိုယ်ကြွလာကာ စူးခနဲ အော်လိုက်သည့် ဥဥ၏အသံကြောင့် ဈာန်ရောင်ခရဲ့မျက်နှာပေါ် ကျရောက်လုဆဲဆဲ မြတ်သူ၏လက်သီးချက်က လမ်းတစ်ဝက်မှာတင် ရပ်တန့်သွားခဲ့ရသည်။
သို့သော် မြတ်သူရဲ့မျက်နှာကတော့ ဒေါသအရှိန်ကြောင့် ရန်လိုမှုအပြည့်ဖြင့် ခက်ထန်တင်းမာနေလျက် ... ။
ထိုအခါ ဘယ်လိုမှဘေးထွက်ရပ်ကြည့်မနေသာတော့သည့် နောင်ခန့်က သူတို့နှစ်ယောက်၏မီးလိုဟုန်းဟုန်းတောက်နေသော ပဋိပက္ခကြားထဲ ဝင်ရောက်လာပြီး မြတ်သူရဲ့လက်ကို လှမ်းဆွဲကာ ပြေရာပြေကြောင်းဝင်ဖြန့်ဖြေသည်။
“ မြတ်သူ တော်တော့ ! ဒီကောင်လေးကို မင်း တစ်ချက်ထိုးပြီးပြီပဲ ”
သို့ပေမဲ့ ဒေါသထွက်လွန်း၍ မျက်နှာကြီးနီရဲနေသော မြတ်သူကမူ နောင်ခန့်၏အပြောကို သဘောတူဟန်မပြဘဲ
“ ဒါပေမဲ့ နောင်ခန့် မင်းလည်း ခုနက ကြားတယ်မလား ! ဒီကောင် လေးဆက်အပေါ် ဘယ်လိုအချိုးမျိုး ချိုးသွားလဲဆိုတာကို ! ”
“ ငါ ကြားတယ် မြတ်သူ ”
“ အဲဒါတောင်မှ မင်းက သူ့ဘက်က ကာပေးရဲသေးတယ် ! ”
ယခုအချိန်၌ ဒေါသစိတ်မွှန်ထူနေသော မြတ်သူက နောင်ခန့်အပါအဝင် မည်သူတစ်ဦးတစ်ယောက်၏စကားကိုမှ လက်မခံနိုင်ဖွယ်ရှိနေသည်မို့ နောင်ခန့်လည်း မြတ်သူ၏ပခုံးကို ခပ်ဖွဖွပုတ်၍
“ မြတ်သူ ! မင်း နည်းနည်းလောက်စိတ်လျှော့စမ်း ! မင်းတို့ ဒီလိုဖြစ်နေတာကို လေးဆက် သိရင်လည်း စိတ်ကောင်းမှာမဟုတ်ဘူး ! လေးဆက်က ဒီကောင်လေးကို ဘယ်လောက်ထိချစ်လဲဆိုတာ မင်း အသိဆုံးပဲ ! ”
လေးဆက်နာမည်ပါလာတော့ မြတ်သူ၏လှုပ်ရှားမှုအားလုံးက နည်းနည်းအရှိန်တန့်သွား၏။ ဤအခြင်းအရာကို ကြည့်ခြင်းဖြင့် မြတ်သူသည် သူငယ်ချင်းဖြစ်သူ လေးဆက်ရိပ်သွင်အပေါ် မည်မျှအထိ ဂရုစိုက်စောင့်ရှောက်ကြောင်း အထင်အရှားသိနိုင်ပေသည်။
မြတ်သူက နောင်ခန့်ကို ဆတ်ခနဲလှည့်ကြည့်လိုက်ပြီး မခံမရပ်နိုင်သောအသံဖြင့် အော်ဟစ်ပြောဆိုလာသည်။
“ အဲဒါကြောင့်မို့ ငါ ပိုဒေါသထွက်နေတာပေါ့ နောင်ခန့် ! လေးဆက်က ဒီကောင့်ကို ဘယ်အတိုင်းအတာထိ ချစ်နေမှန်း ငါ အသိဆုံးမို့လို့ ငါ ဒီလောက်ထိဒေါသထွက်နေတာ ! ”
အဲဒီနောက်မှာတော့ မြတ်သူက ဆုပ်ကိုင်ထားမိသည့် ဈာန်ရောင်ခရဲ့အကျီကို ပြန်လွှတ်ပေးလိုက်ကာ စူးစူးဝါးဝါးစိုက်ကြည့်ပြီး
“ မင်းကို ယုံခဲ့မိတာ အမှားကြီးတစ်ခုပဲ ဈာန်ရောင်ခ ! ရှင်သန်လာတဲ့ ကာလတစ်လျှောက်လုံး စိတ်ဒဏ်ရာတွေချည်းပဲ ရခဲ့တဲ့ ငါ့သူငယ်ချင်းအတွက် မင်းကို ယုံကြည်ခဲ့မိတာ ငါ့အမှားပဲ ! ငါ ဘယ်သူ့ကိုမှ မယုံခဲ့ပေမဲ့ မင်းတစ်ယောက်ကိုတော့ ယုံကြည်ခဲ့မိတာ !
အဲဒါကြောင့်မို့လည်း မင်း သူ့ကို ပိုးပန်းနေတဲ့တစ်လျှောက်လုံး အတတ်နိုင်ဆုံး ငါ ကူညီပေးခဲ့တယ် ! ငါ့စိတ်ထဲမှာ မင်းက လေးဆက်ကို ထပ်ပြီးစိတ်ဒဏ်ရာမရအောင် ကာကွယ်ပေးနိုင်လိမ့်မယ်လို့ ထင်ထားခဲ့တာ !
