ဧကလဲ ချောင်းတချက်ဟန့်လိုက်ပြီး ပြောပြဖို့လုပ်လိုက်တယ် ။
" အဟမ်း... ကျောက်စိမ်းတွေမှာ ဂျေဒိုက် ကျောက်စိမ်းနဲ့ နက်ဖရိုက်ကျောက်စိမ်းဆိုပြီး ရှိတယ် ။ ဂျေဒိုက် ကျောက်စိမ်းကတော့ တန်ဖိုးပိုမြှင့်တယ် ၊ အရည်အသွေးလဲပိုကောင်းပြီး အဖိုးတန်တဲ့ ကျောက်စိမ်းမျိုးပဲ ။ ဒါပေမယ့် ဂျေဒိုက်ကေျာက်စိမ်းက တကမ္ဘာလုံးမှာ မြန်မာနိုင်ငံတခုတည်းမှာပဲ တွေ့ရှိရတယ် ။ ပြီးမှာ ဂျေဒိုက်ကျောက်စိမ်းရဲ့ ဈေးကွက်ကြီးတည်ရှိရာမို့လို့ မြန်မာနိုင်ငံက ကျောက်စိမ်းနဲ့ပတ်သက်၇င် အရမ်းဂုဏ်ယူရတယ် ။ ကျောက်စိမ်းမှာတင်ပဲ မဟုတ်ဘူး တခြား နီလာ ၊ ပတ္တမြား ၊ ဥဿဖုရား ၊ မြ ၊ ရွှေလိုမျိုး တခြားအဖိုးတန်ကျောက်မြတ်ရတနာတွေလဲ အများကြီးထွက်တဲ့အပြင် အရည်အသွေးလဲအရမ်းကောင်းတာမို့ မြန်မာ့မြေက အရမ်းတန်ဖိုးရှိတယ် ။ "
ထွေးက ဧကပြောလိူ့ပြီးသွားတဲ့အချိန်မှာတော့ ဧကကိုမေးခွန်းတခုမေးလိူက်တယ် ။
" အဲ့တာကြောင့် ထွေးတို့စံအိမ်ကို ဂျေဒိုက်စံအိမ်လို့ပေးထားတာပေါ့နော် ။ "
ဧက ကခေါင်းငြိမ့်ပြလိုက်တော့ ထွေးငယ်ကလဲ သူ့နေရာမှာသေချာပြန်ထိုင်းရင်း အနားမှရှိတဲ့မုန့်ထုပ်ကိုဖောက်စားပြန်တယ် ။ ရဂွန်းက ဧကကိုကြည့်လျက်နဲ့
" ထွေးက ဧကအမလို့သာပြောတာနော် ... မသိရင် ဧကညီမလေးကျနေတာပဲ..."
" ဟုတ်တယ် ဟူရဲ့နှစ်ယောက်လုံးကမောင်နှမဆိုပေမယ့် သူငယ်ချင်းပေါင်းပေါင်းတာကြောင့်ရော ဖေဖေနဲ့မေမေတို့ရဲ့ ဆုံးမမှုကြောင့်ရော အချင်းချင်းစောင့်ရှောက်တယ် ... ပြီးတော့ ဟူ့ကိုမပြောပြရသေးဘူးထင်တယ် ထွေးက tran လေ..."
