ချစ်သူ့မျက်ရည်တစ်စက် နာကျင်မှု တစ်သက် ... ။
ငါ အကြောက်ဆုံးအရာတွေထဲမှာ ချစ်သူ့အမုန်းက ပထမနေရာဆို ချစ်သူ့မျက်ရည်က ဒုတိယနေရာလိုက်မယ်ထင်ပါရဲ့။
ဒီသံသရာမှာ ငါ မမြင်ချင်ဆုံးဖြစ်တဲ့ အဲဒီလူရဲ့မျက်ရည်စက်တွေဟာ ငါ့ကြောင့် ကျခဲ့ရမှန်း သိလိုက်ရချိန်မှာတော့ ငါ့ရဲ့နာကျင်မှုက အရင်ကထက် အဆပေါင်း တစ်ရာ၊ တစ်ထောင်၊ တစ်သောင်းမက မြင့်တက်သွားခဲ့တယ်။
အနာပေါ် အနာထပ်တာမို့ သိပ်မဆိုးရွားလောက်ဘူးလို့ ထင်ချင်စရာရှိပေမဲ့ အနာချင်း မတူညီတဲ့အခါ ငါ့မှာ လျှို့ဝှက်အမာရွတ်ပေါင်းများစွာနဲ့ ဘဝကြီးဟာ အလဲလဲ အပြိုပြိုပါပဲ။
အဲဒီလူတစ်ယောက်တည်းကိုပဲ ဦးထိပ်ပန်ဆင်ရင်း ကြိုးစားပမ်းစားတည်ဆောက်ထားခဲ့ရတဲ့ ငါ့ရဲ့အထီးကျန်ကမ္ဘာငယ်လေးဟာ အခုတော့ ပျက်သုန်းခြင်းကံကြမ္မာ ဆိုက်ရောက်နေခဲ့ပြီ။
သူ့မျက်နှာလေး မှိုင်းညို့နေရင်တောင် ငါ့ရဲ့ကမ္ဘာက ယိမ်းယိုင်နေခဲ့တာလေ။
အခုတော့ မျက်ရည်တဲ့လား။
ပြီးတော့ အဲဒီမျက်ရည်တွေရဲ့အဓိကတရားခံကလည်း ငါ ဖြစ်နေတယ်တဲ့လေ။
ရယ်စရာကောင်းလိုက်တဲ့ လောကကြီး ... ။
တကယ်တမ်းကျတော့ ငါက အဲဒီလူအတွက် ပြဿနာတွေကိုပဲ ယူဆောင်လာပေးတတ်တဲ့ နတ်ဆိုးပဲ။
ငါသာ ထွက်ပေါ်မလာခဲ့ရင် ငါ ချစ်ရတဲ့လူကလည်း ဒီလောက်ထိ နာကျင်နေရမှာမဟုတ်ဘူး။
အခုတော့ ငါ့လိုနတ်ဆိုးတစ်ကောင်က သူ့အတွက် ဘာများ ထပ်ပြီးလုပ်ပေးနိုင်သေးလို့လဲ။
သူ့ရဲ့ယိုင်လဲကျသွားတဲ့ခန္ဓာကိုယ်လေးကိုလည်း ငါ ပြန်ထူမတ်မပေးနိုင်ခဲ့ဘူး။
သူ့ရဲ့မျက်ရည်တွေကို ဖယ်ရှားပေးဖို့လည်း ငါ့မှာ အခွင့်အရေးမရှိခဲ့ဘူး။
ယုတ်ဆွအဆုံး သူ့ရဲ့အနီးမှာ နေဖို့လည်း ငါဟာ မထိုက်တန်ခဲ့ဘူး။
❇️❇️❇️❇️❇️❇️❇️❇️❇️❇️❇️❇️❇️❇️❇️❇️
အဓိပတိဆေးရုံ ... ။
“ လေးဆက် မင်း အဲဒီလို မလုပ်နဲ့ ! အသက်ကို ဝဝရှူ ! စိတ်အေးအေးထားစမ်း လေးဆက် ! မင်း ငါ ပြောနေတာကို ကြားရလား ! ”
“ မင်း စိတ်လျော့ထားစမ်း လေးဆက် ! မင်း အဲဒီလိုဖြစ်နေလို့ မရဘူးလေ ! မဇလပ်ကလည်း မင်း ဒီလိုဖြစ်နေတာကို မြင်ချင်မှာ မဟုတ်ဘူး ! ”
“ ငိုချလိုက် လေးဆက် ! ငိုချလိုက်ရင် မင်း သက်သာသွားလိမ့်မယ် ! လေးဆက် မင်း အဲဒီလိုမလုပ်နဲ့လေ ! မင်းပါ လိုက်သေချင်နေတာလား လေးဆက်ရိပ်သွင် ”
ရုပ်အလောင်းတစ်ခုနားမှာ ရပ်နေသည့်လူအုပ်ထံမှ ကြားနေရသည့် ဆူညံသံများ ... ။
ထိုလူအုပ်အား အဝေးတစ်နေရာကနေ ရပ်ကြည့်နေရာမှ ဈာန်ရောင်ခ ယိုင်တိုင်တိုင်နှင့် အရှေ့ကို ဖြည်းဖြည်းချင်း တိုးလာခဲ့မိသည်။ အမှန်အတိုင်း ဝန်ခံရမည်ဆိုလျှင် သူ့ခြေထောက်များက တကယ့်ကိုပင် အားမရှိတော့။
ထိုလူသားအား ရှင်းရှင်းလင်းလင်းမြင်နိုင်လောက်မည့် အကွာအဝေးတစ်ခုနားသို့အရောက်မှာတော့ အနီးမှာရှိသည့် အုတ်နံရံတစ်ခုကို ပစ်မှီလိုက်ရသည်။ သူ့ခြေထောက်များက ဘယ်လိုမှမြဲမြဲမြံအောင် ရပ်တည်ဖို့မစွမ်းသာတော့သောကြောင့် ... ။
လူအသွားအလာရှုပ်ထွေးလှသော ဆေးရုံအဆောင်၌ ဘယ်သူမှ သူ့ကို သတိမထားမိသလို သူကလည်း ကိုကိုမှလွဲ၍ ဘယ်သူ့ကိုမှ အာရုံမစိုက်မိ။
သူ ငေးကြည့်နေမိသည့် ကိုကို့မျက်နှာလေးက သွေးတွေ စုပ်ယူခံထားရသလိုမျိုး ဖြူဖျော့နေကာ နှုတ်ခမ်းသားတို့ကလည်း တဆတ်ဆတ်တုန်ရင်နေ၏။
လက်သီးကို ကျစ်ကျစ်ပါအောင် ဆုပ်ထားပြီး မျက်ရည်တစ်စက်မှ မကျဘဲ သူ့ချစ်သူရဲ့ရုပ်အလောင်းကို ကြည့်ကာ ကြေကွဲဆို့နင်နေသည့် ကိုကို့ရဲ့အသွင်အပြင်ကြောင့် သူ့နှလုံးသားရပ်ဝန်းတခွင်၌ တုန်လှုပ်ခြောက်ချားမှုများက နေရာယူစိုးမိုးလာသည်။
“ တောင်းပန်ပါတယ် ကိုကို ... ကျွန်တော် တကယ်တောင်းပန်ပါတယ် ... ကျွန်တော်က အဲဒီလိုဖြစ်အောင် တမင်လုပ်ခဲ့တာ မဟုတ်ပါဘူး ... အင့် ... တောင်းပန်ပါတယ် ... ကိုကို ကျွန်တော့်ကို မမုန်းလိုက်ပါနဲ့ ... တကယ်တောင်းပန်ပါတယ် ”
သူ ဘယ်လောက်ပဲ အထပ်ထပ်အခါခါ တောင်းပန်နေပါစေ ထိုစကားလုံးများက အပြင်ဘက်သို့ ထွက်ကျမလာဘဲ လည်ချောင်းဝမှာတင် တစ်ဆို့ပျောက်ကွယ်သွားရသည်။
ကိုကို့ကို တောင်းပန်စကားပြောဖို့တောင် သူ့လိုနတ်ဆိုးက မထိုက်တန်ဘူးမလား။
အခုချိန်မှာ ကိုကို့အတွက် သူ လုပ်ပေးနိုင်တာ ဘာတစ်ခုမှမရှိဘူးဆိုသည့် အသိစိတ်ကြီးက သူ့ကို အစွန်းမဲ့ချောက်ကမ်းပါးနက်ထဲ တွန်းချနေသကဲ့သို့ သူ့ရဲ့စိတ်အစဉ်ဟာလည်း ယိုင်လဲပြိုကျစပြုလာချေပြီ။
“ ငါလည်း ... ဇလပ်နဲ့အတူ ... သေသွားချင်တယ် ”
ထိုလူသားအား မျက်တောင်မခတ်တမ်း ငေးကြည့်နေမိချိန်မှာ ကြားလိုက်ရသည့် တိုးဖွဖွအသံလေးကြောင့် နံရံကို မှီထားသည့် ဈာန်ရောင်ခရဲ့ကိုယ်က ဆတ်ခနဲတုန်ယင်သွားသည်။