ဒါပေမဲ့ နောက်ဆုံးတော့ သူ့ကို ထပ်နာကျင်စေတဲ့လူက မင်းကိုယ်တိုင်ဖြစ်နေခဲ့တာပဲ ! တကယ်လို့ ငါသာ အနာဂတ်ကို ကြိုသိခဲ့မယ်ဆိုရင် ငါ့သူငယ်ချင်းကို မင်းလက်ထဲ လုံးဝထည့်ပေးခဲ့မှာ မဟုတ်ဘူး ဈာန်ရောင်ခ ! ”
ဒေါသမီးလျှံတွေ တဟုန်းဟုန်းတောက်လောင်နေသည့် မြတ်သူက သူငယ်ချင်းဖြစ်သူအတွက် ယူကြုံးမရစွာ စကားတစ်ခွန်းချင်းစီကို အံကြိတ်မာန်တင်းကာ ပြောလာသည်။
ယခုချိန်၌ မြတ်သူ ဘာပြောပြော ဈာန်ရောင်ခက ဘာမှတုံ့ပြန်ခြင်းမရှိဘဲ ခေါင်းငုံ့ငြိမ်သက်နေလျက် ... ။
“ ပြီးတော့ နင်တို့နှစ်ကောင်လည်း ကျန်သေးတယ် ! ”
ဈာန်ရောင်ခကို စိတ်တိုင်းကျဆူပူကြိမ်းဝါးပြီးနောက် မီးဝင်းဝင်းတောက်နေသည့်မျက်လုံးများဖြင့် မြတ်သူ အနောက်ကို လှည့်ကြည့်လိုက်တော့ ခုနက ဆိုဖာပေါ်၌ ထိုင်ရမလိုလို၊ ထရမလိုလိုနှင့် ဖင်တကြွကြွ၊ ခေါင်းတထောင်ထောင်ဖြစ်နေသည့် ဥဥနှင့် မေမြတ်နှစ်ယောက်လုံး ပြားပြားဝပ်ကုန်၏။
၎င်းအပြုအမူအား မြင်လိုက်ရပြီးနောက် မြတ်သူ၏နှုတ်ခမ်းစွန်းက သိသိသာသာမဲ့ကျသွားသည်။ ဒင်းတို့အပြစ်တော့ ဒင်းတို့ သိသားပဲ။ ဆူခံထိမယ်မှန်းသိလို့ နှစ်ကောင်သား ခေါင်းကို မထောင်ရဲတော့ဘူး။
“ မေမြတ် ! ဥဥ ! ”
မြတ်သူရဲ့အော်သံကျယ်ကြီးက ဥဥရဲ့အိမ်ဧည့်ခန်းအတွင်း ဟိန်းခနဲပျံ့လွင့်သွား၏။ သို့သော် သိပ်တော့စိတ်ပူစရာမလို။ ယခုအချိန်ဆို ဥဥ၏မိဘနှစ်ပါးလုံးက လုပ်ငန်းခွင်ဝင်နေကြသဖြင့် အိမ်၌မရှိကြပေ။
“ နင်တို့နှစ်ယောက်လုံး ကိုယ့်အပြစ်ကိုယ် သိတယ်နော် ! ”
လိပ်ပြာလွင့်မတတ် ကြောက်စရာကောင်းလွန်းနေသည့် မြတ်သူ၏အသံကြောင့် မေမြတ်ရော၊ ဥဥရော ခေါင်းမမော့ရဲသေးပေ။ နှစ်ယောက်သား ဆိုဖာပေါ်မှာ ကျုံ့ကျုံ့လေးထိုင်နေပြီး ခေါင်းတွေကို အောက်ငိုက်စိုက်ချထားသည်။
“ အခုမှ ဘာလို့ ခေါင်းတွေငုံ့ထားကြတာလဲ ! ခေါင်းမော့ကြစမ်း ! နင်တို့နှစ်ကောင် ပြဿနာရှာတော့ အဲဒီလိုပုံစံလား ! ဟမ် ! ”
အမြင်ကပ်ကပ်နှင့် အော်ထည့်လိုက်တော့မှ ဒင်းတို့နှစ်ကောင်က မျက်နှာငယ်လေးနှင့် ခေါင်းမော့လာကြသည်။
သနားစရာမကောင်းတဲ့မျက်နှာတွေကို သနားစရာကောင်းအောင် မရမကအတင်းလုပ်ယူထားတဲ့မျက်နှာတွေ ... ။
အင်း ... ဆဲထည့်လိုက်ရ မကောင်းရှိတော့မယ်။
“ ငါ နင်တို့ကို အရမ်းစိတ်တိုတယ်သိလား ! တော်တော်အဖုံးကောင်းကြတယ် ! နှစ်နဲ့ချီပြီး ငါတို့သုံးယောက်လုံးကို ပိပိရိရိဖုံးကွယ်ထားခဲ့ကြတာ ! ”
တိတ်ဆိတ်နေသည့် ဧည့်ခန်းတစ်လျှောက် မြတ်သူ၏အသံတစ်ခုတည်းကသာ ဟိန်းထွက်နေသည်။ မတတ်နိုင်တော့။ ပြောစရာရှိတာကိုတော့ ပြောရမည်။ လူကြမ်းလုပ်သင့်ရင် လုပ်ရမည်။ ဘီလူးဆိုင်းတီးသင့်ရင်လည်း တီးရမည်။
ဘယ်နှယ့်။ ဒီလောက်နှစ်တွေအကြာကြီး ဖုံးကွယ်ခံထားရသည့် ကိစ္စတစ်ခုကို ရုတ်တရက်သိလိုက်ရချိန်မှာ မြတ်သူကတော့ နောင်ခန့်လို ဝါတော်ရှစ်ဆယ်ရပုဂ္ဂိုလ်ထူးပုဂ္ဂိုလ်မြတ်ကဲ့သို့ တည်ငြိမ်မနေနိုင်ပေ။
ပြီးတော့ သူ့ကို ဖုံးကွယ်ထားသည့်လူနှစ်ယောက်မှာ တစ်ယောက်က အမြွှာအစ်မအရင်း၊ နောက်တစ်ယောက်ကကျ ပထမနှစ်ကတည်းက ပေါင်းသင်းလာသည့် သူငယ်ချင်းအရင်းအချာ ... ။
မြတ်သူ ဒေါသမထွက်ဘဲ နေနိုင်ပါ့မလား။ မပေါက်ကွဲဘဲ နေနိုင်ပါ့မလား။ ဖြစ်နိုင်မည်ဆိုလျှင် ဒင်းတို့နှစ်ယောက်လုံးကို ကြိမ်လုံးဖြင့် ခပ်နာနာလေး ရိုက်ပစ်လိုက်ချင်သည်။
ပုံမှန်အချိန်ဆို ပါးစပ်မစိလောက်အောင် စကားများတွတ်ထိုးနေကြသည့်နှစ်ကောင်က ဖုံးကွယ်ထားသည့်ကိစ္စနှင့်ပတ်သတ်ပြီးတော့ကျ ဒီနှစ်အတောအတွင်း တစ်လုံးတလေမျှ ထွက်ကျမလာပေ။
သိပ်ကျွမ်းကျင်တဲ့ သူလျှိုတွေ ... ။
သိပ်တော်တဲ့ သူ့လူ ကိုယ့်ဘက်သားတွေ ... ။
နောင်ခန့်ကိုလည်း မြတ်သူ တော်တော်ဩချမိသည်။ ဒီလောက်ကြီးမားသည့်ကိစ္စတစ်ခုလုံးကို သိလိုက်ရတာတောင် ဒင်းက ဒေါသထွက်သောင်းကျန်းဖို့နေနေသာသာ ဒင်းပါးစပ်က “ ဪ ” တစ်လုံးပဲ ထွက်လာသည်။
မသိလျှင် တရားပေါက်နေသည့် ရေခဲတုံးကြီးကဲ့သို့ ... ။
ထို့အတွက် မြတ်သူ၏ဒေါသတွေက နောင်ခန့်ကိုပါ ပတ်ရမ်းချင်နေသည်။ ဒီလောက်တောင် မေတ္တာတရားတွေ ပွားများနေနိုင်သည့် ဘုန်းကြီးလောင်းလျာကို တစ်နေ့နေ့တော့ မိန်းမပေးစားပစ်ဦးမည်ဟု တေးထားလိုက်သည်။
“ နင်တို့ တော်တော်လွန်တယ် ! ”
မြတ်သူလည်း နောက်ဆုံးပိတ်စကားကို ပြောဆိုပြီး ဟူးခနဲသက်ပြင်းမောချကာ ဆိုဖာပေါ်၌ စိတ်ဆင်းရဲကြီးစွာ ထိုင်ချလိုက်သည်။
ထိုအခါကျမှ ဟိုဟာမလေးနှစ်ယောက်က ပြုံးစိစိမျက်နှာပေးများဖြင့် မြတ်သူ ထိုင်နေသည့် ဆိုဖာဘေးတစ်ဖက်တစ်ချက်စီတွင် လာဝင်ထိုင်ကာ မြတ်သူကို အလယ်တွင် ကြားညပ်ထားပြီး
“ မြတ်သူရယ် ... ငါ့အခြေအနေကလည်း မဖုံးကွယ်ထားလို့မှ မဖြစ်တာဟယ် ”
လေသံချိုချိုဖြင့် အရင်ဆုံးစပြောလာသူက ဥဥ ... ။
“ တကယ်လို့ ငါ ဖွင့်ပြောလိုက်ပြီပဲထားပါတော့ ... နင်ရော နောင်ခန့်ရောက ငါတို့အစီအစဉ်ကို သဘောတူမှာလား ”
ဥဥက ပြဿနာအစကို ပြန်ဖြေရှင်းရင်း မေးခွန်းထုတ်လိုက်တော့ မြတ်သူက ဥဥအား ရှုတည်တည်ဖြင့် စိုက်ကြည့်လာသည်။ ထိုအကြည့်၌ မြတ်သူ ပြောချင်နေသည့် အဖြေများကား အလုံးစုံပေါ်လွင်နေ၏။
“ တွေ့လား ... နင်တို့ သဘောတူမှာမဟုတ်ဘူးလေ ... အဲ့ကျ ငါ့မောင်လေးပဲ အသည်းကွဲရမှာမဟုတ်လား ... ငါက ငါ့မောင်လေး ဝမ်းနည်းတာကို မမြင်ချင်ရုံပါပဲ မြတ်သူရယ် ...