ဧကပြောသည်ကိုပြုံးရင်းနားထောင်နေရင်းကနေ tran ဆိုတဲ့နေရာရောက်တော့ ပြူးကျယ်သွားတဲ့မျက်လုံးလေးတွေနဲ့ ထွေးငယ်ကိုလှည့်ကြည့်လာသည်မှာ မထင်မှတ်ထားတဲ့ ကိစ္စတခုအား ရုတ်တရက်ကြားသိလိုက်ရဟန်ပင်.... သို့သော် ထွေးအားသေချာပြန်စိုက်ကြည့်ပြီး အားပေးသယောင်ပြောလာသည် ။
" မိုက်လိုက်တာ... ကျွန်တော်တခုမှ tran တွေနဲ့မဆုံဖူးဘူး ။ ဒီနေရာတွေက နည်းနည်းခေါင်တော့ LGBT တွေကိုသိပ်နားမလည်ကြဘူး ... သူတို့က brain wash ခံထားရသလိုပဲ... မြန်မာကားတွေကြောင့်လိုပဲပြောရမှာပဲ ။ သူတို့သိတာက ယောကျားချင်းကြိုက်တယ်ဆိုတာ အခြောက် ... မိန်းမလျာပဲ ။ မြန်မာကားတွေမှာက လွယ်လွယ်ပြင်ပြီး အခြောက်ဆိုပြီးသုံး မိတ်ကပ်ကိုအထူကြီးတွေလိမ်းပြ နွဲ့လျပြနေကြတော့ ယောက်ျားချင်းကြိုက်တယ်ဆိုရင် အဲ့လိုပဲထင်ကြတော့တာပဲ ... "
( note း အမှန်တကယ်ဖြစ်ပျက်နေသော အခြေအနေကိုသာဖော်ပြထားခြင်းဖြစ်ပါသည် ။ ရုပ်ရှင်အသိုင်းအဝိုင်းအားစော်ကားလိုစိတ်မရှိပါ ။ သို့သော် တတ်နိုင်သလောက်ပြောင်းလဲပေးနိုင်ရင်ပိုကောင်းပါလိမ့်မည် ။ )
ရဂွန်းပြောတာကို ဧကတို့လဲနားလည်ကြတယ် ။ နိုင်ငံတဖြေးဖြေးတိုးတက်လာပြီ ပွင့်လင်းလာပြီဆိုပေမယ့် LGBT တွေအတွက်တော့ တရားကပဒေနဲ့မျှတမှုတွေမရှိသေးပေ ။ ဒီမိုကရေစီစနစ်ကို ပြောင်းလဲလာတာနဲ့မျှ ပြုပြင်ရမှာတွေ ၊ အခက်အခဲတွေ ၊ ဖိအားတွေကတော့ရှိမှာပဲ အထူးသဖြင့် မြန်မာဆိုရင်နှိပ်ကွတ်ချင်နေကြတဲ့ အိမ်နီးချင်းမပီသတဲ့ အိမ်နီးချင်းနိုင်ငံတွေကြောင့်လဲပါတာပေါ့ ။ ဒီမိုကရေစီကိုပြောင်းလဲပြီးတာနဲ့ LGBT တွေအတွက် ဥပဒေတွေ ၊ မမျှတတဲ့ ကုန်ဈေးနှုန်းတွေအတွက် ပြုပြင်မှုနဲ့ စည်းကမ်းချက်တွေကို သေချာဖော်ဆောင်လာနိုင်မယ်လို့မျှော်လင့်မိသည် ။ ( အခုတော့ မြေနိုး မင်းအောင်လှိုင်ကြောင့် အကုန်တစစီဖြစ်နေပါပြီ :) )
" ဧက အဲ့တာဆို မဟာကျောက်စိမ်းပြတိုက်အကြောင်းကိုရောသိလား "
ရဂွန်းမှမေးလိုက်သည်ကို ဧက ကခေါင်းခါပြလိုက်ပြီးရှေ့ခန်းမှ နှောင်းဝေကအနောက်ကိုလှည့်လာကာ
" ကျွန်တော်ကြားဖူးတယ်ဗျ ရောက်တော့မရောက်ဖူးဘူး.. ကမ္ဘာ့အကြီးဆုံး ကျောက်စိမ်းတုံးကြီးရှိတယ်လို့ပြောကြတာပဲဗျ "
နှောင်းဝေရဲ့စကားကြောင့် ရဂွန်းကတချက်ရယ်မောလိုက်ပြီး..