ထို့နည်းတူ သူ့နားထဲမှာလည်း အန္တရာယ်အချက်ပေးသံများက ဆူဆူညံညံထွက်ပေါ်လာသည်။
ကိုကို့ရဲ့တိုးဖွဖွအသံလေးထဲမှာ အရာအားလုံးကို အရှုံးပေးလိုသည့် စိတ်ဆန္ဒဇောတွေကို မြင်နေရသည်။ စိတ်နှလုံးကြေကွဲမှုတွေ၊ နာကျင်ပူဆွေးမှုတွေ၊ အထီးကျန်ဝမ်းနည်းမှုက အထင်းသားပေါ်လွင်နေသည်။
“ ငါ ... တကယ် ... အသက်မရှင်ချင်တော့ဘူး ”
ဈာန်ရောင်ခ ထိတ်လန့်တုန်လှုပ်စွာဖြင့် သူ့နားနှစ်ဖက်ကို လက်အစုံဖြင့် ပိတ်ပစ်လိုက်သည်။ သို့သော်ငြား သူ ဘယ်လိုပင် ဖုံးအုပ်ထားပါစေ ကိုကို့ရဲ့စကားလုံးများကတော့ သူ့နှလုံးသားထဲမှာ သေရာပါသည့်အထိ မှတ်ကျောက်တင်သွားခဲ့လေပြီ။
ဟင့်အင်း ! အဲဒီလိုတွေ မပြောပါနဲ့။
ကျေးဇူးပြုပြီး အဲဒီလိုတော့ မပြောလိုက်ပါနဲ့။
ကိုကို ဘယ်လောက်ပဲ ခံစားနေရပါစေ သေချင်တယ်လို့တော့ မပြောလိုက်ပါနဲ့။
အဲဒီလိုပြောမယ့်အစား ကျွန်တော့်ကိုသာ လာသတ်လိုက်ပါ။
မျက်ရည်တွေက ဘယ်လိုမှထိန်းမရတော့။
နာကျင်မှုတွေကလည်း ဘယ်လိုမှဖြည်မဆည်နိုင်တော့။
ဒီမြင်ကွင်းကို သူ ဘယ်လိုမှ ဆက်မကြည့်နိုင်တော့သဖြင့် အဲဒီအနီးပတ်ဝန်းကျင်မှ လှည့်ထွက်လာလိုက်သည်။ ခပ်ကျဲကျဲလှမ်းနေသည့် ခြေလှမ်းများက တဖြည်းဖြည်း ပိုမိုမြန်ဆန်လာပြီး ဆေးရုံအဆောင်ထဲမှ အပြင်ဘက်ဆီသို့ ပြေးအထွက်မှာပင်
“ အင့် ! ”
တစ်စုံတစ်ယောက်နှင့် တိုက်မိသွားသည်။ ဈာန်ရောင်ခရဲ့ကိုယ်က အနည်းငယ်သာ ယိမ်းယိုင်သွားပေမဲ့ တစ်ဖက်လူကတော့ တံခါးကို အရှိန်ဖြင့် သွားပြေးဆောင့်မိသည်။
“ ကျစ် ! ဘယ်လိုဖြစ်လို့ ဆေးရုံထဲမှာ အတင်းပြေး ... ဟင် ! ဈာန် ! ”
နာနေသည့်လက်မောင်းတစ်ဖက်ကို ဇင်ဇင် ပွတ်နေရင်း ဒေါသထွက်ထွက်ဖြင့် မော့ကြည့်လိုက်ချိန်မှာ ဈာန့်ကို တွေ့လိုက်ရသဖြင့် အရမ်းကို အံ့အားသင့်သွားကာ ရန်တွေ့မည့် စကားလုံးများတောင် ပျောက်ရှသွားရသည်။
“ ဈာန် ! နင် ဘယ်လိုလုပ် ဒီကိုရောက်နေရတာလဲ ... ဈာန် ! နင် နေဦး ... နေဦးလေ ... ဟဲ့ ! ငါ မေးတာကို ဖြေဦး ... ဈာန် ! ”
ဇင်ဇင် ဘယ်လောက်ပဲ ခေါ်နေပါစေ တစ်ချက်လေးတောင် လှည့်မကြည့်ဘဲ လူကို အတင်းတွန်းတိုက်ကာ ဆေးရုံထဲမှ အလျင်စလို ပြေးထွက်သွားသည့် မောင်ငယ်ဖြစ်သူကြောင့် ခုနက လက်မောင်းနာနေတာတွေကိုပါ ဇင်ဇင် မေ့လျော့သွားခဲ့သည်။
ထို့အပြင် စိတ်ထဲမှာလည်း တစ်ခုခုကို သင်္ကာမကင်းဖြစ်နေမိသည်။ မနက်ကမှ ဒီကောင်လေး ဇင်ဇင့်ဆီကနေ လေးဆက်အကြောင်းကို မရမကလာအစ်ထုတ်သွားသည်မဟုတ်လား။
အခုလည်း ဒီကောင်လေးက မထင်မှတ်ထားသည့်နေရာမှာ ရှိနေပြန်ပြီ။ ဒင်းရဲ့အပြုအမူတွေကို ကြည့်ရသည်မှာလည်း အတန်ငယ် ထူးဆန်းလှ၏။
တကယ်ပဲ ဘာတွေဖြစ်ကုန်တာလဲ။
သို့ပေမဲ့ မကြာသေးခင်ကမှ မြတ်သူ ဖုန်းဆက်ပြောထားသည့် လေးဆက်ရဲ့အခြေအနေက ပိုအရေးကြီးနေသည့်အတွက် ဈာန် ဘာကြောင့် ဒီဆေးရုံကို ရောက်နေရသလဲဆိုသည့်မေးခွန်းကို ခဏမေ့ထားလိုက်သည်။
လေးဆက်တို့ရှိရာအခန်းထဲ ဇင်ဇင် အပြေးဝင်သွားပြီးနောက် တွေ့မြင်လိုက်ရသည့် သူငယ်ချင်းဖြစ်သူရဲ့ပုံစံက အရမ်းကို သနားဂရုဏာသက်ဖွယ်ကောင်းလှသည်။
အဲဒီနောက် လေးဆက်ကို နှစ်သိမ့်ပေးပြီး နောင်ခန့်ကို တိုးတိုးတိတ်တိတ် မေးမြန်းကြည့်ရသည်။ အကြောင်းစုံသိလိုက်ရတော့မှ သူငယ်ချင်းဖြစ်သူအတွက်ရော၊ ဆုံးပါးသွားသည့်လူအတွက်ပါ စိတ်မကောင်းဖြစ်ကာ သက်ပြင်းမောကို ရှိုက်ထုတ်မိသည်။
ဖြစ်မှဖြစ်ရလေ လေးဆက်ရယ်။
ဒါနဲ့ နေပါဦး။ တစ်ခုခု ထူးဆန်းနေသလိုပဲ။
ဘာဖြစ်လို့ လေးဆက်တို့ရှိနေသည့်နေရာမှာ ခန့်မဟော်က ရုတ်တရက် ပေါ်လာပြီး ထိုးလားကြိတ်လားလုပ်ရတာလဲ။
ဘာဖြစ်လို့ အဲဒီလိုဝရုန်းသုန်းကားအခြေအနေမှာ တောင်ဇလပ်ဖြူက ကွက်တိကြီး ရောက်လာရတာလဲ။
အရမ်းကို မတိုက်ဆိုင်လွန်းဘူးလား။
နောက်တစ်ချက်က ဈာန် ... ။
ဈာန်က ဘာဖြစ်လို့ ဒီဆေးရုံမှာရှိနေရတာလဲ။
ဒီကိစ္စတွေထဲမှာ ဖုံးကွယ်ထားသည့် အကြောင်းအရင်းတစ်ခုခုတော့ ရှိရမည်။
အကျိုးအကြောင်းမေးမြန်းရန်အတွက် ဇင်ဇင် ဖုန်းထုတ်ကာ ဈာန့်ကို ဖုန်းခေါ်လိုက်သည်။ ဖုန်းဝင်သွားပေမဲ့ တစ်ဖက်လူက ဖုန်းမကိုင်။ နောက်တစ်ခေါက်ထပ်ခေါ်ကြည့်သည့်အခါမှာတော့ ဖုန်းပိတ်သွားချေပြီ။
ထူးဆန်းလိုက်တာ။
ဈာန်က ဘာလို့ဖုန်းမကိုင်ရတာလဲ။
ထို့အပြင် ခုနက တွေ့လိုက်ရသည့် ဈာန့်ရဲ့မျက်နှာအခြေအနေကလည်း သိပ်မကောင်းလှ။
အဲဒီနောက်မှာတော့ ဇင်ဇင်လည်း ဈာန့်ကို လိုက်ရှာဖို့ စိတ်ပိုင်းဖြတ်လိုက်ကာ ဆေးရုံအဆောင်ထဲကနေ ထွက်လာခဲ့သည်။ ဆေးရုံပန်းခြံအနှံ့လိုက်ရှာကြည့်ပေမဲ့ ဈာန့်ရဲ့အရိပ်အယောင်မျှပင် မတွေ့။