ပြီးတော့ ဈာန် လုပ်ခဲ့တဲ့ အမှားတွေ ... ဟုတ်တယ် ... အဲဒါကို ငါလည်း သိတယ် ... ဒါပေမဲ့ ဈာန်က လေးဆက်ကိုတော့ တကယ်နှစ်နှစ်ကာကာချစ်မြတ်နိုးတာပါဟာ ... အဲဒါကြောင့်မို့ ငါလည်း ဈာန့်ကို ကူညီပေးခဲ့တာပေါ့ ...
ပြောရမယ်ဆို လေးဆက်ကလည်း ငါ့သူငယ်ချင်းပဲလေ ... ငါ့သူငယ်ချင်း ထိခိုက်နစ်နာတာကို ငါလည်း ဘယ်မြင်ချင်ပါ့မလဲ ... ဈာန်က လေးဆက်ကို တကယ်ချစ်မှန်း ငါ သိနေလို့သာ ကူညီပေးခဲ့တာပါဟယ် ”
ဥဥထံမှ အဆက်မပြတ်ကြားနေရသော ဖျောင်းဖျစကားများကြောင့် မြတ်သူ၏ဆူပွက်နေသော ဒေါသစိတ်များက တဖြည်းဖြည်းငြိမ်သက်စပြုလာသည်။ မြတ်သူက နဂိုကတည်းက သွေးဆူတတ်သည့်လူစားမျိုးဖြစ်သောကြောင့် ဒေါသဖြစ်လွယ်သလို စိတ်ပြေလွယ်သည်။
ယခုလည်း မြတ်သူ၏အနေအထားကို ကြည့်ရုံနဲ့တင် နည်းနည်းစိတ်ဆိုးပြေနေပြီဖြစ်ကြောင်း နှစ်ပေါင်းများစွာ ပေါင်းလာသည့် သူငယ်ချင်းအနေနဲ့ အလွယ်တကူသိနိုင်ပေသည်။
“ အေး ... ထားပါတော့ ... ငါ နင့်ကို တော်တော်စိတ်တိုနေပေမဲ့လည်း ဈာန်ရောင်ခက နင့်မောင်ဆိုတော့ နင်က မောင်ဘက်လိုက်တာ သိပ်မထူးဆန်းဘူး ! ”
မြတ်သူထံမှ ထွက်ပေါ်လာသော အလျော့ပေးစကားများကြောင့် နောင်ခန့်၊ မေမြတ်နှင့် ဥဥတို့ရဲ့မျက်နှာထက်ဝယ် အပြုံးရိပ်များ သန်းလာ၏။
“ ဒါပေမဲ့ ဒီဟာမကရော ! ”
မြတ်သူက သူ့ဘေးနားမှာ ကပ်ထိုင်နေသည့် မေမြတ်အား လက်ညှိုးငေါက်ငေါက်ထိုး၍ အော်ဟစ်လိုက်သည့်အခါ မေမြတ်ကလည်း သူ့အပြစ် သူ သိနေသည့်အလား သွား ၃၂ ချောင်းလုံးပေါ်အောင် ဟီးခနဲ ရယ်ပြလာသည်။ သို့ပေမဲ့ မြတ်သူက မေမြတ်အား မကျေနိုင်မချမ်းနိုင် စူးစိုက်ကြည့်ကာ
“ ငါက နင့်မောင်လေ မေမြတ်မှူးပိုင်ရဲ့ ! နင်က မောင်နှမအချင်းချင်းကိုတောင် လုပ်ရက်တယ် ! မောင်အရင်းကိုကျ အကုန်ဖုံးကွယ်ထားပြီး သူများမောင်အတွက်ကျ တစ်ခုမကျန်အကုန်လိုက်လုပ်ပေးနေတယ် ! လူကြားလို့ကောင်းသေးရဲ့လား မေမြတ်မှူးပိုင် ! ”
“ တောင်းပန်ပါတယ်ဟာ ... ငါလည်း ဘယ်လိုမှမတတ်သာလို့ပါ ... နော် ... မြတ်သူလေးကလည်း ... စိတ်ဆိုးပြေပါတော့ ... လေးဆက်တောင် ငါတို့ကို စိတ်မဆိုးတော့တာကို ... နော် ... နော် ... ငါ မုန့်ဝယ်ကျွေးမယ်လေ ... စိတ်ဆိုးပြေတော့နော် ”
မြတ်သူရဲ့လက်မောင်းကို ဖက်ကာ အတင်းချော့မော့နေသည့်မေမြတ်ကြောင့် မြတ်သူလည်း ဒင်းကို မျက်ထောင့်နီဖြင့် တစ်ချက်စိုက်ကြည့်လိုက်ပြီး လက်ညှိုးနှင့်လက်မသုံးကာ ဒင်းရဲ့နဖူးကို တောင်ခနဲမြည်အောင် တောက်ချလိုက်တော့
“ အား ! မြတ်သူစုတ် ! နင် ! ”
“ နာလား ! ကောင်းတယ် ! နင် အဲဒီလောက်တော့ ခံသင့်တယ် ! ”
နဖူးကို ပွတ်ကာ ပွစိပွစိရေရွတ်နေသည့် မေမြတ်၏အမူအရာကို ကြည့်ရုံနဲ့တင် မြတ်သူအား ကျိန်ဆဲနေမှန်းသိသာလွန်းသည်။ မျက်စိရှေ့မှာတင် မေမြတ်တစ်ယောက် နဖူးတောက်ခံရတာကို တွေ့မြင်လိုက်ရတော့ ဥဥက မြတ်သူဘေးနား၌ ကပ်ထိုင်နေရာမှ တဖြည်းဖြည်း ဝေးရာသို့နောက်ဆုတ်သွားသည်။
ဤအခြင်းအရာကို မျက်လုံးလျင်သည့်မြတ်သူကလည်း တွေ့ဖြစ်အောင် တွေ့လိုက်ပါသေးသည်။ အဲဒီနောက် သူ့ရဲ့တားဂတ်က ဥဥဘက်သို့ လှည့်သွားသည်။
“ လာ ... လာ ... ဥဥ ... နင်လည်း ကျန်သေးတယ် ... ဒါက ဘယ်ကိုထွက်ပြေးမလို့လဲ ... နင့်နဖူးကိုလည်း ငါ တောက်ရမှကျေနပ်နိုင်မယ် ”