" အဲ့တာဆိုရင်တော့ကျောက်စိမ်းပြတိုက်အကြောင်းပြောပြရမှာပေါ့ ...မဟာကျောက်စိမ်းပြတိုက်က ဖားကန့်မြို့ ၊ ဆိပ်မူကျေးရွာအုပ်စု ၊ နတ်မှော်ကျေးရွာ ၊ နတ်မှော်ချောင်းနဲ့ ရေကြည်ချောင်းတို့ဆုံရာမှာရှိတယ် ။ မြေပုံအညွှန်းနဲ့ပြောရမယ်ဆိုရင် အညွှန်း ၉၂ - C 2B ၈၅၅၆၂၂ မှာရှိတယ် ။ ဘာလို့ မဟာကျောက်စိမ်းလို့ခေါ်လဲဆိုတော့ သူ့အရွယ်အစားကြောင့်ပဲဗျ ။ ကမ္ဘာ့အကြီးဆုံးဆိုတာတော့မဟုတ်ဘူးနော် ။ သူရဲ့အရွယ်အစားက အလျား ပေ၇၀ x အမြင့် ပေ၂၀ နဲ့ အနံ ၁၆ပေရှိတယ်...အဲ့တာကိုတူးမော်ရမိပြီးတော့ နေရာကနေမရွှေ့ဘဲနဲ့ အပေါ်ကနေ မဟာကျောက်စိမ်းပြတိုက်ကို ခြုံငုံပြီးတည်ဆောက်ထားကြတာပဲ ။ သတင်းကြားရတာကတော့ ပိဿာ ၆၆၀၀၀ ( တန် ၁၁၀ ကျော် ) ရှိတဲ့ ကျောက်စိမ်းရတနာနောက်တခုကိုလဲ တွေ့ရှိထားပြီလို့တော့ကြားမိတယ် ။ "
ရဂွန်းပြောသည့်သမိုင်းကြောင်းနဲ့ဒေသများကိုနားထောင်နေရင်း အနောက်ခန်းမှထွေးကတော့ စက်တော်ခေါ်သွားလေပြီ ။ ဧကကလဲ သမ်းမိသွားတာမို့ ရဂွန်းဟာသူ့စကားကိုဖြတ်လိုက်ပြီး ခဏအနားယူဖို့သာလုပ်လိုက်တော့တယ် ။ အေးမြတဲ့ရာသီဥတုကြောင့် တဖြည်းဖြည်းအိပ်ပျော်သွားကြတာကြောင့် တိတ်ဆိတ်သွားတဲ့ကားလေးကိုဦးစိုင်းကလဲ ဖြေးဖြေးမှန်မှန်သာမောင်းနှင်လာခဲ့သည် ။ ဘေးနားမှာထိုင်နေတဲ့ နှောင်းဝေကပါ မျက်လုံးလေးတွေမှေးစဉ်းလာတာကြောင့်
" နှောင်း အိပ်ချင်ရင် ခဏအိပ်လိုက်ပါလား... "
ဦးစိုင်းရဲ့တီးတိုးစကားသ့ကြောင့် အရည်ဝေ့နေတဲ့ မျက်ဝန်းငယ်တို့က သူ့ထံပါးရောက်ရှိလာတော့သည် ။ ခေါင်းခါပြပေမယ့် စောင်းကျသွားတဲ့ ခေါင်းလုံးလုံးလေးကြောင့် ဦးစိုင်း ဟက်ခနဲရယ်မိလိုက်တယ်...။ ကားကိုလမ်းဘေးနားခနရပ်လိုက်ပြီး ထိုင်ခုံနောက်မှာချိန်ထားတဲ့ စောင်အသေးလေးကို နှောင်းရဲ့ ရင်ဘက်ပေါ်လွှမ်းခြုံပေးပြီး ခေါင်းလုံးလုံးလေးကို ပွတ်သပ်ပေးလိုက်တော့ ကျေနပ်သွားသယောင်ညည်းတွားသံသဲ့သဲ့က ချစ်ရသူ၏နှုတ်ဖျားမှထွက်လာတော့သည် ။ ဦးစိုင်းလဲ နေရာမှပြန်ဝင်ထိုင်လိုက်ပြီး ကျောက်စိမ်းမြေဖားကန့်ဆီသို့ ဆက်လက်ခရးနှင်တော့တယ် ။
* ဘယ်အချိန်မှာပဲ ကြည့်လိုက်ပါစေ
ဒီလောက်တောင်ချစ်မိစေတာ
ကိုယ့်ကိုဘယ်လိုများပြုစားပါလိမ့် နတ်သားငယ်ရယ် *
* မနောမြေအား သက်သေတည်လျက် *
ရေးပြီးပြီးချင်းကိုပဲ တင်ပေးလိုက်ပါပြီရှင့် ")
#vote and comment ><
TBC~~