ဒီနေ့က ဒီဇင်ဘာ ၃၁ရက်နေ့ဖြစ်သည့်အတွက် ဆေးရုံမှာ လူအသွားအလာ အရမ်းရှုပ်ထွေးနေသည်။ ကားတိုက်မှု၊ လူရိုက်မှု၊ အမူးလွန်မှု၊ အံဖတ်ဆို့မှု အစရှိသည့်ကိစ္စရပ်ပေါင်းမြောက်များစွာဖြင့် ဆရာဝန်တွေမှာလည်း နားဖို့နေနေသာသာ အသက်ရှုဖို့အချိန်တောင်ရရဲ့လားမသိ။
ဒီလောက် လူတွေ အရမ်းများပြားနေသည့်နေရာမှာတော့ ဈာန်က ဆက်နေမည်မဟုတ်တာ သေချာပေါက်ပင်။
ဒါဆို အိမ်ပြန်သွားတာများလား။
ဖြစ်နိုင်ချေများ၏။
အဲဒီနောက် ဇင်ဇင်လည်း ကားပါကင်ဆီ သွားကာ ကားပေါ်တက်မည်အလုပ် ဖျတ်ခနဲ လှမ်းမြင်လိုက်ရသည်က ကားနက်ပြာလေး ... ။
“ ဒါ ... ဒါက ဈာန့်ရဲ့ကား မဟုတ်ဘူးလား ”
နေ့တိုင်း ကျောင်းအသွားအပြန်လုပ်နေရသည့် ကားနက်ပြာလေးကို ဇင်ဇင် မမှတ်မိနိုင်စရာ အကြောင်းမရှိပါ။ ဈာန်ရဲ့ကားက ဒီမှာရှိနေသည်ဆိုလျှင် ဈာန်လည်း တခြားနေရာခပ်ဝေးဝေးသို့ သွားရန် မဖြစ်နိုင်တော့ပေ။
ထိုကားနားသို့ ဇင်ဇင် တိတ်တဆိတ်ချဉ်းကပ်သွားလိုက်သည်။ မှန်အမည်းကာထားသောကြောင့် ကားအတွင်းထဲကို ရှင်းရှင်းလင်းလင်းမမြင်ရချေ။
ဇင်ဇင် ဘေးဘီဝဲယာကို တစ်ချက်ဝေ့ဝိုက်ကြည့်လိုက်ကာ ကားနားကို အသာကပ်ပြီး ခိုးနားထောင်လိုက်တော့ ရှိုက်သံတချို့ကို ကြားလိုက်ရသည်။
ငိုချင်စိတ်ကို မနည်းထိန်းထားရသဖြင့် ရှိုက်ရှိုက်ပြီး ထွက်လာသည့် တနင့်တပိုးအသံ ... ။
၎င်းရှိုက်သံကြောင့် ဇင်ဇင့်ရင်ထဲမှာ မီးလို ပူလောင်သွားရသည်။
ဘုရား ! ဘုရား ! ဘာတွေဖြစ်ကုန်တာလဲ။
ဘာတွေဖြစ်ခဲ့လို့များ ဈာန်ရောင်ခလိုမျိုး သူ့မောင်ငယ်က ငိုသံ၊ ရှိုက်သံတွေ တရဆက်ထွက်လာရသည့်အထိ ဖြစ်နေတာလဲ။
ဇင်ဇင် ဒီအတိုင်း ဘယ်လိုမှဆက်နေလို့မရတော့သဖြင့် ကားတံခါးကို တဒုန်းဒုန်းထုကာ
“ ဈာန် ! နင် အထဲမှာ ရှိတယ်မလား ... ကားတံခါးကို ဖွင့်ပေးစမ်း ဈာန် ... ဘာတွေဖြစ်ခဲ့တာလဲ ... ဈာန် နင် ငါ့ကို စိတ်ပူအောင် မလုပ်စမ်းနဲ့ ... ကားတံခါးကို မြန်မြန်ဖွင့်ပေး ... ဘာတွေဖြစ်ခဲ့လဲဆိုတာ ငါ့ကို ပြောပြလို့ ရတယ် ... နင် ဘာတွေဖြစ်နေတာလဲ ဈာန် ”
ကားတံခါးက ပွင့်မလာ။ ထို့အပြင် ရှိုက်သံတွေကလည်း တိတ်ကျသွားသည်။ ဇင်ဇင် သည်းမခံနိုင်တော့ဘဲ ကားတံခါးကို ထပ်ထုလိုက်ပြီး
“ ဈာန် နင် အခုချက်ချင်း ကားတံခါးကို မဖွင့်ပေးရင် ငါ လေးဆက်ကို သွားမေးလိုက်မှာနော် ”
တစ်ခွန်း ... ။
စကားတစ်ခွန်းပဲ ပြောရသေးသည်။
ထိုစကားတစ်ခွန်းကလည်း တစ်ခွန်းဆို ဆိုသလောက် ထိရောက်သည့်ပုံပေါ်သည်။
ကားတံခါးက ရုတ်ခြည်းပွင့်လာသည်။ ဇင်ဇင်လည်း ရလာသည့်အခွင့်အရေးကို လက်လွှတ်မခံဘဲ ဘေးခုံမှာ အလျင်စလိုဝင်ထိုင်ကာ ကားတံခါးကို ဆွဲပိတ်လိုက်သည်။
ဘေးကို လှည့်ကြည့်လိုက်တော့ ဈာန်က ငိုထားပုံပေါ်သည်။ မျက်ရည်စများ ဝေ့သီနေသည့် မျက်ခမ်းစပ်များက နီရဲနေပြီး အံတင်းတင်းကြိတ်ထားသည်ကိုလည်း တွေ့လိုက်ရသည်။
ထို့အပြင် စတီရာတိုင်ပေါ်တင်ထားသည့် ဈာန့်လက်ချောင်းများကလည်း သွေးကြောစိမ်းတို့ ထင်းနေကာ တဆတ်ဆတ်တုန်ရင်နေသည်။
၁၅နှစ်ကျော် ၁၆နှစ်နီးပါး အမြဲတစေတွေ့မြင်နေသည့် ဈာန်ရောင်ခဆိုသည့် ကလေးတစ်ယောက်မှာ ဒီလိုတုန်လှုပ်နေသည့် ပုံရိပ်မျိုး ရှိလိမ့်မယ်လို့ ဇင်ဇင် လုံးဝမထင်ထားမိခဲ့ပေ။
တစ်ခါလေးတောင် မတွေ့ဖူးခဲ့။
ယုတ်စွအဆုံး ဈာန့်မာမီဆုံးသည့်အချိန်မှာတောင် မျက်ရည်ကျသည်မှလွဲ၍ ယခုလို တုန်လှုပ်ခြောက်ချားနေခြင်းမျိုးမရှိခဲ့။
ဈာန့်ရဲ့လက်ရှိအခြေအနေက အသိစိတ်ကင်းလွတ်နေသကဲ့သို့။
“ ဈာန် ! ဈာန် ! နင် အဆင်ပြေရဲ့လား ”
ဘာတုံ့ပြန်မှုမှ ပြန်မရလာသည့်အတွက် ဇင်ဇင် ပိုစိုးရိမ်သွားကာ
“ ဈာန်ရောင်ခ နင် ဘာတွေဖြစ်ခဲ့တာလဲဆိုတာ ငါ့ကို ပြောပြစမ်းပါ ”
ဈာန့်လက်မောင်းကို အတင်းဆွဲခါရင်း မေးတော့ ဈာန်က ဇင်ဇင်ဘက်ကို လှည့်ကြည့်လာသည်။
မျက်ရည်တွေ ပြည့်အိုင်နေသည့် မျက်ဝန်းများက တစ်စုံတစ်ရာကို အရမ်းကြောက်ရွံ့နေသလိုမျိုး ... ။
ဒီလိုအခြေအနေမျိုးကို ခပ်ကြမ်းကြမ်းကိုင်တွယ်၍မရမှန်း ဇင်ဇင် ရိပ်မိလိုက်သည့်အတွက်
“ ဈာန် မောင်လေး ပြဿနာတစ်ခုခုဖြစ်ရင် ငါ့ကို ပြောပြလေ ... ဘာတွေဖြစ်နေလဲဆိုတာကို ပြောပြမှ ငါတို့ အတူတူအဖြေရှာလို့ရမှာပေါ့ ဟုတ်တယ်မလား ”
ဇင်ဇင် ဈာန့်ကို ချော့ချော့မော့မော့ မေးကြည့်သည်။ ထိုအခါကျမှ ဈာန့်ရဲ့နှုတ်ခမ်းက တုန်လှုပ်မှုများစွာဖြင့် ပွင့်ဟလာပြီး
“ ဇင် ... ဇင်ဇင် ... ”
“ အင်း ... ပြောလေ ဈာန် ... ”
တုန်ရင်နေသည့် နှုတ်ခမ်းတို့က တစ်ခုခုကို ပြောဖို့တုံ့ဆိုင်းနေသည်။ ဝန်လေးနေပုံလည်းပေါ်သည်။ အကြောက်တရားတို့ ကိန်းအောင်းနေပုံလည်း ရသည်။
“ သူကလေ ... သူက ... အသက်မရှင်ချင်တော့ဘူးတဲ့ ”