ထိုအခါကျမှ ဥဥက တို့စိတို့စိဖြင့် အရှေ့ကို တိုးလာပြီး မျက်နှာကို မော့ပေးသည်။ မြတ်သူ၏လက်ညှိုးနှင့်လက်မက ဥဥနဖူးပေါ် တဝဲလည်လည်ဖြစ်နေချိန်၌ ခပ်စွာစွာစရိုက်ရှိသည့် ဥဥ၏အသွင်ပုံစံက နဂိုအတိုင်းပြန်ပေါ်လာကာ
“ မသာကောင် ! ငါ့ကို ဖြည်းဖြည်းတောက်နော် ! နို့မို့ နင် အသေပဲ ! ”
“ အောင်မာ ! နင်ကများ ပြောရတယ်ရှိသေး ! အခု အပြစ်လုပ်ထားတာ နင်လား ငါလား ! ”
မြတ်သူ ပိတ်ဟောက်လိုက်တော့မှ ဥဥလည်း ပါးစပ်ပိတ်သွားသည်။ ထိုအခါကျမှ မြတ်သူလည်း ဥဥ၏နဖူးကို ချိန်ရွယ်ပြီး ခပ်နာနာလေးတောက်ချလိုက်သည်။
“ အား ! မသာကောင် ! တကယ်မညှာဘူး ! ကြည့်စမ်း ! ငါ့နဖူး နီသွားပြီဟဲ့ ! ”
အသားနာသွားသဖြင့် ဥဥက သည်းမခံနိုင်တော့ဘဲ မြတ်သူ၏လက်မောင်းကို တဖုန်းဖုန်းထုရိုက်တော့သည်။ ထိုအခါ ဘယ်အချိန်ကတည်းက ဆော်ချင်နေမှန်းမသိသည့်မေမြတ်ကလည်း တစ်တပ်တစ်အား ပါဝင်ကာ မြတ်သူအား ထုရိုက်ပါလေတော့သည်။
နောင်ခန့်ကတော့ သူ့သူငယ်ချင်းများ၏ အဖြစ်အပျက်ကို ကြည့်ရင်း ပြုံးတုံ့တုံ့ဖြင့် ... ။
ဈာန်ရောင်ခလည်း အခုမှပဲ သက်ပြင်းချနိုင်တော့သည်။ တော်သေးသည်။ သူ အထိုးခံလိုက်ရပေမဲ့ ဒီထက်ပိုပြီး ဘာမှဆိုးဆိုးရွားရွားမဖြစ်သွားတာ တော်သေးသည်ဟုပင် ပြောရမည်။
ဖြစ်နိုင်မည်ဆိုလျှင် သူ ဒီထက်စောစောဖွင့်ပြောပြချင်ပေမဲ့လည်း ကိုကို့ရဲ့ကျန်းမာရေးအခြေအနေကို ငဲ့ညှာကာ နောက်ရွေ့ခဲ့ရသောကြောင့် အချိန်အားဖြင့် တစ်ပတ်မျှနောက်ကျသွားခဲ့ရသည်။
“ ဈာန်ရောင်ခ ”
တိကျပြတ်သားသည့် ခေါ်သံကို ကြားလိုက်ရသဖြင့် ဘေးကို လှည့်ကြည့်လိုက်တော့ သူနဲ့ အရပ်မတိမ်းမယိမ်းရှိနေသည့် ကိုနောင်ခန့်က သူ့ကို မပြုံးမရယ်ဖြင့် ခပ်တည်တည်စိုက်ကြည့်နေသည်။
မသိလျှင် ခုနက သူငယ်ချင်းများကို ကြည့်ကာ ပြုံးတုံ့တုံ့ဖြစ်နေသည့် ကိုနောင်ခန့်က ချက်ချင်းလူစားထိုးခံလိုက်ရသကဲ့သို့ ... ။
အားပြင်းသည့် အကြည့်နှစ်ခု ထိပ်တိုက်ဆုံတွေ့သွားချိန်မှာတော့ အရင်ဆုံး ကိုနောင်ခန့်ထံမှ စကားသံတစ်ချို့က ထွက်ပေါ်လာခဲ့လေသည်။
“ ခုနက ငါ မင်းကို ဘာမှအပြစ်မပြောဘူးဆိုတာ မင်းဘက်ကမို့လို့မဟုတ်ဘူးနော် ဈာန်ရောင်ခ ... တကယ်လို့ ငါသာ ဝင်မတားရင် မြတ်သူရဲ့ဒေါသစိတ်နဲ့ဆို အခြေအနေက ထင်ထားတာထက် ပိုဆိုးသွားနိုင်တယ် ”
“ အင်း ... ကျွန်တော် သိပါတယ် ... အဲ့အတွက်လည်း ကိုနောင်ခန့်ကို ကျေးဇူးတင်ပါတယ် ”
“ မလိုဘူး ... ငါ့ကို ကျေးဇူးမတင်နဲ့ ... ငါက မင်းအတွက် လုပ်ပေးတာ မဟုတ်ဘူး ... လေးဆက်အတွက် လုပ်ပေးတာ ... သူငယ်ချင်းနဲ့ ချစ်သူ ပြဿနာတက်ရင် နှစ်ဖက်လုံးနဲ့ဆိုင်တဲ့လူက အထိအနာဆုံးပဲလေ ”
ကိုနောင်ခန့် ပြောသည်မှာလည်း မှန်နေသဖြင့် သူ တိတ်ကျသွားသည်။ ထိုအခါ ကိုနောင်ခန့်က သူ့ရဲ့တိတ်ဆိတ်မှုကို အသာအယာချနင်း၍
“ ဒါနဲ့ မင်း သိအောင် ငါ တစ်ခုကြိုပြောပြထားမယ် ဈာန်ရောင်ခ ... ငါက အမြဲတမ်း ငါ့သူငယ်ချင်းတွေ စိတ်ချမ်းသာဖို့အရေးကိုပဲ ဦးစားပေးတတ်တဲ့လူ ...
တကယ်လို့ လေးဆက်က ဒီလိုကိစ္စမျိုးတွေဖြစ်ထားတာတောင်မှ မင်းနဲ့အတူ ဆက်ရှိနေချင်သေးတယ်ဆိုရင်လည်း ရတယ် ... ငါ့အတွက် ကိစ္စမရှိဘူး ... မင်းတို့ကို ကန့်လည်း မကန့်ကွက်ဘူး ...
ဒါပေမဲ့ လေးဆက်ရဲ့နှုတ်ကနေ သူ မင်းဘေးက ထွက်သွားချင်တယ်လို့ ပြောလာခဲ့မယ်ဆိုရင်တော့ ငါကလည်း ငါ့သူငယ်ချင်းရဲ့ဆန္ဒအတိုင်း သူ့ကို မင်းဘေးနားကနေ မရရအောင် ခေါ်ထုတ်သွားရလိမ့်မယ် ”
❇️❇️❇️❇️❇️❇️❇️❇️❇️❇️❇️❇️❇️❇️❇️❇️
အပြင်မှ ပြန်လာပြီးကတည်းက စိတ်ဖိစီးမှုများက သူ့ထံ၌ အလိုအလျောက်ကပ်တွယ်ညိပါလာသည်။ စိတ်ပင်ပန်းစွာဖြင့် တိုက်ခန်းတံခါးကို သော့ဖွင့်ဝင်လိုက်တော့ ဆိုဖာပေါ်၌ ငြိမ်ငြိမ်လေးထိုင်ကာ လက်ပ်တော့တစ်လုံးဖြင့် အလုပ်လုပ်နေသည့်ကိုကို့အား မြတ်နိုးမဝနိုင်စွာ တွေ့မြင်လိုက်ရသည်။
ယခုအချိန်၌ ကိုကိုသည် အရင်က ဖြစ်ပွားခဲ့သမျှအကြောင်းအရာအားလုံးကို သိနေပြီဖြစ်သောကြောင့် သူ့အနေနဲ့ ဘာကိုမှ ထပ်မံဖုံးကွယ်ထားရန်မလိုတော့ပေ။ ဥပမာအားဖြင့် လွန်ခဲ့သည့်နှစ်တွေကတည်းက သူ့မှာ ရှိနှင့်နေသည့် ကိုကို့ရဲ့တိုက်ခန်းသော့လိုပေါ့။
သူ့အထင် အခုတလော ကိုကိုက သိပ်အလုပ်လုပ်သည်။ အလုပ်လုပ်ဖို့အရေးကိုသာ ရေကုန်ရေခမ်းကြိုးစားသည်။ ဒါဟာ ကိုကို့အတွက် ဘေးထွက်ဆိုးကျိုးမရှိသည့် စိတ်ထွက်ပေါက်ရှာခြင်းတစ်မျိုးဟုသာ သူ မှတ်ယူထားလိုက်သည်။
ဒီထက်ပိုပြီးလည်း အတွေးမများချင်တော့ပေ။ ကိုကို့ကျန်းမာရေးကို ဆိုးဆိုးရွားရွားမထိခိုက်ရင် ပြီးတာပါပဲလေ။ ကျန်သည့်အရာအားလုံးကို ကိုကို ဘာလုပ်လုပ် သူ မမြင်ချင်ယောင်ဆောင်ထားပေးနိုင်သည်။
တိုက်ခန်းတံခါးပွင့်သံနှင့်အတူ အထဲသို့ ဝင်လာသည့် သူ့ခြေသံကို ကြားတော့ ကိုကိုက အလုပ်လုပ်နေရာမှ ဆတ်ခနဲမော့ကြည့်လာသည်။ ကြည်လဲ့လဲ့မျက်ဝန်းလေးများကို သူ ငေးကြည့်မိသွားသည်။ သို့သော် စက္ကန့်ပိုင်းမျှပင် မကြာလိုက်ဘဲ ကိုကိုက ချက်ချင်းဆိုသလို အကြည့်များကို ပြန်လည်ရုတ်သိမ်းသွားသည်။
ကိုကို့၏လျင်မြန်ဖျတ်လတ်သည့်အပြုအမူကို မြင်လိုက်ရသည့်အခါ သူ့နှုတ်ခမ်းစွန်းက အတန်ငယ်ကွေးညွတ်သွားသည်။ ပြုံးလိုက်မိသော်ငြား ပျော်ရွှင်ဝမ်းသာမှုကြောင့် ပြုံးခြင်းမမည်ပေ။
သူ့ပါးတစ်ဖက် နီမြန်းယောင်ကိုင်းနေတာကို ကိုကို မမြင်သွားတာလား။ ဒါမှမဟုတ် မမြင်ချင်ယောင်ဆောင်ပြီး တမင်သက်သက်အကြည့်လွှဲလိုက်တာများလား။ ဒီအချက်ကိုတော့ ကာယကံရှင်ဖြစ်သည့် ကိုကိုတစ်ယောက်သာ သိနိုင်ပေလိမ့်မည်။
သူ ဖိနပ်ကို ချွတ်လိုက်ကာ ဖိနပ်စင်ပေါ် စနစ်တကျတင်ထားလိုက်သည်။ သူ့ကိုကိုက စည်းကမ်းရှိသည့်လူမဟုတ်လား။ ကိုကို့အိမ်မှာ နေမည်ဆိုလျှင်တော့ ကိုကိုရဲ့စည်းကမ်းများအတိုင်း သူ မသွေမသိမ်းလိုက်နာသင့်သည်လေ။ အခုဆို သူ့ဖိနပ်နှင့် ကိုကို့ဖိနပ်က ဖိနပ်စင်ပေါ်၌ စီရီစွာဖြင့် အတူတူယှဉ်တွဲလျက်သား ... ။
အဲဒီနောက်မှာတော့ ဆိုဖာပေါ်ရှိ ကိုကို့နံဘေး နေရာလွတ်တွင် သူ ဝင်ထိုင်လိုက်သည်။ သို့သော် သူ ထိုင်လိုက်သည်နှင့်တစ်ပြိုင်နက် ကိုကိုက မတ်တတ်ထရပ်လာသဖြင့် သူလည်း ကိုကို့ရဲ့လက်ကောက်ဝတ်လေးကို အသာဖမ်းဆွဲထားလိုက်ကာ
“ မသွားပါနဲ့ ”
ရနိုင်မည်ထင်တာကို တောင်းဆိုကြည့်မိသည်။ ဖြစ်နိုင်မည်ထင်တာကို တောင်းဆိုကြည့်မိသည်။ တစ်ဖက်သတ်ဆန်ဆန် အမိန့်ပေးခြင်းမျိုးမဟုတ်ဘဲ ဖျော့တော့သေးငယ်သည့်တောင်းဆိုမှုမျှသာ ... ။
သို့သော် သူ ထင်မှတ်ထားသလို ဖြစ်မလာခဲ့။ ကိုကိုက လက်ကို ဆတ်ခနဲရုန်းထွက်ပြီး သူ့ကို ကျောခိုင်းကာ အိပ်ခန်းထဲ တန်းဝင်သွားသည်။
ကိုကို့ကျောပြင်ကို ငေးကြည့်ရင်း နွမ်းလျလာသည့်စိတ်အစဉ်က နွံထဲ နစ်မြုပ်စပြုနေသည့် ပန်းတစ်ပွင့်ကဲ့သို့ ရုန်းထွက်ရန်ခက်ခဲလှသည်။ ရုန်းလေ နစ်လေဆိုသည့် သဘောတရားအတိုင်း ကြံဆောင်ရန်အဖို့ငှာပင် ရုန်းဖို့အင်အားတောင် မရှိတော့သည့်ဘဝက အနည်းငယ်ယူကြုံးမရဖြစ်ဖွယ်ကောင်း၏။