အဲဒီစကားကို ပြောလိုက်ပြီးနောက် ဈာန်က သူ့နှုတ်ခမ်းကို ကိုက်ကာ မျက်ရည်မကျအောင် ထိန်းချုပ်သည်။
သို့ပေမဲ့ ထိန်းချုပ်ခြင်းငှာ မစွမ်းသာသော မျက်ရည်စက်များက ဈာန့်ရဲ့ပါးပြင်တစ်လျှောက် ရေတံခွန်သဖွယ် ဖြတ်သန်းစီးဆင်းလာသည်။
“ ကိုကိုကလေ ... သူ့ချစ်သူ သေသွားလို့ ... သူကလည်း လိုက်သေချင်တယ်တဲ့ ”
စကားတစ်လုံးချင်းစီကို မနည်းအားစိုက်ကာ ပြောနေရသည့် ဈာန့်အသွင်အပြင်က သေမိန့်ချမှတ်ခံထားရသည့် အပြစ်သားတစ်ယောက်နှယ်။
“ ဈာန်ရာ ”
ဇင်ဇင် ဘာဆက်ပြောရမှန်းမသိတော့။ သူငယ်ချင်းဖြစ်သူက ရူးမတတ်နာကျင်နေရသလို မောင်ဖြစ်သူကလည်း သေမတတ်ခံစားနေရသည်။ အဲဒီနှစ်ယောက်ကြားထဲမှာ ဇင်ဇင်က ဘာလုပ်လို့ လုပ်ပေးရမှန်းမသိတော့။
“ ဇင်ဇင် ”
ဇင်ဇင် ဘာတစ်ခွန်းမှ မတုံ့ပြန်မိဘဲ ငြိမ်သက်နေမိသည်။
“ တောင်ဇလပ်ဖြူက ဘယ်သူကြောင့် သေသွားရတာလဲဆိုတာကို နင် သိလား ”
ဇင်ဇင် ဆက်နားမထောင်ရဲတော့ပေ။ နားထောင်ဖို့ကိုလည်း အင်မတန်ကြောက်ရွံ့နေမိသည်။ ဈာန် ထပ်ပြောလာမည့် စကားများက ဘာဆိုတာကို ဇင်ဇင် ခပ်ရေးရေးလေး ရိပ်မိနေသည်မဟုတ်လား။
“ ဟက် ! တောင်ဇလပ်ဖြူက ငါ့ကြောင့် သေသွားရတာ ... ငါ့ကြောင့် ... ဟား ... ဟား ... ဟား ... ငါကြောင့် သူ သေသွားရတာ ”
ရူးသွပ်သွားသလားဟု ထင်မှတ်ရလောက်အောင် မျက်ရည်များဖြင့် အော်ရယ်နေသည့်မောင်ငယ်ကို ကြည့်ရင်း ဇင်ဇင် ရင်တွေ နာလှ၏။
“ ဒါပေမဲ့ ငါက အဲဒီလိုဖြစ်ပါစေလို့ မရည်ရွယ်ခဲ့ဘူး ဇင်ဇင် ... ငါ့ကို ယုံပါ ... ငါကလေ ... ငါက ... ဒီအတိုင်း ရှုပ်ထွေးနေတဲ့အရာတွေကို အကုန်ဖြေရှင်းနိုင်မယ်ထင်လို့ လုပ်ခဲ့မိတာ ... ငါ တောင်ဇလပ်ဖြူကို ထိခိုက်စေချင်တာ မဟုတ်ဘူး ... ဒီလိုတွေဖြစ်လာမယ်မှန်း ကြိုသိခဲ့ရင် ငါ အဲဒီလိုလုပ်ခဲ့မိမှာမဟုတ်ဘူး ”
“ ဈာန် ”
“ တောင်ဇလပ်ဖြူ တစ်ခုခုဖြစ်ရင် ကိုကိုလည်း နာကျင်နေရမှာ ငါ သိတယ် ... ငါ ... ငါ ... ဘာဆက်လုပ်ရမှန်း မသိတော့ဘူး ... ကိုကိုက ... ကိုကိုက ငါ့ကို မုန်းသွားမှာလား ... အဲဒီအကြောင်းတွေကို ကိုကို သိသွားရင် သူ ငါ့ကို သတ်ချင်နေမှာ ဟုတ်တယ်မလား ... သူ ငါ့ကို အရမ်းမုန်းသွားမှာ ... ဟင့်အင်း ... ကိုကို သိလို့မဖြစ်ဘူး ... နင် တိုးတိုးနေရမယ်နော် ... ကိုကို သိလို့မဖြစ်ဘူး ... ကိုကို သိလို့မဖြစ်ဘူး ”
ဆောက်တည်ရာမရဖြစ်နေသည့် ဈာန့်ကိုကြည့်ရင်း ဇင်ဇင်လည်း ဘာလုပ်ပေးရမှန်း မသိဖြစ်နေခဲ့သည်။
ပါးစပ်ကနေ တတွတ်တွတ်ပြောနေသည့် ဈာန့်ကို ကြည့်ရတာ အကြောက်လွန်နေသည့်ကလေးတစ်ယောက်လိုပင်။
တစ်စုံတစ်ရာကို အကြီးအကျယ်ကြောက်ရွံ့နေကာ ရင်မဆိုင်ရဲသည့်ပုံပေါ်နေသည်။
“ ဈာန်ရောင်ခ ! နင် စိတ်အေးအေးထားစမ်း ! ”
ဘယ်လိုမှ ထိန်းမရတော့သဖြင့် ဇင်ဇင် အော်ဟစ်ပစ်လိုက်သည်။
“ ဇင်ဇင် ... ဇင်ဇင် နင် ငါ့ကို ကိုကို့အစား အပြစ်ပေးပါလား ... အဲဒါဆို ကိုကိုလည်း နည်းနည်းလောက်တော့ ကျေနပ်သွားမှာ ”
ဇင်ဇင့်လက်ကို ယူပြီး ဈာန်က သူ့ပါးသူ တဖြန်းဖြန်းရိုက်နေသည်။
ဒီလို အရူးတပိုင်းဖြစ်နေသည့် မြင်ကွင်းမျိုးကို ဇင်ဇင် ဆက်မကြည့်နိုင်တော့ဘဲ လက်ကို ပြန်ရုတ်လိုက်တော့ ဈာန်က ဇင်ဇင့်ကို တောင်းပန်ခယသည့် မျက်ဝန်းများဖြင့် ကြည့်လာကာ
“ ဇင်ဇင် ... နင် ငါ့ကို ပါးရိုက်လိုက်စမ်းပါ ... ငါ့မှာရှိသမျှ သွားတွေအကုန်ကျွတ်ထွက်သွားတဲ့အထိ ရိုက်ပေးပါ ... ငါ့ ... ငါ့ရဲ့ဒီပါးစပ်ကနေ ဘာမှမပြောခဲ့ဘူးဆို ဒီလိုအဖြစ်အပျက်တွေ ဖြစ်လာမှာမဟုတ်သလို ကိုကို ... ကိုကိုလည်း အရမ်းနာကျင်နေရမှာမဟုတ်ဘူး ... ငါ့အမှားတွေပဲ ... ငါ့ကြောင့် ကိုကို အခုလို ငိုကြွေးနေရတာ ... ငါ လုပ်ခဲ့မိတာ ... ငါ့ကြောင့် ... ”
ဇင်ဇင် တဖြည်းဖြည်း စိတ်တွေရှုပ်ထွေးလာရသည်။ ကားတိုက်ခံလိုက်ရသည့် ကောင်မလေးက ဆုံးပါးသွားခဲ့ပြီ။ ကားတိုက်သည့်တရားခံကလည်း ရဲစခန်းကို ရောက်သွားတာ ကြာလှပြီ။ အဲဒါကို ဈာန်က ဘာကြောင့်များ သူ့အမှားလို့ပဲ တရဆက်ပြောနေရတာလဲ။
“ ဈာန်ရောင်ခ ! နင် ဘာတွေဖြစ်နေတာလဲ ! ”
ဇင်ဇင် အသံနည်းနည်းမြှင့်ကာ အော်လိုက်ပေမဲ့လည်း
“ ငါ့ကြောင့် ... ငါ့ကြောင့်ဖြစ်ရတာ ... ငါ့အမှားတွေကြောင့် ကိုကို နာကျင်နေရတာ ”
“ ဈာန်ရောင်ခ ! ”
“ ငါ့အမှားတွေကြောင့် ... ငါ့ကြောင့် ... ငါကြောင့် ဖြစ်ရတာ ”
အဓိပ္ပာယ်တစ်မျိုးတည်းကိုသာ သက်ရောက်သည့်စကားလုံးများကို အသိစိတ်ကင်းလွတ်နေသလိုမျိုး ထပ်ခါထပ်ခါ ညည်းတွားနေသည့် ဈာန့်ကို ကြည့်ရင်း ဇင်ဇင် တစ်ခုခုလုပ်ဖို့ ဆုံးဖြတ်လိုက်သည်။
ဖြန်း !