ဆိုဖာပေါ် ထိုင်လျက်သား မျက်လုံးကို စုံမှတ်လိုက်ကာ ခေါင်းမော့ပြီး အနားယူနေစဉ် အနွေးဓာတ်လေးတစ်ခုက သူ့အနားသို့ ပြန်လည်ရောက်ရှိလာသည်ကို ခံစားလိုက်ရသဖြင့် မှိတ်ထားသည့် စက္ခုအာရုံကို ဖွင့်ကြည့်မိတော့
“ ကိုကို ”
သူ တအံ့တဩဖြစ်နေစဉ်မှာပင် ကိုကိုက ကြပ်ထုပ်ထိုးသည့် အဝတ်ဖြူကို ကိုင်ပြီး
“ ဒီဘက်ကို လှည့် ... ”
သူ့မျက်နှာကို ဖြည်းဖြည်းဆွဲလှည့်ပြီးနောက် အနည်းငယ်နီမြန်းကာ ယောင်ယမ်းနေသည့် ပါးပြင်ကို ကြပ်ထုတ်ထိုးပေးလာသည်။ ကိုကို့ရဲ့အာငွေ့ကြောင့်မို့ ထင်သည်။ သူ့ရဲ့နာကျင်မှုများက ယူပစ်လိုက်သလို အကြွင်းအကျန်မရှိ လုံးဝပျောက်ကွယ်သွား၏။
“ ကိုကို ”
“ နာနေသေးလား ”
“ အင်း ... နည်းနည်း ... ”
သူ့ထက် အသက်ပိုကြီးသည့်ကိုကို့အပေါ် လိမ်ညာမိရင် သူ ငရဲကျနိုင်လား။ မတတ်နိုင်တော့။ ငရဲကျလည်း ပျော်ပျော်ကြီးငရဲကျခံလိုက်မည်။ ကိုကို့ထံမှ ယခုလိုမျိုး ဂရုစိုက်ခံရတာကို သူ သိပ်သဘောကျသည်လေ။
ကိုကိုက ယနေ့ထိတိုင် အဖျားငွေ့ငွေ့ရှိနေသေးသဖြင့် နွေးနွေးထွေးထွေးရှိလှသည့် ဆွယ်တာအဖြူလေးကို ဝတ်ဆင်ထားသည်။ အဖျားရှိန်ကြောင့် ကိုကို့မျက်နှာလေးကတော့ သိပ်မလန်းဆန်း။ ထို့အပြင် အနည်းငယ်ပင်ပန်းနွမ်းနယ်နေသည့်ပုံလည်း ပေါ်၏။
အချိန်ကာလအားဖြင့် တစ်ပတ်မျှအကြာတွင်တော့ ကိုကို့ရဲ့ရုပ်ပိုင်းဆိုင်ရာဒဏ်ရာများသည် သက်သာစပြုလာချေပြီ။ အရင်နေ့များထက်စာရင် ကိုကို့ဒဏ်ရာများကလည်း အရောင်လျော့သွားသည်။
သူ သောင်းကျန်းပြီးသည့်နေ့မှစ၍ ကိုကိုက တော်တော်ပြောင်းလဲသွားသည်။ အစားကို အချိန်မှန်မှန်စားသလို ဆေးကိုလည်း ပုံမှန်သောက်သည်။ ကိုယ့်ကိုယ်ကိုယ် ထိခိုက်စေမည့်အပြုအမူများကိုလည်း ရှောင်ကြဉ်လာသည့်အတွက် သူ စိတ်အေးရသည်ကတော့ အမှန်။
“ မြတ်သူကို ခွင့်လွှတ်ပေးလိုက်ပါ ... သူက နဂိုကတည်းက စိတ်ဆတ်တယ် ”
သူ ဘာကြောင့်ထိခိုက်လာရသည်ဆိုတာကို သိနေသည့်အလား ကိုကိုက ပြောလာသည်။
“ ကိုကို သိနေတာလား ”
“ အင်း ... ခုနက နောင်ခန့် ဖုန်းဆက်ပြောတယ် ”
“ ဒါဆို ကိုနောင်ခန့်က ... ”
သူ့စကား အဆုံးမသတ်သေးခင်မှာပဲ
“ သူ မင်းကို ဘာတွေပြောလိုက်လဲဆိုတာလည်း နောင်ခန့်က ငါ့ကို ပြန်ပြောပြထားတယ် ”
ရင်ထဲမှာ ဒိန်းခနဲ ... ။
“ ကိုကို ”
သူ့လေသံက စိုးရိမ်မှုကြောင့် လှိုင်းခတ်သွားသည်။ သို့သော် ကိုကိုက စကားစမခံဘဲ
“ သွားနားတော့ ဈာန် ... မင်းလည်း ပင်ပန်းလာတယ်မလား ... ငါလည်း အလုပ်လုပ်စရာရှိသေးတယ် ”
ဒါဟာ အနုနည်းဖြင့် နှင်ထုတ်ခြင်းမည်၏။
တစ်ချိန်ချိန်မှာရော ဘဝထဲကထွက်သွားဖို့ ကိုကိုက သူ့ကို အနုနည်းဖြင့် နှင်ထုတ်လာလေမလား။
❇️❇️❇️❇️❇️❇️❇️❇️❇️❇️❇️❇️❇️❇️❇️❇️
“ ကိုကို ဒါလေး ထည့်စားဦး ... အသဲအမြစ်က ကိုကို ကြိုက်တယ်မလား ”
ညစာစားနေရင်း ကိုကို့ထမင်းပန်းကန်ထဲကို အသဲအမြစ်လေး ထည့်ပေးလိုက်တော့
“ အင်း ... ကျေးဇူးပဲ ဈာန် ”
သူစိမ်းဆန်လွန်းလှသည့် ကျေးဇူးတင်စကားကြောင့် ဟင်းခပ်ထည့်ပေးနေသည့် လက်က အနည်းငယ်တုန်ယင်သွားသော်ငြား သူ အချိန်မှီဟန်ဆောင်လိုက်နိုင်ပါသည်။
အခုတလော သူ သိပ်ဟန်ဆောင်ကောင်းလွန်းသည်ဟု ထင်နေမိသည်။ ဟန်ဆောင်ခြင်းအနုပညာဟူသည် လောကဓံတရားက သင်ပေးသွားသဖြင့် အလိုအလျောက်တတ်မြောက်လာရသည့် ပညာရပ်တစ်ခုပါပင်။
သို့သော် ထိုဟန်ဆောင်မှုသည် သူတို့နှစ်ယောက်အတွက်တော့ သိပ်အရေးကြီးလှသည်။ သူနှင့် ကိုကို့ကြားမှာ ဟန်ဆောင်မှုလေးတစ်ခု ခြားထား၍သာ နှစ်ယောက်သား ယခုထိတိုင် ဆက်လက်တည်မြဲနေခြင်းဖြစ်သည်။
အကယ်၍ ၎င်းဟန်ဆောင်မှုသာ မရှိခဲ့ဘူးဆိုလျှင်တော့ သူတို့နှစ်ယောက်လုံး အနှေးနဲ့အမြန် ပြိုလဲကာ ကွဲကွာသွားပေလိမ့်မည်။
ကိုကိုကလည်း ဘာမှမဖြစ်ထားသလို ဟန်ဆောင်သည်။ သူကလည်း ဘာမှမဖြစ်ထားသလို ဟန်ဆောင်သည်။ ဤကဲ့သို့ ဟန်ဆောင်နေရသည့် တစ်ခုတည်းသော အကြောင်းပြချက်မှာ နှစ်ယောက်သား အတူတူရှိနေလိုခြင်း ... ။