လည်ထွက်သွားသည့် မျက်နှာ ... ။
ဖြူသည့် အသားအရည်ပေါ်တွင် ထင်းခနဲပေါ်လာသော လက်ငါးချောင်းရာ ... ။
ဇင်ဇင် ကိုယ့်လက်ကို ပြန်ကြည့်ပြီး တုန်လှုပ်သွားမိသည်။ သူ ဈာန့်ကို ပါးရိုက်လိုက်မိတာပဲ။
တစ်သက်နဲ့တစ်ကိုယ် ဘယ်တုန်းကမှ လက်မပါဘဲ အလိုလိုက်ထားခဲ့သည့် မောင်ငယ်ရဲ့ပါးပြင်ပေါ်ကို သူ လက်ရောက်မိခဲ့တာလား။
ဇင်ဇင် မျက်ရည်တွေ ဝဲတက်လာခဲ့သည်။ ရိုက်လိုက်မိသည့် သူ့လက်ကို နောက်လက်တစ်ဖက်နှင့် ပြန်ဆုပ်ကိုင်ထားရင်း
“ အသိစိတ်ဝင်ပါတော့ အရူးကောင်ရဲ့ ! ဈာန်ရောင်ခဆိုတဲ့ နင်က ဘာလို့ အခုလိုတွေ ဖြစ်နေရတာလဲ ! နင် ဘာတွေဖြစ်နေတာလဲ ! ”
ဇင်ဇင် စိတ်မထိန်းနိုင်တော့ဘဲ အော်ဟစ်ကာ ငိုချလိုက်မိသည်။ ဈာန်က အရိုက်ခံလိုက်ရသည့် သူ့ပါးပြင်ကို လက်ဖဝါးနှင့် ပြန်ပွတ်နေရင်း မယုံကြည်နိုင်စွာဖြင့်
“ ဇင်ဇင် ... ငါ မနာဘူး ... နင် ရိုက်တာ လုံးဝမနာဘူး ... ငါ ဘာမှလည်း မခံစားရဘူး ... ဘာလို့လဲမသိဘူး ... ငါ ဘာလို့ မနာရတာလဲ ”
“ ဈာန်ရောင်ခ ! နင် ငါ့ကို ရူးအောင်လုပ်နေတာလား ! နင်တို့နှစ်ယောက်ကြားမှာ ငါ တကယ်ရူးတော့မယ် အရူးကောင်ရဲ့ ! ”
ဈာန်ရဲ့လက်မောင်းနှစ်ဖက်ကို ဇင်ဇင် ဆွဲခါနေရင်း အော်ဟစ်ပစ်လိုက်သည်။ ဈာန့်ရဲ့ခန္ဓာကိုယ်က အားမရှိတော့သလိုမျိုး ပျော့ဖတ်နေ၏။
“ ဇင်ဇင် ... ငါ အရမ်းပင်ပန်းတာပဲ ... အရမ်း ... အရမ်းကို ပင်ပန်းနေပြီ ... ငါ ... ငါ ... ”
“ ဈာန် ! ”
ပြောနေရင်း ပြောနေရင်း ခေါင်းငိုက်စိုက်ကျသွားသည့် ဈာန့်ကြောင့် ဇင်ဇင် တုန်လှုပ်ခြောက်ချားသွားသည်။ ဈာန့်ကို နှိုးကြည့်သည်။ ဘယ်လိုမှ နိုးမရ။ အဲဒီနောက် ဇင်ဇင်လည်း ကားပေါ်မှ အလျင်စလိုဆင်းလိုက်ကာ
“ လာကြပါဦး ! တစ်ယောက်ယောက်ရှိလား ! ဒီမှာ လူတစ်ယောက် သတိလစ်နေလို့ ! လာကြပါဦး ! ”
အခုအချိန်မှာ ဇင်ဇင် အလိုအပ်ဆုံးက ဈာန့်ကို ကူညီပေးနိုင်မည့် လူတစ်ယောက်သာလျှင် ... ။
❇️❇️❇️❇️❇️❇️❇️❇️❇️❇️❇️❇️❇️❇️❇️❇️
ကားလမ်းမတစ်နေရာ ... ။
ထိုလမ်းမအလယ်၌ လူအများကြီး အုံဖွဲ့ကာ တစ်စုံတစ်ရာကို အသည်းအသန်ကြည့်ရှုနေကြသည်။
ထို့အပြင် ၎င်းလူအများ၏တီးတိုးပြောဆိုသံများကလည်း သူ့နားထဲသို့ မဖိတ်ခေါ်ဘဲ တိုးဝင်လာခဲ့သည်။
ဈာန်ရောင်ခ ဇဝေဇဝါဖြင့် လူတွေကြားထဲ အတင်းတိုးဝင်ကာ ကြည့်မိတော့ သွေးအိုင်ထဲမှာ လဲကျနေသည့် မိန်းမပျိုတစ်ယောက် ... ။
ထိုမိန်းမပျိုအား ပွေ့ဖက်ကာ ကျောက်ရုပ်တစ်ရုပ်လို ငြိမ်သက်နေပြီး မျက်ရည်တွေ စီးကျနေသည့် လူငယ်လေးတစ်ဦး ... ။
“ ကိုကို ”
မထင်မှတ်ထားဘဲ ထိုစကားလုံးက သူ့နှုတ်ဖျားကနေ ထွက်ကျသွားခဲ့သည်။ ၎င်းစကားလုံးက မကျယ်လောင်ပေမဲ့ ထိုလူငယ်လေးကတော့ ကြားသွားပုံပေါ်သည်။
သွေးများစွန်းပေနေသည့် မိန်းမပျိုကို ပွေ့ဖက်ထားသည့်ကိုကိုက လူအများကြီးရှိနေသည့်ကြားထဲမှ သူ့ဆီကို တန်းတန်းမတ်မတ်စိုက်ကြည့်လာသည်။
ထိုအကြည့်များထဲမှာ ခါးသီးမှုတွေ၊ ရွံ့ရှာမှုတွေ၊ စက်ဆုပ်မှုတွေ၊ မုန်းတီးမှုတွေ အပြည့်အနှက်ပါဝင်နေသောကြောင့် ဈာန်ရောင်ခ အယောင်ယောင်အမှားမှားဖြင့် နောက်ကို ခြေနှစ်လှမ်းလောက် ဆုတ်မိသွားသည်။
“ ကို ... ကိုကို ”
ဈာန်ရောင်ခ မယုံကြည်နိုင်။
ကိုကို့ဆီမှာ အရမ်းအေးစက်သည့် မျက်ဝန်းမျိုး ရှိနေသည်တဲ့လား။
အေးစက်လွန်းလို့ လူတစ်ယောက်လုံး ခဲသွားသယောင်ယောင် ... ။
ဘာစကားတစ်ခွန်းမှ မပြောဘဲနဲ့တောင် အဲဒီမျက်ဝန်းများကြောင့် ဈာန်ရောင်ခ အကြိမ်ကြိမ် အခါခါ သေဆုံးနေရသည်။
အရင်တုန်းက နူးညံ့သည့်အကြည့်လေးများအစား မုန်းတီးမှုများက နေရာယူလာသည်။
အရယ်အပြုံးတွေအစား မျက်ရည်တို့က အစားထိုးလာသည်။
ဟင့်အင်း ... အဲဒီလိုကြီး မကြည့်ပါနဲ့။
ကျွန်တော် တောင်းပန်ပါတယ်။
အဲဒီလိုအကြည့်တွေနဲ့ ကျွန်တော့်ကို မကြည့်ပါနဲ့။
ကြံရာမရသည့်အဆုံး ဈာန်ရောင်ခ အနောက်ကို လှည့်ပြီးထွက်ပြေးသည်။
တတ်နိုင်သမျှ အဝေးဆုံးကို ထွက်ပြေးသည်။
ကိုကိုရဲ့မုန်းတီးစက်ဆုပ်နေသည့် အကြည့်တွေ ရောက်မလာနိုင်မည့် နေရာတစ်ခုကို အားသွန်ခွန်စိုက်ထွက်ပြေးသည်။
သို့ပေမဲ့ သူ နောက်လှည့်ကြည့်လိုက်တိုင်း ကိုကိုရဲ့ရွံ့မုန်းနေသည့်အကြည့်များက သူ့အနား ကပ်ပါလာစမြဲ။
သူ ပြေးသည်။
ကမ္ဘာအဆုံးထိ မာန်တင်းကာ ပြေးမိနေသလိုပင်။