သို့သော်ငြား ဟန်ဆောင်မှုသည် ဟန်ဆောင်မှုမျှသာ ... ။
ဟန်ဆောင်မှုဟူသည် တကယ့်အစစ်အမှန် ဘယ်တော့မှဖြစ်လာနိုင်မည်မဟုတ်ပေ။
ဟန်ဆောင်နေကြတိုင်းသာ အရာအားလုံး အဆင်ပြေသွားကြမည်၊ ပြီးပြည့်စုံသွားကြမည်ဆိုလျှင် ကမ္ဘာပေါ်ရှိလူတိုင်းက အမြဲတမ်းဟန်ဆောင်နေကြမည့်လူချည်းသာ ... ။
ယခုအခါတွင်လည်း သူတို့နှစ်ဦးသည် သိသိကြီးနှင့် ဟန်ဆောင်နေကြခြင်းဖြစ်သည်။ သို့သော် မည်မျှဟန်ဆောင်နေပါစေ ပုံမှန်ဆို နွေးထွေးမှုများဖြင့် လှုပ်ရှားသက်ဝင်နေတတ်သည့် ထမင်းဝိုင်းလေးက အသက်မဲ့နေရှာမှန်း သိသာလွန်းလှသည်။
“ ငါ တော်ပြီ ”
သတ်မှတ်ထားသည့်နှုန်းထားအတိုင်း ဖြည်းဖြည်းမှန်မှန်စားသောက်ပြီးသွားသောကြောင့် ကိုကိုက ဤကဲ့သို့ပြောလာသည်။
“ အင်း ... ဒါဆို ကျွန်တော်လည်း တော်ပြီ ”
ထိုအခါ ကိုကိုက သူ့ထမင်းပန်းကန်ကို လှမ်းကြည့်သည်။ သူ့ပန်းကန်ထက်ဝယ် အရာမယွင်းသည့် ထမင်းဖြူဖြူတို့က အခန့်သား ... ။
“ အပြင်မှာ စားလာလို့လား ဈာန် ”
အမှန်အတိုင်းမပြောချင်သဖြင့် သူ ခေါင်းကိုသာ အသာအယာညှိမ့်ပြလိုက်ပါ၏။ အခုချိန်ထိ ဘာအစာမှ မဝင်သေးတာတောင် ဆာလောင်မှုတစိုးတစိမှမရှိတာ အံ့ဩစရာကောင်းလွန်းသည်။ ကိုကိုကတော့ သူ ထမင်းမကုန်၍ သိပ်မျက်နှာမကောင်း။ သို့သော်ငြား သူ့ကိုတော့ အတင်းအကြပ်မစားခိုင်းပါချေ။
“ ငါ ပန်းကန်တွေ ဆေးလိုက်ဦးမယ် ”
“ ကျွန်တော်လည်း ကူဆေးပေးမယ် ”
ဆေးစရာပန်းကန်များမှာ မများပြားသည့်တိုင် ကိုကိုကတော့ သူ့စကားကို ငြင်းပယ်ခြင်းမပြုဘဲ ဘေစင်၌ သူနှင့်အတူ ပန်းကန်ဆေးနေ၏။ နှစ်ယောက်အတူတူရှိနေချိန်ဖြစ်ပေမဲ့လည်း ပြောစရာစကားများကတော့ ရှားပါးလွန်းလှ၏။
ပန်းကန်ဆေးကြောပြီးနောက် ကိုကိုက အိမ်ရှေ့ခန်းထဲ ပြန်ထွက်သွားသည်။ ကြည့်ရတာ ထုံးစံအတိုင်း ညလုံးပေါက် စာဖတ်တော့မည့်ပုံပင်။
ဒါဆို သူကရော ... ။
သူကရော အခုချိန်မှာ ဘာလုပ်သင့်လဲ။
❇️❇️❇️❇️❇️❇️❇️❇️❇️❇️❇️❇️❇️❇️❇️❇️
ညသန်းခေါင် ၂ နာရီခန့် ... ။
လမ်းလျှောက်နေရင်း ချောက်ထဲ ပြုတ်ကျသွားသည်ဆိုသော ခံစားချက်ကြီးက ကြီးစိုးလာသဖြင့် လေးဆက်တစ်ယောက် အိပ်ပျော်နေရာမှ ဆတ်ခနဲ လန့်နိုးသွားသည်။
မက်လေ့ရှိသည့် အိပ်မက်ဆိုးဖြစ်သည့်တိုင် ကြောက်စိတ်များက လျော့ပါးမသွားသေးပေ။ နဖူးပြင်၌ ချွေးစေးများ တွဲလွဲခိုနေပြီး ရင်ထဲမှာလည်း တလှပ်လှပ်နှင့် နှလုံးခုန်နှုန်းတွေက အဆမတန်မြန်ဆန်နေသည်။
အောက်ခြေကိုတောင် မမြင်ရလောက်သည့်အထိ မည်းမှောင်နက်ရှိုင်းနေသော ချောက်နက်ကြီးထဲသို့ လူတစ်ယောက်လုံးက ငှက်မွှေးလေးလို ပြုတ်ကျသွားသည့်ခံစားချက်ကြီးက ဆိုးရွားလွန်းပါ၏။
သို့သော် တစ်ခုတော်သေးသည်က ယခုလိုအိပ်မက်ဆိုးများ မက်သည့်အချိန်၌ သူ့အနားမှာ ဈာန်ရှိနေခြင်းပင်။
ညအိပ်မီးလေးဖွင့်ထားသဖြင့် နီးကပ်နေသည့် ဈာန့်မျက်နှာလေးကို အသေးစိတ်မြင်နေရသည်။ ဈာန်က ဘာအပူအပင်မှမရှိသည့် ကလေးတစ်ယောက်နှယ် နှစ်နှစ်ခြိုက်ခြိုက်အိပ်ပျော်နေ၏။
ဒီတလောအတွင်း သူ့ကလေးလေး သိပ်ပင်ပန်းနေတော့မှာပဲ။
ထိုးခံထားရ၍ နီမြန်းနေသော ဈာန့်ပါးပြင်လေးကို တို့ထိကြည့်ချင်ပေမဲ့လည်း ကလေးငယ် အိပ်ပျော်နေတာကို အနှောင့်အယှက်ဖြစ်သွားမည်စိုးသဖြင့် မလှုပ်ရဲ။ ဈာန်က သူ့တစ်ကိုယ်လုံးကို ရင်ခွင်ထဲ ဆွဲသွင်းထားသောကြောင့် ဈာန့်ရဲ့ဝင်လေ ထွက်လေနွေးနွေးက သူ့ကို ရိုက်ခတ်နေသည်။
ဈာန့်ကို အတန်ကြာငေးမောကြည့်ပြီးနောက် သူ့ခါးကို ဖက်တွယ်ထားသည့် ဈာန့်လက်များကို အသာအယာဖြုတ်လိုက်သည်။ အဲဒီနောက်မှာတော့ အပ်ကျသံမျှပင် မကြားရလောက်အောင် တိတ်ဆိတ်နေသည့်အခန်းအတွင်းမှ တိုးတိတ်ညင်သာသော ခြေလှမ်းများဖြင့် အပြင်သို့ ထွက်လာခဲ့လိုက်သည်။
အပြင်ဘက်ကလည်း မှောင်မည်းလို့သာပင်။ သို့ပေမဲ့လည်း နှစ်ကာလရှည်ကြာစွာ နေထိုင်လာသည့်အိမ်ဖြစ်သောကြောင့် ထိုအမှောင်ထုတို့အား သူ အကျွမ်းတဝင်ရှိနေသည်။
သူ့ခြေလှမ်းများက ဖြည်းဖြည်းမှန်မှန်ဖြင့် ဝရန်တာဘက်ဆီသို့ ဦးတည်လျက် ... ။
ဝရန်တာသို့ရောက်ရောက်ချင်း အလှထားထားသည့် ပန်းအိုးနှစ်ခု၏အနောက်ကြားတွင် ထည့်ဖွက်ထားသော စီးကရက်ဘူးကို ထုတ်ယူလိုက်သည်။ ဈာန်က ဝရန်တာ၌ သိပ်နေလေ့မရှိသဖြင့် သူ ဖွက်ထားသည့်အရာကို ရှာတွေ့နိုင်မည်မဟုတ်ပေ။
ဒီစီးကရက်တံဆိပ်က ကောင်းလား၊ မကောင်းလားဆိုတာကိုလည်း သူ မသိပေ။ ရုတ်တရက် စီးကရက်သောက်ချင်စိတ်ဖြစ်လာသောကြောင့် ဈာန် မသိအောင် ခိုးဝယ်လာခြင်းသာဖြစ်သည်။
Store ကနေ ဈေးကြီးပေးဝယ်လာသည့် စီးကရက်ဖြစ်သောကြောင့် ကောင်းလောက်မည်ဟုသာ သူ မှတ်ယူလိုက်သည်။ နေ့တိုင်းနီးပါး သောက်နေသဖြင့် စီးကရက်ဘူးထဲ၌လည်း ငါးလိပ်ကျော်ကျော်မျှသာ ကျန်တော့သည်။
အင်း ... နောက်နေ့တွေအတွက် ထပ်ဝယ်ရတော့မှာပဲ။ ဒီတစ်ခေါက်လည်း ဈာန် မသိအောင် ခိုးဝယ်မှ ရမည်။ နို့မို့ဆို ဒီကလေးက သူ့ကို သေချာပေါက် စိတ်ဆိုးသွားမှာ။
စီးကရက်ကို မီးညှိလိုက်ကာ နှုတ်ခမ်းဝ၌ တေ့လိုက်သည်။ တချို့လူတွေ ဘာလို့ စီးကရက်သောက်ရတာ ကြိုက်မှန်း သူ နားမလည်နိုင်ပေ။ သောက်ရတာလည်း မကောင်းသောကြောင့် စီးကရက်ကို သူ မကြိုက်ပေ။
သို့သော် မကြိုက်ဘဲနဲ့ သောက်နေရခြင်းကိုတော့ သူ စွဲလမ်းနေမိပြီ။ ထို့အတူ မဖြစ်သင့်မှန်း သိရက်နဲ့ ဈာန့်အား ချစ်နေရခြင်းကိုလည်း သူ မြတ်နိုး၏။ သူ့အတွေးကိုလည်း လူတွေ နားလည်နိုင်မည်မဟုတ်ပေ။
တဖြည်းဖြည်း တိုတောင်းသွားသည့် စီးကရက်အပိုင်းအစကို ကြည့်ရင်း သူ ပြုံးလိုက်သည်။ မြန်လိုက်တာ။ စီးကရက်တွေကလည်း ခဏလေးနဲ့ သေသေသွားတယ်။ ကြည့်ရတာ သူ့အနားမှာ ကြာကြာမနေချင်ဘူးထင်ပါရဲ့။
အမှောင်ကျနေသည့် ပတ်ဝန်းကျင်တစ်ခုလုံးကို အပေါ်စီးကနေ ငေးကြည့်ရတာ အနည်းငယ်တော့ စိတ်ပျော်စရာကောင်းသည်။
ဘယ်သူမှလည်း မရှိ ... ။
ညအမှောင်ထုရယ်၊ သူရယ် ... ။
ညအမှောင်ထုကလည်း ပင်ပန်းနေသည့်သူ့ကို စိတ်ပြေလက်ပျောက်ဖြစ်စေသလို သူကလည်း အထီးကျန်နေသည့် ညအမှောင်ထုကို အဖော်ပြုပေးနေသည်။ သူ့လက်ထဲက စီးကရက်တိုလေးကတော့ ခဏတာရှင်သန်ရသည့်အပိုင်းအစမျှသာ ဖြစ်သည်မို့ ထည့်မတွက်လို။
တစ်နာရီခွဲခန့်နီးပါး အပြင်ဘက်၌ အချိန်ဖြုန်းပြီးနောက် အထဲသို့ ပြန်ဝင်လာလိုက်သည်။ အဲဒီနောက် ဆိုဖာခုံ၏အောက်တွင် ဖွက်ထားသော ဆေးဘူးတစ်ဘူးကို ထုတ်ယူလိုက်သည်။
အင်း ... ဒီဆေးလည်း တစ်ဝက်ကျိုးနေပြီပဲ။ မတတ်နိုင်။ ဒီဆေးကိုမှ မသောက်ရင် တစ်ညလုံး အိပ်မပျော်နိုင်တာ သူ အသိဆုံးမလား။ သူ အိပ်ဆေးတွေ သောက်နေရတာကိုလည်း ဈာန် သိလို့မဖြစ်ပါ။ ဒီကောင်လေးက သိပ်အစိုးရိမ်လွန်တတ်တာလေ။
အိပ်ဆေးများကို သောက်ပြီးသည့်တိုင် မျက်လုံးကြောင်နေဆဲဖြစ်သည့် သူ့ကိုယ်သူလည်း ရယ်ချင်လှသည်။ ကံတရားကြီးက သူ့အတွက်ဆို ဘယ်သောအခါမှ ချောချောမွေ့မွေ့ဖြစ်အောင် မစီစဉ်ပေးခဲ့။
ယုတ်ဆွအဆုံး အိပ်ပျော်ဖို့ကိုတောင် သူ့မှာ ခဲယဉ်းစွာ ကြိုးစားနေရသည့်ဘဝ ... ။
လောကကြီးမှာ ရှင်သန်ဖို့အရေးက အဲဒီလောက်တောင်ပဲ အခက်အခဲများသလား။
အိပ်ခန်းထဲ ပြန်ဝင်လာသည့်အထိ သူ့မှာ အိပ်ချင်စိတ်မရှိ။ သို့သော် ဈာန့်အနားတွင် နေချင်သည်မို့ ဈာန်နှင့် မျက်နှာချင်းဆိုင်တွင် ခွေခွေလေး ဝင်လှဲလိုက်သည်။ ဘယ်နှခါပဲကြည့်ကြည့် ရိုးသွားသည်မရှိသော ဈာန့်မျက်နှာလေးကို တမေ့တမော ငေးကြည့်ရင်း သူ့မျက်နှာတွင် ပြုံးရိပ်ထင်လာ၏။
“ ဒါပေမဲ့ ငါ့ကလေးလေးကတော့ အိပ်ပျော်သွားလို့ တော်သေးတာပေါ့ ”
အသံမထွက်ဘဲ နှုတ်ခမ်းဟရုံပြောလိုက်သည့် စကားတချို့ကိုတော့ သူမှလွဲ၍ အခြားမည်သူမှ ကြားသိနိုင်လိမ့်မည်မဟုတ်ပေ။
3:09 P.M
13.8.2021 ( Friday )