ခြေထောက်မှာ ဖိနပ်ပါလား မပါလားဆိုတာကိုလည်း သူ မသိတော့။
ခြေထောက်မှာ သွေးတွေ ရဲရဲနီနေမှန်းလည်း သူ မသိတော့။
သူ သိတာ တစ်ခုတည်းရှိသည်။
သူ့ကို မုန်းတီးနေသည့် ၎င်းအကြည့်များထံမှ လွတ်မြောက်အောင် ထွက်ပြေးရမည်ဆိုတာကိုပင်။
ပြေးရလွန်းလို့ သူ့ရင်ဘတ်တွေ လှိုက်ဖိုလာခဲ့သည်။
အသက်ရှုမဝချင်တော့။
သို့ပေမဲ့ လူက ခြေထောက်စက်တပ်ထားသလို ထွက်ပြေးနေဆဲပင်။
ပြေးနေရင်းနဲ့ သူ့နှလုံးသားက တစ်စစီပဲ့ကြွေကာ ပြေးလမ်းထက်မှာ ကျကျန်နေခဲ့သည်။
“ ဟင့်အင်း ... ကျွန်တော် အဲဒီလိုရည်ရွယ်ခဲ့တာ မဟုတ်ပါဘူး ... ကျွန်တော်ကလေ ... ကျွန်တော်က ... တမင်သက်သက်လုပ်တာ မဟုတ်ပါဘူး ”
ရင်ဘတ်က အောင့်တက်လာသည်။
နှလုံးသားက နာကျင်လာသည်။
မျက်လုံးတွေက ပြာဝေလာသည်။
သူ လဲကျတော့မည်။
မကြာခင်အချိန်အတွင်းမှာ သူ လဲကျသွားတော့မည်။
အသက်ရှူရတာ မဝတော့ဘူး။
ဘိုင်းခနဲ ပစ်လဲကျသွားသည့်တစ်ခဏ ကတ္တရာလမ်းနှင့် သူ့ခေါင်းက အရှိန်ဖြင့်ဆောင့်မိသွားသည်။
ဒါပေမဲ့ မနာဘူး။
နာကျင်မှုကို မခံစားရဘူး။
နှလုံးသားက တစ်စစီပဲ့ကြွေနေသည့်အခါမှာ အသိစိတ်က ခန္ဓာကိုယ်ပိုင်းဆိုင်ရာနာကျင်မှုတွေကို အသိအမှတ်မပြုတော့ဘူး။
နာကျင်နေမယ်ဆိုတာကို သိပေမဲ့ နာကျင်ရကောင်းမှန်း မသိတော့ဘူး။
ခေါင်းက သွေးတွေထွက်နေမယ်ဆိုတာကို သိပေမဲ့ ထိတ်လန့်စရာလို့ မထင်တော့ဘူး။
မျက်စိရှေ့မှာ ဖြတ်သန်းပြီး စီးကျနေသည့် သွေးတွေကို ကြည့်ပြီး သူ ခြောက်ကပ်ကပ်အော်ရယ်လိုက်မိသည်။
သူ မြင်နေရတုန်းပဲ။
ဒီလောက်အဝေးကြီးထိ ထွက်ပြေးခဲ့တာတောင် ကိုကိုရဲ့အေးစက်သည့်အကြည့်၊ မုန်းတီးသည့်အကြည့်စက်ကွင်းကနေ သူ မလွတ်မြောက်နိုင်ခဲ့ဘူး။
အဲဒီအကြည့်တွေက သူ့နောက်ကို ကပ်ပါလာနေတုန်းပဲ။
ဈာန်ရောင်ခ စိတ်ကို လျှော့ချလိုက်သည်နှင့်တစ်ပြိုင်နက် မျက်ရည်စီးကြောင်းတစ်ခုက ပါးပြင်ပေါ်က ဖြတ်သန်းပြီး သွေးများနှင့်အတူ ရောနှောသွားခဲ့သည်။
နောက်ဆုံးအနေနဲ့ သူ့နှုတ်ဖျားကနေ မပွင့်တပွင့်ထွက်ပေါ်လာသည့် စကားတစ်ခွန်း ... ။
“ တောင်း ... ပန် ... ပါ ... တယ် ”
❇️❇️❇️❇️❇️❇️❇️❇️❇️❇️❇️❇️❇️❇️❇️❇️
“ ကိုကို ... ကိုကို ... ကျွန်တော် တကယ်တောင်းပန်ပါတယ် ... ကျွန်တော် အဲဒီလိုဖြစ်ပါစေလို့ ရည်ရွယ်ခဲ့တာမဟုတ်ပါဘူး ... ကျွန်တော် မှားပါတယ် ... ကျွန်တော့်ကို မမုန်းပါနဲ့ ... မမုန်းလိုက်ပါနဲ့ ”
မေ့မျောနေသည့် မောင်ငယ်ထံမှ ကယောင်ကတမ်းထွက်ပေါ်လာသည့် အသံများကြောင့် ဘေးနားက ခုံမှာထိုင်ကာ အိပ်ငိုက်နေသည့် ဇင်ဇင်တစ်ယောက် မျက်လုံးတွေ ကျယ်သွားရသည်။
“ ဈာန် ! ဈာန် ! မောင်လေး နင် သတိထားစမ်း ... ဈာန် စိတ်လျော့ထား ... ”
“ ကျွန်တော့်အမှားတွေပါ ... ကျွန်တော်ကလေ ... ကျွန်တော်က ... ”
ဈာန့်ခန္ဓာကိုယ်က ရုန်းရင်းဆန်ခတ်ဖြစ်နေသည်။ ယောကျာ်းလေးအားဖြစ်သောကြောင့် ဇင်ဇင်လည်း ထိန်းမနိုင်ပေ။
“ ဈာန်ရောင်ခ ! နင် သတိထားစမ်း ! ”
“ ကိုကို ! ”
နောက်ဆုံးတော့ ဈာန်ရောင်ခ မျက်လုံးပွင့်လာခဲ့သည်။
ချွေးသီးချွေးပေါက်တွေ အပြိုင်းပြိုင်းကျနေလျက် ... ။
ခေါင်းတစ်ခုလုံးကလည်း တူနှင့် အထုခံထားရသလို ရီဝေဝေ ... ။
ဘယ်ကိုရောက်နေတာလဲ။
ဆေးနံ့တွေလည်း မွှန်ထူနေတာပဲ။
သူ ဆေးရုံကို ရောက်နေတာလား။
ဘယ်လိုဖြစ်ပြီး သူ ဆေးရုံကို ရောက်နေရတာလဲ။
မေးခွန်းပေါင်းမြောက်များစွာ ထွက်ကျလာသလောက် ဦးနှောက်က အမှီမလိုက်နိုင်သေးသဖြင့် ခေါင်းက တဆစ်ဆစ်ကိုက်ခဲလာသည်။
“ ဈာန် ! ဈာန် ! နင် သတိရလာပြီလား ”
ဇင်ဇင်အသံပဲ။ ဟုတ်တယ် ။
ဒါက ဇင်ဇင်အသံ ... ။
ဆေးရုံကုတင်ပေါ်မှာ လှဲလျောင်းနေရာမှ ဈာန်ရောင်ခ အားတင်းကာ ထထိုင်လိုက်တော့
“ ဈာန် ... ဖြည်းဖြည်းထ ... ဆေးပိုက်တွေ ရှိသေးတယ် ... ဖြည်းဖြည်း ... ”
ဇင်ဇင်က ကမန်းကတန်း ခေါင်းအုံးကို လှမ်းယူကာ သူ့ကျောနောက်မှာ ခုထားလိုက်သည်။
ဇင်ဇင့်ကို မေးခွန်းတွေ မေးမလို့ပဲရှိသေးသည်။
ခေါင်းက ထိုးကိုက်လာသဖြင့် မျက်စိစုံမှိတ်ကာ ခေါင်းကို လက်ဖြင့် အသာအယာဖိထားလိုက်ရသည်။
အရာအားလုံးကို တမဟုတ်ချင်း အကုန်ပြန်သတိရလာသည်။
ဖြစ်ပြီးသွားခဲ့သည့် မြင်ကွင်းတွေအားလုံးက သူ့စိတ်အာရုံထဲမှာ ဇာတ်လမ်းတစ်ခုလို တရိပ်ရိပ်ပြန်ပေါ်လာလေသည်။
တောင်ဇလပ်ဖြူ ... ခန့်မဟော် ... ကိုကို ... ပြီးတော့ သူ ...
ထိုအကြောင်းတွေးမိလျှင် ခေါင်းက ပိုကိုက်ခဲလာသလိုပင်။
“ အာ့ ! ”
“ ဘာဖြစ်လို့လဲ ဈာန် ... ခေါင်းအရမ်းကိုက်နေတာလား ... ခဏနေဦး ... ငါ ဆရာဝန်ကို ပြေးခေါ်လိုက်ဦးမယ် ”
ဇင်ဇင်က ထိုင်ခုံမှ ထတော့မည်အပြင် သူ ဇင်ဇင့်လက်ကို ဖမ်းဆွဲထားလိုက်တော့ ဇင်ဇင်က ဘာလဲဆိုသည့်အကြည့်များနှင့် သူ့ကို ပြန်စိုက်ကြည့်လာသည်။
“ ကိုကို ... ကိုကိုရော ... သူ အဆင်ပြေရဲ့လား ”
မျက်နှာငယ်လေးဖြင့် မေးလာသည့် မောင်ငယ်ဖြစ်သူကို ကြည့်ရင်း ဇင်ဇင်တစ်ယောက် လက်တွေယားလာကာ ဒင်းရဲ့ခေါင်းကို ဒေါက်ခနဲမြည်အောင် ခေါက်ပစ်လိုက်ချင်သည်။
ဒင်းက နိုးလာတာနဲ့ တစ်ချိန်လုံးဂရုစိုက်ပေးနေရတဲ့ အစ်မဖြစ်သူကိုကျ တစ်ချက်လေးတောင် အဖက်မလုပ်ဘဲ လေးဆက်ကို တန်းမေးရတယ်လို့။
ထို့အပြင် သူ မေးသည့်မေးခွန်းကို ဘယ်လိုပြန်ဖြေပေးရမလဲဆိုတာကိုလည်း ဇင်ဇင် တကယ်မသိပေ။
ချစ်သူတစ်ယောက်လုံး ဆုံးရှုံးထားရသည့် လူတစ်ယောက်က အခုချိန်မှာ ဘယ်လိုနည်းနဲ့မှ အဆင်ပြေနိုင်မှာ မဟုတ်ဘူးလေ။
သို့ပေမဲ့ အဲဒီလိုတည့်တိုးဖြေဖို့ကလည်း မောင်ငယ်ဖြစ်သူရဲ့အခြေအနေက ... ။
အင်း ... ခက်တော့ ခက်နေပြီ။
“ ဇင်ဇင် ငါ မေးနေတယ်လေ ... ကိုကိုရော အဆင်ပြေရဲ့လားလို့ ... ”
ဇင်ဇင် တကယ့်ကို ဘယ်လိုပြန်ဖြေရမှန်းမသိဖြစ်နေခဲ့သည်။ ဇင်ဇင် ဘာတစ်ခွန်းမှ ပြန်မဖြေလေ ဈာန်ရဲ့မျက်နှာက ပြိုတော့မဲ့မိုးလို မည်းမှောင်လာလေ ဖြစ်နေခဲ့သည်။
အဲဒီနောက် ဈာန်က ဇင်ဇင်ရဲ့လက်ကို သူ့လက်နှစ်ဖက်နှင့် လာဆုပ်ကိုင်ပြီး
“ ဇင်ဇင် ငါ့ကို ပြောပြပါ ... သူ အဆင်ပြေရဲ့လား ”
ဒီတစ်ခါမှာတော့ ဈာန်ရဲ့လေသံတွေကပါ တုန်ရီလာခဲ့သည်။
“ လေးဆက် ... သူ ... ”
ဈာန်ရဲ့မျက်ဝန်းများက တစ်ခုခုကို အရမ်းမျှော်လင့်နေသလိုလို ... စောင့်ဆိုင်းနေသလိုလို ... ။
“ သူ ... အဆင်မပြေဘူး ”
ပြုတ်ကျသွားသည့် လက်တစ်စုံ ... ။
မျှော်လင့်ချက်ကင်းမဲ့သွားသည့် မျက်ဝန်းတစ်စုံ ... ။
ဖြူဖျော့သွားသည့် မျက်နှာ ... ။
“ လေးဆက် သူ့အိပ်ခန်းထဲက မထွက်တာ နှစ်ရက်ရှိပြီ ... အရမ်းပင်ပန်းနေလို့ အနားယူချင်တယ်လို့ ပြောတယ် ... ပြီးတော့ သူ့အိမ်ကိုလည်း ဒီကိစ္စတွေနဲ့ပတ်သတ်ပြီး အကြောင်းမကြားခိုင်းထားဘူး ... အခုထိလည်း သူ့အိပ်ခန်းထဲက လုံးဝထွက်မလာသေးဘူး ... နောင်ခန့်နဲ့မြတ်သူက သူ့အတွက် စားရေးသောက်ရေးကအစ အကုန်ဂရုစိုက်ပေးနေတယ် ... ဈာန် နင် သိပ်စိတ်မပူပါနဲ့ ... အခုချိန်မှာ လေးဆက်က အရမ်းစိတ်ပင်ပန်းနေတာလေ ”
ဈာန့်ရဲ့လက်မောင်းကို ခပ်ဖွဖွပုတ်ကာ ဇင်ဇင် နှစ်သိမ့်မိသော်လည်း ပြန်ဖြေသံမကြားရ။
ဈာန့်ကို ကြည့်ရတာ အတွေးနွံထဲမှာ နစ်မြုပ်နေသလိုပင်။
“ ဈာန် ”
“ .......... ”
“ ဈာန် ”
ခပ်ကြမ်းကြမ်းလေး ပုတ်လိုက်တော့မှ ပြန်လှည့်ကြည့်လာသည့် ဈာန့်မျက်ဝန်းများက အသက်မဲ့နေသည်ကို ထိတ်လန့်စွာ တွေ့လိုက်ရသည်။
“ ဈာန် ! ”
“ ဇင်ဇင် နင် ထွက်သွားပေး ... ငါ တစ်ယောက်တည်းပဲ နေချင်တယ် ”
စိတ်အခြေအနေမကောင်းသည့်လူကို တစ်ယောက်တည်းထားခဲ့ဖို့ရာ ဇင်ဇင် လုံးဝစိတ်မချပါ။
“ နင်တစ်ယောက်တည်း နေလို့ဖြစ်ပါ့မလား ဈာန်ရယ် ”
“ ထွက်သွား ... ”
ဈာန့်ကို ဘယ်လိုမှ နားချ၍ရမည်မဟုတ်မှန်း ဇင်ဇင် သိနေသည်။
“ ဒါဆို ငါ အပြင်မှာရှိမယ်နော် ... တစ်ခုခုလိုတာရှိရင် ဖုန်းလှမ်းဆက်လိုက် ... ငါ ချက်ချင်း လာခဲ့မယ် ”
ခေါင်းလည်း မညှိမ့်၊ ခေါင်းလည်း မခါဘဲ ငူငိုင်တွေဝေနေသည့် မောင်ငယ်ဖြစ်သူကို စိတ်မချစွာ ထားခဲ့ပြီး အခန်းအပြင်ဘက်သို့ လေးလံနှေးကွေးသောခြေလှမ်းများဖြင့် ထွက်လာခဲ့သည်။
အခန်းအပြင်ကို ရောက်တော့ အခန်းတံခါးအနီးမှာရှိသည့် ခုံတန်းလေးတွင် ဝင်ထိုင်လိုက်ပြီး တစ်စုံတစ်ယောက်ထံ ဖုန်းဆက်လိုက်သည်။
Phone Ringing ...
“ ဟဲလို ”
“ နောင်ခန့် ငါပါ ... ဥဥ ... နင်တို့ အခု ဘယ်မှာလဲ ”
“ ငါရော မြတ်သူရော လေးဆက်ရဲ့တိုက်ခန်းမှာ ... ”
နောင်ခန့်ရဲ့အသံက သိပ်အားမရှိတော့သည့်ပုံပေါ်သည်။ အခုလောလောဆယ်မှာတော့ အဲဒီနှစ်ကောင်ကို ဂရုမစိုက်နိုင်သေးပေ။ အရေးကြီးကိစ္စကိုသာ အရင်ဆုံး မေးမြန်းရသည်။
“ လေးဆက်ရော အဆင်ပြေရဲ့လား ... ဘယ်လိုနေသေးလဲ ”
“ ဟူး ... ခုနကတော့ ဆန်ပြုတ်ဝင်အောင် မနည်းတိုက်လိုက်ရတယ် ... အခုတော့ အိပ်ဆေးတိုက်ထားလို့ အိပ်နေတယ် ”
“ ဟဲ့ ! နင်တို့ လေးဆက်ကို အိပ်ဆေးတိုက်ထားတာလား ... တော်ကြာ တစ်ခုခုဖြစ်နေဦးမယ် ”
ထိုအခါ နောင်ခန့်ထံမှ သက်ပြင်းချသံသဲ့သဲ့ကို ကြားလိုက်ရသည်။
“ အခုက လေးဆက်ကို အိပ်ဆေးမတိုက်လို့မရတဲ့အခြေအနေဖြစ်နေတယ်ဟ ... သူ မအိပ်တာ နှစ်ရက်တောင်ရှိနေပြီ ... ဒီအတိုင်းလွှတ်ထားရင် လဲသွားလိမ့်မယ် ... နင်လည်း သိပ်စိတ်မပူပါနဲ့ ... ငါတို့ ဆရာဝန်နဲ့ တိုင်ပင်ပြီးမှ လုပ်တာပါ ”
“ ဒါဆိုလည်း ပြီးရော ... ငါက စိတ်ပူလို့မေးကြည့်တာ ... မနက်ဖြန် ငါ မေမြတ်ကိုခေါ်ပြီး လေးဆက်ဆီ လာခဲ့ဦးမယ် ”
“ အေး ... အေး ... လာခဲ့ ... ငါနဲ့မြတ်သူလည်း အခုတလော လေးဆက်တိုက်ခန်းမှာပဲ အိပ်ဖြစ်နေတာ ... သူ့ကို စိတ်မချလို့ ... ဘယ်အချိန်လဲသွားမလဲဆိုတာကိုပဲ လန့်နေရတယ် ... အခုတောင် လေးဆက်ပုံစံက ယိုင်နဲ့နဲ့ဖြစ်နေပြီ ”
“ လေးဆက်ကို သေချာလေး ဂရုစိုက်ပေးလိုက်ပါဟာ ... သူ့ခမျာ တော်တော်ပင်ပန်းနေမှာ ”
“ အေးပါ ... နင် စိတ်မပူပါနဲ့ ... လေးဆက်အတွက် ငါရော မြတ်သူရော ရှိတယ် ... ဒါနဲ့ ဥဥ နင့်မောင်လေးရော နေကောင်းသွားပြီလား ”
ရုတ်တရက်မေးမြန်းလိုက်ခြင်းဖြစ်သည်မို့ ဇင်ဇင် ကြောင်အသွားကာ
“ ဟမ် ! ဘာကိုပြောတာလဲ ”
“ ဟိုနေ့ကတင် နင် ပြောတာလေဟာ ... နင့်မောင်လေးတောင် အစာအိမ်ရောင်လို့ ဆေးရုံတက်ရသေးတယ်ဆို ... ”
ထိုအခါကျမှ နောင်ခန့်တို့ကို ဘယ်လိုတွေ ရွှီးခဲ့လဲဆိုတာကို ဇင်ဇင် ပြန်သတိရသွားသည်။ အဲဒီအချိန်တုန်းကလည်း တကယ့်ကို မရွှီးလို့ မဖြစ်သည့်အခြေအနေမျိုးကို ရောက်နေခဲ့သည်လေ။ လေးဆက်ဆီ သတင်းသွားမေးဖို့ကိုတောင် ဈာန့်ကို စိတ်မချလို့ အခုထိ မသွားရသေး။
ဈာန့်အကြောင်း ကောင်းကောင်းသိသူမို့ ဇင်ဇင်မှာ ဈာန် ဆေးရုံတက်ရသည့်အကြောင်း အိမ်ကိုလည်း မပြောပြရဲ။ အန်ကယ်လေးကို ပြောပြဖို့အတွက်ကျပြန်တော့လည်း အန်ကယ်လေးက ရန်ကုန်မှာ ရှိမနေ။
၎င်းအကြောင်းအရာများကြောင့် ဈာန့်ကို ဆေးရုံစောင့်ပေးဖို့အတွက် ဇင်ဇင်တစ်ယောက်သာ ရှိတော့သည်။
ဈာန့်ကို ဆေးရုံစောင့်ပေးနေစဉ်အချိန်အတောအတွင်းမှာ လေးဆက်ကို ဂရုစိုက်ပေးနိုင်မှာမဟုတ်သည့်အတွက် ဇင်ဇင်လည်း လုပ်ကြံဇာတ်တစ်ခုခင်းကာ သူငယ်ချင်းများကို လိမ်ညာထားမိသည်။
နှစ်ရက်လုံးလုံးသတိမေ့မျောနေသည့် မောင်ငယ်ဖြစ်သူကို မနက်ကနေ ညနေအထိ အဖော်ပြုပေးပြီး ညဘက်ကျ Male Nurse တစ်ယောက်လက်ထဲ ဈာန့်ကို သေချာအပ်နှံကာ အိမ်ကို ဟန်မပျက်ပြန်လာရသည်။
ဈာန့်ကြောင့် ဇင်ဇင်မှာ အခုထိ လေးဆက်နှင့် နောက်တစ်ခေါက် မတွေ့ရသေးပေ။ အခု ဈာန် သတိပြန်ရလာပြီဆိုတော့ ဇင်ဇင်လည်း မနက်ဖြန်ကျ လေးဆက်ကို သွားတွေ့လို့ ရနိုင်ပြီလေ။
“ ဪ ... ငါ့မောင်လေးလား ... သူ အဆင်ပြေပါတယ် ... မနက်ဖြန် သူ ဆေးရုံဆင်းပြီဆိုတော့ ငါလည်း လေးဆက်ဆီကို လာလို့ရပြီလေ ”
“ အေးဟာ ... လာခဲ့ ... လာခဲ့ ... သူငယ်ချင်းတွေများတော့ လေးဆက်လည်း အားရှိတာပေါ့ ... ဒါဆိုရင် ဒါပဲနော် ဥဥ ... ငါ့ကို မြတ်သူ လှမ်းခေါ်နေလို့ ... ”
“ အေး ... အေး ... ဒါပဲ နောင်ခန့် ”
ဇင်ဇင် ဘဝအမောတွေကြားက သက်ပြင်းတစ်ချက်ရှိုက်လိုက်ကာ နံရံကို ခေါင်းမှီလိုက်သည်။
“ ဈာန် ... လေးဆက် ... ဈာန် ... လေးဆက် ... နင်တို့နှစ်ယောက်လုံး ဘာလို့ အခုလိုမျိုးဖြစ်နေရတာလဲ ”
ဇင်ဇင် စိတ်ရှုပ်ထွေးလွန်းစွာ တိုးတိုးလေးညည်းညူမိသည်။
သို့ပေမဲ့ ဇင်ဇင် သတိမထားမိသည့် အချက်တစ်ချက်ရှိသည်။
ထိုတံခါးနောက်ကွယ်မှာ အရိပ်ဖျော့ဖျော့လေးတစ်ခုက ငြိမ်ငြိမ်သက်သက်လေးရှိနေခဲ့သည်ဆိုတာကိုပေါ့။
3:17 P.M
2.7.2021 ( Friday )